29
Wednesday
June 2022

29
Wednesday
June 2022

വാർത്ത

ചെറിയ കുമ്പളത്ത് സംഘർഷം: ക്രിമിനൽ സംഘത്തെ നാട്ടുകാർ ബന്ധിയാക്കി, അഞ്ച് പേർ പൊലീസ് പിടിയിൽ

22nd of June 2022

കുറ്റ്യാടി : ചെറിയ കുമ്പളത്ത് കഞ്ചാവ് - മയക്ക് മരുന്ന് ക്രിമിനൽ സംഘങ്ങൾ ഏറ്റുമുട്ടി. അഞ്ച് അംഗ സംഘത്തെ നാട്ടുകാർ ബന്ധിയാക്കി.
സംഘം തമ്പടിച്ച ലോഡ്ജ് കെട്ടിടത്തിൽ പൊലീസ് പരിശോധന നടത്തി. ഇന്ന് വൈകിട്ട് ആറോടെയാണ് സംഘർഷമുണ്ടായത് .
ചെറിയ കുമ്പളത്തെ എ എം മോട്ടോഴ്സ് കാർ ഷോറൂമിന് മുൻവശത്തെ ലോഡ്ജിൽ താമസിക്കുന്ന ക്രിമിനൽ കേസ് പ്രതിയും പാലക്കാട് സ്വദേശിയും ജയിലിൽ വെച്ച് പരിചയപ്പെട്ട മലപ്പുറം സ്വദേശികളായ മൂന്നു പേരുമായാണ് ഏറ്റുമുട്ടിയത്.
ലോഡ്ജിൽ ഇന്ന് ഉച്ചയോടെ എത്തിയ മൂന്നംഗ സംഘവുമായി വാക്ക് തർക്കമുണ്ടായി . ഇതിനിടയിൽ പുറത്ത് നിന്നെത്തിയവർ ലോഡ്ജിൽ താമസിക്കുന്നവർക്ക് നേരെ കത്തി വീശി. ബഹളം കേട്ട് എത്തിയ നാട്ടുകാർക്ക് നേരെയും അക്രമ ശ്രമമുണ്ടായി. ബൈക്കിൽ സംഘം കടന്ന് കളഞ്ഞു. പലേരിവെച്ച് ഇവരെ നാട്ടുകാർ പിന്തുടർന്ന് പിടികൂടി പൊലീസിൽ ഏൽപ്പിച്ചു.

Related UPdates