നാദാപുരം: പെരിങ്ങത്തൂരിലെ യൂത്ത് ലീഗ് പ്രവർത്തകൻ മൻസൂറിന്റെ കൊലപാതകത്തിലെ രണ്ടാം പ്രതി രതീഷിന്റെ മരണത്തിൽ ദുരൂഹത. കഴിഞ്ഞ ദിവസമാണ് രതീഷിനെ വളയം പോലീസ് സ്റ്റേഷൻ പരിധിയിൽ തൂങ്ങി മരിച്ച നിലയിൽ കണ്ടെത്തിയത്. റൂറൽ പോലീസ് സൂപ്രണ്ട് ശ്രീനിവാസ് ഐ.പി.എസിന്റെ നേതൃത്വത്തിൽ ഫോറൻസിക് ഉദ്യോഗസ്ഥരും പോലീസ് സംഘവും സംഭവ സ്ഥലത്ത് വിശദമായ പരിശോധന നടത്തി. മണിക്കൂറുകൾ നീണ്ട പരിശോധനക്കൊടുവിൽ മാധ്യമങ്ങളോട് പ്രതികരിക്കാതെ സംഘം മടങ്ങി.

നാദാപുരം: ദുരൂഹ സാഹചര്യത്തിൽ മരിച്ച പത്താം ക്ലാസ് വിദ്യാർഥിയെ കഴുത്തു ഞെരിക്കുന്ന വിവാദ വീഡിയോ ദൃശ്യത്തിലെ സഹോദരനെ പൊലിസ് നിർദ്ദേശത്തെ തുടർന്ന് ഗൾഫിൽ നിന്ന് നാട്ടിൽ തിരികെയെത്തിച്ചു. നാദാപുരത്തെ ടാക്സി ഡ്രൈവർ നരിക്കാട്ടേരിലെ അശറഫിന്റെ മകൻ അബ്ദുൾ അസീസിന്റെ ദുരൂഹ മരണത്തിന്റെ ചുരുളഴിക്കാനാണ് കോഴിക്കോട് റൂറൽ ജില്ലാ പൊലീസ് മേധാവി ശ്രീനിവാസ് ഐ.പി.എസിന്റെ നേതൃത്വത്തിൽ സമഗ്ര അന്വേഷണം നടത്തുന്നത്. അസീസിനെ ജേഷ്ട സഹോദരൻ സഫ്വാൻ മർദ്ദിക്കുന്നതും കഴുത്ത് ഞെരിക്കുന്നതുമായ വീഡിയോ ദൃശ്യം സഹോദരിയാണ് മൊബൈലിൽ പകർത്തിയതെന്ന് പൊലീസിന് വിവരം ലഭിച്ചു. ഇതിൽ രണ്ട് വീഡിയോ ദൃശ്യങ്ങളാണ് മരണത്തിന് പത്ത് മാസങ്ങൾക്ക് ശേഷം ഇപ്പോൾ സോഷ്യൽ മീഡിയ വഴി പുറത്ത് വന്നത്. കഴിഞ്ഞ മാസമാണ് സഫ്വാൻ യു.എ.ഇലേക്ക് പോയത്. ഇതിന് ശേഷമാണ് വീഡിയോ പുറത്തായത്. നാട്ടിലെത്തിയ സഫ്വാൻ ഇപ്പോൾ പൊലിസ് നിരീക്ഷണത്തിൽ  ക്വാറന്റൈനിൽ കഴിയുകയാണ്.

വീഡിയോ പകർത്തിയതായി പറയുന്ന മൊബൈൽ ഫോൺ ക്രൈം ബ്രാഞ്ച് അന്വേഷണ സംഘം കസ്റ്റഡിയിലെടുത്ത് ഫോറൻസിക്ക് പരിശോധനക്ക് അയച്ചിട്ടുണ്ട്.

രണ്ട് ദിവസത്തിനകം 19 കാരനായ സഫ്വാനെ ക്രൈംബ്രാഞ്ച് ചോദ്യം ചെയ്യും. ഇതിനിടെ മരണം നടന്ന വീട്ടിൽ എസ്.പി ഇന്നലെ നേരിട്ടെത്തി. ബന്ധുക്കളിൽ നിന്നും അയൽ വാസികളിൽ നിന്നും കേസ് അന്വേഷിക്കുന്ന ക്രൈംബ്രാഞ്ച് സംഘം മൊഴിയെടുത്തു.

2020 മെയ് 17ന് നടന്ന അസീസിന്റെ മരണത്തിൽ ദുരൂഹത ആരോപിച്ച് അന്ന് തന്നെ നാട്ടുകാർ രംഗത്ത് വന്നിരുന്നു. 

നാദാപുരം: ഇരിങ്ങണ്ണൂരിൽ സൂപ്പർമാർക്കറ്റ്  അഗ്നിക്കിരയാക്കിയ കേസിൽ ഒരാൾ കൂടി അറസ്റ്റിൽ. ഇരിങ്ങണ്ണൂർ തച്ചോളിക്കുനിയിൽ അഷ്റഫ് (40) ആണ് അറസ്റ്റിലായത്.  കഴിഞ്ഞ ദിവസം കച്ചേരി പുതുക്കൽ താഴെകുനി ഷൈജു (37) വിനെ അറസ്റ്റ് ചെയ്തിരുന്നു. ഇതോടെ കേസിൽ അറസ്റ്റിലായവരുടെ എണ്ണം രണ്ടായി.   യു.ഡി.എഫ്. നാദപുരം മണ്ഡലം സ്ഥാനാർഥി കെ. പ്രവീൺകുമാറിന്റെ ബൂത്ത് ഏജന്റായി പ്രവർത്തിച്ച മുസ്‌ലിംലീഗ് പ്രവർത്തകൻ ഇ.കെ അബൂബക്കർ ഹാജിയുടെ ഫാമിലി സൂപ്പർ മാർക്കറ്റാണ് തീയിട്ടത്. ബൈക്കിലെത്തിയ രണ്ടുപേർ തീവെപ്പിനുശേഷം ഇരിങ്ങണ്ണൂർ ഭാഗത്തേക്ക് ഓടിച്ചുപോയതായി നാട്ടുകാർ പറഞ്ഞു.
ഇരിങ്ങണ്ണൂർ - എടച്ചേരി റോഡിൽ എടക്കുടിപള്ളിക്ക് സമീപം പ്രവർത്തിക്കുന്ന ഫാമിലി സൂപ്പർമാർക്കറ്റ് ബുധനാഴ്ച അർധരാത്രി പന്ത്രണ്ടരയോടെയാണ് അക്രമികൾ പെട്രോളൊഴിച്ച് തീവെച്ച് നശിപ്പിച്ചത്. തീപിടിച്ചതോടെ സൂപ്പർമാർക്കറ്റിലെ ഫ്രിഡ്ജും ശീതളപാനീയ ബോട്ടിലുകളും പൊട്ടിത്തെറിച്ച ശബ്ദംകേട്ടാണ് സമീപവാസികൾ സംഭവം അറിഞ്ഞത്. നാട്ടുകാരും ചേലക്കാട്ടുനിന്നുള്ള അഗ്നിരക്ഷാസംഘവും ചേർന്ന് ഏറെ പണിപ്പെട്ടാണ് തീയണച്ചത്.

നാദാപുരം : ഇരിങ്ങണ്ണൂരിൽ സൂപ്പർമാർക്കറ്റ് അഗ്നിക്കിരയാക്കിയ യുവാവ് അറസ്റ്റിൽ . നിരവധി മോഷണക്കേസിലും കഞ്ചാവ് കേസിലും പ്രതിയായ കച്ചേരി പുതുക്കൽ താഴെ കുനി ഷൈജു (37) ആണ് അറസ്റ്റിലായത്. യു.ഡി.എഫ്. നാദപുരം മണ്ഡലം സ്ഥാനാർഥി കെ. പ്രവീൺകുമാറിന്റെ ബൂത്ത് ഏജന്റായി പ്രവർത്തിച്ച മുസ്‌ലിംലീഗ് പ്രവർത്തകൻ ഇ കെ അബൂബക്കർ ഹാജിയുടെ  സൂപ്പർമാർക്കറ്റാണ് കഴിഞ്ഞ ദിവസം അർധരാത്രി അഗ്നിക്കിരയാക്കിയത്.
ബൈക്കിലെത്തിയ രണ്ടുപേർ തീവെപ്പിനുശേഷം ഇരിങ്ങണ്ണൂർ ഭാഗത്തേക്ക് ഓടിച്ചുപോയതായി നാട്ടുകാർ പറഞ്ഞിരുന്നു. തീപിടിച്ചതോടെ സൂപ്പർമാർക്കറ്റിലെ ഫ്രിഡ്ജും ശീതളപാനീയ ബോട്ടിലു കളും പൊട്ടിത്തെറിച്ച ശബ്ദംകേട്ടാണ് സമീപവാസികൾ സംഭവം അറിഞ്ഞത്.
നാട്ടുകാരും ചേലക്കാട്ടുനിന്നുള്ള അഗ്നിരക്ഷാസംഘവും ചേർന്ന് ഏറെ പണിപ്പെട്ടാണ് തീയണച്ചത്. സൂപ്പർമാർക്കറ്റിനകത്തും പുറത്തുമായി സൂക്ഷിച്ച സാധനങ്ങളെല്ലാം കത്തി|നശിച്ചു. ഏതാണ്ട് എട്ടുലക്ഷം രൂപയുടെ നാശനഷ്ടമുണ്ടായതായി കണക്കാക്കുന്നു.ഇരട്ടവോട്ട് പ്രശ്നത്തിൽ ഏറെ വിവാദമായ മൂരിപ്പാറ ബൂത്തിലെ യു.ഡി.എഫിന്റെ ഏജന്റായിരുന്നു ലീഗ് പ്രവർത്തകനായ അബൂബക്കർഹാജി.

നാദാപുരം:കക്കംവള്ളി യിൽ പഴയ വീട് പൊളിച്ചു മാറ്റുന്നതിനിടെ കോൺക്രീറ്റ് പാളികൾ അടർന്നു വീണു ഇതര സംസ്ഥാന തൊഴിലാളിക്ക്  സാരമായി പരിക്കേറ്റു.  ദാറുൽ ഹുദാ മസ്ജിദ് പരിസരത്ത് കരിച്ചേരി മൊയ്തുഹാജിയുടെ  ഉടമസ്ഥതയിലുള്ള വീട് പൊളിച്ചു മാറ്റുന്നതിനിടെ യാണ് വീടിൻറെ മേൽ ഭാഗത്തുനിന്ന് കോൺക്രീറ്റ് പാളികൾ അടർന്നു വീണത്. ലക്നോ സ്വദേശിയായ നിസാമുദ്ദീൻ എന്ന തൊഴിലാളിക്കാണ് പരിക്ക്. ഇദ്ദേഹത്തിൻറെ രണ്ട് കാലുകളും കോൺക്രീറ്റ് പാളികൾക്കുള്ളിൽ കുടുങ്ങി. വിവരമറിഞ്ഞ് ചേലക്കാട് നിന്ന്  എത്തിയ ഫയർ ആന്റ്  റെസ്ക്യൂ ടീം കോൺക്രീറ്റ് പാളികൾ നീക്കി ഇദ്ദേഹത്തെ പുറത്തെടുക്കുകയായിരുന്നു . തുടർന്ന് വടകര ജില്ലാ ആശുപത്രിയിലേക്ക് കൊണ്ടുപോയി.

നാദാപുരം; ഇരിങ്ങണ്ണൂരിൽ  സൂപ്പർ മാർക്കറ്റ് കത്തിച്ചു. യുഡി എഫ് സ്ഥാനാർഥി അഡ്വ. കെ പ്രവീൺ കുമാറിന്റെ ബൂത്ത് ഏജന്റായി  പ്രവർത്തിച്ച മുസ്ലിം ലീഗ് പ്രവർത്തകൻ എടക്കുടി അബൂബക്കറിന്റെ ഉടമസ്ഥതയിൽ  ഇരിങ്ങണ്ണൂർ - എടച്ചേരി റോഡിൽ പ്രവർത്തിക്കുന്ന  ഫാമിലി സൂപ്പർ മാർക്കറ്റാണ് അഗ്നിക്കിരയാക്കിയത്. ബുധനാഴ്ച അർധ രാത്രിയാണ് സംഭവം. സൂപ്പർ മാർക്കറ്റിൽ നിന്ന് തീ ആളി  പടരുന്നത് കണ്ട പരിസര വാസിയായ യുവാവ്  വിവരം അറിയിച്ചതിനെ തുടർന്ന് കടയുടമയും നാട്ടുകാരും സ്ഥലത്ത് എത്തുകയും ഇവർ പോലീസിനെയും   അഗ്നിശമന സേനയെയും വിവരം അറിയിക്കുക യുമായിരുന്നു. നാദാപുരം പൊലീസും ചേലക്കാട് നിന്ന് അഗ്നിശമന സേനയും ഉടൻ സ്ഥലത്ത് എത്തി തീയണച്ചു. അപ്പോഴേക്കും സൂപ്പർ മാർക്കറ്റിനുള്ളിലെ സാധന സാമഗ്രികളും ഫർണീച്ചർ, ഫ്രിഡ്ജ് തുടങ്ങിയവയും കത്തി ചാമ്പലായിരുന്നു. പെട്രോൾ ഒഴിച്ച് തീ കൊടുത്തതാണെന്ന് പോലീസിന്റെ പരിശോധനയിൽ വ്യക്തമായിട്ടുണ്ട്. എട്ടു ലക്ഷം രൂപയുടെ നഷ്ടമാണ് കണക്കാക്കുന്നത്.

പെരിങ്ങത്തൂർ:  കൊല്ലപ്പെട്ട മുസ്ലിം ലീഗ് പ്രവർത്തകൻ മൻസൂറിന്റെ മൃതദേഹം പൊതുദർശനത്തിന് വെച്ച  പെരിങ്ങത്തൂരിൽ സി.പി.എം ഓഫീസുകൾക്ക് തീയിട്ടു. . പെരിങ്ങത്തൂർ ലോക്കൽ കമ്മിറ്റി ഓഫീസാണ്  തീവച്ച് നശിപ്പിച്ചത്. 
പാനൂർ ടൗൺ ബ്രാഞ്ച് കമ്മിറ്റി ഓഫീസും ആച്ചിമുക്ക് ബ്രാഞ്ച് കമ്മിറ്റി ഓഫീസും അഗ്നിക്കിരയാക്കി.
കടവത്തൂർ സി.പി.ഐ (എം)ബ്രാഞ്ച് ഓഫീസായ ഗംഗാധരൻ നമ്പ്യാർ സ്മാരക മന്ദിരം ബോംബെറിഞ്ഞ ശേഷം തീയിട്ടു. കൺസ്യൂർ &  നീതി സ്റ്റോർ  തകർത്ത് സാധനങ്ങൾ റോഡിലിട്ട് കത്തിച്ചു. എൻ.കെ. അനിരുദ്ധന്റെ വീടിന്റെ സിറ്റൗട്ട് ഗ്ലാസ് എറിഞ്ഞു തകർത്ത സംഘം കടവത്തൂർ ടൗണിലെ കൂത്തുപറമ്പ്
രക്തസാക്ഷി സ്മാരക ബസ് ഷെൽട്ടറും തകർത്തു.

 നാദാപുരം:  നിയമസഭാ തിരഞ്ഞെടുപ്പ് കഴിഞ്ഞ തിന് പിന്നാലെ സാധ്യത പ്രവചനവുമായി മാധ്യമ പ്രവർത്തകൻ രംഗത്ത്. കേരളത്തിലെ മുതിർന്ന മാധ്യമ പ്രവർത്തകൻ പി വി അരവിന്ദ് തയ്യാറാക്കിയ സാധ്യത പ്രവചനം ദി പൊളിറ്റിക്കൽ എഡിറ്റർ ഡോട്ട് കോം ഇന്ന് പുറത്തു വിട്ടു. കേരളത്തിലെ 140 നിയോജക മണ്ഡല ങ്ങളിലും രാഷ്ട്രീയ നിരീക്ഷകരുമായും മാധ്യമപ്രവർത്തകരുമായും സാധാരണക്കാരു മായും ആശയവിനിമയം നടത്തി തയ്യാറാക്കിയ താണ് ഇത്. കേരളത്തിൽ യു.ഡി.എഫ് ഭരണം പിടിക്കും എന്നാണ് പ്രവചനത്തിൽ പറയുന്നത്. നാദാപുരവും വടകരയും ഉൾപ്പെടെ കോഴിക്കോട് ജില്ലയിൽ ആറ് നിയോജക മണ്ഡലങ്ങളിൽ യു.ഡി.എഫിന് വിജയിക്കാനാകും. കൊടുവള്ളി, കോഴിക്കോട് സൗത്ത്, തിരുവമ്പാടി, കൊയിലാണ്ടി എന്നീ നിയോജക മണ്ഡലങ്ങൾ ആണ് യു.ഡി.എഫിന് ജയസാധ്യതയുള്ള മറ്റ് മണ്ഡലങ്ങൾ. കുറ്റ്യാടി യിലും പേരാമ്പ്രയിലും കുന്ദമംഗലത്തും ബലാ ബലമാണ്. ജില്ലയിലെ മറ്റു നിയോജകമണ്ഡലങ്ങളിൽ എൽ.ഡി.എഫ് വിജയിക്കും. 140 മണ്ഡലങ്ങളിലും വിജയസാധ്യത ഇതിൽ പ്രവചിക്കുന്നുണ്ട് .

പാനൂർ:  ഇന്നലെ നടന്ന ആക്രമണത്തിൽ  കൊല്ലപ്പെട്ട  മുസ്ലിം ലീഗ് പ്രവർത്തകൻ പുല്ലൂക്കര പാറാൽ സ്വദേശി മൻസൂറിന്റെ മൃതദേഹം ഇന്ന് വൈകീട്ട് 5 ന് പെരിങ്ങത്തുർ എൻ എ എം ഹയർ സെക്കണ്ടറി സ്കൂൾ ഗ്രൗണ്ടിൽ പൊതു ദർശനത്തിന് വെക്കും. 
അവിടെ വെച്ചു തന്നെ മയ്യിത്ത് നിസ്കാരവും നടക്കും. വോട്ടെടുപ്പുമായി ബന്ധപ്പെട്ട് ഇന്നലെ ഉച്ചയോടെ ഉണ്ടായ  സംഘർഷത്തിന്റെ   തുടർച്ചയായാണ്  രാത്രിയോടെ സി പി എം  ആക്രമണമുണ്ടായത്. പാനൂരിന് അടുത്ത് കടവത്തൂർ മുക്കിൽ പീടികയിലാണ് ആക്രമണം നടന്നത്. ബോംബ് എറിഞ്ഞ് ഭീതിപടർത്തിയ ശേഷം  മൻസൂറിനെയും സുഹൃത്തായ മുഹ്സിനെയും വെട്ടുകയായിരുന്നു. ഗുരുതരമായി പരുക്കേറ്റ ഇരുവരേയും ആശുപത്രിയിൽ പ്രവേശിപ്പിച്ചു. ഇന്ന് പുലർച്ചയോടെ മൻസൂർ മരിക്കുകയായിരുന്നു. മുഹ്‌സിൻ ആശുപത്രിയിൽ ചികിത്സയിലാണ്. സംഭവത്തിൽ ഒരാളെ പൊലീസ് കസ്റ്റഡിയിൽ എടുത്തിട്ടുണ്ട് .

നാദാപുരം:  നിയോജക മണ്ഡലത്തിൽ ഇടതു മുന്നണി സ്ഥാനാർത്ഥി വിജയം ആവർത്തി ക്കുമെന്ന് എൽ.ഡി.എഫ് നേതാക്കൾ. എന്നാൽ നാദാപുരം മണ്ഡലത്തിൽ ഇത്തവണ ചരിത്രം തിരുത്തുമെന്ന് യു.ഡി.എഫ് നേതാക്കളും പറഞ്ഞു. വോട്ടെടുപ്പിന്റെ പ്രാഥമിക അവലോക നങ്ങൾക്ക് ശേഷം മീഡിയ വിഷനോട്  പ്രതികരി ക്കുകയായിരുന്നു നേതാക്കൾ. ഇ കെ വിജയൻ എം.എൽ.എ മണ്ഡലത്തിന്റെ  വികസനകാര്യത്തിൽ ഏറെ താൽപര്യം കാണിച്ചിട്ടുണ്ടെന്നും ഇത് വോട്ടായി മാറും എന്ന് തന്നെയാണ് പ്രതീക്ഷിക്കുന്നതെന്നും  ഇടതു നേതാക്കൾ പറയുന്നു. എന്നാൽ,  വികസന മുരടിപ്പിന് എതിരായ വിധിയെഴുത്താണ് ഈ തെരഞ്ഞെടുപ്പിൽ ഉണ്ടായിട്ടുള്ളതെന്നും ജനങ്ങൾ നാദാപുരത്ത് മാറ്റം ആഗ്രഹിക്കുന്നു ണ്ടെന്നും  യു.ഡി.എഫ് നേതാക്കളും വ്യക്തമാക്കി.

നാദാപുരം: നിയോജക മണ്ഡലത്തിലെ തെരുവംപറമ്പ് എൽ.പി സ്കൂളിലെ ബൂത്ത് നമ്പർ 167ൽ പോളിങ് അവസാനിച്ചത് രാത്രി 9.15ന്. വൈകീട്ട് 7 മണിക്ക് പോളിങ് സമയം അവസാനിക്കുമ്പോൾ 131 പേർ വരിയിൽ ഉണ്ടായിരുന്നു. 
രാവിലെ വോട്ടിങ് മെഷീൻ തകരാറിലായതിനെ തുടർന്ന് വോട്ടെടുപ്പ് ആരംഭിക്കാൻ വൈകിയിരുന്നു.
വോട്ടിംഗ് മെഷീനിൽ വോട്ട് പതിയാത്തതുകാരണം  അരമണിക്കൂർ വോട്ടെടുപ്പ് മടങ്ങുകയും ചെയ്തു. വോട്ട് ചെയ്തയാൾ  വോട്ടെടുപ്പ് പൂർത്തിയാകാതെ പോയതോടെ ഉദ്യോഗസ്ഥരും ഏജൻറ് മാരും വെട്ടിലാവുകയായിരുന്നു.  പിന്നീട് ഇവരെ കണ്ടെത്തി ബൂത്തിലെത്തി മെഷീൻ പ്രവർത്തനം സാധാരണഗതിയിൽ ആക്കിയതിന് ശേഷമാണ് വോട്ടെടുപ്പ് തുടർന്നത് . 
ഇതേ തുടർന്നാണ് പോളിംഗ് അവസാനിക്കാൻ വൈകിയത്. 
ആറുമണി കഴിഞ്ഞ ശേഷം വോട്ടുചെയ്യാനായി കാത്തുനിൽക്കുന്നവർക്ക്  ടോക്കൺ കൊടുത്ത ശേഷം ഗേറ്റ് അടച്ചു. 

വാണിമേൽ: വാണിമേൽ എം.യു.പി സ്കൂളിലെ ബൂത്ത് 85 ൽ പ്രിസൈഡിങ് ഓഫിസർ പുറത്ത് പോയതിനെ ചൊല്ലി ബഹളം. ഇന്ന് രാവിലെ മുതൽ തന്നെ ഇവിടെ ചെറിയ അസ്വാരസ്യം ഉണ്ടായിരുന്നു. ഓഫിസർ പക്ഷപാതപരമായി പ്രവർത്തിക്കുന്നെന്ന് യു.ഡി.എഫ് ആരോപിച്ചു. 

വാണിമേൽ: വി.വി പാറ്റ് മെഷീൻ തകരാറിലായതോടെ വെള്ളിയോട് ഗവ. ഹയർ സെക്കൻഡറി സ്കൂളിലെ വോട്ടെടുപ്പ് മുടങ്ങി. ബൂത്ത് നമ്പർ 78 ലാണ് വൈകിട്ട് 3.30 ഓടെ മെഷീൻ തകരാറിലായത്. 
നിയോജക മണ്ഡലം തെരഞ്ഞെടുപ്പ് ഒബ്സർവേർ പദ്മിനി സിംഗ്ല സ്ഥലത്തെത്തി. മെഷീൻ പ്രവർത്ഥനക്ഷമാക്കാനുള്ള പ്രയത്നം ആരംഭിച്ചു.

നാദാപുരം: തെരുംവപറമ്പിൽ 167 നമ്പർ ബൂത്തിൽ വോട്ടിംഗ് മെഷീനിൽ വോട്ട് പതിഞ്ഞില്ല . ഇതേതുടർന്ന് അരമണിക്കൂർ വോട്ടെടുപ്പ് മുടങ്ങി.
വോട്ട് ചെയ്തയാൾ  വോട്ടെടുപ്പ് പൂർത്തിയാക്കാതെ പോയതോടെയാണ് ഉദ്യോഗസ്ഥരും ഏജൻറ്മാരും വെട്ടിലായത്. പിന്നീട് ഇവരെ കണ്ടെത്തി ബൂത്തിലെത്തി മെഷീൻ പ്രവർത്തനം സാധാരണഗതിയിൽ ആക്കിയതിന് ശേഷമാണ് വോട്ടെടുപ്പ് തുടർന്നത്. അരമണിക്കൂർ നേരം വോട്ടെടുപ്പ് മുടങ്ങി.

നാദാപുരം: കച്ചേരി അഞ്ചാം നമ്പറ് ബൂത്തില് യു ഡി എഫ് നാദാപുരം സ്ഥാനാറ്ത്ഥി അഡ്വ.കെ പ്രവീണ് കുമാറിനെ തടയാന് ശ്രമം. ബൂത്ത് സന്ദർശനത്തിനെത്തിയ സ്ഥാനാർത്ഥിയെ സി പി എമ്മുകാരാണ് തടയാൻ ശ്രമിച്ചത്. സ്ഥാനാർത്ഥിയുടെ സംയമനമായ ഇടപെടൽ പ്രശ്നം പരിഹരിക്കുന്നതിന് കാരണമായി. 

ബൂത്ത് സന്ദർശനവേളയിൽ സ്ഥാനാർത്ഥിയുടെ കൂടെ യുഡിഎഫ് പ്രവർത്തകരായ സിവിഎം വാണിമേൽ , അഡ്വ. കെ.എം രഘുനാഥ് തുടങ്ങിയവർ ഉണ്ടായിരുന്നു.

നാദാപുരം: നിയമസഭാ തെരഞ്ഞെടുപ്പിൽ നാദാപുരം നിയോജക മണ്ഡലത്തിലെ 180 നമ്പർ ബൂത്തിൽ വോട്ടെടുപ്പ് ഒരു മണിക്കൂർ വൈകി. ബൂത്തിലെത്തിച്ച മെഷീൻ മോക് പോളിംഗിൽ തകരാറിലായതിനെ തുടർന്ന് രണ്ടാമത് മെഷീൻ എത്തിച്ചാണ് പോളിംഗ് ആരംഭിച്ചത്. 
ഇവിടെ രാവിലെ മുതൽ കനത്ത പോളിങ് രേഖപ്പെടുത്തി.
സമസ്ത ട്രഷറർ ചേലക്കാട് മുഹമ്മദ് മുസ്‌ലിയാർ ഈ ബൂത്തിൽ വോട്ട് രേഖപ്പെടുത്തി.

നാദാപുരം: വയലിൽ സ്കൂളിൽ വോട്ടിംഗ്  യന്ത്രം പണിമുടക്കി.  വോട്ടെടുപ്പ് തുടങ്ങാൻ ഒന്നരമണിക്കൂർ വൈകി. നാദാപുരം നിയോജക മണ്ഡലത്തിലെ  166  നമ്പർ ബൂത്താണിത്.

നരിപ്പറ്റ ആർ.എൻ.എം ഹയർ സെക്കണ്ടറി സ്കൂളിലെ 99 നമ്പർ ബൂത്തിലേക്ക് കൊണ്ട് വന്ന മെഷീൻ തകരാറിലായതിനെ തുടർന്ന് വോട്ടെടുപ്പ് മുക്കാൽ മണിക്കൂർ വൈകി.

പാറക്കടവ്: ഇലക്ട്രോണിക് വോട്ടിങ് മെഷീൻ തകരാരായതോടെ പാറക്കടവ് ബൂത്ത് 44ൽ വോട്ടെടുപ്പ് ഒരു മണിക്കൂർ വൈകി. മോക് പോളിംഗ് സമയത്താണ് മെഷീൻ പണിമുടക്കിയത്. പിന്നീട് വേറെ മെഷീൻ എത്തിച്ച് വോട്ടെടുപ്പ് പുനരാരംഭിച്ചു.

നാദാപുരം: നിയോജക മണ്ഡലത്തിൽ ഇരട്ട വോട്ട് വിവാദത്തിൽ വാദി പ്രതിയാകുന്ന അവസ്ഥ സംജാതമായതായി ഇ.കെ വിജയൻ എം.എൽ.എ വാർത്താസമ്മേളനത്തിൽ പറഞ്ഞു. പ്രതിപക്ഷ നേതാവ് രമേശ് ചെന്നിത്തല പുറത്തുവിട്ട ഇരട്ട വോട്ട് ലിസ്റ്റിൽ മഹാഭൂരിപക്ഷവും യു.ഡി.എഫ് പ്രവർത്തകരോ അനുഭാവികളോ ആണെന്നും ഇരട്ട വോട്ടിംഗ് ലിസ്റ്റ് പ്രസിദ്ധീകരിച്ചതോടെ യു.ഡി.എഫ് ഇരുട്ടിൽ തപ്പുകയാണെന്നും കല്ലാച്ചിയിൽ വിളിച്ചുചേർത്ത വാർത്താ സമ്മേളനത്തിൽ അദ്ദേഹം വ്യക്തമാക്കി. മണ്ഡലത്തിലെ വിവിധ പഞ്ചായത്തുകളിലായി ആയിരത്തിലേറെ ഇരട്ട വോട്ടുകൾ യു.ഡി.എഫിന്റെതായി നിലവിലുണ്ട്. വർഷങ്ങൾക്കുമുമ്പ് വീട് മാറി പോയവർക്കും കല്യാണം കഴിഞ്ഞ് ഭർത്തൃഗൃഹത്തിൽ സ്ഥിരമായി താമസിക്കുന്നവർക്കും രണ്ടിടത്ത് വോട്ടുകൾ ഉണ്ട്. നിരവധി ബൂത്തുകളിൽ അനർഹരായ വോട്ടർമാരെ നീക്കംചെയ്യാൻ യു.ഡി.എഫുകാർ ആയ ബി.എൽ.ഒമാർ തയ്യാറാകാത്തതിനെ തുടർന്നാണ് ഇപ്പോഴും ഇരട്ട വോട്ടുകൾ പട്ടികയിൽ ഇടംപിടിച്ച നിൽക്കുന്നത്. ഇത്തരം പ്രവണതകളെ സംബന്ധിച്ച് കൃത്യമായ വിവരങ്ങൾ ശേഖരിച്ച് ഇതിനകം അധികൃതർക്ക് പരാതി സമർപ്പിച്ചിട്ടുണ്ട്. എല്ലാ വ്യവസ്ഥകളും ലംഘിച്ച് വോട്ടർപട്ടികയിൽ ഇരട്ട വോട്ടുകൾ നിലനിർത്തിയ ബി.എൽ.ഒമാർക്കെതിരെ നിയമനടപടികൾ സ്വീകരിക്കണമെന്നും വാർത്താസമ്മേളനത്തിൽ ആവശ്യപ്പെട്ടു. നാദാപുരം നിയോജകമണ്ഡലം ഇത്തവണ ഇടതുമുന്നണി നിലനിർത്തുമെന്നും ഇ.കെ വിജയൻ ചരിത്ര ഭൂരിപക്ഷം നേടുമെന്നും എൽ.ഡി.എഫ് നേതാക്കൾ പറഞ്ഞു നിയോജക മണ്ഡലം എൽ.ഡി.എഫ് കൺവീനർ വി.പി കുഞ്ഞികൃഷ്ണൻ, തെരഞ്ഞെടുപ്പ് കമ്മിറ്റി ഭാരവാഹികളായ പി.പി ചാത്തു, അഡ്വ. പി. ഗവാസ്, പി.കെ രാജൻ, കരിമ്പിൽ ദിവാകരൻ, പി.എം നാണു, കെ.ജി ലത്തീഫ് എന്നിവർ വാർത്താസമ്മേളനത്തിൽ പങ്കെടുത്തു.

നാദാപുരം; തെരഞ്ഞെടുപ്പ് സമാധാനപരമാക്കാൻ നാദാപുരത്ത് കനത്ത സുരക്ഷാ ക്രമീകരണം. പ്രചാരണം അവസാനിക്കുന്ന ഇന്ന് നിയോജക മണ്ഡലത്തിലെ അങ്ങാടികളിൽ  കൊട്ടിക്കലാശം പൂർണമായി ഒഴിവാക്കാൻ തീരുമാനിച്ചതായി ഡി വൈ എസ്  പി അറിയിച്ചു. വിവിധ രാഷ്ട്രീയ പാർട്ടി നേതാക്കളുമായി ചർച്ച ചെയ്ത ശേഷമാണ് തീരുമാനം. ഇന്ന് വൈകിട്ട് അഞ്ചു വരെ മാത്രമേ അങ്ങാടികളിൽ മൈക്ക് പ്രചാരണം അനുവദിക്കുകയുളളൂ. എന്നാൽ ഉൾ പ്രദേശങ്ങളിൽ ഇത് ആറു മണിവരെയാണ്. ബൈക്ക് റാലിക്ക് കർശന നിരോധനം ഏർപ്പെടുത്തി. ബൈക്കിൽ കൊടികെട്ടി റാലി നടത്തുന്നവർക്കെതിരെ കർശന നിയമ നടപടികൾ സ്വീകരിക്കുമെന്നും ഡി വൈ എസ് പി മാധ്യമ പ്രവർത്തകരോട് പറഞ്ഞു.

നാദാപുരം : യുഡിഎഫ് സ്ഥാനാർഥികളുടെ പ്രചരണാർത്ഥം  രാഹുൽ ഗാന്ധി അല്പസമയത്തിനകം പുറമേരി രാജാസ് ഗ്രൗണ്ടിൽ ആയിരങ്ങളെ അഭിസംബോധ  ചെയ്യും. 12 മണിക്ക് വട്ടോളി നാഷണൽ ഹൈസ്കൂൾ ഗ്രൗണ്ടിൽ ഹെലികോപ്റ്ററിൽ ഇറങ്ങുന്ന രാഹുൽ ഗാന്ധി കാർ മാർഗമാണ് പുറമേരിയിൽ എത്തുന്നത്. പ്രവർത്തകർ പുറമേരി ഗ്രൗണ്ടിലേക്ക് ഒഴുകിയെത്തുകയാണ്.

നാദാപുരം : പത്താം ക്ലാസ് വിദ്യാർത്ഥിയെ  വീട്ടിനകത്ത് തൂങ്ങി മരിച്ച നിലയിൽ കണ്ട സംഭവം കൊലപാതകമെന്ന് തെളിയിക്കുന്ന വീഡിയോ പുറത്തായി. ഇതേ തുടർന്ന് നാട്ടുകാർ വീട് വളയുകയും വീട്ടുകാരെ പോലീസ് കസ്റ്റഡിയിലെടുക്കുകയും ചെയ്തു. സംഭവത്തിൽ പ്രതിഷേധിച്ച് പോലീസ് സ്റ്റേഷന് മുമ്പിൽ പാതിരാവിലും ശക്തമായ പ്രതിഷേധം നടക്കുകയാണ്.
പേരോട്  എം ഐ എം  ഹയർ സെക്കണ്ടറി സ്കൂൾ വിദ്യാർത്ഥിയും നാദാപുരത്തെ ടാക്സി ഡ്രൈവർ അഷ്റഫിന്റെ മകനുമായ നരിക്കാട്ടേരി കറ്റാരത്ത് അബ്ദുൽ അസീസിനെ ( 16)യാണ്  കഴിഞ്ഞ മെയ് മാസം  
17 ന് വീട്ടിനകത്ത് തുങ്ങി മരിച്ച നിലയിൽ  കണ്ടത് .  വീട്ടിലെ ചില പ്രശ്നങ്ങളാണ് മരണ കാരണമെന്നും 
അസീസ് തൂങ്ങി മരിച്ചതാകാൻ സാധ്യത ഇല്ലെന്നും ബന്ധുക്കളും നാട്ടുകാരും പറഞ്ഞിരുന്നു. രണ്ടാനമ്മയും അവരുടെ ബന്ധുക്കളും അസീസിനെ മനസികമായും ശാരീരികമായും പീഡിപ്പിച്ചിരുന്നുവെന്നും ഇവർ ആരോപിച്ചിരുന്നു . മരിച്ച ദിവസം അസീസിനെ ഇവർ മർദ്ദിച്ചെന്നും ആക്ഷേപമുയർന്നു . സംഭവത്തിലെ ദുരൂഹത അകറ്റാൻ സമഗ്രമായ അന്വേഷണം നടത്തി 
നിജസ്ഥിതി പുറത്തു കൊണ്ടു വരണമെന്ന് ആവശ്യപ്പെട്ട്  നാട്ടുകാർ കർമ സമിതിക്ക് രൂപം നൽകുകയുണ്ടായി . 
എന്നാൽ, വീട്ടുകാർ ഇത് നിഷേധിക്കുകയും പൊലീസ് അന്വേഷണം മരവിക്കുകയും ചെയ്ത തിനിടയിലാണ് ഇന്ന് വൈകിട്ട് അസീസിനെ സഹോദരൻ മർദ്ദിക്കുന്ന വീഡിയോ സോഷ്യൽ മീഡിയയിൽ പ്രചരിച്ചത്.

നാദാപുരം : പത്താം ക്ലാസ് വിദ്യാർത്ഥിയെ  വീട്ടിനകത്ത് തൂങ്ങി മരിച്ച നിലയിൽ കണ്ട സംഭവം കൊലപാതകമെന്ന് തെളിയിക്കുന്ന വീഡിയോ പുറത്തായി. ഇതേ തുടർന്ന് നാട്ടുകാർ വീട് വളഞ്ഞു.
പേരോട്  എം ഐ എം  ഹയർ സെക്കണ്ടറി സ്കൂൾ വിദ്യാർത്ഥിയും നാദാപുരത്തെ ടാക്സി ഡ്രൈവർ അഷ്റഫിന്റെ മകനുമായ നരിക്കാട്ടേരി കറ്റാരത്ത് അബ്ദുൽ അസീസിനെ ( 16)യാണ്  കഴിഞ്ഞ മെയ് മാസം  
17 ന് വീട്ടിനകത്ത് തുങ്ങി മരിച്ച നിലയിൽ  കണ്ടത് .  വീട്ടിലെ ചില പ്രശ്നങ്ങളാണ് മരണ കാരണമെന്നും 
അസീസ് തൂങ്ങി മരിച്ചതാകാൻ സാധ്യത ഇല്ലെന്നും ബന്ധുക്കളും നാട്ടുകാരും പറഞ്ഞിരുന്നു. രണ്ടാനമ്മയും അവരുടെ ബന്ധുക്കളും അസീസിനെ മനസികമായും ശാരീരികമായും പീഡിപ്പിച്ചിരുന്നുവെന്നും ഇവർ ആരോപിച്ചിരുന്നു . മരിച്ച ദിവസം അസീസിനെ ഇവർ മർദ്ദിച്ചെന്നും ആക്ഷേപമുയർന്നു . സംഭവത്തിലെ ദുരൂഹത അകറ്റാൻ സമഗ്രമായ അന്വേഷണം നടത്തി 
നിജസ്ഥിതി പുറത്തു കൊണ്ടു വരണമെന്ന് ആവശ്യപ്പെട്ട്  നാട്ടുകാർ കർമ സമിതിക്ക് രൂപം നൽകുകയുണ്ടായി . 
എന്നാൽ, വീട്ടുകാർ ഇത് നിഷേധിക്കുകയും പൊലീസ് അന്വേഷണം മരവിക്കുകയും ചെയ്ത തിനിടയിലാണ് ഇന്ന് വൈകിട്ട് അസീസിനെ സഹോദരൻ മർദ്ദിക്കുന്ന വീഡിയോ സോഷ്യൽ മീഡിയയിൽ പ്രചരിച്ചത്.

നാദാപുരം: നിയോജക മണ്ഡലം യു ഡി എഫ് സ്ഥാനാർത്ഥി അഡ്വ. കെ പ്രവീൺ കുമാറിന്റെ തെരഞ്ഞെടുപ്പ് പ്രചാരണ ത്തിന്റ ഭാഗമായി വിവിധ കേന്ദ്രങ്ങളിൽ നടന്ന കുടുംബ സംഗമങ്ങൾ ആവേശകരമായി. 
നരിപ്പറ്റയിൽ നടന്ന കുടുംബ സംഗമം നിയോജക മണ്ഡലം യു.ഡി.എഫ് കൺവീനർ അഡ്വ. എ  സജീവൻ ഉദ്ഘാടനം ചെയ്തു. പാലോൽ കുഞ്ഞമ്മദ് അധ്യക്ഷത വഹിച്ചു. ദുബൈ കെ.എം.സി.സി സംസ്ഥാന വൈസ് പ്രസിഡണ്ട് എൻ കെ  ഇബ്രാഹിം ,നാദാപുരം ഗ്രാമ പഞ്ചായത്ത് വൈസ് പ്രസിഡണ്ട് അഖില മരിയാട്ട്, വത്സല കുമാരി ടീച്ചർ, സി പി അസീസ് മാസ്റ്റർ ,ഇ കെ ഇബ്രാഹിം, എം കുഞ്ഞിക്കണ്ണൻ,  
ടി  മുഹമ്മദലി ,എൻ ഹമീദ് മാസ്റ്റർ  സഹദ് പാലോൽ, എ ഐ.സി.സി നിരീക്ഷ കരായ മുരളി ഷെട്ടി, സുനിത ഹുബ്ലി ,മല്ലേശ്വർ, വാർഡ് മെമ്പർ എം ലിബിയ ,വി കെ മുജീബ് എന്നിവർ സംസാരിച്ചു. വാണിമേൽ പഞ്ചായത്തിലെ കുയ്തേരി നടന്ന കുടുംബ സംഗമം തൂണേരി ഗ്രാമ പഞ്ചായത്ത് പ്രസിഡണ്ട് പി ഷാഹിന ഉദ്ഘാടനം ചെയ്തു. കെ കെ മജീദ് അധ്യക്ഷത വഹിച്ചു.
നിയോജക മണ്ഡലം യു.ഡി.എഫ് മീഡിയ കോഡിനേറ്റർ 
എം കെ അഷ്റഫ് , 
ഹാജറ സിറാജ് , കെ വി നൗഫൽ, റഷീദ് ഒന്തത്ത്, ടി .നഫീസ, സുഹ്റ തണ്ടാന്റവിട, തുടങ്ങിയവർ സംസാരിച്ചു. ചേരനാണ്ടി മുക്കിൽ നടന്ന  കുടുംബ സംഗമം  പഞ്ചായത്ത് മുസ്ലിം ലീഗ് ജനറൽ സെക്രട്ടറി അഷ്‌റഫ് കൊറ്റാല  ഉദ്ഘാടനം ചെയ്തു.   ഹാജറ സിറാജ് മുഖ്യ പ്രഭാഷണം നടത്തി. എം ടി ഹരിദാസൻ, സുഹറ തണ്ടാന്റവിട , മുനീർ ഒന്തത്ത്, കെ  ബാല കൃഷ്ണൻ എന്നിവർ പ്രസംഗിച്ചു. .വാർഡ് മെമ്പർ റംഷിദ് ചേരനാണ്ടി അധ്യക്ഷനായി.   മുനീറ കരിയാട്ട് സ്വാഗതവും ഹസീന ടീച്ചർ നന്ദിയും പറഞ്ഞു.

നാദാപുരം: എൽ.ഡി.വൈ.എഫ് നിയോജക മണ്ഡം കമ്മിറ്റി "മാർച്ച ഡില വിക്ടോറിയ " എന്ന പേരിൽ യുവജന മാർച്ച് സംഘടിപ്പിച്ചു. ചേലക്കാട് നിന്നും ആരംഭിച്ച വർണ്ണശഭളമായ യുവജനമാർച്ച് നാദാപുരത്ത് സമാപിച്ചു. മണ്ഡലത്തിൻ്റെ വിവിധ ഭാഗങ്ങിൽ നിന്നായി നൂറുക്കണക്കിന് യുവതി യുവാക്കൾ പങ്കാളികളായി. തുറന്ന വാഹനത്തിൽ എൽ ഡി എഫ് സ്ഥാനാർത്ഥി ഇ കെ വിജയൻ ജനങ്ങളെ അഭിവാദ്യം ചെയ്തു. 
പൊതുസമ്മേളനം എ ഐ എസ് എഫ് അഖിലേന്ത്യ സെക്രട്ടറി വിക്കി  മഹേശ്വരി  ഉദ്ഘാടനം ചെയ്തു. വത്സരാജ് മണലാട് അധ്യക്ഷനായി. സ്ഥാനാർത്ഥി ഇ കെ വിജയൻ , പി ഗവാസ് , ടി അഭീഷ്, അമുത ജയദീപ് , അഡ്വ. രാഹുൽ രാജ്, ശ്രീജിത്ത് മുടപ്പിലായി, എ.കെ ബിജിത്ത് എന്നിവർ സംസാരിച്ചു.

നാദാപുരം:   നിയോജകമണ്ഡലത്തിലെ വോട്ടർപട്ടികയിൽ വ്യാപക  ക്രമക്കേടുകൾ നടത്തി തെരഞ്ഞെടുപ്പ് അട്ടിമറി ക്കാനാണ് സി പി എം കാലാ കാലങ്ങളായി  ശ്രമിക്കുന്നതെന്നും ഇത്തവണ എന്ത് വില കൊടുത്തും ഇത് തടയുമെന്നും യു ഡി എഫ് നേതാക്കൾ നാദാപുരത്ത് വാർത്താ സമ്മേളനത്തിൽ പറഞ്ഞു. വോട്ടർ പട്ടിക  സംബന്ധിച്ച്  നേരത്തെ യു.ഡി.എഫ് ഉന്നയിച്ച ആരോപണങ്ങൾ സത്യമാണെന്ന് തെളിഞ്ഞിട്ടുണ്ട്.  ഇരട്ട വോട്ടുകളും കള്ള വോട്ടുകളും  നിറച്ച്  നാദാപുരം നിയോജക മണ്ഡലത്തിലെ വോട്ടർ പട്ടിക കേരളത്തിലെ തന്നെ ഏറ്റവും കളങ്കിതമായ പട്ടികയായി മാറിയിരിക്കുകയാണ്. പ്രതിപക്ഷ നേതാവ് രമേശ് ചെന്നിത്തലയുടെ പരാതിയെ തുടർന്ന് കേരള ഹൈക്കോടതി പുറപ്പെടുവിച്ച ഉത്തരവ് പ്രകാരം ഉദ്യോഗസ്ഥ തലത്തിൽ ചില നീക്കങ്ങൾ നടക്കുന്നുണ്ടെങ്കിലും അത് കാര്യക്ഷമമല്ല.  നാദാപുരം നിയോജക മണ്ഡലത്തിൽ 6170 വോട്ടർമാർക്ക്  ഇരട്ട ബോട്ടുകളുണ്ട്. ഇത് വ്യക്തമാക്കുന്ന രേഖകൾ ഇതിനകം യു.ഡി.എഫ് പുറത്തുവിട്ടിട്ടുണ്ട്. ഇടതുമുന്നണിയുടെ ശക്തികേന്ദ്രങ്ങളിൽ കാണുന്ന ഇത്തരം വോട്ടുകളുടെ വൻ വർദ്ധനവ് തെരഞ്ഞെടുപ്പ് അട്ടിമറിക്കാനുള്ള നീക്കത്തിന്റെ ഭാഗമാണ്. നരിപ്പറ്റ പഞ്ചായത്തിലെ കൈവേലി ഉൾപ്പെടുന്ന സിപിഎം ശക്തി കേന്ദ്രമായ 95, 96, 97, 98 ബൂത്തുകളിൽ മാത്രം 67 പേർ അതേ മണ്ഡല ത്തിലെ മറ്റു ബൂത്തു കളിലും 32 പേർ മറ്റ് മണ്ഡലങ്ങളിലുമായി മൊത്തം 99 പേർ ഇരട്ട വോട്ട് ഉള്ളവരാണ്. പട്ടികയിൽ പേരുണ്ട് 
എന്ന കാരണം പറഞ്ഞ് സിപിഎം ശക്തി  കേന്ദ്രങ്ങളിൽ ഇത്തരം എല്ലാ വോട്ടുകളും ചെയ്യപ്പെടുന്നത് തടയാൻ ആവശ്യമായ യാതൊരു നടപടിയും കൃത്യനിഷ്ഠയോടെ ഇതുവരെ ചെയ്തിട്ടില്ല. ഇത് സംബന്ധിച്ച് കോഴിക്കോട് ജില്ലാ കലക്ടർക്കും റിട്ടേണിങ് ഓഫീസർക്കും വ്യക്തമായ പരാതി നൽകിയിട്ടുണ്ട്.  എടച്ചേരി പഞ്ചായത്തിലെ ഒന്നാം നമ്പർ ബൂത്തിൽ 118 ഓളം വോട്ടർമാർ 
ആ ബൂത്തിലോ  പഞ്ചായത്തിലോ  ഇല്ലാത്തവരാണ്. 
ഈ വോട്ടർമാർ ആരാണെന്ന് പോലും ഇതുവരെയും ആർക്കും ബോധ്യമായിട്ടില്ല. പ്രസ്തുത ബൂത്തിലെ 
ബി എൽ ഒ ആയി പ്രവർത്തിക്കുന്ന സി.പി.എമ്മിന്റെ  ഇരിങ്ങണ്ണൂർ  ലോക്കൽ സെക്രട്ടറിയുടെ തെറ്റായ പ്രവർത്തനത്തെപ്പറ്റി ഇതിനകം  യു.ഡി.എഫ് പരാതിപെട്ടെങ്കിലും നടപടി ഉണ്ടായില്ല. നാദാപുരം നിയോജകമണ്ഡലത്തിലെ സ്വതന്ത്രമായ തെരഞ്ഞെടുപ്പ് അട്ടിമറിക്കാനുള്ള സി.പി.എം ഉദ്യോഗസ്ഥ ഗൂഢാലോചനയുടെ ഭാഗമാണ് ഇതെന്ന് സംശയിക്കുന്നു. നാദാപുരം മണ്ഡലത്തിൽ  യുഡിഎഫ് ഇത്തവണ വൻ വിജയം നേടുമെന്നും  കള്ള വോട്ടുകൾ തടയാൻ ഏതറ്റം വരെയും പോകുമെന്നും  നേതാക്കൾ വ്യക്തമാക്കി. 
സ്ഥാനാർത്ഥി അഡ്വ. കെ പ്രവീൺ കുമാർ, നിയോജക മണ്ഡലം യു.ഡി.എഫ് ചെയർമാൻ അഹമ്മദ് പുന്നക്കൽ, തെരഞ്ഞെടുപ്പ് കമ്മിറ്റി ചെയർമാൻ സൂപ്പി നരിക്കാട്ടേരി, ജനറൽ കൺവീനർ അഡ്വ:  
കെ എം രഘുനാഥ്, ഡി.സി.സി വൈസ് പ്രസിഡണ്ട് പി കെ ഹബീബ്, നിയോജക മണ്ഡലം മീഡിയ കോർഡിനേറ്റർ എം കെ അഷ്റഫ് എന്നിവർ  വാർത്താ സമ്മേളനത്തിൽ പങ്കെടുത്തു.

നാദാപുരം: നിയോജക മണ്ഡലം എൽ.ഡി.എഫ് സ്ഥാനാർഥി ഇ.കെ വിജയൻറെ തെരഞ്ഞെടുപ്പ് പ്രചാരണത്തിന് സി.പി.എം പോളിറ്റ്ബ്യൂറോ മെമ്പർ പ്രകാശ് കാരാട്ട് നാദാപുരത്തെത്തി. കേരളത്തിൽ അധികാരം പിടിക്കാൻ ബി.ജെ.പി  തീവ്ര ഹിന്ദുത്വ നിലപാട് സ്വീകരിക്കുമ്പോൾ കോൺഗ്രസ് മതേതര മൂല്യങ്ങൾ ബലി നൽകി മൃദു ഹിന്ദുത്വ സമീപനത്തിലേക്ക് നീങ്ങുകയാണെന്നും ബി.ജെ.പിയെ പ്രതിരോധിക്കുന്നതിൽ കോൺഗ്രസ് പരാജയപ്പെട്ടെന്നും അദ്ദേഹം പറഞ്ഞു. നാദാപുരത്ത് തെരഞ്ഞെടുപ്പ് പ്രചാരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിൽ നില നിൽക്കുന്ന മത നിരപേക്ഷത തകർക്കാൻ ശ്രമിക്കുന്ന ബി.ജെ.പിയെ പരോക്ഷമായി സഹായിക്കുന്ന കോൺഗ്രസ് നേതൃത്വത്തിന്റെ  അപകടകരമായ നീക്കം പാർട്ടിയുടെ സർവ്വനാശത്തിലാണ് കലാശിക്കുകയെന്ന് അദ്ദേഹം കൂട്ടിച്ചേർത്തു. 
പി.പി ചാത്തു അധ്യക്ഷനായി. പി. മോഹനൻ, എം.കെ ഭാസ്കരൻ, സത്യൻ മൊകേരി, സ്ഥാനാർഥി ഇ.കെ വിജയൻ, വി.പി കുഞ്ഞികൃഷ്ണൻ, പി.എം നാണു, ടി.കെ രാഘവൻ, കരിമ്പിൽ ദിവാകരൻ, കെ.ജി ലത്തീഫ്, അഡ്വ.പി.ഗവാസ് സംസാരിച്ചു. 

നാദാപുരം : തന്റെ മണ്ഡലത്തില്‍ ചില റോഡുകളുടെ പരിഷ്‌കരണം യാഥാര്‍ത്ഥ്യമാകാതെ പോയത് സര്‍ക്കാര്‍ നിലപാട് മൂലമെന്ന് യു ഡി എഫ് സ്ഥാനാര്‍ത്ഥി പാറക്കല്‍ അബ്ദുല്ല പറഞ്ഞു. വില്യാപ്പള്ളി ചേലക്കാട് റോഡും കുറ്റ്യാടി ബൈപ്പാസ് റോഡും അട്ടക്കുണ്ട് കടവ് റോഡും വികസിപ്പിക്കാന്‍ തീരുമാനിച്ചതല്ലാതെ സര്‍ക്കാര്‍ തുടര്‍ നടപടികള്‍ സ്വീകരിക്കാത്തതാണ്.കുറ്റ്യാടി നാളീകേര പാര്‍ക്കിന്റേയും സ്ഥിതി ഇതു തന്നെയാണെന്ന് പാറക്കല്‍ പറഞ്ഞു. പുറമേരിയില്‍ യു ഡി എഫ് കമ്മറ്റി നല്‍കിയ സ്വീകരണ യോഗത്തില്‍ പ്രസംഗിക്കുകയായിരുന്നു അദ്ദേഹം. റോഡ് വികസിക്കാത്തിന് എല്‍ ഡി എഫ് ഇപ്പോള്‍ എം എല്‍ എ യെ കുറ്റപ്പെടുത്തുകയാണ്. പല തവണ ഇക്കാര്യം നിയമസഭയിലവതരിപ്പിച്ചതാണ്. കുറ്റ്യാടിയില്‍ ഞങ്ങള്‍ വരട്ടെ എന്നാണ് മന്ത്രി മറുപടി പറഞ്ഞത്.  പര്യടന പരിപാടി മുസ്ലീം ലീഗ് നേതാവ് പി ശാദുലി ഉദ്ഘാടനം ചെയ്തു. പി ദാമോദരന്‍ അധ്യക്ഷത വഹിച്ചു. എം എം മുഹമ്മദ്,ഐ രാജന്‍ എന്നിവര്‍ പ്രസംഗിച്ചു. പുറമേരി , വില്യാപ്പള്ളി പഞ്ചായത്തുകളിലായിരുന്നു ഇന്നലെ പര്യടനം.

നാദാപുരം: യു.ഡി.എഫ് ക്യാംപിൽ ആവേശമായി കുഞ്ഞാലിക്കുട്ടി പാറക്കടവിലെത്തി. അഭിവാദ്യങ്ങളർപ്പിച്ചു മുദ്രാവാക്യം വിളികളോടെ പ്രവർത്തകർ വേദിയിലേക്ക് ആനയിച്ചു. കേരളമാകെ അലയടിക്കുന്ന യു.ഡി.എഫ് തരംഗം മാറ്റാൻ ഒരു സർവ്വേ ഫലങ്ങൾക്കും കഴിയില്ലെന്നും കേരളത്തിൽ ഐക്യ ജനാധിപത്യ മുന്നണി സർക്കാർ അധികാരത്തിൽ വരും എന്ന കാര്യത്തിൽ ആർക്കും സംശയം വേണ്ടെന്നും കുഞ്ഞാലിക്കുട്ടി പറഞ്ഞു.  യു.ഡി.എഫിന്റെ  തെരഞ്ഞെടുപ്പ് അജണ്ട വികസനമാണ്. ഇടതു മുന്നണിയുടെയും ബി.ജെ.പിയുടെയും അജണ്ട വർഗീയമാണ്. ത്രിപുരയിൽ  സി.പി.എം  പയറ്റിയ  അടവാണ് കേരളത്തിലും കളിക്കാൻ ശ്രമിക്കുന്നത്.  സി പി എമ്മിന്റെ  നികൃഷ്ടമായ നീക്കങ്ങൾക്കെതിരെ ജനാധിപത്യ വിശ്വാസികൾ ബാലറ്റിലൂടെ പ്രതികരിക്കുമെന്ന് കുഞ്ഞാലിക്കുട്ടി വ്യക്തമാക്കി. സൂപ്പി നരിക്കാട്ടേരി അധ്യക്ഷനായി. അഡ്വ. കെ പ്രവീൺകുമാറ്, പി. ശാദുലി, കാവിൽ പി മാധവൻ, അഹമ്മദ് പുന്നക്കൽ, സി.വി.എം വാണിമേൽ, ആവോലം രാധാകൃഷ്ണൻ, എൻ.കെ മൂസ, മോഹനൻ പാറക്കടവ്, എം.പി ജാഫർ, പി. ദാമു,  ടി.കെ ഖാലിദ്, അഹമ്മദ് കുറുവയിൽ, എം.കെ അഷ്റഫ്, നസീർ വളയം, സി.എച്ച് ഹമീദ് സംസാരിച്ചു.

നാദാപുരം : കേരളത്തിലെ ഇടതുക്ഷ സർക്കാർ രാജ്യത്തിന് ബദൽ മാതൃകയാണെന്ന്  എ ഐ ടി യു സി അഖിലേന്ത്യ ജനറൽ സെക്രട്ടറി അമർജിത്ത് കൗർ പറഞ്ഞു. വളയത്ത് എൽ ഡി എഫ് വളയം മേഖല റാലി ഉദ്ഘാടനം ചെയ്ത് സംസാരിക്കുകയായിരുന്നു ഇവർ. വിദ്യാഭ്യാസം, കുടിവെള്ളം, സാമൂഹിക സുരക്ഷ, ആരോഗ്യ മേഖല എന്നിവ കേരളം മാതൃക കാണിക്കുകയാണ്. ലോക്ക് ഡൗൺവേളയിൽ ജീവജാലങ്ങളെ ചേർത്ത് പിടിച്ചൊരു സർക്കാരാണ് കേരളത്തിലേതെന്നും എൽ ഡി എൽ ഉജ്ജ്വല വിജയം നേടുമെന്നും അമർജിത്ത് കൗർ പറഞ്ഞു. വി പി ശശിധരൻ അധ്യക്ഷനായി. സി പി ഐ എം ഏരിയ സെക്രട്ടറി  പി പി ചാത്തു ,എം ടി ബാലൻ, പി എം നാണു, എം ദിവാകരൻ എന്നിവർ സംസാരിച്ചു. 

വാണിമേൽ: എസ്.കെ.എസ്.എസ്.എഫ്  ട്രെന്റ് കീഴിൽ സംസ്ഥാനത്തെ മുഴുവൻ ക്ലസ്റ്ററുകളിലും   സർക്കാർ എയ്ഡഡ് ലോവർ പ്രൈമറി സ്കൂൾ വിദ്യാർത്ഥികൾക്കായി നടത്തുന്ന എൽ.എസ്.എസ് ട്രൈനിംങ്ങിന്റെ ഭാഗമായി വാണിമേൽ ക്ലസ്റ്ററിൽ എൽ എസ് എസ് പരീക്ഷകൾക്ക് തുsക്കമായി.

ക്ലസറ്റർ തല ഉദ്ഘാടനം ട്രെന്റ് സംസ്ഥാന ചെയർമാൻ റഷീദ് കോടിയൂറ നിർവ്വഹിച്ചു. എൽ. എസ്.എസ്. മോട്ടിവേഷൻ  ട്രൈനിംങ്ങ് ക്ലാസിന്  അധ്യാപകനും പരിശീലകനുമായ നവാസ് മൂന്നാംകൈ നേതൃത്വം നൽകി. അമ്പതോളം രക്ഷിതാക്കളും വിദ്യാർത്ഥികളും പങ്കെടുത്തു.

ഓറിയന്റേഷൻ ക്ളാസ്, വിഷയാധിഷ്ഠിത കോച്ചിംഗ് ക്ളാസ്സുകൾ, രക്ഷാകർതൃ പരിശീലനം,മോഡൽ പരീക്ഷ എന്നിവയാണ് പരിപാടിയുടെ ഭാഗമായി നടക്കുന്നത്.

ജാഫർ ദാരിമി ഇരുന്നലാട്, ജംഷിദ് വെള്ളിയോട്, ഫാരിസ് നജം ചേലമുക്ക്, ഇസ്മാഈൽ വാഫി, നിഹാൽ ബാബു, ജമാൽ കുനിയിൽ  പീടിക, ഒ മുനീർ എന്നിവർ സംസാരിച്ചു.

നാദാപുരം: കേരള സംസ്ഥാന ജംഇയ്യത്തുൽ ഉലമാ കേന്ദ്ര മുശാവറ അംഗമായി തെരഞ്ഞെടുക്കപ്പെട്ട കെ.യു. ഇസ്‌ഹാഖ് ഫലാഹി അൽ ഖാസിമിക്ക് ചാലപ്പുറത്തിന്റെ ആദരം സമർപ്പിക്കുന്നു. ഇന്ന് രാത്രി 7 മണിക്ക് ചാലപ്പുറം വി.എം.എൽ.പി സ്‌കൂൾ ഗ്രൗണ്ടിൽ (മൗലാനാ കെ.യു അബ്ദുർറഹ്മാൻ മുസ്ല്യാർ നഗർ) നടക്കുന്ന സംഗമത്തിൽ ശൈഖുനാ കെ.കെ കുഞ്ഞാലി മുസ്ല്യാർ, സയ്യിദ് ഹസ്സൻ സഖാഫ് തങ്ങൾ കൊടക്കൽ, സയ്യിദ് ഹാഷിം ബാഫഖി തങ്ങൾ കൊയിലാണ്ടി, ഖാസി. പി അഹമ്മദ് മൗലവി, സൂപ്പി നരിക്കാട്ടേരി തുടങ്ങിയ പ്രമുഖർ സംബന്ധിക്കുന്നു. ചാലപ്പുറം ശാഖാ എസ്.വൈ.എഫ് സംഘടിപ്പിക്കുന്ന പരിപാടിയിൽ അരൂർ അഹമ്മദ് ബാഖവിയുടെ  'തഖ്‌ദീമേ റമളാൻ' പ്രഭാഷണവും സയ്യിദ് ഹാഷിം ബാഫഖി തങ്ങളുടെ നേതൃത്വത്തിൽ സമാപന പ്രാർത്ഥനയും നടക്കും.

തൂണേരി: കേരള സ്റ്റേറ്റ് സർവ്വീസ് പെൻഷനേഴ്‌സ് യൂണിയൻ തൂണേരി പഞ്ചായത്ത് സമ്മേളനം പെൻഷൻ ഭവനിൽനടന്നു.പെൻഷൻകാരുടെ ആരോഗ്യ ഇൻഷൂറൻസ് പദ്ധതി ഉടൻ നടപ്പിലാക്കണമെന്ന് സമ്മേളനംആവശ്യപ്പെട്ടു. യോഗം പ്രസിഡണ്ട് പി.കെ.സുജാതയുടെ അദ്ധ്യക്ഷതയിൽ ഗ്രാമ പഞ്ചായത്ത് പ്രസിഡണ്ട് പി.ഷാഹിന ഉദ്ഘാടനം ചെയ്തു. ബ്ലോക്ക്സെക്രട്ടറി ടി.കെ.രാഘവൻ, എം.പി സഹദേവൻ, എം.കെ.രാധ, ടി. പീതാംബരൻ, വി. രാജലക്ഷ്മി,
കെ.ഹേമചന്ദ്രൻ, കെ.രാജൻ, ടി. മീനാക്ഷി, എം.ശങ്കരൻ, ടി.പി അബ്ദുള്ള, പി.കെ.രാഘവൻ, സി. സരസ്വതി,  പി.എം. ജാനു, എം. ബാലരാജൻ, കെ.രവീന്ദ്രൻ, എ.കെ ശശികല എന്നിവർ പ്രസംഗിച്ചു.
ഭാരവാഹികൾ -
പി.കെ.സുജാത (പ്രസിഡണ്ട്) ടി.പി.അബ്ദുള്ള, സി.സരസ്വതി, പി.കെ.രാഘവൻ (വൈ. പ്രസിഡണ്ട്)
കെ.ഹേമചന്ദ്രൻ (സെക്രട്ടറി) എം.ബാലരാജൻ, പി.എം. ജാനു, പി.പി. ജയപ്രകാശ് (ജോ. സെക്രട്ടറി)
കെ.രവീന്ദ്രൻ (ട്രഷറർ)

നാദാപുരം: നിയോജക മണ്ഡലം യു.ഡി.എഫ് സ്ഥാനാർഥിയുടെ തിരഞ്ഞെടുപ്പ് പ്രചരണാർത്ഥം യു.ഡി.എസ്.എഫ് നിയോജക മണ്ഡലം കമ്മിറ്റി വിക്ടറി മാർച്ച്‌ നടത്തി. കല്ലാച്ചിയിൽ നിന്ന് ആരംഭിച്ച റാലി നാദാപുരത്ത് സമാപിച്ചു. എ.ഐ.സി.സി ജനറൽ സെക്രട്ടറി കെ.സി വേണുഗോപാൽ എം.പി ഫ്ലാഗ് ഓഫ് ചെയ്തു. സൂപ്പി നരിക്കട്ടേരി, അഹമ്മദ് പുന്നക്കൽ, അഡ്വ. കെ.എം രാഘുനാഥ്, അഖില മര്യാട്ട്, ഡോ. ബാസിത് വടക്കയിൽ, മുഹമ്മദ്‌ പേരോട്, എം.പി ജാഫർ, അനസ് നങ്ങാണ്ടി, മുഹ്സിൻ വളപ്പിൽ, എൻ.കെ അഭിഷേക്, മുന്ന റഹ്മാൻ, നജ്മു സാക്കിബ്, ത്വയ്യിബ്, ഡോൺ കെ തോമസ്, അർജുൻ ശ്യാം എന്നിവർ പങ്കെടുത്തു.

നാദാപുരം: എൽ ഡി എഫ് സ്ഥാനാർത്ഥി ഇ കെ വിജയൻ്റെ രണ്ടാം ഘട്ട മണ്ഡല പര്യടനത്തിന് തുടക്കമായി. എടച്ചേരി, തൂണേരി, ചെക്യാട്, വളയം, നാദാപുരം പഞ്ചായത്തുകളിൽ ഉജ്വല സ്വീകരണം ഏറ്റുവാങ്ങി. തിങ്കളാഴ്ച രാവിലെ കാക്കന്നൂരിൽ സി പി ഐ എം ജില്ല സെക്രട്ടറിയേറ്റ് അംഗം വി പി കുഞ്ഞികൃഷ്ണൻ ഉദ്ഘാടനം ചെയ്തു.പി കെ അശോകൻ അധ്യക്ഷനായി. പൂക്കൾ നല്കിയും മുദ്രാവാക്യം വിളിച്ചും പടക്കങ്ങൾ പൊട്ടിച്ചും ഹർഷാരത്തോടെ സ്ഥാനാർത്ഥിയെ ഒരോ സ്വീകരണ കേന്ദ്രങ്ങളിലും വരവേറ്റു.
തലായി, ചുണ്ടയിൽ, തുരുത്തി, കച്ചേരി ബാലവാടി, കോട്ടേ ബ്രം, പഞ്ചായത്ത് റോഡ് ,മുടവന്തേരി നെല്ലികുളത്തിൽ മുക്ക്, വേറ്റുമ്മൽ, കല്ലിട്ടതിൽ മുക്ക്, ചാലപ്രം കൊളശ്ശേരി, പട്ടാണി, വേവം, ഉമ്മത്തൂർ, താനക്കോട്ടൂർ, കുറുവന്തരി, നെല്ലിക്കാപറമ്പ്, കാലി കൊളുമ്പ് ,പുഞ്ച, അരുവിക്കര, നിരവുമ്മൽ, കുറ്റിക്കാട് ,ഓണപ്പറമ്പ്, കല്ലുമ്മൽ സ്കൂൾ, സി പി മുക്ക് ,ആവോലം തട്ടാൻ കുന്ന്, കക്കം വെള്ളി, തൊടുവഴിൽ സ്വീകരണങ്ങൾക്ക് ശേഷം വരിക്കോളിയിൽ സമാപിച്ചു. എൽ ഡി എഫ് നേതാക്കളായ പി പി ചാത്തു, അഡ്വ. പി ഗവാസ് ,പി എം നാണു, കരിമ്പിൽ ദിവാകരൻ, രജീന്ദ്രൻ കപ്പള്ളി എന്നിവർ ഒപ്പമുണ്ടായിരുന്നു. വിവിധ സ്വീകരണ കേന്ദ്രങ്ങളിൽ എ മോഹൻ ദാസ്,സി എച്ച് മോഹനൻ, പി പി ബാലകൃഷ്ണൻ, കെ ജി ലത്തീഫ്, ശ്രീജിത്ത് മുടപ്പിലായി, വത്സരാജ് മണലാട്ട്, പി ഭാസ്കരൻ, എം പി  വിജയൻ, കെ പി പ്രദീഷ്, കെ പി രാജൻ, അഡ്വ. രാഹുൽ ,പി താജുദ്ദീൻ എന്നിവർ സംസാരിച്ചു.

നാദാപുരം: എൽ ഡി എഫ് സ്ഥാനാർത്ഥി ഇ കെ വിജയൻ്റെ രണ്ടാം ഘട്ട മണ്ഡല പര്യടനത്തിന് തുടക്കമായി. എടച്ചേരി, തൂണേരി, ചെക്യാട്, വളയം, നാദാപുരം പഞ്ചായത്തുകളിൽ ഉജ്വല സ്വീകരണം ഏറ്റുവാങ്ങി. തിങ്കളാഴ്ച രാവിലെ കാക്കന്നൂരിൽ സി പി ഐ എം ജില്ല സെക്രട്ടറിയേറ്റ് അംഗം വി പി കുഞ്ഞികൃഷ്ണൻ ഉദ്ഘാടനം ചെയ്തു.പി കെ അശോകൻ അധ്യക്ഷനായി. പൂക്കൾ നല്കിയും മുദ്രാവാക്യം വിളിച്ചും പടക്കങ്ങൾ പൊട്ടിച്ചും ഹർഷാരത്തോടെ സ്ഥാനാർത്ഥിയെ ഒരോ സ്വീകരണ കേന്ദ്രങ്ങളിലും വരവേറ്റു.
തലായി, ചുണ്ടയിൽ, തുരുത്തി, കച്ചേരി ബാലവാടി, കോട്ടേ ബ്രം, പഞ്ചായത്ത് റോഡ് ,മുടവന്തേരി നെല്ലികുളത്തിൽ മുക്ക്, വേറ്റുമ്മൽ, കല്ലിട്ടതിൽ മുക്ക്, ചാലപ്രം കൊളശ്ശേരി, പട്ടാണി, വേവം, ഉമ്മത്തൂർ, താനക്കോട്ടൂർ, കുറുവന്തരി, നെല്ലിക്കാപറമ്പ്, കാലി കൊളുമ്പ് ,പുഞ്ച, അരുവിക്കര, നിരവുമ്മൽ, കുറ്റിക്കാട് ,ഓണപ്പറമ്പ്, കല്ലുമ്മൽ സ്കൂൾ, സി പി മുക്ക് ,ആവോലം തട്ടാൻ കുന്ന്, കക്കം വെള്ളി, തൊടുവഴിൽ സ്വീകരണങ്ങൾക്ക് ശേഷം വരിക്കോളിയിൽ സമാപിച്ചു. എൽ ഡി എഫ് നേതാക്കളായ പി പി ചാത്തു, അഡ്വ. പി ഗവാസ് ,പി എം നാണു, കരിമ്പിൽ ദിവാകരൻ, രജീന്ദ്രൻ കപ്പള്ളി എന്നിവർ ഒപ്പമുണ്ടായിരുന്നു. വിവിധ സ്വീകരണ കേന്ദ്രങ്ങളിൽ എ മോഹൻ ദാസ്,സി എച്ച് മോഹനൻ, പി പി ബാലകൃഷ്ണൻ, കെ ജി ലത്തീഫ്, ശ്രീജിത്ത് മുടപ്പിലായി, വത്സരാജ് മണലാട്ട്, പി ഭാസ്കരൻ, എം പി  വിജയൻ, കെ പി പ്രദീഷ്, കെ പി രാജൻ, അഡ്വ. രാഹുൽ ,പി താജുദ്ദീൻ എന്നിവർ സംസാരിച്ചു.

നാദാപുരം: കഴിഞ്ഞ അഞ്ചു വർഷമായി കേരളത്തെ  ദുരിത കയത്തിലേക്ക് തള്ളിവിട്ട ഇടതു മുന്നണിയുടെ ഭരണത്തിനെതിരെ നിയമസഭാ തെരഞ്ഞെടുപ്പിൽ ജനം വിധിയെഴുതുമെന്ന കാര്യം തീർച്ചയാണെന്ന് എ ഐ സി സി ജനറൽ സെക്രട്ടറി 
കെ സി വേണു ഗോപാൽ. സംഘ പരിവാർ ശക്തികൾ വിഭാവനം ചെയ്യുന്ന അതേ ആശയമാണ് കേരളത്തിൽ സി പി എം നടപ്പിലാക്കാൻ ശ്രമിക്കുന്നതെന്ന് അദ്ദേഹം  പറഞ്ഞു. 
നിയോജക മണ്ഡലം യു.ഡി.എഫ് സ്ഥാനാർഥി അഡ്വ. കെ. പ്രവീൺകുമാറിന്റെ പ്രചരണാർത്ഥം തൂണേരിയിൽ നടന്ന പൊതുസമ്മേളനം   ഉദ്ഘാടനം ചെയ്യുക യായിരുന്നു അദ്ദേഹം.
സൂപ്പി നരിക്കാട്ടേരി അധ്യക്ഷനായി. പി .ശാദുലി, അഹമ്മദ് പുന്നക്കൽ, സുപ്പി നരിക്കാട്ടേരി, വി.എം ചന്ദ്രൻ, എൻ.കെ മൂസ, അഡ്വ. കെ.എം രഘുനാഥ്, എം.പി ജാഫർ, സി.വി കുഞ്ഞികൃഷ്ണൻ, അഡ്വ. എ. സജീവൻ, കാവിൽ പി മാധവൻ, വളപ്പിൽ കുഞ്ഞമ്മദ്, സമീർ പേരോട്, ആവോലം രാധാകൃഷണൻ, മോഹനൻ പാറക്കടവ്, പി ഷാഹിന തുടങ്ങിയവർ പ്രസംഗിച്ചു.

നാദാപുരം:വയറു വേദനയെ തുടർന്ന് നാദാപുരം താലൂക്കാശുപത്രിയിൽ ചികിത്സക്കെത്തിയ തെരുവമ്പറമ്പ് സ്വദേശിയായ എസ് എസ് ൽ സി വിദ്യാർത്ഥിക്ക് ഇഞ്ചക്ഷൻ നൽകുകയും അവിടെ പിന്നീട് വ്രണം രൂപപ്പെടുകയും ചെയ്ത സംഭവത്തിൽ കുറ്റക്കാർക്കെതിരെ നടപടിയെടുക്കണമെന്ന് യൂത്ത് ലീഗ്. ആശുപത്രിയിൽ  അഡ്മിറ്റായി ചികിത്സ തേടിയെങ്കിലും ശരിയായ രീതിയിലുള്ള പരിചരണമോ ചികിത്സയോ ലഭിച്ചില്ല. തുടർന്ന് നിർബന്ധപൂർവ്വം ഡിസ്ചാർജ് വാങ്ങി പോവുന്ന സമയത്ത് മുറിവ് മരുന്ന് വെച്ച് കെട്ടാൻ പറഞ്ഞപ്പോൾ ഞങ്ങൾക്ക് സൗകര്യമില്ല എന്ന നിഷേധാത്മക നിലപാടാണ് നാദാപുരം സർക്കാർ താലൂക്കാശുപത്രിയിൽ നിന്നുമുണ്ടായത്. തുടർന്ന് കോഴിക്കോട് സ്വകാര്യ ആശുപത്രിയിൽ ചികിത്സ തേടുകയും ഡോക്ടറുടെ നിർദ്ദേശത്തെ തുടർന്ന് സ്കാൻ ചെയ്തപ്പോൾ ഇഞ്ചക്ഷൻ എടുത്ത സ്ഥലത്ത് ഉള്ളിൽ വലിയ രീതിയിലുള്ള പഴുപ്പ് ബാധിച്ചതായി കാണുകയും ഉടൻ തന്നെ സർജറി ചെയ്ത് പുറത്തെടുക്കുകയും ചെയ്തു. നാദാപുരം താലുക്കാശുപത്രിയിലെ ചികിത്സ പിഴവ് മൂലമാണ്  കുട്ടിക് ഈ ദുരിതം പേറേണ്ടി വന്നത്. കുറ്റക്കാർക്കെതിരെ കേസെടുത്ത് നടപടിയെടുക്കണമെന്നും അല്ലാത്തപക്ഷം ശക്തമായ പ്രക്ഷോഭവുമായി യൂത്ത് ലീഗ് രംഗത്തിറങ്ങുമെന്നും നാദാപുരം പഞ്ചായത്ത് യൂത്ത് ലീഗ് പ്രസിഡണ്ട് റഫീഖ് കക്കംവെള്ളി, ജനറൽ സെക്രട്ടറി വി.ജലീൽ എന്നിവർ പ്രസ്താവനയിൽ അറിയിച്ചു.

നാദാപുരം: വിഷ്ണുമംഗലം 110 കെ.വി സബ്സ്റ്റേഷനിലെ ട്രാൻസ്ഫോർമറിലൊന്ന് പ്രവർത്തിക്കാത്തതിനാൽ നാദാപുരം മേഖലയിൽ വോൾട്ടേജ് ക്ഷാമം രൂക്ഷമായി. പ്രദേശവാസികളുടെ പ്രതിഷേധം കനത്തതോടെ രണ്ടുനാൾ കൊണ്ട് പ്രശ്നം പരിഹരിക്കുമെന്ന്  അധികൃതർ വ്യക്തമാക്കി. വിഷ്ണുമംഗലം 110 കെ.വിയിലെ ഒരു ട്രാൻസ്ഫോമറിൽ അടിയന്തിര അറ്റകുറ്റപണി ചെയ്യേണ്ടി വന്നതിനാലാണ് നാദാപുരം മേഖലയിൽ വോൾട്ടേജ് ക്ഷാമം രൂക്ഷമായത്.നാദാപുരം, കല്ലാച്ചി തൂണേരി, എടചേരി ,വാണിമേൽ,പരപ്പുപാറ ഭാഗങ്ങളിലെ വൈദ്യുതി ഉപഭോക്താകൾക്കാണ്  വൈദ്യുതക്ഷാമം അനുഭവപ്പെടുന്നത്. നിലവിലുള്ള നേരിയ വോൾട്ടേജ് പെട്ടന്ന് കുറയുന്നതിനാൽ വ്യാപകമായി ഉപകരണങ്ങൾക്ക് കേടുവരുന്നതായി ഉപഭോക്താക്കൾ പരാതിപ്പെടുന്നു. വാണിമേലിൽ ഉപഭോക്താക്കൾ കൂട്ടമായി വാർഡ് മെംബർക്ക് പരാതി നൽകി.അടിയന്തിര പരിഹാരമാവശ്യപ്പെട്ട് പ്രത്യക്ഷ സമര പരിപാടിക്ക് രൂപം നൽകാനുള്ള ഒരുക്കത്തിലാണ് പ്രദേശവാസികൾ.
അതെ സമയം അനിവാര്യമായ ട്രാൻസ്ഫോമർ അറ്റകുറ്റപണി ഇനിയും നീട്ടികൊണ്ടു പോകാൻ കഴിയാത്തതിനാൽ നിലവിൽ ഒറ്റ ട്രാൻസ്ഫോർമർ വഴിയുള്ള വൈദ്യുതി വിതരണം മാത്രമാണ് നടക്കുന്നതെന്നും അതുകൊണ്ടാണ് വോൾട്ടേജ് ക്ഷാമം രൂക്ഷമായതെന്നുമാണ് അധികൃതർ പറയുന്നത്. പകരം സംവിധാനത്തെ കുറിച്ച് ആലോചന നടത്തിയിരുന്നുവെന്നും പ്രായോഗിക തടസങ്ങളുള്ളതിനാൽ പരിഹരിക്കാനായില്ലന്നും എന്നാൽ രണ്ടു നാൾക്കുള്ളിൽ നിലവിലെ പ്രശ്നങ്ങൾക്ക് പരിഹാരമാകുമെന്നും സബ്ഡിവിഷണൽ എഞ്ചിനിയർ  പറഞ്ഞു. 

നരിപ്പറ്റ: യു.ഡി.എഫ് സ്ഥാനാർഥി അഡ്വ. കെ. പ്രവീൺകുമാറിന്റെ നരിപ്പറ്റയിലെ പര്യടന സമാപന വേദി വേറിട്ട ആഘോഷത്തിന് സാക്ഷിയായി. ഇന്ന് സ്ഥാനാർഥിയുടെ ജന്മദിനമാണെന്ന് മനസ്സിലാക്കിയ യു.ഡി.എഫ് പ്രവർത്തകർ  ആഘോഷമൊരുക്കിയത് വേറിട്ട അനുഭവമായി. പ്രചാരണ പരിപാടിക്ക് ശേഷം സ്ഥാനാർഥി കേക്ക് മുറിക്കുകയും നേതാക്കൾക്കും പ്രവർത്തകർക്കും നൽകി സന്തോഷം പങ്കിടുകയും ചെയ്തു. പ്രവർത്തകർ ജന്മദിനാശംസകൾ പാടി കരഘോഷത്തോടെ സ്വീകരിച്ചു.

നാദാപുരം: നിയോജക മണ്ഡലം യു.ഡി.എഫ് സ്ഥാനാർത്ഥി അഡ്വ. കെ. പ്രവീൺകുമാറിന് കായക്കൊടി, നരിപ്പറ്റ പഞ്ചായത്തുകളിൽ ഊഷ്മള വരവേൽപ്പ്. കാലത്ത് ദേവർകോവിൽ അങ്ങാടിയിൽ വെച്ച് എ.ഐ.സി.സി നിരീക്ഷകൻ മുരളിഷെട്ടി പര്യടന പരിപാടി ഉദ്ഘാടനം ചെയ്തു. പഞ്ചായത്ത് യു ഡി എഫ് ചെയർമാൻ ഇ മുഹമ്മദ് ബഷീർ അധ്യക്ഷനായി. സൂപ്പി നരിക്കാട്ടേരി, സി വി കുഞ്ഞികൃഷ്ണൻ പ്രസംഗിച്ചു. 
തുടർന്ന് കാഞ്ഞിരോളി, തളീക്കര, കരണ്ടോട്, ചങ്ങരംകുളം, കുട്ടൂർ, മുട്ടുനട, കായക്കൊടി, ഞേണോൽ താഴ, കോവുക്കുന്ന്, മീത്തൽവയൽ, കൈവേലി, മണ്ടോക്കണ്ടി, മോന്തോമ്മൽ, തിനൂർ എന്നീ കേന്ദ്രങ്ങളിൽ പര്യടനം നടത്തി  നമ്പ്യത്താംകുണ്ടിൽ സമാപിച്ചു. അഹമ്മദ് പുന്നക്കൽ, കോരങ്കോട്ട് മൊയ്തു, എൻ കെ മൂസ മാസ്റ്റർ, ഒ പി മനോജ്, നസീർ വളയം, കെ പി രാജൻ, എം കെ അഷ്റഫ്, കെ കെ ഉമർ മാസ്റ്റർ, ഇ ലോഹിതാക്ഷൻ , സന്ധ്യ കരണ്ടോട്, ടി മുഹമ്മദലി  തുടങ്ങിയവർ അനുഗമിച്ചു. 
വിവിധ കേന്ദ്രങ്ങളിൽ എൻ കെ ഇബ്രാഹിം, അഹമ്മദ് ചാത്തോത്ത്, സി കെ നാസർ, മനോജ് ചാലിക്കണ്ടി, കെ പി ബിജു, യു കെ അഷ്റഫ്, അൻസാർ കൊല്ലാടൻ, എ.എഫ് റിയാസ് തുടങ്ങിയവർ പ്രസംഗിച്ചു.

നാദാപുരം: നിയമസഭ തെരഞ്ഞെടുപ്പിൽ കോൺഗ്രസിൻ്റെയും ബി ജെ പിയുടെ നേതാക്കൾ ഡൽഹിയിൽ നിന്നും കേരളത്തിലെ രണ്ടായി ഭാവിക്കുകയാണ് .ഇവരുടെ നയങ്ങൾ ഒന്നാണ്. അവിശുദ്ധ രാഷ്ട്രീയ കൂട്ട് പ്രബുദ്ധ ജനത തറപറ്റിക്കുമെന്ന്  സി പി ഐ ദേശീയ എക്സിക്യൂട്ടീവ് അംഗം ബിനോയ് വിശ്വം എം പി  പറഞ്ഞു. എൽ ഡി എഫ് ഇരിങ്ങണ്ണൂർ മേഖല തെരഞ്ഞെടുപ്പ് റാലി ഉദ്ഘാടനം ചെയ്ത് സംസാരിക്കുകയായിരുന്നു. മൂന്ന് മണ്ഡലങ്ങളിൽ ബി ജെ പി സ്ഥാനാർത്ഥികളില്ലാതായത് ബോധപൂർവ്വമാണ്. കോ ലി ബി സംഖ്യമാണ് കേരളത്തിൽ നടക്കുന്നതെന്നും ബിനോയ് വിശ്വം പറഞ്ഞു. വത്സരാജ് മണലാട്ട് അധ്യക്ഷനായി. സി പി ഐ എം ജില്ല സെക്രട്ടറിയേറ്റ് അംഗം വി പി കുഞ്ഞികൃഷ്ണൻ ,സബാബ് പുൽപ്പറ്റ,ടി കെ അരവിന്ദാക്ഷൻ, ടി അനിൽകുമാർ എന്നിവർ സംസാരിച്ചു. 

വളയം: സോഷ്യലിസ്റ്റ് നേതാവും വളയം ഗ്രാമ പഞ്ചായത്ത് മുൻ വൈസ് പ്രസിഡണ്ടും ജനതാദൾ നേതാവുമായിരുന്ന കെ.പി കുഞ്ഞികൃഷ്ണകുറുപ്പിനെ അനുസ്മരിച്ചു. പന്ത്രണ്ടാം ചരമവാർഷിക ദിനത്തിൽ എൽ.ജെ.ഡി വളയം പഞ്ചായത്ത് കമ്മറ്റിയാണ് അനുസ്മരണ സമ്മേളനം നടത്തിയത് .കാലത്ത് ശവകുടീരത്തിൽ പുഷ്‌പാർച്ചനയും തുടർന്ന് അനുസ്മരണ യോഗവും നടത്തി. എൽ.ജെ.ഡി വളയം പഞ്ചായത്ത് പ്രസിഡണ്ട് എം.കുഞ്ഞികൃഷ്ണൻ അധ്യക്ഷത വഹിച്ചു മണ്ഡലം സെക്രട്ടറി എം.പി വിജയൻ മാസ്റ്റർ  ഉദ്ഘാടനം ചെയ്തു. യുവജനതാദൾ മണ്ഡലം പ്രസിഡണ്ട് വത്സരാജ് മണലാട്ട്, കിസാൻ ജനത മണ്ഡലം പ്രസിഡണ്ട് ടി.കെ രാഘവൻ അടിയോടി, മടാക്കൽ ബാബുരാജ്, വള്ളിൽ പവിത്രൻ, പി.രഞ്ജിത്ത്, സുമേഷ്കാരേരി, ദാമോദരൻ കെ.കെ എന്നിവർ പ്രസംഗിച്ചു.

നാദാപുരം: സി.എ.എ വിരുദ്ധ സമരം ചെയ്ത നാദാപുരത്തെ എം.എസ്‌.എഫ് നേതാക്കൾക്കും വിദ്യാർഥികൾക്കുമെതിരെ അറസ്റ്റ് വാറണ്ട്. രണ്ട് ദിവസമായി ഇവരെത്തേടി പൊലിസ് വീടുകളിൽ കയറി ഇറങ്ങുകയാണ്. സംസ്ഥാന ഗവൺമെന്റ് പൗരത്വഭേതഗതി നിയമത്തിനെതിരെയുള്ള  പ്രതിഷേധങ്ങളിൽ പങ്കടുത്തവരുടെ കേസുകൾ പിൻവലിക്കുമെന്ന് പ്രഖ്യാപിച്ചതിന് പിന്നാലെയാണ് നാദാപുരത്ത് സമരം ചെയ്തതിന്റെ വിദ്യാർഥികൾക്ക് നേരെ അറസ്റ്റുവാറണ്ട് വന്നിട്ടുള്ളത്. എം.എസ്‌.എഫ് നേതാക്കളായ മുഹമ്മദ് പേരോട്, കെ.വി അർഷാദ്, മുഹ്‌സിൻ വളപ്പിൽ, അറഫാത്ത് മുറിച്ചാണ്ടി, ഇർഷാദ് നരിപ്പറ്റ , സയ്ദ് മിഖദാദ് ഉൾപ്പെടെയുള്ള ഇരുപത്തി രണ്ടോളം വിദ്യാർഥികൾക്കെതിരെയാണ് അറസ്റ്റ് വാറണ്ട് പുറപ്പെടുവിച്ചത്.
സംസ്ഥാന സർക്കാരിന്റെ ഇരട്ടത്താപ്പ് നയം തിരിച്ചറിയണമെന്നും ഇതിനെതിരെ ശക്തമായ പ്രതിഷേധവുമായി മുന്നോട്ട് പോകുമെന്നും എം.എസ്.എഫ് നാദാപുരം നിയോജക മണ്ഡലം കമ്മിറ്റി അറിയിച്ചു.

നാദാപുരം: എൽഡിഎഫ് സ്ഥാനാർത്ഥി ഇ കെ വിജയൻ്റെ വിജയാവർത്തനത്തിനായി വാണിമേലിൽ തിരഞ്ഞെടുപ്പ് റാലി നടത്തി. സ്ത്രീകളും യുവാക്കളും കുട്ടികളും, ആദിവാസി ജനവിഭാഗങ്ങളും ഉൾപ്പെടെ നൂറുകണക്കിനാളുകൾ അണിനിരന്ന വിലങ്ങാട് മേഖലാ റാലി സി പി ഐ സംസ്ഥാന അസി.സെക്രട്ടറി സത്യൻ മൊകേരി ഉൽഘാടനം ചെയ്തു. ജോണി മുല്ലക്കുന്നേൽ അദ്ധ്യക്ഷനായി. എൻ സി പി ദേശീയ സമിതി അംഗം സി എം ജോസഫ്, എ എം റഷീദ്, ടി മാത്യു കരിമ്പിൽ ദിവാകരൻ എന്നിവർ സംസാരിച്ചു.എൻ പി വാസു സ്വാഗതം പറഞ്ഞു. പരപ്പുപാറയിൽ നിന്നും ആരംഭിച്ച് ഭൂമിവാതുക്കൽ ടൗണിൽ സമാപിച്ചു. റാലി എൽ.ജെ.ഡി സംസ്ഥാന സെക്രട്ടറി എൻ കെ വൽസൻ ഉൽഘാടനം ചെയ്തു. സി കെ ജലീൽ അദ്ധ്യക്ഷനായി. വി പി കുഞ്ഞികൃഷണൻ, സത്യൻ മൊകേരി, സുരേഷ് ബാബു, പി പി ചാത്തു, അഡ്വ.ഗവാസ്, കെ ജി ലത്തീഫ് ,ടി പ്രദീപ് കുമാർ, എം കെ ബാലൻ, എന്നിവർ സംസാരിച്ചു.കെ പി രാജൻ സ്വാഗതം പറഞ്ഞു. കൈവേലി ഗ്രാൻമ അവതരിപ്പിച്ച 'ഉപാകരം 'ണ്ടേ' തെരുവു നാടകം അരങ്ങേറി.

ഇരിങ്ങണ്ണൂർ : ഇരിങ്ങണ്ണൂർ ഹയർ സെക്കണ്ടറി സ്കൂൾ പ്രിൻസിപ്പാളും അധ്യാപക അവാർഡ് ജേതാവുമായ പി.രാജകുമാർ, ഹെഡ്മിസ്ട്രസ് പി.ബീന എന്നിവർക്ക് സ്കൂൾ പിടിഎയുടെ നേതൃത്വത്തിൽ യാത്രയയപ്പ് നല്കി.ജില്ലാ പഞ്ചായത്ത് മെമ്പർ സുരേഷ് കൂടത്താംങ്കണ്ടി യാത്രയയപ്പ് സമ്മേളനം ഉദ്ഘാടനം ചെയ്തു.പി.ടി.എ പ്രസിഡണ്ട് രമേശൻ കുന്നുമ്മൽ അധ്യക്ഷത വഹിച്ചു. കവി പവിത്രൻ തീക്കുനി മുഖ്യ പ്രഭാഷണം നടത്തി. തൂണേരി ബ്ലോക്ക് പഞ്ചായത്ത് മെമ്പർ എ.ഡാനിയ, ഗ്രാമപഞ്ചായത്ത് മെമ്പർ ശ്രീജ പാലപ്പറമ്പത്ത്, സ്കൂൾ മാനേജർ കെ.പി ചാത്തു, ഗ്രീഷ്മ ,പി കെ ശശികുമാർ ,എ ആർ അജിത്കുമാർ, അബ്ദുൾ മജീദ്, പി.വി.തമ്പാൻ എന്നിവർ സംസാരിച്ചു.രാജകുമാർ, ബീന എന്നിവർ മറുമൊഴി നൽകി. യാത്രയയപ്പ് കമ്മറ്റി കൺവീനർ സി.പി.രാജൻ സ്വാഗതവും  ആർ.സുകുമാരൻ നന്ദിയും പറഞ്ഞു. കുട്ടികളുടെ കലാപരിപാടിയും ഉണ്ടായി.

വളയം: എൽ.ഡി.എഫ്‌ സ്ഥാനാർത്ഥി ഇ കെ വിജയന്റെ വളയംമേഖലയിലുള്ള 
തെരഞ്ഞെടുപ്പ് പ്രചരണം വ്യാഴായ്ച രാവിലെ കല്ലുനിരയിൽ നിന്നാരംഭിച്ചു.  

പൂങ്കുളത്തെ ബാംബു കോർപ്പറേഷൻ നിർമ്മാണ യൂണിറ്റിലെത്തി തൊഴിലാളികളേയും  ഇതിന്റെ ഭാഗമായി പഞ്ചായത്ത് ഹരിതകർമ്മ സേനംഗങ്ങളെയും കണ്ട് വോട്ടഭ്യർത്ഥന നടത്തി. 

കണ്ടകല്ലു നിര , പുഞ്ച, ചേലത്തോട്, കൊക്രി, പൂങ്കുളം എന്നിവിടങ്ങളിൽ ഗൃഹസന്ദർനം നടത്തി , കിടപ്പു രോഗികളെ സന്ദർശിക്കുകയും , മരണവീട്ടിലും കല്യാണ വീടുകളിലും എത്തുകയും ചെയ്തു. 

വളയം ചെക്കോറ്റ, പരദേവത ക്ഷേത്രം, നിരവുമ്മൽ പ്രദേശവാസികളെകണ്ട്  വോട്ടഭ്യർത്ഥന നടത്തി. വൈകീട്ട് മരുതോങ്കര, കായക്കൊടി എൽ ഡി എഫ് റാലികളിൽ പങ്കെടുത്തു. കെ പി പ്രദീഷ്, എം ദിവാകരൻ, എ കെ രവി,വി പി ശശിധരൻ, സി എച്ച് ശങ്കരൻ, വി കെ രവി എന്നിവർ ഒപ്പമുണ്ടായിരുന്നു. 

നാദാപുരം : നിയമസഭാ തെരഞ്ഞെടുപ്പിന് മുന്നോടിയായി നടക്കുന്ന ഇലക്ഷൻ പ്രചരണത്തിനായി യു.ഡി.എഫ് സ്ഥാനാർത്ഥി പ്രവീൺകുമാർ നാദാപുരം പള്ളിയിലെത്തി. 
ജുമുഅ നിസ്കാരത്തിനുശേഷം വിശ്വാസികളെ കാണാനും വോട്ടു ചോദിക്കാനുമാണ് പ്രവീൺകുമാർ നാദാപുരം പള്ളിയിലെത്തിയത്. 
ഗ്രാമപഞ്ചായത്ത് വി.വി മുഹമ്മദലി, മുസ്ലിം ലീഗ് പഞ്ചായത്ത് പ്രസിഡന്റ് എം.പി സൂപ്പി, വൈസ് പ്രസിഡന്റ് ബംഗ്ലത്ത് മുഹമ്മദ്, യൂത്ത്‌ലീഗ് ജില്ലാ സെക്രട്ടറി കെ.കെ നവാസ്, അബ്ബാസ് കണേക്കൽ തുടങ്ങിയവരും ഒപ്പമുണ്ടായിരുന്നു. 

നാദാപുരം: ഏപ്രിൽ 6 ന് നടക്കുന്ന തെരഞ്ഞെടുപ്പിനോടനുബന്ധിച്ച് എ.ഐ.സി.സി നിരീക്ഷകന്മാർ നാദാപുരത്ത്. സുനിത ഹൈക്കാർതി , മബ് ലേഷർ, സുനിത ഐഹോൾ , പക്ത ശെഷ്സ്ലി തുടങ്ങിയ എഐസിസി നിരീക്ഷകൻമാരാണ് നാദാപുരത്തെത്തിയത്. 
തെരഞ്ഞെടുപ്പ് കഴിയുന്നതുവരേ നാദാപുരത്തിന്റെ സ്ഥിതിഗതികൾ നിരീക്ഷിച്ച് റിപ്പോർട്ട് നൽകാനാണ് ഇവർ സ്ഥലത്തെത്തിയത്.

വളയം: നിയമസഭാ തെരഞ്ഞെടുപ്പ് പ്രവർത്തനങ്ങൾ ഏകോപിപ്പിക്കുന്നതിന് യുഡിഎഫ് വളയത്ത് തെരഞ്ഞെടുപ്പ് കമ്മറ്റി ഓഫീസ് തുറന്നു. കെ.പി.സി.സി നിർവാഹക സമിതി അംഗം സി.വി കുഞ്ഞികൃഷ്ണൻ ഉദ്ഘാടനം ചെയ്തു. ടി എം.വി ഹമീദ്, സി. ചന്ദ്രൻ, രവീഷ് വളയം,സി.വി അബ്ദുള്ള , പി.പി. സിനില , നജ്മ യാസർ , സുനിൽ കാവുന്തറ, എന്നിവർ സംസാരിച്ചു.

കടമേരി : ഇസ്ലാമികാസ്തിത്വത്തിന്റെ അടയാളങ്ങളാണ് മഹല്ല് സംവിധാനങ്ങളെന്നും കേരളാ മുസ്ലിംങ്ങളുടെ ആഭ്യന്തര സുരക്ഷിതത്വത്തിന്റെയും ഭദ്രതയുടെയും പ്രധാന ഭാഗമാണ് മഹല്ല് കമ്മിറ്റികളെന്നും സുന്നീ യുവജന സംഘം കോഴിക്കോട് ജില്ലാ പ്രസിഡന്റ് സയ്യിദ് ടി പി സി തങ്ങള്‍ അഭിപ്രായപ്പെട്ടു.
ആഘോഷവേളകളിലും പവിത്രമായി കരുതപ്പെടുന്ന സന്തോഷ വേളകളിലടക്കം വര്‍ധിച്ചുവരുന്ന തെറ്റായ ആചാരങ്ങളെ ചെറുക്കാനും നിയന്ത്രിക്കാനും ആവശ്യമായ ബോധ വത്കരണങ്ങളും ഉദ്‌ബോധനങ്ങളും നടത്തി നല്ല ഒരു തലമുറയെ വാര്‍ത്തെടുക്കാന്‍ മഹല്ല് ഭാരവാഹികള്‍ ആവത് ശ്രമിക്കണമെന്നും അദ്ധേഹം ഓര്‍മ്മിപ്പിച്ചു. കടമേരി റഹ്മാനിയ്യയില്‍ നടന്ന മഹല്ല് നേതൃ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ധേഹം.
  റഹ്മാനിയ്യ വര്‍ക്കിംഗ് പ്രസിഡന്റ് എസ് പി എം തങ്ങള്‍ അദ്ധ്യക്ഷത വഹിച്ചു. മുനീര്‍ ഹുദവി പേങ്ങാട്, ഫരീദ് റഹ്മാനി കാളികാവ് വിഷയാവതരണം നടത്തി. യൂസുഫ് ബാഖവി കൊടുവള്ളി, മുടിക്കോട് മുഹമ്മദ് മുസ്ലിയാര്‍, യൂസുഫ് മുസ്ലിയാര്‍ മലപ്പുറം, ബഷീര്‍ ഫൈസി ചീക്കോന്ന്, ആയഞ്ചേരി ഗ്രാമ പഞ്ചായത്ത് പ്രസിഡണ്ട് കാട്ടില്‍ മൊയ്തു മാസ്റ്റര്‍, നൊച്ചാട്ട് കുഞ്ഞബ്ദുല്ല, പി അമ്മദ് മാസ്റ്റര്‍, ഇബ്രാഹിം മുറിച്ചാണ്ടി, തുടങ്ങിയവര്‍ സംസാരിച്ചു. മൂടാടി മൊയ്തു ഹാജി, ടി കെ ഹാരിസ് മാസ്റ്റര്‍, കുറ്റിയില്‍ പോക്കര്‍ ഹാജി, നാളോംകണ്ടി അന്ത്രു മുസ്ലയാര്‍,പുത്തലത്ത് അമ്മദ്, കോമത്ത് കണ്ടി മമ്മു ഹാജി, പി എ മമ്മൂട്ടി, ചീക്കിലോട്ട് അബ്ദുല്‍ ഹഖീം, അമ്മദ് ഹാജി കോറോത്ത്, കുറ്റീക്കണ്ടി ഇബ്രാഹിം, എന്‍ കെ ജമാല്‍ ഹാജി, മാടോത്ത് മുഹമ്മദ്, പുളിക്കണ്ടി സുലൈമാന്‍, റഫീഖ് തലായിന്റവിട, അമ്മദ് ഹാജി മുടിയല്ലൂര്‍, ഖാദര്‍ ഫൈസി, അലി ഫൈസി മരുന്നൂര്‍ എന്നിവര്‍ സംബന്ധിച്ചു. ചിറക്കല്‍ ഹമീദ് മുസ്ലിയാര്‍ സ്വാഗതവും സി എച്ച് മഹമൂദ് സഅദി നന്ദിയും പറഞ്ഞു

എടച്ചേരി: ഇടതുമുന്നണി സ്ഥാനാർത്ഥി ഇ.കെ വിജയൻ്റെ തെരഞ്ഞെടുപ്പ് വിജയത്തിനായി വികസന മുന്നേറ്റത്തിന് യുവതയുടെ സാക്ഷ്യപത്രം എന്ന മുദ്രാവാക്യവുമായി വിളംബര ജാഥ നടത്തി.ഇടതു പക്ഷ യുവജന സംഘടനകളുടെ നേതാക്കളും പ്രവർത്തകരും പങ്കെടുത്തു. എടച്ചേരി നോർത്തിൽ നിന്നും ആരംഭിച്ച വിളംബര ജാഥ എടച്ചേരി ടൗണിൽ സമാപിച്ചു. ലോക് താന്ത്രിക് യുവജനതാദൾ സംസ്ഥാന കമ്മറ്റിയംഗം വത്സരാജ് മണലാട്ട് ഉദ്ഘാടനം ചെയ്തു. ഷൈബേഷ് അധ്യക്ഷത വഹിച്ചു ഡി. വൈ. എഫ്. ഐ ജില്ലാ കമ്മറ്റിയംഗം അഡ്വ.രാഹുൽ രാജ്, മേഖലാ സെക്രട്ടറി മിഥുൻ എൻ.കെ, എൽ.വൈ.ജെ.ഡി ജില്ലാ സെക്രട്ടറി കെ രജീഷ്, എടച്ചേരി പഞ്ചായത്ത് കമ്മറ്റി പ്രസിഡണ്ട് ടി. പ്രകാശൻ, ടി.കെ ഷിബിൻ എന്നിവർ പ്രസംഗിച്ചു. നൂറ് കണക്കിന് യുവതി യുവാക്കൾ വിളംബര ജാഥയിൽ പങ്കെടുത്തു. ഏപ്രിൽ 2 ന് ചേലക്കാട് നിന്നും കല്ലാച്ചിയിലേക്ക് എൽ.ഡി. വൈ. എഫ് പ്രവർത്തകർ ഇ.കെ വിജയൻ്റെ വിജയത്തിനായി "മാർച്ച ദേല വിക്ടോറിയ " എന്ന പേരിൽ യുവജന മാർച്ച് നടത്തും.സംസ്ഥാന നേതാക്കൾ പങ്കെടുക്കും.

നാദാപുരം : കള്ള വോട്ട് തടയാന്‍ നടപടി സ്വീകരിക്കാതെ കോഴിക്കോട് കളക്ടര്‍ എല്‍ ഡി എഫിന്റെ എജന്റ്റ് ആയി പ്രവര്‍ത്തിക്കുകയാണെന്ന്  നാദാപുരത്തെ യു ഡി എഫ് സ്ഥാനാർത്ഥി   അഡ്വ. കെ പ്രവീണ്‍ കുമാര്‍ വാര്‍ത്താ  സമ്മേളനത്തില്‍ പറഞ്ഞു. യു ഡി എഫിന്റെ  വിജയം തടയാന്‍ ആരയിര ത്തില്‍പരം കള്ള വോട്ടുകളാണ് എല്‍ ഡി എഫ് ചേര്‍ത്തിട്ടുള്ളത്.
പോളിംഗ് ഓഫീസര്‍മാരുടെ സഹായത്തോടെ ഇരട്ട വോട്ടുകള്‍ ചേര്‍ത്ത തിനെതിരെ 2 തവണ കളക്ടര്‍ക്ക് പരാതി കൊടുത്തിട്ടും നടപടി ഉണ്ടായില്ല. എടച്ചേരി, വളയം ,നരിപറ്റ പഞ്ചായത്തുകളിലെ പാര്‍ട്ടി ഗ്രമാങ്ങളില്‍ സ്ഥിരമായി കള്ള വോട്ട് നടക്കുന്നത് തടയാന്‍ വെബ് ക്യാമറയും കേന്ദ്ര സേനയേയും വിന്യസിക്കണമെന്ന ആവശ്യവും കളക്ടര്‍ തള്ളി. 26 പ്രശ്ന ബാധിത ബൂത്തുകളില്‍ 14 ഇടത്ത് മാത്രമാണ് കളക്ടര്‍ ഇതിന് തയ്യാറായത്. കള്ള വോട്ട് തടയാന്‍ കേന്ദ്ര തിരഞ്ഞെടുപ്പ് കമ്മീഷനെ സമീപിക്കും.
ചെറുപ്പക്കാരുടെത് ഉള്‍പ്പെടെ ഓപ്പണ്‍ വോട്ട് ചെയ്യുന്ന സി പി എം കുതന്ത്രവും തടയണ
മെന്നും പ്രവീണ്‍കുമാര്‍ ആവശ്യപെട്ടു. വാര്‍ത്താ സമ്മേളനത്തില്‍ തെരഞ്ഞെടുപ്പ് കമ്മിറ്റി  ചെയര്‍മാന്‍ സൂപ്പി നരിക്കാട്ടേരി, കണ്‍വീനര്‍ അഡ്വ.കെ എം  രഘുനാഥ്,‌ ഭാരവാഹികളായ   എന്‍  കെ മൂസ മാസ്റര്‍, അഡ്വ എ സജീവന്‍ , സി വി കുഞ്ഞികൃഷ്ണന്‍, പി കെ ദാമു, പി കെ ഹബീബ്, കുറുവയില്‍ അഹമ്മദ്,  എം കെ അഷ്‌റഫ്‌ , രവീഷ് വളയം, എന്നിവര്‍ പങ്കെടുത്തു.

നാദാപുരം:  വരൾച്ചയുടെ കാലത്തെ മുന്നേ കണ്ട് സുന്നി യുവജന സംഘം സംസ്ഥാന കമ്മിറ്റിയുടെ 'ജലമാണ് ജീവൻ' എന്ന രണ്ടു മാസക്കാലം നീണ്ടുനിൽക്കുന്ന ക്യാമ്പയിന് നാദാപുരം സോണിൽ തുടക്കമായി. ലോക ജല ദിനത്തോടനുബന്ധിച്ച് സോണിലെ ആറ് കേന്ദ്രങ്ങളിൽ തണ്ണീർ പന്തലുകൾ സ്ഥാപിച്ചു. ഇരിങ്ങണ്ണൂർ ടൗണിൽ നടന്ന സോൺ തല ഉദ്ഘാടനത്തിൽ എംഎൽഎയും സ്ഥാനാർത്ഥിയുമായ ഇ.കെ വിജയൻ, നിയുക്ത സ്ഥാനാർത്ഥി അഡ്വകറ്റ്  പ്രവീൺകുമാർ എന്നിവർ പങ്കെടുത്തു. ക്യാമ്പയിനിൻ്റെ ഭാഗമായി പറവകൾക്ക് പ്രവർത്തകരുടെ വീടുകളിൽ  തണ്ണീർ കുടം, കുടിവെള്ള വിതരണം, ജലാശയങ്ങൾ ശുദ്ധീകരിക്കൽ, ബോധവൽക്കരണം തുടങ്ങി വ്യത്യസ്ത പദ്ധതികളാണ് എസ്.വൈ.എസ്  ലക്ഷ്യമാക്കുന്നത്. പരിപാടിയിൽ നിസാർ ഫാളിലി താനക്കോട്ടൂർ, ഫാറൂഖ് മാസ്റ്റർ വാണിമേൽ, ടി.കെ  റിയാസ് കക്കംവെള്ളി,  സി കെ മുഹമ്മദ് ഇരിങ്ങണ്ണൂർ, ഇസ്മായീൽ മിസ്ബാഹി ചെറുമോത്ത്, അബ്ദുൽ സലാം കുമ്മോളി,  റഫീഖ്  ഉസ്താദ് കരുകുളം,  മൂസക്കുട്ടി മാസ്റ്റർ വാണിമേൽ, മഹ്മൂദ് സഖാഫി വളയം, സഈദ് സഖാഫി കുരിക്കിലാട് എന്നിവർ പങ്കെടുത്തു.

നാദാപുരം: നിർമാണത്തിലെ അശാസ്ത്രീയത മൂലം വിവാദമായ വിഷ്ണുമംഗലം ബണ്ട് പൊളിച്ചു മാറ്റി പണിയാനുദ്ദേശിക്കുന്ന റഗുലേറ്റർ കം ബ്രിഡ്ജിനെതിരെ നാട്ടുകാർ രംഗത്ത്. പുളിയാവ്‌ ഇയ്യങ്കോട്‌ പുഴയിലാണ് പുതിയ ആർ.സി.ബി സ്ഥാപിക്കാനുള്ള സർവേ നടപടികൾ പൂർത്തിയാക്കിയത്. 
ഇതിനിടയിലാണ് പ്രതിഷേധവുമായി ഈ പ്രദേശത്തുകാർ രംഗത്തെത്തിയത്.
ആർ.സി.ബി വരുന്നതോട്‌ കൂടി കല്ലികടവ്‌ ഭാഗത്തുള്ള റേഡ്‌ പൂർണ്ണമായും വെള്ളത്തിനടിയിൽ ആകുമെന്നാണ് നാട്ടുകാർ പറയുന്നത്. പ്രദേശത്തേക്കുള്ള ‌ഏക വഴി ഇതാണെന്നും പേരോട്‌ ഹൈസ്കൂൾ, സി.സി.യു.പി എന്നീ വിദ്യാലയങ്ങളിലെ കുട്ടികളും ആശ്രയിക്കുന്നത് ഈ റോഡാണെന്നും അവർ പറയുന്നു. നിലവിൽ പുളിയാവിന്റെ വിവിധ ഭാഗങ്ങളിൽ രൂക്ഷമായ കുടിവെള്ള പ്രശ്‌നം നിലനിൽക്കുന്നുണ്ട്‌ ഇവിടെ ആർ.സി.ബി സ്ഥാപിക്കുന്നതോട് കൂടി താഴ് ഭാഗങ്ങളിൽ  വരൾച്ച കൂടുമെന്ന ആശങ്കയിലാണ് നാട്ടുകാർ. നാദാപുരം നിയോജക മണ്ഡലം യു.ഡി.എഫ് സ്ഥാനാർഥി അഡ്വ. കെ. പ്രവീൺകുമാർ സ്ഥലം സന്ദർശിക്കുകയും ജനങ്ങളുടെ പ്രതിഷേധത്തിന് കൂടെനിൽക്കുമെന്ന് അറിയിക്കുകയും ചെയ്തു.

വളയം : ഇടവേളകളില്ലാത്ത ധാർമ്മിക ബോധവൽക്കരണങ്ങൾ ഹൃദയങ്ങളിൽ മാറ്റങ്ങൾ സൃഷ്ടിക്കുകയും മലിന മനസ്സുകളെ സംശുദ്ധമാക്കുകയും ചെയ്യുമെന്ന് എസ്.വൈ.എസ് കോഴിക്കോട് ജില്ല പ്രസിഡന്റ് സയ്യിദ് ടി.പി.സി തങ്ങൾ അഭിപ്രായപ്പെട്ടു. എസ്.വൈ.എസ്, എസ്.കെ.എസ്.എസ്.എഫ് വളയം പഞ്ചായത്ത് കമ്മിറ്റി മാർച്ച് 21 മുതൽ 25 വരെ ചെറുമോത്ത് നൂറുൽ ഇസ്ലാം കാമ്പസിൽ സംഘടിപ്പിച്ച 'മർഹബൻ റമളാൻ' മത പ്രഭാഷണ പരിപാടിയുടെ ഉദ്ഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം. കോറോത്ത് അഹ്മദ് ഹാജി അധ്യക്ഷനായി. സയ്യിദ് മുഹമ്മദ് ഹാഫിസ് ജിഫ്രി റഹ്മാനി മുഖ്യപ്രഭാഷണം നടത്തി. അലി അൽ ഖാസിമി, ടി.പി ഇസ്മായിൽ ഫൈസി, പി ബശീർ ബാഖവി, പി അബ്ദുൽ ഖാദർ മുസ്ലിയാർ, പി അബ്ദുൽ ഹകീം ഫൈസി, ജാബിർ റഹ്മാനി, സി.കെ അബൂട്ടി, സി.കെ ഉസ്മാൻ ഹാജി, ടി.സി സുബൈർ, എം.വി അബൂബക്കർ ഹാജി, ടി.ടി.കെ ഇബ്രാഹിം ഹാജി, കുറുമാനി അമ്മദ് ഹാജി, പി.പി ഉബൈദ് സംബന്ധിച്ചു.
മുഹമ്മദ് ത്വയ്യിബ് റഹ് മാനി സ്വാഗതവും ഇല്യാസ് മാമുണ്ടേരി നന്ദിയും പറഞ്ഞു.

ചെക്യാട് : ജാതിയേരി കൊല്ലൻറവിട പോക്കറുടെ വീട്ട് മുറ്റത്ത് നിർത്തിയിട്ട സ്കൂട്ടർ ഇന്നലെ അർദ്ധരാത്രി സാമൂഹ്യ ദ്രോഹികൾ കത്തിനശിപ്പിച്ചു. സംഭവത്തിൽ വളയം പോലീസ് കേസ് രജിസ്റ്റർ ചെയ്ത് അന്യേഷണം ആരംഭിച്ചു. വിദേശത്തുള്ള മകൻ സലീമിൻ്റെ പേരിലുള്ളതാണ് സ്കൂട്ടർ.വിഷയം ഗൗരവത്തിൽ കാണണമെന്നും,  സമാധാനാന്തരീക്ഷം നിലനിന്നുപോകുന്ന പ്രദേശത്ത് ബോധപൂർവ്വം പ്രശ്നങ്ങൾ സൃഷ്ടിക്കുവാൻ ആരെങ്കിലും ശ്രമിക്കുന്നുണ്ടെങ്കിൽ അവരെ നിയമത്തിൻ്റെ മുന്നിൽ കൊണ്ട് വരണമെന്നും വാർഡ് മെമ്പർ പി.കെ.ഖാലിദ് മാസ്റ്റർ അഭ്യർത്ഥിച്ചു.

നാദാപുരം: എൽ.ഡി.എഫ് സ്ഥാനാർത്ഥി ഇ.കെ.വിജയന്റെ ഒന്നാം ഘട്ടം പര്യടനം ആരംഭിച്ചു. കള്ളാട് വെച്ച് സി.പി.എം.ജില്ലാ കമ്മറ്റി അംഗം കെ.കൃഷ്ണൻ ഉൽഘാടനം ചെയ്തു. സുരേഷ് കലായി അദ്ധ്യക്ഷത വഹിച്ചു ആദ്യ ദിവസത്തെ പര്യടനം പരപ്പു പാറയിൽ അവസാനിച്ചു. എൽ.ഡി.എഫ് നേതാക്കളായ വി.പി. കുഞ്ഞികൃഷ്ണൻ , പി.പി. ചാത്തു, രജീന്ദ്രൻ കപ്പള്ളി , പി.എം. നാണു ബോബി മൂക്കൻ തോട്ടം, എം.ടി. ബാലൻ , സി.എച്ച് മോഹനൻ , എൻ.കെ. ലീല , വത്സരാജ്,   മണലാട്ട് ,എം .പി വിജയൻ,രാഹുൽ രാജ് , ഭാസ്കരൻ, എ.മോഹൻദാസ് എന്നിവർ പര്യടനത്തിൽ അനുഗമിച്ചു. ആബാലവൃദ്ധം ജനങ്ങളും ആവേശപൂർവ്വം വിവിധ കേന്ദ്രങ്ങളിലെ സ്വീകരണ പരിപാടികളിൽ സംബന്ധിച്ചു. ബാൻറ് മേളത്തിൻ്റെയും മുദ്രാവാക്യം വിളികളുടെയും അകമ്പടിയോടെ വൻ ആവേശപൂർവ്വമാണ് സ്വീകരണ കേന്ദ്രങ്ങളിൽ പ്രവർത്തകർ എത്തിയത്.

നാദാപുരം: നിയമസഭ തിരഞ്ഞെടുപ്പിൽ പത്രിക സമർപ്പിക്കാനുള്ള സമയം അവസാനിച്ചതോടെ നാദാപുരം നിയോജക മണ്ഡലത്തിൽ ഏഴ് സ്ഥാനാർഥികൾ. ഇതിൽ യു.ഡി.എഫ് സ്ഥാനാർഥി അഡ്വ. കെ. പ്രവീൺകുമാറിന് ഒരു അപരനും ഉണ്ട്. മൊത്തം പതിനേഴ് പത്രികകൾ സമർപ്പിച്ചതിൽ അഞ്ചെണ്ണം തള്ളി. ഇ.കെ വിജയൻറെ ഒരു അപരനും പ്രവീണ്കുമാറിന്റെ ഒരു അപരനും തള്ളപ്പെട്ടു. സ്വീകരിച്ച പന്ത്രണ്ട് പട്ടികകളിൽ മൊത്തം ഏഴ് സ്ഥാനാർഥികളാണ്. മൂന്നു സെറ്റ് വീതം പത്രിക പ്രവീൺകുമാറും ഇ.കെ വിജയനും നൽകിയിട്ടുണ്ട്. രണ്ട് സെറ്റ് പത്രിക എസ്.ഡി.പി.ഐ സ്ഥാനാർഥി നാസറും സമർപ്പിച്ചിട്ടുണ്ട്. കൂടാതെ എൻ.ഡി.എ സ്ഥാനാർഥി രാജൻ, നാഷണൽ ലേബർ പാർട്ടിയുടെ കെ.കെ ശ്രീധരൻ, സ്വതന്ത്ര സ്ഥാനാർഥികളായ ബഷീർ, ടി. പ്രവീൺ കുമാർ എന്നിവരുടെ പത്രികകളാണ് സ്വീകരിച്ചത്.

വടകര: കെ കെ രമയുടെ വടകര മുനിസിപ്പൽ തെരഞ്ഞെടുപ്പ് കൺവെൻഷൻ വടകര ബുസ്താനിയ ശാദി മഹലിൽ വെച്ച് നടന്നു. മുസ്‌ലിം ലീഗ് സംസ്ഥാന സെക്രട്ടറി അഡ്വ: പി.എം.എ സലാം ഉദ്ഘാടനം ചെയ്തു. ഡി.സി.സി പ്രസിഡണ്ട് യു. രാജീവൻ മാസ്റ്റർ, ആർ എം പി ഐ സെക്രട്ടറി എൻ വേണു ,  എം.സി ഇബ്രാഹിം,കോട്ടയിൽ രാധാകൃഷ്ണൻ, എൻ.പി അബ്ദുള്ള ഹാജി, പുറന്തോടത്ത് സുകുമാരൻ, എം.പി അബ്ദുൾ കരീം, കെ. ലിനീഷ്, വി.കെ അസീസ് മാസ്റ്റർ, പി.എസ് രഞ്ജിത്ത്കുമാർ, നല്ലാടത്ത് രാഘവൻ , കളത്തിൽ പീതാംബരൻ  തുടങ്ങിയ നേതാക്കൾ പ്രസംഗിച്ചു

വടകര: യു.ഡി.എഫ് പിന്തുണക്കുന്ന ആര്‍.എം.പി.ഐ സ്ഥാനാര്‍ഥി കെ.കെ രമക്കെതിരെ മൂന്ന് അപര സ്ഥാനാര്‍ഥികള്‍ രംഗത്ത്. രമ ചെറിയകയ്യില്‍, രമ കെ.കെ, രമ കെ.ടി.കെ എന്നിവരാണ് പത്രിക നല്‍കിയത്. വടകരയില്‍ ഇടതുമുന്നണിയുടെ പരാജയ ഭീതി കാരണമാണ് അപരന്മാരെ രംഗത്തിറക്കിയതെന്ന് ആര്‍.എം.പി.ഐ സംസ്ഥാന സെക്രട്ടറി എന്‍.വേണു പറഞ്ഞു. കെ.കെ രമയുടെ സ്ഥാനാര്‍ഥിത്വം സംസ്ഥാനത്തൊട്ടാകെ ചര്‍ച്ചചെയ്യപ്പെടുമ്പോല്‍ പരാജയ ഭീതി കാരണം വോട്ടര്‍മാരെ വിഡ്ഢികളാക്കുന്ന നയമാണ് ഇടതുമുന്നണി എടുക്കുന്നത്. വടകരയിലെ പ്രബുദ്ധരായ വോട്ടര്‍മാര്‍ ഇത് തള്ളിക്കളയുമെന്നും കെ.കെ രമ ഉജ്വല വിജയം നേടുമെന്നും വേണു പ്രസ്താവിച്ചു.

നാദാപുരം : എസ്ഡിപിഐ നാദാപുരം നിയോജക മണ്ഡലം സ്ഥാനാർഥി കെ.കെ നാസർ മാസ്റ്റർ വരണാധികാരി മുമ്പാകെ നോമിനേഷൻ പത്രിക സമർപ്പിച്ചു. മണ്ഡലം പ്രസിഡന്റ് ബഷീർ ചീകൊന്ന്, സെക്രട്ടറി അയ്യൂബ് തീർച്ചലോത്, മണ്ഡലം തിരഞ്ഞെടുപ്പ് കമ്മിറ്റി ചെയർമാൻ സി.കെ അബ്ദുൽ റഹീം മാസ്റ്റർ, സിറാജ് ചാലപ്പുറം, ഹാഷിർ പാതുങ്ങര, ഒ.ഹമീദലി തുടങ്ങിയ നേതാക്കൾ സംബന്ധിച്ചു.

പാറക്കടവ് ശിഹാബ് തങ്ങൾ ഡയാലിസിസ് സെന്ററിന്റെ മൂന്നാം ഷിഫ്റ്റ് ഉദ്ഘാടനം സയ്യിദ് പാണക്കാട് സാദിഖലി ശിഹാബ് തങ്ങൾ ഉദ്ഘാടനം ചെയ്തു. നിലവിൽ 72 പേർക്ക് ഈ സ്ഥാപനത്തിൽ ഡയാലിസിസ് ചെയ്ത്‌ വരുന്നു. ഒരു ഷിഫ്റ്റ് കൂടെ ആരംഭിക്കുന്നതോടെ 108 പേർക്ക് സൗജന്യമായി ഡയാലിസിസ് ചെയ്യാൻ കഴിയും. റമദാൻ കളക്ഷനിലൂടെയാണ് ഫണ്ട് സമാഹരികുന്നത്. കഴിഞ്ഞ റമദാനിൽ ഏറ്റവും കൂടുതൽ ഫണ്ട് സമാഹരിച്ച ചെക്യാട് ,തൂണേരി , എടച്ചേരി പഞ്ചായത്തുകൾക്കും ഏറ്റവും കൂടുതൽ ഫണ്ട് സമാഹരിച്ച ആവടിമുക്ക് , നാദാപുരം വാർഡ് 22,പാറക്കടവ് ടൗൺ  ശാഖാ കമ്മിറ്റികൾക്കുള്ള ഉപഹാരം ചടങ്ങിൽ വച്ച് സാദിഖലി തങ്ങൾ നൽകി.ട്രസ്റ്റ് ചെയർമാൻ എം പി അബ്ദുല്ല ഹാജിയുടെ അധ്യക്ഷതയിൽ നടന്ന ചടങ്ങിൽ ട്രഷർ അഹമദ് പുന്നക്കൽ പദ്ധതി വിശദീകരണം നടത്തി. സി പി എ അസീസ്, വി വി മുഹമ്മദലി, അബ്ദുല്ല വയലോളി, മുഹമ്മദ് ബംഗ്ലത്ത്, അഹമ്മദ് കുറുവയിൽ, ടി എം വി ഹമീദ്, ടി കെ ഖാലിദ്, സി എച്ച് ഹമീദ്, നസീമ കൊട്ടാരത്ത്, പി ഷാഹിന, ഹാജറ ചെറൂണിയിൽ, കെ പി മുഹമ്മദ്, എം കെ അഷ്‌റഫ്, തൊടുവയിൽ മഹമൂദ്, ഏരത്ത് അബൂബക്കർ ഹാജി, ഹസൻ ചാലിൽ, ടി പി മജീദ്,  എ. കെ ഉമേഷ്, ഷഫീഖ് പള്ളിക്കൽ പങ്കെടുത്തു.
ട്രസ്റ്റ് ജനറൽ സിക്രട്ടറി സൂപ്പി നരിക്കാട്ടേരി സ്വാഗതവും എൻ കെ മൂസ മാസ്റ്റർ നന്ദിയും പറഞ്ഞു. 

നാദാപുരം : നിയമസഭാ തിരഞ്ഞെടുപ്പിൽ നാദാപുരം നിയോജക മണ്ഡലത്തിൽ ഇടതുപക്ഷ ജനാധിപത്യ മുന്നണി സ്ഥാനാർത്ഥിയായി മത്സരിക്കുന്ന ഇ കെ വിജയൻ എംഎൽഎ നാമനിർദ്ദേശ പത്രിക സമർപ്പിച്ചു  ഇന്ന് രാവിലെയാണ് വരണാധികാരി കോഴിക്കോട് ജോയിന്റ് രജിസ്ട്രാർ മുമ്പാകെ പത്രിക നൽകിയത്. എൽ.ഡി.എഫ് നേതാക്കളായ വി പി കുഞ്ഞികൃഷ്ണൻ അഡ്വ. പി ഗവാസ്, പി പി ചാത്തു, കരിമ്പിൽ ദിവാകരൻ തുടങ്ങിയവർ അദ്ദേഹത്തോടൊപ്പമുണ്ടായിരുന്നു. യുഡിഎഫ് സ്ഥാനാർത്ഥി അഡ്വ. കെ. പ്രവീൺകുമാർ നാളെ പത്രിക സമർപ്പിക്കും.

നാദാപുരം: വോട്ടർ പട്ടികയിൽ ആസൂത്രിതമായി ആളുകളെ തിരുകി കയറ്റിയെന്ന് പ്രതിപക്ഷ നേതാവ് രമേശ് ചെന്നിത്തല. ഒരേ ആളിന്റെ പേരിൽ തന്നെ നാലും അഞ്ചും വോട്ടുകൾ സൃഷ്ടിക്കപ്പെട്ടുവെന്നും ഇതിന് പിന്നിൽ ആസൂത്രിത ശ്രമം ഉണ്ടായെന്നും ചെന്നിത്തല.

നാദാപുരത്ത് 6171 കള്ളവോട്ടുകൾ ചേർത്തെന്നും അദ്ദേഹം പറഞ്ഞു.

തിരുവനന്തപുരത്ത് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.

സംസ്ഥാന തലത്തിൽ വ്യക്തമായ ഗൂഢാലോചന കള്ളവോട്ടർമാരെ സൃഷ്ടിക്കാൻ നടന്നിട്ടുണ്ട്. ഉദ്യോഗസ്ഥരുടെ ഒത്താശയോടെയാണ് ഇത് നടന്നത്. ഭരണ കക്ഷിയോട് കൂറുള്ള ഉദ്യോഗസ്ഥരാണ് ഇതിന് പിന്നിൽ.

വോട്ടർപ്പട്ടികയിൽ കണ്ടെത്തിയ കള്ളവോട്ടർമാരുടെ പേരുകൾ ചെന്നിത്തല പുറത്തുവിട്ടു. കഴക്കൂട്ടം മണ്ഡലത്തിൽ 4506 കള്ളവോട്ടർമാരെ കണ്ടെത്തി. കൊല്ലം മണ്ഡലത്തിൽ 2534, തൃക്കരിപ്പൂരിൽ 1436, കൊയിലാണ്ടിയിൽ 4611, കൂത്തുപറമ്പിൽ 3525, അമ്പലപ്പുഴയിൽ 4750 എന്നിങ്ങനെയാണ് ഇതുവരെ കണ്ടെത്തിയ കള്ളവോട്ടർമാരുടെ എണ്ണമെന്ന് ചെന്നിത്തല പറഞ്ഞു.

നാദാപുരം: ഗ്രാമ പഞ്ചായത്ത് ക്ലീൻ നാദാപുരം എന്ന പേരിൽ ആവിഷ്കരിച്ച മാലിന്യ നിർമാർജന പദ്ധതിയുടെ ഭാഗമായി തോടുകളുടെ ശുചീകരണം തുടങ്ങി. പുളിക്കൂൽ, കക്കംവെള്ളി, ചേറ്റുവെട്ടി എന്നീ തോടുകൾ   മാലിന്യംകൊണ്ട് നിറഞ്ഞ സാഹചര്യത്തിലാണ് ശുചീകരണം ആരംഭിച്ചത്.  ഗ്രാമ  പഞ്ചായത്ത് പ്രസിഡന്റ്   വി. വി. മുഹമ്മദലിയുടെ നേതൃത്വത്തിൽ  പ്രദേശ വാസികളുടെ  സഹകരണത്തോടെയാണ്    തോട് ശുചീകരണം  ആരംഭിച്ചത്. തൊഴിലുറപ്പ് തൊഴിലാളികളെയും സന്നദ്ധ സേവകരെയും ഉപയോഗിച്ചു പ്ലാസ്റ്റിക് മാലിന്യങ്ങളും മറ്റു സാധനകളും വേർതിരിച്ചു ചാക്കിലാക്കി കയറ്റി അയക്കുകയാണ്.

നാദാപുരം; നിയോജക മണ്ഡലം മുസ്ലിം ലീഗ് കമ്മിറ്റിക്ക് കിഴിൽ പാറക്കടവിൽ പ്രവർത്തിച്ചു വരുന്ന ശിഹാബ് തങ്ങൾ ഡയാലിസിസ് സെന്റർ മൂന്നാം ഷിഫ്റ്റ് ഉദ്‌ഘാടനം നാളെ ( വ്യാഴം ) വൈകീട്ട് മൂന്നു മണിക്ക് പാണക്കാട് സയ്യിദ് സാദിഖലി ശിഹാബ് തങ്ങൾ നിർവഹിക്കും. നിലവിൽ രണ്ടു ഷിഫ്റ്റുകളിലായി ഒന്നിടവിട്ട ദിവസങ്ങളിൽ 72 പേർക്കാണ്  ഇവിടെ ഡയാലിസിസ് ചെയ്തു വരുന്നത്. മൂന്നാമത്തെ ഷിഫ്റ്റ് കൂടി തുടങ്ങുന്നതോടെ 108 പേർക്ക് ഡയാലിസിസ് ചെയ്യാനുള്ള സംവിധാനം ഉണ്ടാകും. 
ശാഖാ- പഞ്ചായത്ത് മുസ്ലിം ലീഗ് കമ്മിറ്റികൾ ശുപാർശ ചെയ്യുന്ന തികച്ചും അർഹരായ നിർധന  വൃക്ക  രോഗികൾക്ക് പൂർണമായും സൗജന്യമായി ഡയാലിസിസ് ചെയ്യുന്നു എന്നതാണ് ഈ സെന്ററിന്റെ സവിശേഷത. പ്രതി വർഷം ഒരു കോടിയിലേറെ രൂപ ചെലവ് വരുന്ന 
ഈ സ്ഥാപനത്തിന് റമസാനിൽ പള്ളികൾ   കേന്ദ്രീകരിച്ചും മറ്റും നടക്കുന്ന ധന സമാഹരണമാണ് ഏക വരുമാന മാർഗ്ഗമെന്ന് സെന്റർ ഭാരവാഹികളായ എം പി അബ്ദുല്ല ഹാജി, സൂപ്പി നരിക്കാട്ടേരി, അഹമ്മദ് പുന്നക്കൽ, എൻ കെ മൂസ മാസ്റ്റർ എന്നിവർ അറിയിച്ചു.

ദുബൈ: വിപ്ലവകരമായ കണ്ടു പിടുത്തങ്ങൾ കൊണ്ട് ശാസ്ത്ര ലോകത്തിന് ഏറെ ശ്രദ്ധേയമായ സംഭാവനകൾ നൽകി കൊണ്ടിരിക്കുന്ന എൻ.എ. എം കോളജ് പൂർവ്വ വിദ്യാർത്ഥി ഷഫീർ കളത്തിലിന് ആദരം. കല്ലിക്കണ്ടി എൻ.എ.എം കോളജ് പൂർവ്വ വിദ്യാർത്ഥിയും വാണിമേൽ സ്വദേശിയുമായ ഡോ. ഷഫീർ കളത്തിലിനെയാണ് എൻ.എ.എം അലുംനി യുഎഇ ചാപ്റ്റർ ആദരിച്ചത്. ഏതാനും ദിവസങ്ങൾക്ക് മുമ്പ് ഇലക്ട്രിക് ബാക്ടീരിയ ഉപയോഗിച്ച് ഗ്രാഫേൻ നിർമ്മിക്കുന്നതിനുള്ള അമേരിക്കൻ പാറ്റന്റ് ലഭിച്ചതിനോടനുബന്ധിച്ചാണ് ചടങ്ങ് സംഘടിപ്പിച്ചത്.
ഇതിനോടകം മുപതോളം പ്രബന്ധങ്ങൾ അന്താരാഷ്ട്ര തലത്തിൽ പ്രസിദ്ധീകരിച്ച ഷഫീറിന് പത്ത് കണ്ടു പിടുത്തങ്ങൾക്ക് സ്വന്തമായി പാറ്റന്റും ലഭിച്ചിട്ടുണ്ട്. ഇംഗ്ലണ്ടിലെ നോർത്തുമ്പ്റിയ യൂണിവേഴ്സിറ്റിയിലെ പ്രൊഫസറാണ് ഷഫീര്‍.
 കോളജ് പ്രിൻസിപൽ ഡോ.കെ.കെ മുഹമ്മദ് കുട്ടി ഉദ്ഘാടനം ചെയ്തു. നൗഫല്‍ അബാസ് അധ്യക്ഷനായി. മുൻ പ്രിൻസിപൽ ഡോ.പുത്തൂർ മുസ്തഫ അനുമോദന പ്രസംഗം നടത്തി. അധ്യാപകരായ പ്രൊഫ. എം.കെ സാഹിർ, ഡോ. ടി. മജീഷ്, ഡോ. എ.പി ഷമീർ, അക്കാഫ് പ്രതിനിധികളായ ഷാഹുൽ ഹമീദ്, ചാൾസ് പോൾ, ബിജു കുമാർ, റാണി സുധീർ, ഫൈസൽ മുഹമ്മദ്, സാദിഖ് മഹമൂദ്, ഷഹീൽ കരയത്, സനീഷ് കുമാർ, പ്രൊഫ. വി.വി ഹസീബ്, സലീം പാറക്കടവ്,  സി.എച്ച് ഷഫീർ, ആര്‍.എം റഈസ് ആർ.എം, നവാസ് വാണിമേൽ, യു.കെ ഇഖ്ബാൽ, അനീഷ് കുമാർ, മുജീബ് കോറോത്ത്, അഫ്സല്‍ മുണ്ടത്തോട്, രതീഷ് കുമാര്‍ സംസാരിച്ചു. ഡോ.ഷഫീർ കളത്തിൽ മറുപടി പ്രസംഗം നടത്തി.

നാദാപുരം; നിയോജക മണ്ഡലം യു ഡി എഫ് തെരഞ്ഞടുപ്പ് കമ്മിറ്റി ഓഫീസ് കല്ലാച്ചിയിൽ പ്രവർത്തനം ആരംഭിച്ചു. മുസ്ലിം ലീഗ് ജില്ലാ വൈസ് പ്രസിഡണ്ട് അഹമ്മദ് പുന്നക്കൽ ഉദ്‌ഘാടനം ചെയ്തു. തെരഞ്ഞെടുപ്പ് കമ്മിറ്റി ചെയർമാൻ സൂപ്പി നരിക്കാട്ടേരി അധ്യക്ഷത വഹിച്ചു. സ്ഥാനാർഥി അഡ്വ. കെ പ്രവീൺകുമാർ, സി വി കുഞ്ഞി കൃഷ്ണൻ, എൻ കെ മൂസ മാസ്റ്റർ, അഡ്വ. കെ എം രഘുനാഥ്, കോരങ്കോട്ട് മൊയ്തു, ,മുഹമ്മദ് ബംഗ്ലത്ത്, അഡ്വ. എ സജീവൻ, എം പി ജാഫർ മാസ്റ്റർ, മോഹനൻ പാറക്കടവ്, അഹമ്മദ് കുറുവയിൽ, ആവോലം രാധാകൃഷ്‍ണൻ, എം കെ അഷ്‌റഫ്, രവീഷ് വളയം , കെ പി മുഹമ്മദ്, ഹസൻ ചാലിൽ, സി പി സലാം, പി കെ ദാമു മാസ്റ്റർ, അനസ് നങ്ങാണ്ടി, അഹമ്മദ് ചാത്തോത്ത് തുടങ്ങിയവർ സംബന്ധിച്ചു .

നാദാപുരം: ഇ.കെ വിജയനെ വൻ ഭൂരിപക്ഷത്തോടെ വിജയിപ്പിക്കണമെന്ന അഭ്യർത്ഥനയുമായി എൽ.ഡി.എഫ് ഇരിങ്ങണ്ണൂർ മേഖലാ കൺവൻഷൻ നടത്തി. സി.പി.എം ഏരിയാ കമ്മറ്റി അംഗം എ. മോഹൻദാസ് കൺവൻഷൻ ഉദ്ഘാടനം ചെയ്തു. മേഖലാ പ്രസിഡണ്ട് വത്സരാജ് മണലാട്ട് അധ്യക്ഷത വഹിച്ചു  രജീന്ദ്രൻ കപ്പള്ളി, ടി.കെ അരവിന്ദാക്ഷൻ, സി.പി .രാജൻ, എം.വേണുഗോപാലക്കുറുപ്പ്, കെ.പി ചാത്തു മാസ്റ്റർ, സി.കെ ബാലൻ എന്നിവർ പ്രസംഗിച്ചു എൽ.ഡി.എഫ് മേഖലാ സെക്രട്ടറി ടി.അനിൽകുമാർ സ്വാഗതമാശംസിച്ചു.
എൽ.ഡി എഫ് മേഖലാ കമ്മറ്റി ഭാരവാഹികളായി വത്സരാജ് മണലാട്ട് ( പ്രസിഡണ്ട്), ടി.അനിൽകുമാർ (സെക്രട്ടറി) ടി.കെ അരവിന്ദാക്ഷൻ (ട്രഷറർ) എന്നിവരെ തിരഞ്ഞെടുത്തു.

കുറ്റ്യാടി: സമാനതകളില്ലാത്ത സംഭവവികാസങ്ങള്‍ അരങ്ങേറിയ കുറ്റ്യാടിയില്‍ ഒടുവില്‍  പ്രവര്‍ത്തകരുടെ പ്രതിഷേധത്തിന് വഴങ്ങി കെ.പി.കുഞ്ഞമ്മദ് കുട്ടിയെ സിപിഎം സ്ഥാനാര്‍ഥിയായി പ്രഖ്യാപിച്ചു.  സിപിഎം കോഴിക്കോട് ജില്ലാ സെക്രട്ടറിയേറ്റ് അംഗമാണ് കുഞ്ഞമ്മദ് കുട്ടി. ജില്ലാ കമ്മിറ്റിയുടെ നിര്‍ദേശം സംസ്ഥാന കമ്മിറ്റി അംഗീകരിച്ചു. ഇടതുമുന്നണിയിലെ ധാരണപ്രകാരം കേരള കോണ്‍ഗ്രസ് (എം)ന് നല്‍കിയിരുന്ന സീറ്റ് പ്രതിഷേധങ്ങള്‍ക്ക് പിന്നാലെ  സിപിഎമ്മിന് തന്നെ വിട്ടു നല്‍കുകയായിരുന്നു. 

കെ.പി.കുഞ്ഞമ്മദ് കുട്ടി മാസ്റ്ററെ മത്സരിപ്പിക്കണമെന്നാവശ്യപ്പെട്ട് പ്രവര്‍ത്തകര്‍ തെരുവിലിറങ്ങി പ്രതിഷേധം നടത്തിയിരുന്നു. ഇതേ തുടര്‍ന്ന് സിപിഎമ്മിന് വിശദീകരണ യോഗമടക്കം വിളിക്കേണ്ടി വന്നു. കേരള കോണ്‍ഗ്രസ് സീറ്റ് വിട്ടുനല്‍കിയതോടെ ഡിവൈഎഫ്‌ഐ സംസ്ഥാന സെക്രട്ടറി എ.എ.റഹീം, കെ.കെ.ദിനേശന്‍ എന്നിവരുടെ പേരുകളാണ് പാര്‍ട്ടി ആദ്യം പരിഗണിച്ചിരുന്നത്. എന്നാല്‍ പാര്‍ട്ടി കീഴ് ഘടകങ്ങളിലെ സമ്മര്‍ദ്ദവും വിജയസാധ്യതയും കെ.പി.കുഞ്ഞമ്മദ് കുട്ടിക്ക് അനുകൂലമാകുകയായിരുന്നു.

കൊയിലാണ്ടി: കഥകളി ആചാര്യന്‍ ഗുരു ചേമഞ്ചേരി കുഞ്ഞിരാമന്‍ നായര്‍ (105) അന്തരിച്ചു.
ഇന്ന് പുലര്‍ച്ചെ 4.30 ഓടെയായിരുന്നു അന്ത്യം. വാര്‍ദ്ധക്യ സഹജമായ അസുഖങ്ങളെ തുടര്‍ന്ന് കൊയിലാണ്ടിയിലെ വീട്ടില്‍ വിശ്രമത്തിലായിരുന്നു.
കഥകളി കൂടാതെ നൃത്തത്തിലും കേരള നടനത്തിലും അസാമാന്യ പ്രതിഭയായിരുന്നു ഗുരു ചേമഞ്ചേരി. തിരുവനന്തപുരം ദൂരദര്‍ശനില്‍ നൃത്തവിഭാഗം ഒഡിഷന്‍ കമ്മിറ്റി അംഗമായിരുന്നു.
1916 ൽ  കോഴിക്കോട് കൊയിലാണ്ടിക്കടുത്ത് ചേലിയ ഗ്രാമത്തിലായിരുന്നു ജനനം.
കുട്ടിക്കാലം മുതല്‍ കലാദേവതയുടെ ഉപാസകനായി മാറി. 15-ാം വയസില്‍ ഗുരു കരുണാകരമേനോന്റെ ശിഷ്യത്വത്തില്‍ ഗുരുകുല വിദ്യാഭ്യാസത്തിലൂടെ കലാപഠനം തുടങ്ങി.
ആദ്യം നൃത്ത പഠനത്തില്‍ തുടങ്ങി. ഭരത ഭരതനാട്യവും മോഹിനിയാട്ടവും കഴിഞ്ഞ് കഥകളി പഠനത്തിലായി പിന്നീട് ശ്രദ്ധ. കലാമണ്ഡലത്തിലൂടെ അല്ലാതെ പണ്ടേ കഥകളിയുടെ അമരക്കാരനായി മാറി.
ചേമഞ്ചേരി കുഞ്ഞിരാമന്‍ നായരുടെ കൃഷ്ണവേഷം കഥകളിയില്‍ വിശ്വവിഖ്യാതി നേടി. ശിഷ്യ പരമ്പരകളിലൂടെ പേര് ഗുരു എന്നായി അറിയപ്പെട്ടു.
ഗുരുവിനെ തേടി നിരവധി പുരസ്‌കാരങ്ങളെത്തി. രാജ്യം 2017 ല്‍ പത്മശ്രീ നല്‍കി ആദരിച്ചു. കേന്ദ്ര സംസ്ഥാന അക്കാദമി അവാര്‍ഡുകളും ഒടുവില്‍ പത്മശ്രീയും നല്‍കി രാജ്യം ഗുരുവിനെ ആദരിച്ചു.

നാദാപുരം :  കേരളത്തിൽ ഇടത് - വലത് മുന്നണികൾ ആർഎസ്എസ് നോടൊപ്പം ജനങ്ങളെ ധ്രുവീകരിക്കാൻ പരസ്പരം മത്സരിക്കുകയാണെന്ന് എസ്ഡിപിഐ വയനാട് ജില്ല പ്രസിഡന്റ് നാസർ. എസ്ഡിപിഐ നാദാപുരം നിയോജക മണ്ഡലം തിരഞ്ഞെടുപ്പ് കൺവൻഷൻ ഉദ്ഘാടനം ചെയ്ത് സംസാരിക്കുക യായിരുന്നു അദ്ദേഹം. എൽഡിഎഫ് കൺവീനർ പ്രചരണം ആരംഭിച്ചത് ന്യൂനപക്ഷ തീവ്രവാദമാണ് കേരളത്തിന് അപകടം എന്നു പറഞ്ഞാണ്, ഇത് ആർ.എസ്.എസ് - സവർണ മനസ്സുകളെ പ്രീണിപെടുത്താൻ വേണ്ടിയാണ്.  യുഡിഎഫ് ജാഥ ആരംഭിച്ചത് ശബരിമല സംരക്ഷണത്തിന് പ്രത്യേക നിയമം കൊണ്ട് വരും എന്ന് പറഞ്ഞതും സമാനമായി തന്നെ. എന്നാല് യഥാർത്ഥത്തിൽ രാജ്യത്തെ ന്യുനപക്ഷ സമൂഹത്തെ ഏകപക്ഷീയമായി ആർഎസ്എസ് ഭീകരർ കൊന്നൊടുക്കുമ്പോൾ ഇവരൊക്കെ മൗനിയായി നിൽക്കുകയുമാണ്.  
ജില്ലാ സെക്രട്ടറി ജലീൽ സഖാഫി തിരഞ്ഞെടുപ്പ് നയം വിശദീകരിച്ചു. നിയോജക മണ്ഡലം എസ്ഡിപിഐ സ്ഥാനാർഥി കെ.കെ നാസർ മാസ്റ്റർ സദസ്സിനെ അഭിസംബോധന ചെയ്തു. മണ്ഡലം ഭാരവാഹികളായ ബഷീർ ചീകൊന്ന്‌, അഡ്വ ഇ. കെ മുഹമ്മദലി, അയ്യൂബ് തീർചലോത്, സുബൈർ ചുഴലിക്കര, ഹബീബ് തങ്ങൾ, സയ്യിദ് അബ്ദുറഹ്മാൻ തങ്ങൾ തുടങ്ങിയവർ സംസാരിച്ചു.

കുറ്റ്യാടി: ഏറെ വിവാദങ്ങൾക്ക് ശേഷം കുറ്റ്യാടി നിയോജക മണ്ഡലം സിപിഎം തിരിച്ചെടുത്തു.  ഡി.വൈ.എഫ്.ഐ നേതാവ് എ.എ റഹീം സ്ഥാനാർഥിയായേക്കും. പ്രഖ്യാപനം അൽപ്പസമയത്തിനകം ഉണ്ടാകും. കുറ്റ്യാടി സീറ്റ് കേരള കോൺഗ്രസിന് കൊടുത്തതുമായി ബന്ധപ്പെട്ട് കുറ്റ്യാടിയിൽ നിരവധി പ്രതിഷേധ പ്രകടനങ്ങൾ നടന്നിരുന്നു. ഇതിന് പിന്നാലെയാണ് കേരള കോൺഗ്രസ് നേതാവ് ജോസ് കെ മാണിയും എൽ.ഡി.എഫ് നേതാക്കളുമായി നടന്ന ചർച്ചയിൽ സീറ്റിൽ സി.പി.എം തന്നെ മത്സരിക്കാൻ തീരുമാനമായത്. അതേസമയം നേരത്തെ സ്ഥാനാർഥിയായ പ്രഖ്യാപിക്കപ്പെട്ട കേരള കോൺഗ്രസ് നേതാവ് ഇഖ്ബാൽ മണ്ഡലത്തിൽ പ്രചാരണം തുടങ്ങിയിരുന്നു.

നാദാപുരം: ഇടതുപക്ഷ സർക്കാറിൻറെ ജനവിരുദ്ധനയങ്ങൾ തുറന്നു കാട്ടിക്കൊണ്ട്  നാദാപുരം നിയോജകമണ്ഡലം യൂത്ത് കോൺഗ്രസ്‌  കമ്മിറ്റി സംഘടിപ്പിച്ച യുവജന യാത്ര  യൂത്ത് കോൺഗ്രസ് സംസ്ഥാന ജന സെക്രട്ടറി പി കെ രാകേഷ് ജാഥാക്യാപ്റ്റൻ പ്രിൻസ് ആൻറണി, വൈസ് ക്യാപ്റ്റൻ ജയേഷ് കുമാർ യുപി എന്നിവർക്ക് പതാക കൈമാറി ഉദ്ഘാടനം ചെയ്തു.യൂത്ത് കോൺഗ്രസ് നാദാപുരം നിയോജകമണ്ഡലം വൈസ് പ്രസിഡണ്ട് ഫസൽ മാട്ടാൻ അധ്യക്ഷനായി. യൂത്ത് കോൺഗ്രസ് ജില്ലാ പ്രസിഡണ്ട് ഷഹീൻ മുഖ്യപ്രഭാഷണം നടത്തി , കെഎസ് യു ജില്ലപ്രസിഡൻറ്  വീ ടി നിഹാൽ നേതാക്കളായ,  സി വി കുഞ്ഞികൃഷ്ണൻ മാസ്റ്റർ ,ആവോലം രാധാകൃഷ്ണൻ,  മോഹൻ പാറക്കടവ് ,അഡ്വക്കേറ്റ് എ സജീവ്, വികെ ബാലാമണി, യു കെ വിനോദ് കുമാർ .അഡ്വക്കേറ്റ്  കെഎം രഘുനാഥ് . അശോകൻ തൂണേരി സംസാരിച്ചു. യൂത്ത് കോൺഗ്രസ് നേതാക്കളായ അഖിൽ നരിപ്പറ്റ , ഫായിസ് ചെക്യാട്, വി കെ രജീഷ്,അനസ് നങ്ങാണ്ടി എന്നിവർ നേതൃത്വം നൽകി. കല്ലാച്ചിയിൽ നടന്ന സമാപന സമ്മേളനം കെപിസിസി ജനറൽ സെക്രട്ടറി അഡ്വക്കേറ്റ് കെ പ്രവീൺ കുമാർ ഉദ്ഘാടനം ചെയ്തു.

നാദാപുരം: എൽ ഡി എഫ് നിയോജക മണ്ഡലം കൺവൻഷൻ കല്ലാച്ചി സി പി ഐ എം ഓഫീസ് പരിസരത്ത് പ്രത്യേകം തയ്യാറാക്കിയ വേദിയിൽ മന്ത്രി ടി പി രാമകൃഷ്ണൻ ഉദ്ഘാടനം ചെയ്തു. പി ഗവാസ് അധ്യക്ഷനായി. സ്ഥാനാർത്ഥി ഇ കെ വിജയൻ, സി പി ഐ അസി. സെക്രട്ടറി സത്യൻ മൊകേരി, ജനതാദൾ എസ് നേതാവ് സി കെ നാണു എം എൽ എ ,എ ടി ശ്രീധരൻ ,കെ കെ നാരായണൻ എൻ സി പി ,എൻ കെ അബ്ദുൾ അസീസ്, പി സോമശേഖരൻ, വി പി കുഞ്ഞികൃഷ്ണൻ, കെ കെ നാരായണൻ കേരള കോൺഗ്രസ്സ് എം , അഡ്വ.പി വസന്തം, ടി കെ രാഘവൻ,എന്നിവർ സംസാരിച്ചു. മണ്ഡലം കൺവീനർ പി പി ചാത്തു സ്വാഗതവും എ മോഹൻ ദാസ് നന്ദിയും പറഞ്ഞു.

നാദാപുരം: കഴിഞ്ഞ അരനൂറ്റാണ്ട് കാലമായി സി പി ഐ  കൈയ്യടക്കി വെച്ച നാദാപുരം നിയോജക മണ്ഡലം ഇത്തവണ ഐക്യജനാധിപത്യമുന്നണി പിടിച്ചെടുക്കുമെന്ന കാര്യം  അവിതർക്കി തമാണെന്ന് യു ഡി എഫ് നേതാക്കൾ വാർത്താ സമ്മേളനത്തിൽ പറഞ്ഞു.   നാദാപുരം നിയോജകമണ്ഡലം കാലാകാലങ്ങളായി അവഗണിക്കപ്പെടുകയാണ്. കേരളത്തിലെ മറ്റ് നിയോജക മണ്ഡലങ്ങളിൽ നിന്ന് വ്യത്യസ്തമായി വികസനകാര്യത്തിൽ നാദാപുരം ഏറെ പിറകിലാണെന്ന് എല്ലാവർക്കുമറിയാം. ആളില്ലാത്ത പാർട്ടിയുടെ  പ്രതിനിധി നിയമസഭയിൽ എത്തിയതിന്റെ  പരിണിത ഫലമാണ് നാദാപുരത്തു കാർ അനുഭവിക്കുന്നത്. ഈ സാഹചര്യത്തിൽ  നാടും നാട്ടുകാരും മാറ്റത്തിനുവേണ്ടി  കൊതിക്കുകയാണ്. ഇത്തവണ ഐക്യ ജനാധിപത്യ മുന്നണി വൻ ദുരിപക്ഷത്തിന് വിജയിക്കും എന്ന്  തന്നെയാണ് എല്ലാവരും പ്രതീക്ഷിക്കുന്നത്. കഴിഞ്ഞ തവണ നിയമസഭാ തിരഞ്ഞെടുപ്പിൽ ഐക്യ ജനാധിപത്യ മുന്നണി സ്ഥാനാർത്ഥിയായി മത്സരിച്ച കെപിസിസി ജനറൽ സെക്രട്ടറി കെ പ്രവീൺ കുമാർ അന്ന്  പരാജയ പ്പെട്ടെങ്കിലും ഒരു എംഎൽഎ യെക്കാൾ നാട്ടിൽ നിറഞ്ഞു നിൽക്കുകയും ജനകീയ പ്രശ്നങ്ങളിൽ ഇടപെടുകയും ചെയ്തിട്ടുണ്ട്. നാടിൻറെ നാഡിമിടിപ്പ് അറിഞ്ഞ് പ്രവർത്തിക്കുന്ന  അഡ്വക്കേറ്റ് പ്രവീൺ കുമാർ തന്നെയാണ് വീണ്ടും ഇവിടെ ജനവിധി തേടുന്നത്. നാദാപുരത്തിന്റെ  മുഖച്ഛായ മാറ്റി എടുക്കുന്നതിനു വേണ്ടിയും നാടിൻറെ സമഗ്രവികസനം ഉറപ്പുവരുത്തുന്നതിനു വേണ്ടിയും  ഐക്യ ജനാധിപത്യ മുന്നണി സ്ഥാനാർഥിയെ  വിജയിപ്പിക്കണമെന്ന്  യുഡിഎഫ് നേതാക്കൾ ആവശ്യപ്പെട്ടു.  നിയോജകമണ്ഡലം തിരഞ്ഞെടുപ്പ് കൺവെൻഷൻ 15ന് തിങ്കളാഴ്ച വൈകുന്നേരം 3 മണിക്ക് പാണക്കാട് സയ്യിദ് ഹൈദരലി ശിഹാബ് തങ്ങൾ ഉദ്ഘാടനം ചെയ്യും. കല്ലാച്ചിയിലെ മാരാം വീട്ടിൽ ഗ്രൗണ്ടിൽ നടക്കുന്ന കൺവെൻഷനിൽ യുഡിഎഫിന്റെ 

ദേശീയ സംസ്ഥാന  നേതാക്കളും  സംബന്ധിക്കും. തുടർന്ന് പഞ്ചായത്ത് തല തെരഞ്ഞെടുപ്പ് കൺവെൻഷനുകളും ബൂത്ത് കൺവെൻഷ നുകളും നടക്കും. വ്യത്യസ്തവും  നൂതനവുമായ
പ്രചാരണ പരിപാടികൾ  ആവിഷ്കരിച്ച് നടപ്പിലാക്കാനും തീരുമാനിച്ചതായി അവർ അറിയിച്ചു. നാദാപുരം പ്രസ് ഫോറം ഓഫീസിൽ നടന്ന വാർത്താ സമ്മേളനത്തിൽ നിയോജക മണ്ഡലം യു ഡി എഫ് ചെയർമാൻ അഹമ്മദ് പുന്നക്കൽ, കൺവീനർ അഡ്വ. എ സജീവൻ, സൂപ്പി നരിക്കാട്ടേരി, സി വി കുഞ്ഞി കൃഷ്ണൻ, എൻ കെ മൂസ മാസ്റ്റർ, പി കെ ദാമു മാസ്റ്റർ എന്നിവർ പങ്കെടുത്തു.

കുറ്റ്യാടി: കുറ്റ്യാടിയിലെ യു.ഡി.എഫ് സ്ഥാനാർത്ഥിയായി പാറക്കൽ അബ്ദുല്ലയെ ഔദ്യോഗികമായി പ്രഖ്യാപിച്ചു. ഇന്ന് വൈകിട്ട് പാണക്കാട് നടന്ന മുസ്ലിം ലീഗ് സ്ഥാനാർഥികളുടെ പ്രഖ്യാപന ചടങ്ങിൽ ആണ് കുറ്റ്യാടിയിലെ സ്ഥാനാർഥിയായി പാറക്കൽ അബ്ദുല്ലയെ പ്രഖ്യാപിച്ചത്. കഴിഞ്ഞ തവണ എൽ.ഡി.എഫിൽ നിന്ന് മണ്ഡലം പിടിച്ചെടുത്ത പാറക്കൽ അഞ്ചുവർഷം കൊണ്ട് നിരവധി പ്രവർത്തനങ്ങളാണ് മണ്ഡലത്തിൽ നടത്തിയത്. തെരഞ്ഞെടുപ്പ് പ്രചാരണ രംഗത്തും പാറക്കൽ ഏറെ മുൻപന്തിയിലാണ്. കഴിഞ്ഞ വർഷങ്ങളിൽ ചെയ്ത വികസന പ്രവർത്തനങ്ങൾ പാറക്കലിന്റെ വിജയത്തിന് ആക്കം കൂട്ടും എന്ന പാർട്ടിയും മുന്നണിയും വിലയിരുത്തുന്നു

കുറ്റ്യാടി:  നിയോജക മണ്ഡലത്തിൽ ഇടതുമുന്നണി സ്ഥാനാർത്ഥിയായി കേരള കോൺഗ്രസിലെ മുഹമ്മദ് ഇഖ്ബാൽ തന്നെ മത്സരിക്കും. കുറ്റ്യാടിയിൽ സി.പി.എം ന്റെ  സീറ്റ് കേരള കോൺഗ്രസിന് വിട്ടു നൽകുന്ന തിനെതിരെ പാർട്ടിയിൽ  ശക്തമായ വികാരം ഉയർന്ന സാഹചര്യത്തിൽ ഈ സീറ്റ് വെച്ച് മാറാൻ കേരള കോൺഗ്രസ് ആലോചിച്ചിരുന്നു. കുറ്റ്യാടിക്ക് പകരം തിരുവമ്പാടി നൽകണമെന്നായിരുന്നു കേരള കോൺഗ്രസിൻറെ ആവശ്യം എന്നാൽ ഈ ആവശ്യം അംഗീകരിക്കാൻ സി.പി.എം നേതൃത്വം തയ്യാറായില്ല. ഇതേ തുടർന്നാണ് കുറ്റ്യാടിയിൽ തന്നെ കേരള കോൺഗ്രസ് മത്സരിക്കാൻ തീരുമാനിച്ചത്. അതേസമയം, കുറ്റ്യാടിയിൽ ഇപ്പോഴും സിപിഎമ്മിന് ഇടയിൽ കനത്ത പ്രതിഷേധം നിലനിൽക്കുകയാണ്. സി.പി.എമ്മിലെ ചില നേതാക്കളുടെ പേര് പറഞ്ഞു കൊണ്ട് അണികൾ നടത്തിയ പ്രതിഷേധ പ്രകടനം വലിയ ചർച്ചയായിട്ടുണ്ട്. പ്രധാനപ്പെട്ട ഒരു മണ്ഡലം കേരള കോൺഗ്രസ് മാണി ഗ്രൂപ്പിനെ വിട്ടുനിൽക്കുന്നത് അംഗീകരിക്കാനാവില്ല എന്നാണ് സി.പി.എം അണികളുടെയും ഒരുവിഭാഗം നേതാക്കളുടെയും നിലപാട്. കഴിഞ്ഞ
ദിവസം കുറ്റ്യാടിയിൽ നടന്ന പ്രകടനത്തിൽ  നൂറുകണക്കിനാളുകൾ പങ്കെടുത്തിരുന്നു. പ്രതിഷേധം തണുപ്പിക്കാൻ  സി.പി.എം നേതൃത്വം വലിയതോതിൽ  നീക്കങ്ങൾ നടത്തി വരികയാണ്. അടുത്ത ദിവസം കുറ്റ്യാടി ടൗണിൽ വിശദീകരണ പൊതുയോഗം സംഘടിപ്പിക്കും. പാർട്ടി കുടുംബ സംഗമങ്ങൾ സംഘടിപ്പിച്ച്  കാര്യങ്ങൾ വിശദീകരിക്കാനും തീരുമാനിച്ചിട്ടുണ്ട്. അതിനിടെ, കുറ്റ്യാടിയിൽ സി.പി.എമ്മിൽ നിലനിൽക്കുന്ന കടുത്ത വിഭാഗീയത ഇത്തവണ യു.ഡി.എഫിന് കൂടുതൽ ആത്മവിശ്വാസം നൽകുകയാണ്. യു.ഡി.എഫ് സ്ഥാനാർഥിയായി മുസ്ലിംലീഗിലെ പാറക്കൽ അബ്ദുള്ള തന്നെയാണ്  മത്സരിക്കുന്നത്.  കാലാകാലങ്ങളായി സി.പി.എം സ്ഥാനാർത്ഥികൾ ജയിച്ചു കയറുന്ന ഈ മണ്ഡലത്തിൽ  കഴിഞ്ഞതവണ  പാറക്കൽ അബ്ദുള്ള അട്ടിമറി വിജയമാണ് നേടിയത്.  വികസന രംഗത്ത് വിപ്ലവകരമായ മാറ്റങ്ങൾ ഉണ്ടാക്കിയ പാറക്കൽ വോട്ടഭ്യർത്ഥനയും തുടങ്ങി .

നാദാപുരം: കേരളത്തിലെ പല സംഭവങ്ങളിലും ഇരകൾക്ക് നീതി ലഭിക്കുന്നില്ലെന്നും ഇക്കാര്യത്തിൽ ഇടതു സർക്കാർ പൂർണ്ണ പരാജയമാണെന്നും സാംസ്ക്കാരിക പ്രവർത്തകൻ 
സി ആർ നീലകണ്ഠൻ. വാളയാർ പെൺകുട്ടികളുടെ കാര്യത്തിലും ഇതേ അവസ്ഥയാണെന്നും യഥാർത്ഥ പ്രതികളെ കണ്ടെത്തുന്നതിൽ സർക്കാർ തികഞ്ഞ അലംഭാവമാണ് കാണിക്കുന്നതെന്നും അദ്ദേഹം പറഞ്ഞു. വാളയാറിൽ ക്രൂര പീഡനത്തിനിരയായ പെൺ കുട്ടികളുടെ അമ്മ നടത്തുന്ന നീതി യാത്രക്ക് കല്ലാച്ചിയിൽ നൽകിയ സ്വീകരണ പരിപാടിയിൽ സംസാരിക്കുകയായിരുന്നു നീലകണ്ഠൻ. തൂണേരി ബ്ലോക്ക് പഞ്ചായത്ത് അംഗം സി എച്ച് നജ്മാ ബീവി അധ്യക്ഷത വഹിച്ചു. നാദാപുരം ഗ്രാമ പഞ്ചായത്ത് വൈസ് പ്രസിഡണ്ട് അഖില മര്യാട്ട് പരിപാടി ഉദ്‌ഘാടനം ചെയ്തു. അഡ്വ. കെ എം രഘുനാഥ്, അയിഷാബി തുടങ്ങിയവർ സംസാരിച്ചു. 

നാദാപുരം: ഏറെ ദിവസത്തെ അനിശ്ചിതത്വത്തിന് ശേഷം വിഷ്ണുമംഗലം ബണ്ടിന്റെ ഷട്ടറിട്ടു. മൂന്നു തവണ ഉദ്യോഗസ്ഥർ ഷട്ടറിടാൻ എത്തിയെങ്കിലും നാട്ടുകാരുടെ എതിർപ്പിനെ തുടർന്ന് ശ്രമം ഉപേക്ഷിക്കുകയായിരുന്നു.
ഷട്ടറിടാൻ വീണ്ടും ഉദ്യോഗസ്ഥർ ഇന്നലെ എത്തിയതോടെ പ്രതിഷേധവുമായി നാട്ടുകാരും രംഗത്തെത്തി. കഴിഞ്ഞ ദിവസം ബണ്ട് സന്ദർശനത്തിനിടെ പ്രശ്നങ്ങൾക്ക് പരിഹാരം കാണുമെന്നും ഷട്ടറിടാൻ സഹകരിക്കണമെന്നും ആർ.ഡി.ഒ അഭ്യർത്ഥിച്ചിരുന്നു. ഇതേ തുടർന്നാണ് ഇന്നലെ വൈകീട്ട് നാലോടെ ഉദ്യോഗസ്ഥർ എത്തിയത്. എന്നാൽ പുഴയിലെ ചളി നീക്കം ചെയ്യാതെ ഷട്ടറിടാൻ അനുവദിക്കില്ലെന്ന വാദം നാട്ടുകാർ ആവർത്തിച്ചു. പുഴ സംരക്ഷണ സമിതി പ്രവർത്തകർ ബണ്ടിന് മുകളിലും താഴെയും നിലയുറപ്പിച്ചതോടെ ഷട്ടർ താഴ്ത്താൻ കഴിയാതെ ഉദ്യോഗസ്ഥർ കരയിലും നിലയുറപ്പിച്ചു. ഇതേ തുടർന്ന് രാത്രി 11 മണിയോടെ നാദാപുരം ഗ്രാമ പഞ്ചായത്ത് പ്രസിഡന്റ്‌ വി വി മുഹമ്മദലി ആര്‍ഡിഒ യെ പ്രശ്നം ധരിപ്പിക്കുകയും ഏപ്രില്‍ 10 ന് മുന്‍പായി പ്രശ്നത്തില്‍ പരിഹാരം ഉണ്ടാക്കുമെന്ന് ആര്‍ ഡി ഒ ഉറപ്പ് നല്‍കുകയുമായിരുന്നു. ഏപ്രില്‍ 10നകം പുഴ നവീകരണം നടത്തണമെന്ന ആര്‍ഡിഒ യുടെ ഉറപ്പ് വിശ്വസത്തിലെടുക്കണമെന്നും  ബണ്ടിന്‍റെ ഷട്ടര്‍ അടക്കാന്‍ അനുവദിക്കാനും പുഴ സംരക്ഷണ സമിതിയില്‍ ധാരണയായി. ഇതിന് പിന്നാലെയാണ് ഷട്ടറിടൽ പ്രവൃത്തി ആരംഭിച്ചത്.

നാദാപുരം: നാദാപുരത്ത് എൽ.ഡി.എഫ് സ്ഥാനാർഥിയായി പ്രഖ്യാപിക്കപ്പെട്ട ഐ.കെ വിജയനെ ആനയിച്ചു കൊണ്ട് വിളംബര  റാലി നടത്തി. ഇത് മൂന്നാം തവണയാണ് വിജയൻ നാദാപുരത്ത് മത്സരിക്കുന്നത്. നിലവിൽ എം.എൽ.എ എന്ന നിലയിൽ ഇദ്ദേഹം ചെയ്ത പ്രവർത്തനങ്ങൾ വിജയത്തിന് മുതൽകൂട്ടാകുമെന്നാണ് മുന്നണിയുടെ പ്രതീക്ഷ. നാദാപുരത്ത് നിന്ന് ആരംഭിച്ച റാലി കല്ലാച്ചിയിൽ സമാപിച്ചു. വി.പി കുഞ്ഞികൃഷ്ണൻ, അഡ്വ. പി. ഗവാസ്, സി.എച്ച് മോഹനൻ, ആന്റണി ഈരൂരി, കരിമ്പിൽ ദിവാകരൻ തുടങ്ങിയവർ നേതൃത്വം നൽകി.   

കുറ്റ്യാടി: കുറ്റ്യാടി നിയമസഭാ സീറ്റ് കേരളാ കോൺഗ്രസിന് കൈമാറിയതിൽ പ്രതിഷേധിച്ച് സി.പി.എം പ്രവർത്തകർ പ്രകടനം നടത്തി. കഴിഞ്ഞ ദിവസം പ്രതിഷേധ പ്രകടനം നടത്തിയിരുന്നു. ഇന്ന് വൈകീട്ട് നടന്ന പ്രകടനത്തിൽ സ്ത്രീകളടക്കം നൂറുക്കണക്കിന് പ്രവർത്തകരാണ് പങ്കെടുത്തത്. പാർട്ടി കൊടികളും മുദ്രാവാക്യങ്ങളും ഉയർത്തിയാണ് പ്രകടനം നടത്തിയത്. അരിവാൾ ചുറ്റികയുടെ മാനം കാക്കാൻ, നേതാക്കളെ പാർട്ടി തിരുത്തും പാർട്ടിയെ ജനം തിരുത്തും എന്നിങ്ങനെ എഴുതിയ ബാനറുകൾക്ക് പിറകിലാണ് പ്രവർത്തകർ അണിനിരന്നത്. കുറ്റ്യാടിയിൽ സി.പി.എം തന്നെ മത്സരിക്കണമെന്നാണ് പ്രവർത്തകരുടെ ആവശ്യം. സി.പി.എം ബ്രാഞ്ച്, ഏരിയ കമ്മിറ്റി ഭാരവാഹികൾ അടക്കം പങ്കെടുത്തെന്ന് പ്രവർത്തകർ പറഞ്ഞു.

നാദാപുരം: കേരളത്തിന്റെയും നാദാപുരത്തിന്റെയും വികസന തുടർച്ച ഉണ്ടാവാൻ ഇടതു മുന്നണി വീണ്ടും അധികാരത്തിൽ വരണമെന്ന് ഇ കെ വിജയൻ എം എൽ എ. കഴിഞ പത്തു വർഷം നാദാപുരത്തിന്റെ പ്രതിനിധിയായ താൻ 1250 കോടിയിലധികം രൂപയുടെ വികസന പ്രവർത്തനങ്ങളാണ് നടത്തിയത്. നിരവധി സ്വപ്ന  പദ്ധതികൾ യാഥാർത്ഥ്യമാക്കാൻ തനിക്ക് ഒരവസരം കൂടി നൽകണമെന്ന് അദ്ദേഹം പറഞ്ഞു. സ്ഥാനാർത്ഥി യായി പ്രഖ്യാപിച്ച ശേഷം ആദ്യമായി നാദാപുരം പ്രസ് ഫോറം ഓഫീസിൽ മാധ്യമ പ്രവർത്തകരുമായി സംസാരിക്കുകയായിരുന്നു അദ്ദേഹം. എൽ ഡി എഫ് നേതാക്കളായ ആൻറണി ഈരൂരി, 
ബോബി മൂക്കൻ തോട്ടം, സുരേന്ദ്രൻ എന്നിവർ പങ്കെടുത്തു.

നാദാപുരം: കഴിഞ്ഞ രണ്ടു തവണകളായി കേരള നിയമ സഭയിൽ നാദാപുരത്തിന്റെ പ്രതിനിധിയായ ഇ കെ വിജയൻ മൂന്നാം തവണയും ഇവിടെ ഇടതു സ്ഥാനാർത്ഥി. സി പി ഐ നേതൃത്വം ഔദ്യോഗികമായി ഇന്ന് വിജയനെ സ്ഥാനാർത്ഥിയായി പ്രഖ്യാപിച്ചു. പ്രീ ഡിഗ്രി വിദ്യാഭ്യാസ യോഗ്യതയുള്ള ഈ  67കാരൻ  15 വർഷം സി.പി.ഐ. ജില്ലാ സെക്രട്ടറിയായിരുന്നു.
കേരള ഫോറസ്റ്റ് ഡവലപ്പ്മെന്റ് കോർപ്പറേഷൻ ചെയർ മാൻ,  എ.ഐ.ടി.യു.സി. മുൻ ജില്ലാ പ്രസിഡന്റ്, കുസാറ്റ് സെനറ്റ് അംഗം  ജനയുഗം കോഴിക്കോട് യൂണിറ്റ് മാനേജർ എന്നീ നിലകളിൽ പ്രവർത്തിച്ചു. നിലവിൽ കാലിക്കറ്റ് സർവകലാ ശാല സെനറ്റ് അംഗമാണ്. 
എ.ഐ.എസ്സ്.എഫ്. എ.ഐ.വൈ എഫ് ഭാരവാഹി . തൊഴിൽ അല്ലെങ്കിൽ ജയിൽ സമരത്തിൽ പാർലമെന്റ് മാർച്ചിൽ പങ്കെടുത്ത് പോലീസിന്റെ ക്രൂരമർദ്ദനത്തിനിരയായി. ഭാര്യ:  അനിത.മക്കൾ:  അർജുൻ , അജയ്.

നാദാപുരം: ചെക്യാട് പഞ്ചായത്തിലെ കായലോട്ട് താഴയിൽ ഒരു കുടുംബത്തിലെ നാലു പേർ പൊള്ളലേറ്റ് മരിച്ച സംഭവത്തിലെ ദുരൂഹത അകറ്റണമെന്ന് കർമ്മ സമിതി ഭാരവാഹികൾ വാർത്താ സമ്മേളനത്തിൽ ആവശ്യപ്പെട്ടു. 
കീറിയ പറമ്പത്ത് രാജു, ഭാര്യ റീന, മക്കളായ സ്റ്റാലിഷ്, സ്റ്റെഫിൻ എന്നിവരാണ് കഴിഞ്ഞ മാസം  23 ന് പൊള്ളലേറ്റ് മരിച്ചത്. പ്രവാസിയായ രാജു ജോലി നഷ്ടപ്പെട്ട് നാട്ടിൽ കഴിയുകയാണെങ്കിലും പറയത്തക്ക സാമ്പത്തിക പ്രശ്നങ്ങൾ ഒന്നും ഉണ്ടായിരുന്നില്ല. മാനസികമോ മറ്റോ പ്രശ്നങ്ങൾ ഇല്ലാത്ത ഈ കുടുംബം കൂട്ട മരണത്തിനു കീഴടങ്ങിയത്  ദുരുഹമാണ്.ഉറങ്ങി കിടക്കുന്ന  ഭാര്യയെയും മക്കളെയും പെട്രോൾ ഒഴിച്ച് തീ കൊളുത്തിയ ശേഷം രാജു സ്വയം തീ കൊളുത്തി മരിച്ചതാണെന്നാണ് പോലീസും നാട്ടുകാരും കരുതുന്നത്. എന്നാൽ, രാജുവിനെ ഈ കടുംകൈ ചെയ്യാൻ പ്രേരിപ്പിച്ച ഘടകം എന്താണെന്ന് അന്വേഷിക്കണം. നാട്ടിലെ ചിലയാളുകൾ രാജുവിന്റെ ഭാര്യയെ കുറിച്ച് അപവാദം പ്രചരിപ്പിച്ചത് ഗൗരവ സ്വഭാവത്തോടെ കാണണമെന്നും ഭാരവാഹികൾ പറഞ്ഞു. ഈ സംഭവത്തിലെ ദുരുഹത  നീക്കാൻ കൃത്യമായ അന്വേഷണം വേണമെന്ന് ആവശ്യപ്പെട്ട് ആഭ്യന്തര സെക്രട്ടറി, ഡി ജി പി, റൂറൽ പൊലീസ് സൂപ്രണ്ട്
എന്നിവർക്ക് പരാതി നൽകിയതായും അവർ അറിയിച്ചു. 
വാർത്താ സമ്മേളനത്തിൽ ഗ്രാമ പഞ്ചായത്ത് പ്രസിഡണ്ട് നസീമ കൊട്ടാരത്ത്, വാർഡ് മെമ്പർ പി കെ ബീജ, കർമ്മ സമിതി ഭാരവാഹികളായ സി എച്ച് ഹമീദ് മാസ്റ്റർ, പി കുമാരൻ, വി കെ ഭാസ്കരൻ എന്നിവർ പങ്കെടുത്തു.

നാദാപുരം: വടകരക്ക് കുടിവെള്ളം എത്തിക്കുന്ന വിഷ്ണുമംഗലം ബണ്ടിന് ഷട്ടർ ഘടിപ്പിക്കുന്നതുമായി ബന്ധപ്പെട്ട് ഉദ്യോഗസ്ഥരും നാട്ടുകാരും തമ്മിൽ നിലനിൽക്കുന്ന തർക്കം പരിഹരിക്കാൻ വിളിച്ചു. ചേർത്ത യോഗം ഫലം കണ്ടു. നാദാപുരം ഗ്രാമ പഞ്ചായത്ത് പ്രസിഡണ്ട് വി വി മുഹമ്മദലി മുൻകൈയെടുത്താണ് അനുരജ്ഞന യോഗം വിളിച്ചു ചേർത്തത്. ഇന്നലെ രാവിലെ പഞ്ചായത്ത് കോൺഫറൻസ് ഹാളിൽ ചേർന്ന യോഗത്തിൽ ജന പ്രതിനിധികളും ഉദ്യോഗസ്ഥരും നാട്ടുകാരും പങ്കെടുത്തു. വാട്ടർ അതോറിറ്റിയുടെയും ഇറിഗേഷൻ ഡിപ്പാർട്ട്മെന്റിന്റെയും പ്രവർത്തനം ജില്ലാ ഭരണകൂടം ഏകോപിപ്പിക്കും.  അടുത്ത് ചേരുന്ന ജില്ലാ വികസന സമിതി യോഗത്തിൽ ബണ്ട് വിഷയം പ്രത്യേക അജണ്ട വെക്കുമെന്ന് യോഗത്തിൽ സംബന്ധിച്ച ആർ ഡി ഒ; എൻ ഐ ഷാജു അറിയിച്ചു.
മഴക്കാലത്തും ബണ്ടിന് പരിസരത്ത് താമസിക്കുന്നവർ അനുഭവിക്കുന്ന ദുരിതം നാട്ടുകാർ യോഗത്തിൽ അവതരിപ്പിച്ചപ്പോൾ കൃത്യമായ മറുപടി നൽകാനാവാതെ ഉദ്യോഗസ്ഥർ കുഴങ്ങി. നാദാപുരം ഗ്രാമ പഞ്ചായത്ത് പ്രസിഡൻ്റ് വി വി മുഹമ്മദലിയുടെ അധ്യക്ഷതയിൽ ചേർന്ന യോഗത്തിൽ ചെക്യാട് , വളയം പഞ്ചായത്ത് പ്രസിഡണ്ടുമാരായ നസീമ കൊട്ടാരത്ത്, കെ പി പ്രതീഷ്, വാട്ടർ അതോറിറ്റി എക്സിക്യു്ട്ടീവ്  എൻജിനീയർ  സുരേഷ്, ജലസേചന വകുപ്പ് എക്സിക്യു്ട്ടീവ് എൻജിനീയർ ഷാനു സുധാകർ, അസിസ്റ്റന്റ് എക്സിക്യു്ട്ടീവ് എൻജിനീയർ പി കെ ബിജു, അസിസ്റ്റന്റ് എൻജിനീയർ സുഭിഷ , പുഴ സംരക്ഷണ സമിതി ഭാരവാഹികളായ അഹമ്മദ് കുറുവയിൽ, കോടികണ്ടി മൊയ്തു, പി മധുപ്രസാദ്‌,പി കെ മൊയ്തു, എം കെ സമീർ, മമ്മള്ളി സൂപ്പി, കെ കെ അൻവർ, എൻ കെ അബ്ദുസ്സലീം, കോറോത്ത് അഹമ്മദ് ഹാജി, കുനിയിൽ ലിയാഖത്ത്, കുനിയിൽ ഫൈസൽ, സിറാജ് ജാതിയേരി എന്നിവർ സംബന്ധിച്ചു. യോഗത്തിനു ശേഷം ആർ ഡി ഒ യുടെ നേതൃത്വത്തിൽ ബണ്ട് സന്ദർശിച്ചു.

നാദാപുരം: ഇയ്യങ്കോട് പുഷ്പ ഗ്യാസിനു സമീപം ഗ്യാസ് ലോറിയിടിച്ച് പോസ്റ്റ് തകർന്നു. ഇന്ന് വൈകിട്ട് മൂന്ന് മണിയോടെയാണ് സംഭവം. പാർക്ക് ചെയ്യാൻ വേണ്ടി പിറകോട്ടെടുത്ത വണ്ടി പോസ്റ്റിൽ ചെന്ന് ഇടിക്കുകയായിരുന്നു. ഇടിയുടെ ആഘാതത്തിൽ പോസ്റ്റ് മുറിഞ്ഞു. ഇതോടെ പ്രദേശത്ത് വൈദ്യുതി ബന്ധം വിഛേദിക്കപ്പെട്ടു. കെ.എസ്.ഇ.ബി അധികൃതർ സ്ഥലത്തെത്തി വൈദ്യുതി ബന്ധം സ്ഥാപിക്കാനുള്ള നടപടികൾ കൊണ്ടു വരികയാണ്.

നാദാപുരം : പാറക്കടവിൽ മുസ്ലിം ലീഗ് യോഗം അലങ്കോലപ്പെടുത്താൻ ശ്രമം. പാർട്ടി വിരുദ്ധ പ്രവർത്തനത്തിന് പുറത്താക്കിയവരാണ്  യോഗം കയ്യേറിയതെന്ന് ലീഗ് നേതൃത്വം അറിയിച്ചു. 
പഞ്ചായത്ത് തെരഞ്ഞെടുപ്പിൽ റിബലുകളെ മൽസരിപ്പിച്ച തിന്റെ പേരിൽ പാർട്ടി പുറത്താക്കിയ ശേഷം 
ജനകീയ മുന്നണി രൂപീകരിച്ച് പ്രവർത്തിക്കുന്ന ഒ.വി. നാസർ, വി.പി ഫിർദൗസ് എന്നിവരുടെ നേതൃത്വത്തിൽ  സംഘടിച്ചെത്തിയവർ  യോഗം കൈയ്യേറുകയായിരുന്നു.
ഇന്ന് രാത്രി എട്ട് മണിയോടെയാണ് സംഭവം. പഞ്ചായത്തിലെ യുഡിഎഫ് ജന പ്രതിനിധികൾക്ക് സ്വീകരണം നൽകുന്നത് വിജയിപ്പിക്കാനുള്ള സ്വാഗതസംഘം യോഗം  ചേരുന്നതിനിടയിലാണ്  ഒരു സംഘം ലീഗ് ഹൗസിൽ എത്തിയത്.
പഞ്ചായത്ത് മുസ്ലിം ലീഗ് നേതാക്കളായ ടി.ടി.കെ അമ്മദ് ഹാജി, സി എച്ച് . ഹമീദ് മാസ്റ്റർ എന്നിവരാണ് യോഗം വിളിച്ചത്. ഓഫീസിൽ ബഹളവും സംഘർഷവും രൂപപ്പെട്ടതോടെ  നേതാക്കൾ ഇടപെട്ട് യോഗം നിർത്തി വെക്കുകയായിരുന്നു.

നാദാപുരം:  നിയമസഭാ തിരഞ്ഞെടുപ്പിൽ ഇടതുപക്ഷ മുന്നണി സ്ഥാനാർത്ഥിയായി നിലവിലുള്ള എം.എൽ.എ വി കെ വിജയൻ മത്സരിക്കും. കെ.പി.സി.സി ജനറൽ സെക്രട്ടറി അഡ്വക്കേറ്റ് പ്രവീൺകുമാർ യുഡിഎഫ് സ്ഥാനാർഥിയാകും. കഴിഞ്ഞ തവണയും ഇവർ രണ്ടുപേരുമായിരുന്നു  സ്ഥാനാർത്ഥികൾ. 
ഇ കെ വിജയൻ ഇത് മൂന്നാം തവണയാണ് മത്സരത്തിനിറങ്ങുന്നത്. നാദാപുരം നിയോജക മണ്ഡലത്തിൽ വിജയനെ തന്നെ സ്ഥാനാർഥി ആക്കിയാൽ സീറ്റ്  നിലനിർത്താൻ സാധിക്കുമെന്നാണ് ഇടതുപക്ഷത്തിന്റെ  വിലയിരുത്തൽ. എന്നാൽ കഴിഞ്ഞ തവണ നേരിയ വോട്ടിന് പരാജയപ്പെട്ട  പ്രവീൺ കുമാറിന്  ഇത്തവണ നാദാപുരം മണ്ഡലം പിടിച്ചെടുക്കാൻ കഴിയുമെന്ന്  യുഡിഎഫ്  കണക്കു കൂട്ടുന്നു. ബിജെപിയും എസ്ഡിപിഐയും സ്ഥാനാർത്ഥികളെ നാളെ പ്രഖ്യാപിക്കുമെന്നാണ് സൂചന.

അരൂര് : നാടിനെ കണ്ണീരിലാഴ്ത്തി സഫീർ യാത്രയായി. സുഹൃത്തുക്കളോടൊപ്പം കുറ്റ്യാടി പുഴയിലെ ചോയിമഠം കടവിൽ കുളിക്കാനിറങ്ങിയ പെരുമുണ്ടച്ചേരിയിലെ പരിപ്പിൽ സഫീർ അടി ഒഴുക്കുള്ള കഴത്തിൽ അകപ്പെട്ടു ദാരുണമായി മരണപ്പെടുകയായിരുന്നു.  ജാതിമത രാഷ്ട്രീയത്തിനതീതമായി അരൂർ പെരുമുണ്ടച്ചേരി പ്രദേശത്ത് ഏത് വിഷയത്തിലും മെയ് മറന്ന് ഇടപെടുന്ന സഫീർ ആർ എ സി ഹൈസ്കൂളിൽ പഠിക്കുമ്പോൾ സ്കൂൾ വോളിബോൾ ടീമിൽ ചേർന്നു കളിച്ചു തുടങ്ങി അവിടെ നിന്നാരംഭിച്ച വോളിബോൾ പ്രേമം കാസർകോട് മുതൽ പാലക്കാട് വരെയുള്ള നൂറുകണക്കിന് സുഹൃത്തുക്കളെ സൃഷ്ടിച്ചെടുത്തു. സൗമ്യമായ പെരുമാറ്റവും 
പുഞ്ചിരിയോടെയുള്ള ഇടപെടലുകളിൽ ചെറിയ കുട്ടികൾ മുതൽ വയോ വൃദ്ധർ വരെയുള്ള നൂറുകണക്കിന് സഹൃദയ വലയമാണ് കെട്ടിപ്പടുത്തത്. ഗാനമേള സ്റ്റേജുകളിൽ തനിമയാർന്ന ഇശലുകളോടെ ഗസലുകൾ അവതരിപ്പിക്കുന്ന തന്റെ  കലാ പരമായ കഴിവിനപ്പുറം  അരൂർ ക്രസൻറ് കൾച്ചറൽ അസോസിയേഷൻ (അക്ക) ന്‌ വേണ്ടി കായിക മത്സരത്തിൽ നിരവധിതവണ പുറമേരി ഗ്രാമ പഞ്ചായത്ത് കേരളോത്സവത്തിൽ സമ്മാനങ്ങൾ വാങ്ങി കൂട്ടിയിട്ടുണ്ട്. പുറമേരി പഞ്ചായത്ത് എം എസ് എഫ് സെക്രട്ടറി, എസ് കെ എസ് എസ് എഫ് സർഗലയം ഭാരവാഹി തുടങ്ങിയ മേഖലകളിൽ പ്രവർത്തിക്കുമ്പോൾ തന്നിൽ അർപ്പിതമായ ഉത്തരവാദിത്യങ്ങൾ പക്വതയോടെ ചെയ്തുതീർക്കുന്ന സഫീറിന്റെ വിയോഗം പെരുമുണ്ടച്ചേരി പ്രദേശത്തിന് തീരാനഷ്ടമാണ്. മൂന്ന് മണിക്ക് പെരുമുണ്ടച്ചേരി നൂറുൽ ഈമാൻ മദ്രസയുടെ പരിസരത്ത് പൊതുദർശനത്തിന് വെച്ചപ്പോൾ പാറക്കൽ അബ്ദുല്ല എംഎൽഎ, പുറമേരി ഗ്രാമപഞ്ചായത്ത് പ്രസിഡണ്ട് അഡ്വക്കറ്റ് ജ്യോതിലക്ഷ്മി, ആയഞ്ചേരി ഗ്രാമപഞ്ചായത്ത് പ്രസിഡൻറ് കാട്ടിൽ മൊയ്തു മാസ്റ്റർ, സ്റ്റാൻഡിങ് കമ്മിറ്റി ചെയർമാൻ വെള്ളിലാട്ട് അഷ്റഫ്, ജില്ലാ പഞ്ചായത്ത് മെമ്പർ കൂടത്താം കണ്ടി സുരേഷ് മാസ്റ്റർ, വാർഡ് മെമ്പറായ കൂടത്താംകണ്ടി രവി, കണ്ടോത്ത് റീത്ത, എൻ.ടി രാജേഷ്, കോഴിക്കോട് ജില്ലാ മുസ്ലിം ലീഗ് വൈസ് പ്രസിഡണ്ട് പി മുഹമ്മദ് മാസ്റ്റർ, അഹമ്മദ് പുന്നക്കൽ , ജില്ലാ സെക്രട്ടറി നൊച്ചാട്ട് കുഞ്ഞബ്ദുല്ല, ഡി.സി.സി സെക്രട്ടറി അഡ്വ: പ്രമോദ് കക്കട്ടിൽ, കുറ്റ്യാടി നിയോജക മണ്ഡലം മുസ്ലിം ലീഗ് പ്രസിഡണ്ട് പി.എം അബൂബക്കർ മാസ്റ്റർ ജനറൽ സെക്രട്ടറി കെ ടി അബ്ദുറഹ്മാൻ , കോഴിക്കോട് ജില്ലാ യൂത്ത് ലീഗ് ട്രഷറർ പി.പി. റഷീദ്, കുറ്റ്യാടി നിയോജക മണ്ഡലം മുസ്ലിം ലീഗ് വൈസ് പ്രസിഡണ്ട് വി പി കുഞ്ഞമ്മദ് മാസ്റ്റർ, പുറമേരി പഞ്ചായത്ത് മുസ്ലിം ലീഗ് ജനറൽ സെക്രട്ടറി കെ മുഹമ്മദ് സാലി, കെ.സജീവൻ, എം കെ അഷ്റഫ്, മൻസൂർ എടവലത്ത്, കപ്ലികണ്ടി മജീദ്, ചിറയിൽ മൂസഹാജി,  കെ പി ബാലൻ, അഡ്വ: മനോജ് അരൂർ, തുടങ്ങി സമൂഹത്തിലെ നാനാ തുറകളിലുള്ള നൂറുകണക്കിന് ആളുകളാണ് അന്ത്യാഞ്ജലി അർപ്പിക്കാൻ എത്തിയത്  
നാലുമണിയോട് കൂടി   വമ്പിച്ച ജനാവലിയുടെ  സാന്നിധ്യത്തിൽ കടമേരി ജുമാ മസ്ജിദ് ഖബർസ്ഥാനിൽ ഖബറടക്കി

നാദാപുരം: വിഷ്ണുമംഗലം ബണ്ടിന്റെ  ഷട്ടറിടുന്നതുമായി  ബന്ധപ്പെട്ട്‌ നിലവിലുള്ള തർക്കം പരിഹരിക്കുന്നതിന് സാധ്യത  തെളിയുന്നു.  നാദാപുരം ഗ്രാമ പഞ്ചായത്ത് പ്രസിഡണ്ട് വി വി മുഹമ്മദലി മുൻ കൈയെടുത്താണ് പ്രശ്ന പരിഹാര നീക്കം നടത്തുന്നത്. ചെക്യാട്,  വളയം ഗ്രാമപഞ്ചായത്ത്‌ പ്രസിഡന്റുമാർ,  ജില്ലാ ഭരണകൂടത്തിന്റെ പ്രതിനിധികൾ,കേരള വാട്ടർ അതോറിറ്റിയുടെ ജില്ലാതല ഉദ്യോഗസ്ഥർ മൂന്ന് പഞ്ചായത്തിലെയും  സമര സമിതിയുടെ പ്രതിനിധികൾ എന്നിവരെ പങ്കെടുപ്പിച്ച്‌  നാളെ (ചൊവ്വ)  കാലത്ത്‌ 
10 മണിക്ക്‌ നാദാപുരം ഗ്രാമപഞ്ചായത്ത്‌ കോൺഫറൻസ്‌ ഹാളിൽ യോഗം ചേരും. നാദാപുരം, ചെക്യാട്, വളയം പഞ്ചായത്തുകളിലെ  ജനങ്ങൾ വിഷ്ണുമംഗലം ബണ്ട്‌ കൊണ്ട്‌ വർഷ കാലത്തും  വരൾച്ചാ കാലത്തും ഒരു പോലെ പ്രയാസം അനുഭവിക്കുന്ന സാഹചര്യത്തിൽ  ഇതിന്  താൽകാലിക പരിഹാരവും ശാശ്വത പരിഹാരവും കാണാൻ വവ്വേറെ പദ്ധതികൾ വേണമെന്നാണ് പ്രദേശ വാസികളുടെ ആവശ്യം . 
ഷട്ടർ ഇടാൻ എത്തിയവരെ ‌ തടഞ്ഞ സമര സമിതിയുടെ ആശങ്ക വളരെ പ്രധാനപ്പെട്ടതാണ്. ഇത്‌ ബന്ധപ്പെട്ട അധികാരികൾ  മുഖവിലക്കെടുക്കുന്നില്ലെന്ന പരാതിയും നിലനിൽക്കുന്നുണ്ട്‌. ഈ കാര്യം ജില്ലാകലക്ടറുടെ ശ്രദ്ദയിൽ  പെടുത്തിയതിനെ തുടർന്നാണ്  അനുരജ്ഞന നീക്കങ്ങളാരംഭിച്ചത്‌. ആർക്കെങ്കിലും കുടിവെള്ളം കൊടുക്കുന്നതിനെതിരായല്ല തങ്ങളുടെ സമരമെന്നും  നിലനിൽപ്പിന് വേണ്ടിയുള്ള സമരമാണിതെന്നും പുഴ സംരക്ഷണ  സമിതി ചെയർമാൻ അഹമ്മദ് കുറുവയിൽ പറഞ്ഞു.

കക്കട്ടിൽ: അർപ്പണ മനോഭാവവും, ത്യാഗസന്നദ്ധതയുമുള്ളവർ എന്നും അംഗീകരിക്കപ്പെടുമെന്ന് ഷാഹിദ് തിരുവള്ളൂർ ഐ.ഐ.എസ് പറഞ്ഞു. 
ആർ.എൻ.എം ഹയർ സെക്കൻ്ററി സ്കൂൾ 1990 എസ്.എസ്.എൽ.സി ബാച്ചിൻ്റെ ആഭിമുഖ്യത്തിൽ സർവ്വീസിലിരിക്കെ മരണപ്പെട്ട കൃഷി ഓഫീസർ കെ.എൻ ഇബ്രാഹിം അനുസ്മരണ ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മികച്ച കൃഷി നിർവ്വഹ ഉദ്യോഗസ്ഥൻ   എന്ന നിലയിൽ അംഗീകാരം ലഭിച്ച ഇബ്രാഹിമിൻ്റെ പ്രവർത്തനങ്ങൾ എന്നും അംഗീകരിക്കപ്പെടുമെന്നും അദ്ദേഹം പറഞ്ഞു. റിട്ട. കൃഷി ഡപ്യൂട്ടി ഡയറക്ടർ ബി.എം മുഹമ്മദ് ഇബ്രാഹിം അനുസ്മരണ പ്രഭാഷണം നടത്തി.  
ഇബ്രാഹിം എൻഡോവ്മെൻ്റ് പ്രഖ്യാപനം മുൻ പ്രധാനധ്യാപകൻ പി. ശ്രീധരൻ മാസ്റ്റർ നിർവ്വഹിച്ചു. പി.എം അഷ്റഫ് അധ്യക്ഷനായി. കെ. റൂസി കോൺട്രാക്ടർ സ്വാഗതം പറഞ്ഞു. പ്രധാന അധ്യാപകൻ കെ. സുധീഷ്, അഖിലേന്ദ്രൻ നരിപ്പറ്റ, കീടക്കാട്ട് നാസർ, അധ്യാപകരായ എം.പി കുഞ്ഞിരാമൻ, പി.ടി ശശി, എം.ഹരിദാസ്, കെ.പി സുരേഷ്, പി.എം.എ സലാം  ഏ.കെ സുരേഷ്, സൈഫുന്നിസാർ, പി.എം രശ്മി,  ബിന്ദു എടച്ചേരി എന്നിവർ സംസാരിച്ചു.

നാദാപുരം:  നിയോജക മണ്ഡലം എൻ സി പി  തെരഞ്ഞെടുപ്പ് കമ്മിറ്റി രൂപീകരണ സംഗമം  ബ്ലോക്ക് പ്രസിഡൻ്റ് കരിമ്പിൽ ദിവാകരൻ്റെ അധ്യക്ഷതയിൽ ജില്ലാ കമ്മിറ്റി അംഗം ടി.കെ. രാഘവൻ ഉദ്ഘാടനം ചെയ്തു.  ഇ.ബാലൻ, ജോണി മുല്ലക്കുന്നേൽ,  കെ.പി.സുധീഷ്, വി.എൻ.കുഞ്ഞിക്കണ്ണൻ, പി.കെ.ദാമോദരൻ എന്നിവർ സംസാരിച്ചു. തെരഞ്ഞെടുപ്പ് കമ്മിറ്റി ചെയർമാനായി ടി.കെ. രാഘവനെയും കൺവീനറായി കരിമ്പിൽ ദിവാകരനെയും തെരഞ്ഞെടുത്തു.

വാണിമേൽ : എസ്.കെ.എസ്.എസ്.എഫ് ട്രെന്റിന് കീഴിൽ സംസ്ഥാനത്തെ മുഴുവൻ മേഖലകളിലും സംഘടിപ്പിക്കുന്ന യു എസ് എസ് പരീക്ഷ പരിശീലന പരിപാടിക്ക് കോഴിക്കോട് ജില്ലയിലെ വാണിമേൽ മേഖലയിൽ തുടക്കമായി. രക്ഷിതാക്കൾക്കും കുട്ടികൾക്കുമുള്ള ഓറിയന്റേഷൻ, വിഷയാധിഷ്ഠിത കോച്ചിംഗ്, ഓൺലൈൻ ക്വിസ്, മാതൃക പരീക്ഷ എന്നിവയാണ് പദ്ധതിയുടെ ഭാഗമായി നടത്തുന്നത്. ട്രെന്റ് ചെയർമാൻ റഷീദ് കോടിയൂറ പദ്ധതിയുടെ ഉൽഘാടനം നിർവ്വഹിച്ച. ജി ല്ലാ ട്രെന്റ് സെക്രട്ടറി ജാഫർ ദാരിമി  ഇരുന്നലാട് അധ്യക്ഷത വഹിച്ചു. ട്രെന്റ് മാസ്റ്റർ ട്രെയിനർ ഫൈസൽ പുല്ലാളൂർ പരിശീലനത്തിന് നേതൃത്വം നൽകി. മനീഷ സംസ്ഥാന കൺവീനർ അലി വാണിമേൽ, അർഷാദ് ദാരിമി പയ്യോളി, സ്വാലിഹ് ടി.പി, അസ്മിദ് പി , ഫാരിസ് നജം ,അഹമ്മദ് പടയൻ, കണ്ടിയിൽ നൗഷാദ് പ്രസംഗിച്ചു. കഴിഞ്ഞ വർഷങ്ങളിലെ യു എസ് എസ് ജേതാക്കളായ നജാദ് എ.പി, ഉമൈറ കെ എൻ എന്നിവർ കുട്ടികളുമായി സംവദിച്ചു.
ചടങ്ങിൽ ട്രെൻഡ് സംസ്ഥാനം സമിതി അംഗം കെ കെ മുനീർ മാസ്റ്റർ സ്വാഗതവും മേഖല സെക്രട്ടറി വി പി മുഹമ്മദ്‌ വാഫി നന്ദിയും പറഞ്ഞു. പരീക്ഷ പരിശീലനത്തോടനുബന്ധിച്ച് മാർച്ച് 30 ന് സംസ്ഥാനത്തെ മുഴുവൻ മേഖല കേന്ദ്രങ്ങളിലും യു എസ് എസ് മാതൃക പരീക്ഷ നടത്തുമെന്ന് കൺവീനർ ഷാഫി ആട്ടീരി അറിയിച്ചു.

നാദാപുരം: കേരള പത്രപ്രവർത്തക അസോസിയേഷന്റെ കീഴിൽ നാദാപുരം പ്രസ് ഫോറം ആഭിമുഖ്യത്തിൽ ആദ്യ കാല പത്രപ്രവർത്തകരായ കെ. ബാലൻ അടിയോടി, കെ. മമ്മു മുൻഷി എന്നിവരുടെ സ്മരണ നില നിർത്താൻ ചാരിറ്റബിൾ ട്രസ്റ്റ് പ്രവർത്തനത്തിന് തുടക്കമായി. ട്രസ്റ്റ് ഉദ്ഘാടനവും ആദ്യ ഫണ്ട് സ്വീകരണവും എം.വി ശ്രേയാംസ് കുമാർ എം.പി നിർവ്വഹിച്ചു.   തായമ്പത്ത് കുഞ്ഞാലി, സി.എച്ച് ഫൈസൽ എന്നിവർ നൽകിയ സംഭാവനയും അദ്ദേഹം ഏറ്റുവാങ്ങി. എം.കെ അഷ്‌റഫ് അധ്യക്ഷനായി. എം.സി വടകര, അഡ്വ. കെ പ്രവീൺ കുമാർ,  വി.പി കുഞ്ഞി കൃഷ്ണൻ, പി. ശാദുലി, രജീന്ദ്രൻ കപ്പള്ളി,   അഹമ്മദ് പുന്നക്കൽ, കെ.ടി.കെ ചന്ദ്രൻ, സൂപ്പി നരിക്കാട്ടേരി, സി.വി.എം  നജ്മ, പി. സുരയ്യ തുടങ്ങിയവർ പങ്കെടുത്തു.

നാദാപുരം; ദീർഘകാലം നാദാപുരത്ത് ചന്ദ്രിക ലേഖകനായിരുന്ന പി മമ്മു മുൻഷിയുടെയും മാതൃഭൂമി ലേഖകനായിരുന്ന  കെ ബാലൻ അടിയോടിയുടെയും  ഓർമയിൽ രാഷ്ട്രീയ സാമൂഹ്യ മാധ്യമ രംഗങ്ങളിലെ പ്രമുഖർ ഒത്തു ചേർന്നു. നാദാപുരം  പ്രസ് ഫോറം സംഘടിപ്പിച്ച അനുസ്മരണ ചടങ്ങാണ് വികാര നിര്ഭരമായത്.  നാലു പതിറ്റാണ്ടിലേറെ കാലം നാടിൻറെ സ്പന്ദനം ജനങ്ങളെ അറിയിക്കാൻ പാടുപെട്ട മഹദ് വ്യക്തികളെ കുറിച്ചുള്ള ഓർമ്മകൾ അയവിറക്കിയപ്പോൾ സദസിൽ സന്നിഹിതരായ ഇരുവരുടെയും കുടുംബങ്ങൾ കണ്ണീർ തുടക്കുകയായിരുന്നു. ആധുനിക സൗകര്യങ്ങൾ ഒന്നുമില്ലാത്ത കാലത്ത് പ്രാദേശിക വാർത്തകൾ കൃത്യമായി വായനക്കാർക്ക് ലഭ്യമാക്കാൻ ഇവർ ചെയ്ത സേവനം പുതിയ കാലത്തെ മാധ്യമ പ്രവർത്തകർക്ക് ഏറെ പ്രചോദനമാണെന്ന്  പരിപാടി ഉദ്‌ഘാടനം ചെയ്ത എം വി ശ്രേയാംസ് കുമാർ എം പി അഭിപ്രായപ്പെട്ടു. 
നാദാപുരത്തെ കലുഷിതമായ സാഹചര്യത്തിൽ സമാധാനത്തിലൂന്നിയ വാർത്തകൾ നൽകി മാതൃക കാണിച്ചവരെ നാട് എല്ലാകാലത്തും ഒരുക്കുമെന്ന് അനുസ്മരണ പ്രഭാഷണം നടത്തിയ ഗ്രന്ഥകാരൻ എം സി വടകര പറഞ്ഞു. പത്ര പ്രവർത്തക അസോസിയേഷൻ താലൂക്ക് പ്രസിഡണ്ട്  എം കെ അഷ്‌റഫ് അധ്യക്ഷത വഹിച്ചു.  അഡ്വ. കെ പ്രവീൺ കുമാർ,  വി പി കുഞ്ഞി കൃഷ്ണൻ, പി ശാദുലി, രജീന്ദ്രൻ കപ്പള്ളി, അഹമ്മദ് പുന്നക്കൽ,കെ ടി കെ ചന്ദ്രൻ, സൂപ്പി നരിക്കാട്ടേരി, സി വി എം  നജ്മ, പി സുരയ്യ,മുഹമ്മദ ബംഗ്ലത്ത്, തായമ്പത്ത് കുഞ്ഞാലി, സി എച്ച് ഫൈസൽ, ആവോലം രാധാകൃഷ്ണൻ, പി എം നാണു, ബാലരാജ്, സജീവൻ കുനിങ്ങാട്, സി പി സലാം, കെ പി മുഹമ്മദ്, വി വി കെ ജാതിയേരി, വി ടി കെ മുഹമ്മദ്, എം എ വാണിമേൽ,  ഇ സിദ്ധീഖ്, എ റഹീം, രാധാകൃഷ്‍ണൻ അരൂർ, മുഹമ്മദലി തിനൂർ, ഇസ്മായിൽ വാണിമേൽ പ്രസംഗിച്ചു.  കെ കെ ശ്രീജിത്ത് സ്വാഗതവും വത്സരാജ് മണലാട്ട് നന്ദിയും പറഞ്ഞു.

പയന്തോങ്ങ് : പരേതനായ കോടഞ്ചേരി അമ്മദിന്റെ ഭാര്യ തയ്യുള്ളതിൽ ബിയ്യാത്തു (82) നിര്യാതയായി.
മക്കൾ: മാമി , ആസ്യ, മജീദ്, അബൂബക്കർ .
മരുമക്കൾ : കരിമ്പിൽ പോക്കുഹാജി, കോടഞ്ചേരി പോക്കർ,ആയിഷ, റസിയ.
സഹോദരങ്ങൾ: കുഞ്ഞി സൂപ്പി, മറിയം, പരേതരായ ഖദീജ, അബ്ദുല്ല

നാദാപുരം: മാധ്യമ ലോകത്തും  നഷ്ടമാകുന്ന നന്മകൾ തിരികെ പിടിക്കാൻ ഒരു ചുവട് വെപ്പ്. ഒരു ദശകങ്ങൾക്കപ്പുറം വേർപിരിഞ്ഞ,  മൂല്ല്യാധിഷ്ഠിത പത്രപ്രവർത്തനം മുറുകെ പിടിച്ച   രണ്ട് പ്രാദേശിക പത്രപ്രവർത്തകരുടെ ഓർമകൾ നെഞ്ചേറ്റുകയാണ് ഇന്ന് നാദാപുരം.   കെ.ബാലൻ അടിയോടി - പി .മമ്മു മുൻഷി ഓർമ്മ പുതുക്കൽ ഇന്ന് വൈകിട്ട് നാല് മണി മുതൽ നാദാപുരത്ത് നടക്കും.  കേരള ബാങ്ക്   നാദാപുരം ശാഖ പരിസരത്തെ  മൊയിലോത്ത് കോംപ്ലക്സ് ഓഡിറ്റോറിയത്തിലാണ് പരിപടി. കേരള പത്രപ്രവർത്തക അസോസിയേഷൻ അംഗീകാരത്തോടെ പ്രവർത്തിക്കുന്ന    നാദാപുരം പ്രസ്സ് ഫോറം സംഘടിപ്പിക്കുന്ന  അനുസ്മരണ പരിപാടിയിൽ മാതൃഭൂമി മാനേജിംഗ് ഡയരക്ടറും രാജ്യസഭ എം.പിയുമായ എം.വി ശ്രേയാംസ് കുമാർ നാദാപുരം എം.എൽ എ. ഇ. കെ വിജയൻ, ജില്ലാ പഞ്ചായത്ത് അംഗങ്ങളായ സിവി എം നജ്മ, കൂടത്താം കണ്ടി സുരേഷ്, ബ്ലോക്ക് പഞ്ചായത്ത് പ്രസിഡൻറ് കെ.പി വനജ, മേഖലയിലെ ഗ്രാമ പഞ്ചായത്ത് പ്രസിഡൻറുമാർ തുടങ്ങിയ ജനപ്രതിനിധികളും രാഷട്രീയ സാമൂഹിക പ്രവർത്തകരും - മാധ്യമ പ്രവർത്തകരും പങ്കെടുക്കും. പുതു തലമുറയ്ക്ക് അപരിചിതരായ മൺമറഞ്ഞ ഈ പത്രപ്രവർത്തകരുടെ ഒട്ടേറെ നന്മകളും ധീരമായ ഇടപെടലുകളും   തൊട്ടറിഞ്ഞവർ ഓർമകൾ പുതുക്കി തങ്ങളുടെ നേരനുഭവങ്ങൾ   പങ്കുവെക്കുന്ന പരിപാടി നാദാപുരത്ത് വേറിട്ട ഒരു ചരിത്രമാകുമെന്ന് ഭാരവാഹികൾ പറഞ്ഞു.

തൊട്ടില്‍പ്പാലം: എസ്.കെ.എസ്.എസ്.എഫ് ജില്ലാ ട്രന്റ് സമിതി യൂനിറ്റുകള്‍ കേന്ദ്രീകരിച്ച് നടപ്പിലാക്കുന്ന വിദ്യാഭ്യാസ പദ്ധതിയായ കരിയര്‍ ക്ലബ്ബിന് കുറ്റ്യാടി മേഖലയില്‍ തുടക്കമായി. കരിയര്‍ സംബന്ധമായ വളര്‍ച്ച, മത്സര പരീക്ഷകള്‍ക്കുള്ള പരിശീലനം എന്നിവ ലക്ഷ്യമാക്കി പ്രത്യേക മെംബര്‍ഷിപ്പോടെ ഏഴു മുതല്‍ 20 വരെ അംഗങ്ങളുള്ള സമിതിയാണ് കരിയര്‍ ക്ലബ്ബ്. മേഖല തല ഉദ്ഘാടനം പൈക്കളങ്ങാടി ശാഖയില്‍ ടെന്റ് ട്രെയ്‌നര്‍ കെ.കെ മുനീര്‍ നിര്‍വ്വഹിച്ചു. മേഖല പ്രസിഡന്റ് ഡോ: സമീര്‍ അഹ്മദ് അധ്യക്ഷനായി. ജില്ലാ ട്രന്റ് ചെയര്‍മാന്‍ വി.കെ റിയാസ് പദ്ധതി വിശദീകരിച്ചു. സലിം ഫൈസി, കെ.പി മുഹമ്മദ് ശംസീര്‍, കെ.പി അമ്മത്, സ്വാലിഹ് മാക്കൂല്‍, യാസിര്‍ വേളം, അജ്മല്‍ അശ്അരി, സി.ജുറൈദ്, ആശിഖ് ദേവര്‍കോവില്‍, അയ്യൂബ് പൈക്കളങ്ങാടി, കെ. മുഹ്‌സിന്‍ സംസാരിച്ചു. 

പാറക്കടവ് : കഴിഞ്ഞ അഞ്ചു വർഷം കേരളത്തെ കട്ടു മുടിച്ച പിണറായി സർക്കാറിനെതിരെ ജന വികാരം അലയടിക്കുകയാണെന്ന് പാറക്കൽ അബ്ദുല്ല എം എൽ എ. നാടുണരാൻ  നന്മ പുലരാൻ എന്ന എന്ന മുദ്രാവാക്യം ഉയർത്തി  നാദാപുരം നിയോജക മണ്ഡലം മുസ്ലിം യൂത്ത് ലീഗ് യുവ യാത്രയുടെ മൂന്നാം   ദിവസത്തെ പര്യടന സമാപനം പാറക്കടവിൽ  ഉദ്ഘാടനം ചെയ്യുക യായിരുന്നു പാറക്കൽ . ടി ടി കെ അഹ്മദ് ഹാജി  അധ്യക്ഷത വഹിച്ചു.  സ്റ്റിയറിംഗ് കമ്മിറ്റി കൺവീനർ 
എം കെ അഷ്റഫ് ജാഥാംഗങ്ങളെ പരിചയപ്പെടുത്തി. മിസ്ഹബ് കീഴരിയൂർ  മുഖ്യ പ്രഭാഷണം നടത്തി. , അഹമ്മദ് പുന്നക്കൽ, സൂപ്പി നരിക്കാട്ടേരി,  എൻ കെ മൂസ മാസ്റ്റർ, 
കെ കെ നവാസ്, ടി കെ ഖാലിദ്, സി എച് ഹമീദ്, അഹമ്മദ് കുറുവയിൽ, നിസാർ കോയമ്പറത്ത് പ്രസംഗിച്ചു,. 
ഇന്നലെ രാവിലെ 10 ന് കുയ്‌തേരിയിൽ നിന്നാണ്  വെച്ച് മൂന്നാം  ദിവസത്തെ പര്യടനം തുടങ്ങിയയത്. 
അഹമ്മദ് പുന്നക്കൽ  ഉദ്ഘാടനം ചെയ്തു ടി ടി കെ ഖാദർ ഹാജി  അധ്യക്ഷനായി. സി കെ നാസർ, ടി എം വി ഹമീദ്, കെ ചന്ദ്രൻ, എ കെ ഉമേഷ് പ്രസംഗിച്ചു.   എം കെ സമീർ ക്യാപ്റ്റനും  ഇ ഹാരിസ് വൈസ് ക്യാപ്റ്റനും  എ  എഫ് റിയാസ്  ഡയറക്ടറും  കെ എം ഹംസ ചീഫ്  കോ ഓർഡിനേറ്ററും ,  കെ സി അബ്ദുല്ലക്കുട്ടി, അജ്മൽ തങ്ങൾസ് ,ഒ. മുനീർ, മൂസ എടച്ചേരി, നിസാർ മoത്തിൽ എന്നിവർ ഡയറക്ടർ മാരുമായ ജാഥക്ക് വളയം , ജാതിയേരി , കല്ലുമ്മൽ , പുളിയാവ്  എന്നിവിടങ്ങളിൽ ഏറെ ആവേശകരമായ  സ്വീകരണമാണ് ലഭിച്ചത്.

നാദാപുരം: നാടുണരാൻ  നന്മ പുലരാൻ എന്ന എന്ന മുദ്രാവാക്യം ഉയർത്തി  നാദാപുരം നിയോജക മണ്ഡലം മുസ്ലിം യൂത്ത് ലീഗ് യുവ യാത്ര പ്രയാണം തുടരുന്നു. 
രണ്ടാം ദിവസത്തെ പര്യടനം കായക്കൊടി അങ്ങാടിയിൽ വെച്ച് മണ്ഡലം ലീഗ് പ്രസിഡണ്ട്  സൂപ്പി നരിക്കാട്ടേരി ഉദ്ഘാടനം ചെയ്തു .
സബീൽ തൊടുവയിൽ അധ്യക്ഷനായി. സ്റ്റിയറിംഗ് കമ്മിറ്റി കൺവീനർ  എം. കെ അഷ്റഫ് ജാഥാ അംഗങ്ങളെ പരിചയപ്പെടുത്തി. മൂസ കോത്തമ്പ്ര മുഖ്യ പ്രഭാഷണം നടത്തി. കെ കെ ഉമർ മാസ്റ്റർ, ഇ മുഹമ്മദ് ബഷീർ, പയപ്പറ്റ അമ്മത് മാസ്റ്റർ, കെ കെ സി കുഞ്ഞബ്ദുല്ല, ടി സൈനുദ്ദീൻ മാസ്റ്റർ, കോൺഗ്രസ് നേതാവ് അനന്തൻ എന്നിവർ പ്രസംഗിച്ചു. സി കെ റാഷിദ് സ്വാഗതവും പറഞ്ഞു.
എം കെ സമീർ ക്യാപ്റ്റനും ഇ ഹാരിസ് വൈസ് ക്യാപ്റ്റനും എ എഫ് റിയാസ്  ഡയറക്ടറും  കെ എം ഹംസ ചീഫ് കോ ഓർഡിനേറ്ററും ,  കെ സി അബ്ദുല്ലക്കുട്ടി, അജ്മൽ തങ്ങൾസ് , ഒ. മുനീർ, മൂസ എടച്ചേരി, നിസാർ മoത്തിൽ എന്നിവർ ഡയറക്ടർ മാരുമായ ജാഥ മീത്തൽവയൽ, കണ്ടോത്ത് കുനി, കൊയ്യാൽ, തെരുവംപറമ്പ് എന്നിവിടങ്ങളിലെ സ്വീകരണങ്ങൾക്ക് ശേഷം ഭൂമിവാതുക്കൽ അങ്ങാടിയിൽ സമാപിച്ചു. എം പി ജാഫർ മാസ്റ്റർ, വി.ടി. കെ മുഹമ്മദ്, സി കെ നാസർ, ഹാരിസ് കൊത്തികൂടി തുടങ്ങിയവർ ജാഥയെ അനുഗമിച്ചു.
സമാപന സമ്മേളനം കെ. മുരളീധരൻ എം.പി ഉദ്ഘാടനം ചെയ്തു. നൗഷാദ് കണ്ടിയിൽ അധ്യക്ഷനായി. അഷ്കർ ഫാറൂഖ് പ്രഭാഷണം നടത്തി. അഹമ്മദ് പുന്നക്കൽ, എൻ കെ മൂസ മാസ്റ്റർ, എം കെ മജീദ്, വി കെ കുഞ്ഞാലി മാസ്റ്റർ, അഷ്റഫ് കൊറ്റാല തുടങ്ങിയവർ പ്രസംഗിച്ചു. എം കെ നൗഷാദ് സ്വാഗതം പറഞ്ഞു.

നാദാപുരം: വിഷ്ണുമംഗലം ബണ്ടിൻ്റെ ഷട്ടറിടാൻ പൊലിസിൻ്റെ സഹായത്തോടെ വാട്ടർ അതോറിറ്റി നടത്തിയ ശ്രമം നാട്ടുകാർ തടഞ്ഞു. ഉദ്യോഗസ്ഥരുടെ നേത്യത്വത്തിൽ തൊഴിലാളികൾ എത്തിയതോടെ പുഴ സംരക്ഷണ സമിതി പ്രവർത്തകർ തടയുകയായിരുന്നു. ബണ്ടിൽ അടിഞ്ഞ് കൂടിയ ചെളിയും, മണലും നീക്കം ചെയ്യന്നമെന്നാവശ്യപ്പെട്ടാണ് ഷട്ടർ ഇടുന്നത് തടഞ്ഞത്. മുമ്പും ഷട്ടറിടാൻ ശ്രമം നടന്നെങ്കിലും നാട്ടുകാർ തടഞ്ഞതോടെ ഉപേക്ഷിക്കുകയായിരുന്നു. ഇന്നലെ വീണ്ടും പൊലിസ് അകമ്പടിയിൽ ഉദ്യോഗസ്ഥർ എത്തിയതോടെ മുദ്രാവാക്യം വിളികളുമായി നാട്ടുകാർ ഷട്ടറിന് മുകളിലും താഴെയും പ്രതിഷേധിച്ചതോടെ ഉദ്യോഗസ്ഥർ പിന്മാറി. 
ഇതേതുടർന്ന് നാദാപുരം പൊലിസ് സ്റ്റേഷനിൽ ചേർന്ന അനുരഞ്ജന യോഗം അലസി പിരിഞ്ഞു. എം.എൽ.എയേയും  പഞ്ചായത്ത് പ്രസിഡന്റുമാരെയും പങ്കെടുപ്പിച്ച് രണ്ട് ദിവസത്തിനുള്ളിൽ വീണ്ടും യോഗം വിളിക്കാൻ തീരുമാനിച്ചു. 
നാദാപുരം സി.ഐയുടെ നേതൃത്വത്തിൽ നടന്ന യോഗത്തിൽ വളയം ഗ്രാമ പഞ്ചായത്ത് മെംബർ നസീമ നരോൻ്റെവിട, നാദാപുരം സബ് ഇൻസ്‌പെക്ടർ, അഹമ്മദ് കുറുവയിൽ, കോറോത്ത് അഹമ്മദ് ഹാജി, പി.പി സാദിഖ്, മൊയ്തു കോട്കണ്ടി, കെ.കെ അൻവർ, സിറാജ് ജാതിയേരി, എം.കെ സമീർ, ലിയാഖത്ത് കുനിയിൽ, പി.കെ മൊയ്തു, ഫൈസൽ കുനിയിൽ, എ.പി മൊയ്തു, വാട്ടർ അതോറിറ്റി ഉദ്യോഗസ്ഥർ എന്നിവർ പങ്കെടുത്തു.

കുറ്റ്യാടി: നാട് ഉണരാൻ നന്മ പുലരാൻ എന്ന പ്രമേയത്തിൽ ഇടതു സർക്കാരിനെതിരെ കുറ്റപത്രവുമായി നാദാപുരം നിയോജക മണ്ഡലം മുസ്ലിം യൂത്ത് ലീഗ് യുവ യാത്രക്ക്   മരുതോങ്കര പഞ്ചായത്തിലെ അടുക്കത്ത് തുടക്കമായി. സംസ്ഥാന ജനറൽ ജനറൽ സെക്രട്ടറി പികെ ഫിറോസ് ജാഥ ഉദ്ഘാടനം ചെയ്തു. സ്വാഗതസംഘം ചെയർമാൻ സൂപ്പി നരിക്കാട്ടേരി അധ്യക്ഷനായി. അഹമ്മദ് പുന്നക്കൽ, വി വി മുഹമ്മദലി, സാജിദ് നടുവണ്ണൂർ , കെ കെ നവാസ് എന്നിവർ ജാഥാ നായകരെ ഷാൾ അണിയിച്ചു. സ്റ്റിയറിംഗ് കമ്മിറ്റി കൺവീനർ എം. കെ അഷ്റഫ് ജാഥാ അംഗങ്ങളെ പരിചയപ്പെടുത്തി. വയലോളി അബ്ദുള്ള , ബംഗ്ലത്ത്  മുഹമ്മദ് ,  എം പി ജാഫർ മാസ്റ്റർ, ടി കെ ഖാലിദ്  മാസ്റ്റർ,  അഹമ്മദ് കുറുവയിൽ, മുഹമ്മദ് വി  പി കുഞ്ഞബ്ദുല്ല മാസ്റ്റർ , ടി  ടി കെ കാദർ ഹാജി, കെ പി മുഹമ്മദ്, നസീർ കുനിയിൽ എം പി സൂപ്പി, ഏരത്ത് അബൂബക്കർ ഹാജി, വി.ടി. കെ മുഹമ്മദ്, സി കെ നാസർ, ഹാരിസ് കൊത്തികൂടി, സി പി സലാം, ടിപി ആലി, മുഹമ്മദ് പേരോട് , സിദ്ദീഖ് തങ്ങൾ നാദാപുരം , ഷാഫി എടച്ചേരി പ്രസംഗിച്ചു.
എൻ കെ  മൂസ മാസ്റ്റർ സ്വാഗതവും ജയ്സൽ  ഇല്ലത്ത്  നന്ദിയും പറഞ്ഞു. 
എം കെ സമീർ ക്യാപ്റ്റനും ഇ ഹാരിസ് വൈസ് ക്യാപ്റ്റനും എ  എഫ് റിയാസ്  ഡയറക്ടറും  കെ എം ഹംസ ചീഫ്  കോ ഓർഡിനേറ്ററും , കെ സി അബ്ദുല്ലക്കുട്ടി, അജ്മൽ തങ്ങൾസ് , ഒ. മുനീർ, മൂസ എടച്ചേരി, നിസാർ മoത്തിൽ എന്നിവർ ഡയറക്ടർ മാരുമായ ജാഥ കള്ളാട് കാഞ്ഞിരോളി  എന്നീ കേന്ദ്രങ്ങളിലെ സ്വീകരണങ്ങൾക്ക് ശേഷം  തൊട്ടിൽപാലം അങ്ങാടിയിൽ പൊതു സമ്മേളനത്തോടെ സമാപിച്ചു. സമ്മേളനം ജ്യോതി രാധിക വിജയകുമാർ ഉദ്ഘാടനം ചെയ്തു.

വാണിമേൽ: മുഹമ്മദ്‌ ഹുസൈൻ വാണിമേലിന്റെ ഓർമകളും അനുഭവക്കുറിപ്പുകളും നിരീക്ഷണങ്ങളും കോർത്തിണക്കിയ പുസ്തകം 'പെയ്തൊഴിയാത്ത ഓർമക്കാലം' ഖത്തറിൽ പ്രകാശനം ചെയ്തു.
കോവിഡ് നിയന്ത്രണങ്ങളുടെ പശ്ചാത്തലത്തിൽ QISH (ഖത്തർ ഇൻസ്റ്റിറ്റ്യൂട്ട് ഓഫ് സ്പീച് & ഹിയറിങ്ങ് ) കോണ്ഫറൻസ് ഹാളിൽ നടന്ന ലളിതമായ ചടങ്ങിൽ എഴുത്തുകാരനും മാധ്യമ പ്രവർത്തകനുമായ ഡോ. കെ.സി സാബു, QISH CEO നിയാസ് കാവുങ്ങലിനു പുസ്‌തകം കൈമാറിയാണ് പ്രകാശനം നിർവഹിച്ചത്. കവി തൻസീം കുറ്റ്യാടി, കലാ-സാസ്‌കാരിക പ്രവർത്തകനായ സുനിൽ പെരുമ്പാവൂർ, അസ്‌ലം കൊടുമയിൽ , ശമീൽ അഹമ്മദ്, സലാഹ് കാലിക്കറ്റ്, ഷമീം, രചയിതാവ് ഹുസൈൻ വാണിമേൽ എന്നിവർ സന്നിഹിതരായിരുന്നു.

വാണിമേൽ: ഭൂമിവാതുക്കലിലെ വ്യാപാരി വി കെ അബ്ദുല്ലയുടെ ആറാമത് പുസ്തകം  'കാണാ ക്കിനാവുകൾ " വാണിമേൽ ഗ്രാമ പഞ്ചായത്ത് പ്രസിഡണ്ട് പി സുരയ്യ പ്രകാശനം ചെയ്തു. അമ്പലക്കണ്ടി അബ്ദുറഹ്മാൻ ഏറ്റുവാങ്ങി. 
പ്രസിദ്ധീകരണ സമിതി ചെയർമാൻ അഷ്റഫ് കൊറ്റാല അധ്യക്ഷത വഹിച്ചു. കൺവീനർ എം കെ അഷ്റഫ് സ്വാഗതം പറഞ്ഞു.
ഗ്രാമ പഞ്ചായത്ത് അംഗം സൂപ്പി കല്ലിൽ, എം ടി ഹരിദാസൻ, ജലീൽ ചാലക്കണ്ടി, അഹമ്മദ് കർങ്ങാർ, ഒ മുനീർ, അലി കൊളത്തായി എന്നിവർ സംസാരിച്ചു.

നാദാപുരം:  ജീവനക്കാരേയും ഉദ്യോഗാർഥികൾ ഉൾപ്പെടെയുള്ള എല്ലാ വിഭാഗം ജനങ്ങളെയും വഞ്ചിച്ച സർക്കാരാണ്- കേരളം ഭരിക്കുന്നതെന്ന്  കെപിസിസി ജനറൽ സെക്രട്ടറി അഡ്വ. കെ പ്രവീൺ കുമാർ . എൻജിഒ അസോസിയേഷൻ  നാദാപുരം ബ്രാഞ്ച് വർഷിക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  പി എസ് സി യെയും സിവിൽ സർവീസിനെയും തകർക്കാനാണ് കഴിഞ്ഞ അഞ്ചു വർഷമായി സർക്കാർ ശ്രമിച്ചതെന്നും അദ്ദേഹം കൂട്ടിച്ചേർത്തു. യാത്രയയപ്പ് സമ്മേളനം ജില്ലാ പ്രസിഡൻറ് കെ. പ്രദീപൻ ഉദ്ഘാടനം ചെയ്തു. 
ബ്രാഞ്ച് പ്രസിഡൻറ് വി.പി സുനിൽ കുമാർ അധ്യക്ഷത വഹിച്ചു. ജില്ലാ സെക്രട്ടറി പ്രേംനാഥ് മംഗലശ്ശേരി, സംസ്ഥാന സെക്രട്ടറിയേറ്റ് അംഗങ്ങളായ ബിനു കോറോത്ത്, ടി. ഹരിദാസൻ, സിജു. കെ. നായർ, ജില്ലാ ട്രഷറർ കെ കെ. പ്രമോദ് കുമാർ, കെ. ദിനേശൻ,ടി. ജൂബേഷ് , എം.പി. നന്ദകുമാർ, സുരേഷ് ബാബു, എം. രാധാകൃഷ്ണൻ, രാമചന്ദ്രൻ, സുനിൽ കുമാർ വി.എൻ.കെ എന്നിവർ സംസാരിച്ചു. കെ വിനോദ് കുമാർ, പി.വിനയൻ, ടി. സജിവൻ, ആർ നാരായണൻ നമ്പൂതിരി, പി.പി. നാരായണൻ എന്നിവർക്ക് യാത്രയയപ്പ് നൽകി.

നാദാപുരം: തൂണേരി മുടവന്തേരിയിലെ  പ്രവാസി വ്യാപാരി എം ടി കെ അഹമ്മദിനെ  തട്ടിക്കൊണ്ടു പോയ ദുരൂഹത നീക്കണമെന്ന് ആക്ഷൻ കമ്മിറ്റി. ഇത് സംബന്ധിച്ച് തുണേരിയിൽ സംഘടിപ്പിച്ച വിശദീകരണ പൊതുയോഗത്തിൽ പൊലീസിന്റെ നിലപാടിനെതിരെ നേതാക്കൾ ആഞ്ഞടിച്ചു. ഗ്രാമ പഞ്ചായത്ത് പ്രസിഡണ്ട് പി ഷാഹിന അധ്യക്ഷത വഹിച്ചു. ഡി സി സി ജനറൽ സെക്രട്ടറി ആവോലം രാധാകൃഷ്ണൻ ഉദ്‌ഘാടനം ചെയ്തു. കൺവീനർ  പള്ളിക്കണ്ടി ബഷീർ സ്വാഗതം പറഞ്ഞു. 
മുഹമ്മദ് ബംഗ്ലത്ത്, വളപ്പിൽ കുഞ്ഞമ്മദ് മാസ്റ്റർ, എം കെ സമീർ, സി ഹമീദ് മാസ്റ്റർ,  ( മുസ്ലിം ലീഗ്), അഡ്വ:എ സജീവൻ,   മോഹനൻ പാറക്കടവ് , അശോകൻ തൂണേരി ( കോൺഗ്രസ് ),  സുധീഷ്.വി.എം ( ബി ജെ പി ) വാർഡ് മെമ്പർ  റഷീദ് കാഞ്ഞിരക്കണ്ടി, ഫിർദൗസ് നാളൂർ പ്രസംഗിച്ചു. 

ആയഞ്ചേരി : ഒന്നിച്ചൊന്നായി സധൈര്യം മുന്നേറാം ഞങ്ങളുണ്ട് കൂടെ എന്ന സന്ദേശം വിദ്യാർഥികൾക്ക് നൽകിക്കൊണ്ട്  കോഴിക്കോട് ജില്ലാ പഞ്ചായത്തും (എഡ്യൂകെയർ) ആയുർവേദ മെഡിക്കൽ അസോസിയേഷൻ ഓഫ് ഇന്ത്യ കോഴിക്കോട് ഘടകവും സംയുക്തമായി ജില്ലയിലെ വിദ്യാലയങ്ങളിൽ  SSLC വിദ്യാർത്ഥികൾക്ക് നടത്തുന്ന 'ഹാൾട്ടിക്കറ്റ്' പദ്ധതിയുടെ ഭാഗമായി ആയഞ്ചേരി റഹ്മാനിയ ഹയർ സെക്കന്ററി സ്കൂളിൽ മോട്ടിവേഷൻ ക്ലാസ് നടത്തി. പ്രൊജക്റ്റ്‌ സ്കൂൾ മെന്റർ ഡോക്ടർ അബ്ദുൽ റസാഖ് എ ( ആലക്കൽ ആയുർവേദ ക്ലിനിക് വടകര )  ക്ലാസ്സ്‌ എടുത്തു.
രാവിലെ 10 മണി മുതൽ വിദ്യാർഥികൾക്കും  അതിനുശേഷം രക്ഷിതാക്കൾക്കും സ്കൂൾ പി.ടി.എ യുടെ നേതൃത്വത്തിൽ നടന്ന പ്രോഗ്രാമിൽ സ്റ്റാഫ് സെക്രട്ടറി സതീഷ് കുമാർ അധ്യക്ഷത വഹിച്ചു. പിടിഎ പ്രസിഡന്റ് ടി എം രാജൻ ഉദ്ഘാടനം ചെയ്തു. വിജയോത്സവം കൺവീനർ ബിന്ദു, മദേഴ്സ് പിടിഎ പ്രതിനിധി  ആയിഷ കേളോത്ത്, ഹാൾ ടിക്കറ്റ് സ്കൂൾ ചാർജ് സൂരജ,  വിദ്യാർത്ഥി പ്രതിനിധി ഗായത്രി ടിവി  സംസാരിച്ചു.

നാദാപുരം: തീ പൊള്ളിമരിച്ച റീനക്കും മകന് സ്റ്റഫിനുമാണ് കടവത്തൂരിലെ ഒലാച്ചി വീട്ടിൽ ഒരേ സ്ഥലത്ത് അന്ത്യ വിശ്രമമൊരുക്കിയത്. കോഴിക്കോട്ടെ സ്വകാര്യ ആശുപത്രി വെൻ്റിലേറ്ററിൽ കഴിയുകയായിരുന്ന റീന ഇന്നലെ ഉച്ചയോടെയും സ്റ്റഫിൻ വൈകിട്ടുമാണ് മരണപ്പെട്ടത്. കായലോട്ട് താഴെ വീട്ടിൽ പൊതുദർശനത്തിന് വെച്ച ശേഷം കടവത്തൂരിലെ റീനയുടെ വീട്ടിലേക്ക് കൊണ്ടുപോവുകയായിരുന്നു.

ചൊവ്വാഴ്ച പുലർച്ചെയാണ് കായലോട്ട് താഴെ കീറിയപറമ്പത്ത് കുടുംബത്തിലെ നാല് പേർക്ക് പൊള്ളലേറ്റത്. ബുധനാഴ്ച വൈകിട്ടോടെ ഗൃഹനാഥൻ രാജുവിന്റെയും  മകൻ സ്റ്റാലിഷിന്റെയും മൃതദേഹം സംസ്കരിച്ചതിന്  പിന്നാലെയാണ്  മറ്റു രണ്ട് പേർ കൂടി മരണത്തിന് കീഴടങ്ങിയത്. 
കുടുംബ വഴക്കിനെ തുടർന്ന് ഗൃഹനാഥനായ രാജു ഉറങ്ങിക്കിടക്കുകയായിരുന്ന ഭാര്യയെയും മക്കളെയും പെട്രോളൊഴിച്ചു തീക്കൊളുത്തിയ ശേഷം സ്വയം ആത്മഹത്യക്ക് ശ്രമിക്കുകയായിരുന്നെന്ന് നാട്ടുകാർ പറയുന്നു. നിലവിളി കേട്ട് ഓടിക്കൂടിയ നാട്ടുകാരാണ് ഇവരെ ആശുപത്രിയിൽ എത്തിച്ചത്. 80 ശതമാനത്തോളം പൊള്ളലേറ്റ നാല് പേരുടെയും ആരോഗ്യ സ്ഥിതി മോശമായതിനാൽ മൊഴിയെടുക്കാൻ സാധിച്ചിട്ടില്ല.

നാദാപുരം:  പ്രമുഖ ഇസ്ലാമിക പണ്ഡിതനും സൂഫിവര്യനും ആയിരുന്ന കീഴന ഓറുടെ  21ആം ആണ്ടനുസ്മരണ പരിപാടികൾക്ക് നാദാപുരത്ത് തുടക്കമായി. ഇന്ന് രാവിലെ നാദാപുരം ജുമാ മസ്ജിദിൽ നടന്ന സമൂഹ സിയാറത്തിനു ശേഷം പൂച്ചാക്കൂൽ അങ്കണത്തിൽ നാദാപുരം മുദരിസ് കെ കെ  കുഞ്ഞാലി മുസ്ലിയാർ പതാക ഉയർത്തി. പ്രമുഖ പണ്ഡിതന്മാരും രാഷ്ട്രീയ സാമൂഹ്യ രംഗത്തെ പ്രമുഖരും ചടങ്ങിൽ സംബന്ധിച്ചു . ജുമുഅക്ക് ശേഷം കടമേരിയിലെ ഖബറിടത്തിൽ  സമൂഹ സിയാറത്ത് നടക്കും. സയ്യിദ് ഹാമിദ് കോയമ്മ തങ്ങൾ രാമന്തളി സിയാറത്തിന് നേതൃത്വം നൽകും രാത്രി നാദാപുരം ജുമുഅത്ത് പള്ളിയിൽ ദിക്റ് ദുആ മജ്‌ലിസും നടക്കും

നാദാപുരം : ചെക്യാട് പഞ്ചായത്തിലെ കായലോട്ട് താഴെ അരൂണ്ടയിൽ ദുരൂഹ സാഹചര്യത്തിൽ തീ പൊള്ളലേറ്റ കുടുംബത്തിലെ അവശേഷിക്കുന്ന ഇളയ മകൻ സ്റ്റഫിനും മരണത്തിന് കീഴടങ്ങി.  വീട്ടമ്മ റീന (40), ഇളയ മകൻ സ്റ്റഫിൻ (15) എന്നിവരാണ് ഇന്ന് മരിച്ചത്. കൊളവല്ലൂർ ഹൈസ്കൂളിലെ ഒമ്പതാം തരം വിദ്യാർഥിയാണ് സ്റ്റഫിൻ.
കോഴിക്കോട്ടെ സ്വകാര്യ ആശുപത്രി വെൻ്റിലേറ്ററിൽ കഴിയുകയായിരുന്ന റീന ഇന്നലെ ഉച്ചയോടെയും സ്റ്റഫിൻ വൈകിട്ടുമാണ് മരണപ്പെട്ടത്.
ബുധനാഴ്ച വൈകിട്ടോടെ ഗൃഹനാഥൻ രാജുവിന്റെയും  മകൻ സ്റ്റാലിഷിന്റെയും മൃതദേഹം സംസ്കരിച്ചതിന്  പിന്നാലെയാണ്  മറ്റു രണ്ട് പേർ കൂടി മരണത്തിന് കീഴടങ്ങിയത്. 
ചൊവ്വാഴ്ച പുലർച്ചെയാണ് കായലോട്ട് താഴെ കീറിയപറമ്പത്ത് കുടുംബത്തിലെ നാല് പേർക്ക് പൊള്ളലേറ്റത്. കുടുംബ വഴക്കിനെ തുടർന്ന് ഗൃഹനാഥനായ രാജു ഉറങ്ങിക്കിടക്കുകയായിരുന്ന ഭാര്യയെയും മക്കളെയും പെട്രോളൊഴിച്ചു തീക്കൊളുത്തിയ ശേഷം സ്വയം ആത്മഹത്യക്ക് ശ്രമിക്കുകയായിരുന്നെന്ന് നാട്ടുകാർ പറയുന്നു. നിലവിളി കേട്ട് ഓടിക്കൂടിയ നാട്ടുകാരാണ് ഇവരെ ആശുപത്രിയിൽ എത്തിച്ചത്. 

നാദാപുരം :കായലോട്ട് താഴെ അരൂണ്ടയിൽ ഉണ്ടായ ദുരന്തത്തിൽ വീട്ടമ്മ റീനയും മരിച്ചു. ഇതോടെ മരണം മൂന്നായി.
കോഴിക്കോട്ടെ സ്വകാര്യ ആശുപത്രി വെൻ്റിലേറ്ററിൽ കഴിയുകയായിരുന്ന  റീന.
ഇന്നലെ വൈകിട്ടോടെ ഗൃഹനാഥൻ രാജുവിന്റെയും  മകൻ സ്റ്റാലിഷിന്റെയും മൃതദേഹം സംസ്കരിച്ചതിന്  പിന്നാലെയാണ്  റീനയും മരണത്തിന് കീഴടക്കിയത്.
കുടുംബത്തിൽ അവശേഷിക്കുന്ന ഇളയ മകനും മരണത്തോട് മല്ലടിക്കുകയാണ്. ചെക്യാട് കായലോട്ട് താഴെ കീറിയപറമ്പത്ത് രാജു ചൊവ്വാഴ്ച ഉച്ചയ്ക്കും മകൻ സ്റ്റാലിഷ് ബുധനാഴ്ച പുലർച്ചെയോടെയുമാണ് മരിച്ചത്.

◾ മരണപ്പെട്ട പ്രവാസികള്‍ക്കു വേണ്ടി എന്തു ചെയ്‌തെന്ന് കേരള സര്‍ക്കാര്‍ വ്യക്തമാക്കണം

കോഴിക്കോട്: കോവിഡ് ടെസ്റ്റിന്റെ പേരില്‍ പ്രവാസികളെ പീഡിപ്പിക്കുന്ന നടപടി സര്‍ക്കാര്‍ അവസാനിപ്പിക്കണമെന്ന് കെ.എം.സി.സി. 72 മണിക്കൂര്‍ സാധുതയുള്ള നെഗറ്റീവ് സര്‍ട്ടിഫിക്കറ്റുമായാണ് യാത്രക്കാര്‍ വിമാനത്താവളങ്ങളിലെത്തുന്നത്. തുടര്‍ന്ന് നാലോ അഞ്ചോ മണിക്കൂര്‍ യാത്ര ചെയ്താല്‍ പോലും വിമാനമിറങ്ങുമ്പോള്‍ വീണ്ടും പണം മുടക്കി ടെസ്റ്റ് ചെയ്യുകയെന്നത് അനാവശ്യമാണ്. ക്വാറന്റൈന്‍ കാലാവധി കഴിഞ്ഞ ശേഷം വീണ്ടും ടെസ്റ്റ് ചെയ്തു നെഗറ്റീവ് ആണെന്ന് ഉറപ്പാക്കണം. ഇതോടെ ഒരു യാത്രക്ക് പ്രവാസികള്‍ 3 ടെസ്റ്റുകള്‍ക്കു വേണ്ടി പതിനായിരത്തോളം രൂപ മുടക്കേണ്ടി വരികയാണ്. അഞ്ച് അംഗങ്ങളുള്ള കുടുംബത്തിന് ടെസ്റ്റിനു വേണ്ടി മാത്രം 50,000 രൂപ മുടക്കേണ്ടി വരും. ഗള്‍ഫ് രാജ്യങ്ങളില്‍ ടെസ്റ്റിന് ആറായിരത്തില്‍പരം രൂപ ചെലവുണ്ട്.

ഇന്ത്യയിലെ പല വിമാനത്താവളങ്ങളിലും സൗജന്യ ടെസ്റ്റ് നല്‍കുന്നുണ്ട്. 500 രൂപയ്ക്കു ടെസ്റ്റ് നല്‍കുന്ന വിമാനത്താവളങ്ങളുമുണ്ട്. സംസ്ഥാന സര്‍ക്കാര്‍ ഇടപെട്ട് ടെസ്റ്റ് സൗജന്യമാക്കണമെന്നും കെ.എം.സി.സി നേതാക്കള്‍ വാര്‍ത്താ സമ്മേളനത്തില്‍ ആവശ്യപ്പെട്ടു. ദുബൈ കെ.എം.സിസി പ്രസിഡന്റ് ഇബ്രാഹീം എളേറ്റില്‍ സഊദി കെ.എം.സി.സി നാഷണല്‍ കമ്മിറ്റി സെക്രട്ടറി ഖാദര്‍ ചെങ്കള, കുവൈത്ത് കെ.എംസി.സി പ്രസിഡന്റ് ശറഫു കണ്ണേത്ത് ദുബൈ കെ.എം.സി.സി വൈസ് പ്രസിഡന്റ് ഒകെ ഇബ്രാഹീം , ദുബൈ കെ.എം.സി.സി കോഴിക്കോട് ജില്ലാ ജനറല്‍ സെക്രട്ടറി കെ.പി മുഹമ്മദ് പേരോട് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

ഗള്‍ഫ് രാജ്യങ്ങളില്‍ നിന്ന് നിരവധി പേരാണ് തൊഴില്‍ നഷ്ടമായും ബിസിനസ് തകര്‍ന്നും നാട്ടിലേക്ക് തിരിക്കുന്നത്. ഇവരില്‍ പലര്‍ക്കും സന്നദ്ധ സംഘടനകള്‍ ടിക്കറ്റെടുത്ത് നല്‍കുന്നുണ്ട്. അത്തരക്കാരില്‍ നിന്നു പോലും കേവിഡ് ടെസ്റ്റിന്റെ പേരില്‍ പണം പിടുങ്ങാനാണ് സര്‍ക്കാര്‍ അവസരമൊരുക്കുന്നത്. സംസ്ഥാന സര്‍ക്കാറും ഇക്കാര്യത്തില്‍ ഉത്തരവാദിത്തം കാണിക്കണം. പ്രളയ കാലത്ത് കോടികളാണ് ഗള്‍ഫില്‍ നിന്നും പിരിച്ചു കൊണ്ടു വന്നത്. എന്നാല്‍ പ്രവാസികളുടെ കാര്യം വരുമ്പോള്‍ കേരള സര്‍ക്കാര്‍ മുഖം തിരിക്കുകയാണ്. പെന്‍ഷന്‍ ഇനത്തില്‍ അന്യ സംസ്ഥാന പ്രവാസി 100 രൂപ അടയ്‌ക്കേണ്ടി വരുമ്പോള്‍ ഗള്‍ഫിലുള്ളവര്‍ പ്രതിമാസം 350 രൂപയാണ് അടയ്‌ക്കേണ്ടി വരുന്നത്. ഒരു വര്‍ഷത്തിനിടെ ആയിരത്തോളം മലയാളികള്‍ വിദേശത്ത് മരണപ്പെട്ടു. അവര്‍ക്ക് ഒരു രൂപ പോലും നല്‍കാന്‍ സര്‍ക്കാര്‍ തയ്യാറായല്ല. കോവിഡ് കാലത്ത് ഗള്‍ഫില്‍ മരണപ്പെട്ട മലയാളികളുടെ കുടുംബത്തിന് എന്തുനല്‍കിയെന്ന് കേരള സര്‍ക്കാര്‍ വ്യക്തമാക്കണമെന്നും കെ.എം.സി.സി നേതാക്കള്‍ ആവശ്യപ്പെട്ടു.

നാദാപുരം: കേരള പ്രദേശ് സ്‌കൂള്‍ ടീച്ചേര്‍സ് അസോസിയേഷന്‍ (കെ.പി.എസ്.ടി.എ) നാദാപുരം ഉപജില്ല സമ്മേളനവും  ഓഫീസ് ഉദ്ഘാടനവും നാളെ   (വ്യാഴം) നാദാപുരത്ത് നടക്കും.  സമ്മേളനം രാവിലെ 10 മണിക്ക് നാദാപുരം ഗവ. യു പി സ്കൂളിൽ കെ.പി.എസ്. ടി.എ സംസ്ഥാന പ്രസിഡന്റ് വി.കെ. അജിത്ത് കുമാർ  ഉദ്ഘാടനം ചെയ്യും.
ഓഫീസ് ഉദ്ഘാടനവും അദ്ദേഹം നിർവഹിക്കും. വിദ്യാഭ്യാസ സമ്മേളനം
കെപിസിസി ജനറല്‍ സെക്രട്ടറി അഡ്വ കെ.പ്രവീണ്‍ കുമാർ ഉദ്ഘാടനം ചെയ്യും.   യാത്രയയപ്പ് സമ്മേളനത്തില്‍ റവന്യൂ ജില്ല പ്രസിഡന്റ് സജീവന്‍ കുഞ്ഞോത്ത് ഉപഹാര സമര്‍പ്പണം നടത്തും. ഉപജില്ല പ്രസിഡന്റ് കെ മാധവന്‍ അധ്യക്ഷത വഹിക്കും. അഡ്വ എ സജീവന്‍, പി രാമചന്ദ്രന്‍, പി രഞ്ജിത്ത് കുമാര്‍, ടി അജിത്ത് കുമാര്‍ തുടങ്ങിയവര്‍ സംബന്ധിക്കും.

നാദാപുരം : ചെക്യാട് അരുണ്ടയിൽ  പൊള്ളലേറ്റ്  ഗുരുതരാസ്ഥയിൽ കഴിയുകയായിരുന്ന കുടുംബത്തിലെ മൂന്നു പേരിൽ മൂത്ത മകൻ സ്റ്റാലിഷ് 17 മരിച്ചു.
അച്ഛൻ രാജു ഇന്നലെ മരിച്ചിരുന്നു. അമ്മ റീന, മറ്റൊരു മകൻ സ്റ്റെഫിൻ എന്നിവർ കോഴിക്കോട് സ്വകാര്യ ആശുപത്രിയിൽ തീവ്ര പരിചരണ വിഭാഗത്തിൽ ചികിൽസയിലാണ്. 
ജീവൻ രക്ഷിക്കാമെന്ന് ഡോക്ടർമാർക്ക് അല്പമെങ്കിലും പ്രതീക്ഷയുണ്ടായിരുന്ന  സ്റ്റാലിഷും വിടവാങ്ങിയത് നാടിന് വലിയ നൊമ്പരമായി . കോഴിക്കോട് മെഡിക്കൽ കോളേജിൽ ഇന്ന് പുലർച്ചെയായിരുന്നു അന്ത്യം.  ചെക്യാട് കായലോട്ട് താഴ കീറിയപറമ്പത്ത് ഗൃഹനാഥന്റെ മരണത്തിനും ഭാര്യയ്ക്കും മക്കൾക്കും തീപ്പൊള്ളലേറ്റ സംഭവത്തിനും ഇടയാക്കിയത് കുടുംബവഴക്കെന്ന് പോലീസും നാട്ടുകാരും പറയുന്നു. ചൊവ്വാഴ്ച പുലർച്ചെയാണ് നാടിനെ നടുക്കിയ സംഭവമുണ്ടായത്.

നാദാപുരം: വിഷ്ണുമംഗലം പുഴക്ക് കുറുകെ അശാസ്ത്രീയമായി നിർമ്മിച്ച ബണ്ട്  കാരണം  ദുരിതബാധിതരുടെ പ്രയാസങ്ങൾ പരിഹരിക്കണമെന്നാവശ്യപ്പെട്ട് ചേര്‍ന്ന യോഗത്തിൽ കെ.കെ.അൻവർ അദ്ധ്യക്ഷതവഹിച്ചു. കോട്ക്കണ്ടി മൊയ്തു, എം.കെ സമീർ, ബാലൻ പെരുവങ്കര, വിനോദൻ മാസ്റ്റർ സംസാരിച്ചു. കാലങ്ങളിലുണ്ടാകുന്ന   വെള്ള പൊക്കവും വേനൽകാലത്തുണ്ടാകുന്ന ജലക്ഷാമവും പരിഹരിക്കാൻ നടപടികൾ ഉണ്ടാവണമെന്ന് യോഗം ആവശ്യപ്പെട്ടു.
ബണ്ടിന് നടുവിൽ ഷട്ടർ സ്ഥാപിക്കുക, ബണ്ട് പ്രദേശത്തെ മണ്ണും ചളിയും നീക്കുക, ഇരു കരകളും ഭിത്തി കെട്ടി സംരക്ഷിക്കുക, വേനൽകാലത്ത് പമ്പ് ഹൗസിന്റെ പ്രവർത്തനം നിർത്തിവെക്കുക, കൈതോടുകളുടെ നവീകരണ പ്രവർത്തനങ്ങൾ നടത്തുക എന്നീ ആവശ്യങ്ങളുന്നയിച്ച് പ്രത്യക്ഷ സമര രംഗത്ത് ഇറങ്ങാൻ യോഗം തീരുമാനിച്ചു.
കോഡിനേറ്റർമാരായി കോട്കണ്ടി മൊയ്തു, ബാലൻ പെരുവങ്കര, കെ.കെ.അൻവർ,സ്നേഹ നാണു എന്നിവരെ തിരഞ്ഞെടുത്തു.

ഇരിങ്ങണ്ണൂർ: എം.എൽ.എ. ആസ്തിവികസന ഫണ്ടിൽ നിന്നും അൻപത് ലക്ഷം രൂപ ചെലവിൽ നിർമ്മിച്ച എടച്ചേരി കുടുംബാരോഗ്യ കേന്ദ്രം ഒ.പി. ബ്ലോക്കിന്റെ ഉൽഘാടനം ഇ.കെ. വിജയൻ എം.എൽ.എ. നിർവ്വഹിച്ചു. പഞ്ചായത്ത് പ്രസിഡന്റ് എൻ. പത്മിനി അദ്ധ്യക്ഷത വഹിച്ചു. തൂണേരി ബ്ലോക്ക് പ്രസിഡന്റ് കെ.പി. വനജ, വൈസ് പ്രസിഡന്റ് ടി.കെ. അരവിന്ദാക്ഷൻ പഞ്ചായത്ത് വൈസ് പ്രസിഡന്റ് എം രാജൻ, ജില്ലാ പഞ്ചായത്ത് അംഗം കൂടത്താം കണ്ടി സുരേഷ്, ആരോഗ്യ സാന്റിങ്ങ് കമ്മറ്റി ചെയർ പേഴ്സൺ ശ്രീജ പാല പറമ്പത്ത്, ബ്ലോക്ക് മെംമ്പർ എ.ഡാനിയ, രാധ കെ.ടി.കെ., ടി. അനിൽകുമാർ , എം.പി.ശ്രീധരൻ , ആർ.ടി.ഉസ്മാൻ .  സി.കെ.ബാലൻ, വൽസരാജ് മണലാട്ട് ,വി .പി പവിത്രൻ മെഡിക്കൽ ഓഫീസർ ആദർശ് എന്നിവർ സംസാരിച്ചു. സ്ഥലം മാറി പോകുന്ന ഡോക്ടർ ഷിൻ ജു അപാലയ്ക്കും, ഹെൽത്ത് ഇൻസ്പക്ടർ എ.സജീവൻ, നന്ദകുമാർ, കീർത്തി  എന്നിവർക്കും ചടങ്ങിൽ വച്ച് യാത്രയയപ്പ് നൽകി.

വാണിമേൽ: കുടുംബാരോഗ്യ കേന്ദ്രത്തിന് ബാണ്യേക്കാർ ഗ്രൂപ്പ് കൂട്ടായ്മയിൽ സുമനസ്സുകളുടെ സഹകരണത്തോടെ നിർമ്മിച്ച പ്രവേശന കമാനത്തിന്റെ ഉത്ഘാടനം പഞ്ചായത്ത് പ്രസിഡന്റ് പി.സുരയ്യ ടീച്ചറുടെ അദ്ധ്യക്ഷതയിൽ ഇ.കെ വിജയന്‍ എം.എല്‍.എ നിർവ്വഹിച്ചു. വി.ചന്ദ്രബാബു, അഷ്റഫ് കൊറ്റാല, ശിവറാം, ടി.പ്രദീപ്കുമാർ ആശംസകളർപ്പിച്ചു. 
എൻ.പി.ചന്ദ്രൻമാസ്റ്റർ പ്രൊജക്ട് അവലോകനം നടത്തി. സുരേഷ് സുബ്രമണ്യം സ്വാഗതവും, സി.കെ മൊയ്തു മാസ്റ്റർ നന്ദിയും പറഞ്ഞു.

നാദാപുരം: ചെക്യാട് – വളയം പഞ്ചായത്തുകളുടെ അതിർത്തിയായ അരൂണ്ടയിൽ ഒരു കുടുംബത്തിലെ പൊള്ളലേറ്റ ഗൃഹനാഥൻ കീറിയപറമ്പത്ത് രാജു (50) മരണപ്പെട്ടു. ഭാര്യ റീന,  മക്കളായ സ്റ്റാലിഷ് (17), സ്റ്റഫിൻ (15) എന്നിവർ ഗുരുതരാവസ്ഥയിലാണ്. വീടിനകത്ത് തീ പടർന്ന നിലയിലാണ് . 
കുടുംബ പ്രശ്നങ്ങൾ കാരണം തീ കൊളുത്തി മരിക്കാൻ ശ്രമിച്ചതാണെന്ന്  അയൽവാസികൾ പറയുന്നു. എന്നാൽ ഇന്ധന നിറച്ച കുപ്പികളോ മറ്റോ കാണാത്തത് ദുരൂഹത ഉയർത്തുന്നുണ്ട്. രാജു കോവിഡ് കാരണം തൊഴിൽ നഷ്ടപ്പെട്ട പ്രവാസിയാണ് . അച്ഛൻ്റെ മരണത്തെ തുടർന്ന് നാട്ടിലെത്തിയതായിരുന്നു. ഇന്ന് പുലർച്ചെ രണ്ടര മണിയോടെ വീട്ടിൽ നിന്ന് കൂട്ട നിലവിളി കേട്ട് ഓടിക്കൂടിയ നാട്ടുകാർ നാല് പേരെയും തലശ്ശേരിയിലെ ആശുപത്രിയിലേക്ക് കൊണ്ട് പോയി. നില ഗുരുതരമായതിനാൽ ഇവരെ കോഴിക്കോട് മെഡിക്കൽ കോളേജിലേക്ക് മാറ്റി. സ്ഥലത്ത് നാദാപുരം ഡി.വൈ.എസ്.പിയുടെ നേതൃത്വത്തിൽ പൊലിസും ഫോറൻസിക്ക് വിദഗ്ധരും പരിശോധന നടത്തി.

നാദാപുരം: ചെക്യാട് – വളയം പഞ്ചായത്തുകളുടെ അതിർത്തിയായ അരൂണ്ടയിൽ ഒരു കുടുംബത്തിലെ നാല് പേർ പൊള്ളലേറ്റ് ഗുരുതരാവസ്ഥയിൽ. പൂങ്കുളം – കായലോട്ട് താഴെ റോഡിലെ റേഷൻ കടക്ക് സമീപത്തെ കീറിയ പറമ്പത്ത് രാജുവും ഭാര്യ റീനയും മക്കളും അടങ്ങുന്ന കുടുംബമാണ്  ഗുരുതരാവസ്ഥയിലായത്. വീടിനകത്ത് തീ പടർന്ന നിലയിലാണ് . 
തീ കൊളുത്തി മരിക്കാൻ ശ്രമിച്ചതാണെന്ന്  കരുതുന്നു. രാജു 
കോവിഡ് കാരണം തൊഴിൽ നഷ്ടപ്പെട്ട പ്രവാസിയാണ് . അച്ഛൻ്റെ മരണത്തെ തുടർന്ന് നാട്ടിലെത്തിയതായിരുന്നു. ഇന്ന് പുലർച്ചെ രണ്ടര മണിയോടെ വീട്ടിൽ നിന്ന് കൂട്ട നിലവിളി കേട്ട് ഓടിക്കൂടിയ നാട്ടുകാർ നാല് പേരെയും തലശ്ശേരിയിലെ ആശുപത്രിയിലേക്ക് കൊണ്ട് പോയി. നില ഗുരുതരമായതിനാൽ ഇവരെ കോഴിക്കോട് മെഡിക്കൽ കോളേജിലേക്ക് മാറ്റി. സ്ഥലത്ത് നാദാപുരം ഫയർഫോഴ്സ് സംഘം എത്തിയിട്ടുണ്ട്.പൊള്ളലേറ്റ രാജുവിൻ്റെ മൂത്ത മകൻ ഇന്നലെ രാത്രി പത്ത് മണി വരെ പ്രദേശത്തെ ഒരു വിവാഹ വീട്ടിൽ ഉണ്ടായിരുന്നതായി നാട്ടുകാർ പറഞ്ഞു.

കുറ്റ്യാടി: മാതൃഭൂമി ന്യൂസ് ചാനൽ റിപ്പോർട്ടറും, പ്രസ് ഫോറം പ്രവർത്തക സമിതി അംഗവുമായ ആർ.കെ സുഗുണൻ്റെ വാഹനം ഇരുട്ടിൻ്റെ മറവിൽ തകർത്തവരെ പിടികൂടണമെന്ന് കുറ്റ്യാടി പ്രസ് ഫോറം ആവശ്യപ്പെട്ടു.  സംഭവത്തിൽ പ്രസ് ഫോറം പ്രതിഷേധം രേഖപ്പെടുത്തി. മാധ്യമ പ്രവർത്തകർക്കു നേരെയുള്ള അക്രമണങ്ങൾക്കെതിരെ കർശന നടപടി കൈക്കൊള്ളണമെന്നും പ്രസ് ഫോറം പൊലീസ് അധികാരികളോടാ വശ്യപ്പെട്ടു.
പ്രസിഡണ്ട് ശ്രീജേഷ് ഊരത്ത് 
ജന:സെക്രട്ടറി പി.എം അഷ്റഫ് സംസാരിച്ചു.

നാദാപുരം: പെട്രോൾ, ഡീസൽ, പാചക വാതക വില വർധനവിനെതിരെ സി.പി.ഐ.എം നേതൃത്വത്തിൽ അടുപ്പു കൂട്ടൽ സമരം നടത്തി പ്രതിഷേധിച്ചു. കുമ്മങ്കോട് നടന്ന പരിപാടി സി.എച്ച് മോഹനൻ ഉദ്ഘാടനം ചെയ്തു. പി.കെ പ്രദീപൻ അധ്യക്ഷനായി. ടി. കണാരൻ , കെ.വി ഗോപാലൻ, എം.കെ വിനീഷ് എന്നിവർ സംസാരിച്ചു.

നാദാപുരം: ഗ്രാമ പഞ്ചായത്ത്‌ എസ് എസ് എൽ സി, പ്ലസ്ടു പരീക്ഷ എഴുതുന്ന വിദ്യാർത്ഥികൾക്ക് വേണ്ടി സംഘടിപ്പിച്ച  'ഈസി എക്സാം ' ഇന്ററാക്ടിവ് ട്രൈനിംഗ് ക്യാമ്പ് ഗ്രാമ പഞ്ചായത്ത്‌ പ്രസിഡന്റ്‌ വി വി മുഹമ്മദലി ഉദ്ഘാടനം ചെയ്തു. വൈസ് പ്രസിഡന്റ്‌ അഖില മര്യാട്ട് അധ്യക്ഷം വഹിച്ചു.പ്രമുഖ വിദ്യാഭ്യാസ പരിശീലകൻ സമീർ ഓണിയിൽ ക്യാമ്പിന് നേതൃത്വം നൽകി. സ്ഥിരം സമിതി ചെയർമാൻമാരായ സി കെ നാസർ, എം സി സുബൈർ സംസാരിച്ചു. പഞ്ചായത്ത്‌ മെമ്പർമാരായ എ കെ സുബൈർ മാസ്റ്റർ, ജനീദ ഫിർദൗസ്, സമീറ സി ടി കെ, സുമയ്യ പാട്ടത്തിൽ, അബ്ബാസ് കണേക്കൽ, എ കെ ബിജിത്ത് സംബന്ധിച്ചു.

നാദാപുരം: കുടിവെള്ളത്തിനു ഏറെ ബുദ്ധിമുട്ട് അനുഭവിക്കുന്ന പ്രദേശങ്ങളിൽ പൈപ്പ് ലൈൻ കുടിവെള്ളം എത്തിച്ചു കൊടുക്കുന്ന ജലജീവൻ പദ്ധതിക്ക് നാദാപുരം ഗ്രാമ പഞ്ചായത്തിൽ തുടക്കമായി . ആവശ്യമായ എല്ലാ വീടുകളിലും കുടിവെള്ളം എത്തിക്കുക എന്നതാണ് പഞ്ചായത്തിന്റെ ലക്‌ഷ്യം .ഇതിനു ആവശ്യമായ മുഴുവൻ ഫണ്ടും പഞ്ചായത്ത് വകയിരുത്തിയിട്ടുണ്ട് .
ഗ്രാമ പഞ്ചായത്തിലെ രണ്ടാം വാർഡിലെ ഇയ്യംകോട് പ്രദേശത്താണ് ആദ്യമായി കുടിവെള്ളം എത്തിച്ചത് .
മുഴുവൻ കണക്ഷനുമുള്ള ടെണ്ടർ നടപടി സ്വീകരിച്ചു വരികയാണ് .
പദ്ധതിയുടെ പഞ്ചായത്ത് തല ഉത്ഘാടനം രണ്ടാം വാർഡിലെ പെരുവാങ്കണ്ടി മുക്കിൽ വെച്ച് ഗ്രാമ പഞ്ചായത്ത് പ്രസിഡന്റ് വി വി മുഹമ്മദലി നിർവ്വഹിച്ചു . 
വികസന സ്ഥിരം സമിതി ചെയർമാൻ സി കെ നാസർ അധ്യക്ഷത വഹിച്ചു.
സ്ഥിരം സമിതി ചെയർമാൻ എം സി സുബൈർ , ഗ്രാമ പഞ്ചായത്ത് മെമ്പർ പി വാസു , വാർഡ് വികസന സമിതി കൺവീനർ ഷഹീർ മുറിച്ചാണ്ടി , കോടുകണ്ടി മൊയ്തു, മഠത്തിൽ അബ്ദുല്ല , ആർ അമ്മദ് എന്നിവർ സംസാരിച്ചു .

നാദാപുരം: ശാസ്ത്ര സാങ്കേതിക വിദ്യ വികാസം പ്രാപിച്ച പുതിയ കാലത്ത് 
മതപ്രബോധന രംഗത്ത് നൂതന സാദ്ധ്യതകൾ പ്രയോജനപ്പെടുത്തണമെന്ന് 
പാണക്കാട് സയ്യിദ് സാദിഖലി ശിഹാബ് തങ്ങൾ. നാദാപുരത്ത് എസ്.വൈ.എസ് നിയോജക മണ്ഡലം കമ്മിറ്റി സംഘടിപ്പിച്ച സ്നേഹാദരം പരിപാടിയുടെ സമാപന സമ്മേളനം ഉദ്‌ഘാടനം ചെയ്ത് സംസാരിക്കുകയായിരുന്നു അദ്ദേഹം. രണ്ടാം പൊന്നാനി എന്നറിയപ്പടുന്ന നാദാപുരം ഒട്ടേറെ പണ്ഡിത മഹത്തുക്കൾക്ക് ജന്മം നൽകിയ നാടാണെന്നും പൂർവ സൂരികളുടെ മാർഗം പിൻപറ്റി മുന്നേറുകയാണ് കാലിക പ്രശ്നങ്ങൾക്ക് പരിഹാരമെന്നും തങ്ങൾ വ്യക്തമാക്കി.  ജാമിഅ ഹാശിമിയ്യയിൽ നടന്ന പരിപാടിയിൽ  സ്വാഗത സംഘം ചെയർമാൻ സയ്യിദ് ഷറഫുദ്ദീൻ ജിഫ്‌രി  അധ്യക്ഷനായി. സമസ്ത ട്രഷറർ ചേലക്കാട് മുഹമ്മദ് മുസ്‌ലിയാർ, എസ്.വൈ.എസ്  ജില്ലാ പ്രസിഡന്റ് സയ്യിദ് ടി.പി.സി തങ്ങൾ എന്നിവരെ ചടങ്ങിൽ ആദരിച്ചു. സമസ്ത സെക്രട്ടറി കൊയ്യോട് ഉമർ മുസ്‌ലിയാർ, ഓണംപിള്ളി മുഹമ്മദ് ഫൈസി, നാസർ ഫൈസി കൂടത്തായി, മുസ്തഫ അശ്‌റഫി കക്കുപ്പടി എന്നിവർ പ്രഭാഷണം  നടത്തി. 
സയ്യിദ് നജ്മുദ്ദീൻ പൂക്കോയ തങ്ങൾ, എസ്.പി.എം തങ്ങൾ, ടി.കെ മുസ്തഫ തങ്ങൾ, ടി.ടി.കെ ഖാദർ ഹാജി, അബ്ദുറസാഖ് ബുസ്താനി, സി.എച്ച് മഹ്മൂദ് സഅദി,  ബഷീർ ഫൈസി ചീക്കോന്ന്, ടി.വി.സി അബ്ദുസമദ് ഫൈസി, ബഷീർ ബാഖവി കീഴ്‌ശ്ശേരി, യുസുഫ് ബാഖവി കൊടുവള്ളി, അഹമ്മദ് പുന്നക്കൽ, സി.വി.എം വാണിമേൽ , വി.വി മുഹമ്മദലി, സൂപ്പി നരിക്കാട്ടേരി, പി.പി അഷ്റഫ് മൗലവി, ടി.എം.വി അബ്ദുൽ ഹമീദ്, അഹ്മദ് ബാഖവി ജാതിയേരി, കോറോത്ത് അഹമദ് ഹാജി, സി. അബ്ദുൽ ഹമീദ് ദാരിമി, എൻ.കെ ജമാൽ ഹാജി, കെ. കുഞ്ഞബ്ദുല്ല, പി.കെ റഈസ് തുടങ്ങിയവർ പങ്കെടുത്തു.

വാണിമേൽ; സംസ്ഥാന സർക്കാരിന്റെ ഫോക്‌ലോർ അവാർഡിന് വാണിമേൽ സ്വദേശി കുന്നത്ത് മൊയ്തു മാസ്റ്റർ അർഹനായി. 
മാപ്പിളപ്പാട്ട് രചയിതാവും അറബി കവിയുമായ മൊയ്തു മാസ്റ്റർ കഴിഞ്ഞ നാലു പതിറ്റാണ്ടായി കലാ രംഗത്ത് പ്രവർത്തിച്ചു വരികയാണ്.  ഓരോ കാലത്തെയും സാമൂഹ്യ പ്രശ്നങ്ങളും സംഭവങ്ങളുമാണ്  തന്റെ തൂലികയിൽ വിരിഞ്ഞത് . ലത്തൂർ ഭൂകമ്പം, കണ്ണൂരിന്റെ കണ്ണീർ, അൻപത് പിന്നിട്ട ഇന്ത്യ, അഖണ്ഡ ഭാരതം, അസ്‌നയുടെ വിലാപം,ഇറാഖ്, ഗുജറാത്ത് കലാപം, കമലാ സുരയ്യ, സ്ത്രീ പീഡനം, മഹാത്മാ ഗാന്ധി, പ്രളയം പഠിപ്പിച്ച പാഠം, പ്രളയത്തിൽ അകപ്പെട്ട കുരുന്നിന്റെ വിലാപം   തുടങ്ങിയ അറബി കവിതകൾ ഏറെ മനോഹരമായാണ് ചിട്ടപ്പെടുത്തിയത്. 
ഇക്കഴിഞ്ഞ  സംസ്ഥാന സ്‌കൂൾ കലോത്സവത്തിൽ കോഴിക്കോട്, മലപ്പുറം, പാലക്കാട്, തൃശൂർ, ആലപ്പുഴ, കണ്ണൂർ, കാസർകോട് എന്നീ ജില്ലകളിൽ നിന്നെത്തിയ മത്സരാത്ഥികൾ ആലപിച്ചത്  മൊയ്തു മാസ്ററുടെ രചനകളായിരുന്നു.  അറബി കവിതകൾക്ക് പുറമെ സംഭാഷണങ്ങളും, കഥാ പ്രസംഗങ്ങളും. ദഫ് മുട്ടിലും, അറബനയിലും ചൊല്ലുന്ന അറബി ബൈത്തുകളുമൊക്കെ തന്റെ തൂലികയിൽ വിരിഞ്ഞിട്ടുണ്ട്. മാപ്പിളപ്പാട്ടുകളും, ഒപ്പന പാട്ടുകളും ഒട്ടനവധിയാണ്. വാണിമേൽ ദാറുൽ ഹുദാ അറബിക് കോളേജിലും പിന്നീട് വാഴക്കാട് ദാറുൽ ഉലൂമിലും പഠനം പൂർത്തിയാക്കിയ ഇദ്ദേഹം വാണിമേൽ ക്രസന്റ് ഹയർ സെക്കണ്ടറി സ്‌കൂളിൽ നിന്നാണ്  വിരമിച്ചത്. മുസ്ലിം ലീഗ് പ്രവർത്തകൻ കൂടിയായ മൊയ്തു മാസ്റ്റർ നിരവധി രാഷ്ട്രീയ ഗാനങ്ങളും എഴുതിയിട്ടുണ്ട്. പതിനഞ്ചു വർഷകാലം അറബി പാഠ പുസ്തക നിർമാണ സമിതിയിൽ അംഗമായ ഇദ്ദേഹം, ഇപ്പോൾ സമസ്തയുടെ കീഴിൽ പ്രവർത്തിച്ചു വരുന്ന അൽ ബിർറ് പ്രീ പ്രൈമറി സ്‌കൂളിന്റെ അക്കാദമിക് ഫാക്കൽറ്റിയാണ്.

നാദാപുരം: കഴിഞ ദിവസം എടച്ചേരിയിൽ നടന്ന യു ഡി എഫ് ജാഥയെ ആക്രമിച്ച കേസിൽ സി പി എം പ്രവർത്തകരെ അറസ്റ്റ് ചെയ്യാത്തതിലും യു ഡി എഫ് പ്രവർത്തകരെ കള്ള കേസിൽ കുടുക്കിയതിലും പ്രതിഷേധിച്ച് എടച്ചേരി പൊലീസ് സ്റ്റേഷനിലേക്ക് യു ഡി എഫ് മാർച്ച് നടത്തി. ഇന്ന് രാവിലെ പത്തരക്ക് പുതിയങ്ങാടി ലീഗ് ഓഫീസ് പരിസരത്ത് നിന്നാരംഭിച്ച മാർച്ചിൽ നൂറുക്കണക്കിന് പ്രവർത്തകർ പങ്കെടുത്തു.
പൊലീസ് സ്റ്റേഷന്റെ ഏതാനും വാര അകലെ മാർച്ച് പൊലീസ് തടഞു. തുടർന്ന് റോഡിൽ കുത്തിയിരുന്ന് സമരക്കാർ മുദ്രാവാക്യം മുഴക്കി. കെ പി സി സി ജനറൽ സെക്രട്ടറി അഡ്വ. കെ പ്രവീൺ കുമാർ ഉദ്ഘാടനം ചെയ്തു. ടി കെ അഹമ്മദ് മാസ്റ്റർ അധ്യക്ഷത വഹിച്ചു. അഹമ്മദ് പുന്നക്കൽ, കോട്ടയിൽ രാധാകൃഷ്ണൻ, സൂപ്പി നരിക്കാട്ടേരി, എൻ കെ മൂസ മാസ്റ്റർ, പി കെ ദാമു മാസ്റ്റർ, മോഹനൻ പാറക്കടവ്, എം.കെ.സമീർ,  ഇ ഹാരിസ്, കെ പവിത്രൻ , യു.പി മൂസ മാസ്റ്റർ, ചുണ്ടയിൽ മുഹമ്മദ്, എം കെ പ്രേംദാസ്, ഷാഫി തറമ്മൽ പ്രസംഗിച്ചു.

കടമേരി : കടമേരി റഹ്മാനിയ്യ അറബിക് കോളേജ് കാമ്പസില്‍ നിര്‍മ്മാണം പൂര്‍ത്തീകരിച്ച സീവേജ് ട്രീറ്റ്‌മെന്റ് പ്ലാന്റ്  കുറ്റിയാടി എം എല്‍ എ പാറക്കല്‍ അബ്ദുല്ല ഉദ്ഘാടനം ചെയ്തു. നൂതന സാങ്കേതിക സംവിധാനങ്ങള്‍  ഉപയോഗപ്പെടുത്തി നിര്‍മിച്ച പ്ലാന്റിലൂടെ കാമ്പസിലെ രണ്ടായിരത്തോളം വിദ്യാര്‍ത്ഥികളുടെയും ജീവനക്കാരുടെയും ഉപയോഗ ജലം ശുദ്ധീകരിക്കാനും മാലിന്യം സംസ്‌കരിക്കാനും സാധ്യമാവും. ശുചീകരിച്ച് പുറത്ത് വരുന്ന വെള്ളം  പാഴാക്കാതെ വിപുലമായ രൂപത്തില്‍ കാമ്പസില്‍ നടക്കുന്ന ജൈവകൃഷിക്കായി ഉപയോഗപ്പെടുത്തുകാണ്. ചടങ്ങില്‍ എസ് പി എം തങ്ങള്‍ അദ്ധ്യക്ഷനായി. കാട്ടില്‍ മൊയ്തു മാസ്റ്റര്‍, പി അമ്മദ് മാസ്റ്റര്‍, സി എച്ച മഹമൂദ് സഅദി, ചിറക്കല്‍ ഹമീദ് മുസ്‌ലിയാര്‍, നാളോംകണ്ടി അന്ത്രു മുസ്‌ലിയാര്‍, ഇബ്രാഹിം മുറിച്ചാണ്ടി, എന്‍ കെ ജമാല്‍ ഹാജി, പുത്തത്ത് അമ്മദ്, ടി കെ ഹാരിസ് മാസ്റ്റര്‍, വെള്ളിലാട്ട് അഷ്‌റഫ്, പി എ മമ്മൂട്ടി, റഫീഖ് ഹാജി എടച്ചേരി, കുറ്റീക്കണ്ടി ഇബ്രാഹിം ഹാജി, സി കെ മൊയ്തു ഹാജി, അബ്ദുല്ല കടമേരി, മുടിയല്ലൂര്‍ അമ്മദ് ഹാജി, സി പി കുഞ്ഞബ്ദുല്ല മസ്റ്റര്‍, എം കെ കുഞ്ഞബ്ദുല്ല മുസ്‌ലിയാര്‍, ഫൈസല്‍ കായക്കണ്ടി, ഹാരിസ് മുറിച്ചാണ്ടി, മുഹമ്മദ് മാടോത്ത്, കുറ്റിയില്‍ അസീസ്, നുപ്പറ്റ അബ്ദുല്ല ഹാജി, അലി ഫൈസി മരുന്നൂര്‍, ഫരീദ് റഹ്മാനി കാളികാവ്, വളപ്പില്‍ അബ്ദുല്ല ഹാജി, പി പി റഷീദ്, മന്‍സൂര്‍ എടവത്ത് എന്നിവര്‍ സംബന്ധിച്ചു.

നാദാപുരം: പുറമേരി പഞ്ചായത്തിലെ അരൂര്‍ എളയിടത്ത് യുവാവിനെ തട്ടിക്കൊണ്ടുപോയ ഇന്നോവ നാദാപുരം പൊലിസ് കസ്റ്റഡിയിലെടുത്തു. ഉപേക്ഷിച്ച നിലയിലാണ് ഇന്നോവ കണ്ടെത്തിയത്. പേരാമ്പ്ര പന്തിരിക്കര സ്വദേശി ചെമ്പു നടക്കണ്ടിയില്‍ അജ്‌നാസിനെയാണ് (30) നമ്പര്‍ പ്ലേറ്റില്ലാത്ത ഇന്നോവ കാറിലെത്തിയ സംഘം റാഞ്ചിയത്.  ഇന്നലെ അർധരാത്രിക്ക് ശേഷം 12.30 ഓടെയാണ് സംഭവം.അരൂര്‍ എളയിടത്ത് സുഹൃത്തുക്കളോടൊപ്പം വോളിബോള്‍ മത്സരം കാണാനെത്തിയതായിരുന്നു അജ്‌നാസ്. മത്സരം കഴിഞ്ഞ് മടങ്ങുമ്പോഴാണ് തട്ടിക്കൊണ്ടുപോയത്. അജ്‌നാസിന്റെ കൂടെ ഉണ്ടായിരുന്ന സുഹൃത്തുക്കള്‍ക്ക് മര്‍ദനമേറ്റു. 
സംഭവത്തിൽ വോളിബോൾ മേളയുടെ സംഘാടകനായ അൻസാർ എന്ന യുവാവിനെ പൊലിസ് കസ്റ്റഡിയിലെടുത്തു. പുലർച്ചെ വീട് വളഞ്ഞാണ് അറസ്റ്റ് ചെയ്തത്. ഇദ്ദേഹത്തിന്റെ സുഹൃത്തും സി.പി.എം അനുഭാവിയുമായ നൗഷീറിന് സംഭവത്തിൽ പങ്കുണ്ടെന്നാണ് പൊലിസ് നിഗമനം. ഗൾഫിൽ നിന്നും സ്വർണക്കടത്തുമായി ബന്ധപ്പെട്ട ഇടപാടിലെ പ്രശ്നങ്ങളാണ് തട്ടിക്കൊണ്ടു പോകലിന് പിന്നിലെന്ന് പറയപ്പെടുന്നു.

നാദാപുരം : തൂണേരിയിൽ പ്രവാസി വ്യവസായി എം.ടി.കെ. അഹമ്മദിനെ തട്ടിക്കൊണ്ടുപോയ കേസിൽ ചോദ്യം ചെയ്യാനായി വിളിപ്പിച്ച രണ്ടുപേർ മുൻപ് രജിസ്റ്റർ ചെയ്ത കേസിൽ അറസി. മുടവന്തേരി ചന്ദ്രോത്ത് മുഹമ്മദ് (36) അനുജൻ ഇല്ല്യാസ് (26) എന്നിവരെയാണ് നാദാപുരം പോലീസ് അറസ്റ്റ് ചെയ്തത്. 2014-ൽ ഓട്ടോറിക്ഷ തടഞ്ഞുനിർത്തി സ്ത്രീയെ ആക്രമിച്ച കേസിലാണ് മുഹമ്മദ് അറസ്റ്റിലായത്.

2018-ൽ പറമ്പിൽ അതിക്രമിച്ച് കയറി കൃഷിനശിപ്പിച്ച കേസിലാണ് ഇല്ല്യാസിനെ അറസ്റ്റ് ചെയ്തത്. പ്രവാസി വ്യാപാരിയെ തട്ടിക്കൊണ്ടു പോയ സംഭവത്തിൽ ആറുപേരെ പോലീസ് ചോദ്യം ചെയ്യാനായി വിളിപ്പിച്ചിരുന്നു. കോഴിക്കോട്, പയ്യോളി, കണ്ണൂർ സ്വദേശികളെ കഴിഞ്ഞ ദിവസം വിട്ടയച്ചിരുന്നു. മലപ്പുറം കേന്ദ്രീകരിച്ചാണ് അന്വേഷണം പുരോഗമിക്കുന്നത്. പ്രതികളെ വൈകാതെ പിടികൂടാൻ സാധിക്കുമെന്ന് പോലീസ് പറയുന്നു.
 

നാദാപുരം: കിഫ്ബി ഫണ്ടിൽ നിന്ന് 41 കോടി ചെലവിൽ നിർമാണം പൂർത്തീകരിച്ച നാദാപുരം - മുട്ടുങ്ങൽ റോഡിന്റെ ഉദ്ഘാടനം മന്ത്രി ജി സുധാകരൻ നിർവഹിച്ചു. ഇ കെ വിജയൻ എം എൽ എ അധ്യക്ഷത വഹിച്ചു. പാറക്കൽ അബ്ദുല്ല എം എൽ എ , സി കെ നാണു എം എൽ എ എന്നിവർ മുഖ്യാതിഥികളായി.
ബ്ലോക്ക് പഞ്ചായത്ത് പ്രസിഡണ്ട് കെ പി വനജ, ഗ്രാമ പഞ്ചായത്ത് പ്രസിഡണ്ട് വി വി മുഹമ്മദലി, മുൻ പ്രസിഡണ്ട് സൂപ്പി നരിക്കാട്ടേരി, ജില്ലാ പഞ്ചായത്ത് അംഗം സി വി എം നജ്മ, വാർഡ് മെമ്പർ കണേക്കൽ അബ്ബാസ് , എക്സി. എഞ്ചിനീയർ എ പി എം അഷ്റഫ്, എം ടി ബാലൻ തുടങ്ങിയവർ പ്രസംഗിച്ചു.

നാദാപുരം: സിദ്ധാശ്രമം ആയുർവേദ മരുന്നുകൾ  ഇനി നാദാപുരത്ത് ലഭിക്കും . സിദ്ധസമാജം ശിവാനന്ദ വിജയം ഔഷധശാലയുടെ 2 1മത് ശാഖ നാദാപുരത്ത് ഉദ് ഘാടനം ചെയ്തു.
സബ് രജിസ്ട്രാർ ഓഫീസിന് സമീപത്തെ സ്കൈ ലൈൻ സെൻററിലാണ് ഔഷധശാല പ്രവർത്തിക്കുന്നത്.
വടകര സിദ്ധ സമാജം ജനറൽ പ്രസിഡണ്ട് എസ് സവ്യസാചി ഉദ്ഘാടനം ചെയ്തു. 
ബ്രഹ്മശ്രീ വി കെ ആനന്ദ് 
( ബാംഗ്ലൂർ ) ന് മരുന്ന് നൽകി ആദ്യ വിൽപന നിർവ്വഹിച്ചു. എസ് ജയ പ്രകാശ് ( ജനറൽ ട്രഷറർ ), എസ് സനന്ദൻ ( ജനറൽ പ്രതിനിധി ) , എസ് അരുണ ഗിരി നാഥൻ ( ജനറൽ കാര്യ ദർശി) ,
എസ് അരവിന്ദാക്ഷൻ ( മിനുട്ട് എഡിറ്റർ), എസ് സനാതനൻ ( മാനേജർ ) എന്നിവർ നേതൃത്യം നൽകി.
70 വർഷത്തോളം ഔഷധ മേഖലയിൽ പ്രവർത്തിക്കുന്ന സിദ്ധസമാജത്തിൻ്റെ 21 മത് ശാഖയാണ് നാദാപുരത്ത് പ്രവർത്തനമാരംഭിക്കുന്നത്.നൂറു കണക്കിന് വ്യത്യസ്മായ ഔഷധ കൂട്ടുകളുമായി പതിറ്റാണ്ടുകളായി ആയിരകണക്കിന് പേർക്ക് ആശ്വാസമായി മാറിയ സിദ്ധസമാജത്തിൻ്റെ ഔഷധശാല നാദാപുരത്തിന് അനുഗ്രഹമായി മാറുമെന്ന പ്രതീക്ഷയിലാണ് നാട്ടുകാർ.കൂടുതൽ വിവരങ്ങൾക്ക് വിളിക്കുക -
8547 9586 51
8943 009191

നാദാപുരം: നാദാപുരം മേഖലയില്‍ വീണ്ടും തട്ടിക്കൊണ്ടുപോകല്‍. പുറമേരി പഞ്ചായത്തിലെ അരൂര്‍ എളയിടത്ത് യുവാവിനെ അജ്ഞാതസംഘം കാറില്‍ തട്ടിക്കൊണ്ടുപോയി. പേരാമ്പ്ര പന്തിരിക്കര സ്വദേശി ചെമ്പു നടക്കണ്ടിയില്‍ അജ്‌നാസിനെയാണ് (30) നമ്പര്‍ പ്ലേറ്റില്ലാത്ത ഇന്നോവ കാറിലെത്തിയ സംഘം റാഞ്ചിയത്.  ഇന്നലെ അർധരാത്രിക്ക് ശേഷം 12.30 ഓടെയാണ് സംഭവം.
അരൂര്‍ എളയിടത്ത് സുഹൃത്തുക്കളോടൊപ്പം വോളിബോള്‍ മത്സരം കാണാനെത്തിയതായിരുന്നു അജ്‌നാസ്. മത്സരം കഴിഞ്ഞ് മടങ്ങുമ്പോഴാണ് തട്ടിക്കൊണ്ടുപോയത്. അജ്‌നാസിന്റെ കൂടെ ഉണ്ടായിരുന്ന സുഹൃത്തുക്കള്‍ക്ക് മര്‍ദനമേറ്റു. നാദാപുരം പോലീസ് കേസെടുത്ത് ഊര്‍ജിതാന്വേഷണം ആരംഭിച്ചു
ഒരാഴ്ചക്കിടയില്‍ രണ്ടാമത്തെ സംഭവമാണിത്. കഴിഞ്ഞ 13നാണ് തൂണേരി മുടവന്തേരിയില്‍ പ്രവാസി വ്യവസായി എം.ടി.കെ.അഹമ്മദിനെ അജ്ഞാത സംഘം തട്ടിക്കൊണ്ടുപോയത്. രണ്ടു ദിവസത്തിനു ശേഷം രാമനാട്ടുകരക്കടുത്ത് ഉപേക്ഷിച്ച് അക്രമികള്‍ കടന്നുകളയുകയായിരുന്നു. ഈ സംഭവത്തിന്റെ ഞെട്ടല്‍മാറും മുമ്പാണ് വീണ്ടുമൊരു തട്ടിക്കൊണ്ടുപോകല്‍.

നാദപുരം: എടച്ചേരിയിൽ യു.ഡി.എഫ് പ്രതിേഷേധ ജാഥക്കു നേരെ സി.പി.എം ആക്രമണം. പരുക്കേറ്റ നാലുപേരെ നാദാപുരം താലൂക്ക് ആശുപത്രിയിൽ പ്രവേശിപ്പിച്ചു.
മണ്ഡലം കോൺഗ്രസ് സെക്രട്ടറി പൊയിലിൽ അനീഷ് (45), ലീഗ് പ്രവർത്തകരായ  പുതുയോട്ടിൽ ബഷീർ, (45),കൊളക്കാട്ട് സമീർ(38) കമ്മോളി അബൂബക്കർ(40)
എന്നിവരാണ്  നാദാപുരം ആശുപത്രിയിലുള്ളത്. 
എടച്ചേരിയിൽ ഗ്രാമ പഞ്ചായത്ത് സ്ഥാപിച്ച തെരുവ് വിളക്കുകൾ അഴിച്ചു മാറ്റിയതിൽ പ്രതിേഷേധം നിലനിൽക്കുകയാണ്. യു.ഡി.എഫ് മെമ്പർമാരുടെ വാർഡുകളിൽ സ്ഥാപിച്ച വിളക്കുകൾ വൈദ്യുതി ജീവനക്കാരുടെ സഹായത്തോടെ അഴിച്ചു മാറ്റിയതായി യുഡിഎഫ് നേതാക്കൾ പറഞ്ഞു. സംഭവത്തിൽ പ്രതിഷേധിച്ച് വ്യാഴാഴ്ച വൈകിട്ട് യുഡിഎഫ് നടത്തിയ പ്രതിേഷേധ പ്രകടനത്തിനിടയിൽ സിപിഎം പ്രവർത്തകരും പ്രകടനമായെത്തി
ആക്രമിക്കുകയായിരുന്നു. സംഭവത്തിൽ  പ്രതിഷേധിച്ച് യു.ഡി.എഫ് പ്രവർത്തകർ ടൗണിൽ റോഡ് ഉപരോധിച്ചു.
പരുക്കേറ്റവര യു.ഡി.എഫ് നേതാക്കളായ അഹ്മദ് പുന്നക്കൽ,മോഹനൻ പാറക്കടവ്, വി.വി മുഹമ്മദലി, എന്നിവർ സന്ദർശിച്ചു.  

നാദാപുരം: സമസ്ത കേരള ജംഇയ്യത്തുൽ ഉലമ ട്രഷറർ ശൈഖുനാ ചേലക്കാട് മുഹമ്മദ് മുസ്ല്യാർ, സുന്നി യുവജന സംഘം ജില്ലാ
പ്രസിഡന്റ് സയ്യിദ് ടി.പി.സി തങ്ങൾ എന്നിവർക്ക് നിയോജക മണ്ഡലം എസ്.വൈ.എസ് കമ്മിറ്റിയുടെ  ആഭിമുഖ്യത്തിൽ നൽകുന്ന സ്നേഹാദരവിനോടനുബന്ധിച്ച്  നാദാപുരത്ത് നടക്കുന്ന വിവിധ പരിപാടികൾ ശനിയാഴ്ച പൊതുസമ്മേളനത്തോടെ
സമാപിക്കും. പരിപാടിയോടനുബന്ധിച്ച് കഴിഞ്ഞ ദിവസങ്ങളിൽ ഇസ്ലാമിക പ്രഭാഷണം , പണ്ഡിത സംഗമം, ഖുത്വബ സംഗമം, മജ്‌ലിസുന്നൂർ ആത്മീയ സദസ്സ് ,സ്നേഹവിരുന്ന് തുടങ്ങിയ വിവിധ സെഷനുകൾ നടന്നു. ഇസ്ലാമിക പ്രഭാഷണത്തിന് മുസ്തഫ ഹുദവി ആക്കോട്, ഖലീൽ ഹുദവി കാസർഗോഡ്, ഷൗക്കത്തലി വെള്ളമുണ്ട  തുടങ്ങിയവർ നേതൃത്വം നൽകി.
നാളെ നാദാപുരം ഹാശിമിയ്യ ക്യാമ്പസിൽ നടക്കുന്ന സ്നേഹാദരസമ്മേളനം പാണക്കാട് സയ്യിദ് സാദിഖലി ശിഹാബ് തങ്ങൾ ഉദ്ഘാടനം ചെയ്യും. സമസ്ത സെക്രട്ടറി കൊയ്യോട് ഉമർ മുസ്ല്യാർ,
ഓണമ്പിള്ളി മുഹമ്മദ് ഫൈസി, നാസർ ഫൈസി കൂടത്തായി, മുസ്തഫ അഷ്റഫി കക്കുപ്പടി തുടങ്ങിയവർ പ്രഭാഷണം നടത്തും. 

വാർത്താ സമ്മേളനത്തിൽ  ചെയർമാൻ സയ്യിദ് ശറഫുദ്ദീൻ ജിഫ്രി 'ഭാരവാഹികളായ 
ടി.കെ മുസ്തഫ തങ്ങൾ,  പി.പി അഷ്റഫ് മൗലവി, ടി.ടി.കെ ഖാദർ ഹാജി,  കോറോത്ത് അഹമ്മദ് ഹാജി, ടി.എം.വി അബ്ദുൽ
ഹമീദ്,  സി. ഹമീദ് ദാരിമി, എൻ.കെ ജമാൽ ഹാജി, കെ. കുഞ്ഞബ്ദുല്ല, പി.എ മമ്മൂട്ടി,, റഈസ് നരിപ്പറ്റ, മീഡിയ കമ്മിറ്റി ചെയർമാൻ
എം കെ അഷ്റഫ്, കൺവീനർ  മുഹമ്മദലി തിനൂർ എന്നിവർ പങ്കെടുത്തു.

നാദാപുരം: ഇടതുപക്ഷ മുന്നണി സംസ്ഥാന കൺവീനർ എ. വിജയരാഘവൻ നയിക്കുന്ന വടക്കൻ മേഖലയിലെ വികസന മുന്നേറ്റ യാത്രക്ക് കല്ലാച്ചിയിൽ വൻ സ്വീകരണം. ഇന്ന് ഉച്ചയോടെ കല്ലാച്ചിയിൽ എത്തിചേർന്ന ജാഥയെ ഇ കെ വിജയൻ എം.എൽ.എയുടെ നേതൃത്വത്തിൽ നേതാക്കളും പ്രവർത്തകരും സ്വീകരിച്ചു. തുറന്ന വാഹനത്തിൽ കല്ലാച്ചി സ്വീകരണ കേന്ദ്രത്തിലേക്കാനയിച്ചു. രാവിലെ മുതൽ തന്നെ ആയിരകണക്കിന് പ്രവർത്തകരാണ് സ്വീകരണ സ്ഥലത്ത് എത്തിചേർന്നത്. ഇ കെ വിജയൻ എം.എൽ.എ അധ്യക്ഷത വഹിച്ചു. പി.പി. ചാത്തു സ്വാഗതമാശംസിച്ചു. പി.ടി ജോസ്, കെ ലോഹ്യ എന്നിവർ പ്രസംഗിച്ചു. ജാഥാംഗങ്ങളായ കെ.പി രാജേന്ദ്രൻ, അഡ്വ.പി.സതീദേവി, കെ.പി മോഹനൻ, യു ബാബു ഗോപിനാഥ്, ജോസ് ചെമ്പേരി, കാസിം ഇരിക്കൂർ, എ.ജെ ജോസഫ്‌, സി.എൻ ചന്ദ്രൻ, പി.മോഹനൻ മാസ്റ്റർ, കെ.പി കുഞ്ഞമ്മദ് കുട്ടി, മനയത്ത് ചന്ദ്രൻ, ഇ.പി ദാമോദരൻ മാസ്റ്റർ, അഡ്വ. മുഹമ്മദ് റിയാസ്, വി.പി കുഞ്ഞികൃഷ്ണൻ, കെ.കെ ലതിക തുടങ്ങി നിരവധി നേതാക്കൾ സ്വീകരണ പരിപാടിയിൽ സംബന്ധിച്ചു. നാദാപുരം മണ്ഡലത്തിൽ ഇ.കെ വിജയൻ എം.എൽ.എ നടത്തിയ വികസന പ്രവർത്തനങ്ങളെ കുറിച്ചുള്ള സപ്ലിമെൻ്റ് പി. മോഹനൻ മാസ്റ്റർക്ക് നൽകി എ. വിജയരാഘവൻ പ്രകാശനം ചെയ്തു.

നാദാപുരം: പണ്ഡിതന്മാർ പ്രവാചക സന്ദേശങ്ങളുടെ പ്രചാരകരാണെന്നും സമൂഹത്തെ നേർവഴിക്ക് നയിക്കേണ്ട ഉത്തരവാദിത്തം നിറവേറ്റുന്നതിൽ കൂടുതൽ ശ്രദ്ധ ചെലുത്തണമെന്നും സമസ്ത ട്രഷറർ ചേലക്കാട് മുഹമ്മദ് മുസ്‌ലിയാർ പറഞ്ഞു. സമസ്ത നാദാപുരം മണ്ഡലം കമ്മിറ്റി സംഘടിപ്പിച്ച ഉലമ - ഖുത്വബ സംഗമം ഉദ്‌ഘാടനം ചെയ്തു സംസാരിക്കുകയായിരുന്നു അദ്ദേഹം.
നിരവധി പ്രഗത്ഭരായ പണ്ഡിതന്മാരുടെ ജന്മം കൊണ്ടും കർമ്മം കൊണ്ടും അനുഗ്രഹീതമായ നാദാപുരത്ത് സമസ്തയുടെ പ്രവർത്തനങ്ങൾ ശ്ലാഘനീയമാണെന്നും അദ്ദേഹം കൂട്ടിച്ചേർത്തു. നാദാപുരം ജാമിഅ ഹാശിമിയ്യയിൽ നടന്ന പരിപാടിയിൽ മണ്ഡലം പ്രസിഡന്റ് ബഷീർ ഫൈസി ചീക്കോന്ന് അധ്യക്ഷനായി. ഹസൻ സഖാഫി പൂക്കോട്ടൂർ വിഷയാവതരണം നടത്തി. മെമ്പർഷിപ്പ് വിതരണം സയ്യിദ് ടി.പി.സി തങ്ങൾ ഉദ്‌ഘാടനം ചെയ്തു. ആർ.വി കുട്ടിഹസൻ ദാരിമി, സയ്യിദ് ശറഫുദ്ധീൻ ജിഫ്‌രി, സി.എച്ച് മഹ്മൂദ് സഅദി, ടി.വി.സി അബ്ദുസമദ് ഫൈസി, ടി.ടി.കെ ഖാദർ ഹാജി, സി. അബ്ദുൽ ഹമീദ് ദാരിമി, പി.പി അഷ്റഫ് മൗലവി, അസീസ് ഫൈസി കുയ്‌തേരി, ടി.എം.വി അബ്ദുൽ ഹമീദ് തുടങ്ങിയവർ സംസാരിച്ചു.

നാദാപുരം: നിയമസഭ തെരഞ്ഞെടുപ്പിന് കർമ്മ പദ്ധതികൾ ആവിഷ്കരിക്കാൻ  നാദാപുരത്ത് യു ഡി.എഫ് യുവജന വിദ്യാർത്ഥി  സംഗമം നടത്തി. കെ.പി.സി.സി.ജന.സെക്രട്ടറി അഡ്വ. കെ പ്രവീൺ കുമാർ ഉദ്ഘാടനം ചെയ്തു.  അഹമ്മദ് പുന്നക്കൽ ,സി.വി. കുഞ്ഞികൃഷ്ണൻ , സൂപ്പി നരിക്കാട്ടേരി , അഡ്വ.കെ എം രഘുനാഥ് , എം പി. ജാഫർ , ആവോലം രാധാകൃഷ്ണൻ , പി.കെ ദാമു , ഇ ഹാരിസ് , പ്രിൻസ് ആൻ്റണി, ഹാരിസ് കൊത്തിക്കുടി, അനസ് നങ്ങാണ്ടി , മുഹമ്മദ് പേരോട് , അഖിൽ നരിപ്പറ്റ , മുഹ്സിൻ വളപ്പിൽ എന്നിവർ പ്രസംഗിച്ചു.                       
എം കെ സമീർ ചെയർമാനും പ്രിൻസ് ആൻ്റണി ജന.കൺവീനറും ഇ  ഹാരിസ്, അഖിൽ നരിപ്പറ്റ എന്നിവർ  കൺവീനർമാരുമായി നിയോജക മണ്ഡലം തല കമ്മറ്റി നിലവിൽ വന്നു . 25 നകം പത്തു പഞ്ചായത്തിലും  കമ്മറ്റികൾ നിലവിൽ വരും . നിയോജക മണ്ഡലത്തിലെ 188 ബൂത്തുകളും കേന്ദ്രീകരിച്ച്  പ്രത്യേക പ്രചാരണ പരിപാടികൾ യോഗം ആവിഷ്കരിച്ചു.

നാദാപുരം: ചേലക്കാട് സീവോക്ക് പാലിയേറ്റീവ് തയ്യാറാക്കിയ  ബ്ലഡ്‌ ഡയറക്ടറിയുടെ പ്രകാശനം ടി കെ മുസ്തഫ തങ്ങൾക്ക് ആദ്യ കോപ്പി നൽകി  ഗ്രാമ പഞ്ചായത്ത്‌ പ്രസിഡന്റ്‌ വി വി മുഹമ്മദലി നിർവ്വഹിച്ചു.
വി ടി കെ മുഹമ്മദ്‌ അധ്യക്ഷം വഹിച്ചു.ഗ്രാമ പഞ്ചായത്ത്‌ സ്റ്റാൻഡിംഗ് കമ്മിറ്റി ചെയർമാൻ എം സി സുബൈർ, ബ്ലോക്ക്‌ പഞ്ചായത്ത്‌ മെമ്പർ സി എച്ച് നജ്മ ബീവി,കെ വി അബ്ദുല്ല, മുഹമ്മദ്‌ നന്തോത്ത് , ടി കെ മൊയ്തു, പി.കെ. അബൂബക്കർ മാസ്റ്റർ, കെ സി വാസു, കെ കുഞ്ഞബ്ദുള്ള മാസ്റ്റർ, അഡ്വ വി കെ ലത്തീഫ്  പ്രസംഗിച്ചു. നിസാർ എടത്തിൽ സ്വാഗതവും  അജ്മൽ വി പി നന്ദിയും പറഞ്ഞു. 
ചേലക്കാട് പ്രദേശത്തെ മുന്നൂറോളം പേരുടെ രക്ത ഗ്രൂപ്പ് വിവരങ്ങളും കോൺടാക്ട് നമ്പറും ഉൾകൊള്ളുന്ന ഡയരക്ടറി പ്രദേശത്തെ മുഴുവൻ വീടുകളിലും സൗജന്യമായി വിതരണം ചെയ്യും. രക്തഗ്രൂപ്പുകൾ പരസ്പരം അറിയാനും അതുവഴി രക്ത ലഭ്യത വേഗത്തിലാക്കാനും  ഡയറക്ടറി സഹായകവും.

നാദാപുരം: രജിസ്ട്രേഷൻ  വകുപ്പ് കിഫ്ബി മുഖേന ഒരു കോടി ഏഴ് ലക്ഷം രൂപ ചെലവിൽ നാദാപുരം രജി ട്രാഫീസിന് നിർമ്മിച്ച പുതിയ കെട്ടിടത്തിന്റെ ഉൽഘാടനം മന്ത്രി . ജി.സുധാകരൻ ഓൺലൈനിൽ നിർവ്വഹിച്ചു. ഇ.കെ. വിജയൻ എം.എൽ.എ അദ്ധ്യക്ഷത വഹിച്ചു. തൂണേരി ബ്ലോക്ക് പ്രസിഡന്റ കെ.പി. വനജ, നാദാപുരം പഞ്ചായത്ത് പ്രസിഡന്റ് വി.വി.മുഹമ്മദലി, അബ്ബാസ് കണേക്കൽ, ഇൻസ്പെക്ടർ ജനറൽ രജിടേഷൻ കെ.സി മധു , രജിട്രാൾ രാജീവൻ പി.എം, പി.പി. ചാത്തു. സൂപ്പി നരിക്കാട്ടേരി, എ. സജീവൻ , എം.ടി. ബാലൻ, കെ.ടി.കെ. ചന്ദ്രൻ , പി.എം. നാണു. .കരിമ്പിൽ ദിവാകരൻ, കെ.ജി ലത്തീഫ്, കുരുമ്പിയത്ത് കുഞ്ഞബ്ദുള്ള, മനോജ് കെ. , വി.കെ. സലിം പ്രസംഗിച്ചു.

നാദാപുരം: പെട്രോളിയം, പാചക വാതക വില വർധനക്കെതിരെ എൽ.ജെ.ഡി സംസ്ഥാന കമ്മിറ്റിയുടെ ആഹ്വാന മനുസരിച്ച്  ഇരിങ്ങണ്ണൂർ ടൗണിൽ അടുപ്പ് കൂട്ടി കട്ടൻ ചായ വിതരണം ചെയ്ത് പ്രതിഷേധ കൂട്ടായ്മ സംഘടിപ്പിച്ചു.ഇരിങ്ങണ്ണൂർ ടൗണിൽ പ്രതിഷേധ പ്രകടനവും നടത്തി  എൽ.ജെ.ഡി എടച്ചേരി പഞ്ചായത്ത് പ്രസിഡണ്ട് വത്സരാജ് മണലാട്ട് ഉദ്ഘാടനം ചെയ്തു പി.കെ അശോകൻ അധ്യക്ഷത വഹിച്ചു.രവീന്ദ്രൻ പാച്ചാക്കര, വള്ളിൽ പവിത്രൻ, ടി. പ്രകാശൻ, എം.പി നിർമല, ഗംഗാധരൻ പാച്ചാക്കര, കെ.നാരായണൻ എന്നിവർ പ്രസംഗിച്ചു. കെ.രതീഷ്, ഗോപാലൻ പി.പി, ദാമോദരൻ.സി, ആറ്റുപുറത്ത് നാണു, ടി. മനോജ്, ടി.പി വാസു എന്നിവർ നേതൃത്വം നൽകി.

കുറ്റ്യാടി: നിട്ടുരിൽ  പൊലീസിനെ ആക്രമിച്ച് പ്രതിയെ മോചിപ്പിച്ച കേസിൽ ഏഴ് സിപിഎം പ്രവർത്തകർ അറസ്റ്റിൽ. ബ്രാഞ്ച് സെക്രട്ടറി ആമ്പാത്ത് അശോകൻ ഉൾപ്പടെ ഏഴ് പേരാണ് കുറ്റ്യാടി പൊലീസ് സ്റ്റേഷനിൽ എത്തി കീഴടങ്ങിയത്. കഴിഞ്ഞ ഞായറാഴ്ചയായിരുന്നു ഇവർ  പൊലീസിനെ ആക്രമിച്ചത്.

നാദാപുരം: കഴിഞ്ഞ സാമ്പത്തിക വർഷത്തെ മികച്ച പ്രവർത്തന ങ്ങൾക്ക് സർക്കാർ നൽകുന്ന പുരസ്കാരത്തിന് കോഴിക്കോട് ജില്ലയിൽ വളയം ഗ്രാമപഞ്ചായത്ത് അർഹമായി. സ്വരാജ് ട്രോഫിയും പത്ത് ലക്ഷം രൂപയും അടങ്ങുന്ന പുരസ്കാരം 19ന് തിരുവനന്തപുരത്ത് നടക്കുന്ന പഞ്ചായത്ത് ദിനാഘോഷ ചടങ്ങിൽ  വളയം ഗ്രാമപഞ്ചായത്ത് പ്രസിഡണ്ട് കെ പി പ്രദീഷ്  ഏറ്റുവാങ്ങും.  2019- 20 സാമ്പത്തിക വർഷത്തിലെ നികുതിപിരിവ് 100% പൂർത്തീകരിക്കാനും സർക്കാറിന് ലഭിക്കുന്ന വിവിധ ഗ്രാൻഡുകൾ  സമയബന്ധിതമായി ചെലവഴിക്കാനും വളയം ഗ്രാമപഞ്ചായത്തിന്  സാധിച്ചിട്ടുണ്ട്. പെൻഷൻ, പെർമിറ്റ്, ലൈസൻസ് തുടങ്ങിയ സേവനങ്ങളും കൃത്യമായി പൂർത്തീകരിച്ചി ട്ടുണ്ടെന്ന് പ്രസിഡണ്ട് പറഞ്ഞു. മാതൃകാ പ്രൊജക്ടുകൾ നടപ്പിലാക്കിയതോടൊപ്പം മികച്ച സേവനങ്ങൾ നൽകിയ ഉദ്യോഗസ്ഥരെയും ജീവനക്കാരെയും ഭരണ സമിതി അഭിനന്ദിച്ചു.

നാദാപുരം: വളയം  ഗവൺമെൻറ് ഹയർസെക്കൻഡറി സ്കൂളിൽ ഇ കെ വിജയൻ എം.എൽ.എയുടെ ആസ്തിവികസന ഫണ്ടിൽനിന്ന് ഒരു കോടി രൂപ ചെലവിൽ നിർമ്മിക്കുന്ന പ്രവേശന കവാടം, ചുറ്റുമതിൽ, ഗ്യാലറി എന്നിവയുടെ പ്രവർത്തി ഉദ്ഘാടനം നാളെ നടക്കും. വൈകിട്ട് 3ന് സ്കൂൾ അങ്കണത്തിൽ നടക്കുന്ന ചടങ്ങിൽ ഇ കെ വിജയൻ എം എൽ എ യാണ് പ്രവൃത്തി ഉദ്ഘാടനം നിർവ്വഹിക്കുന്നത്. ഗ്രാമ പഞ്ചായത്ത് പ്രസിഡണ്ട് കെ പി പ്രദീഷ് അധ്യക്ഷത വഹിക്കും. ജന പ്രതിനിധികളും രാഷ്ട്രീയ പാർട്ടി നേതാക്കളും സംബന്ധിക്കുമെന്ന് 
പി ടി എ  പ്രസിഡണ്ട് എം ദിവാകരൻ, പ്രിൻസിപ്പൽ ഇ കെ ജ്യോതി, ഹെഡ് മാസ്റ്റർ എ കെ രാമ കൃഷ്ണൻ  എന്നിവർ അറിയിച്ചു.

നാദാപുരം: തെരുവമ്പറമ്പിൽ വീട്ടിൽ കയറി  ആക്രമണം. മുസ്ലിം യൂത്ത് ലീഗ് പ്രവർത്തകൻ കുഞ്ഞിപറമ്പത്ത് ആഷിഫ് 23, സഹോദരി അൻസിറ 30 എന്നിവർക്കാണ്  മർദ്ദനമേറ്റത്. ഇന്ന്  രാത്രി എട്ടരയോടെ ഒരു സംഘം  വീട്ടിൽ അതിക്രമിച്ചു കടന്ന് ആഷിഫിനെ വലിച്ചിറക്കി മർദിക്കുകയായിരുന്നു.
ഇത് തടയാൻ ചെന്ന സഹോദരിയെയും ആക്രമിച്ച് പരിക്കേൽപിച്ചു.
ഇരുവരും നാദാപുരം താലൂക്ക് ആശുപത്രിയിൽ ചികിത്സയിലാണ്. സി പി എം പ്രവർത്തകരാണ് ആക്രമണം നടത്തിയതെന്ന്  നിയോജക മണ്ഡലം മുസ്ലിം ലീഗ് പ്രസിഡണ്ട് സൂപ്പി നരിക്കാട്ടേരി, യൂത്ത് ലീഗ് മണ്ഡലം ജനറൽ സെക്രട്ടറി ഇ ഹാരിസ് എന്നിവർ പറഞ്ഞു

നാദാപുരം: പൊതുമരാമത്ത് വകുപ്പ് നാദാപുരം - പുളിക്കൂൽ -കുമ്മങ്കോട്  റോഡിന് മൂന്ന് കോടി രൂപ അനുവദിച്ചതായി ഇ.കെ. വിജയൻ എം.എൽ.എ. അറിയിച്ചു. രണ്ട് കിലോമീറ്റർ റോഡ് ആധുനിക രീതിയിലാണ് നവീകരിക്കുക. എം.എൽ.എ. മന്ത്രി ജി.സുധാകരന് നൽക്കിയ നിവേദനത്തെ തുടർനാണ് ഫണ്ട് അനുവദിച്ചത്. ടെന്റർ നടപടി പൂർത്തിയാക്കി പ്രവൃത്തി ആരംഭിക്കുമെന്ന് എം.എൽ.എ. അറിയിച്ചു.

നാദാപുരം: കഴിഞ്ഞ ദിവസം തട്ടികൊണ്ടുപോയ അഹമ്മദിനെ ക്വട്ടേഷൻ സംഘം ഇറക്കി വിട്ടത് രാമനാട്ടുകരയിൽ. കൈകാലുകൾ ബന്ധിച്ചു കണ്ണു കെട്ടിയ ശേഷം രാമനാട്ടുകരയിൽ എത്തിച്ചു ഇറക്കിവിടുകയായിരുന്നു. അവിടുന്ന് കോഴിക്കോടേക്കും തുടർന്ന് വടകരയിലേക്കും ബസിലാണ് എത്തിയത്.

നാദാപുരം: ക്യട്ടേഷൻ സംഘം തട്ടിക്കൊണ്ടു പോയ പ്രവാസി വ്യവസായിയും തൂണേരി മുടവന്തേരി സ്വദേശിയുമായ ഖത്തറിലെ സൾഫർ കെമിക്കൽ കമ്പനി ഉടമ എം.ടി.കെ. അഹമ്മദിനെ കണ്ടെത്തി. തട്ടിക്കൊണ്ടു പോയ  സംഘം ഇന്ന് വൈകുന്നേരത്തോടെ അഹമ്മദിനെ വടകരയില്‍ കൊണ്ട് വന്ന് ഇറക്കി വിടുകയായിരുന്നുവെന്ന് ഖത്തറിലുള്ള സഹോദരന്‍ അഷ്‌റഫ് അറിയിച്ചു. തുടർന്ന് വടകരയിൽ നിന്ന് അദ്ദേഹത്തെ വീട്ടിലേക്ക് കൂട്ടി കൊണ്ടുവന്നു.
ശനിയാഴ്ച രാവിലെ 5.20 ഓടെയാണ് മുടവന്തേരിയിലെ വീട്ടില്‍ നിന്ന് പള്ളിയിലേക്ക് പോകുന്ന വഴിയില്‍ സ്‌കൂട്ടര്‍ തടഞ്ഞ് നിര്‍ത്തി അഹമ്മദിനെ ബലമായി കാറില്‍ പിടിച്ചു കയറ്റി തട്ടിക്കൊണ്ടുപോയത്. പോലിസ് ഇതുമായി ബന്ധപ്പെട്ട് ഏതാനും പേരെ ചോദ്യം ചെയ്യാന്‍ കസ്റ്റിഡിയിലെടുത്തിരുന്നു. അന്വേഷണം ഊര്‍ജിതമാകുന്നതിനിടെയാണ് പ്രതികള്‍ തന്നെ അഹമ്മദിനെ മോചിപ്പിച്ചത്. സംഭവം സംബന്ധിച്ച് കൂടുതല്‍ വിശദാംശങ്ങള്‍ ലഭ്യമായിട്ടില്ല.
അഹമ്മദിനെ കണ്ടെത്തണമെന്നാവശ്യപ്പെട്ട് ഇന്ന് നാദാപുരത്ത് നാട്ടുകാരും ബന്ധുക്കളും പ്രതിഷേധ ധര്‍ണയും സംഘടിപ്പിച്ചിരുന്നു. 
കെ മുരളീധരന്‍ എം പി അഹമ്മദിന്റെ വീട് സന്ദര്‍ശിക്കുകയും ചെയ്തിരുന്നു.

നാദാപുരം: ക്യട്ടേഷൻ സംഘം തട്ടിക്കൊണ്ടു പോയ പ്രവാസി വ്യവസായിയും തൂണേരി മുടവന്തേരി സ്വദേശിയുമായ ഖത്തറിലെ സൾഫർ കെമിക്കൽ കമ്പനി ഉടമ എം.ടി.കെ. അഹമ്മദിനെ കണ്ടെത്തി. തട്ടിക്കൊണ്ടു പോയ  സംഘം ഇന്ന് വൈകുന്നേരത്തോടെ അഹമ്മദിനെ വടകരയില്‍ കൊണ്ട് വന്ന് ഇറക്കി വിടുകയായിരുന്നുവെന്ന് ഖത്തറിലുള്ള സഹോദരന്‍ അഷ്‌റഫ് അറിയിച്ചു. തുടർന്ന് വടകരയിൽ നിന്ന് അദ്ദേഹത്തെ വീട്ടിലേക്ക് കൂട്ടി കൊണ്ടുവന്നു.
ശനിയാഴ്ച രാവിലെ 5.20 ഓടെയാണ് മുടവന്തേരിയിലെ വീട്ടില്‍ നിന്ന് പള്ളിയിലേക്ക് പോകുന്ന വഴിയില്‍ സ്‌കൂട്ടര്‍ തടഞ്ഞ് നിര്‍ത്തി അഹമ്മദിനെ ബലമായി കാറില്‍ പിടിച്ചു കയറ്റി തട്ടിക്കൊണ്ടുപോയത്. പോലിസ് ഇതുമായി ബന്ധപ്പെട്ട് ഏതാനും പേരെ ചോദ്യം ചെയ്യാന്‍ കസ്റ്റിഡിയിലെടുത്തിരുന്നു. അന്വേഷണം ഊര്‍ജിതമാകുന്നതിനിടെയാണ് പ്രതികള്‍ തന്നെ അഹമ്മദിനെ മോചിപ്പിച്ചത്. സംഭവം സംബന്ധിച്ച് കൂടുതല്‍ വിശദാംശങ്ങള്‍ ലഭ്യമായിട്ടില്ല.
അഹമ്മദിനെ കണ്ടെത്തണമെന്നാവശ്യപ്പെട്ട് ഇന്ന് നാദാപുരത്ത് നാട്ടുകാരും ബന്ധുക്കളും പ്രതിഷേധ ധര്‍ണയും സംഘടിപ്പിച്ചിരുന്നു. 
കെ മുരളീധരന്‍ എം പി അഹമ്മദിന്റെ വീട് സന്ദര്‍ശിക്കുകയും ചെയ്തിരുന്നു.

നാദാപുരം: കഴിഞ്ഞ ദിവസം ഒരു സംഘം തട്ടിക്കൊണ്ട് പോയ പ്രവാസി വ്യവസായി എം.ടി.കെ അഹമ്മദിന്റെ വീട് കെ. മുരളീധരൻ എം.പി സന്ദർശിച്ചു. ബന്ധുക്കളെ ആശ്വസിപ്പിക്കുകയും വിവരങ്ങൾ ആരായുകയും ചെയ്തു. അഹമ്മദിനെ കണ്ടെത്താത്തത് പോലീസിന്റെ വീഴ്ചയാണെന്നും വരും ദിവസങ്ങളിൽ സമരം ശക്തമാക്കുമെന്നും അദ്ദേഹം പറഞ്ഞു. സംസ്ഥാന പോലീസ് മേധാവിയെ ഫോണിൽ ബന്ധപ്പെട്ട് വിവരങ്ങൾ ധരിപ്പിച്ചു.

നാദാപുരം : രൂക്ഷമായ ഗതാഗത പ്രശ്നത്തിന് പരിഹാരം കാണാന്‍ നാദാപുരത്ത് മിനി ബൈപാസ് നിര്‍മ്മിക്കാന്‍ കാല്‍ കോടി രൂപ നീക്കിവച്ചു.  ഇയ്യങ്കോട് പുഴയോരത്തും നാദാപുരം താലൂക്ക് ആസ്പത്രി പരിസരത്തും  കളി സ്ഥലവും പാര്‍ക്കും നിര്‍മ്മിക്കും. 31 കോടി രൂപ വരവും 30 കോടി രൂപ ചിലവും പ്രതീക്ഷിക്കുന്ന ബഡ്‌ജറ്റിന് പഞ്ചായത്ത് ഭരണ സമിതി യോഗം അംഗീകാരം നല്‍കി. ഗ്രാമ 
പഞ്ചായത്ത് പ്രസിഡന്റ്‌ വി വി മുഹമ്മദലിയുടെ  അധ്യക്ഷതയില്‍ വൈസ് പ്രസിഡന്റ് അഖില മര്യാട്ട് ബഡ്‌ജറ്റ് അവതരിപ്പിച്ചു.
പഞ്ചായത്ത് ഹൈടെക് റോഡുകള്‍ നിര്‍മിക്കാന്‍ ഏഴ് കോടി രൂപ വകയിരുത്തിയിട്ടുണ്ട്.
വിദ്യാഭ്യാസ പരിശീലനത്തിനും റഫറന്‍സ് ലൈബ്രറിക്ക് കെട്ടിടം നിര്‍മ്മിക്കുന്നതിനും പാലോംചോല മലയില്‍ കാര്‍ഷിക നഴ്സറിയും പരിശീലന ഗവേഷണ കേന്ദ്രവും ആരംഭിക്കുന്നതിനും 25 ലക്ഷം രൂപ വീതം അനുവദിച്ചു. കല്ലാച്ചി നാദാപുരം മത്സ്യ മാര്‍ക്കറ്റുകള്‍ ആധുനിക വല്‍ക്കരിക്കാന്‍ 50 ലക്ഷം രൂപ അനുവദിച്ചു. കുടുംബശ്രീ യൂണിറ്റുകള്‍ക്ക് പ്ലാസ്റ്റിക് പൊതു ഉല്‍പ്പന്ന നിര്‍മ്മാണ കേന്ദ്രങ്ങള്‍ ആരംഭിക്കുന്നതിന് ഒരു ലക്ഷം രൂപ വീതം സബ്സിഡി നല്‍കും.
എസ് സി  വിദ്യാര്‍ഥികള്‍ക്ക് സൈക്കിള്‍, ടാബ് എന്നിവ സൗജന്യമായി വിതരണം ചെയ്യും.
പ്രവാസികള്‍ക്കും പ്രൊഫഷനല്‍ വിദ്യാര്‍ത്ഥികള്‍ക്കും തൊഴില്‍ പരിശീലന കേന്ദ്രത്തിന് 10 ലക്ഷം രൂപ വകയിരുത്തി.  സ്റ്റാൻഡിംഗ് കമ്മിറ്റി ചെയര്‍മാന്‍മാരായ സി കെ നാസര്‍, എം സി സുബൈര്‍, റീന കിണമ്പ്രേമ്മൽ , പി  പി ബാലകൃഷ്ണന്‍ എന്നിവര്‍ സംസാരിച്ചു. പഞ്ചായത്ത് സെക്രട്ടറി എം പി രജുലാൽ സ്വാഗതവും അസി. സെക്രട്ടറി ടി പ്രേമാനന്ദന്‍ നന്ദിയും പറഞ്ഞു.

നാദാപുരം: മന്ത്രി ഇ. ചന്ദ്രശേഖരന്റെ അദ്ധ്യക്ഷതയിൽ മുഖ്യമന്ത്രി പിണറായി വിജയൻ ഓൺലൈനിൽ ഉൽഘാടനം നിർവ്വഹിച്ച സംസ്ഥാന പട്ടയമേളയുടെ ഭാഗമായുള്ള വടകര ലാന്റ് ട്രിബ്യൂണൽ പരിധിയിലെ പട്ടയ വിതരണം നാദാപുരം പഞ്ചായത്ത് ഹാളിൽ ഇ.കെ. വിജയൻ എം.എൽ.എ നിർവ്വഹിച്ചു. പഞ്ചായത്ത് പ്രസിഡന്റ് വി.വി.മുഹമ്മദലി അദ്ധ്യക്ഷത വഹിച്ചു. 2019 ഡിസംബർ മാസത്തിലാണ് മിനി സിവിൽ സ്റ്റേഷനിൽ ലാന്റ് ട്രിബ്യൂണൽ ഓഫീസ് ആരംഭിച്ചത്.ഇതുവരെ അഞ്ഞൂറ്റി അറുപത്തിനാല് പട്ടയങ്ങൾ നൽകി. കൊയിലാണ്ടി,വടകര താലൂക്കുകളാണ് ഓഫീസ് പരിധി. അഴിയൂരിലെസരിത രത്നത്തിന് ആദ്യ പട്ടയം കൈമാറി. ബ്ലോക്ക് പഞ്ചായത്ത് പ്രസിഡന്റ് കെ.പി. വനജ, പഞ്ചായത്ത് വൈസ് പ്രസിഡന്റ് അഖില മരിയാട്ട്, ബ്ലോക്ക് സ്റ്റാൻ്റിങ്ങ് കമ്മറ്റി ചെയർമാൻ രജീന്ദ്രൻ കപ്പള്ളി , പി.പി. ബാലകൃഷ്ണൻ. പി.പി. ചാത്തു. , എം.പി. സൂപ്പി, എം.ടി. ബാലൻ, കെ.ടി.കെ. ചന്ദ്രൻ , പി.എം നാണു : കരിമ്പിൽ ദിവാരൻ ,കെ.ജി ലത്തീഫ് സംസാരിച്ചു. ലാന്റ് ട്രീ ബ്യൂണൽ ഹെഡ് മിനി സ്റ്റീരിയൽ ഓഫീസർ രമേശൻ.വി. സ്വാഗതവും.  റവന്യൂ ഇൻ പെക്ടർ ഷൈമ എം. നന്ദിയും പറഞ്ഞു.

നാദാപുരം: കഴിഞ്ഞ ശനിയാഴ്ച പുലർച്ചെ കാറിലെത്തിയ സംഘം തട്ടി കൊണ്ടു പോയ തൂണേരി മുടവന്തേരി സ്വദേശി എം ടി കെ അഹമ്മദിനെ കണ്ടെത്താൻ കഴിയാത്ത പൊലിസ് നടപടിയിൽ പ്രതിഷേധിച്ച് നാദാപുരം  പൊലിസ് സ്റ്റേഷന് മുന്നിൽ ജനകീയ സമരം തുടങ്ങി.
ജന പ്രതിനിധികളും നാട്ടുകാരും അഹമ്മദിന്റെ കുടുംബവും സമരത്തിൽ പങ്കാളികളായി. തൂണേരി ഗ്രാമ പഞ്ചായത്ത് പ്രസിഡന്റ് പി. ഷാഹിന അധ്യക്ഷയായി. യു ഡി എഫ് നിയോജക മണ്ഡലം ചെയർമാൻ അഹമ്മദ് പുനക്കൽ ഉദ്ഘാടനം ചെയ്തു.

 നാദാപുരം:കെ.എസ്.എസ്. പി. യൂണിയൻ അംഗങ്ങളായ ജനപ്രതിനിധികളെ  തൂണേരി ബ്ലോക്ക് കെ.എസ്.എസ്.പി.യു. അനുമോദിച്ചു. നാദാപുരം ബി.ആർ.സി.ഹാളിൽ ജില്ലാ വൈസ് പ്രസിഡണ്ട് കെ.വി.രാഘവൻ യോഗം ഉദ്ഘാടനംചെയ്തു.
പ്രസിഡണ്ട് കെ.ചന്തു അദ്ധ്യക്ഷത വഹിച്ചു. പെൻഷനേഴ്സ് യൂണിയൻ അംഗങ്ങളായ വാണിമേൽ ഗ്രാമ പഞ്ചായത്ത് പ്രസിഡണ്ട് പി.സുരയ്യ, എടച്ചേരി ഗ്രാമപഞ്ചായത്ത് പ്രസിഡണ്ട് എൻ.പത്മിനി, ജില്ലാ പഞ്ചായത്ത് മെമ്പർ കൂടത്താംകണ്ടി സുരേഷ്, തൂണേരി ഗ്രാമപഞ്ചായത്ത് വൈസ് പ്രസിഡണ്ട് കെ.മധുമോഹനൻ, ഗ്രാമ പഞ്ചായത്ത് മെമ്പർമാരായ കൂടത്താം കണ്ടി രവീന്ദ്രൻ, കല്ലിൽ സൂപ്പി, വി.കെ. മൂസ്സ, വി.പി.സുധാകരൻ, എം.കെ.അശോകൻ, വി.പി.ശശിധരൻ എന്നിവരെയാണ് യോഗം അനുമോദിച്ചത്. എടത്തിൽ ദാമോദരൻ ഉപഹാരങ്ങൾ നൽകി.
എം.പി.സഹദേവൻ, പി.കെ.ദാമു, എം.കെ.രാധ, ടി.കെ.രാഘവൻ, വി.രാജലക്ഷ്മി, പി.വി.വിജയകുമാർ എന്നിവർ പ്രസംഗിച്ചു.

നാദാപുരം: പ്രവാസി വ്യാപാരി തൂണേരിയിലെ എം ടി കെ അഹമ്മദിനെ തട്ടി കൊണ്ടു പോയ കേസിൽ അന്വേഷണം ഊർജിതം. റൂറൽ പൊലീസ് സൂപ്രണ്ടിന്റെ നേതൃത്വത്തിൽ പ്രത്യേക അന്വേഷണ സംഘം രൂപീകരിച്ചു. ക്വട്ടേഷൻ സംഘത്തിലെ മൂന്നു പേർ കസ്റ്റഡിയിലുണ്ടെന്നാണ് വിവരം. ഇവരെ രഹസ്യ കേന്ദ്രത്തിൽ വെച്ച് പൊലീസ് ചോദ്യം ചെയ്യുക യാണെന്നും സൂചനയുണ്ട്.

നാദാപുരം:  കാട്ടുപന്നികളുടെ ആക്രമണം രൂക്ഷമായ ആവോലം, ഇയ്യങ്കോട് പ്രദേശത്ത് നിന്ന് ഫോറെസ്റ്റ് സംഘമെത്തി പരിശോധന നടത്തി. രോഗം ബാധിച്ചത്തിനെ തുടർന്ന് അവശ നിലയിലായ ഒരു പന്നിയെയാണ് പിടികൂടാനായത്.
എന്നാൽ ഈ മേഖലയിൽ ഏറെകലമായി വ്യാപകമായ കൃഷി നാശമാണനുഭവപ്പെടുന്നതിനെ തുടർന്ന് പ്രദേശവാസികൾ സിസിടിവി ക്യാമറകകളടക്കം സ്ഥാപിച്ച് നിരീക്ഷം നടത്തിയത്തോടെയാണ് പന്നികളാണ് അക്രമത്തിന് പിന്നിലെന്നത് ബോധ്യമായത്.
പ്രദേശവാസിയും മുസ്ലിം ലീഗ് നേതാവുമായ വലിയാണ്ടി ഹമീദ് ഫോറസ്റ്റിൽ വിവരമനുസരിച്ചതിനെ തുടർന്നാണ് ഫോറസ്റ്റ് സംഘം ഇന്ന് പരിശോധനക്ക് എത്തിയത്. പ്രദേശ വാസികളിൽ നിന്നും വിവരങ്ങൾ സംഘം ശേഖരിച്ചു.

നാദാപുരം: വടകരക്ക് കുടിവെള്ളം പമ്പ് ചെയ്യുന്ന വിഷ്ണു മംഗലം ബണ്ടിന് ഷട്ടർ ഘടിപ്പിക്കാൻ എത്തിയ സംഘത്തെ നാട്ടുകാർ തടഞ്ഞു. 
മഴക്കാലത്ത് ഷട്ടർ ഉയർത്തുകയും വേനൽ കാലത്ത് ഘടിപ്പിക്കുകയുമാണ് ചെയ്യുന്നത്. കഴിഞ്ഞ മഴക്കാലത്ത് തുറന്ന ഷട്ടർ ഘടിപ്പിക്കാൻ ഉദ്യോഗസ്ഥരും തൊഴിലാളികളും ഇന്ന് ഒൻപത് മണിയോടെയാണ് എത്തിയത്. വിവരമറിഞ്ഞ് ചെറുമോത്ത് പ്രദേശ വാസികളും പുഴ സംരക്ഷണ സമിതി ഭാരവാഹികളും എത്തി തടയുകയായിരുന്നു. ഗ്രാമ പഞ്ചായത്ത് അംഗം എൻ നസീമയുടെ നേതൃത്വത്തിലാണ് സമരക്കാർ എത്തിയത്. 
വളയം പൊലീസ് സ്ഥലത്ത് എത്തി ചർച്ച നടത്തുകയും സംഘം ഷട്ടർ ഘടിപ്പിക്കാതെ മടങ്ങുകയും ചെയ്തു.

നാദാപുരം: ഗ്രാമപഞ്ചായത്തിലെ മൂന്നാം വാർഡിൽ പുതുതായി നിർമ്മിച്ച പുതിയോട്ടിൽ – പുത്തൻപുരയിൽ റോഡ് പ്രസിഡൻ്റ് വി.വി മുഹമ്മദലി ഉദ്‌ഘാടനം ചെയ്തു. വാർഡ് മെംബർ വി.എ.സി മസ്ബൂബ അസീദ് അധ്യക്ഷയായി. വൈസ് പ്രസിഡൻ്റ് അഖില മര്യാട്ട്, വികസനകാര്യ സ്ഥിരം സമിതി ചെയർമാൻ സി.കെ നാസർ, വലിയാണ്ടി ഹമീദ്, ടി.വി.കെ ഇബ്രാഹിം, സി.വി ഇബ്രാഹിം, മൊയ്തു കോടികണ്ടി, ഹമീദ് ഇല്ലത്ത്, ആസിഫ് പുത്തലത്ത്, പി.പി ഇസ്മായിൽ, പി. ജാഫർ, പി.പി റിയാസ്, ജാഫർ തുണ്ടിയിൽ, ഫവാസ്, പി. സഹീം തുടങ്ങിയവർ പങ്കെടുത്തു.

നാദാപുരം: തൂണേരിയിൽ പ്രവാസി വ്യവസായി എം.ടി.കെ അഹമ്മദിനെ തട്ടിക്കൊണ്ട് പോയ സംഭവത്തിൽ പൊലിസ് നിസംഗത പാലിക്കുന്നെന്ന് ആരോപിച്ചു നാട്ടുകാർ റോഡ് ഉപരോധിച്ചു. നാദാപുരം പൊലിസ് സ്റ്റേഷന് മുന്നിൽ ഇന്നലെ വൈകിട്ട് ആറു മണിയോടെയാണ് പൊതുജനങ്ങൾ സംസ്ഥാന പാത ഉപരോധിച്ചത്. 
കെ.പി.സി.സി ജനറൽ സെക്രട്ടറി അഡ്വ. കെ. പ്രവീൺകുമാർ, കെ.എസ്.യു കെ. അഭിജിത്ത്, യു.ഡി.എഫ് മണ്ഡലം ചെയർമാൻ  അഹമ്മദ് പുന്നക്കൽ, മുസ്‌ലിം ലീഗ് മണ്ഡലം പ്രസിഡന്റ് സൂപ്പി നരിക്കാട്ടേരി, പഞ്ചായത്ത് പ്രസിഡന്റുമാരായ വി.വി മുഹമ്മദലി, പി. ഷാഹിന, ബ്ലോക്ക് മെംബർമാരായ അഡ്വ. എ. സജീവൻ, എ.കെ ഉമേഷ്, രാഷ്ട്രീയ പാർട്ടി നേതാക്കളായ ബംഗ്ലത്ത് മുഹമ്മദ്, മോഹനൻ പാറക്കടവ്, വി.പി കുഞ്ഞമ്മദ് ഹാജി, വലിയാണ്ടി ഹമീദ്, വളപ്പിൽ കുഞ്ഞമ്മദ് തുടങ്ങിയവർ സ്റ്റേഷനിലെത്തി പോലീസുമായി ചർച്ച നടത്തി. 
ആദ്യഘട്ടത്തിൽ കേവലം മാൻ മിസ്സിങ് കേസ് മാത്രമാണ് ഫയൽ ചെയ്തത് ജനപ്രതിനിധികൾ പൊലിസുമായി ചർച്ച നടത്തിയതിനെ തുടർന്നാണ് കിഡ്നാപ്പിംഗ് കേസ് രജിസ്റ്റർ ചെയ്തത്. പോലീസിന്റെ ഭാഗത്തു നിന്നുള്ള നിരുത്തരവാദിത്ത സമീപനമാണെന്നും ഗുണ്ടകൾക്ക് ഒത്താശ ചെയ്യാതെ അഹമ്മദിനെ മോചിപ്പിക്കാനുള്ള നടപടി കൈകൊള്ളണമെന്നും നേതാക്കൾ ആവശ്യപ്പെട്ടു.

ദുബായില്‍ നിന്ന് മറ്റു രാജ്യങ്ങളിലേക്ക് എന്ന് വിമാന സര്‍വീസുകള്‍ ആരംഭിക്കുമെന്ന് അറിയില്ല. ഈ സാഹചര്യത്തില്‍ ആരും ദുബായില്‍ എത്തരുതെന്ന് വിവിധ  സംഘടനകള്‍ അറിയിച്ചു
35 മലയാളികള്‍ ആണ് ഇന്നലെ ദുബായില്‍ എത്തിയത്
ദുബായില്‍ കൊവിഡ് കൂടിവരുകയാണ്
1400 ഓളം പേർ ദുബായിൽ ഇപ്പോള്‍ കുടുങ്ങിയിട്ടുണ്ട്.
കൊവിഡ് ശക്തമായ സാഹചര്യത്തിലായിരുന്നു കുവൈറ്റിലേക്കും സൗദിയിലേക്കും ഉള്ള വിമാന സര്‍വീസുകള്‍ നിര്‍ത്തിയത്. പിന്നീട് ഈ രണ്ട് രാജ്യങ്ങളിലേക്കുമുള്ള യാത്ര ദുബായ് വഴിയായിരുന്നു. എന്നാല്‍ കുറച്ചു ദിവസങ്ങളായി ദുബായിലും കൊവിഡ് കേസുകള്‍ കൂടിവരുകയാണ്. കുവൈറ്റ്, സൗദി എന്നീ രാജ്യങ്ങള്‍ ദുബായില്‍ നിന്നുള്ള വിമാനങ്ങള്‍ നിര്‍ത്തലാക്കി. ഇതോടെ സൗദിയിലേക്കും കുവൈറ്റിലേക്കും പോകാന്‍ എത്തിയ നിരവധി പ്രവാസികള്‍ യുഎഇയില്‍ കുടുങ്ങി.
ദുബായിലെത്തി നിരവധി പേര്‍ കുടുങ്ങിയെങ്കിലും ഇപ്പോഴും ആളുകള്‍ അങ്ങോട്ട് എത്തി കൊണ്ടിരിക്കുകയാണ്. മറ്റു രാജ്യങ്ങളിലേക്ക് ദുബായില്‍ നിന്നും വിമാന സര്‍വീസുകള്‍ തുടങ്ങാതെ ആരും ഇനി ദുബായില്‍ എത്തരുതെന്നാണ് കോൺസുലേറ്റ് അധികൃതരുമായി നടത്തിയ ചര്‍ച്ചക്ക് ശേഷം പ്രവാസി സംഘടനകള്‍ അറിയിച്ചു. ഇന്നലെ മാത്രം 35 മലയാളികള്‍ ആണ് ദുബായില്‍ എത്തിയത്. മറ്റു രാജ്യങ്ങളിലേക്ക് എന്ന് വിമാന സര്‍വീസുകള്‍ തുടങ്ങും എന്ന് വ്യക്തതയില്ല. ഇനിയൊരു അറിയിപ്പ് ഉണ്ടാകുന്നതു വരെ ദുബായില്‍ നിന്ന് മറ്റു രാജ്യങ്ങളിലേക്ക് പെട്ടെന്ന് പോകാന്‍ സാധിക്കുമെന്ന് തോന്നുന്നില്ലെന്ന് ദുബായ് ഇന്ത്യൻ കോൺസൽ ജനറൽ ഡോ. അമൻപുരി പറഞ്ഞു.
ഐപിഎഫ്, കെഎംസിസി, ഷാർജ ഇന്ത്യൻ അസോസിയേഷൻ, മർക്കസ് തുടങ്ങിയവ സംഘടനകളുടെ ഭാരവാഹികളുമായി വിഷയം ഡോ. അമൻപുരി ചര്‍ച്ച ചെയ്തു. പലരും വലിയ തുക നല്‍കിയാണ് ദുബായിലെത്തി ക്വാറന്റീനിൽ കഴിയുന്നത്. കൊവിഡ് ശക്തമാകുന്ന സാഹചര്യത്തില്‍ ഇത് വലിയ അപകടം ആണ്. മറ്റു രാജ്യങ്ങളിലേക്ക് പോകാന്‍ വേണ്ടി ആരും ദുബായില്‍ ഈ സമയത്ത് വരരുത്. 1400 ഓളം പേർ ഇങ്ങനെ ഇരുരാജ്യങ്ങളിലേക്കും പോകാനായി എത്തി ദുബായിൽ കുടുങ്ങിയിട്ടുണ്ട്. ഇവരുടെ കാര്യങ്ങള്‍ അധികൃതരുടെ ശ്രദ്ധയില്‍പ്പെടുത്തിയിട്ടുണ്ട്. ദുബായില്‍ കുടുങ്ങി കിടക്കുന്നവര്‍ക്ക് ആവശ്യമായ സഹായം നല്‍കാനും അവരുടെ പ്രശ്നത്തിന് പരിഹാരം കണ്ടെത്താനും ഉടന്‍ ശ്രമിക്കുമെന്ന് അധികൃതര്‍ അറിയിച്ചു.

വളയം: വളയം ഐ.ടി.ഐ കെട്ടിടത്തിന് ശിലാസ്ഥാപനം തിങ്കളാഴ്ച ഉച്ചയ്ക്ക് 2.30 ന് മന്ത്രി ടി.പി രാമകൃഷ്ണൻ നിർവഹിക്കും. ചടങ്ങിൽ ഇ.കെ വിജയൻ എം.എൽ.എ അധ്യക്ഷത വഹിക്കും. വളയം ഗ്രാമപഞ്ചായത്ത് നൽകിയ സ്ഥലത്ത്  എട്ടു കോടി 33 ലക്ഷം രൂപ ചെലവഴിച്ചാണ് കെട്ടിടം നിർമ്മിക്കുന്നത്. നേരത്തെ മന്ത്രി ടി.പി രാമകൃഷ്ണൻ നേരിട്ടെത്തി ശിലാസ്ഥാപന കർമ്മം നിർവഹിക്കും എന്നാണ്  അറിയിച്ചിരുന്നത്. എന്നാൽ കഴിഞ്ഞ ദിവസം പരിപാടിയുടെ സമയം ഉച്ചയ്ക്ക് 2.30 ആക്കുകയും മന്ത്രി ഓൺലൈനിൽ ശിലാസ്ഥാപനം നിർവഹിക്കാൻ അറിയിക്കുകയുമായിരുന്നു. മന്ത്രിയുടെ ഓൺലൈൻ പ്രസംഗം വീക്ഷിക്കാൻ വളയം ഗവൺമെൻറ് ഹയർ സെക്കൻഡറി സ്കൂൾ ഓഡിറ്റോറിയത്തിൽ പ്രത്യേകം വേദി ഒരുക്കിയതായി ഗ്രാമപഞ്ചായത്ത് പ്രസിഡണ്ട് കെ.പി പ്രദീഷ്‌ പറഞ്ഞു.

നാദാപുരം: തൂണേരിയില്‍ ഇന്ന് രാവിലെ  ഗൃഹനാഥനെ കാറിലെത്തി തട്ടിക്കൊണ്ട് പോയത് ക്വട്ടേഷൻ സംഘമാണെന്ന് സൂചന.  മുടവന്തേരി സ്വദേശി മേക്കര താഴെ കുനി എം ടി കെ അഹമ്മദ് (53) നെയാണ്  ഇന്ന് പുലര്‍ച്ചെ  പള്ളിയില്‍ നിസ്‌ക്കാരത്തിന് പോവുമ്പോള്‍ സ്‌കൂട്ടി തടഞ്ഞ് നിര്‍ത്തി ബലമായി കാറില്‍ പിടിച്ചു കയറ്റിയത്. ബന്ധുക്കളുടെ പരാതിയിൽ നാദാപുരം പൊലീസ് നടത്തിയ പ്രാഥമിക അന്വേഷണ ത്തിൽ സംഘത്തെ കുറിച്ച് ഏതാണ്ട് സൂചന ലഭിച്ചെന്നാണ് വിവരം. 
സി ഐ യുടെ ഫോൺ നമ്പറിൽ വിളിച്ച് ഒരു കോടി തന്നാൽ അഹമ്മദിനെ വിട്ടയക്കാം എന്നാണ്  ഇവർ പറഞ്ഞത്. അഹമ്മദിന്റെ ഗൾഫിലുള്ള കമ്പനിയുടെ പാർട്ണറായ പയ്യോളി സ്വദേശിയായ നിസാറിനെ 
കമ്പനിയിൽ നിന്ന് ഒഴിവാക്കിയിരുന്നുവത്രെ.
ഇദ്ദേഹമാണ് തട്ടി കൊണ്ടു പോകലിന് പിന്നിലെന്ന്  കരുതുന്നു. നാദാപുരം പൊലീസ് പയ്യോളിയിലേക്ക് തിരിച്ചിട്ടുണ്ട്.

നാദാപുരം: തൂണേരിയില്‍ ഗ്യഹനാഥനെ കാറിലെത്തിയ സംഘം തട്ടിക്കൊണ്ട് പോയി. മുടവന്തേരി സ്വദേശി മേക്കര താഴെ കുനി 
എം ടി കെ അഹമ്മദ് (53) നെയാണ് തട്ടിക്കൊണ്ട് പോയത്. ഇന്ന് പുലര്‍ച്ചെ 5.20 ഓടെ പള്ളിയില്‍ നിസ്‌ക്കാരത്തിന് പോവുമ്പോള്‍ സ്‌കൂട്ടി തടഞ്ഞ് നിര്‍ത്തി ബലമായി കാറില്‍ പിടിച്ചു കയറ്റുകയായിരുന്നു. സംഘം ആരെന്ന് വ്യക്തമല്ല. മാതൃസഹോദരന്റെ പരാതി പ്രകാരം നാദാപുരം പോലീസ് കേസെടുത്ത് അന്വേഷണം തുടങ്ങി.

നാദാപുരം: യുവജനക്ഷേമ ബോർഡിന് കീഴിൽ കല്ലാച്ചിയിൽ നടത്തിയ സ്പീക്ക് യങ് വേദിയിലേക്ക് യൂത്ത് ലീഗ് മാർച്ച് നടത്തി. മുഖ്യമന്ത്രി ഓൺലൈനായി സംസാരിക്കവെയാണ് നാദാപുരം മണ്ഡലം യൂത്ത് ലീഗ് കമ്മിറ്റിയുടെ നേതൃത്വത്തിൽ മാർച്ച് നടത്തിയത്. പെട്രോൾ പമ്പ് പരിസരത്ത് പൊലിസ് പ്രകടനം തടഞ്ഞതോടെ പ്രവർത്തകർ സംസ്ഥാന പാതയിൽ കുത്തിയിരുന്ന് പ്രതിഷേധിച്ചു. പിൻവാതിൽ നിയമനം നടത്തി കേരളത്തിലെ യുവാക്കളെ വഞ്ചിക്കുന്ന മുഖ്യമന്ത്രി യുവാക്കളോട് സംസാരിക്കുന്നത് പ്രഹസനമാണെന്ന് ആരോപിച്ചായിരുന്നു  പ്രതിഷേധം. മണ്ഡലം പ്രസിഡന്റ് എം.കെ സമീർ, സെക്രട്ടറി ഇ. ഹാരിസ്, എം.സി സുബൈർ, വി. അബ്ദുൽ ജലീൽ, ഒ. മുനീർ, സി.പി അജ്മൽ തുടങ്ങിയവർ നേതൃത്വം നൽകി.

നാദാപുരം: പട്ടികജാതി വകുപ്പ് 5 കോടി രൂപ ചെലവിൽ തൂണേരിയിൽ നിർമ്മിക്കുന്ന ഐ.ടി.ഐയുടെ ശിലാസ്ഥാപനം മുഖ്യമന്ത്രി പിണറായി വിജയൻ ഓൺലൈനിൽ നിർവ്വഹിച്ചു. മന്ത്രി എ.കെ.ബാലൻ അധ്യക്ഷനായി. മന്ത്രി തോമസ് ഐസക്ക്, ഇ.കെ വിജയൻ എം.എൽ എ , ബ്ലോക്ക് പ്രസിഡന്റ് കെ.പി വനജ, ബ്ലോക്ക് മെംമ്പർമാരായ ടി. ജിമേഷ്, എ.കെ. ഉമേഷ്, ടി.എൻ രഞ്ജിത്ത്, നെല്ലേരി ബാലൻ, ടി. സുരേന്ദ്രൻ, ജില്ലാ പട്ടികജാതി ഓഫിസർ കെ.പി ഷാജി, ഉത്തര മേഖല ട്രെയിനിങ്ങ് ഇൻസ്പെക്ടർ എ. ബാബുരാജ്, കനവത്ത് രവി, ശ്രീജിത്ത് മുടപ്പിലായി, രവി വെള്ളൂർ, എം.എൻ രവി , കെ.പി സുധീഷ് സംസാരിച്ചു. 20 ലക്ഷം രൂപ ചെലവിൽ നിലവിലുള്ള ഐ.ടി.ഐ യിലേക്കുള്ള റോഡിന്റെ ഉൽഘാടനം മന്ത്രി എ.കെ ബാലൻ നിർവ്വഹിച്ചു. രണ്ട് പ്രവൃത്തിയുടെയും ഫലകം ബ്ലോക്ക് പ്രസിഡന്റ് കെ.പി വനജ അനാഛാദനം നിർവ്വഹിച്ചു.

കക്കട്ടിൽ: സംസ്ഥാന പാതയിൽ കുളങ്ങരത്ത് ബൈക്കും കാറും  കൂട്ടിയിടിച്ച് ബൈക്ക് യാത്രക്കാരായ രണ്ടു പേർക്ക് പരിക്ക്. ഇവരെ നാദാപുരം ഗവ: താലൂക്ക് ആശുപത്രിയിലേക്ക് കൊണ്ടുപോയി. അമിത വേഗതയിൽ വന്ന ബൈക്ക് ഇന്നോവാ കാറിലിടിച്ചാണ് അപകടമുണ്ടായത്.

നാദാപുരം: ഇ.കെ വിജയൻ എം.എൽ.എ. ആസ്തിവികസന ഫണ്ടിൽ നിന്ന് 5 കോടി രൂപയും ഉന്നത വിദ്യാഭ്യാസ വകുപ്പിൽ നിന്ന് 1 കോടി 65 ലക്ഷം രൂപയും ചെലവഴിച്ച് നിർമ്മിച്ച നാദാപുരം ഗവൺമെന്റ് ആർട്സ് ആന്റ് സയൻസ് കോളെജിന്റെ കെട്ടിടം ഉൽഘാടനവും , പത്ത് കോടി ചെലവിൽ നിർമ്മിക്കുന്ന പുതിയ ബ്ലോക്ക് പ്രവൃത്തി ഉൽഘാടനവും ഈ മാസം16 ന് ഉച്ചയ്ക്ക് 12 മണിക്ക് മുഖ്യമന്ത്രി  പിണറായി വിജയൻ ഓൺലൈനിൽ നിർവ്വഹിക്കും. ഉന്നത വിദ്യാഭ്യാസ വകുപ്പ് മന്ത്രി കെ.ടി ജലീൽ അദ്ധ്യക്ഷത വഹിക്കും. കോളെജ് ഓഡിറ്റോറിയത്തിൽ നടന്ന
സ്വാഗതംഘം  രൂപീകരണ യോഗത്തിൽ നാദാപുരം ഗ്രാമ പഞ്ചായത്ത് പ്രസിഡന്റ് വി.വി.മുഹമ്മദാലി അദ്ധ്യക്ഷത വഹിച്ചു. ഇ.കെ. വിജയൻ എം.എൽ.എ. . വൈസ് പ്രസിഡന്റ അഖില മര്യാട്ട്, തൂണേരി ബ്ലോക്ക് സ്റ്റാന്റിങ്ങ് കമ്മറ്റി ചെയർമാൻ രജീന്ദ്രൻ കപ്പള്ളി, പഞ്ചായത്ത് അംഗങ്ങളായ വി.പി. കുഞ്ഞിരാമൻ, റീന, പി.പി. ബാലകൃഷ്ണൻ അണിയാരേമ്മൽ , കോളെജ് പ്രിൻസിപ്പൽ എൻ.വി. സനിത്ത്, പി.പി. ചാത്തു, സൂപ്പി നരിക്കാട്ടേരി, എം ടി ബാലൻ , സി.പി സലാം എന്നിവർ പങ്കെടുത്തു. വിവി മുഹമ്മദലി ചെയർമാനും , എൻ.വി. സനിത്ത് കൺവീനറുമായി സ്വാഗത സംഘം കമ്മറ്റി രൂപീകരിച്ചു.

കേരളത്തിന്റെ സാംസ്കാരിക ചരിത്രത്തിൽ മാപ്പിള കലകൾക്ക് വലിയ സ്ഥാനമെന്ന് മന്ത്രി.

നാദാപുരം: കേരളത്തിന്റെ സാംസ്കാരിക ചരിത്രത്തിൽ മാപ്പിള കലകൾക്ക് വലിയ സ്ഥാനമാണുള്ളതെന്ന് സാംസ്കാരിക വകുപ്പു മന്ത്രി എ.കെ ബാലൻ. നാദാപുരത്ത് മോയിൻ കുട്ടി വൈദ്യർ മാപ്പിള കലാ അക്കാദമി ഉപകേന്ദ്രത്തിന് നിർമിച്ച കെട്ടിടത്തിന്റെ ഉദ്ഘാടനം ഓൺലൈനിൽ  നിർവ്വഹിച്ചു സംസാരിക്കുകയായിരുന്നു അദ്ദേഹം. ഇ.കെ വിജയൻ എം.എൽ.എ അധ്യക്ഷത വഹിച്ചു.
അക്കാദമി ചെയർമാൻ ഡോ. ഹുസൈൻ രണ്ടത്താണി മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് പ്രസിഡണ്ട് കെ.പി വനജ, ഗ്രാമ പഞ്ചായത്ത് പ്രസിഡണ്ട് വി.വി മുഹമ്മദലി, അക്കാദമി സെക്രട്ടറി റസാഖ് പയമ്പറോട്ട് , ജന പ്രതിനിധികളായ രജീന്ദ്രൻ കപ്പള്ളി, സി.ടി.കെ സമീറ, അബ്ബാസ് കണേക്കൽ, രാഷ്ട്രീയ പാർട്ടി നേതാക്കളായ സൂപ്പി നരിക്കാട്ടേരി, ടി. കണാരൻ, കെ.ടി.കെ ചന്ദ്രൻ, കെ.വി നാസർ, മുഹമ്മദ് ബംഗ്ലത്ത്, കരിമ്പിൽ ദിവാകരൻ, എം.പി സൂപി, പി.എം  നാണു, അക്കാദമി ജോ. സെക്രട്ടറി ഫൈസൽ എളേറ്റിൽ, ഉപകേന്ദ്രം ചെയർമാൻ വി.സി ഇക്ബാൽ, കൺവീനർ സി.എച്ച് മോഹനൻ, മണ്ടോടി ബഷീർ, കുറുമ്പിയേത്ത് കുഞ്ഞബ്ദുല്ല, എം.കെ അഷ്റഫ് പ്രസംഗിച്ചു.

നാദാപുരം: തെരുവംപറമ്പിൽ ചേരിക്കമ്പനിയിൽ തീപിടിച്ചു. ഇന്ന് പതിനൊന്ന് മണിയോടെ തീപടർന്നത് ശ്രദ്ധയിൽ പെട്ട നാട്ടുകാർ ഫയർ ഫോഴ്സിൽ അറിയിക്കുകയായിരുന്നു. ചേലക്കാട് നിന്നെത്തിയ ഫയർ ഫോഴ്‌സ് സംഘം തീ അണക്കാനുള്ള നടപടികൾ ചെയ്തു.

© നിഷാദ് ഫുജൈറ

അബുദാബി: യാത്രാ നിരോധനം നിലനില്‍ക്കുന്ന പശ്ചാത്തലത്തില്‍ സൗദി അറേബ്യയിലേക്കും കുവൈത്തിലേക്കും പോവേണ്ട ഇന്ത്യക്കാര്‍ യുഎഇയിലേക്ക് വരരുതെന്ന് യുഎഇയിലെ ഇന്ത്യന്‍ എംബസി പ്രവാസികളോട് അഭ്യര്‍ഥിച്ചു. നിലവിലെ കൊവിഡ് നിയന്ത്രണങ്ങളുടെ പശ്ചാത്തലത്തില്‍ ദുബൈ വഴിയും അബുദാബി  വഴിയും ട്രാന്‍സിറ്റ് യാത്രക്കാരായി ഇന്ത്യക്കാര്‍ക്ക് ഇരു രാജ്യങ്ങളിലേക്കും പോകാനാവില്ല. ഇത്തരമൊരു സാഹചര്യത്തില്‍ യാത്രാ നിയന്ത്രണങ്ങള്‍ നീങ്ങുന്നതുവരെ സൗദിയിലേക്കും കുവൈത്തിലേക്കുമുള്ള പ്രവാസികള്‍ യുഎഇയിലേക്ക് വരാതിരിക്കാന്‍ ശ്രദ്ധിക്കണമെന്നും എംബസി ട്വിറ്ററിലൂടെ അറിയിച്ചു.
2020 ഡിസംബര്‍ മുതല്‍ സൗദിയിലേക്ക് പോകുന്നതിനായി യുഎഇയിലെത്തി കുടുങ്ങിക്കിടക്കുന്നത് 600ലേറെ ഇന്ത്യക്കാരാണ്. ഇവര്‍ക്ക് കേരള മുസ്ലിം കള്‍ച്ചറല്‍ സെന്റര്‍ (കെഎംസിസി) പോലുള്ള സന്നദ്ധ സംഘടനകളുടെ സഹായത്തോടെയാണ് താമസവും ഭക്ഷണവും ഒരുക്കിയിരിക്കുന്നത്. ഇങ്ങനെ യുഎഇയില്‍ കുടുങ്ങിയവരോട് ഇന്ത്യയിലേക്ക് തന്നെ തിരിച്ചുപോവാനും സൗദിയും കുവൈത്തും യാത്രാ നിരോധനം നീക്കിയതിനു ശേഷം മാത്രം തുടര്‍ യാത്ര പ്ലാന്‍ ചെയ്യാനുമാണ് എംബസി നിര്‍ദ്ദേശം നല്‍കിയിരിക്കുന്നതെന്നും ട്വിറ്റര്‍ സന്ദേശത്തില്‍ വ്യക്തമാക്കി. കാരണം ഇത്രയും പേര്‍ക്ക് സന്നദ്ധ സംഘടനകളുടെ ചെലവില്‍ അധികകാലം യുഎഇയില്‍ തുടരാന്‍ പ്രയാസമാണെന്നും എംബസി വ്യക്തമാക്കി.
ഏതു രാജ്യത്തേക്ക് യാത്ര തിരിക്കുമ്പോഴും അവിടത്തെ കൊവിഡ് നിയന്ത്രണങ്ങളെ കുറിച്ച് നല്ല പോലെ മനസ്സിലാക്കണമെന്നും ഇങ്ങനെ യാത്രതിരിക്കുന്നവരുടെ പക്കല്‍ ലക്ഷ്യ സ്ഥാനത്തെത്താന്‍ ആവശ്യമായ ചെലവുകള്‍ ഉണ്ടായിരിക്കണമെന്നും എംബസി സന്ദേശത്തില്‍ അറിയിച്ചു.

തൂണേരി: പിൻവാതിൽ നിയമനവുമായി ബന്ധപ്പെട്ട്  എം എസ് എഫ് സംസ്ഥാന കമ്മിറ്റി ആഹ്വാന പ്രകാരം നടത്തിയ കളക്ടറേറ്റ് മാർച്ചുകളിൽ നടന്ന സംഘർഷത്തിലും പോലീസ് മർദ്ദനത്തിലും പ്രതിഷേധിച്ചു  എം എസ് എഫ് തൂണേരി പഞ്ചായത്ത് കമ്മിറ്റി പ്രതിഷേധ പ്രകടനം നടത്തി.
ജില്ല എം എസ് എഫ് വൈസ് പ്രസിഡന്റ് മുഹമ്മദ് പേരോട് ഉദ്ഘാടനം ചെയ്തു. മണ്ഡലം പ്രസിഡന്റ് മുഹ്സിൻ വളപ്പിൽ, അജ്മൽ പി കെ,അൻസബ് ,ഫറാസ് പി കെ, എന്നിവർ നേതൃത്വം നല്‍കി.
അഫ്സൽ സ്വാഗതവും സഫീർ നന്ദിയും പറഞ്ഞു.

ഫോക്കസ് ആർട്സ് & സ്പോർട്സ് ക്ലബ്‌, കൈതക്കുണ്ടിന്റെ ആഭിമുഖ്യത്തിൽ സംഘടിപ്പിക്കുന്ന കായിക പരിശീലന ക്യാമ്പിന് ആർ.എ.സി ഹയർ സെക്കൻഡറി സ്കൂൾ ഗ്രൗണ്ടിൽ തുടക്കമായി. മുൻകൂട്ടി രെജിസ്റ്റർ ചെയ്ത അറുപതോളം കായിക വിദ്യാർത്ഥികൾക്ക്‌ ക്യാമ്പിൽ വെച്ച് പരീശീലനം ലഭിക്കും. ആയഞ്ചേരി  ഗ്രാമ പഞ്ചായത്ത്‌ പ്രസിഡന്റ്‌ കാട്ടിൽ മൊയ്തു മാസ്റ്റർ ക്യാമ്പ് ഉദ്ഘാടനംചെയ്തു.ക്ലബ്ബ് പ്രസിഡന്റ് ആസിഫ് പൂവ്വള്ളതിൽ അധ്യക്ഷത വഹിച്ച ചടങ്ങിൽ വാർഡ് മെമ്പറും കായിക അധ്യാപകനുമായ അഷ്‌റഫ്‌ വെള്ളിലാട്ട്  വിദ്യാർത്ഥികൾക് പരിശീലന  നിർദ്ദേശങ്ങൾ നൽകി. മഹമൂദ് മുച്ചിലോട്ടുമ്മൽ, വി പി റാഷിദ്‌, ഹാരിസ് എം, റഷീദ് സി സി, സിറാജ് കുളമുള്ളതിൽ, ഫൈസൽ കുറ്റിയിൽ എന്നിവർ സംസാരിച്ചു, ഫവാസ് കുന്നോത്, അജ്മൽ കോട്ടോള്ളത്തിൽ എന്നിവർ ക്യാമ്പിന്  നേതൃത്വം കൊടുത്തു. വരും ദിവസങ്ങളിൽ കേരളത്തിലെ പ്രഗത്ഭരായ കായിക പരിശീലകർ ക്യാമ്പ് അംഗങ്ങൾക്ക് പരീശീലനം നൽകും .ജെനറൽ സെക്രെട്ടറി ജിയാദ് ടി പി സ്വാഗതവും ഹസീബ് എം നന്ദി പറഞ്ഞു.

നാദാപുരം; കേരള സംസ്ഥാന യുവജനക്ഷേമ ബോർഡ് ഭാവികേരളത്തിനായ് യുവാക്കളുടെ നിർദേശങ്ങൾ സമാഹരിക്കുന്നതിന്  സമൂഹത്തിലെ വിവിധമേഖലകളിൽ നിന്നുള്ള വിദഗ്ദരെ പങ്കെടുപ്പിച്ചു കൊണ്ട്  12ന് നാദാപുരത്ത് യൂത്ത് മീറ്റ് നടത്തും. സംഘാടക സമിതി രൂപീകരണ യോഗത്തിൽ  ബ്ലോക്ക് പ്രസിഡന്റ് കെ.പി വനജ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റുമാരായ വി.വി മുഹമ്മദലി, 
പി. സുരയ്യ ടീച്ചർ, നാദാപുരം ഗ്രാമപഞ്ചായത്ത് വൈസ് പ്രസിഡന്റ് അഖില മര്യാട്ട്, സ്ഥിരം സമിതി ചെയർമാൻ സികെ നാസർ, മെമ്പർ എ .കെ ബിജിത്ത്,യുവജനരാഷ്ട്രീയ പാർട്ടി പ്രതിനിധികളായ 
ഇ.  ഹാരിസ്, അഡ്വ. പി രാഹുൽ രാജ്, അനസ് നങ്ങാണ്ടി തുടങ്ങിയവർ സംസാരിച്ചു. നാദാപുരം ഗ്രാമപഞ്ചായത്ത് പ്രസിഡന്റ് വി.വി മുഹമ്മദലി  ചെയർമാനും  വാണിമേൽ ഗ്രാമപഞ്ചായത്ത് യൂത്ത് കോർഡിനേറ്റർ നജ്മു സാഖിബ്  ജനറൽ കൺവീനറുമായി വിപുലമായ സംഘാടക സമിതിക്ക് രൂപം നൽകി.

നാദാപുരം: തുണേരി ബ്ലോക്ക് പഞ്ചായത്തിൻ്റെ നേതൃത്വത്തിൽ മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെട്ട് ജനപ്രതിധികൾക്ക് പരിശീലനം നൽകി. കല്ലാച്ചി കമ്യൂണിറ്റി ഹാളിൽ നടന്ന പരിപാടി ബ്ലോക്ക് പഞ്ചായത്ത് പ്രസിഡന്റ് കെ.പി വനജ ഉദ്ഘാടനം ചെയ്തു.
നാദാപുരം ഗ്രാമ പഞ്ചായത്ത് പ്രസിഡന്റ് വി.വി മുഹമ്മദലി അധ്യക്ഷനായി. തൊഴിലുറപ്പ് പദ്ധതി ജെ.പി.സി  മുഹമ്മദ് ജാ ക്ലാസെടുത്തു. ഗ്രാമ പഞ്ചായത്ത് പ്രസിഡന്റുമാരായ കെ.പി പ്രദീഷ് (വളയം ), പി. സുരയ്യ (വാണിമേൽ), അഡ്വ. ജ്യോതി ലക്ഷ്മി (പുറമേരി ) ബ്ലോക്ക് പഞ്ചായത്ത് സ്ഥിരം സമിതി ചെയർമാൻമാരായ രജീന്ദ്രൻ കപ്പള്ളി, കെ.കെ ഇന്ദിര,  പഞ്ചായത്ത് വൈസ് പ്രസിഡന്റുമാരായ കെ.പി കുമാരൻ, അഖില മര്യാട്ട് ജോയൻ്റ് ബി.ഡി.ഒ ജി. സ്വപന എന്നിവർ സംസാരിച്ചു. 

നാദാപുരം : മുസ്ലിം ലീഗ്‌ നടത്തിയ വിദ്യാഭ്യാസ വിപ്ലവ പ്രവർത്തങ്ങളാണ് കേരളത്തിലെ മതന്യൂനപക്ഷങ്ങളുടെ അന്തസ്സുള്ള മുന്നേറ്റത്തിന് അടിത്തറപാകിയതെന്നും ഇക്കാര്യത്തിൽ എം എസ്‌ എഫ്‌ ന്റെ സംഭാവന ചരിത്രപരമാണെന്നും 
യൂത്ത് ലീഗ് സംസ്ഥാന സെക്രട്ടറി വി.വി മുഹമ്മദലി പ്രസ്താവിച്ചു. കല്ലാച്ചിയിൽ എം.എസ്.എഫ് സഘടിപ്പിച്ച മണ്ഡലം നേതാക്കൾക്കുള്ള സ്വീകരണ സമ്മേളം ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം.
നാദാപുരം ഗ്രാമ പഞ്ചായത്ത്‌ സ്റ്റാന്റിങ് കമ്മിറ്റി ചെയർമാൻ സി.കെ നാസർ മുഖ്യപ്രഭാഷണം നടത്തി. ഫവാസ് തുണ്ടിയിൽ അധ്യക്ഷത വഹിച്ചു. നിയോജകമണ്ഡലം എം എസ് എഫ് പ്രസിഡന്റ്‌ മുഹ്സിൻ വളപ്പിൽ ജനറൽ സെക്രട്ടറി ത്വയ്യിബ് കുമ്മങ്കോട്, വിവി.പി ഫൈസൽ മാസ്റ്റർ, ജാഫർ തുണ്ടിയിൽ, സൈഫ് എ.വി, റഫ്‌നിസ്, ഇല്ലത്ത് ഹമീദ്, നാസർ അത്തന്റവിട, പറമ്പത്ത് നാസർ സംസാരിച്ചു. 
ഷിനാസ് എം.കെ സ്വാഗതവും അൽത്താഫ് എം.കെ നന്ദിയും പറഞ്ഞു.

വാണിമേൽ: പെട്രോൾ പമ്പിന് സമീപം പുതുതായി ആരംഭിക്കുന്ന മലബാർ ഭാരത് ഗ്യാസ് ഇന്ന് ( തിങ്കൾ ) ഉദ്ഘാടനം ചെയ്യും. വൈകീട്ട് 4 ന് എൽ പി ജി കൊച്ചി പ്ലാൻറ് ടെറിട്ടറി മാനേജർ വി ആർ രാജീവ് ഉദ്ഘാടന കർമ്മം നിർവഹിക്കും. അരക്കണ്ടി സൂപ്പിയുടെ അധ്യക്ഷതയിൽ നടക്കുന്ന ചടങ്ങിൽ ഗ്രാമ പഞ്ചായത്ത് പ്രസിഡണ്ട് പി സുരയ്യ ആദ്യ വിൽപന നിർവഹിക്കും . ബി പി സി എൽ : ഏരിയാ സെയിൽസ് ഓഫീസർ 
പവൻ, ജില്ലാ പഞ്ചായത്ത് അംഗം സി വി എം നജ്മ, ബ്ലോക്ക് പഞ്ചായത്ത് അംഗം സുഹ്റ തണ്ടാന്റെ വിട, ഗ്രാമ പഞ്ചായത്ത് വൈസ് പ്രസിഡണ്ട് സൽമ രാജു എന്നിവർ ആശംസകൾ അർപ്പിക്കുമെന്ന് മാനേജിംഗ് പാർട്ണർ മാരായ ഡോ. പി ഷമീം, 
സരീർ അഹമ്മദ് എന്നിവർ അറിയിച്ചു.

വാണിമേൽ: ജില്ലാ സീനിയർ വോളിബോൾ ടൂർണമെന്റിന്റെ സോണൽ മത്സരത്തിൽ ബ്രദേഴ്‌സ് വാണിമേൽ ചാമ്പ്യന്മാരായി. നിരവധി ടീമുകൾ പങ്കെടുത്ത വോളി മേളയിലാണ് ബ്രദേഴ്‌സ് കിരീടം ചൂടിയത്. വിന്നേഴ്സ് നാദാപുരം റണ്ണേഴ്‌സ് അപ്പായി.

നാദാപുരം: കെ.പി.എസ്.ടി.എ അരൂർ ബ്രാഞ്ച് കമ്മിറ്റി സർവ്വീസിൽ നിന്നും വിരമിക്കുന്ന അധ്യാപകർക്ക് കൊവിഡ് മാനദണ്ഡങ്ങൾ പാലിച്ചുകൊണ്ട് യാത്രയയപ്പ് നൽകി. കെ.പി.എസ്. ടി.യു മുൻ സംസ്ഥാന വൈസ് പ്രസിഡണ്ട് പി.കെ ദാമു മാസ്റ്റർ യാത്രയയപ്പ് സമ്മേളനം ഉദ്ഘാടനം ചെയ്തു. ബ്രാഞ്ച് പ്രസിഡണ്ട് കെ. ജ്യോതിലക്ഷ്മിയുടെ അധ്യക്ഷതയിൽ നടന്ന ചടങ്ങിൽ മുൻ റവന്യുജില്ലാ ട്രഷറർ പി.സോമൻ മാസ്റ്റർ ഉപഹാര സമർപ്പണം നടത്തി. വിദ്യാഭ്യാസ ജില്ലാ കമ്മിറ്റി അംഗങ്ങളായ ഏ.വി ശശീന്ദ്രൻ, പി.ശിവദാസൻ, ഉപജില്ലാ സെക്രട്ടറി ബിജേഷ് വി.എം, ബ്രാഞ്ച് സെക്രട്ടറി അനൂപ് പി.എസ്. ഉപജില്ലാ കമ്മിറ്റി അംഗം രജീന്ദ്രനാഥ് എം.കെ എന്നിവർ ആശംസാ പ്രസംഗം നടത്തി. വിരമിക്കുന്ന അധ്യാപകരായ പ്രേമൻ തോട്ടോളി, ബാബു താനക്കണ്ടി, പി.കെ. ജ്യോതികുമാർ എന്നിവരുടെ മറുപടി പ്രസംഗവും നടത്തി.

നാദാപുരം: ക്ലീൻ നദാപുരത്തിന്റെ ഭാഗമായി കർശന നിയമനടപടിക്കൊരുങ്ങി ഗ്രാമപഞ്ചായത്ത് അധികൃതർ. ലൈസൻസില്ലാതെ പ്രവർത്തിക്കുന്ന സ്ഥാപനങ്ങൾ, വാഹനങ്ങളിൽ ഉൾപ്പെടെയുള്ള തെരുവ് കച്ചവടങ്ങൾ, നിരോധിത പ്ലാസ്റ്റിക്ക് ഉൽപ്പന്നങ്ങളുടെ ഉപയോഗം, ഫൂട്പാത്ത് കയ്യേറ്റം, റോഡിലും പൊതു സ്ഥലങ്ങളിലും മാലിന്യം നിക്ഷേപിക്കൽ എന്നിവക്കെതിരെയാണ് നടപടി. ക്ലീൻ നാദാപുരം പദ്ധതിയുടെ ഭാഗമായി നാദാപുരം കല്ലാച്ചി ടൗണുകൾ കഴിഞ്ഞ ദിവസങ്ങളിൽ ഗ്രാമപഞ്ചായത്തിന്റെ നേതൃത്വത്തിൽ വിവിധ സംഘടനകളുടെ സഹകരണത്തോടെ ശുചീകരണം നടത്തിയിരുന്നു. നാലു ലോഡ് മാലിന്യങ്ങൾ ഇത്തരത്തിൽ നീക്കം ചെയ്തു  സംസ്കരണ യൂണിറ്റുകളിലേക്ക് കയറ്റി അയച്ചിട്ടുണ്ട്. കച്ചവട സ്ഥാപനങ്ങളിൽ ഉണ്ടാകുന്ന മാലിന്യങ്ങൾ അതാത് സ്ഥാപനങ്ങൾ തന്നെ സൂക്ഷിച്ച് ഹരിതകർമ്മ സേന പ്രവർത്തകർക്ക് കൈമാറണമെന്നാണ് നിർദ്ദേശം. കല്ലാച്ചി, നാദാപുരം ടൗണുകളിൽ വാഹനങ്ങളിൽ ഉൾപ്പെടെയുള്ള തെരുവ് കച്ചവടങ്ങൾ നിരോധിച്ചു. ജീവനക്കാരുടെടെ ഹെൽത്ത് ഫിറ്റ്നസ് സർട്ടിഫിക്കറ്റ്  എന്നിവ ഇല്ലാതെ പ്രവർത്തിക്കുന്ന ഹോട്ടലുകൾ , കഫ്റ്റേരിയകൾ ,തട്ടുകടകൾ മുതലായവ  അടച്ചുപൂട്ടുന്നത് ഉൾപ്പെടെയുള്ള നടപടികൾ സ്വീകരിക്കും. പൊതുസ്ഥലങ്ങളിൽ മാലിന്യം നിക്ഷേപിച്ചതിന് കഴിഞ്ഞദിവസം വിവിധ സ്ഥാപനങ്ങൾക്ക് 4000 രൂപ പിഴ ചുമത്തിയിരുന്നു. തുടർദിവസങ്ങളിലും രാത്രികാല പരിശോധന ഉൾപ്പെടെ കർശന നടപടികൾ നടത്തുമെന്ന് പഞ്ചായത്ത് സെക്രട്ടറി എം.പി രജുലാൽ, ഹെൽത്ത് ഇൻസ്പെക്ടർ  കെ. സതീഷ് ബാബു എന്നിവർ അറിയിച്ചു.

നാദാപുരം:ജനങ്ങൾക്ക് സേവനം എളുപ്പത്തിൽ ലഭ്യമാക്കുന്നതിന്സംസ്ഥാന വൈദ്യൂതി വകുപ്പ് നടപ്പിലാക്കുന്ന ഓൺലൈൻ പദ്ധതിയായ " സേവനം ഉപഭോക്താവിന്റെ വാതിൽ പടിയിലേക്ക് " ന്റെ നാദാപുരം മണ്ഡലം തല ഉൽഘാടനം ഇ.കെ. വിജയൻ എം.എൽ.എ. നാദാപുരം പഞ്ചായത്ത് ഹാളിൽ വെച്ച് നിർവ്വഹിച്ചു. നാദാപുരം ഗ്രാമ പഞ്ചായത്ത് പ്രസിഡന്റ് വി.വി.മുഹമ്മദലി അദ്ധ്യക്ഷത വഹിച്ചു. തുണേരി ബ്ലോക്ക് വൈസ് പ്രസിഡന്റ് ടി.കെ. അരവിന്ദാക്ഷൻ , ബ്ലോക്ക് സ്റ്റാന്റിങ്ങ് കമ്മറ്റി ചെയർമാൻ രജീന്ദ്രൻ കപ്പള്ളി, വാണിമേൽ പഞ്ചായത്ത് സ്റ്റാന്റിങ്ങ് കമ്മറ്റി ചെയർമാൻ എം.കെ.മജീദ്, പഞ്ചായത്ത് അംഗം പി.പി. ബാലകൃഷ്ണൻ , എക്സിക്യൂട്ടിവ് എജിനിയർ ബിജോയ് എൻ.എൽ., എ എക്സി. സുരേഷ് .,എ.ഇ. പി.ടി.ശ്രീനാഥ് . സൂപ്പി നരിക്കാട്ടേരി , പി.കെ.ദാമു . എം.ടി ബാലൻ , കെ.ജി ലത്തീഫ്, കരിമ്പിൽ ദിവാകരൻ സംസാരിച്ചു. പദ്ധതിയുടെ സംസ്ഥാന തല ഉൽഘാടനം മുഖ്യമന്ത്രി പിണറായി വിജയൻ ഓൺലൈനിൽ നിർവ്വഹിച്ചു. വൈദ്യുതി വകുപ്പ് മന്ത്രി എം.എം മണി അദ്ധ്യക്ഷത വഹിച്ചു.

നാദാപുരം: പാചകവാതകത്തിനും, പെട്രോളിയം ഉല്പന്നങ്ങൾക്കും തുടർച്ചയായി വില വർദ്ധിപ്പിക്കുന്ന കേന്ദ്ര സർക്കാർ നയത്തിൽ പ്രതിഷേധിച്ച് ഇടതുപക്ഷ ജനാധിപത്യ മുന്നണി നാദാപുരം മണ്ഡലം കമ്മറ്റിയുടെ നേതൃത്വത്തിൽ കല്ലാച്ചിയിൽ സായാഹ്ന ധർണ്ണ നടത്തി. ഇ കെ വിജയൻ എം എൽ എ ഉദ്ഘാടനം ചെയ്തു.പി.എം നാണു അധ്യക്ഷത വഹിച്ചു വി പി കുഞ്ഞികൃഷ്ണൻ, പി.പി.ചാത്തു, അഡ്വ.പി.ഗവാസ്, ബിജു കായക്കൊടി, കെ.ജി അസീസ്, എം.പി വിജയൻ, പി.കെ രാഘവൻ, ബേബി മൂക്കൻതോട്ടം എന്നിവർ പ്രസംഗിച്ചു.

നാദാപുരം : തലപ്പത്ത്‌ പ്രൊഫസ്സറും ഡോക്ടറും നാഥനില്ലാത്ത 42 സർക്കാർ കോളേജുകൾ എന്ന പ്രമേയത്തിൽ എം എസ്‌ എഫ് സംസ്ഥന കമ്മിറ്റിയുടെ ആഹ്വാന പ്രകാരം നടക്കുന്ന എം എസ്‌ എഫ് പ്രധിഷേധ വലയം പരിപാടി നാദാപുരം ഗവൺമെന്റ് കോളേജിൽ വെച്ച് നടന്നു. ആറ് വർഷങ്ങൾക്ക് മുമ്പ് യു ഡി എഫ് സർക്കാർ അനുവദിച്ച നാദാപുരം ഗവർമെന്റ് ‌ കോളേജിന് ഇപ്പൊഴും സ്വന്തമായി കെട്ടിടമോ സ്ഥിരമായി പ്രിൻസിപ്പളോ ഇല്ലാത്ത അവസ്ഥയാണ്. ഇത് കേരളം ഭരിക്കുന്ന ഇടത് സർക്കാരിന്റെയും നാദാപുരം  എം എൽ എ യുടെയും  പൂർണ്ണ പരാജയമാണെന്നും വിദ്യാർത്ഥി സമൂഹത്തോട് ചെയ്യുന്ന വഞ്ചനയാണെന്നും എം എസ്‌ എഫ് ആരോപിച്ചു. വാണിമേലിലെ വയൽപീടികയിൽ സ്ഥിതി ചെയ്യുന്ന താത്കാലിക കോളേജിൽ വെച്ച് നടന്ന പരിപാടി ജില്ലാ എം എസ്‌ എഫ് വൈസ് പ്രസിഡന്റ് മുഹമ്മദ് പേരോട് ഉൽഘാടനം ചെയ്തു. ജില്ലാ സെക്രെട്ടറി ഷാഫി തറമ്മൽ മുഖ്യ പ്രഭാഷണം നടത്തി. നിയോജക മണ്ഡലം പ്രസിഡന്റ് മുഹ്‌സിൻ വളപ്പിൽ അധ്യക്ഷത വഹിച്ചു. സാലിഹ്  തറമ്മൽ, റാഷിക്‌ ചങ്ങരംകുളം, അറഫാത്ത് മുറിച്ചാണ്ടി, നജ്മു സാഖിബ്, ഫാസിൽ പി വി , സഫ്‌വാൻ, ഷാനിദ്, ഹകീം എന്നിവർ സംസാരിച്ചു. ആഷിക് സ്വാഗതവും സയാഫ്  അബ്ദുള്ള നന്ദിയും പറഞ്ഞു.

തൂണേരി: തൂണേരി കൃഷിഭവനിലെ കൃഷി ഓഫീസർ കെ.എൻ ഇബ്രാഹിം നമ്മെ വിട്ടുപിരിഞ്ഞ വിവരം  വേറെ നടുക്കത്തോടെ കൂടിയാണ് അറിയാൻ സാധിച്ചതെന്നും  കേവലം ഒരു ഉദ്യോഗസ്ഥൻ എന്നതിലുപരിയായി  വ്യക്തി ബന്ധം പുലർത്തിയ  ഒരു വ്യക്തിയായിരുന്നു അദ്ദേഹമെന്നും തൂണേരി ഗ്രാമപഞ്ചായത്ത് പ്രസിഡന്റ് പി. ഷാഹിന അനുസ്മരിച്ചു.  ഗ്രാമപഞ്ചായത്ത് കാർഷിക മേഖലയിൽ അടുത്ത കാലത്ത് നടത്തിയ മുന്നേറ്റത്തിൽ വലിയ പങ്കുവഹിക്കാൻ അദ്ദേഹം സാധിച്ചിട്ടുണ്ട്. പദ്ധതികൾ സമയബന്ധിതമായി പൂർത്തീകരിക്കാൻ , ആനുകൂല്യങ്ങൾ കൃത്യ സമയത്ത് കർഷകരിലേക്ക് എത്തിക്കാൻ അദ്ദേഹം കാണിച്ച ശുഷ്കാന്തി എടുത്തുപറയേണ്ടതാണ്.  പഞ്ചായത്തിന് വലിയ നഷ്ടമാണ് അദ്ദേഹത്തിൻറെ ദേഹവിയോഗത്തിലൂടെ സംഭവിച്ചിരിക്കുന്നതെന്നും  അദ്ദേഹത്തിന്റെ  കുടുംബത്തിൻറെ ദുഃഖത്തിൽ പങ്കാളിയാവുകയും ചെയ്യുന്നുവെന്ന് അനുസ്മരണ കുറിപ്പിൽ പ്രസിഡന്റ് പറഞ്ഞു.

പെരിങ്ങത്തൂർ:  ഇന്ത്യയുടെ വിശ്വപൗരനായി ഉയര്‍ന്ന മുസ്ലിം ലീഗ് ദേശീയ നേതാവും മുന്‍ കേന്ദ്രമന്ത്രിയുമായിരുന്ന ഇ അഹ്മദ് സാഹിബിന്റെ ഓര്‍മ്മക്കായി ദാഹജലമെത്തിക്കുന്ന പദ്ധതിയുമായി ഖത്തര്‍ കെ എം സി സി സി കൂത്തുപറമ്പ് മണ്ഡലം കമ്മിറ്റി രംഗത്ത്.പാനൂര്‍ നഗരസഭയിലെ പതിനേഴാം വാര്‍ഡ് പുല്ലൂക്കര കല്ലറമുക്ക് ലക്ഷം വീട് കോളനിയിലെ നിരവധി കുടുംബങ്ങൾക്കാണ് ഈ പദ്ധതി വഴി കുടിവെള്ളമെത്തുക. കിണര്‍ കുഴിച്ച് പ്രത്യേക ടാങ്ക് സജ്ജീകരിച്ച് ഓരോ വീടുകളിലേക്കും വെള്ളമെത്തിക്കുന്ന പദ്ധതിക്ക് 10 ലക്ഷം രൂപയാണ് ചെലവ് പ്രതീക്ഷിക്കുന്നത്. ഇതിനാവശ്യമായ ഭൂമി ഖത്തറിലെ പ്രമുഖ വ്യവസായിയും കെ എം സി സി നേതാവുമായ കല്ലുംപുറം മുസ്തഫ കഴിഞ്ഞ ദിവസം സൗജന്യമായി നല്‍കി. അഹ്മദ് സാഹിബ് ഓര്‍മ്മദിനത്തിൽ  സ്ഥലം കൈമാറിയതോടെ കുടിവെള്ളപദ്ധതിയുടെ പ്രവര്‍ത്തനങ്ങള്‍ക്ക് തുടക്കം കുറിച്ചതായി ഭാരവാഹികള്‍ അറിയിച്ചു.

കാരുണ്യ സേവന രംഗത്ത് വേറിട്ട ഇടപെടല്‍ നടത്തിയിരുന്ന, കഷ്ടത അനുഭവിക്കുന്നവര്‍ക്ക് അത്താണിയായി പ്രവര്‍ത്തിച്ച ഇ. അഹ്മദ് സാഹിബ് മന്ത്രി പദവിയിലിരുന്നും അല്ലാതേയും പ്രവാസികളുടെ പ്രശ്‌നങ്ങളില്‍ നിരന്തരം ഇടപെട്ട് പരിഹാരം കണ്ടെത്തിയിരുന്നു. കെ എം സി സിയുടെ വിവിധ ഘടകങ്ങളോടു ഇ അഹമദ് സാഹിബ് പുലര്‍ത്തിയ ആത്മബന്ധം അഭേദ്യമായിരുന്നു. അതുകൊണ്ടു തന്നെ അദ്ദേഹത്തിന്റെ സ്മരണ നിലനിര്‍ത്തുന്ന കുടിവെള്ള പദ്ധതിയെന്നത് ഏറെ അഭിമാനകരമാണെന്ന് ഖത്തര്‍ കൂത്തുപറമ്പ് മണ്ഡലം കെ എം സി സി ഭാരവാഹികള്‍  പറഞ്ഞു. വിദേശ ഇന്ത്യക്കാരുടെ നീറുന്ന പ്രശ്‌നങ്ങള്‍ പരിഹരിക്കാന്‍ ദീര്‍ഘവീക്ഷണത്തോടെ പ്രവര്‍ത്തിച്ച അഹ്മ്ദ് സാഹിബിനെ ക്രിയാത്മകമായി അനുസ്മരിക്കുകയെന്നതാണ് തങ്ങള്‍ വേര്‍പാടിന്റെ നാലാം വര്‍ഷത്തില്‍ ലക്ഷ്യമിട്ടതെന്ന് കൂത്തുപറമ്പ് മണ്ഡലം കെ എം സി സി അറിയിച്ചു.  
ശിഹാബ് തങ്ങളുടെ പേരില്‍ പാവപ്പെട്ടവര്‍ക്ക് വീട് നല്‍കുന്ന പദ്ധതിയായ ബൈത്തുര്‍റഹ്മ കേരളത്തിലെ വിവിധ ഭാഗങ്ങളിലേക്ക് വ്യാപിച്ചതു പോലെ അഹ്മദ് സാഹിബിന്റെ പേരിലുള്‌ല കുടിവെള്ള പദ്ധതി കേരളം ഏറ്റെടുക്കുമെന്നാണ് പ്രതീക്ഷയെന്നും കൂത്തുപറമ്പ് മണ്ഡലം പ്രസിഡന്റ് പി കെ അബ്ദുര്‍റഹീം, ജനറല്‍ സെക്രട്ടറി അസീസ് കക്കാട്ട് എന്നിവര്‍ പറഞ്ഞു

വടകര: കർഷക വിരുദ്ധ ബില്ലുകൾ പിൻവലിക്കുക , തൊഴിൽ നിയമങ്ങളെ  ലേബർ കോഡുകളാക്കി മാറ്റിയ നടപടി റദ്ദ് ചെയ്യുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് സംയുക്ത ട്രേഡ് യൂണിയനുകളുടെ നേതൃത്വത്തിൽ വടകര  ഹെഡ് പോസ്റ്റ് ഓഫീസ് മാർച്ച് നടത്തി.
വി.കെ. വിനു സ്വാഗതം പറഞ്ഞു.  പി. എം. വേലായുധൻ അദ്ധ്യക്ഷത വഹിച്ചു. എച്ച് എം എസ്  ജില്ലാസിക്രട്ടറി കെ.കെ. കൃഷ്ണൻ മാർച്ച് ഉദ്ഘാടനം ചെയ്തു. 
വേണു കക്കട്ടിൽ , വിനോദൻ ചെറിയത്ത് , എ.കെ.ബാലൻ , വി.ആർ. രമേഷ് എന്നിവർ പ്രസംഗിച്ചു. പി.കെ.അശോകൻ ,.സി. കുമാരൻ ,ടി പി.രാജൻ എന്നിവർ നേതൃത്വം നൽകി.

നാദാപുരം: മാധ്യമ പ്രവർത്തകനും, എൽ.ജെ.ഡി നേതാവുമായിരുന്ന ഒ.കെ തൂണേരിയുടെ ഒന്നാം ചരമവാർഷിക ദിനത്തിൽ ശവകുടീരത്തിൽ പുഷ്പാർച്ചന നടത്തി. സോഷ്യലിസ്റ്റ് വിദ്യാർത്ഥി സംഘടനയായ ഐ.എസ്.ഒ നേതാവും, പടയണി ന്യൂസ് എഡിറ്ററും, സഹകാരിയും, ഇരിങ്ങണ്ണൂർ ഹയർ സെക്കൻ്ററി സ്കൂൾ ഭരണ സമിതിയംഗവുമായിരുന്നു അദ്ദേഹം .പുഷ്പാർച്ചനക്ക് എൽ.ജെ.ഡി ദേശീയ സമിതിയംഗം മുൻ മന്ത്രി കെ.പി മോഹനൻ, മണ്ഡലം പ്രസിഡണ്ട് പി.എം നാണു, യുവജനതാദൾ സംസ്ഥാന കമ്മറ്റിയംഗം വത്സരാജ് മണലാട്ട്, ജില്ലാ സെക്രട്ടറി കെ.രജീഷ്, എൽ.ജെ.ഡി തൂണേരി പഞ്ചായത്ത് ഭാരവാഹികളായ എം.ബാൽരാജ്, ടി.രാമകൃഷ്ണൻ, കെ.എസ്.ടി.സി സംസ്ഥാന പ്രസിഡണ്ട് ഹരീഷ് കടവത്തൂർ എന്നിവർ നേതൃത്വം നൽകി. പാർട്ടി പ്രവർത്തകരും ബന്ധുക്കളും പങ്കെടുത്തു.

നാദാപുരം : മുസ്ലിംലീഗിന്റെ രാഷ്ട്രീയവും ദർശനങ്ങളും പുതുതലമുറയിലേക്കെത്തിക്കുന്ന ചുവട് 2021 ന്റെ ലോഗോ പ്രകാശനം ജില്ലാ മുസ്ലിം ലീഗ് ഉപാധ്യക്ഷൻ പി ശാദുലി നിർവഹിച്ചു.
പുതു തലമുറ മൂല്യങ്ങൾ ഉയർത്തി പിടിക്കുന്ന സാമൂഹിക മുന്നേറ്റങ്ങൾക് തയ്യാറാവണമെന്ന് അദ്ദേഹം പറഞ്ഞു .
ഫെബ്രുവരി 2 മുതൽ 27 വരെ നീണ്ടു നിൽക്കുന്ന ക്യാമ്പയിൻ കാലയളവിൽ വിവിധ പരിപാടികൾ സംഘടിപ്പിക്കും. ജില്ലാ എം.എസ്.എഫ് ഉപാധ്യക്ഷൻ മുഹമ്മദ് പേരോട്, മുഹ്‌സിൻ വളപ്പിൽ, ത്വയ്യിബ് കുമ്മങ്കോട്, റാഷിക് കായക്കൊടി, അറഫാത് നരിപ്പറ്റ, സഫീർ വടക്കയിൽ, ഫവാസ് തുണ്ടിയിൽ തുടങ്ങിയവർ പങ്കെടുത്തു.

നാദാപുരം:ആറ് വർഷങ്ങൾക്ക് മുമ്പ് യു ഡി എഫ് സർക്കാർ അനുവദിച്ച നാദാപുരം ഗവർമ്മെന്റ്‌ കോളേജിന് ഇപ്പൊഴും സ്വന്തമായി കെട്ടിടം ഇല്ലാത്തത് കേരളം ഭരിക്കുന്ന ഇടത് സർക്കാരിന്റെ പൂർണ്ണ പരാജയമാണ് എന്ന്  ജില്ലാ മുസ്ലിം ഉപാധ്യക്ഷൻ അഹമ്മദ് പുന്നക്കൽ പ്രസ്താവിച്ചു.കേരള സർക്കാർ വിദ്യാഭ്യാസ വകുപ്പ്‌ കേരള ചരിത്രത്തിലാദ്യമായി രണ്ടായി വിഭചിച്ചിട്ടും സർവ്വ മേഖലകളിലും പരാജയമാണെന്നും ഇത് വിദ്യാർത്ഥി സമൂഹത്തോട് ചെയ്യുന്ന വഞ്ചനയാണെന്നും അദ്ദേഹം പറഞ്ഞു.ഫെബ്രുവരി 26 ന് കോഴിക്കോട് വെച്ച് നടക്കുന്ന സ്റ്റുഡന്റ്സ്‌  വാറിന്റെ പ്രചരണാർത്ഥം എം.എസ്.എഫ് സംസ്ഥാന കമ്മിറ്റി നടത്തി വരുന്ന സമര ചുമര് എന്ന പരിപാടിയുടെ നാദാപുരം നിയോജക മണ്ഡലം തല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കല്ലാച്ചി ടൗണിൽ ചീറോത്ത് മുക്ക് ശാഖയിൽ വെച്ച് നടന്ന പരിപാടിയിൽ നിയോജക മണ്ഡലം എം എസ്‌ എഫ് പ്രസിഡന്റ്‌ മുഹ്‌സിൻ വളപ്പിൽ അധ്യക്ഷത വഹിച്ചു ജില്ലാ ഉപാധ്യക്ഷൻ മുഹമ്മദ് പേരോട്,റാഷിക് കായക്കൊടി ,അറഫാത് മുറിച്ചാണ്ടി ,റാബിത് പയന്തോങ്, സഫീർ വടക്കയിൽ, വസീം, ഫവാസ് തുടങ്ങിയവർ പങ്കെടുത്തു.ത്വയ്യിബ് കുമ്മങ്കോട് സ്വാഗതവും മശ്ഹൂർ തങ്ങൾ നന്ദിയും പറഞ്ഞു.

വടകര: കീറ ചാക്കുകൾ പുതച്ച് തണുപ്പിനെയും, മഞ്ഞിനെയും നേരിടുന്നവർക്ക്  പുത്തൻ പുതപ്പുകളുമായി ബ്ലഡ് ഡോണേർസ് കേരള കോഴിക്കോട് വടകരയുടെ പ്രവർത്തകർ തുടർച്ചയായ നാലാം വർഷവും ടൗണിലെത്തി സ്നേഹ പുതപ്പുകൾ നൽകി. വടകര ബ്ലോക്ക് പഞ്ചായത്ത് വൈസ് പ്രസിഡണ്ട് വി.കെ സന്തോഷ് കുമാർ സ്നേഹപുതപ്പ് വിതരണം ഉദ്ഘാടനം ചെയ്തു. റെയിൽവേ സ്റ്റേഷൻ, എടോടി, ബസ് സ്റ്റാൻ്റ്, ലിങ്ക് റോഡ് പരിസരങ്ങൾ, ഗവ.ആശുപത്രി പരിസരം, എന്നിവിടങ്ങളിലെ വയോധികരായ നിരവധി പേർക്ക്പുതിയ പുതപ്പുകൾ വിതരണം ചെയ്തു. രക്തദാന പ്രവർത്തനങ്ങൾ കൂടാതെ സ്നേഹസദ്യ, സ്നേഹ കിറ്റ് വിതരണം തുടങ്ങിയ ജീവകാരുണ്യ പ്രവർത്തനങ്ങളും ബി.ഡി.കെ വടകരയുടെ പ്രവർത്തകർ നടത്തിവരുന്നുണ്ട് ബി.ഡി.കെ വടകര താലൂക്ക് ഭാരവാഹികളും കോഡിനേറ്റർമാരുമായ അൻസാർ ചേരാപുരം, വത്സരാജ് മണലാട്ട്, ഹസ്സൻ തോടന്നൂർ, ജിതേഷ് മേമുണ്ട,മുദസ്സിർ, മുനീബ്, മുഹമ്മദ്, ബാസിൽ എന്നിവർ സ്നേഹപുതപ്പ് വിതരണത്തിന് നേതൃത്വം നൽകി.

വാണിമേൽ; നാട്ടിലെ സാമൂഹ്യ- സാംസ്‌കാരിക രംഗങ്ങളിൽ നിറഞ്ഞു നിന്ന് വ്യക്തിത്വം അടയാളപ്പെടുത്തിയവർ എല്ലാ കാലത്തും സ്മരിക്കപ്പെടുമെന്ന് പാണക്കാട് സയ്യിദ് ഹമീദലി ശിഹാബ് തങ്ങൾ.  ആത്മാർത്ഥതയുള്ള പൊതു പ്രവർത്തകർക്ക് സമൂഹം വലിയ അംഗീകാരം നൽകുമെന്നും അദ്ദേഹം പറഞ്ഞു. വാണിമേൽ ക്രസൻറ് ഹയർ സെക്കൻഡറി സ്‌കൂൾ മാനേജിംഗ് കമ്മിറ്റി പ്രസിഡണ്ടും മുസ്ലിം ലീഗ് നേതാവുമായിരുന്ന കുന്നുമ്മൽ അബ്ദുല്ല ഹാജി അനുസ്മരണ സമ്മേളനം ഉദ്‌ഘാടനം ചെയ്യുക യായിരുന്നു തങ്ങൾ.  സ്‌കൂൾ മാനേജിംഗ് കമ്മിറ്റി സംഘടിപ്പിച്ച പരിപാടിയിൽ പ്രസിഡണ്ട് കുണ്ടിൽ അമ്മദ് ഹാജി അധ്യക്ഷനായി. 
മാധ്യമ പ്രവർത്തകൻ സി വി എം വാണിമേൽ മുഖ്യ പ്രഭാഷണം നടത്തി.  ദീർഘകാലം സ്‌കൂളിൽ പ്രധാനാധ്യാപകനായിരുന്ന ടി കുഞ്ഞബ്ദുല്ല മാസ്റ്റർക്ക് കുന്നുമ്മൽ സ്മാരക പുരസ്‌കാരം ഗ്രാമ പഞ്ചായത്ത് പ്രസിഡണ്ട് പി സുരയ്യ ടീച്ചർ സമ്മാനിച്ചു. മാനേജർ  വി കെ കുഞ്ഞാലി മാസ്റ്റർ അവാർഡ് ജേതാവിനെ പരിചയപ്പെടുത്തി. റഫീഖ് സകരിയ ഫൈസി, എൻ കെ മൂസ മാസ്റ്റർ, സി വി എം നജ്മ, കെ കെ നവാസ്, എം കെ മജീദ്, സുഹ്‌റ തണ്ടാന്റവിട, അഷ്‌റഫ് കൊറ്റാല, ഇ ഹാരിസ്, വി കെ മൂസ മാസ്റ്റർ, ടി പി അബ്ദുൽ കരീം മാസ്റ്റർ, കെ പി ശിഹാബ്, സുബൈർ തോട്ടക്കാട് എന്നിവർ പ്രസംഗിച്ചു. നജ്മു സാഖിബ് അനുസ്മരണ ഗീതം ആലപിച്ചു. ജനറൽ സെക്രട്ടറി ടി ആലി ഹസൻ സ്വാഗതവും, പ്രോഗ്രാം കൺവീനർ എം കെ അഷ്‌റഫ് നന്ദിയും പറഞ്ഞു.

ഇരിങ്ങണ്ണൂർ: പത്ത് ലക്ഷം രൂപ പ്രളയ  ഫണ്ട് ഉപയോഗിച്ച് നിർമ്മിച്ച ചെറുകുളം - എടവംകേരി ലക്ഷം വീട് റോഡ് നാദാപുരം എം.എൽ.എ ഇ.കെ.വിജയൻ ഉദ്ഘാടനം ചെയ്തു.
എടച്ചേരി ഗ്രാമ പഞ്ചായത്ത് പ്രസിഡണ്ട് പത്മിനി ടീച്ചർ അദ്ധ്യക്ഷയായി. തൂണേരി ബ്ളോക്ക് പഞ്ചായത്ത് വൈസ് പ്രസിഡണ്ട് ടി.കെ അരവിന്ദാക്ഷൻ, മെംബർ എ.ഡാനിയ,വാർഡ് മെംബർമാരായ എൻ.നിഷ, ശ്രീജ പാലപ്പറമ്പത്ത്, ശ്രീജിത്ത് സി.പി , സലീന.കെ.പി, എം.രാജൻ, കൊയിലോത്ത് രാജൻ വിവിധ രാഷ്ട്രീയ പാർട്ടി പ്രതിനിധികളായ ആർ.ടി ഉസ്മാൻ മാസ്റ്റർ, ടി.പ്രകാശ്, പ്രേമദാസ് എം കെ, ടി.പി.പുരുഷു , സി.കെ ബാലൻ , വത്സരാജ് മണലാട്ട് എന്നിവർ സംസാരിച്ചു. ഒന്നാം വാർഡ് മെംബർ സി.പി.ശ്രജിത്ത് സ്വാഗതവും, ടി.പി.രാജൻ നന്ദിയും പറഞ്ഞു.

വാണിമേൽ: വിലങ്ങാട് ഉടുമ്പിറങ്ങി മലയിൽ വൻ  അഗ്നിബാധ . ഇന്ന്  വൈകുന്നേരം മൂന്ന് മണിയോടെയാണ് തീപ്പിടുത്തം  ഉണ്ടായത്. വളരെപ്പെട്ടന്ന്  ആളി പ്പടർന്ന തീ നാട്ടുകാർ എറെ പണിപ്പെട്ടാണ് അണച്ചത്. വാണിമേൽ സ്വദേശി കുഞ്ഞബ്ദുല്ല, വിലങ്ങാട് സ്വദേശി ജെയിംസ് എന്നിവരുടെ കൃഷിയിടങ്ങളിലെ വിളകൾ കത്തിനശിച്ചു.  തീപ്പിടുത്തത്തിൻ്റെ കാരണം വ്യക്തമല്ല.

നാദാപുരം: അരൂരില്‍ പേപ്പട്ടി  ശല്യം രൂക്ഷമായി.  രണ്ട് പേര്‍ക്ക് കടിയേറ്റു. വളര്‍ത്തു മൃഗങ്ങള്‍ക്കും കടിയേറ്റിട്ടുണ്ട്.  തോലേരി അശോകന്റെ ഭാര്യ അനിത(30), നേഷണല്‍ ഇന്റര്‍ ലോക്ക് സ്ഥാപനത്തിലെ തൊഴിലാളി ബീഹാര്‍ സ്വദേശി നഗിന്‍ റിഷി(45)എന്നിവര്‍ക്കാണ് കടിയേറ്റത്.ഇരുവരേയും കുത്തിവെപ്പിന് വിധേയരാക്കി.  സാരമായി പരുക്ക് പറ്റിയ നഗിന്‍ റിഷിയെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കല്ലുമ്പുറത്ത്  വളര്‍ത്ത് മൃഗങ്ങള്‍ക്കും കടിയേറ്റു. കുളമുള്ളതില്‍ മലമല്‍ കൃഷ്ണന്‍ കൃഷ്ണന്റെ രണ്ട് ആടുകള്‍ക്ക് സാരമായ പരുക്കുണ്ട്. കണ്ണിനും മുഖത്തുമാണ് കടിയേറ്റത്. മറ്റ് പലരുടേയും വളര്‍ത്തു മൃഗങ്ങള്‍ക്ക് കടിയേറ്റതായി റിപ്പോര്‍ട്ടുണ്ട്.

നാദാപുരം : മുട്ടുങ്ങൽ - നാദാപുരം റോഡ് നവീകരണത്തിന്റെ ഭാഗമായി നാദാപുരം കക്കംവെള്ളിയിലെ കനാൽ സൈഫൺ ആശാസ്ത്രീയമായി പുതുക്കി നിർമ്മിക്കുന്നത് അപകട ഭീഷണിയുയർത്തിയതോടെ
ജന പ്രതിനിധികളുടെ ഇടപെടൽ.  റോഡ് നവീകരണത്തിൻ്റ ഭാഗമായി സ്വകാര്യ വ്യക്തികൾ പൊന്നും വിലയുള്ള സ്ഥലങ്ങൾ വിട്ടുനൽകിയപ്പോൾ സർക്കാരിൻ്റെ അധീനതയിലുള്ള സ്ഥലം വിട്ടു നൽകാത്തതിൽ  പ്രതിഷേധിച്ച് നാട്ടുകാർ ഇന്ന്  പ്രവൃത്തി തടഞ്ഞിരുന്നു. നാദാപുരം ഗ്രാമ പഞ്ചായത്ത് പ്രസിഡണ്ട് വി.വി മുഹമ്മദലി, തൂണേരി പഞ്ചായത്ത് പ്രസിഡണ്ട് ഷാഹിന എന്നിവർ രാവിലെ തന്നെ സ്ഥലത്തെത്തി അധികൃതരുമായി ബന്ധപ്പെട്ടു.  പിന്നീട് സ്ഥലം എം. എൽ. എ ഇ.കെ വിജയനും സ്ഥലത്തെത്തി. 
കുറ്റമറ്റ രീതിയിൽ രീതിയിൽ പുനർനിർമാണം നടത്തിയാൽ മതിയെന്ന് അവശ്യപ്പെട്ടതിനെ തിടർന്ന് പണി നിർത്തിവെക്കുകയായിരുന്നു.
കക്കംവെള്ളി പെട്രോൾ പമ്പിനു മുൻവശത്താണ്
ജലസേചനവകുപ്പിന്റെ കനാൽ ഭാഗം റോഡിലേക്ക് തള്ളിയ നിലയിൽ നിർമ്മിച്ചത്.
ചാലപ്പുറം ഭാഗത്ത് നിന്ന് വരുന്ന വാഹനങ്ങൾക്ക് സംസ്ഥാന പാതയിലേക്ക് ഇറങ്ങാനും ഇവിടെ വളരെ പ്രയാസമാണ്. റോഡിലേക്ക്‌ കനാൽ തള്ളിനിൽക്കുന്നത് കാരണം ഇവിടെ 
ഗതാഗതകുരുക്കും പതിവാണ്. ആശാസ്ത്രീയ നിർമാണത്തിനെതിരെ ജന രോഷമുയരുന്ന സാഹചര്യത്തിലാണ്  ജന പ്രതിനിധികൾ വിഷയത്തിൽ ഇടപെട്ടത്.

നാദാപുരം: കേരളത്തിന്റ സാമുദായിക സൗഹാർദ്ദം തകർത്‌  വംശീയതയുടെ രാഷ്ട്രീയം പ്രചരിപ്പിച്ച് ‌  അധികാരം നിലനിർത്താനുള്ള സിപിഎം ശ്രമത്തെ കേരളീയ സമൂഹം തള്ളിക്കളയണമെന്ന്  വെൽഫെയർ പാർട്ടി കോഴിക്കോട് ജില്ല ജനറൽ സെക്രട്ടറി ടി കെ മാധവൻ.  ഇടതുപക്ഷത്തിന്റെ പാരമ്പരൃങ്ങളെ വലിച്ചെറിഞ്ഞു  കേവല അധികാര രാഷ്ട്രീയത്തിന് വേണ്ടി എന്തും പ്രവർത്തിക്കുമെന്നതിന്റെ തെളിവാണ് സിപിഎം സെക്രട്ടറി നടത്തുന്ന വർഗീയ പ്രസ്താവനകളെന്നും അദ്ദേഹം പറഞ്ഞു . വംശീയതക്കെതിരെ സാമൂഹിക നീതിയുടെ രാഷ്ട്രീയം' എന്ന പ്രമേയത്തിൽ വെൽഫെയർ പാർട്ടി  നാദാപുരം മണ്ഡലം വാഹന പ്രചരണ ജാഥ മുള്ളൻകുന്നിൽ ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. 
ജാഥ ക്യപ്റ്റൻ ഷഫീഖ് പരപ്പുമ്മലിന്  പതാക കൈമാറി.  ജില്ല കമ്മിറ്റി അംഗം അമീൻ മുയിപ്പോത്ത്  മുഖ്യപ്രഭാഷണം നടത്തി.  വൈസ് ക്യപ്റ്റൻ  ഇ കെ  നാണു,  മണ്ഡലം വൈസ്പ്രസിഡന്റ് സി .വി ഹമീദ്, സംസാരിച്ചു. മണ്ഡലം  ജനറൽ സെക്രട്ടറി ഫാറൂഖ് മാസ്റ്റർ സ്വാഗതം പറഞ്ഞു. എം എ  വാണിമേൽ,  ടി കെ മമ്മു,  ബഷീർ ഇ വി,  കെ പി നാരായണൻ,  മുജീബ് ഒ, ബാസിം അടുക്കത്, സജീർ എടച്ചേരി  തുടങ്ങിയർവിവിധ സ്വീകരണ കേന്ദ്രങ്ങളിൽ  സംസാരിച്ചു.  നാദാപുരത്ത്   നടന്ന സമാപന സമ്മേളനം ജില്ലാ   കമ്മറ്റി അംഗം അമീൻ മുയിപ്പോത്ത്  ഉത്ഘാടനം ചെയ്തു. 
സാദിഖ്  ചെന്നാടൻ മുഖ്യ പ്രഭാഷണം  നടത്തി.  അബ്ദുൽഹമീദ് കളത്തിൽ  അധ്യക്ഷത വഹിച്ചു

പുറമേരി: കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി പുറമേരി പഞ്ചായത്തി‍ല്‍ നിയന്ത്രണം ഏർപ്പെടുത്താൻ സര്‍വ്വകക്ഷി യോഗം തീരുമാനിച്ചു.ഹോട്ടല്‍ ഉള്‍പ്പെടെയുള്ള വാണിജ്യ സ്ഥാപനങ്ങളുടെ പ്രവര്‍ത്തന സമയം രാവിലെ 7 മണി മുതല്‍‍ രാത്രി 7 മണിവരെയായി നിജപ്പെടുത്തും. കല്ല്യാണം, ഗൃഹപ്രവേശം , പണപ്പയറ്റ് എന്നീ പരിപാടികള്‍ രാത്രി 8 മണിവരെ കോവിഡ് മാനദണ്ഡങ്ങള്‍ പാലിച്ച് മാത്രം നടത്തേണ്ടതാണ്.
നിയന്ത്രണങ്ങളുടെ ഭാഗമായുള്ള നോട്ടീസ് വിതരണം, അനൌണ്‍സ്മെന്‍റ് എന്നിവ നടത്തും. 
യോഗത്തില്‍ പഞ്ചായത്ത് പ്രസിഡന്‍റ് വി.കെ ജ്യോതി ലക്ഷ്മി അദ്ധ്യക്ഷയായി.  നിലവിലെ ആര്‍.ആര്‍.ടി മാരെ പുന: സംഘടിപ്പിക്കുവാനും  കല്ല്യാണം, ഗൃഹപ്രവേശം, മരണവീട് എന്നിവിടങ്ങളിലെ ചടങ്ങുകള്‍ക്ക് പോലീസ്, ഹെല്‍ത്ത് വിഭാഗത്തിന്‍റെ അനുമതിയോടുകൂടി പരമാവധി 100 പേരെ പങ്കെടുപ്പിച്ച് കൊണ്ട് മാത്രം നടത്തണമെന്നും യോഗം ആവശ്യപ്പെട്ടു. കല്ല്യാണം, ഗൃഹപ്രവേശം തുടങ്ങിയവ പരമാവധി രണ്ട് ദിവസം മാത്രമായി ചടങ്ങ് നടത്തേണ്ടതാണെന്നും യോഗം തീരുമാനിച്ചു . മേല്‍ നിയന്ത്രണങ്ങ‍ള്‍ ഫെബ്രുവരി 1 മുതല്‍ പ്രാബല്യത്തി‍ല്‍ വരുന്നതാണെന്ന് പ്രസിഡന്‍റ് പറഞ്ഞു. യോഗത്തില്‍ വൈസ് പ്രസിഡന്‍റ് സി.എം വിജയന്‍, ബിന്ദു പുതിയോട്ടി‍ല്‍, കെ.എം വിജിഷ, ബീന കല്ലില്‍, മെഡിക്ക‍ല്‍ ഓഫീസര്‍ പ്രദോഷ് കുമാര്‍, എസ്.ഐ പി.എം സുനില്‍ കുമാര്‍, കെ.അച്ചുതന്‍, വിവിധ രാഷ്ട്രീയ പാര്‍ട്ടി പ്രതിനിധികളായ കെ.ടി.കെ ബാലകൃഷ്ണന്‍, കെ.പി ബാലന്‍, പി ദാമോദരന്‍, ടി.കെ പ്രഭാകരന്‍, വ്യാവാരി വ്യവസായി പ്രതിനിധികള്‍, വാര്‍ഡ് മെമ്പര്‍മാ‍ര്‍ തുടങ്ങിയവര്‍ പങ്കെടുത്തു.

നാദാപുരം: പൊതുമരാമത്ത് വകുപ്പ് ഒരു  കോടി രൂപ അനുവദിച്ച കല്ലാച്ചി മിനി ബൈപാസ് എട്ടു മീറ്റർ വീതിയിൽ വികസിപ്പിക്കാൻ തീരുമാനം. 
നിലവിൽ മുഖ്യമന്ത്രിയുടെ ഗ്രാമീണ റോഡ് പദ്ധതിയിൽ 11 ലക്ഷം രൂപ ചെലവിൽ ടെന്റർ ചെയ്ത പ്രവൃത്തി അടിയന്തിരമായി നടത്തും. ഫെബ്രുവരി 6 - ന് സ്ഥലം അളന്ന് തിട്ടപ്പെടുത്തി ഉടമകൾ സമ്മത പത്രം കൈമാറുന്നതിനും ധാരണയായി. ഗ്രാമ  പഞ്ചായത്ത് പ്രസിഡന്റ് വി വി മുഹമ്മദലി ചെയർമാനും ,കെ എം മോഹനൻ കൺവീനറുമായി ജനകീയ കമ്മറ്റി രൂപീകരിച്ചു.  പഞ്ചായത്ത് ഓഫീസിൽ ചേർന്ന ജന പ്രതിനിധി  കളുടെയും നാട്ടുകാരുടെയും ഉദ്യോഗസ്ഥരുടെയും സംയുക്ത  യോഗത്തിലാണ് തീരുമാനം.  ഇ.കെ. വിജയൻ എം.എൽ.എ അദ്ധ്യക്ഷത വഹിച്ചു. പഞ്ചായത്ത് പ്രസിഡന്റ് വി.വി.മുഹമ്മദലി, വൈസ് പ്രസിഡന്റ് അഖില മര്യാട്ട്, ബ്ലോക്ക് സാന്റിങ്ങ് കമ്മറ്റി ചെയർമാൻ രജീന്ദ്രൻ കപ്പള്ളി . പഞ്ചായത്ത് സാന്റിങ്ങ് കമ്മറ്റി ചെയർമാൻ സി.കെ. നാസർ, പഞ്ചായത്തംഗം നിഷ മനോജ്, സി.വി കുഞ്ഞികൃഷ്ണൻ ,  സി.കെ റീന എന്നിവർ സംസാരിച്ചു.

നാദാപുരം : കർഷക പോരാട്ടത്തിന് ഐക്യദാർഡ്യം പ്രകടിപ്പിച്ച് കെ.എസ് കെ.ടി യുവിന്റെ നേതൃത്വത്തിൽ 
കർഷകത്തൊഴിലാളികൾ കുമ്മങ്കോട് ടൗണിൽ മനുഷ്യച്ചങ്ങല തീർത്തു. കെ.എസ് കെ.ടിയു ജില്ലാ സെക്രട്ടറി കെ.കെ ദിനേശൻ ഉദ്ഘാടനം ചെയ്തു. സി.എച് മോഹനൻ . ടി. കണാരൻ , പി.കെ കൃഷ്ണൻ , ടി.ബാബു, എം.വിനോദൻ ,എം.കെ വിനീഷ്, കെ.ടി.കെ ബാലകൃഷ്ണൻ എന്നിവർ സംസാരിച്ചു. എ.കെ അജിത്ത് അദ്ധ്യക്ഷത വഹിച്ചു. ടി. ദിനീഷ് പ്രതിജ്ഞ ചൊല്ലി. ടി.സതീശൻ സ്വാഗതവും, വി.കെ സുരേഷ് നന്ദിയും പറഞ്ഞു

നാദാപുരം: നൂക്ലിയസ് ഹെൽത്ത് കെയർ  നാദാപുരം അണിയിച്ചൊരുക്കിയ "മലയാള മണ്ണിൻ്റെ മാലാഖമാർ" എന്ന വീഡിയോ ആൽബം ഗ്രാമ പഞ്ചായത്ത്‌ പ്രസിഡന്റ് വി.വി മുഹമ്മദലി പ്രകാശനം ചെയ്തു. നിപ്പക്കെതിരെ പൊരുതുന്നതിനിടയിൽ മരണപ്പെട്ട  സിസ്റ്റർ ലിനിയുടെ ഭര്‍ത്താവ് സജീഷ് ഏറ്റുവാങ്ങി. . ചടങ്ങിൽ ന്യുക്ലിയസ് മാനേജിംഗ് ഡയറക്ടർ ഡോ:ടി പി സലാവുദ്ദീൻ അധ്യക്ഷതവഹിച്ചു .  ഗ്രാമപഞ്ചായത്ത് മെമ്പർ അബ്ബാസ് കണെക്കൽ  ഉപഹാര സമർപ്പണം നടത്തി. ഡോ:മൻസൂർ പി എം, ഡോ:സുബൈർ, ഡോ:വിബിൻ തോമസ് എന്നിവർ സംസാരിച്ചു. നൂക്ലിയസ് ജനറൽ മാനേജർ നദീർ.ടി സ്വാഗതഗവും അസിസ്റ്റന്റ് മാനേജർ സിറോഷ് നന്ദിയും പറഞ്ഞു.   ഗാനരചയിതാവും സംഗീത സംവിധായ കനുമായ  ഫസല്‍ നാദാപുരമാണ് വീഡിയോ ആൽബത്തിന്റെ രചനയും സംവിധാനവും നിർവ്വഹിച്ചത്

വടകര: ഡൽഹിയിലെ കർഷകസമരത്തിന് ഐക്യദാർഢ്യം പ്രഖ്യാപിച്ചു കൊണ്ട് സി.ഐ.ടി.യു വടകര ഏരിയാ കമ്മിറ്റി സംഘടിപ്പിച്ച " തൊഴിലാളി കൂട്ടായ്മ " കർഷകസംഘം ജില്ലാ പ്രസിഡണ്ട് കെ.പി.കുഞ്ഞമ്മത് കുട്ടി  ഉദ്ഘാടനം ചെയ്തു. 
എ. കെ .ബാലൻ അദ്ധ്യക്ഷത വഹിച്ചു. 
ജില്ലാ വൈസ് പ്രസിഡണ്ട് സി.ഭാസ്കരൻ  ,പി.സി .സുരേഷ് ,വേണു കക്കട്ടിൽ എന്നിവർ പ്രസംഗിച്ചു. വി.കെ. വിനു സ്വാഗതം പറഞ്ഞു.

വടകര: സംസ്ഥാനത്തെ വിവിധ വകുപ്പ് മന്ത്രിമാർ പങ്കെടുക്കുന്ന അദാലത്ത് ഫിബ്രവരി 2ന് ചൊവ്വാഴ്ച രാവിലെ മുതൽ വടകര ടൗൺ ഹാളിൽ  നടക്കും. ഇനിയും തീർപ്പാകാത്ത ജനങ്ങളുടെ വിവിധ  വിഷയങ്ങളിൽ മന്ത്രിമാരും ഉദ്യോഗസ്ഥരും നേരിട്ട് പരിശോധന നടത്തി പരിഹാരം കാണുന്നതിന് വേണ്ടിയാണ് അദാലത്ത്.
തീർപ്പ് കല്പിക്കാൻ പറ്റുന്ന എല്ലാ അപേക്ഷകൾക്കും  പരിഹാരം നിർദ്ദേശിക്കും.
ഓൺലൈനായി അപേക്ഷ സമർപ്പിക്കാൻ കഴിയാത്തവർ ചൊവ്വാഴ്ച  രാവിലെ വെള്ളക്കട ലാസിൽ എഴുതിയ അപേക്ഷയുമായി വടകര ടൗൺ ഹാളിൽ എത്തിയാൽ മതിയാകും.

വളയം: ഗ്രാമപഞ്ചായത്തിൽ കോവിഡ് രോഗികൾ വർദ്ധിച്ച സാഹചര്യത്തിൽ വളയത്ത് കടകൾ രാത്രി ഏഴു മണിക്ക് അടക്കാൻ  തീരുമാനം .ഗ്രാമപഞ്ചായത്ത് പ്രസിഡണ്ട് കെ പി പ്രതീഷിന്റെ  അധ്യക്ഷതയിൽ ചേർന്ന ജനപ്രതിനിധികൾ ആരോഗ്യ വകുപ്പ് , പൊലീസ്, രാഷ്ട്രീയ പാർട്ടി പ്രതിധികൾ, വ്യാപാരികൾ എന്നിവരുടെ യോഗത്തിലാണ് 
തീരുമാനം. ഹോട്ടലുകളും മെഡിക്കൽ ഷോപ്പുകളും 9 മണി വരെ പ്രവർത്തിപ്പിക്കാം. എന്നാൽ രാത്രി 7 മണിക്ക് ശേഷം ഹോട്ടലുകളിൽ പാർസൽ മാത്രമെ പാടുള്ളൂ. കല്യാണം
പൊതു പരിപാടികൾ ഉൾപ്പടെ കോവിഡ്
മാനദണ്ഡം പാലിച്ചേ നടത്താവു എന്നും
തീരുമാനമായി.
ഹെൽത്ത്,പൊലീസ്
എന്നീ ഡിപ്പാർട്മെൻ്റു കളിൽനിന്നും മുൻകൂട്ടി അനുമതി വാങ്ങിയിരിക്കണം. കല്യാണവീടുകളിൽ ഭക്ഷണ വിതരണത്തിനും മറ്റും സാമുഹിക അകലം പാലിക്കണം .രാത്രികാല പരിശോധന പൊലീസ് കർശനമാക്കും. വാർഡ് തലത്തിൽ ആർ.ആർ.ടി പ്രവർത്തനം കാര്യക്ഷമമാക്കും.
യോഗത്തിൽ എം.കെ അശോകൻ, കെ.വിനോദൻ, എം.ദിവാകരൻ, 
പി.കെ ശങ്കരൻ, കെ.ടി കുഞ്ഞിക്കണ്ണൻ, സി.വി കുഞ്ഞബ്ദുല്ല, സി.എച്ച് ശങ്കരൻ, ഒ.പ്രേമൻ, സി.ബാലൻ, തയ്യിൽ ശ്രീധരൻ ആരോഗ്യ വകുപ്പ് ഉദ്യോഗസ്ഥർ, പൊലീസ്
ഉദ്യോഗസ്ഥർ പങ്കെടുത്തു.

നാദാപുരം: സംസ്ഥാന സാംസ്കാരിക വകുപ്പിന് കീഴിൽ കൊണ്ടോട്ടിയിൽ പ്രവർത്തിക്കുന്ന മഹാകവി മോയിൻ കുട്ടി വൈദ്യർ മാപ്പിള കലാ അക്കാദമിയുടെ ആദ്യത്തെ ഉപ കേന്ദ്രത്തിന് നാദാപുരത്ത് സ്വന്തം കെട്ടിടമായി. നാദാപുരം ഗവൺമെന്റ് ആശുപത്രിക്ക് സമീപം ജനകീയ കമ്മിറ്റി വിലക്ക് വാങ്ങിയ പതിനെട്ട്  സെന്റ് സ്ഥലത്ത്  ബഹുനില  കെട്ടിടത്തിന്റെ നിർമാണ പ്രവൃത്തി   
 ഇക്കഴിഞ്ഞ സപ്റ്റംബറിലാണ് ആരംഭിച്ചത്.  ഒന്നാം നിലയുടെ പണിയാണ് ഇപ്പോൾ പൂർത്തീകരിച്ചത്. അടുത്ത മാസം 10 ന് വൈകീട്ട് 5 മണിക്ക് മന്ത്രി എ കെ ബാലൻ കെട്ടിടം നാടിന് സമർപ്പിക്കും. 
സ്വാഗത സംഘം രൂപീകരണ യോഗം നാദാപുരം റസ്റ്റ് ഹൗസിൽ 
ഇ കെ വിജയൻ എം എൽ എ ഉദ്ഘാടനം ചെയ്തു. ഉപകേന്ദ്രം ചെയർമാൻ വി സി ഇക്ബാൽ അധ്യക്ഷനായി. അക്കാദമി സെക്രട്ടറി റസാഖ് പയമ്പറോട്ട് പരിപാടികൾ വിശദീകരിച്ചു.  ഗ്രാമ പഞ്ചായത്ത് പ്രസിഡണ്ട് വി വി മുഹമ്മദലി,ജില്ലാ പഞ്ചായത്ത് അംഗം സി വി എം നജ്മ, ബ്ലോക്ക്- ഗ്രാമ  പഞ്ചായത്ത്  സ്ഥിരം സമിതി ചെയർമാൻമാരായ രജീന്ദ്രൻ കപ്പള്ളി, സി കെ നാസർ, എം സി സുബൈർ, ബ്ലോക്ക് മെമ്പർ സി എച്ച് നജ്മാ ബീവി, പഞ്ചായത്ത് മെമ്പർ അബ്ബാസ്കണെക്കൽ, രാഷ്ട്രീയ പാർട്ടി നേതാക്കളായ മുഹമ്മദ് ബംഗ്ലത്ത്, എം പി സൂപ്പി, ടി കണാരൻ, അഡ്വ. എ സജീവൻ, പി കെ ദാമു  മാസ്റ്റർ, വലിയാണ്ടി ഹമീദ്, കെ ജി അസീസ്, വി കെ സലിം, 
എം കെ അഷ്‌റഫ്, കുന്നത്ത് മൊയ്തു മാസ്റ്റർ, കുരുമ്പത്ത് കുഞ്ഞബ്ദുല്ല, ഇ സിദ്ധീഖ്, ഏരത്ത് ഇഖ്ബാൽ, എരോത്ത് ഫൈസൽ, 
അനു പാട്യംസ് തുടങ്ങിയവർ പ്രസംഗിച്ചു. 
പഞ്ചായത്ത് പ്രസിഡണ്ട് വി വി മുഹമ്മദലി ചെയർമാനും വി സി ഇഖ്ബാൽ വർക്കിംഗ് ചെയർമാനും, സി എച്ച് മോഹനൻ ജനറൽ കൺവീനറും കുരുമ്പത്ത് കുഞ്ഞബ്ദുള്ള ട്രഷററുമായി സ്വാഗത സംഘത്തിന് രുപം നൽകി.

നാദാപുരം: ക്ഷാമാശ്വാസ കുടിശ്ശിക നാലു ഗഡു ഉടൻ അനുവദിക്കണമെന്ന്  കേരള സ്‌റ്റേറ്റ് സർവ്വീസ് പെൻഷനേഴ്സ് അസോസ്സിയേഷൻ  നാദാപുരം നിയോജക മണ്ഡലം സമ്മേളനം ആവശ്യപ്പെട്ടു. ഡൽഹിയിലെ കർഷക സമരത്തിന് സമ്മേളനം ഐക്യദാർഢ്യം പ്രഖ്യാപിച്ചു. 
കെ പി സി സി  നിർവ്വാഹക സമിതി അംഗം 
സി വി  കുഞ്ഞി കൃഷ്ണൻ  ഉൽഘാടനം ചെയ്തു
അഡ്വ.  എ.സജീവൻ,കെ പി  ദാമോദരൻ: വി കെ  ബാലാമണി, ടി വത്സലകുമാരി, ടി വി  പുഷ്പജ, ഒ.അരവിന്ദൻ ,പ്രസംഗിച്ചു. സംഘടനയിൽ ഉയർന്ന പദവി അലങ്കരിക്കുന്ന സി വി  കുഞ്ഞികൃഷ്ണനെ  ചടങ്ങിൽ ആദരിച്ചു.
ഭാരവാഹികൾ :  ഒ.രവീന്ദ്രൻ (പ്രസി.) വി.പി. സൂപ്പി ( സെക്ര. ), സി  പവിത്രൻ ട്രഷ. ) കെ പി  ദാമോദരൻ, കെ പി  പത്മനാഭൻ (  ജില്ലാ കൗൺസിലർമാർ ) .

നരിപ്പറ്റ: സാമൂഹ്യ വിഹാരകേന്ദ്രം ഗ്രന്ഥശാല, നരിപ്പറ്റ പി.എസ്.സി പരീക്ഷയെഴുതുന്ന ഉദ്യോഗാർത്ഥികൾക്കായി പരിശീലനം തുടങ്ങി. എസ്.എസ്.എസ്.എൽ.സി.യോഗ്യതയുള്ള വിവിധ തസ്തികയിലേക്കുള്ള പ്രിലിമിനറി പരീക്ഷയ്ക്കുള്ള തീവ്രപരിശീലനമാണ് ആരംഭിച്ചത്.ഗ്രാമ പഞ്ചായത്ത് പ്രസിഡൻ്റ് ബാബു കാട്ടാളി ഉദ്ഘാടനം ചെയ്തു.അഖിലേന്ദ്രൻ നരിപ്പറ്റ അധ്യക്ഷനായി.അനീഷ്.ഒ, രജിൽ കാര പറമ്പൻ, വി.കെ.ആദർശ് സംസാരിച്ചു. വിപിൻദാസ് പരിശീലനത്തിന് നേതൃത്വം നൽകി.

നാദാപുരം:  ഗവ: താലൂക്ക് ആശുപത്രിയിൽ സജീകരിക്കുന്ന ഇ-ഹെൽത്ത് പദ്ധതിയുടെ പ്രവൃത്തി ഉൽഘാടനം ഇ.കെ. വിജയൻ എം.എൽ.എ. നിർവ്വഹിച്ചു. എം.എൽ. എയുടെ ആസ്തി വികസന ഫണ്ടിൽ നിന്നും 50 ലക്ഷം രൂപ ചെലവിലാണ് പദ്ധതി ആരംഭിക്കുന്നത്. ചടങ്ങിൽ,  ബ്ലോക്ക് പ്രസിഡന്റ് കെ.പി. വനജ അദ്ധ്യക്ഷത വഹിച്ചു.  ഗ്രാമപഞ്ചായത്ത് പ്രസിഡന്റ് വി.വി. മുഹമ്മദലി, ബ്ലോക്ക് വൈസ് പ്രസിഡന്റ് ടി.കെ. അരവിന്ദാക്ഷൻ. സ്റ്റാന്റിങ്ങ് കമ്മറ്റി ചെയർമാൻമാരായ പി.ബിന്ദു, രജീന്ദ്രൻ കപ്പള്ളി, കെ.കെ. ഇന്ദിര, ബ്ലോക്ക് മെമ്പർ സി എച്ച്  നജ്മ ബീവി , ഇ-ഹെൽത്ത് ജില്ലാ കോർഡിനേറ്റർ ഡോ. പി.പി. പ്രമോദ് കുമാർ , ഡോ. എം ജമീല, സൂപ്പി നരിക്കാട്ടേരി, സി.എച്ച്. മോഹനൻ , എം.ടി. ബാലൻ, കെ.ടി.കെ. ചന്ദ്രൻ , കരിമ്പിൽ ദിവാകരൻ, പി.എം. നാണു. കരിമ്പിൽ വസന്ത , കെ.ജീ ലത്തീഫ്, എം.ടി. മജീഷ് പങ്കെടുത്തു.

പുറമേരി: തിമിരം ബാധിച്ചു കണ്ണിന് കാഴ്ച നഷ്ട്പ്പെട്ടിട്ടും  അന്ധതയെ തോൽപ്പിച്ച്   സോഷ്യോളജിയിൽ ബിരുദവും ബിരുദാനന്തര ബിരുദവും ബി.എഡും, മറ്റ് പ്രഫഷണൽ കോഴ്സുകളും പൂർത്തീകരിച്ച് ഹയർ സെക്കണ്ടറി അദ്ധ്യാപകനായി പി എസ്  സി  വഴി നിയമനം ലഭിച്ച പുറമേരിയിലെ   ജൗഹർ എടക്കുടിയെ  പഞ്ചായത്ത് മുസ്ലിം യൂത്ത് ലീഗ് കമ്മറ്റി അനുമോദിച്ചു. ജൗഹറിന്റെ വീട്ടിൽ എത്തിയാണ് യൂത്ത് ലീഗ് ഭാരവാഹികൾ അനുമോദിച്ചത്. വി പി കുഞ്ഞമ്മദ് മാസ്റ്റർ ഉപഹാരം സമർപ്പിച്ചു, കെ മുഹമ്മദ് സാലി, മുഹമ്മദ് പുറമേരി, ആർ കെ റഫീഖ്, ഷംസു മഠത്തിൽ, നജീബ് വി പി, ഷക്കീൽ വി പി, അമീർ കെ പി, അൻസാർ മഞ്ഞിരോളി, റഫീഖ്, സുഫൈദ്, ഇർഷാദ് തുടങ്ങിയവർ സന്നിഹിതരായി.

നാദാപുരം: തൂണേരി ഗ്രാമ പഞ്ചായത്ത് ഓഫീസിലെ തൊഴിലുറപ്പ് അസിസ്റ്റന്റ് എഞ്ചിനീയറുടെ ഓഫീസിൽ അതിക്രമിച്ചു കടന്ന് ജീവനക്കാരെ കയ്യേറ്റം ചെയ്യുകയും മസ്റ്റർ റോൾ തട്ടിപ്പറിക്കുകയും ചെയ്ത സംഭവത്തിൽ 3 സി പി എമ്മുകാർക്കെതിരെ കേസ്. മുൻ ലോക്കൽ സെക്രട്ടറിയും ഗ്രാമ പഞ്ചായത്ത് അംഗവുമായ ഇ കെ രാജൻ, ഒന്നാം വാർഡിൽ തൊഴിലുറപ്പ് മേറ്റായിരുന്ന പുനത്തിൽ ഷൈജ, തൊഴിലാളി റീന എന്നിവർക്കെതിരെയാണ് നാദാപുരം പൊലീസ് കേസെടുത്തത്. ഇക്കഴിഞ്ഞ 21 നാണ് സംഭവം. പഞ്ചായത്ത് സെക്രട്ടറി അന്ന് തന്നെ പൊലീസിൽ പരാതി നൽകിയിരുന്നു.

നാദാപുരം: സംസ്ഥാനത്തെ സർക്കാർ ഓഫിസുകളിലെ ഹരിതപ്രോട്ടോക്കോൾ പ്രവർത്തനങ്ങൾ വിജയകരമായി പൂർത്തീകരിച്ചതിന് ജില്ലാ ശുചിത്വമിഷന്റെ പരിശോധനയിൽ കുന്നുമ്മൽ പഞ്ചായത്ത് ഒന്നാം സ്ഥാനവും നാദാപുരം പഞ്ചായത്ത് രണ്ടാം സ്ഥാനവും കരസ്ഥമാക്കി. നൂറിൽ നൂറ് മാർക്ക് നേടി എ ഗ്രേഡോടെ ചേമഞ്ചേരി പഞ്ചായത്തിനൊപ്പമാണ് കുന്നുമ്മൽ ഒന്നാം സ്ഥാനം പങ്കിട്ടത്. നൂറിൽ 99 മാർക്ക് നേടിയാണ് നാദാപുരം എ ഗ്രേഡോടെ രണ്ടാം സ്ഥാനത്തെത്തിയത്.
സമ്പൂർണ്ണ പ്ലാസ്റ്റിക്ക് നിരോധനം നടപ്പിലാക്കിയാണ് കുന്നുമ്മൽ ഈ നേട്ടം കൈവരിച്ചത്. കൂടാതെ പഞ്ചായത്ത് ഓഫീസിൽ പച്ചക്കറിത്തോട്ടവും പൂന്തോട്ടവും നിർമ്മിച്ചു. പഞ്ചായത്ത് ഹാളിൽ വച്ച് നടന്ന ചടങ്ങിൽ പഞ്ചായത്ത് പ്രസിഡണ്ട് വി. കെ റീത്ത ഹരിത ഓഫീസ് പ്രഖ്യാപനവും സർട്ടിഫിക്കറ്റ് വിതരണവും നടത്തി.   വൈസ് പ്രസിഡണ്ട് വി. വിജിലേഷ് അദ്ധ്യക്ഷത വഹിച്ചു. നോഡൽ ഓഫീസർ വി. പി രാജീവൻ റിപ്പോർട്ട് അവതരിപ്പിച്ചു സി. പി സജിത, സി. പി ശശി, വനജ ഒതയോത്ത്, രതീഷ്, ഷിബിൻ, നവ്യ , റിൻസി, ഷിനു, മുരളി കുളങ്ങരത്ത്, എം. കെ. സന്തോഷ് എന്നിവർ  സംസാരിച്ചു. പി കെ പത്മനാഭൻ നന്ദി പറഞ്ഞു.

ഓഫിസിലും പരിസരത്തുമുള്ള മാലിന്യങ്ങൾ വേർതിരിച്ച്‌ സംഭരിക്കാനും സംസ്കരിക്കാനും നാദാപുരം ഗ്രാമപഞ്ചായത്ത് പുതിയ ഭരണസമിതി ഇതിനകം നടപടികളെടുത്തിട്ടുണ്ട്‌. പഞ്ചായത്ത്‌ സെക്രടറി എം.പി രജുലാലിന്റെ നേതൃത്വത്തിലാണ് ഹരിതപ്രവർത്തനങ്ങൾ ഏകോപിപ്പിച്ചത്. ജില്ലാ ശുചിത്വ മിഷൻ നൽകുന്ന സർട്ടിഫിക്കറ്റ്‌  ഇ.കെ വിജയൻ എം.എൽ.എ പ്രസിഡന്റ്‌  വി.വി മുഹമ്മദലിക്ക്‌ കൈമാറി. ചടങ്ങിൽ വൈസ്‌ പ്രസിഡന്റ്‌ അഖില മര്യാട്ട്‌ ഹരിത പ്രതിജ്ഞ ചൊല്ലിക്കൊടുത്തു. പഞ്ചായത്തിന്റെ പരിശോധനയിൽ  ശുചിത്വ ഓഫിസുകളായി തെരഞ്ഞെടുക്കപ്പെട്ട  നാദാപുരം മുൻസിഫ്‌ കോടതി, കല്ലാച്ചി ഗവ. യു.പി സ്കൂൾ, കല്ലാച്ചി സബ്‌ ട്രഷറി, നാദാപുരം എ.ഇ.ഒ  ഓഫിസ്‌, നാദാപുരം സി.ഡി.എസ് ഓഫിസ്, കല്ലാച്ചി ഗവ. ഹയർ സെക്കണ്ടറി സ്കൂൾ എന്നീ സ്ഥാപന മേധാവികൾക്ക്‌  ഗ്രാമ പഞ്ചായത്ത്‌ പ്രസിഡന്റ്‌ സർട്ടിഫിക്കറ്റുകൾ ‌ നൽകി. സ്ഥിരം സമിതി ചെയർമാന്മാരായ സി.കെ നസർ, എം.സി സുബൈർ‌, റീന കിണമ്പ്രെമ്മൽ, സെക്രട്ടറി എം പി രജുലാൽ, അസി. സെക്രട്ടറി ടി. പ്രേമാനന്ദൻ   എന്നിവർ സംസാരിച്ചു.

തൂണേരി:  ഗ്രാമപഞ്ചായത്ത് ഭരണസമിതിക്കെതിരെ എൽഡിഎഫ് നടത്തുന്ന പ്രചാരണം അടിസ്ഥാന രഹിതമാണെന്ന്  പ്രസിഡണ്ട് പി ഷാഹിന. തൊഴിലുറപ്പ്  മേറ്റിൻ്റെ കാലാവധി   15 ദിവസമായിരിക്കെ ഭരണസമിതിയുടെ തീരുമാനപ്രകാരം  15 വാർഡിലെയും മേറ്റുമാരെ  മാറ്റിയിട്ടുണ്ട്. എന്നാൽ ഈ തീരുമാനം അംഗീകരിക്കാത്ത ഒന്നാം വാർഡിലെ മേറ്റ്  പുനത്തിൽ ഷൈജ  വാർഡ് മെമ്പർക്കെതിരെ വ്യാജപ്രചരണം നടത്തുകയാണ്.  പഞ്ചായത്തിലെ ഉദ്യോഗസ്ഥരെ  ഭീഷണിപ്പെടുത്തി മാസ്റ്ററോൾ മനപ്പൂർവ്വം വൈകിപ്പിച്ചത്  ഷൈജ യുടെ ഇടപെടലിന്റെ ഭാഗമായാണ്.  മറ്റ് വാർഡുകളിലെ മെമ്പർമാർ പുതിയ മേറ്റ് മാരുടെ ലിസ്റ്റ് ഗ്രാമപഞ്ചായത്തിൽ ഏൽപ്പിച്ചിരുന്നു. 
ഭരണസമിതി തീരുമാനം അവഗണിച്ചുകൊണ്ട് ജനാധിപത്യത്തെ വെല്ലുവിളിക്കുന്ന രീതിയിൽ ജനപ്രതിനിധികൾ അടക്കമുള്ളവർ  ഉദ്യോഗസ്ഥരെ ഭീഷണിപ്പെടുത്തി രേഖകൾ പിടിച്ചുവാങ്ങിയത്  അപലപനീയമാണ്. ഉദ്യോഗസ്ഥരെ ഭീഷണിപ്പെടുത്തി ബലമായി പിടിച്ചുവാങ്ങിയ മാസ്റ്ററോൾ റദ്ദ് ചെയ്യുന്നതിന് വേണ്ട നടപടികൾ എത്രയും പെട്ടെന്ന് സ്വീകരിക്കണമെന്ന് സെക്രട്ടറിക്ക് നിർദ്ദേശം നൽകിയിട്ടുണ്ടെന്ന് പ്രസിഡണ്ട് പറഞ്ഞു .

ഇരിങ്ങണ്ണൂർ ചെറുകുളത്ത് കയനോളി പള്ളിക്ക് സമീപം ഞാലിൽ താമസിക്കും മമ്മള്ളി മൂസ്സ മാസ്റ്റർ(69) നിര്യാതനായി.

ഭാര്യ:  കുഞ്ഞിപ്പാത്തു.

മക്കൾ: അസ്‌ലം, മുഹമ്മദ്.  

മരുമക്കൾ: ഹൈറുന്നിസ പട്ടർവീട്ടിൽ (പുല്ലൂക്കര), ഖദീജ ചൊക്ലി.

നാദാപുരം: കർഷക സംഘം നാദാപുരം പഞ്ചായത്ത് കമ്മറ്റി ഡൽഹിയിൽ സമരം നടത്തുന്ന കർഷകർ ക്കെതിരെ നടന്ന അതിക്രമത്തിൽ പ്രതിഷേധിച്ച് നാദാപുരം ടൗണിൽ പ്രതിഷേധ വലയം തീർത്തു. 
കർഷക സംഘം മണ്ഡലം സെക്രട്ടറി പി.മുനീർ മാസ്റ്റർ, പഞ്ചായത്ത് കർഷക സംഘം പ്രസിഡണ്ട്  കെ.കെ. കുഞ്ഞമ്മദ് കുട്ടി, പൈക്കാട്ട് അമ്മദ് മാസ്റ്റർ, റഫീഖ് ടി.കെ, റഫീഖ് കക്കം വെള്ളി, ലത്തീഫ് മാസ്റ്റർ, മോമത്ത് മുഹമ്മദ് തങ്ങൾ, അസീസ് വരിക്കോളി തുടങ്ങിയവർ പങ്കെടുത്തു.

തൂണേരി : ഹരിതകേരളം മിഷന്‍റെ ഭാഗമായുള്ള  ഹരിത ഓഫീസ് നേട്ടം കൈവരിച്ച് തൂണേരി ഗ്രാമപഞ്ചായത്ത്. ഗ്രീന്‍ പ്രോട്ടോക്കോള്‍ പാലിക്കുന്ന ഓഫീസുകളെയാണ് ഇത്തരത്തില്‍ ഹരിത ഓഫീസുകളായി തിരഞ്ഞെടുത്തത്. പഞ്ചായത്ത് ഓഫീസ് കൂടാതെ പതിനൊന്ന് ഘടകസ്ഥാപനങ്ങളും ഈ നേട്ടം കൈവരിച്ചിട്ടുണ്ട്. തൂണേരി ഗ്രാമപഞ്ചായത്ത് ഹാളില്‍ നടന്ന ചടങ്ങില്‍ ഈ സ്ഥാപനങ്ങള്‍ക്കുള്ള സാക്ഷ്യപത്രം പ്രസിഡണ്ട് പി.ഷാഹിന കൈമാറി. കൂടാതെ  ക്ലീന്‍ കേരളയുടെ ഭാഗമായി നടന്ന പ്ലാസ്റ്റിക് നിര്‍മ്മാര്‍ജന പദ്ധതിയുടെ ഫണ്ട് ഹരിത കര്‍മ്മ സേന പ്രസിഡണ്ട്, സെക്രട്ടറി എന്നിവര്‍ക്ക് കൈമാറി. ചടങ്ങില്‍ സ്റ്റാന്‍റിംഗ് കമ്മിറ്റി ചെയര്‍പേഴ്സണ്‍മാരായ റജുല നിടുമ്പ്രത്ത്, സുധ സത്യന്‍ വാര്‍ മെമ്പര്‍ കൃഷ്ണന്‍ കാനന്തേരി, രജില കിഴക്കും കരമ്മല്‍ സെക്രട്ടറി മോഹന്‍രാജ് വി.പി, വി.ഇ.ഒ മഹേഷ് തുടങ്ങിയവര്‍ പങ്കെടുത്തു.

നാദാപുരം: നാദാപുരം പഞ്ചായത്ത് പത്തൊമ്പതാം വാർഡിൽ മഹാത്മാ ഗാന്ധി തൊഴിലുറപ്പ് പദ്ധതിയിൽ ഉൾപ്പെടുത്തി. കോൺഗ്രീറ്റ് പൂർത്തിയാക്കിയ കിടക്ക തലയണ റോഡ് നാദാപുരം ഗ്രാമ പഞ്ചായത്ത്‌ പ്രസിഡന്റ് വിവി മുഹമ്മദലി ഉദ്ഘാടനം ചെയ്തു. വാർഡ് മെമ്പർ  അബ്ബാസ് കണേക്കൽ അത്യക്ഷത വഹിച്ചു.  സ്റ്റാൻഡിങ് കമ്മിറ്റി ചെയന്മാരായ സികെ നാസർ, എംസി സുബൈർ, ഗ്രാമ പഞ്ചായത്ത്‌ അംഗം പി.പി ബാലകൃഷ്ണൻ  തുടങ്ങിയവർ പങ്കെടുത്തു.

കുറ്റ്യാടി: പ്രസ്സ് ഫോറം ഭാരവാഹിയും, ചന്ദ്രിക ദിനപത്രം റിപ്പോർട്ടറും, മുസ്ലിം ലീഗിൻ്റെ സമുന്നത നേതാവുമായ ഏ.പി.മൊയ്തു മാസ്റ്ററെ  കുറ്റ്യാടി പ്രസ്സ് ഫോറം അനുസ്മരിച്ചു. വ്യാപാര ഭവനിൽ ചേർന്ന അനുസ്മരണ യോഗത്തിൽ പി.എം അഷ്റഫ് സ്വാഗതം പറഞ്ഞു.ശ്രീജേഷ് ഊരത്ത് അധ്യക്ഷത വഹിച്ചു. സി.വി.മൊയ്തു മാസ്റ്റർ അനുസ്മരണ പ്രഭാഷണം നടത്തി.സി.കെ. അബു, സി.പി.രഘുനാഥ്, കെ.മുകുന്ദൻ, പി.സി.രാജൻ, അർജുനൻ ,ടി.സി.അജ്മൽ, മുഹമ്മദലി, ഷക്കീർ , ഷമീർ പൂമുഖം ,ആർ കെ സുഗുണൻ,എന്നിവർ സംസാരിച്ചു. റസാക്ക് പാലേരി അനുശോചന പ്രമേയം അവതരിപ്പിച്ചു.

നാദാപുരം: ആസന്നമായ നിയമ സഭാ തെരഞ്ഞെടുപ്പിന് പാർട്ടി അണികളെ സജ്ജരാക്കാനുള്ള പുതിയ പദ്ധതികൾ രൂപപ്പെടുത്താനായി   നിയോജക മണ്ഡലം മുസ്ലിം ലീഗ് നേതൃ ക്യാമ്പ് തുടങ്ങി. പേരോട് എം ഐ എം ഓഡിറ്റോറിയത്തിൽ നടന്ന ക്യാമ്പ് ജില്ലാ വൈസ് പ്രസിഡണ്ട് അഹമ്മദ് പുന്നക്കൽ ഉദ്ഘാടനം ചെയ്തു.
മണ്ഡലം പ്രസിഡണ്ട് സൂപ്പി നരിക്കാട്ടേരി അധ്യക്ഷത വഹിച്ചു. ജനറൽ സെക്രട്ടറി 
എൻ കെ മൂസ മാസ്റ്റർ സ്വാഗതം പറഞ്ഞു. 
അബ്ദുല്ല വയലോളി, മുഹമ്മദ് ബംഗ്ലത്ത്, ടി കെ അഹമ്മദ് മാസ്റ്റർ, വി പി കുഞ്ഞബ്ദുല്ല, ടി എം വി ഹമീദ്, അഹമ്മദ് കുറുവയിൽ, എം കെ മജീദ്, ടി കെ ഖാലിദ്, കെ കെ നവാസ് പ്രസംഗിച്ചു.

നാദാപുരം: വർദ്ധിച്ചുവരുന്ന  ഗാർഹിക വൈദ്യുത ഉപഭോഗം കുറയ്ക്കുന്നതിന് നാദാപുരം ഗ്രാമപഞ്ചായത്തിൽ  ഫിലമെന്റ്‌ രഹിത പദ്ധതി ആരംഭിച്ചു.  കെ.എസ്‌.ഇ.ബിയുടെ സഹകരണത്തൊടെ ഓരോ വീട്ടിലും 20 എൽ.ഇ.ഡി ബൾബുകൾ സൗജന്യ നിരക്കിൽ വിതരണം ചെയ്യുന്നതാണ് പദ്ധതി. പഞ്ചായത്തിലെ മുഴുവൻ അങ്കണവാടികൾക്കും സൗജന്യമായി ബൾബ്‌ നൽകിക്കൊണ്ട്‌ പ്രസിഡന്റ്‌ വി.വി മുഹമ്മദലി ഉദ്ഘാടനം ചെയ്തു.
വൈസ് പ്രസിഡന്റ്‌ അഖില മാര്യാട്ട് അധ്യക്ഷയായി. കെ.എസ്.ഇ.ബി നാദാപുരം സബ്‌ ഡിവിഷൻ അസി. എക്സി. എഞ്ചിനീയർ കെ.കെ മുഹമ്മദ്‌ റിപ്പോർട്ട്‌ അവതരിപ്പിച്ചു.
സ്ഥിരം സമിതി ചെയർമാന്മാരായ സി.കെ നാസർ, എം.സി സുബൈർ, റീന കിണമ്പ്രെമ്മൽ, പി.പി ബാലകൃഷ്ണൻ, വിവിധ രാഷ്ട്രീയ പാർട്ടി പ്രതിനിധികളായ എം.പി സൂപ്പി, സി.വി കുഞ്ഞികൃഷ്ണൻ, തയ്യിൽ ചാത്തു, പി. ചാത്തു, കെ.ടി.കെ ചന്ദ്രൻ, കരിമ്പിൽ ദിവാകരൻ, ടി. രാജീവൻ, ബിവീഷ് കുമാർ, രവീന്ദ്രൻ, എം. പ്രേമൻ, പി.ടി ശ്രീനാഥ്‌ സംസാരിച്ചു.

നാദാപുരം: നരിക്കാട്ടേരി ശാഖാ മുസ്ലിം യൂത്ത് ലീഗ് സമ്മേളനം നിയോജക മണ്ഡലം മുസ്ലിം ലീഗ് പ്രസിഡണ്ട് സൂപ്പി നരിക്കാട്ടേരി ഉദ്‌ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് വി വി മുഹമ്മദലി, വാർഡ് മെമ്പർ എ കെ സുബൈർ മാസ്റ്റർ എന്നിവർക്ക് സ്വീകരണം നൽകി. വി ഷംസീർ മാസ്റ്റർ അധ്യക്ഷനായി. 
മുഹമ്മദ് ബംഗ്ലത്ത്, എം പി സൂപ്പി, സുബൈർ ചേലക്കാട്, വലിയാണ്ടി ഹമീദ്, സി കെ നാസർ, വി അബ്ദുൽ ജലീൽ തുടങ്ങിയവർ പ്രസംഗിച്ചു. സാലിം തങ്ങൾ സ്വാഗതവും സുഹൈൽ നന്ദിയും പറഞ്ഞു. 

നാദാപുരം: കെ.പി.എസ്.ടി.എ ഗുരുസ്പർശം പരിപാടിയുടെ ഭാഗമായി  നല്കി വരുന്ന കുട്ടികൾക്കുള്ള പഠനോപകരണ കിറ്റ്  തൂണേരി ബി.ആർ.സി പരിധിയിലെ പ്രത്യേക പരിഗണന അർഹിക്കുന്ന കുട്ടികൾക്ക് വിതരണം ചെയ്തു. 
വടകര വിദ്യാഭ്യാസ ജില്ല പ്രസിഡന്റ് 
പി .രഞ്ജിത് കുമാർ. ബി.പി.സി.മനോജ് കുമാറിന് കൈമാറി. കെ.പി.മൊയ്തു അധ്യക്ഷനായി.  ബ്രാഞ്ച് പ്രസിഡന്റ് ഇ.പ്രകാശൻ., സബ്ബ് ജില്ല വൈസ് പ്രസി.പി.  കെ. മിനി, റംല ടീച്ചർ  സുജിത്ത് എന്നിവർ പ്രസംഗിച്ചു.

കുറ്റ്യാടി: പ്രതിപക്ഷ നേതാവ് രമേഷ് ചെന്നിത്തല നയിക്കുന്ന ഐശ്വര്യ കേരള യാത്രക്ക് ഫെബ്രുവരി 4 ന്  തൊട്ടിൽ പാലത്ത് സ്വീകരണം നൽകും. 
പരിപാടി ഉജ്വല വിജയമാക്കുന്നതിന്റെ ഭാഗമായി നടന്ന പ്രവർത്തക സംഗമം പൈക്കളങ്ങാടി മദ്റസാ പരിസരത്ത് കെ പി സി സി ജനറൽ സെക്രട്ടറി അഡ്വ. കെ പ്രവീൺ കുമാർ ഉദ്ഘാടനം ചെയ്തു. 
നിയോജക മണ്ഡലം ചെയർമാൻ  അഹമ്മദ് പുന്നക്കൽ അധ്യക്ഷനായി.   സൂപ്പി നരിക്കാട്ടേരി, സി വി കുഞ്ഞികൃഷ്ണൻ, കെ പി രാജൻ, അബ്ദുല്ല വയലോളി, പി കെ ഹബീബ്, പി എം ജോർജ്, അഡ്വ.  എ സജീവൻ, കോരങ്കോട്ട് മൊയ്തു,  കെ പി 
അമ്മദ്, മോഹനൻ പാറക്കടവ്, അഹമ്മദ് കുറുവയിൽ, പി കെ ദാമു മാസ്റ്റർ, ടി എം വി ഹമീദ്,  , നസീർ വളയം, എം കെ അഷ്റഫ്, ഫായിസ് ചെക്യാട്, മണക്കര സൂപ്പി, കോടികണ്ടി മൊയ്തു, കെ സി ബാല കൃഷ്ണൻ, സി എച്ച് സെയ്തലവി   തുടങ്ങിയവർ പ്രസംഗിച്ചു. പരിപാടിയുടെ വിജയത്തിനായി വിപുലമായ സ്വാഗത സംഘത്തിന് രൂപം നൽകി.

വാണിമേൽ:  ഗ്രാമ പഞ്ചായത്തിലെ  
ഏയ്യാറ്റിൽ താഴെ മുളിവയൽ റോഡിന്റെ പ്രവൃത്തി ഉൽഘാടനം പ്രസിഡണ്ട് പി സുരയ്യ  നിർവ്വഹിച്ചു. വാർഡ് മെമ്പർ വി.കെ മൂസ്സ  അധ്യക്ഷത വഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ മുഫീദ റാഷിദ് കെ.ടി.കെ, പഞ്ചായത്ത് മെമ്പർ  എം.കെ മജീദ്, റോഡ് നിർമ്മാണ കമ്മിറ്റി ചെയർമാൻ യൂനുസ് മുളിവയൽ, കൺവീനർ റിയാസ് ടി വി, പൊയിൽ കണ്ടി മമ്മു, റാഷിദ് കെ.ടി.കെ, അഹ്മദ് കുട്ടി വി.പി, റജ്നാസ് കൊമ്മോടൻകണ്ടി, റഊഫ് , അമ്മദ് ഹാജി ചാമ, കുഞ്ഞാലി സി.പി, അനസ് കെ.പി സംബന്ധിച്ചു.

വാണിമേൽ : ക്വാറി മാഫിയയിൽ നിന്ന്  ചിറ്റാരി മല സംരക്ഷിക്കാൻ ഡി വൈ എഫ് ഐ  പ്രതിക്ഷേധ ജ്വാല തെളിഞ്ഞു. ഇന്ന് സായം സന്ധ്യയോടെയാണ് നൂറുക്കണക്കിന് പ്രവർത്തകർ ജ്വാല തെളിയിച്ചത്.
അജിത്‌ സി പിയുടെ അധ്യക്ഷതയിൽ നടന്ന ചടങ്ങ് ഡി വൈ എഫ് ഐ ജില്ലാ പ്രസിഡന്റ്‌ എൽ ജി ലിജേഷ് ഉത്ഘാടനം ചെയ്തു. പി കെ ബാലകൃഷ്ണൻ, എൻ പി വാസു, ടി അഭീഷ് , രാഹുൽ രാജ്  തുടങ്ങിയവർ സംസാരിച്ചു.

വാണിമേൽ: ഇന്നലെ രാവിലെ കാണാതായ വിദ്യാർത്ഥിയെ ബാംഗ്ലൂരിൽ കണ്ടെത്തി. കുയ്തേരി സ്വദേശി മുഹ്സിനെയാന്ന് കണ്ടെത്തിയത്.  ഇന്നലെ രാവിലെ വീട്ടിൽ നിന്നിറങ്ങിയ മുഹ്സിൻ രാത്രിയായിട്ടും തിരിച്ചെത്താത്തതിനെ തുടർന്ന് ബന്ധുക്കളും നാട്ടുകാരും അന്വേഷണം നടത്തിയെങ്കിലും കണ്ടെത്താനായില്ല.  തുടർന്ന്  രക്ഷിതാക്കൾ പൊലീസിൽ പരാതിപ്പെടുകയും സോഷ്യൽ മീഡിയ വഴി വിദ്യാർത്ഥിയുടെ ഫോട്ടോ പ്രചരിക്കുകയും ചെയ്തിരുന്നു. ഇതിനിടയിലാണ് ഇന്ന് രാത്രിയോടെ ബാംഗ്ലൂരിൽ കണ്ടതായി വിവരം ലഭിച്ചത്.

വാണിമേൽ  : ക്രസന്റ് ഹൈസ്കൂൾ  2001 എസ്എസ്എൽസി ബാച്ച്  രണ്ടു പതിറ്റാണ്ട് പിന്നിടുന്നതിൻ്റെ ഭാഗമായി ഖത്തറിൽ ഒത്തുചേർന്നു. ദോഹയിലെ   വിവിധ മേഖലകളിൽ ജോലി ചെയ്യുന്ന  ആ പഴയ  കളികൂട്ടുകാർ   ഗതകാല സ്മരണകൾ അയവിറക്കിയ സായാഹ്നം നവ്യാനുഭവമായി.  നാടിൻറെ വിദ്യാഭ്യാസ പുരോഗതിക്കാവശ്യമായ വിവിധ പദ്ധതികൾ നടപ്പിലാക്കാനുള്ള തീരുമാനവുമായാണ് ഇവർ പിരിഞ്ഞത്.  
ഇല്യാസ് കേളോത്ത് ‌ അധ്യക്ഷത വഹിച്ചു.  ഹാരിസ് പുത്തൻ പീടികയിൽ ഉദ്ഘാടനം നിർവഹിച്ചു. പി കെ  ഷാനവാസ്, എ കെ സമീർ, സി വി ഷുഹൈബ്, മുഹമ്മദ് നിരത്തുമ്മൽ, ഷഫീഖ് പുതുശേരി , നൗഷിർ വാൻ , സമീർ അലി 
എന്നിവർ സംസാരിച്ചു.

നാദാപുരം : വോളി കുമ്മങ്കോട് സംഘടിപ്പിച്ച കുമ്മങ്കോട് പ്രീമിയർ ലീഗ് ഫുട്ബോൾ മേള നാദാപുരം പാസോസ് ടർഫ് ഫീൽഡിൽ
നാദാപുരം പഞ്ചായത്ത് മുസ്ലിം യൂത്ത് ലീഗ് പ്രസിഡന്റും, വോളീബോൾ താരവുമായ റഫീഖ് കക്കംവെള്ളി ഉദ്ഘാടനം ചെയ്‌തു.  എട്ട് ടീമുകളിലായി
അറുപതോളം പേരാണ് ടൂർണമെന്റിൽ മാറ്റുരക്കുന്നത്.
പികെ റാഷിദ്‌, നയീം ഇല്ലത്ത്,
ഉനൈസ് സി.കെ, റംഷിദ്‌ കെ.കെ, അഫ്സൽ കെ.കെ,  ഹാരിസ് തറവീട്ടിൽ, ഹാരിസ് ഇല്ലത്ത്, നവാസ് കുനിയിൽ, റിയാസ് ബംഗ്ലത്ത്, ഷഹീർ മത്തത്ത്,  ഖാലിദ് ടി.വി, ഉനൈസ് ഇല്ലത്ത്, സാബിർ കെ.കെ തുടങ്ങിയവർ നേതൃത്വം നൽകി.

നാദാപുരം:  പെരുവൻകര- ജാതിയേരി പാലത്തിന്റെ കൈവരികൾ സാമൂഹിക ദ്രോഹികൾ  മുറിച്ചു മാറ്റിയതായി പരാതി,  കഴിഞ്ഞദിവസം  രാത്രി വൈകിയ സമയത്ത് പാലത്തിന്മേൽ അപരിചിതരായ രണ്ടു പേരെ കണ്ടെന്നും  നാട്ടുകാരെ കണ്ടതോടെ ഇവർ ഭയന്ന് ഓടിയെന്നും  പ്രദേശവാസികൾ പറയുന്നു. പാലം അപകടനിലയിലാണ്. നാട്ടുകാർക്ക് തന്നെ ഭീഷണിയായ ഈ സാമൂഹിക ദ്രോഹികളെ കണ്ടെത്തണമെന്ന്  നാദാപുരം ഗ്രാമ പഞ്ചായത്ത് വൈസ് പ്രസിഡണ്ട്  അഖില മര്യാട്ട്  ആവശ്യപ്പെട്ടു

നാദാപുരം: കേന്ദ്ര സംസ്ഥാന സർക്കാറുകളുടെ ജനവിരുദ്ധ നയങ്ങൾക്കെതിരെ നാദാപുരം നിയോജക മണ്ഡലം യു ഡി എഫ് കമ്മിറ്റിയുടെ ആഭിമുഖ്യത്തിൽ നാദാപുരത്ത് സായാഹ്ന ധർണ്ണ നടത്തി. പാറക്കൽ അബ്ദുല്ല എം എൽ എ ധർണ്ണ ഉദ്ഘാടനം ചെയ്തു. മണ്ഡലം ചെയർമാൻ അഹമ്മദ് പുന്നക്കൽ അധ്യക്ഷനായി. കെ പി സി സി നിർവാഹക സമിതി അംഗം സി വി കുഞ്ഞികൃഷ്ണൻ, മണ്ഡലം ലീഗ് പ്രസിഡണ്ട് സൂപ്പി നരിക്കാട്ടേരി, കേരള കോൺഗ്രസ് ജില്ലാ സെക്രട്ടറി പി എം ജോർജ്, ഡി സി സി ഭാരവാഹികളായ പി കെ ഹബീബ്, മോഹനൻ പാറക്കടവ്, ആവോലം രാധാകൃഷ്ണൻ, മണ്ഡലം ലീഗ് ഭാരവാഹികളായ മുഹമ്മദ് ബംഗ്ലത്ത്, ടി എം വി ഹമീദ്, അഹമ്മദ് കുറുവയിൽ, എം പി സൂപ്പി  തുടങ്ങിയവർ പ്രസംഗിച്ചു.
കൺവീനർ അഡ്വ. എ സജീവൻ സ്വാഗതം പറഞ്ഞു. പി കെ ദാമു , എം കെ അഷ്റഫ്, വി വി റിനീഷ്, അഷ്റഫ് പൊയ്ക്കര, കോടികണ്ടി മൊയ്തു, വലിയാണ്ടി ഹമീദ്, നസീർ വളയം, സി കെ നാസർ തുടങ്ങിയവർ നേതൃത്വം നൽകി.

നാദാപുരം: എടച്ചേരി പഞ്ചായത്തിലെ കായപ്പനച്ചി ഒന്നാം ബൂത്തിൽ യു ഡി എഫ് അനുകൂല വോട്ടുകൾ പട്ടികയിൽ ചേർത്തില്ലെന്ന യു ഡി എഫ് നേതാക്കളുടെ ആരോപണം അടിസ്ഥാന രഹിതമാണെന്ന് ബി എൽ ഒയും സി പി എം ലോക്കൽ സെക്രട്ടറിയുമായ ടി അനിൽകുമാർ പറഞ്ഞു. 
താൻ ക്വാറൻറയിനിൽ കഴിയുന്ന സമയത്ത് ബൂത്തുകൾ ഏതെന്ന് മനസിലാകാത്ത ചില അപേക്ഷകൾ യഥാ സമയം സമർപിക്കാൻ കഴിഞ്ഞില്ലെന്ന കാര്യം ശരിയാണ്. അതിൽ എല്ലാ മുന്നണികളുടെയും വോട്ടുകൾ ഉണ്ടെന്നും ഇക്കാര്യത്തിൽ രാഷ്ട്രീയ ലക്ഷ്യമില്ലെന്നും മറിച്ചുള്ള പ്രചാരണത്തിൽ കഴമ്പില്ലെന്നും അദ്ദേഹം വ്യക്തമാക്കി.

നാദാപുരം: നിയോജക  മണ്ഡലത്തിൽ  നിയമസഭാ തെരഞ്ഞെടുപ്പ് അട്ടിമറിക്കാൻ ഇടതു മുന്നണി ശ്രമം  നടത്തുകയാണെന്ന്   നിയോജക മണ്ഡലം യു ഡി എഫ് നേതാക്കൾ വാർത്താ സമ്മേളനത്തിൽ അറിയിച്ചു.  സി പി എം പ്രാദേശിക നേതാക്കൾ അടക്കമുള്ളവരെയാണ് പലയിടത്തും ബി എൽ ഒ മാരായി നിയമിച്ചിരിക്കുന്നത്. ഇവരെ  ഉപയോഗപ്പെടുത്തിയാണ്  ഇടത് വിരുദ്ധ വോട്ടുകൾ പട്ടികയിൽ ചേർക്കാതിരിക്കാൻ ശ്രമിക്കുന്നത്. 
എടച്ചേരി പഞ്ചായത്തിലെ കായപ്പനച്ചി ഒന്നാം ബൂത്തിൽ അർഹരായ 27 യു ഡി എഫ് അനുകൂലികളുടെ വോട്ടുകൾ പട്ടികയിൽ ഉൾപ്പെടുത്തിയിട്ടില്ല. സി പി എം ലോക്കൽ സെക്രട്ടറിയും ഇരിങ്ങണ്ണൂർ ഹയർ സെക്കണ്ടറി സ്‌കൂളിലെ അധ്യാപകനുമായ ടി അനിൽകുമാറാണ് ഇവിടെ ബി എൽ ഒ ആയി പ്രവർത്തിക്കുന്നത്. ഇദ്ദേഹത്തിന്റെ നടപടി ഭരണഘടനാ വിരുദ്ധവും ജനാധിപത്യ ധ്വംസനവുമാണ്. 
രാജ്യ ദ്രോഹപരാമായ ഈ നടപടിക്കെതിരെ തെരഞ്ഞെടുപ്പ് കമ്മീഷനും ജില്ലാ കളൿടർക്കും പരാതി നൽകിയിട്ടുണ്ട്. വേണ്ടി വന്നാൽ മനുഷ്യാവകാശ കമ്മീഷനെ സമീപിക്കുമെന്നും യു ഡി എഫ് നേതാക്കൾ പറഞ്ഞു. നാദാപുരം പ്രസ്  ഫോറം ഓഫീസിൽ നടന്ന  വാർത്താസമ്മേളനത്തിൽ നിയോജക മണ്ഡലം ചെയർമാൻ അഹമ്മദ് പുന്നക്കൽ,  കൺവീനർ അഡ്വ. എ സജീവൻ, തെരഞ്ഞെടുപ്പ് സബ് കമ്മിറ്റി ചെയർമാൻ  
സൂപ്പി നരിക്കാട്ടേരി, കൺവീനർ  പി കെ ദാമുമാസ്റ്റർ എന്നിവർ പങ്കെടുത്തു.

തൂണേരി: തൊഴിലുറപ്പ് മേറ്റിനെ മാറ്റിയതിനെ ചൊല്ലി തൂണേരി പഞ്ചായത്തിൽ വാക്കേറ്റം. കഴിഞ്ഞ ഭരണ സമിതി യോഗത്തിൽ പഞ്ചായത്തിലെ മുഴുവൻ മേറ്റുമാരെയും മാറ്റാൻ തീരുമാനിച്ചിരുന്നു. ഇതിന്റെ ഭാഗമായി ഒന്നാം വാർഡിലെ മേറ്റിനെ മാറ്റിയത് സി.പി.എം നേതാക്കൾ ചോദ്യം ചെയ്യുകയായിരുന്നു. ഗ്രാമപഞ്ചായത്ത് ഓഫീസിലെത്തിയ സംഘം തൊഴിലുറപ്പ് അസി.എഞ്ചിനീയർ അനുശ്രീ, ഓവർസിയർ വിദ്യ എന്നിവർക്കെതിരെ തട്ടിക്കയറിയെന്നും കയ്യേറ്റം ചെയ്തതായുമാണ് പഞ്ചായത്ത് അധികൃതർ പറയുന്നത്. സംഭവത്തിൽ പഞ്ചായത്ത് സെക്രട്ടറി പോലീസിൽ പരാതി നൽകി.
അതേസമയം, രാഷ്ട്രീയ വൈരാഗ്യം മൂലമാണ് മേറ്റിനെ നീക്കം ചെയ്തതെന്നും ഇത് അംഗീകരിക്കാനാവില്ലെന്നും ജീവനക്കാരെ കയ്യേറ്റം ചെയ്തെന്നത് വാസ്തവ വിരുദ്ധമാണെന്നും സി.പി.എം പറയുന്നു.

നാദാപുരം: ഗ്രാമപഞ്ചയാത്ത് വാർഷിക പദ്ധതിയിൽ ഉൾപ്പെടുത്തി നിർമ്മിച്ച പത്തൊമ്പതാം വാർഡിലെ കസ്തൂരിക്കുളം - ചിറയ്ക്കൽ മുക്ക്‌ റോഡ്‌ പ്രസിഡന്റ്‌ വി.വി മുഹമ്മദലി ഉദ്ഘാടനം ചെയ്തു. വൈസ് പ്രസിഡന്റ് അഖില മാര്യാട്ട്, വികസനകാര്യ സ്ഥിരം സമിതി ചെയർമാൻ സി.കെ നാസർ, വാർഡ് മെംബർ കണേക്കൽ അബ്ബാസ് തുടങ്ങിയവർ പങ്കെടുത്തു.

നാദാപുരം: ഗ്രാമ പഞ്ചായത്തിൽ അടുത്ത അഞ്ചു വർഷക്കാലത്തെ തൊഴിലുറപ്പ് പ്രവർത്തികളുടെ രൂപരേഖ  കണ്ടെത്തി ആവശ്യമായ നിർദ്ദേശങ്ങൾ നല്കുന്നതിന്നു വേണ്ടി തെരെഞ്ഞെടുക്കപ്പെട്ട വാർഡ് തല എന്യുമറേറ്റര്മാർക്കുള്ള ശ്ലിപശാല നടത്തി. ഓരോ വാർഡിൽ നിന്നും 5 പേരാണ് ശില്പശാലയിൽ പങ്കെടുത്തത്. 
പ്രസിഡന്റ് വി വി മുഹമ്മദലി ഉദ്ഘാടനം ചെയ്തു. വൈസ് പ്രസിഡന്റ് അഖില മര്യാട്ട് അധ്യക്ഷത വഹിച്ചു . വികസന സ്റ്റാന്റിംഗ് കമ്മിറ്റി ചെയർമാൻ സി കെ നാസർ സ്വാഗതം പറഞ്ഞു. സ്ഥിരം സമിതി ചെയർ പേഴ്സൺമാരായ റീന കിണംബറേമ്മൽ , എം സി സുബൈർ , അസിസ്റ്റന്റ് സെക്രട്ടരി പ്രേമാനന്തൻ , തൊഴിലുറപ്പ് ഉദ്യോഗസ്തന്മരയ മുഹമ്മദ് , പ്രജിത്ത് , ഷംനാദ് എന്നിവർ സംസാരിച്ചു.

കല്ലാച്ചി:  കേന്ദ്ര സർക്കാറിന്റെ തൊഴിലാളി ദ്രോഹ കർഷക വിരുദ്ധ നയങ്ങൾക്കെതിരെ അണിനിരക്കണമെന്ന ആഹ്വാനവുമായി സി.ഐ.ടി.യു ജില്ലാ പ്രസിഡണ്ട് മാമ്പറ്റ ശ്രീധരൻ നയിക്കുന്ന പ്രചരണ ജാഥയ്ക്ക് കല്ലാച്ചിയിൽ സ്വീകരണം നൽകി. എ.മോഹൻദാസ് അദ്ധ്യക്ഷത വഹിച്ചു. പി.പി.പ്രേമ, വി.പി കുഞ്ഞികൃഷ്ണൻ , സന്തോഷ് എന്നിവർ സംസാരിച്ചു കെ.വി ഗോപാലൻസ്വാഗതം പറഞ്ഞു.

തൂണേരി:  ഗ്രാമപഞ്ചായത്ത് രണ്ടു ഘട്ടങ്ങളിലായി   വിജയകരമായി നടത്തിയ തെളിമയാർന്ന തൂണേരി പദ്ധതിയുടെ മൂന്നാംഘട്ട പ്രവർത്തനങ്ങൾക്ക് തുടക്കമായി. ഇതിൻറെ ഭാഗമായി അജൈവ പാഴ് വസ്തുക്കൾ ക്ലീൻ കേരള കമ്പനിക്ക് കൈമാറി.  ഗ്രാമപഞ്ചായത്ത് ഹരിത കർമ്മ സേനയുടെ നേതൃത്വത്തിൽ പതിനഞ്ച് വാർഡുകളിൽ നിന്നും ശേഖരിച്ച അജൈവ പാഴ്വസ്തുക്കൾ ആണ്  കൈമാറിയത്. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സുധ സത്യന്റെ അധ്യക്ഷതയിൽ  ഗ്രാമപഞ്ചായത്ത് പ്രസിഡണ്ട് പി ഷാഹിന ഫ്ലാഗ് ഓഫ് ചെയ്തു.  വൈസ് പ്രസിഡണ്ട് മധുമോഹൻ , ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വളപ്പിൽ കുഞ്ഞമ്മദ് മാസ്റ്റർ, മെമ്പർമാരായ ടി എൻ രഞ്ജിത്ത്, രജില കിഴക്കുംകരമൽ . ഫൗസിയ സലീം എംസി , ലിഷ കുഞ്ഞിപ്പുരയിൽ, അസിസ്റ്റൻറ് സെക്രട്ടറി മീന ,   കുടുംബശ്രീ മിഷൻ മെന്റർ റീന പി കെ  എന്നിവർ സംസാരിച്ചു.

 വടകര: തിരുവള്ളൂരിൽ പ്രവർത്തിക്കുന്ന  ആയുര്‍ദര്‍ശന്‍ ചികിത്സാലയം കേന്ദ്രീകരിച്ച് 'അമ്മയും കുഞ്ഞും' ചികിത്സാ പദ്ധതി.പ്രസവാനന്തരം അമ്മയുടെയും കുഞ്ഞിന്റെയും പരിചരണം എങ്ങിനെ എന്ന ആശങ്കക്ക് പരിഹാരമായുള്ള പദ്ധതി    22 ന് ആരംഭിക്കുമെന്ന് ആശുപത്രി അധികൃതര്‍  അറിയിച്ചു. പരിചയ സമ്പന്നരായ ആയമാരെ കിട്ടുന്നില്ലെന്ന ആശങ്കയുമായി എത്തുന്ന കുടുംബാംഗങ്ങളുടെ അഭ്യര്‍ഥന മാനിച്ചാണ് പുതിയ പദ്ധതിക്ക് തയ്യാറെടുക്കുന്നതെന്ന് ചീഫ് മെഡിക്കല്‍ ഓഫിസര്‍ ഡോ. ആര്‍.വി.ആര്യമിത്ര പറഞ്ഞു.
ആയുര്‍വേദ ഗ്രന്ഥങ്ങളില്‍ പ്രതിപാദിച്ച ചികിത്സാ രീതികള്‍ അവലംബിച്ച് പരിശീലനം സിദ്ധിച്ച മെഡിക്കല്‍ ടീം ചികിത്സാലയത്തില്‍ വരുന്നവര്‍ക്കും 10 കിലോമീറ്റര്‍ ചുറ്റളവില്‍ താമസിക്കുന്നവരുടെ സൗകര്യാര്‍ഥം വീട്ടിലെത്തിയും പരിചരണം നല്‍കും.

കുറ്റ്യാടി: കായക്കൊടി ഗ്രാമ പഞ്ചായത്തിൽ 
സ്റ്റാൻ്റിംങ്ങ് കമ്മറ്റി ചെയർമാൻ തെരഞ്ഞെടുപ്പിൽ ലീഗ് മെമ്പർ വിട്ടു നിന്നത് മണ്ഡലം നേതാവിന്റെ ഇടപെടലിനെ തുടർന്നാണെന്ന് ബോധ്യമായതോടെ   പഞ്ചായത്ത് ലീഗ് ഭാരവാഹികൾ രാജി വെച്ചു. ഇന്നലെ നടന്ന വികസന സ്റ്റാൻ്റിംങ്ങ് കമ്മറ്റി ചെയർമാൻ തെരഞ്ഞെടുപ്പിൽ 
യു ഡി എഫ്  മത്സരിപ്പിക്കാൻ തീരുമാനിച്ചയാൾക്ക് വോട്ട് ചെയ്യണമെന്ന പഞ്ചായത്ത് മുസ്ലിം ലീഗ് പ്രവർത്തക സമിതി തീരുമാനത്തിന് വിരുദ്ധമായി മെമ്പർ എം.ടി. കുഞ്ഞബ്ദുല്ല വിട്ടു നിൽക്കുകയായി രുന്നു. മണ്ഡലം വൈസ്  പ്രസിഡണ്ട് വി.പി. കുഞ്ഞബ്ദുല്ല മാസ്റ്ററുടെ നിർദ്ദേശ പ്രകാരമാണ് തെരഞ്ഞെടുപ്പിൽ നിന്ന് വിട്ടു നിന്നതെന്ന് സോഷ്യൽ മീഡിയയിലൂടെ മെമ്പർ വെളിപ്പെടുത്തിയിരുന്നു.
ഈ സാഹചര്യത്തിലാണ് 
പഞ്ചായത്ത് ലീഗ് കമ്മറ്റി ഒന്നടങ്കം  രാജിവെക്കാൻ തീരുമാനിച്ചതെന്ന് ഭാരവാഹികൾ പറഞ്ഞു. സ്ഥാനാർത്ഥി നിർണയം മുതൽ ലീഗിൽ ഉടലെടുത്ത പ്രശ്നങ്ങളാണ് പഞ്ചായത്ത് ഭരണം 
വരെ നഷ്ടപ്പെടാൻ കാരണമായത്. 
മൂന്നു വട്ടം മത്സരിച്ചവർ വീണ്ടും മത്സരിക്കരുതെന്ന സംസ്ഥാന കമ്മറ്റിയുടെ തീരുമാനത്തിൽ പ്രതിഷേധിച്ച് മുൻനിര നേതാക്കളെ വെട്ടിനിരത്തി അപ്രസക്തരായവരെ സ്ഥാനാർത്ഥികളാക്കി മത്സരിപ്പിക്കുന്നതിൽ 
ഈ മണ്ഡലം നേതാവിൻ്റെ ഇടപെടലുകൾ നേതൃത്വത്തിന് തന്നെ ബോധ്യമായതാണ്. മണ്ഡലം പാർലമെൻ്ററി ബോർഡിൻ്റെ നിർദ്ദേശം പോലും അവഗണിച്ചു കൊണ്ടാണ് ഇയാൾ സ്ഥാനാർത്ഥി നിർണയത്തിൽ പ്രവർത്തിച്ചതത്രെ . ഇദ്ധേഹത്തിനെതിരെ സോഷ്യൽ മീഡിയയിൽ വൻ പ്രചരണമാണ് നടക്കുന്നത്.

നാദാപുരം: 'ഹരിത സമൃദ്ധമാക്കാം നാടും വീടും' എന്ന സന്ദേശത്തോടെ നാദാപുരം ഗ്രാമ പഞ്ചായത് നടത്തിയ ശില്പശാല ശ്രദ്ധേയമായി. പഞ്ചായത്തിലെ സർക്കാർ സ്ഥാപനങ്ങളും സ്കൂളൂകളും ഹരിത ഓഡിറ്റിനു വിധേയമാക്കി ഹരിത സ്ഥാപനങ്ങളാക്കുന്നതിൻ്റെ മുന്നോടിയായാണ് ശില്പശാല സംഘടിപ്പിച്ചത്.  ജനുവരി 26 ആവുമ്പോഴേക്കും പഞ്ചായത്തിലെ മുഴുവൻ സർക്കാർ സ്ഥാപനങ്ങളും പ്രകൃതി സൗഹൃദമാക്കുകയാണ് ലക്ഷ്യം എന്ന് പ്രസിഡണ്ട് വി.വി.മുഹമ്മദലി ഉദ്ഘാടന പ്രസംഗത്തിൽ പറഞ്ഞു. സ്ഥാപന മേധാവികൾക്കും, ഹരിതസേന അംഗങ്ങൾക്കും, അങ്കണവാടി പ്രവർത്തകർക്കും ഹരിത ഗ്രാമത്തിൻ്റെ ആവശ്യകതയെപ്പറ്റി ഹരിതകേരള മിഷൻ ജില്ലാ കോ ഓഡിനേറ്റർ പ്രകാശ് - പി. മുഖ്യ പ്രഭാഷണം നടത്തി. സംസ്ഥാന സർക്കാരിൻ്റെ 10000 ഓഫീസുകൾ ജനു.26നു ഗ്രീൻ ഓഫീസാക്കി മാറ്റും എന്ന പ്രഖ്യപനത്തിനു പിന്നാലെയാണ് നാദാപുരം പഞ്ചായത്തും ഈ പദ്ധതി ഏറ്റെടുത്തത്. പഞ്ചായത്ത് പ്രദേശത്തെ തരം തിരിച്ച മാലിന്യങ്ങൾ ക്ലീൻ കേരള കമ്പനിക്ക് നൽകാനും ധാരണയായി. വൈസ് പ്രസിഡണ്ട് അഖില മര്യാട്ട് അദ്ധ്യക്ഷത വഹിച്ച ചടങ്ങിൽ സ്റ്റാൻ്റിംഗ് കമ്മറ്റി ചെയർമാൻമാരായ സി.കെ.നാസർ, റീനകിണ ബ്രേമ്മൽ, എം.സി സുബൈർ മിഷൻ കോഡിനേറ്റർമാരായ കുഞ്ഞിരാമൻ, ജയൻ പൂക്കാട്, സി.ഡി.എസ് ചെയർപേഴ്സൺ റീജ പി.പി എന്നിവർ സംസാരിച്ചു. ചടങ്ങിനു സെക്രട്ടറി എം.പി.രജുലാൽ സ്വാഗതവും, അസി.സെക്രട്ടറി ടി.പ്രേമാനന്ദൻ നന്ദിയും പറഞ്ഞു

വടകര: ബി.ഡി.കെ കോഴിക്കോട് വടകരയുടെ നാലാം വാർഷികം സമുചിതമായി ആഘോഷിച്ചു. വാർഷികാഘോഷത്തോടനുബന്ധിച്ച് മൂന്ന് ദിവസം നീണ്ടു നിൽക്കുന്ന പരിപാടികൾ നടത്തി.  ഒന്നാം ദിവസം കോഴിക്കോട് കോട്ടപറമ്പ് സ്ത്രീകളുടെയും കുട്ടികളുടെയും ആശുപത്രിയിൽ  രക്തദാന ക്യാമ്പ് നടത്തി. രണ്ടാം ദിനത്തിൽ വയനാട്ടിലേക്ക് ബി.ഡി.കെ ജില്ലാ കോഡിനേറ്ററും മോട്ടിവേറ്ററുമായ ഫാത്തിമ അസ് ല യോടൊപ്പം യാത്ര ചെയ്തു ക്യാമ്പയിൻ നടത്തി , ബി.ഡി.കെ വടകരയുടെ വാർഷികാഘോഷത്തിൻ്റെ സമാപനമായി വടകര ടൗണിൽ രക്ത ദാന സന്ദേശവുമായി ബി.ഡി.കെ ടീമംഗങ്ങൾ സ്നേഹ സന്ദേശ റാലി നടത്തുകയും വടകര പുതിയ ബസ് സ്റ്റാൻ്റ് പരിസരത്ത് വെച്ച് രക്തദാന സന്ദേശമുള്ള കുറിപ്പുകളുള്ള ഹൈഡ്രജൻ ബലൂണുകൾ ആകാശത്തേക്ക് പറത്തുകയും ചെയ്തു. ബി.ഡി.കെ വടകര താലൂക്ക്  പ്രസിഡണ്ട് അൻസാർ ചേരാപുരത്തിൻ്റെ അധ്യക്ഷതയിൽ വത്സരാജ് മണലാട്ട് ഹൈഡ്രജൻ ബലൂൺ പറത്തി നാലാം വാർഷികം സമാപന പരിപാടി ഉദ്ഘാടനം ചെയ്തു.ബി ഡി കെ വടകര താലൂക്ക് കമ്മറ്റി ഭാരവാഹികളും കോഡിനേറ്റർമാരുമായ ബിജീഷ് ഒഞ്ചിയം, കബീർ, ഹസ്സൻ തോടന്നൂർ, അമൽജിത്ത് എൻ.എസ്, ശ്യാംജിത്ത്, ഫായിസ്, മുനീബ്, ശിൽപ, അനസ്, സനൂപ് തുടങ്ങിയവർ നേതൃത്വം നൽകി. രക്തദാന പ്രവർത്തനങ്ങൾക്കൊപ്പം ജീവകാരുണ്യ രംഗത്തും നിരവധി പ്രവർത്തനങ്ങൾ നാല് വർഷങ്ങളായി ബി.ഡി.കെ വടകര നടത്തിയിട്ടുണ്ട് സ്നേഹപുതപ്പ്, സ്നേഹസദ്യ, സ്നേഹ കിറ്റ് വിതരണം, കുട്ടികൾക്ക് പഠനോപകരണങ്ങൾ വിതരണം, ഭിന്നശേഷി ക്കാർക്കൊപ്പം ക്രിസ്ത്മസ് പുതുവത്സര ആഘോഷം എന്നിങ്ങനെ വിവിധ പരിപാടികൾ നടത്തിയിട്ടുണ്ട്.

നാദാപുരം: ഗവൺമെന്റ് താലൂക്ക് ആശുപത്രിയിൽ ആധുനിക രീതിയിലുള്ള ലാബ് നിർമ്മിക്കുന്നതിന് ആരോഗ്യ വകുപ് 50 ലക്ഷം രൂപ അനുവദിച്ചതായി ഇ .കെ.വിജയൻ എം.എൽ.എ. അറിയിച്ചു. ആരോഗ്യ വകുപ്പ് മന്ത്രി കെ.കെ.ശൈലജ ടീച്ചർക്ക് നൽക്കിയ നിവേദനത്തെ തുടർന്നാണ് തുക അനുവദിച്ചത്. ടെന്റർ നടപടി പൂർത്തിയാക്കി പ്രവൃത്തി ഉടൻ ആരംഭിക്കും. ആശുപത്രിയിൽ ഇ. ഹെൽത്ത് പദ്ധതിക്ക് എം.എൽ.എ. ഫണ്ടിൽ നിന്നും അനുവദിച്ച 50 ലക്ഷം രൂപയുടെ പ്രവൃത്തി ടെന്റർ നടപടി പൂർത്തിയാക്കി. ഗവൺമെന്റ ഏജൻസിയായ കെൽട്രോൺ ആണ് പ്രവൃത്തി നടത്തുന്നത്.

നാദാപുരം: ചെക്യാട് പഞ്ചായത്ത് രണ്ടാം വാർഡിലെ ഗ്രാമസേവാ കേന്ദ്രം പഞ്ചായത്ത് പ്രസിഡൻറ് നസീമ കൊട്ടാരത്ത് ഉദ്ഘാടനം ചെയ്തു. വാർഡ് മെമ്പർ കൂടിയായ  പഞ്ചായത്ത് വൈസ്പ്രസിഡന്റ് കെ.പി കുമാരൻ അധ്യക്ഷനായി.
അക്ഷയ കേന്ദ്രത്തിൽ  നിന്ന് ലഭ്യമാകുന്ന എല്ലാ ഓൺലൈൻ സേവനങ്ങളും ഈ കേന്ദ്രത്തിൽ  ലഭ്യമാകുന്നതാണ്. വൈകുന്നേരങ്ങളിൽ വാർഡ് മെമ്പർ  ഓഫീസിൽ ക്യാമ്പ് ചെയ്യും.

വടകര: അഴിയൂര്‍ ഗവ: ഹയര്‍ സെക്കണ്ടറി സ്‌കൂളിന് സമീപം വാടക വീട്ടില്‍ നിന്ന് ആയിരം പാക്കറ്റ് പാന്‍മസാലയുമായി ഹോട്ടലുടമയെ അറസ്റ്റ് ചെയ്തു. പൂഴിത്തല ചില്ലി പറമ്പത്ത് ഷിബു (42) ആണ് ചോമ്പാല പോലീസ് പിടിയിലായത്. ഹാന്‍സ്, കൂള്‍ ലിപ്പ് തുടങ്ങിയ നിരോധിത പുകയില ഉല്പന്നങ്ങളാണ് ഇവിടെ നിന്നും പിടികൂടിയത്.
വാടക വീടും പൂഴിത്തലയിലെ ഹോട്ടലും കേന്ദ്രീകരിച്ച് പാന്‍മസാല വില്‍ക്കുന്നതായി പോലീസിനു രഹസ്യ വിവരം ലഭിച്ചിരുന്നു. വിദ്യാര്‍ഥികള്‍ക്കും പുകയില ഉല്‍പന്നങ്ങള്‍ നല്‍കാറുണ്ട്. പോലീസ് നിരീക്ഷണം ശക്തമാക്കിയിരുന്നു. ഇതിനിടെയാണ് പാന്‍മസാലയുമായി ഇയാള്‍ പിടിയിലായത്.

കല്ലാച്ചി : പെട്രോൾ പമ്പിന് സമീപം കാർ ഇലക്ട്രിക്  പോസ്റ്റിലിടിച്ച് വൻ ദുരന്തം ഒഴിവായി. ഇന്ന് രാത്രി 10.45 നാണ് സംഭവം.
സംസ്ഥാന പാതയിലൂടെ അമിത വേഗതയിൽ എത്തിയ കാർ നിയന്ത്രണം വിട്ട് തൂണിൽ ഇടിച്ചു നിൽക്കുകയായിരുന്നു. കാറിന്റെ മുൻ ഭാഗം തകർന്നു. പോസ്റ്റിനും കേടുപാട് സംഭവിച്ചു. എന്നാൽ ആളപായമില്ല.

വാണിമേൽ; നിയന്ത്രണം വിട്ട് ചീറിപ്പാഞ്ഞു വന്ന  കാർ റോഡരികിലെ മതിലിൽ ഇടിച്ചു നിന്നത് വലിയ ദുരന്തം ഒഴിവാക്കി. ഇന്ന് വൈകീട്ട് വാണിമേൽ നിരത്തുമ്മൽ പീടികയിലാണ് സംഭവം. വൈകുന്നേരങ്ങളിൽ ധാരാളം ആളുകൾ കൂടി നിൽക്കുന്ന ചായക്കടക്ക് സമീപമുള്ള  സ്ഥലത്തേക്കാണ് കാർ  പാഞ്ഞ് കയറിയത്. എന്നാൽ സംഭവ സമയത്ത് അവിടെ ആളുകൾ ഇല്ലാത്തത് ഭാഗ്യമായി. ആളപായമില്ലെങ്കിലും കാറിനും നിർത്തിയിട്ടിരുന്ന ബൈക്കിനും കേടുപാടുകൾ സംഭവിച്ചിട്ടുണ്ട്

നാദാപുരം: പ്രതിപക്ഷ നേതാവ് രമേശ് ചെന്നിത്തല നയിക്കുന്ന കേരള യാത്രയുടെ വിജയത്തിനായി നാദാപുരം നിയോജക മണ്ഡലത്തിൽ വൻ ഒരുക്കം. ഫെബ്രുവരി 5 ന് തൊട്ടിൽപാലത്ത്   ജാഥക്ക് ഉജ്വല സ്വീകരണം നൽകാൻ പരിപാടികൾ ആവിഷ്ക്കരിച്ചു.  
കേന്ദ്ര സംസ്ഥാന സർക്കാറുകളുടെ ജന വിരുദ്ധ നയങ്ങൾ ക്കെതിരെ  23 ന് നാദാപുരത്ത് സായാഹ്ന ധർണ്ണ നടത്തും. നാദാപുരം ലീഗ് ഹൗസിൽ ചേർന്ന യോഗത്തിൽ ചെയർമാൻ അഹമ്മദ് പുന്നക്കൽ അധ്യക്ഷത വഹിച്ചു. കെ.പി.സി.സി ജനറൽ സെക്രട്ടറി അഡ്വ. കെ . പ്രവീൺ കുമാർ ഉദ്ഘാടനം ചെയ്തു. സൂപ്പി നരിക്കാട്ടേരി, സി വി കുഞ്ഞികൃഷ്ണൻ, കെ പി രാജൻ, അബ്ദുല്ല വയലോളി, പി കെ ഹബീബ്, ആവോലം രാധാകൃഷ്ണൻ, പി എം ജോർജ്, അഡ്വ.  എ സജീവൻ, കോരങ്കോട്ട് മൊയ്തു തുടങ്ങിയവർ പ്രസംഗിച്ചു.

കക്കട്ടിൽ:  നരിപ്പറ്റ  ഗാലക്സി ആർട്സ് & സ്പോർട്സ് ക്ലബ്  നമ്പ്യത്താംകുണ്ട്  സംഘടിപ്പിച്ച ആമദ് മാസ്റ്റർ സ്മാരക നാലാമത് ഫ്ളാഡ്ലൈറ്റ് ഷട്ടിൽ ബാഡ്മിന്റൺ ടൂർണ്ണമെൻ്റ് ചീക്കോന്ന് എം.എൽ.പി.സ്ക്കൂൾ ഫ്ലഡ് ലൈറ്റ് സ്റ്റേഡിയത്തിൽ നരിപ്പറ്റ ഗ്രാമ പഞ്ചായത്ത് പ്രസിഡണ്ട് ബാബു കാട്ടാളി ഉദ്ഘാടനം ചെയ്തു.
എം.പി. ജാഫർ മാസ്റ്റർ അധ്യക്ഷത വഹിച്ചു, ടി.വി.കുഞ്ഞമ്മദ് ഹാജി, എൻ.കെ.മൊയ്തു, സജീർ കെ.പി,   കെ. കുഞ്ഞാബ്‌ദുള്ള, കാസിം വി.കെ, അർഷാദ് ചെമ്പറ്റ എന്നിവർ പ്രസംഗിച്ചു..
 പ്രാദേശിക മത്സരത്തിൽ ഗാലക്സി നമ്പ്യത്താംകുണ്ട് ജേതാക്കളായി ടീം ഫോർ  റണ്ണേഴ്‌സ് അപ്പിനും ഗാലക്സി തന്നെ അർഹമായി രണ്ടാം ദിവസം നടന്ന ജില്ലാതല മത്സരത്തിൽ കെ.എം.എസ്.യു നാദാപുരം ടീം ഒന്നാം സ്ഥാനം നേടി. ഗാലക്സി നമ്പിയാത്താംകുണ്ട് രണ്ടാം സ്ഥാനവും നേടി. ട്രോപ്പികൾ വിതരണം കമറുദ്ധീൻ ടി.വി അൻസാർ ഓറിയോൺ ഹൈദർ കെ.പി, സാബിത് എന്നിവർ വിതരണം ചെയ്തു.

പാറക്കടവ് : ചെക്യാട് ഗ്രാമപഞ്ചായത്ത് ഉമ്മത്തൂർ 14-ാം വാർഡ് വികസന സമിതിയുടെ  വിദ്യാഭ്യാസ പദ്ധതിയായ വിജയപഥത്തിൻ്റെ സമർപ്പണവും സ്കോളർഷിപ്പ് വിതരണവും ഗ്രാമപഞ്ചായത്ത് പ്രസിഡണ്ട് നസീമ കൊട്ടാരത്ത് നിർവ്വഹിച്ചു. വാർഡ് മെമ്പറും ക്ഷേമകാര്യ സ്ഥിരം സമിതി ചെയർമാനുമായ  ടി.കെ.ഖാലിദ് മാസ്റ്ററുടെ നേതൃത്വത്തിലുള്ള  വികസന സമിതിയാണ്  ഇങ്ങിനെ യൊരു പദ്ധതിക്ക് രൂപം നല്കിയത്. സാമ്പത്തിക  പ്രയാസം കാരണം വിദ്യാഭ്യാസം തുടരാൻ പ്രയാസമനുഭവിക്കുന്ന   വിദ്യാർത്ഥികളെ സഹായിക്കുന്നതാണ് വിജയപഥം. യോഗത്തിൽ അഹമ്മദ് പുന്നക്കൽ അദ്ധ്യക്ഷത വഹിച്ചു .പ്രൊ:പി.മമ്മു സാഹിബ് യോഗം ഉൽഘാടനം ചെയ്തു. ഗ്രാമപഞ്ചായത്ത് വൈസ്പ്രസിഡണ്ട് കെ.പി.കുമാരൻ ,പഞ്ചായത്ത് സെക്രട്ടറി ടി.പി.മുസ്തഫ ,ബ്ലോക്ക് മെമ്പർ ഉമേഷ്  എ.കെ,സി.എഛ് ഹമീദ് മാസ്റ്റർ , ആർ.പി.ഹസൻ , ടി.എ.സലാം , നവാസ് ടി.കെ, അനിൽകുമാർ, സുനിൽ ടി, ലിനീഷ് പി., റിയാസ് സി.കെ., കുഞ്ഞബ്ദുല്ല പി എന്നിവർ ആശംസകളർപ്പിച്ചു. മെമ്പർ ടി.കെ ഖാലിദ് മാസ്റ്റർ സ്വാഗതവും വികസന സമിതി കൺവീനർ  അബ്ദുല്ല വല്ലൻ കണ്ടത്തിൽ നന്ദിയും പറഞ്ഞു.

കച്ചേരി : കച്ചേരി പൊതുജന വായനശാലയുടെ  മുൻ പ്രസിഡന്റും സാമൂഹ്യ  പ്രവർത്തകനും ആയിരുന്ന   വടക്കയിൽ ഇബ്രാഹിം ഹാജിയുടെ  നാലാമത്  അനുസ്മരണം  തൂണേരി  ബ്ലോക്ക്‌ പഞ്ചായത്ത്‌ വൈസ്. പ്രസിഡന്റ്‌  ടി കെ  അരവിന്ദാക്ഷൻ  ഉദ്ഘാടനം  ചെയ്തു  വാർഡ് മെമ്പർ  സതി മാരാം വീട്ടിൽ  അധ്യക്ഷയായി, കെ.കെ കുഞ്ഞിരാമൻ മാസ്റ്റർ  അനുസ്മരണ പ്രഭാഷണം  നടത്തി,
യു. കുമാരൻ മാസ്റ്റർ, എം. പി. ശ്രീധരൻ മാസ്റ്റർ, കെ പി  രമേശൻ, രാധ തടത്തിൽ,പ്രദീപ്  കേളോത്ത്, ടി കെ  അമൽരാജ്  എന്നിവർ  സംസാരിച്ചു

നാദാപുരം:  ഗ്രാമ പഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി കോഴിഗ്രാമം പദ്ധതി ആരംഭിച്ചു .ദാരിദ്ര്യ ലഘൂകരണ ത്തിന്റെ ഭാഗമായി പഞ്ചായത്തിലെ  500 കുടുംബങ്ങൾക്ക് അഞ്ചു വീതം കോഴികളെ സൗജന്യമായി നൽകുന്ന പദ്ധതിയാണിത് .
ഗ്രാമ പഞ്ചായത്ത് പ്രസിഡന്റ് വി വി മുഹമ്മദലി വിതരണോദ്ഘാടനം  നിർവ്വഹിച്ചു . വികസന സ്റ്റാന്റിംഗ് കമ്മിറ്റി ചെയർമാൻ സി കെ നാസർ അധ്യക്ഷത വഹിച്ചു .
ആരോഗ്യ വിദ്യാഭ്യാസ സ്ഥിരം സമിതി ചെയർമാൻ എം സി സുബൈർ, വെറ്റിനറി ഡോക്ടർ ശില്പരാജ് , ഗ്രാമ പഞ്ചായത്ത് മെമ്പർമാരായ 
കണേക്കൽ അബ്ബാസ് , നിഷ മനോജ് , എ കെ സുബൈർ മാസ്റ്റർ എന്നിവർ സംസാരിച്ചു .

നാദാപുരം: ഏഴ് വർഷമായി വാടക കെട്ടിടത്തിൽ പ്രവർത്തിക്കുന്ന നാദാപുരം ഗവ. കോളജിന്റെ ദുരവസ്ഥ തുറന്നു കാട്ടി യൂത്ത് ലീഗ് നേതാവിന്റെ ഫേസ് ബുക്ക് പോസ്റ്റ് വൈറലാകുന്നു.
നാദാപുരം മണ്ഡലം മുസ്ലിം യൂത്ത് ലീഗ് ജനറൽ സെക്രട്ടറി ഇ ഹാരിസാണ് പോസ്റ്റിട്ടത്.

പോസ്റ്റ് ഇങ്ങിനെ 

2014 ൽ ഉമ്മൻ ചാണ്ടി സർക്കാരിൽ വിദ്യാഭ്യാസ മന്ത്രിയായിരുന്ന പികെ  അബ്ദുറബ്ബ് അനുവദിച്ച ഗവ.കോളേജാണ് നാദാപുരം കോളേജ്. ഗവണ്മെന്റ് കോളേജ് ഇല്ലാത്ത നിയോജക മണ്ഡലങ്ങളിൽ കോളേജ് അനുവദിച്ച്‌ വിപ്ലവകരമായ വിദ്യാഭ്യാസ മുന്നേറ്റമാണ് യു ഡി എഫ് നടത്തിയത്. കേവലം വാഗ്ദാനം മാത്രമായിരുന്നില്ല, പ്രഖ്യാപിച്ചത് ഉടനടി നടപ്പിൽ വരുത്തുകയും ചെയ്തു.

നാദാപുരം കോളേജിന്  ആവശ്യമായ 5 ഏക്കർ ഭൂമി  കല്ലാച്ചിക്കടുത്ത് തെരുവമ്പറമ്പിൽ കണ്ടെത്തി. 2.5 ഏക്കർ സ്ഥലം ഉടമ സൗജന്യമായും ബാക്കി 2.5 ഏക്കർ വാങ്ങാൻ ആവശ്യമായ പണം നാദാപുരക്കാർ പിരിവ് നടത്തി കണ്ടെത്തുകയും ചെയ്തു.

വർഷം 7 കഴിഞ്ഞു. കോളേജ് ഇന്നും വാടക കെട്ടിടത്തിൽ തന്നെ. ആദ്യം നിരത്തുമ്മൽ പീടികയിൽ,പിന്നെ വയൽ പീടിക ദാറുൽ ഹുദാ മദ്റസ കെട്ടിടത്തിൽ.5 കോഴ്‌സുകൾ അനുവദിച്ചിട്ടും വാടക കെട്ടിടത്തിൽ ഞെരുങ്ങിയും ക്ലാസ്സ് ലീവ് കൊടുത്തും പ്രാക്ടിക്കൽ ക്ലാസ്സിന് മടപ്പള്ളി കോളേജിൽ പോയും പരീക്ഷ മറ്റ് സ്ഥലങ്ങളിൽ നിന്ന് എഴുതിയും കോളേജ് മുന്നോട്ട് പോയി.നൂറു കണക്കിന് കുട്ടികൾക്ക് ക്യാമ്പസ് ജീവിതം 1 നഷ്ടമായി.അടിസ്ഥാന സൗകര്യം ലഭിച്ചില്ല.വിദ്യാർത്ഥിനികൾ പോലും പ്രാഥമിക ആവശ്യങ്ങൾക്ക്  അടുത്തുള്ള വീടുകൾ ആശ്രയിക്കേണ്ടി വന്നു. അങ്ങനെ ദുരന്തങ്ങൾ മാത്രം നിറഞ്ഞ 7 വർഷം.ഒരു എസ്എഫ്ഐ വിദ്യാർഥിക്ക് പോലും സന്തോഷത്തോടെ ഓർമ്മിക്കാൻ ഇഷ്ടമില്ലാത്ത 7 വർഷങ്ങൾ.

സമരങ്ങൾ ഒരുപാട് നടന്നു. തെരുവ് ക്ലാസ്സ്, പാല് കാച്ചൽ, ക്ലാസ്സ് ബഹിഷ്കരണം, പ്രകടനം അങ്ങിനെ എത്രയെത്ര  പോരാട്ടങ്ങൾ.എം എസ്‌ എഫ് , കെ എസ്‌ യു, കോളേജ് യൂണിയൻ നേതൃത്വം നൽകിയവർ ഒരുപാട്.ഓരോ സമരവും അവസാനിപ്പിക്കാൻ സ്ഥലം എം എൽ എ യുടെ മോഹന വാഗ്ദാനങ്ങൾ.ഊരാളുങ്കൽ ആണ് പണി, ലേറ്റ്‌ ആയി വന്താലും ലേറ്റസ്റ്റാ വരുവെ. അങ്ങനെ.. അങ്ങനെ..ഓരോ വർഷവും കോളേജ് മാറുമെന്ന് വാടക കെട്ടിട ഉടമകളോട് പറഞ്ഞ് പറ്റിച്ച കഥ വേറെയും. ഇതാ നിയമസഭ ഇലക്ഷൻ വരുന്നു. കണ്ണിൽ പൊടിയിടാൻ ഒരു കെട്ടിടം ചിലപ്പോൾ ഉദ്ഘാടനം ചെയ്തേക്കാം.

നിലവിൽ ഇവിടെയുള്ള 5 കോഴ്സുകൾക്ക് വേണ്ടത് 15 ക്ലാസ്സ് റൂം.
ഫിസിക്സ് ലാബ്, കെമിസ്ട്രി ലാബ്,
സൈക്കോളജി ലാബ്,കമ്പ്യൂട്ടർ ലാബ്, ലൈബ്രറി,ഓരോ ഡിപ്പാർട്ട്മെന്റിനും ഒരോ സ്റ്റാഫ് റൂം.
എങ്കിൽ വരാൻ പോകുന്ന കെട്ടിടത്തിൽ ആകെ 9 ക്ലാസ്സ് റൂം.
അപ്പോൾ പിന്നെയും കഥ തുടരും.വാടക കെട്ടിടത്തിലെ കഥ.ഉച്ചക്ക് ലീവ് കൊടുത്തും ഞെരുങ്ങിയും തീരുന്ന കുട്ടികളുടെ കഥ.

ഇത് അവിടെ പഠിക്കുന്ന കുട്ടികളുടെ മാത്രം ആവശ്യമല്ല.സ്ഥലം വാങ്ങാൻ നാണയത്തുട്ടുകൾ  നൽകിയ നിങ്ങളുടെ കൂടെയാണ്. ഇത് വരെ പഠിച്ച് ഇറങ്ങിയ കുട്ടികളുടെ കൂടെ ആവശ്യമാണ്. മണ്ഡലത്തിലെ ഓരോ വ്യക്തിയുടെയും പ്രതിഷേധം ഉയരണം.രാഷ്ട്രീയ പാർട്ടികൾ മൗനം വെടിയണം.ബത്തക്ക വാങ്ങാൻ പോയ എസ്എഫ്ഐ, ഇത് വരെ സമരം നടത്തിയ എം എസ്‌ എഫ്‌,കെ എസ്‌ യു അങ്ങനെയുളളവർ ഇനിയും പോരാടണം.

നാദാപുരം മണ്ഡലം 40 വർഷമായി എൽ ഡി എഫാണ്  പ്രതിനിധീകരിക്കുന്നത്.
വികസനം നമ്മുടെ സ്വപ്നമല്ല. അവകാശമാണ്.

നാദാപുരം: മുൻ മന്ത്രിയും സോഷ്യലിസ്റ്റ് നേതാവും കാട്ടാമ്പള്ളി, മുതുകാട് സമര നായകനുമായ പി.ആർ.കുറുപ്പിൻ്റെ ഇരുപതാമത് ചരമ വാർഷിക ദിനം എൽ.ജെ.ഡി എടച്ചേരി പഞ്ചായത്ത് കമ്മറ്റിയുടെ നേതൃത്വത്തിൽ ഇരിങ്ങണ്ണൂരിൽ നടത്തി. കാലത്ത് ഛായാചിത്രത്തിൽ നടന്ന പുഷ്പാർച്ചനയിലും അനുസ്മരണ പരിപാടിയിലും എൽ.ജെ.ഡി മണ്ഡലം പ്രസിഡണ്ട് പി.എം നാണു, പഞ്ചായത്ത് പ്രസിഡണ്ട് വത്സരാജ് മണലാട്ട്, മറ്റു നേതാക്കളായ പി.കെ അശോകൻ, വള്ളിൽ പവിത്രൻ, രവീന്ദ്രൻ പാച്ചാക്കര, കെ.നാരായണൻ, ടി. പ്രകാശൻ, ശ്രീജിത്ത് പുറക്കാലുമ്മൽ ,രതീഷ് കാട്ടിൽ എന്നിവർ നേതൃത്വം നൽകി.

എടച്ചേരി: സോഷ്യലിസ്റ്റ് നേതാവും മുൻ മന്ത്രിയും മായ പി ആർ കുറുപ്പിനെ എൽ ജെ ഡി എടച്ചേരി മേഖലാ കമ്മറ്റി അനുസ്മരിച്ചും ടി കെ ബാലൻ അദ്യക്ഷത വഹിച്ചും എൽ വൈ ജെ ഡി സംസ്ഥാന ജന: സിക്രട്ടറി ഇ കെ സജിത്ത് കുമാർ അനുസ്മരണ പ്രഭാഷണം നടത്തി കെ രജീഷ്, കെ ഭാസ്കരൻ ,അമൽ കോമത്ത്, പൊയിൽ നാണു, അഖിൽ കുമാർ കെ എന്നിവർ സംസാരിച്ചും

വാണിമേൽ: പഞ്ചായത്ത് തെരഞ്ഞെടുപ്പിൽ വിമത പ്രവർത്തനം നടത്തിയ എട്ടു ലീഗ് പ്രവർത്തകരെ പാർട്ടിയിൽ നിന്ന് സസ്പെൻറ് ചെയ്തു. 
പതിനാലാം വാർഡിൽ യു ഡി എഫ് സ്ഥാനാർത്ഥി കെ ബാലകൃഷ്ണനെ തോൽപിച്ച വിമത സ്ഥാനാർത്ഥി ചേലക്കാടൻ കുഞ്ഞമ്മദിന്റെ വിജയത്തിന് വേണ്ടി പ്രവർത്തിച്ച വാർഡ് ഭാരവാഹികൾ ഉൾപ്പെടെയുള്ളവർ ക്കെതിരെയാണ് നടപടി.
പൊന്നാണ്ടി മൂസ, കുന്നിയുള്ള പറമ്പത്ത് അമ്മദ് ഹാജി, മരുതേരിക്കണ്ടി കുഞ്ഞബ്ദുല്ല. നായിക്കരിമ്പിൽ കുഞ്ഞബ്ദുല്ല, പുത്തൻ പുരയിൽ ഷംസു , നായിക്കരിമ്പിൽ മായൻകുട്ടി ഹാജി, കളത്തിൽ അബ്ദുറഹീം, പി പി കുഞ്ഞബ്ദുല്ല പുഴമൂല എന്നിവരെയാണ് പഞ്ചായത്ത് കമ്മിറ്റിയുടെ ശുപാർശ പ്രകാരം സംസ്ഥാന കമ്മിറ്റി അന്വേഷണ വിധേയമായി സസ്പെൻറ് ചെയ്തത്.

നാദാപുരം : സംസ്ഥാന ജീവനക്കാരുടെ ശമ്പള പരിഷ്ക്കരണം ഉടൻ നടപ്പിലാക്കുക, കുടിശ്ശികയായ  ക്ഷാമബത്ത അനുവദിക്കുക, മരവിപ്പിച്ച ആനുകൂല്യങ്ങൾ 
തിരികെ നൽകുക, പിൻവാതിൽ നിയമന ങ്ങൾ അവസാനിപ്പിക്കുക എന്നീ ആവശ്യങ്ങൾ ഉന്നയിച്ചു കൊണ്ട് എൻ.ജി.ഒ അസോസിയേഷൻ നാദാപുരം ബ്രാഞ്ച് കമ്മിറ്റിയുടെ നേതൃത്വത്തിൽ കല്ലാച്ചി മിനി സിവിൽ സ്റ്റേഷനു മുമ്പിൽ പ്രതിഷേധ കൂട്ടായ്മ സംഘടിപ്പിച്ചു. സംസ്ഥാന സെക്രട്ടേറിയറ്റ് മെമ്പർ സിജു. കെ.നായർ ഉദ്ഘാടനം  ചെയ്തു. ശമ്പളപരിഷ്കരണം അനിശ്ചിതമായി നീണ്ടുപോകുന്ന അവസരത്തിൽ  ജീവനക്കാർക്ക്   ഇടക്കാലാശ്വാസം അനുവദിക്കണമെന്നു അദ്ദേഹം ആവശ്യപ്പെട്ടു. ബ്രാഞ്ച് പ്രസിഡന്റ് സുനിൽകുമാർ വി.പി അദ്ധ്യക്ഷത വഹിച്ചു. ബ്രാഞ്ച് സെക്രട്ടറി സുരേഷ് ബാബു വി.എം. ജില്ലാ കമ്മിറ്റി അംഗങ്ങളായ ജൂബേഷ് . ടി.,രാധാകൃഷ്ണൻ.എം,
സിദ്ധിഖ്.എം.വി , സുനിൽകുമാർ  വി.എം., പ്രജീഷ്  എൻ പി എന്നിവർ സംസാരിച്ചു. മോഹൻദാസ് , ശ്രീജിത്ത് , പ്രദീപൻ എന്നിവർ നേതൃത്വം നൽകി.

നാദാപുരം: നാദാപുരം പാലിയേറ്റീവിൻ്റെ പാലിയേറ്റീവ് ദിനാചരണം നവ്യാനുഭവമായി. പാലിയേറ്റീവ് ഓഫീസ് പരിസരത്ത് വെച്ച് നടന്ന ചടങ്ങ് നാദാപുരം പ്രാമപഞ്ചായത്ത് പ്രസിഡണ്ട് വിവി മുഹമ്മദലി ഉദ്ഘാടനം ചെയ്തു. വാണിമേലിലെ കിഴക്കയിൽ കുടുംബത്തിൻ്റെ നേതൃത്വത്തിൽ ഓക്സിജൻ കോൺസൺട്രേറ്റർ, പൾസ് ഓക്സീമീറ്റർ തുടങ്ങിയ ഉപകരണങ്ങൾ യോഗത്തിൽ കുടുംബാംഗം ഡോ: കെ.പി സൂപ്പി കൈമാറി. മൈക്ക് സെറ്റ് ആവോലത്തെ കെ.ദി ജിൻ രാജ്, ഡോ: ശ്വേത, പി.ഉഷ എന്നിവരും കൈമാറി.
തൂണേരി ഗ്രാമപഞ്ചായത്ത് പ്രസിഡണ്ട് പി.ഷാഹിന, വാണിമേൽ ഗ്രാമപഞ്ചായത്ത് പ്രസിഡണ്ട് പി.സുരയ്യ ടീച്ചർ, ഗ്രാമപഞ്ചായത്ത് വൈ. പ്രസിഡണ്ടുമാരായ അഖില മര്യാട്ട്, കെ പി കുമാരൻ, മധുമോഹനൻ, പാലിയേറ്റീവ് പ്രവർത്തകരായ ഡോ: കെ.പി സൂപ്പി,സി.കെ ഖാസിം, എ.ആമിന ടീച്ചർ, ജഅ ഫർ വാണിമേൽ ആശംസകളർപ്പിച്ചു.പാലിയേറ്റീവ് ചെയർമാൻ കെ. ഹേമചന്ദ്രൻ അധ്യക്ഷത വഹിച്ചു.കൺവീനർ എ.റഹിം സ്വാഗതവും സി.കെ ജമീല നന്ദിയും പറഞ്ഞു.
നാദാപുരം ടൗണിൽ പാലിയേറ്റീവ് റാലിയും നടന്നു. അഷ്റഫ് ,വി പി പോക്കർ ,പി.അബ്ദുല്ല, പോക്കു ഹാജി, സുധാ റാണി, ഫാത്തിമ കെ.ജെ, സി.ടി.കെ നാസർ, വി.എ റഹിം നേതൃത്വം നൽകി.

നാദാപുരം: ഏതാനും റോഡുകളും പരമ്പരാഗത മരാമത്ത് റോഡുകളുടെ  പരിഷ്കരണ പ്രവൃത്തികളും മാറ്റി നിർത്തി യാൽ നാദാപുരം നിയോജക മണ്ഡലത്തേ പൂർണ്ണമായും അവഗണിച്ചു കൊണ്ടുള്ള ബജറ്റ് ആണ് ധനമന്ത്രി ഡോ: തോമസ് ഐസക് ഇന്ന് അവതരിപ്പിച്ചത്
മണ്ഡലത്തിലെ കാർഷിക മേഖലയെ പരിപോഷിപ്പിക്കാനും . തൊഴിൽ അവസരങ്ങൾ സൃഷ്ടിക്കാനുമുള്ള കാർഷികാധിഷ്ടിത വ്യവസായങ്ങൾ ആരംഭിക്കണമെന്ന നിരന്തര ആവശ്യം ഒരിക്കൽ കൂടി നിരാകരിച്ച് കൊണ്ടാണ് ഈ ബജറ്റ് പുറത്ത് വന്നത്. പ്രവാസി മേഖല എന്ന നിലയ്ക്ക് പ്രവാസി സമൂഹത്തിന്റെ സുരക്ഷിതത്വം ഉറപ്പ് വരുത്തുന്ന പദ്ധതികളോ പ്രകൃതി ദുരന്തങ്ങൾ ആവർത്തിക്കുന്ന ഈ മേഖലയേ പ്രകൃതി ദുരന്തങ്ങളിൽ നിന്നും ശാശ്വതമായി സംരക്ഷിക്കാനുള്ള സമഗ്രമായ പദ്ധതികളൊന്നും ഈ ബജറ്റിൽ ഇല്ല എന്നത് നിരാശാജനകമാണ്. നാദാപുരത്തിന്റെ ന്യായമാതാൽപര്യങ്ങൾ നേടിയെക്കുന്നതിൽ സ്ഥലം എം.എൽ എ ഒരിക്കൽ കൂടി പരാജയപ്പെട്ടിരിക്കുന്നുവെന്ന് പുന്നക്കൽ പറഞ്ഞു.

നാദാപുരം:   സൗജന്യമായി വിതരണം ചെയ്യുന്ന കോവിഡ് വാക്സിൻ നാളെ മുതൽ നാദാപുരം ഗവ. ആശുപത്രിയിൽ വച്ച് നൽകും. മുൻകൂട്ടി രജിസ്റ്റർ ചെയ്ത സർക്കാർ ജീവനാക്കാർ ക്കാണ് ആദ്യ ഘട്ടം വാക്സിൻ നൽകുന്നത്. നൂറ് പേർക്ക് നാളെ  നൽകും. രാവിലെ പത്ത് മണി മുതൽ നാല് മണി വരെ ആയിരിക്കും വാക്സിൻ വിതരണം ചെയ്യുക .ഇതിനായി  ഡോക്ടർ , നേഴ്സുമാർ, അടക്കം 8 ജീവനക്കാർ ഉണ്ടാകും. വാക്സിൻ നൽകാനുള്ള എല്ലാ ഒരുക്കങ്ങളും പൂർത്തിയായതായി ആരോഗ്യ വകുപ്പ് അധികൃതർ അറിയിച്ചു

നാദാപുരം : മണ്ഡലത്തിൽ 10.5 കോടിയുടെ  പ്രവൃത്തികൾക്ക് അനുമതി ലഭിച്ചതായി ഇ.കെ. വിജയൻ എം.എൽ.എ. അറിയിച്ചു.
പാറക്കടവ് - പുളിയാവ് - ജാതിയേരി റോഡ് - 6 കോടിയും, പാറക്കടവ് ടൗൺ - കടവത്തൂർ റോഡ് - 3.5 കോടിയും, കല്ലാച്ചി മിനി ബൈപാസ് - 1 കോടിയുമാണ് അനുവദിച്ചത്. 
ഇതിന് പുറമെ ഒലിപ്പിൽ - ആ വടിമുക്ക് റോഡ്, കുനിങ്ങാട് - പുറമേരി -വേറ്റുമ്മൽ റോഡ്, ചേലക്കാട് - നരിക്കാട്ടേരി റോഡ്, മൊകേരി - കായക്കൊടി - പാലോളി തൊട്ടിൽപ്പാലം റോഡ്, മൂട്ടുങ്ങൽ - പ്രക്രന്തളം റോഡ് മുണ്ടക്കുറ്റി പാലം, പൂതം പാറ - ചൂരണി റോഡ്, മാഹി പുഴയ്ക്ക് കുറുക്കെ ഇയ്യങ്കോട് പുതിയ ആർ.സി.ബി നിർമ്മാണം, വിലങ്ങാട് ടൗൺ പാലം, വില്ലാപ്പള്ളി - എടച്ചേരി - ഇരിങ്ങണ്ണൂർ റോഡ്, പയന്തോങ്ങ് - ചിയ്യൂർ റോഡ്, മൂന്നാം കൈ - കരിങ്ങാട് - കൈവേലി റോഡ്
ചവറ മുഴിപാലം, അരുണ്ട - ഒറ്റത്താണി പാലം, മുള്ളൻ കുന്ന് - ചെമ്പനോട റോഡ്‌ നാദാപുരം ഗവ: താലൂക്ക് ആശുപത്രി വിപുലീകരണം എന്നിവ 
ടോക്കൺ സംഖ്യ അനുവദിച്ച് ബഡ്ജറ്റിൽ ഇടം നേടിയ പ്രധാന പ്രവൃത്തികളാണ്.

നാദാപുരം: കഴിഞ്ഞ രണ്ടു ദിവസങ്ങളായി ഭർതൃ ഗൃഹത്തിന്റെ വരാന്തയിൽ കുത്തിയിരിപ്പ് സമരം നടത്തുന്ന യുവതിയും മക്കളും വീട്ടിനകത്ത് പ്രവേശിച്ചു. വാണിമേൽ വെള്ളിയോട്ടെ വലിയ പറമ്പത്ത് ഷഫീനയും രണ്ടു മക്കളുമാണ് പേരോട്ടെ ഭർതൃ ഗൃഹത്തിൽ സമരം നടത്തുന്നത്. ഭർതൃ വീട്ടുകാർ താക്കോൽ നൽകാത്തതിനാൽ 
ഇവർ ബുധനാഴ്ച  വരാന്തയിലാണ് കഴിച്ചു കൂട്ടിയത്. ഇന്നലെ രാവിലെ സ്ഥലത്ത് സംഘർഷാവസ്ഥ രൂപപ്പെട്ട സാഹചര്യത്തിൽ യുവതിയുടെ ബന്ധുക്കൾ ജില്ല കലക്ടറെ ഫോണിൽ ബന്ധപ്പെടുകയും കലക്ടറുടെ നിർദ്ദേശ പ്രകാരം  നാദാപുരം 
സി ഐ : എൻ സുനിൽ കുമാർ സ്ഥലത്ത് എത്തി 
ഇരു കൂട്ടരെയും ചർച്ചക്ക് വിളിക്കുകയുമുണ്ടായി. ഇന്നലെ വൈകീട്ട് പൊലീസ് സ്റ്റേഷനിൽ നടന്ന ചർച്ചയിൽ തീരുമാനമാകാത്തതിനാൽ യുവതിയും മക്കളും വീണ്ടും ഭർതൃ ഗൃഹത്തിലെ വരാന്തയിൽ തന്നെ ഇരിക്കുകയായിരുന്നു. ഇന്നലെ രാത്രി യുവതിയുടെ ബാഗിൽ നിന്ന് ലഭിച്ച താക്കോൽ ഉപയോഗിച്ച് വാതിൽ തുറന്ന് ഇവർ അകത്ത് പ്രവേശിക്കുകയാണുണ്ടായത്.

നാദാപുരം : പുറമേരി പഞ്ചായത്തിലെ അരൂരില്‍ യുവതി കുഞ്ഞുമായി ആത്മഹത്യ ചെയ്ത സംഭവത്തില്‍ നടപടി ഇല്ലാത്തതില്‍ പ്രതിഷേധിച്ച് ആക്ഷന്‍ കമ്മറ്റി പ്രക്ഷോഭത്തിലേക്ക്. നടക്ക് മീത്തല്‍ കല്ലുള്ളകണ്ടിയില്‍ പവിത്രന്റെ മകള്‍ അശ്വനിയാണ് , ഒന്നര വയസുള്ള പെണ്‍കുട്ടിയുമായി  മരിച്ചത്. കഴിഞ്ഞ മാസം 18ന് ഏതോ ഇന്ധനം ശരീരത്തിലൊഴിച്ച് തീ വെക്കുകയായിരുന്നു. 
അശ്വിനി അന്ന് തന്നെ മരിക്കുകയും കുഞ്ഞ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെ മരണപ്പെടുകയുമായിരുന്നു. . ചീത്തപ്പാട് ചെറുവേരി ബിനീഷും യുവതിയും 2017 മമെയ് നാലിനാണ് വിവാഹിതരായത്. വിവാഹത്തിന് ശേഷം ഭര്‍ത്താവ് ശാരീരികമായും ഭര്‍തൃ ബന്ധുക്കള്‍ മാനസികമായും പീഡിപ്പിച്ചതിനെ തുടര്‍ന്നാണ് ആത്മഹത്യ ചെയ്തതെന്ന് ആക്ഷന്‍ കമ്മറ്റി ആരോപിച്ചു. ഭര്‍തൃവീട്ടുകാരുടെ മോശമായ പെരുമാറ്റം കാരണം പലപ്പോഴും യുവതി സ്വന്തം വീട്ടിലായിരുന്നെന്നും കമ്മറ്റി ആരോപിച്ചു. പരാതിയില്‍ പോലീസ് അന്വേഷണം നടത്തിയെങ്കിലും തുടര്‍ നടപടി ഉണ്ടായില്ലെന്നാണ് ആരോപണം. പഞ്ചായത്ത് പ്രസിഡന്റ് വി കെ ജ്യോതി ലക്ഷ്മി അധ്യക്ഷത വഹിച്ചു. വാര്‍ഡ് അംഗം പി ശ്രീലത, വിവിധ പാര്‍ട്ടി പ്രതിനിധികളായ കെ പി ബാലന്‍, മനോജ് അരൂര്‍, എം വിജയന്‍,  കൈതയില്‍ ഹമീദ്, ടി രവീന്ദ്രന്‍, ഇ പി രാജീവന്‍, ഷാജി വട്ടോളി എന്നിവര്‍ പ്രസംഗിച്ചു.  പഞ്ചായത്ത് പ്രസിഡന്റ് വി കെ ജ്യോതി ലക്ഷ്മി ചെയര്‍പെഴ്‌സണും , കെ പി ബാലന്‍ കണ്‍വീനറുമായി സമിതി രൂപീകരിച്ചു.

എടച്ചേരി: എൽ ഡി എഫ് ഭരിക്കുന്ന എടച്ചേരി ഗ്രാമ  പഞ്ചായത്തിൽ  സ്റ്റാൻ്റിങ്ങ് കമ്മറ്റി ചെയർ പേഴ്സൺ സ്ഥാനത്തേക്ക് ഇടതു മുന്നണിയിലെ ഘടക കക്ഷികൾ തമ്മിൽ മൽസരം. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റിയിലാണ് രൽസരം നടന്നത്. സി പി എമ്മിലെ ഒരംഗവും, മുസ്ലിം ലീഗ്, സി പി ഐ, എൽ ജെ ഡി എന്നീ പാർട്ടികളിലെ ഓരോ അംഗങ്ങളുമടക്കം 4 പേരാണ് ഈ സ്റ്റാന്റിംഗ് കമ്മിറ്റിയിലുള്ളത്. 
ഇന്ന്  ചെയർമാൻ സ്ഥാനത്തേക്ക് നടന്ന തെരഞ്ഞെടുപ്പിൽ 
സി പി ഐ പ്രതിനിധിയായ ഷീമ വള്ളിലും എൽ ജെ ഡി പ്രതിനിധി ശ്രീജ പാലപ്പറമ്പത്തും തമ്മിലാണ് മത്സരം നടന്നത്. ഷീമക്ക് അവരുടെ ഒരു വോട്ട് മാത്രമാണ് ലഭിച്ചത്. 
ശ്രീജക്ക് ഒരു സി പി എം പ്രതിനിധിയുടെയും ലീഗ് പ്രതിനിധിയുടെയും വോട്ട് ലഭിച്ചതോടെ ഇവർ ചെയർ പേഴ്സണായി തെരഞ്ഞെടുക്കപ്പെട്ടു.
സി പി എമ്മിലെ  നിഷ എൻ വികസന കാര്യ ചെയർപേഴ്സണും  കൊയിലോത്ത് രാജൻ ക്ഷേമകാര്യ ചെയർമാനുമാണ്. 
ഈ സ്റ്റാന്റിംഗ് കമ്മിറ്റികളിൽ മൽസരം ഉണ്ടായിരുന്നില്ല .

നാദാപുരം: നാദാപുരം: ഭർതൃ വീട്ടിൽ പ്രവേശിപ്പിക്കുന്നില്ലെന്ന പരാതിയിൽ പേരോട്ട് യുവതിയും മക്കളും വീട്ടു വരാന്തയിൽ നടത്തുന്ന കുത്തിയിരിപ്പ് സമരവുമായി ബന്ധപ്പെട്ട് നടന്ന അനുരഞ്ജന ചർച്ച പരാജയപ്പെട്ടു. യുവതിയും കുട്ടികളും സമരം തുടരും. ഇന്ന് രാവിലെ ഭർത്താവിന്റെ ബന്ധുക്കൾ സമര സ്ഥലത്ത് എത്തി യുവതിയോടും വീട്ടു വരാന്തയിൽ നിന്ന്  മക്കളോടും ഒഴിയണമെന്നാവശ്യപ്പെട്ടത് സംഘർഷ സാധ്യത ഉണ്ടാക്കിയതോടെയാണ് പൊലിസ് സ്ഥലത്തെത്തി പ്രശ്നത്തിൽ ഇടപെട്ടത്. തുടർന്ന് വൈകീട്ട് നടന്ന ചർച്ചയിൽ പൊലിസ് നിർദേശം ഇരുകൂട്ടരും അംഗീകരിക്കാതായതോടെ ചർച്ച പരാജയപ്പെടുകയായിരുന്നു.

നാദാപുരം: തൂണേരി ബ്ലോക്ക് പഞ്ചായത്ത് സ്ഥിരം സമിതി അധ്യക്ഷൻമാരെ തെരഞ്ഞെടുത്തു.
വികസനം, ആരോഗ്യം എന്നിവ സി പി എമ്മിനും ക്ഷേമം സി പി ഐക്കുമാണ്. വികസന കാര്യ ചെയർ പേഴ്സണായി  ഇന്ദിര കെ കെ, ക്ഷേമ കാര്യ ചെയർമാനായി രജീന്ദ്രൻ കപ്പള്ളി, ആരോഗ്യ വിദ്യാഭ്യാസ ചെയർ പേഴ്സണായി ബിന്ദു പുതിയോട്ടിൽ എന്നിവരാണ് തെരഞ്ഞെടുക്കപ്പെട്ടത്.

നാദാപുരം: ഭർതൃ വീട്ടിൽ പ്രവേശിപ്പിക്കുന്നില്ലെന്ന പരാതിയിൽ പേരോട്ട് യുവതിയും മക്കളും വീട്ടു വരാന്തയിൽ നടത്തുന്ന കുത്തിയിരിപ്പ് സമരവുമായി ബന്ധപ്പെട്ട് അനുരഞ്ജനത്തിന് കളമൊരുങ്ങുന്നു. നാദാപുരം സി.ഐ എൻ. സുനിൽകുമാറിന്റെ നേതൃത്വത്തിൽ ഇന്ന് വൈകീട്ട് ഇരു കൂട്ടരുമായി ചർച്ച നടത്തും. ഇന്ന് രാവിലെ ഭർത്താവിന്റെ ബന്ധുക്കൾ സമര സ്ഥലത്ത് എത്തി യുവതിയോടും വീട്ടു വരാന്തയിൽ നിന്ന്  മക്കളോടും ഒഴിയണമെന്നാവശ്യപ്പെട്ടത് ഇരുവരും തമ്മിൽ വാക്കേറ്റം  ഉണ്ടാക്കി. ഇതേ തുടർന്നാണ്  പൊലിസ് സ്ഥലത്തെത്തി പ്രശ്നത്തിൽ ഇടപെട്ടത്.

തൂണേരി: ഗ്രാമ  പഞ്ചായത്ത് സ്റ്റാന്റിംഗ് കമ്മിറ്റി അധ്യക്ഷ പദവികൾ എല്ലാം യു ഡി എഫിന്. 
മുസ്ലിം ലീഗിലെ റജുല നിടുമ്പ്രത്ത് വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സണായും വളപ്പിൽ കുഞ്ഞമ്മദ് മാസ്റ്റർ ക്ഷേമകാര്യ സ്റ്റാന്റിംഗ് കമ്മിറ്റി ചെയർമാനായും തെരഞ്ഞെടുക്കപ്പെട്ടു. 
ആരോഗ്യ- വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ കോൺഗ്രസിലെ 
സുധ സത്യനാണ്.

വാണിമേൽ: പഠനത്തിൻ്റെയും ചിന്തയുടേയും വിദ്യാർത്ഥി കാലഘട്ടം വികല ചിന്തകളുടെ വിളനിലമാകാതിരിക്കാൻ ശ്രദ്ധിക്കണമെന്ന് മുജാഹിദ് സ്റ്റുഡൻറ്സ് മൂവ് മെൻ്റ് (എം.എസ്.എം) വാണിമേലിൽ സംഘടിപ്പിച്ച നിശാ പഠന ക്യാംപ് ആവശ്യപ്പെട്ടു. ലഹരിയുടേയും അശ്ലീല ലൈംഗികതയുടേയും മാധ്യമമായി  മാറാതെ, സാമൂഹിക പരിവർത്തനത്തിൻ്റെ ചാലകശക്തിയായി വിദ്യാർത്ഥികൾ  മാറണമെന്ന് കേമ്പ് ആവശ്യപ്പെട്ടു.
കെ.എൻ.എം. നാദാപുരം മണ്ഡലം ജനറൽ സിക്രട്ടറി അസ്ലം കളത്തിൽ ഉദ്ഘാടനം ചെയ്തു. ഹാഫിസ് പി കെ അധ്യക്ഷനായിരുന്നു. ''സൂരക്ഷിത കൗമാരം, കരുത്തുറ്റ കാവൽ' എന്ന ക്യാംപയിനിൻ്റെ ശാഖാതല ഉദ്ഘാടനം എം എസ്.എം ജില്ലാ സിക്രട്ടറി മുഹമ്മദ് പി.വി നിർവ്വഹിച്ചു. ടി.എം.എ നാസർ മുഖ്യ പ്രഭാഷണം നടത്തി. സുഹൈൽ കടമേരി, മുബാറക്ക് എൻ, ജുനൈദ് ടി എന്നിവർ പ്രസംഗിച്ചു. ഉമൈദ് എം.വി സ്വാഗതവും ഷുറൂഫ് നസൽ നന്ദിയും പറഞ്ഞു.

നാദാപുരം: വാണിമേൽ സ്വദേശിയായ യുവതിയും മക്കളും പേരോട്ടെ ഭർതൃ വീട്ടിൽ ഇന്ന് രാവിലെ തുടങ്ങിയ കുത്തിയിരിപ്പ് സമരം തുടരുന്നു. തൂണേരി ഗ്രാമപഞ്ചായത്ത് പ്രസിഡന്റ് പി. ഷാഹിനയുടെ നേതൃത്വത്തിൽ മധ്യസ്ഥ ശ്രമം നടന്നെങ്കിലും യുവതിയുടെ ബന്ധുക്കൾ വിട്ടുവീഴ്ചക്ക് തയ്യാറല്ലെന്ന് അറിയിച്ചതോടെ ദൗത്യം പരാജയപ്പെടുകയായിരുന്നു. കുറച്ചു കാലമായി അകന്നു നിൽക്കുന്ന ഭർത്താവ് കിഴക്കേ പറമ്പത്ത് ഷാഫിയുടെ വീട്ടിലാണ് വാണിമേലിലെ വലിയ പറമ്പത്ത് ഷഫീനയും മക്കളായ സിയ ഫാത്തിമ, മുഹമ്മദ് ഷിനാസ് എന്നിവരും കുത്തിയിരിപ്പ് സമരം നടത്തുന്നത്. വിവരമറിഞ്ഞ് നാദാപുരം പൊലിസും മാധ്യമപ്രവർത്തകരും സ്ഥലത്തെത്തിയിരുന്നു. വീടിന്റെ താക്കോൽ ഷാഫിയുടെ പിതാവ് കുഞ്ഞബ്ദുല്ല ഹാജി നൽകാൻ വിസമ്മതിച്ചതോടെയാണ് യുവതിയും മക്കളും വീട്ടു വരാന്തയിൽ കുത്തിയിരിപ്പ് തുടങ്ങിയത്. ഒരു മണിക്കൂറിനകം സ്ഥലത്തെത്തിയ പഞ്ചായത്ത് പ്രസിഡന്റ് പി. ഷാഹിന യുവതിയുമായും ബന്ധുക്കളുമായും സംസാരിക്കുകയും പ്രശ്നത്തിന് പരിഹാരം ഉണ്ടാക്കാൻ ശ്രമം നടത്തുകയും ചെയ്തു. തുടർന്ന് ഷാഫിയുടെ വീട്ടുകാരുമായി സംസാരിച്ച ഷാഹിന നാളെ അനുരജ്ഞന ചർച്ച നടത്താമെന്നു അറിയിച്ചെങ്കിലും യുവതിയും ബന്ധുക്കളും ഇന്ന് തന്നെ പരിഹാരം കാണണമെന്ന അഭിപ്രായത്തിലായിരുന്നു. ഈ സാഹചര്യത്തിലാണ് അനുരജ്ഞന നീക്കം പാളിയത്.

എടച്ചേരി: എടച്ചേരി,തൂണേരി ,പുറമേരി പഞ്ചായത്തുകളിലുടെ കടന്ന് പോകുന്ന അയ്യപ്പൻകാവ് പുഴ സംരംക്ഷിക്കാൻ അടിയന്തിര നടപടി സ്വീകരിക്കണമെന്ന് എൽ ജെ ഡി എടച്ചേരി മേഖലാ കമ്മറ്റി യോഗം സർക്കാരിനോട് ആവശ്യപ്പെട്ടു. മൂന്ന് പഞ്ചായത്തുകളിലെ അതിർത്തി പ്രദേശങ്ങളിലൂടെ കടന്ന് പോകുന്ന പുഴ പൂർണ്ണമായും ഒഴുക്ക് നിലച്ചിരിക്കുകയാണ് പുഴയുടെ ഇരുവശങ്ങളും തകർന്നത് കാരണം ഒഴുക്ക് തടസ്സപ്പെട്ടിരിക്കുകയാണ് കൂടാതെ കൈതോല കൊണ്ട് ഇരുവശങ്ങളും മൂടപ്പെട്ടിരിക്കുന്നു ഇതു കൊണ്ട് തന്നെ മൂന്ന് പഞ്ചായത്തുകളിൽ ഉള്ള 5 ഓളം പാടശേഖരങ്ങളിൽ വെള്ളകെട്ട് കാരണം നെൽകൃഷി ചെയ്യാനും സാധിക്കുന്നില്ല പുഴ മണ്ണ് നീക്കി കൈ തോല വെട്ടിമാറ്റിയാൽ നെൽകൃഷിക്കും അതുപോലെ പച്ചക്കറി കൃഷിക്കും ഏറെ ഗുണകരമാകുമെന്നും ഇക്കാര്യത്തിൽ അധികൃതരുടെ സജീവ ഇടപെടൽ ഉണ്ടാവണമെന്നും എൽ.ജെ.ഡി എടച്ചേരി മേഖലാ കമ്മറ്റി യോഗം ആവശ്യപ്പെട്ടു .മേഖലാ കമ്മറ്റി പ്രസിഡൻ്റ് ടി കെ ബാലൻ അധ്യക്ഷത വഹിച്ചു.എൽ വൈ ജെ ഡി സംസ്ഥാന ജന: സിക്രട്ടറി ഇ കെ സജിത്ത് കുമാർ, ജില്ലാ സിക്രട്ടറി കെ രജീഷ്, കെ ഭാസ്‌കരൻ, അമൽകോമത്ത്, പ്രജീഷ് വി , വി പി അശോകൻ ,രഖിൽ കെ എന്നിവർ സംസാരിച്ചു. പ്രസ്തുത ആവശ്യം ഉന്നയിച്ച് കൊണ്ട് എൽ വൈ ജെ ഡി സംസ്ഥാന സിക്രട്ടറിഇ കെ സജിത്ത് കുമർ കഴിഞ്ഞ വർഷം ജലവിഭവ വകുപ്പ് മന്ത്രി കെ കൃഷണൻകുട്ടിക്ക് നിവേദനം നൽകിയിരുന്നു.

തൂണേരി: ഇടതുപക്ഷ  സർക്കാറിന്റെ വിദ്യാർഥി വിരുദ്ധ നടപടിക്കെതിരെ എം.എസ്.എഫ് സംസ്ഥാന കമ്മിറ്റി നടത്തുന്ന "വീഴ്ചകളുടെ വിദ്യാഭ്യാസ വകുപ്പ്, പ്രതിരോധം തീർക്കുന്ന വിദ്യാർഥിത്വം" എന്ന പ്രമേയത്തിൽ 'സ്റ്റുഡന്റ്സ് വാർ' എന്ന പരിപാടിയുടെ ഒരുക്കങ്ങൾ തൂണേരി പഞ്ചായത്തിലെ ആവോലത്ത് തുടങ്ങി.
എം.എസ്‌.എഫ് ജില്ലാ വൈസ് പ്രസിഡന്റ്  മുഹമ്മദ്‌ പേരോട്  ഉദ്ഘാടനം ചെയ്തു.   നിയോജക മണ്ഡലം പ്രസിഡന്റ്  മുഹ്സിൻ വളപ്പിൽ, അഫ്സൽ വേറ്റുമ്മൽ, അജ്മൽ ടി, അനസ് പീറ്റയിൽ, റാഫത് തുടങ്ങിയവർ സംബന്ധിച്ചു.

നാദാപുരം: ഭർത്താവ്  അകറ്റി  നിർത്തിയ യുവതിയും മക്കളും ഭർതൃ വീട്ടിൽ സമരം തുടങ്ങി.
പേരോട് തട്ടാറത്ത് പള്ളിക്ക് സമീപം 
കിഴക്കെ പറമ്പത്ത്  ഷാഫിയുടെ വീട്ടിലാണ്  
വാണിമേൽ വലിയ പറമ്പത്ത് സഫീന, മക്കളായ സിയാഫാത്തിമ 9 , മുഹമ്മദ് ഷിനാസ് 6  എന്നിവർ ഇന്ന് രാവിലെ  കുത്തിയിരിപ്പ് സമരം തുടങ്ങിയത്.
2010 ഏപ്രിൽ മാസം വിവാഹിതരായ ഇവർ തമ്മിൽ അടുത്ത കാലത്താണ് അകൽച്ച തുടങ്ങിയത്. പുതിയ വീട്ടിലേക്ക് മാറിത്താമസിച്ച ശേഷം ഷാഫി ഷഫീനയെയും മക്കളെയും  ഒമാനിലേക്ക് കൊണ്ടു  പോയിരുന്നു. 
പിന്നീട് ഇവരെ നാട്ടിലേക്ക് തിരിച്ചയച്ച ഷാഫി ഇവരോട്  വാണിമേലിലെ സ്വന്തം വീട്ടിലേക്ക് പോകാൻ ആവശ്യപ്പെട്ട ത്രെ. പിന്നീട് ഷഫീനയും മക്കളുമായി ഷാഫി അകന്നു നിൽക്കുകയായിരുന്നു എന്നാണ് പറയുന്നത്. എന്നാൽ, കഴിഞ ദിവസം ഷാഫി ടെലിഫോൺ ചെയ്തപ്പോൾ ഷഫീന യോടും മക്കളോടും പേരോട്ടെ വീട്ടിലേക്ക് പോകാൻ പറഞ്ഞത്രെ. ഇത് പ്രകാരം ഇന്ന് 
രാവിലെ മാതാപിതാക്കളുമൊത്ത് പേരോട്ടെ വീട്ടിൽ വന്ന ഷഫീനക്ക് വീടിന്റെ താക്കോൽ നൽകാൻ ഷാഫിയുടെ വീട്ടുകാർ തയ്യാറായില്ല. ഇതേ തുടർന്നാണ് ഷഫീന മക്കളുമൊത്ത് വീട്ടു വരാന്തയിൽ കുത്തിയിരിപ്പ് തുടങിയത്.
അതേ സമയം വീട് ഷാഫിയുടെ ഉടമസ്ഥതയിൽ അല്ലെന്നും തന്റെ പേരിലാണെന്നും ഷാഫിയുടെ പിതാവ് 
കുഞ്ഞബ്ദുല്ല  ഹാജി പറയുന്നു. കോടതിയിൽ കേസ് നിലവിലുള്ളതിനാൽ അതിന്റെ വിധിവന്ന ശേഷം മറ്റു കാര്യങ്ങൾ തീരുമാനിക്കാമെന്നും അദ്ദേഹം പറഞ്ഞു.

നാദാപുരം: ജനപ്രതിനിധിയായി തിരഞ്ഞെടുക്കപ്പെട്ട നാദാപുരം അർബൺ ബാങ്ക് ഡയരക്ടർ മാർക്കും ജീവനക്കാരനും ഭരണ സമിതി സ്വീകരണം നൽകി. നാദാപുരം സ്ഥിരം സ്ഥിതി ചെയർമാനായി തിരഞ്ഞെടുക്കപ്പെട്ട എം.സി.സുബൈർ, നാദാപുരം  പഞ്ചായത്ത് മെമ്പർ പി.വാസു, വാണിമേൽ പഞ്ചായത്ത് മെമ്പർ വി.കെ. മൂസ്സ എന്നിവർക്കാണ് സ്വീകരണം നൽകിയത്.
ചടങ്ങിൽ ബാങ്ക് ചെയർമാൻ ബംഗ്ലത്ത് മുഹമ്മദ് അധ്യക്ഷനായി. സൂപ്പി നരിക്കാട്ടേരി, വയലോളി അബ്ദുല്ല, എം.പി. സൂപ്പി, 
കോടികണ്ടി മൊയ്തു, കെ.എൻ.അബ്ദുൽ റഷീദ്, ഇസ്മായിൽ വാണിമേൽ, ശ്രീജിത്ത് അരൂർ ,ശ്രീവിദ്യ തുടങ്ങിയവർ സംസാരിച്ചു 

തൂണേരി: ദേശിയ യുവജന ദിനത്തിന്റെ ഭാഗമായി തൂണേരി ഗ്രാമപഞ്ചായത്തിലെ വിവിധ യൂത്ത് ക്ലബുകളുടെ സഹകരണത്തോടെ തൂണേരി പ്രാഥമിക ആരോഗ്യകേന്ദ്രവും   പരിസരവും ശുചീകരിച്ചു . ഗ്രാമപഞ്ചായത്ത്‌ പ്രസിഡന്റ് പി ഷാഹിന ഉദ്‌ഘാടനം ചെയ്തു. മെമ്പർ മാരായ സുധ സത്യൻ, കിഴക്കുംകരമൽ രജില, കെ കൃഷ്ണൻ, ടി.എൻ രഞ്ജിത്ത്, ലിഷ കെ, അജിത വിപി,നിയാസ് പികെ  , ഫസൽ മാട്ടാൻ, ഹരിശങ്കർ എം,  റിയാസ് എ.പി  തുടങ്ങിയവർ നേതൃത്വം നൽകി..

കുറ്റ്യാടി:  അപ്രതീക്ഷിതമായി പെയ്ത മഴയിൽ കുറ്റ്യാടി നിയോജക  മണ്ഡല ത്തിലെ വിവിധ ഭാഗങ്ങളിൽ വ്യാപക നെൽ കൃഷി നാശം സംഭവിച്ച വിഷയത്തിൽ അടിയന്തിരമായി ഇടപെടണമെന്നാവശ്യപ്പെട്ട്   പാറക്കൽ അബ്ദുള്ള എം.എൽ.എ കൃഷി വകുപ്പ് മന്ത്രി വി.എസ് സുനിൽ കുമാറിന് നിവേദനം നൽകി. വേളം ഗ്രാമ പഞ്ചായത്തിലെ  പെരുവയൽ, ആയഞ്ചേരി ഗ്രാമ പഞ്ചായത്തിലെ ആയഞ്ചേരി, കടമേരി, മണിയൂർ ഗ്രാമ പഞ്ചായത്തിലെ ചെരണ്ടത്തൂർ ചിറ, തിരുവള്ളൂർ ഗ്രാമ പഞ്ചായത്തിലെ വടക്കയിൽ താഴ, തോടന്നൂർ നോർത്ത്, കമ്പളോട്ട് താഴ എന്നീ പാടശേഖര സമിതിയുടെ  കീഴിലുള്ള ഹെക്ടർ കണക്കിന് നെൽ കൃഷിക്കാണ്  നാശനഷ്ടങ്ങൾ  സംഭവിച്ചത്. കോവിഡ് മഹാമാരി ഏൽപ്പിച്ച കനത്ത ആഘാതത്തിൽ നിന്നും കരകയറുന്ന തിനായി കടം വാങ്ങിയും ബാങ്ക് ലോൺ എടുത്തും വിത്തിറക്കിയ പാവപ്പെട്ട കർഷകർക്ക്  ആവശ്യമായ നഷ്ട പരിഹാരം ഏറ്റവും വേഗത്തിൽ ലഭ്യമാക്കാൻ സർക്കാരിനോട് അഭ്യർത്ഥിച്ചു. കുറ്റ്യാടി മേഖലയിൽ പൊടുന്നനെ ഉണ്ടായ വലിയ കൃഷി നാശത്തിന്റെ വ്യാപ്തി കണക്കിലെടുത്ത് പ്രത്യേക സാമ്പത്തിക പാക്കേജ് അനുവദിക്കാനും എം എൽ എ ആവശ്യപ്പെട്ടു.

വാണിമേൽ: ഗ്രാമ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയർപേഴ്സൺ ആയി ഫാത്തിമ കണ്ടിയിലിനെയും , ക്ഷേമ സ്റ്റാന്റിംഗ് കമ്മിറ്റി ചെയർപേഴ്സൺ ആയി മുഫീദ റാഷിദ് കെ ടി കെ യെയും തിരഞ്ഞെടുത്തു .
ഇരുവരും മുസ്ലിം ലീഗ് അംഗങ്ങളാണ്. ആരോഗ്യ വിദ്യാഭ്യാസ ചെയർമാൻ പദവി  സി പി എം പ്രതിനിധി ചന്ദ്രബാബുവിന് ലഭിച്ചു.

നാദാപുരം: ഗ്രാമ പഞ്ചായത്ത് സ്റ്റാന്റിംഗ് കമ്മിറ്റി ചെയർമാൻമാരെ തെരഞ്ഞെടുത്തു. മുസ്ലിം ലീഗിലെ സി കെ നാസർ    വികസന കാര്യ ചെയർമാനും എം സി സുബൈർ ആരോഗ്യ വിദ്യാഭ്യാസ സമിതി ചെയർമാനുമാണ്. കോൺഗ്രസിലെ റീന കിണമ്പറേമ്മലിനാണ്  ക്ഷേമ കാര്യം. 

കുറ്റ്യാടി: കായക്കൊടി ഗ്രാമ പഞ്ചായത്തിൽ വികസന കാര്യ സ്റ്റാന്റിംഗ് കമ്മിറ്റി ചെയർമാൻ സ്ഥാനത്തേക്ക് നറുക്കെടുപ്പ് വേണ്ടി വരും. 
സ്റ്റാന്റിംഗ്‌ കമ്മിറ്റി അംഗങ്ങളുടെ തെരഞ്ഞെടുപ്പിൽ സി പി എം പ്രതിനിധിയുടെ വോട്ട് അസാധുവായതിനെ തുടർന്നാണിത്. ക്ഷേമകാര്യം, ആരോഗ്യ വിദ്യാഭ്യാസം എന്നീ   സ്റ്റാന്റിംഗ് കമ്മിറ്റികളിൽ ഇടതു പക്ഷം പ്രാതിനിധ്യം ഉറപ്പിച്ചതിനാൽ ഇതിന്റെ ചെയർമാൻമാർ എൽ ഡി എഫ് ആയിരിക്കുമെന്ന കാര്യം ഉറപ്പാണ്. എന്നാൽ വികസന കാര്യത്തിൽ രണ്ടു എൽ ഡി എഫ് അംഗങ്ങളും ഒരു യു ഡി എഫ് അംഗവും ഒരു സ്വതന്ത്ര അംഗവുമാണ് തെരഞ്ഞെടുക്കപ്പെട്ടത്. 
സ്വതന്ത്ര അംഗം യു ഡി എഫ് അനുകൂല നിലപാട് സ്വീകരിക്കുന്നതോടെ ചെയർമാൻ സ്ഥാനത്ത് ഇരു വിഭാഗത്തിനും തുല്യ വോട്ട് ലഭിക്കും. ഈ സാഹചര്യത്തിൽ  നറുക്കെടുപ്പിലൂടെ ചെയർമാനെ തീരുമാനിക്കും. നാളെയാണ് ചെയർമാൻ സ്ഥാനത്തേക്കുള്ള തെരഞ്ഞെടുപ്പ്. പ്രസിഡണ്ട്, വൈസ് പ്രസിഡണ്ട് സ്ഥാനങ്ങളിലും ഇവിടെ നറുക്കെടുപ്പായിരുന്നു. 
പ്രസിഡണ്ട് സ്ഥാനം സി പി എമ്മിന് ലഭിച്ചെങ്കിലും വൈസ് പ്രസിഡണ്ട് കോൺഗ്രസിനാണ്.

നാദാപുരം: യുവജന ദിനാഘോഷത്തിന്റെ ഭാഗമായി സംഘടിപ്പിച്ച യൂത്ത് റൈഡിന് ആവേശോജ്വലമായ തുടക്കം. ഗ്രാമപഞ്ചായത്ത് പ്രസിഡന്റ് വി.വി മുഹമ്മദലിയുടെ നേതൃത്വത്തിൽ ചേലക്കാട് നിന്ന് ആരംഭിച്ച കൂട്ടയോട്ടം നാദാപുരത്ത് സമാപിക്കും. ഭരണസമിതി അംഗങ്ങളും തെരഞ്ഞെടുക്കപ്പെട്ട വളന്റിയര്മാരുമാണ് പങ്കെടുക്കുന്നത്. ശശികുമാർ പുറമേരി സമാപന സന്ദേശം നൽകും.

കുറ്റ്യാടി: ആലക്കാട് എം.എൽ.പി സ്കൂൾ , കുന്നുമ്മൽ ബ്ലോക്ക് പഞ്ചായത്തും സംയുക്തമായി 2019-2020 അധ്യയന വർഷത്തിൽ സംഘടിപ്പിച്ച നടീൽ ഉത്സവത്തിന്റെ വിളവെടുപ്പ് കുന്നുമ്മൽ ബ്ലോക്ക് പഞ്ചായത്ത് പ്രസിഡണ്ട് ചന്ദ്രി കെ.പി ഉദ്ഘാടനം ചെയ്തു. കുട്ടികൾക്ക് ചേന വീടുകളിലേക്ക് നൽകിയാണ് ഉദ്ഘാടനം നിർവ്വഹിച്ചത്. കുട്ടിക്കൂട്ടം ചേനകൃഷി കുട്ടികളിൽ കാർഷികാഭിമുഖ്യം വളർത്തുന്നതിൽ പ്രധാന പങ്ക് വഹിച്ചുവെന്ന് ബ്ലോക്ക് പഞ്ചായത്ത് പ്രസിഡന്റ് അഭിപ്രായപ്പെട്ടു. വിദ്യാഭ്യാസ മേഖലയിൽ ബ്ലോക്ക് പഞ്ചായത്ത് ഇനിയും പദ്ധതികൾ ഏറ്റെടുക്കുമെന്ന് പ്രസിഡന്റ് അറിയിച്ചു. പി.ടി.എ പ്രസിഡണ്ട് റഷീദ്. പി.കെ അധ്യക്ഷത വഹിച്ചു. സ്കൂൾ ഹെഡ്മാസ്റ്റർ എ.വി.നാസറുദ്ദീൻ സ്വാഗതം പറഞ്ഞു. എം.പി.ടി.എ ചെയർപേർസണ്‍ സായ്ലക്ഷ്മി, സാജിദ് പെരുമ്പറേമ്മൽ, റഷീദ ടീച്ചർ, പ്രസീത.ജി.എസ്, ദിവ്യ.കെ.ദിവാകരൻ, അൻസബ്.എം, ഫാത്തിമ.എം, ജസീല.ഇ, ഫാത്തിമത്തുൽ നാജിഹ, ഫത്വാൻ അനസ്, അനസ് കെ.പി, സഹറ ഫാത്തിമ, മാജിദ്, ആമിന സയാൻ എന്നിവർ പങ്കെടുത്തു.

നാദാപുരം: മേഖലയിലെ വിവിധ പഞ്ചായത്തുകളിൽ ഇന്ന് കൂടുതൽ പേർക്ക്  കൊവിഡ് സ്ഥിരീകരിച്ചു. 
വാണിമേൽ പഞ്ചായത്തിൽ പതിനാറ് പേർക്കാണ് പോസിറ്റീവായത്. നരിപ്പറ്റയിൽ പത്ത് പേർക്കും എടച്ചേരിയിൽ എട്ടു പേർക്കും ഇന്ന് പോസിറ്റീവായി. പുറമേരിയിലും ചെക്യാട്ടും ഓരോരുത്തർക്ക് വീതം ഇന്ന് രോഗം സ്ഥിരീകരിച്ചിട്ടുണ്ട്.

വാണിമേൽ: വാദീനൂർ ഇസ്ലാമിക് സെൻററിന് കീഴിൽ പ്രവർത്തിക്കുന്ന വാദിനൂർ വഫിയ്യ കോളേജിന് വേണ്ടി നിർമ്മിക്കുന്ന ഹോസ്റ്റൽ കെട്ടിടത്തിന് പാണക്കാട് സയ്യിദ് അബ്ബാസലി ശിഹാബ് തങ്ങൾ ശിലാസ്ഥാപനം നിർവഹിച്ചു. ചടങ്ങിൽ സി ഐ സി കോഡിനേറ്റർ ഹക്കീം ഫൈസി ആദൃശ്ശേരി മുഖ്യപ്രഭാഷണം നടത്തി. സമസ്ത ട്രഷറർ ചേലക്കാട് മുഹമ്മദ് മുസ്ലിയാർ പ്രാർഥന നിർവഹിച്ചു. കോളജ് പ്രിൻസിപ്പാൾ സയ്യിദ് നജ്മുദ്ധീൻ പൂക്കോയ തങ്ങൾ അധ്യക്ഷത വഹിച്ച ചടങ്ങിൽ തെറ്റത്ത് അമ്മദ് മുസ്ലിയാർ സ്വാഗതവും കെ.കെ. മുനീർ നന്ദിയും പറഞ്ഞു. എസ് പി എം തങ്ങൾ, അഹമദ് ബാഖവി, അസിസ് ഫൈസി, അഹമ്മദ് പുന്നക്കൽ, സിവിഎം വാണിമേൽ,  ടി.എം.വി ഹമീദ്, കൊറ്റാല അഷ്റഫ്, ചേലക്കാടൻ കുഞ്ഞമ്മദ്, പി പി അഷ്റഫ് മൗലവി, ജലീൽ വാഫി അസ്ഹരി, സി കെ പി അലി മൗലവി, സി പി കുഞ്ഞമ്മദ് മാസ്റ്റർ, സിദ്ദീഖ് വെളളിയോട് , കെ.സി. മുഹമ്മദലി, ഒ.മുനീർ മാസ്റ്റർ, സി.വി അഷ്റഫ് മാസ്റ്റർ, ജാഫർ ദാരിമി, ടി.സി അന്ത്രു ഹാജി, നടുക്കണ്ടി മൊയ്തു, റഷീദ് കോടിയുറ പങ്കെടുത്തു

എടച്ചേരി: ഡൽഹിയിലെ കർഷകസമരത്തിൽ പങ്കെടുക്കുന്ന കർഷക സംഘം നാദാപുരം ഏരിയ കമ്മറ്റി പ്രതിനിധികൾക്ക് എൽ.ഡി.എഫ്  നേതാക്കൾ എടച്ചേരിയിൽ യാത്രയയപ്പ് നൽകി അനുമോദിച്ചു. എടച്ചേരിയിൽ നടന്ന പരിപാടിയിലാണ് ടി.കെ ബാലൻ ചാലിൽ, അതുൽ രാജ് എന്നിവരെ അനുമോദിച്ചത്. പി.കെ ബാലൻ മാസ്റ്റർ അധ്യക്ഷത വഹിച്ചു. പഞ്ചായത്ത് പ്രസിഡണ്ട് എൻ.പത്മിനി ടീച്ചർ, വി. കുഞ്ഞിക്കണ്ണൻ, വത്സരാജ് മണലാട്ട്, വി.രാജീവ്, ടി.കെ ബാലൻ, എം.എം അശോകൻ, കെ.നാണു എന്നിവർ സംസാരിച്ചു. വി.കുഞ്ഞിക്കണ്ണൻ സമരസഖാക്കളെ ഷാളണിയിച്ചു അഭിവാദ്യം ചെയ്തു.

ഇരിങ്ങണ്ണൂർ:ഇരിങ്ങണ്ണൂർ മേഖലയിലെ ക്ഷേത്രങ്ങളിലെ ഉത്സവങ്ങൾ, തിറ, എന്നിവ പൂർണമായും ഒഴിവാക്കി ക്ഷേത്ര ചടങ്ങുകൾ പൂജാകർമങ്ങൾ മാത്രമായി നടത്താനും വാദ്യമേളങ്ങളില്ലാതെയും, ജനങ്ങൾ കൂടി ചേരുന്നത് ഒഴിവാക്കാനും നാദാപുരം പോലീസും എടച്ചേരി ഗ്രാമ പഞ്ചായത്തും സംയുക്തമായി വിളിച്ച യോഗത്തിൽ തീരുമാനിച്ചു. കോവിഡ് നാട്ടുമ്പുറങ്ങളിൽ പടർന്നുകൊണ്ടിരിക്കുന്ന സാഹചര്യത്തിലാണ് ഇത്തരം തീരുമാനങ്ങളെടുത്തത്. എടച്ചേരി ഗ്രാമപഞ്ചായത്ത് പ്രസിഡണ്ട് എൻ.പത്മിനി ടീച്ചർ അധ്യക്ഷത വഹിച്ചു.സി.ഐ എൻ സുനിൽ കുമാർ യോഗം ഉദ്ഘാടനം ചെയ്തു. ഇരിങ്ങണ്ണൂർ പ്രദേശത്തെ ക്ഷേത്രഭാരവാഹികളുടെ യോഗമാണ് ഇരിങ്ങണ്ണൂർ എൽ.പി  സ്കൂളിൽ ചേർന്ന് ഉത്സവങ്ങളും ആഘോഷങ്ങളും ഒഴിവാക്കാൻ തീരുമാനിച്ചത്. ഇരിങ്ങണ്ണൂർ ശ്രീ മഹാശിവക്ഷേത്രം , പുതിയോട്ടിൽ ശ്രീഭഗവതി ക്ഷേത്രം , വേങ്ങേരി ശ്രീ ഭഗവതി ക്ഷേത്രം , മരക്കുളത്തിൽ ശ്രീ ഭഗവതി ക്ഷേത്രം , മൊയിലോള്ളതിൽ ക്ഷേത്രം , കൈതേരി മഠം, എടവലത്ത് ക്ഷേത്രം എന്നീ ക്ഷേത്രങ്ങളെ പ്രതിനിധീകരിച്ച് ക്ഷേത്ര കമ്മറ്റി ഭാരവാഹികൾ യോഗത്തിൽ പങ്കെടുത്തു.  എടച്ചേരി ഗ്രാമ പഞ്ചായത്ത് വൈസ് പ്രസിഡണ്ട് എം. രാജൻ, വാർഡ് മെമ്പർമാരായ കെ.ടി.കെ രാധ, ശ്രീജിത്ത് സി.പി. എന്നിവർ സംസാരിച്ചു. പി.ബാലൻ, വി.കെ മോഹനൻ മാസ്റ്റർ, രവീന്ദ്രൻ വണ്ണത്താ ങ്കണ്ടിയിൽ, പ്രമോദ് കെ . കുഞ്ഞിക്കൃഷ്ണൻ നായർ മൊയിലോള്ളതിൽ  എന്നിവർ സംബന്ധിച്ചു.രാജീവൻ കെ സ്വാഗതം പറഞ്ഞു.

നാദാപുരം: ചെക്യാട് ഗ്രാമ പഞ്ചായത്തിൽ വികസനം, ക്ഷേമം, ആരോഗ്യ വിദ്യാഭ്യാസം എന്നീ സ്റ്റാന്റിംഗ് കമ്മിറ്റികളുടെ  ചെയർമാൻ സ്ഥാനം മുസ്ലിം ലീഗിന്. വികസന കാര്യ സ്ഥിരം സമിതി ചെയർപേഴ്സണായി സി എച്ച് സമീറയും , ക്ഷേമ കാര്യ ചെയർമാനായി ടി കെ ഖാലിദ് മാസ്റ്ററും, ആരോഗ്യ വിദ്യാഭ്യാസ ചെയർ  പേഴ്സണായി  
കെ പി റംലയുമാണ് തെരഞ്ഞെടുക്കപ്പെട്ടത്.

നാദാപുരം: കഴിഞ്ഞ ദിവസം പുളിയാവ് നാഷണൽ കോളേജിൽ  ജനപ്രതിനിധികൾക്ക് നൽകിയ സ്വീകരണ പരിപാടിയെ കുറിച്ച് വിവാദം. മുസ്ലിം ലീഗ് നേതാക്കളുടെ  നേതൃത്വത്തിലുള്ള കോളേജിൽ പാർട്ടി നടപടിക്ക് വിധേയനായ  മുൻ കെ എം സി സി നേതാവ്  ലീഗ് ജനപ്രതിനിധിക്ക് ഉപഹാരം സമർപിച്ചതാണ് വിവാദമായത്. ലീഗ് അണികൾക്കിടയിൽ ഇത് അമർഷമുണ്ടാക്കിയിട്ടുണ്ടലീഗിൻ്റെ സോഷ്യൽ മീഡിയ ഗ്രൂപ്പുകളിൽ വലിയ ചർച്ചയായി ഈ വിഷയം ഉയർന്ന് വന്നിട്ടുണ്ട്.

ഇരിങ്ങണ്ണൂർ: എടച്ചേരി പഞ്ചായത്ത് ലൈബ്രറി കൗൺസിൽ നേതൃസമിതിയുടെ ആഭിമുഖ്യത്തിൽ യു.പി, വിഭാഗം, പെൺകുട്ടികൾക്കായി  വായന മത്സരം നടത്തി. കച്ചേരി  പൊതുജന വായനശാല & ഗ്രന്ഥാലയത്തിൽ നടന്ന  പരിപാടിക്ക് കെ കെ  കുഞ്ഞിരാമൻ മാസ്റ്റർ, അമൽരാജ് ടി കെ . ഷീബ ഇ കെ,  പ്രദീപൻ കെ, ആഷിക് കെ കെ , അജിത ടീച്ചർ, ഷൈനി ടീച്ചർ  ഷിബി എം, പ്രവീൺ   നേതൃത്വം നൽകി.

നാദാപുരം: ജയിച്ചു വന്ന  വാർഡിൽ ജനകീയ പങ്കാളിത്തത്തോടെ ശുചീകരണ പ്രവർത്തനം നടത്തി വാർഡ് മെമ്പർ. നാദാപുരം ടൗണിന്റെ ഭാഗം ഉൾപ്പെടുന്ന പത്തൊൻപതാം വാർഡ് മെമ്പർ  അബ്ബാസ് കണേക്കലാണ്  ഇന്ന് രാവിലെ മുതൽ 
ശുചീകരണ പ്രവർത്തനത്തിന്  ഇറങ്ങിയത്. നൻമപുരം റസിഡൻസ് അസോസിയേഷൻ പ്രവർത്തകരുടെ സഹകരണത്തോടെ നടന്ന  ഒന്നാം ഘട്ട  പ്രവർത്തനം  പുളിക്കൂൽ റോഡിലായിരുന്നു.
തേങ്ങോത്ത് സൂപ്പി,  ചേനത്ത് സിറാജ്, നൗഷാദ് ഇകെ, നൗഫൽ തങ്ങൾ, ഫൈസൽ ചങ്ങനോത്ത്,  ഷഹബാസ് പിപി, സിറാജ് ചങ്ങനോത്ത്, ജാബിർ തങ്ങൾ എരഞ്ഞിക്കൽ , സലീം ജികെ എന്നിവർ പങ്കാളികളായി.

എടച്ചേരി:കേന്ദ്ര സർക്കാരിൻ്റെ കർഷകദ്രോഹ നയങ്ങൾക്കെതിരെ ഡൽഹിയിൽ ഒരു മാസത്തിലേറെയായി സമരം ചെയ്യുന്ന കർഷകർക്ക് ഐക്യദാർഡ്യവുമായി എൽ.ജെ.ഡി എടച്ചേരി പഞ്ചായത്ത് കമ്മറ്റിയുടെ ആഭിമുഖ്യത്തിൽ എടച്ചേരി ടൗണിൽ പ്രതിഷേധ സമരജ്വാലയും പ്രകടനവും നടത്തി. യുവജനതാദൾ സംസ്ഥാന ജനറൽ സെക്രട്ടറി ഇ.കെ സജിത്കുമാർ  ഉദ്ഘാടനം ചെയ്തു. എൽ.ജെ.ഡി എടച്ചേരി പഞ്ചായത്ത് കമ്മറ്റി പ്രസിഡണ്ട് വത്സരാജ് മണലാട്ട് അധ്യക്ഷത വഹിച്ചു.ടി.കെ ബാലൻ, കെ രജീഷ്, കെ.എം നാണു, പി.കെ അശോകൻ, പാച്ചാക്കര രവീന്ദ്രൻ, ടി.പ്രകാശൻ, ശ്രീജ പാലപ്പറമ്പത്ത്, കെ.വി ചാത്തു എന്നിവർ നേതൃത്വം നൽകി.

നാദാപുരം: ത്രിതല പഞ്ചായത്ത് അംഗങ്ങൾക്ക് പുളിയാവ് നാഷണൽ കോളജിൽ സ്വീകരണം നൽകി.  
കോളജ് മാനേജിംഗ് കമ്മിറ്റിയാണ് പ്രൗഡമായ ചടങ്ങ് ഒരുക്കിയത്. 
സി കെ നാണു എം എൽ എ ഉദ്ഘാടനം ചെയ്തു.
ട്രസ്റ്റ് ചെയർമാൻ അബ്ദുല്ല വയലോളി അധ്യക്ഷനായി. 
പാനൂർ നഗരസഭാ ചെയർമാൻ 
വി നാസർ മാസ്റ്റർ, തൂണേരി  ബ്ലോക്ക് പഞ്ചായത്ത് പ്രസിഡണ്ട് 
കെ പി വനജ, വൈസ് പ്രസിഡണ്ട് ടി കെ അരവിന്ദാക്ഷൻ, 
ജില്ലാ പഞ്ചായത്ത് അംഗങ്ങളായ സി വി എം നജ്മ , സുരേഷ് കൂടത്താംകണ്ടി,
ഗ്രാമ പഞ്ചായത്ത് പ്രസിഡണ്ടുമാരായ കെ പി പ്രതീഷ്, നസീമ ചാമാളി, പി.ഷാഹിന, പി സുരയ്യ,  വൈസ് പ്രസിഡണ്ടുമാരായ അഖില മര്യാട്ട്, കെ മധു മോഹനൻ, തുടങ്ങിയവർ ഉപഹാരം ഏറ്റുവാങ്ങി. 
അഹമ്മദ് പുന്നക്കൽ, സൂപ്പി നരിക്കാട്ടേരി, പ്രൊഫ. പി മമ്മു, കുഞ്ഞബ്ദുല്ല മരുന്നോളി തുടങ്ങിയവർ പ്രസംഗിച്ചു.

നാദാപുരം; തെരഞ്ഞെടുപ്പ് ദിവസം തെരുവംപറമ്പിലുണ്ടായ സംഘർ ഷവുമായി ബന്ധപ്പെട്ട്  ജയിലിലായ എട്ടു യൂത്ത് ലീഗുകാർ മോചിതരായി. നാദാപുരം മണ്ഡലം യൂത്ത് ലീഗ് ജനറൽ സെക്രട്ടറി 
ഇ ഹാരിസ് , പ്രവർത്തകരായ റിയാസ് ഈന്തുള്ളതിൽ, വാണിയം വീട്ടിൽ മുഹമ്മദ് ഷഫീഖ് , താഴെ കവുങ്ങു ള്ളതിൽ  മുഹമ്മദ് , താഴെ പുതിയോട്ടിൽ അബ്ദുൽ ലത്തീഫ്, കിഴക്കേ പറമ്പത്ത് റഈസ് ,  
കുഞ്ഞി പറമ്പത്ത് ആഷിഫ്, പൂലാറോത്ത്റാഷിദ് എന്നിവർക്കാണ് ഇന്നലെ  ഹൈക്കോടതി ജാമ്യം അനുവദിച്ചത്. 
കോഴിക്കോട് ജില്ലാ ജയിലിൽ കഴിയുന്ന ഇവർ ഇന്ന് നാലരയോടെയാണ് ജയിൽ മോചിതരായത്.
ഹാരിസ് ഉൾപ്പെടെയുള്ള നേതാക്കളെയും പ്രവർത്തകരെയും പ്രതി ചേർത്ത്  പോലീസ് വധശ്രമത്തിനാണ്  കേസ്  രജിസ്റ്റർ ചെയ്തത്. 
ആറ് പേരെ പിറ്റേ ദിവസം തന്നെ അറസ്റ്റ് ചെയ്തിരുന്നു. 
ബ്ലോക്ക് ഡിവിഷൻ സ്ഥാനാർത്ഥിയുടെ ചീഫ് ഏജന്റ് എന്ന നിലക്ക് വോട്ടെണ്ണൽ കേന്ദ്രത്തിൽ എത്തിയ ഹാരിസിനെ
അവിടെ  വെച്ചാണ്  അറസ്റ്റ് ചെയ്തത്.

വാണിമേൽ:പഞ്ചായത്തിലെ വനിതാ ജന പ്രതിനിധികൾക്ക് വനിതാ ലീഗ്  പഞ്ചായത്ത് കമ്മിറ്റി സ്വീകരണം നൽകി. ഗ്രാമപഞ്ചായത്ത് പ്രസിഡൻ്റ് പി.സുരയ്യ, ജില്ലാ പഞ്ചായത്ത് മെമ്പർ സി.വി.എം. നജ്മ,ബ്ലോക്ക് പഞ്ചായത്ത് അംഗം  സുഹ്റ തണ്ടാൻ്റവിട , ഗ്രാമപഞ്ചായത്ത് മെമ്പർമാരായ ഫാത്തിമ കണ്ടിയിൽ, മുഫീദ റാഷിദ് എന്നിവർക്കാണ്   നൽകിയത്.  പഞ്ചായത്ത് മുസ്ലിം ലീഗ് പ്രസിഡൻ്റ് വി.കെ.കുഞ്ഞാലി മാസ്റ്റർ ഉദ്ഘാടനം ചെയ്തു.  അഷ്റഫ് കൊറ്റാല, വി.കെ.മൂസ മാസ്റ്റർ, എം.പി. സൂപ്പി, കല്ലിൽ സൂപ്പി എന്നിവർ ആശംസകൾ അർപ്പിച്ചു.  വനിതാ ലീഗ് മണ്ഡലം പ്രസിഡൻ്റ് കുണ്ടിൽ സൈനബ അധ്യക്ഷത വഹിച്ചു.വി.കെ.സാബിറ ടീച്ചർ സ്വാഗതവും ജമീല കാപ്പാട്ട് നന്ദിയും പറഞ്ഞു.

കല്ലാച്ചി : കേന്ദ്ര ഗവ. ശാസ്ത്ര സാങ്കേതിക വകുപ്പ് നൽകുന്ന ഇൻസ്പയർ അവാർഡ്  കല്ലാച്ചി ഗവ.യു.പി സ്കൂളിന്.  7ാം തരം വിദ്യാർഥിനി അനുലക്ഷ്മി യാണ്  അവാർഡിന് അർഹയായത്.  അനുലക്ഷ്മിക്കുള്ള പി.ടി.എ യുടെ ഉപഹാര സമർപ്പണം  പ്രസിഡണ്ട്  നിഷാ മനോജ് നിർവ്വഹിച്ചു. അനുമോദന  യോഗത്തിൽ ബ്ലോക്ക് മെമ്പർ അഡ്വ. എ സജീവൻ , ഗ്രാമ പഞ്ചായത്ത് മെമ്പർമാരായ എം സി  സുബൈർ,  ദിലിപ് കുമാർ , വി.പി. സജി വൻ ., ഹെഡ് മാസ്റ്റർ എൻ സജീവൻ , ബാബു കൂമുള്ളി, ശ്രീജ ശ്രീധരൻ , രാജേഷ് സി.കെ, രാധിക ശ്രീജിത്, മണ്ടോടി മുഹമ്മദലി എന്നിവർ സംസാരിച്ചു.

നാദാപുരം; തെരഞ്ഞെടുപ്പ് ദിവസം തെരുവം പറമ്പിലുണ്ടായ സംഘർഷവുമായി ബന്ധധപ്പെട്ട്  ജയിലിൽ കഴിയുന്ന   എട്ടു യൂത്ത് ലീഗുകാർക്ക്  ജാമ്യം ലഭിച്ചെങ്കിലും ജയിൽ മോചിതരായില്ല.  നാദാപുരം മണ്ഡലം യൂത്ത് ലീഗ് ജനറൽ സെക്രട്ടറി ഇ ഹാരിസ് , പ്രവർത്തകരായ റിയാസ് ഈന്തുള്ളതിൽ, വാണിയം വീട്ടിൽ മുഹമ്മദ് ഷഫീഖ് , താഴെ കവുങ്ങു ള്ളതിൽ  മുഹമ്മദ് , താഴെ പുതിയോട്ടിൽ അബ്ദുൽ ലത്തീഫ്, കിഴക്കേ പറമ്പത്ത് റഈസ് ,  
കുഞ്ഞി പറമ്പത്ത് ആഷിഫ്, പൂലാറോത്ത്റാഷിദ് എന്നിവർക്കാണ് ഹൈക്കോടതി ഇന്ന് ജാമ്യം അനുവദിച്ചത്. എന്നാൽ ജാമ്യമനുവദിച്ചു കൊണ്ടുള്ള ഉത്തരവ് കല്ലാച്ചി മജിസ്ട്രേറ്റ് കോടതിയിൽ എത്താൻ വൈകിയതിനാൽ ഇന്ന് ഇവർക്ക് പുറത്തിറങ്ങാൻ കഴിഞ്ഞില്ല.കോഴിക്കോട് ജില്ലാ ജയിലിൽ കഴിയുന്ന എട്ടു പേരും നാളെ  പുറത്തിറങ്ങും.

നാദാപുരം : നാടിന്റെ ഡിജിറ്റൽ ഭൂപടമാകുന്ന ''ആൾ" അപ്ലിക്കേഷന്റെ വിവര ശേഖരണം നാദാപുരത്ത് തുടങ്ങി. ഗ്രാമ പഞ്ചായത്ത്‌ തല  ഉദ്ഘാടനം കല്ലാച്ചിയിൽ  നാദാപുരം ഗ്രാമപഞ്ചായത്ത് പ്രസിഡന്റ് വി വി മുഹമ്മദലി നിർവ്വഹിച്ചു.  ജീവിതത്തിന്റെ നാനാ തലങ്ങളിൽ പൊതുജനങ്ങളുമായി ബന്ധപ്പെടുന്നവരേയാണ് ആപ്ലിക്കേഷനിൽ ആദ്യഘട്ടം രജിസ്റ്റർ ചെയ്യിക്കുന്നത്. "എല്ലാമുണ്ട് എല്ലാവരുമുണ്ട് '' എന്നതാണ് ആൾ ആപ്പ് ഉറപ്പ് വരുത്തുന്നത്. എല്ലാ സേവനങ്ങളും പൊതു പ്രവർത്തകരെ ബന്ധപ്പെടാനുള്ള സൗകര്യങ്ങളും ആപ്ലിക്കേഷനിൽ ഉണ്ട്. 

നാദാപുരം പഞ്ചായത്തിലെ ജീവനക്കാരുടെയും ജനപ്രതിനിധികളുടെയും രജിസ്ട്രേഷൻ  ഗ്രാമ പഞ്ചായത്ത് ഓഫീസിൽ നടന്ന ചടങ്ങിൽ പ്രസിഡൻറ് വി വി മുഹമ്മദലി  നിർവ്വഹിച്ചു.
സെക്രട്ടറി റെജുലാൽ, ഗ്രാമപഞ്ചായത്ത് മെമ്പർമാരായ പി പി ബാലകൃഷ്ണൻ, നിഷ മനോജ്,വി പി കുഞ്ഞിരാമൻ,സുബൈർ ചേലക്കാട്, ദിലീപ് കുമാർ, റീന തുടങ്ങിയവർ ആശംസകൾ നേർന്നു.

ആൾ ആപ്പ് പ്രതിനിധികളായ കെ കെ ശ്രീജിത്ത്‌, സി ടി അനൂപ്, നിതിൻ രാജ്, അഖിൽ തൂണേരി, അരുൺ എം ടി, അനുശ്രീ കെ കെ, അർഷ കെ പി, അജന്യ കെ കെ, ആതിര കെ, സൂര്യ ടി കെ, അരുൺ, അഭിജിത്ത് എന്നിവർ സംസാരിച്ചു.

നാദാപുരം: കഴിഞ്ഞ 22 ദിവസമായി ജയിലിൽ കഴിയുന്ന നിയോജക മണ്ഡലം മുസ്ലിം യൂത്ത് ലീഗ് ജനറൽ സെക്രട്ടറി 
ഇ ഹാരിസടക്കം 7 പേർക്ക് ജാമ്യം.  കേരള  ഹൈക്കോടതിയാണ് അൽപ സമയം മുൻപ്    ജാമ്യം നൽകിയത്.  
തെരഞ്ഞെടുപ്പ് ദിവസം തെരുവൻ പറമ്പിൽ നടന്ന സംഘർഷവുമായി ബന്ധപ്പെട്ട കേസിൽ മൂന്നാം പ്രതിയായ ഹാരിസിനെ ഡിസംബർ 16ന് പുറമേരി വോട്ടെണ്ണൽ കേന്ദ്രത്തിൽ വെച്ചാണ് അറസ്റ്റ് ചെയ്തത്. ഇതേ കേസിൽ ഒന്നാം പ്രതിയായ കോൺഗ്രസ് മണ്ഡലം പ്രസിഡണ്ട് കെ എം രഘുനാഥും രണ്ടാം പ്രതിയായ കെ ടി കെ അശോകനും മുൻകൂർ ജാമ്യം നേടിയിരുന്നു.

കക്കട്ടിൽ: നാദാപുരം - കുറ്റ്യാടി സംസ്ഥാന പാത യിൽ കഴിഞ്ഞ ദിവസമുണ്ടായ വാഹനാപകടത്തിൽ നരിപ്പറ്റ പഞ്ചായത്ത് ഓഫീസ് ജീവനക്കാരന് സാരമായ പരിക്കേറ്റു. കുളങ്ങരത്ത് ഡിവൈഡറിന് സമീപത്തുവെച്ച് ഇദ്ദേഹം സഞ്ചരിച്ച ബൈക്കിൽ സ്വകാര്യ ബസ്സ് ഇടിക്കുകയായിരുന്നു.ഇതേ പാതയിൽ മുൻപും നിരവധി അപകടങ്ങളിൽ 17 ഓളം പേർ മരിച്ചിട്ടുണ്ട്.
പാത അപകടരഹിതമാക്കാൻ അധികൃതർ ശ്രമിച്ചുവെങ്കിലും വിജയം കണ്ടെത്തിയില്ല എന്നതാണ് ഇടയ്ക്കിക്കിടെയുള്ള അപകടങ്ങൾ സൂചിപ്പിക്കുന്നത്, പാതയോരത്ത് വാഹനങ്ങൾ നിർത്തിയിടുന്നതഅപകട കാരണമാവുന്നുണ്ട്.
 കക്കട്ടിൽ, കുളങ്ങരത്ത്, നരിപ്പറ്റ റോഡ്, അമ്പലകുളങ്ങര, വട്ടോളി എന്നിവിടങ്ങളിലാണ് അപകടങ്ങൾ ഏറേയും.വട്ടോളി നാഷനൽ ഹയർ സെക്കൻ്ററി സ്കൂളിലെ രണ്ട് പിഞ്ചുകുട്ടികൾ കാറിടിച്ച് മരിച്ചതും ഈ പാതയിലാണ്.     അപകടരഹിത പാതയെന്ന നാട്ടുകാരുടെ ആവശ്യത്തിനു പരിഹാരമുണ്ടായിട്ടില്ല. റോഡിന് ഇരുവശവും കാൽനട യാത്രക്കാർക്ക്  സൗകര്യമില്ലന്നു ചൂണ്ടിക്കാണിക്കപ്പെട്ടിട്ടും നടപടികൾ കൈക്കൊള്ളാതെയാണ് റോഡ് നിർമ്മാണം പൂർത്തീകരിച്ചത്. വട്ടോളിയിൽ റോഡിന് ഇരുവശവും ഫുട്്പാത്ത് നിർമ്മിച്ച് കൈൈവരി കെട്ടിയിറ്റുുണ്ട്. നരിപ്പറ്റ റോഡ്, തീക്കുനി ഭാഗങ്ങളിൽ നിന്നും വരുന്ന വാഹനങ്ങൾ തിരക്കേറിയ സംസ്ഥാന പാതയിലേക്ക് പ്രവേശിക്കുന്നിടത്തും വാഹന അപകടങ്ങൾ പതിവാണ്. 
അമിത വേഗതയിൽ വരുന്ന വാഹനങ്ങൾക്ക് വേഗനിയന്ത്രണ സംവിധാനങ്ങളില്ലാത്തതും, വീതി കുറഞ്ഞ റോഡായതുമാണ് അപകടങ്ങൾ കൂടാൻ കാരണം. സംസ്ഥാന പാതയിലേക്ക് പ്രവേശിക്കുന്നിടത്ത് തന്നെ തീക്കുനി, നരിപ്പറ്റ റോഡുകൾക്ക് സമീപത്തു ബസ് സ്റ്റോപ്പുകൾ ഉള്ളതും അപകടം വർധിക്കാൻ കാരണമാണ്. വേഗ നിയന്ത്രണ സംവിധാനങ്ങൾ അപകടങ്ങൾ വരുമ്പോൾ മാത്രം സ്ഥാപിക്കുകയും പിന്നീട് എടുത്തുകളയുകയും ചെയ്യുന്നതായി ആക്ഷേപമുണ്ട്. എയർപോർട്ട് റോഡായി ഉയർത്തിയതോടെയാണ് ഇവിടെ അപകടം കൂടിയത്. ആവശ്യത്തിന് വീതി കൂട്ടാതെ പണി തീർത്തതാണ് അപകട കാരണമെന്ന് നാട്ടുകാർ പറയുന്നു.
സംസ്ഥാന പാതയോരത്ത് നിരവധി വിദ്യാഭ്യാസ സ്ഥാപനങ്ങളിൽ നൂറുകണക്കിന് വിദ്യാർത്ഥികൾ പഠിക്കുന്നുണ്ട്. ഇവരുടെ സുരക്ഷ മുൻനിർത്തി യെങ്കിലും വേഗനിയന്ത്രണ സംവിധാനമൊരുക്കണമെന്ന് നാട്ടുകാർ പറയുന്നു.

നാദാപുരം: പാമ്പാടി നെഹ്റു കോളേജിൽ ദുരൂഹ സാഹചര്യത്തിൽ മരണപ്പെട്ട വളയത്തെ ജിഷ്ണു പ്രണോയിയുടെ നാലാമത് ചരമവാർഷിക ദിനം സിപി  എം കല്ലുനിര ലോക്കൽ കമ്മിറ്റിയുടെ നേതൃത്വത്തിൽ ആചരിച്ചു.
അനുസ്മരണ സമ്മേളനം ജില്ലാ സെക്രട്ടറി പി മോഹനൻ ഉദ്ഘാടനം ചെയ്തു. എ കെ രവീന്ദ്രൻ അധ്യക്ഷനായി. ഏരിയാ സെക്രട്ടറി പി പി ചാത്തു, ജില്ലാ കമ്മിറ്റി അംഗം കൂടത്താംകണ്ടി സുരേഷ്, കെ പി പ്രദീഷ്, എൻ പി കണ്ണൻ, അഡ്വ. രാഹുൽ രാജ്, പി പി കുമാരൻ, വി പി ശശിധരൻ എന്നിവർ സംസാരിച്ചു. വളയം  പഞ്ചായത്തിലെ എൽ.ഡി.എഫ്‌ സാരഥികൾക്ക്‌ പരിപാടിയിൽ സ്വീകരണം നൽകി.
പൂവ്വം വയലിലെ വീട്ടുമുറ്റത്ത് ചേർന്ന അനുസ്മരണത്തിൽ പഞ്ചായത്ത് പ്രസിഡന്റ്‌ കെ പി പ്രദീഷ് അധ്യക്ഷനായി. പഞ്ചായത്ത് അംഗങ്ങളായ എം സുമതി, വി കെ രവി, എം ദേവി, രാഷ്ട്രീയ പാർടി പ്രതിനിധികളായ എ കെ രവീന്ദ്രൻ, കെ ചന്ദ്രൻ, കെ ടി കുഞ്ഞിക്കണ്ണൻ, പി പി കുമാരൻ, അശോകൻ എന്നിവർ സംസാരിച്ചു. പി കെ വിനോദൻ സ്വാഗതം പറഞ്ഞു.

കക്കട്ടിൽ: നാഷണൽ യൂത്ത് പാർലിമെൻ്റ് ഫെസ്റ്റീവലിൽ കേരളത്തിൻ്റെ പ്രതിനിധികളിൽ ഒരാളായി പങ്കെടുക്കുന്നതിനുള്ള അവസരം ലഭിച്ച സന്തോഷത്തിലാണ്  കക്കട്ടിൽ കുളങ്ങരത്ത് സ്വദേശിനി ചേണികണ്ടി അബ്ദുൾ അസീസിൻ്റെ മകൾ ഫൈസ അബ്ദുൾ അസീസ്.  കേന്ദ്ര യുവജന കാര്യ- കായിക മന്ത്രാലയം, നെഹ്റു യുവകേന്ദ്ര, നാഷനൽ സർവ്വീസ് സ്കീം എന്നിവയുടെയും ആഭിമുഖ്യത്തിൽ സംഘടിപ്പിച്ച സംസ്ഥാന തല യൂത്ത് പാർലിമെൻ്റിൽ പ്രസംഗ മത്സരത്തിൽ രണ്ടാം സ്ഥാനം നേടിയതിനെ തുടർന്നാണ് ഫൈസ അബ്ദുൾ അസീസിന് ഈ അവസരം കൈവന്നിരിക്കുന്നത്. 12,13 തീയ്യതികളിൽ പാർലിമെൻ്റ് സെൻട്രൽ ഹാളിൽ നടക്കുന്ന നാഷണൽ യൂത്ത് പാർലിമെൻ്റ് ഫെസ്റ്റിവലിൽ കേരളത്തിൽ നിന്നും പങ്കെടുക്കുന്ന മൂന്നു പേരിൽ ഒരാളാണ് ഫൈസ. ദേശീയ യുവജന ദിനമായ ജനുവരി 12 ന് പ്രധാനമന്ത്രി നരേന്ദ്ര മോഡിയാണ് യൂത്ത് പാർലിമെൻ്റ് ഉദ്ഘാടനം ചെയ്യുന്നത്. പത്തനംതിട്ട ജില്ലയിലെ എസ്.മുംതാസ്, കോട്ടയം ജില്ലയിലെ അർച്ചന പ്രകാശ് എന്നിവർക്കാണ് രണ്ടും മൂന്നും സ്ഥാനങ്ങൾ ലഭിച്ചത്. ഫൈസ അബ്ദുൾ അസീസ് ബി.എസ്.സി.സൈക്കോളജി ബിരുദധാരിയാണ്. ഹസീനയാണ് മാതാവ്.

പാറാട്: അസുഖത്തെ തുടർന്ന് ചികിത്സയിലുള്ള  പി ആർ എം കൊളവല്ലൂർ ഹയർസെക്കൻഡറി സ്കൂൾ വിദ്യാർത്ഥിയുടെ  രക്ഷിതാക്കൾക്ക് പി ആർ എം കൊളവല്ലൂർ ഹയർസെക്കൻഡറി വിഭാഗം അധ്യാപകർ, ജീവനക്കാർ, വിദ്യാർത്ഥികൾ, മാനേജ്മെന്റ്, പി.ടി.എ തുടങ്ങിയവരുടെ  സഹകരണത്തോടെ ധനസഹായം ശേഖരിച്ചു നൽകി. സാമ്പത്തിക മായി പ്രയാസമനുഭവിക്കുന്ന രോഗികളായ രക്ഷിതാക്കളെ സഹായിക്കാനാണ് ഫണ്ട് സ്വരൂപിക്കാൻ സ്കൂൾ അധികൃതർ രംഗത്തിറങ്ങിയത്. പ്രിൻസിപ്പൽ എം ശ്രീജ, സ്റ്റാഫ് സെക്രട്ടറി മനോജ് കുമാർ പി.കെ, പി.ടി.എ പ്രസിഡന്റ് ജ്യോതിബാബു , അധ്യാപകരായ ജോഷി ജോർജ് കെ.ടി, സുമേഷ് പി.എസ്, എസ്.കെ ചിത്രാംഗദൻ ,ഡോ.രൂപ ടി.എം, സഫറിക് സഹദ്, റസാഖ് പി.വി എന്നിവർ വിദ്യാർത്ഥിയുടെ വീട്ടിലെത്തിയാണ് ചികിത്സ സഹായമായി രണ്ടു ലക്ഷത്തി ഏഴായിരം രൂപ കൈമാറിയത്.

നാദാപുരം: മണ്ഡലത്തിലെ പൊതുമരാമത്ത് റോഡുകളുടെ  അറ്റകുറ്റ പ്രവൃത്തികൾക്ക് 3 കോടി 80 ലക്ഷം രൂപ അനുവദിച്ചതായി ഇ.കെ. വിജയൻ എം.എൽ.എ. അറിയിച്ചു. ടെന്റർ നടപടി പൂർത്തിയാക്കി പ്രവൃത്തി ആരംഭിക്കാൻ നടപടി സ്വീകരിക്കും.
1 - വില്ലാപ്പള്ളി - എടച്ചേരി - ഇരിങ്ങണ്ണൂർ റോഡ് - 28ലക്ഷം
2- ചേലക്കാട് - വില്യാപ്പള്ളി - വടകര റോഡ് - 35 ലക്ഷം
3 - മൊകേരി - കായക്കൊടി - പാലോളി - തൊട്ടിൽപ്പാലം റോഡ് - 17 ലക്ഷം
4 - മൂന്നാം കൈ - കരിങ്ങാട് - കൈവേലി റോഡ് - 60 ലക്ഷം
5 - ആ വടിമുക്ക് - മുടവന്തേരി റോഡ് - 8 ലക്ഷം
6- കുമ്പളച്ചോല -കമ്മായി - വാളൂക്ക് റോഡ് - 22 ലക്ഷം
7 - കക്കട്ടിൽ - കൈവേലി റോഡ് - 3 ലക്ഷം
8 - വിലങ്ങാട് - പാനോം -പുല്ല് വായ് റോഡ് - 5 ലക്ഷം
9 - മുള്ളൻ കുന്ന് - കുണ്ടുതോട് - പി.ടി. ചാക്കോ റോഡ് - 50 ലക്ഷം
10 - കല്ലാച്ചി-വാണിയൂർ റോഡ് - 10 ലക്ഷം
11- ചാത്തൻ ക്കോട്ട് നട - മുറ്റത്ത പ്ലാവ് - പശു ക്കടവ് റോഡ് - 23 ലക്ഷം
12- ട്രാൻ ഫോമർ മുക്ക് - നമ്പ്യാത്തൻ കുണ്ട് റോഡ് - 17 ലക്ഷം
13 പുറമേരി -വേറ്റുമ്മൽ റോഡ് - 50 ലക്ഷം
14 പുറമേരി - തുരുത്തി മുക്ക് റോഡ് - 6 ലക്ഷം
15 - കച്ചേരി - വെള്ളൂർ - കോട്ടേമ്പ്രം റോഡ് - 5 ലക്ഷം
16- കായപ്പനച്ചി കുന്നു ചിറ- പുതിയങ്ങാടി റോഡ് - 8 ലക്ഷം
17- നാദാപുരം - പുളിക്കൂൽ - കുമ്മങ്കോട് റോഡ് -7 ലക്ഷം
18- പയന്തോങ്ങ് -ചിയ്യൂർ - നരിപ്പറ്റ റോഡ് - 3 ലക്ഷം
19- പാറക്കടവ് - പുളിയാവ് - ജാതിയേരി റോഡ് - 22 ലക്ഷം
20- തൊട്ടിൽപ്പാലം കുണ്ടുതോട് റോഡ് - 7 ലക്ഷം

വടകര:  ലോകനാർ കാവിലെ സപ്ലൈകോ ഗോഡൗണിൽ ഇന്ന് പുലർച്ചെ അഞ്ചുമണിയോടെ വൻ തീപിടുത്തം ഭക്ഷ്യധാന്യ കിറ്റ് കൾ ഓയിലുകൾ വെളിച്ചെണ്ണ തുടങ്ങിയ ഉൾപ്പെടെ ടെ കത്തിനശിച്ചു ഷോർട്ട് സർക്യൂട്ടാണ് ആണ് തീപിടിക്കാൻ കാരണമെന്നാണ് പ്രാഥമിക നിഗമനം ഇതുവഴി സുപ്രഭാത സവാരിക്കിറങ്ങിയ നാട്ടുകാരാണ് നിന്നും പുക ഉയരുന്നത് കണ്ടത് അത് ഉടൻ വിവരമറിയിച്ചതിനെ തുടർന്ന് ഉദ്യോഗസ്ഥർ അടക്കം നാല് യൂണിറ്റുകൾ സ്ഥലത്തെത്തി എത്തി വടകര നാദാപുരം പേരാമ്പ്ര കൊയിലാണ്ടി പ്രദേശങ്ങളിൽ യൂണിറ്റുകൾ ആണ് ഇവിടെ എത്തിയത് ഏറെ മണിക്കൂറുകൾ നീണ്ട പരിശ്രമത്തിനൊടുവിൽ നാട്ടുകാരുടെയും പ്രദേശവാസികളെയും സഹകരണത്തോടെ   ഫയർഫോഴ്സ് തീ നിയന്ത്രണ വിധേയമാക്കാ കഴിഞ്ഞു. ഏകദേശം ഒരു കോടി രൂപയുടെ നഷ്ടം കണക്കാക്കുന്നുതായി സപ്ലൈകോ ഉദ്യോഗസ്ഥർ അറിയിച്ചു. കൂടുതൽ തീ പടരാതിരിക്കാൻ നാട്ടുകാരും ഫയർഫോഴ്സും മുകളിലെ ഭക്ഷ്യധാന്യ കിറ്റുകൾ മാറ്റിക്കൊണ്ടിരിക്കുകയാണ്. തീയണച്ചതോട് പുക കാരണം ഗോഡൗണിന് ഉള്ളിലേക്ക് കടക്കാൻ കഴിയാത്ത അവസ്ഥ ആയതിനാൽ ഗോഡൗണിലെ സിംഗ് മേൽക്കൂര നാട്ടുകാരും ഫയർഫോഴ്സും മാറ്റി.

നാദാപുരം: ഗ്രാമ പഞ്ചായത്ത് പ്രസിഡണ്ട് വി വി മുഹമ്മദലിക്ക് കല്ലാച്ചി ചീറോത്ത് മുക്കിൽ ഏർപ്പെടുത്തിയ സ്വീകരണ സമ്മേളനം 
ഇ ടി മുഹമ്മദ് ബഷീർ എം പി ഉദ്ഘാടനം ചെയ്തു. ആനാണ്ടി അബ്ദുല്ല അധ്യക്ഷത വഹിച്ചു. പാറക്കൽ അബ്ദുല്ല അനുമോദന പ്രസംഗം നടത്തി. തറക്കണ്ടി പോക്കർ ഹാജി ഉപഹാര സമർപ്പണം നടത്തി. റഷീദ് വെങ്ങളം, 
കെ പി എം സലീം മാസ്റ്റർ, സൂപ്പി നരിക്കാട്ടേരി, ബംഗ്ലത്ത് മുഹമ്മദ്, എം പി സൂപ്പി, കെ കെ നവാസ്, സാലി പുതുശേരി പ്രസംഗിച്ചു. ഗ്രാമ പഞ്ചായത്ത് അംഗങ്ങളായ എം സി സുബൈർ, അബ്ബാസ് കണേക്കൽ, ജനീദ ഫിർദൗസ്, മസ്ബൂബ അസീദ് സംബന്ധിച്ചു. 
നവാസ് പാലേരി ഗാനം ആലപിച്ചു. സി കെ നാസർ സ്വാഗതവും, ടി വി കെ ഇബ്രാഹിം നന്ദിയും പറഞ്ഞു.

കക്കട്ടിൽ: കുന്നുമ്മൽ ബ്ലോക്ക് പഞ്ചായത്ത് സാക്ഷരതാ സമിതിയുടെ നേതൃത്വത്തിൽ  ജനപ്രതിനിധികൾക്കുള്ള സ്വീകരണവും, ഹയർ സെക്കൻററി തുല്യതാ പഠിതാക്കൾക്കുള്ള സർട്ടിഫിക്കറ്റ് വിതരണവും നടത്തി. മുൻ എം എൽ എ ശ്രീമതി കെ. കെ ലതിക ഉദ്ഘാടനം ചെയ്തു. ബ്ലോക്ക് പഞ്ചായത്ത് സിക്രട്ടറി  പ്രജുകമാർ അദ്ധ്യക്ഷത വഹിച്ചു. കെ.സി.രാജീവൻ സ്വാഗതം പറഞ്ഞു.
ബ്ലോക്ക് പഞ്ചായത്ത് പ്രസിഡണ്ട് കെ.പി.ചന്ദ്രി, വൈസ് പ്രസിഡണ്ട് മുഹമ്മദ് കക്കട്ടിൽ, ജില്ലാ പഞ്ചായത്ത് മെമ്പർമാരായ സി.എം യശോദ, സി.വി നജ്മ ,ഗ്രാമ പഞ്ചായത്ത് പ്രസിഡണ്ട്മാരായ നയീമ (വേളo), ഒ.പി ഷിജിൽ ( കായക്കൊടി ), നഫീസ ടീച്ചർ (കറ്റ്യാടി), ബ്ലോക്ക് പഞ്ചായത്ത് മെമ്പർമാരായ ഗീതാ രാജൻ, വിശ്വൻ മാസ്റ്റർ, കുഞ്ഞിക്കണ്ണൻ, മുജീബ് റഹ്മാൻ, പഠിതാക്കളിൽ നിന്ന് ജനപ്രതിനിധികളായ കെ.വി തങ്കമണി ക്രാവിലുംപാറ) മിനി ( നരിപ്പറ്റ) നോഡൽ പ്രേരക് നിഷ എന്നിവർ സംസാരിച്ചു. നോഡൽ പ്രേരക് കെ. കെ. ദീപ നന്ദി പറഞ്ഞു.

നാദാപുരം: ചെക്യാട് ചോയി തോട്ടിൽ മുങ്ങിത്താഴുകയായിരുന്ന നാലു വയസ്സുകാരൻ്റെ ജീവൻ രക്ഷിച്ച അശ്വിൻ കൃഷ്ണയെ കെ എസ് യു ആദരിച്ചു. സമീപവാസിയായ കുറ്റിവയലിൽ അബൂബക്കറുടെ മകളുടെ കല്യാണ ദിവസം കുട്ടികളോടൊത്ത് കുളിയ്ക്കാൻ തോട്ടിലേക്ക്  പോയ ചാത്തോത്ത് നംഷീദിൻന്റെ മകൻ അജ്മലിനെയാണ് അശ്വിൻ കൃഷ്ണ രക്ഷിച്ചത്.  കൂടെയുണ്ടായിരുന്ന പെൺകുട്ടി ശബ്ദമുണ്ടാക്കുന്നത് കേട്ട് ഓടി വന്ന അശ്വിൻ ഒന്നും നോക്കാതെ വെള്ളത്തിലേക്ക് ചാടി കയത്തിൽ മുങ്ങുകയായിരുന്ന അജ്മലിനെ രക്ഷിക്കുകയായിരുന്നു. 
കെ എസ് യു മണ്ഡലം  സെക്രട്ടറി കൂടിയായ അശ്വിൻ കൃഷ്ണയെ  നിയോജക മണ്ഡലം പ്രസിഡണ്ട്  എൻ കെ അഭിഷേക്  ഷാളണിയിച്ചു. ഭാരവാഹികളായ ശുഹൈല് മേച്ചിക്കാട്ട്, അബ്ദുള്ള മുണ്ടോളി, എം ഹരിശങ്കർ, മുഹമ്മദ് പി പി ,നബീൽ പി പിഎന്നിവര് സംബന്ധിച്ചു.

ഇരിങ്ങണ്ണൂർ: ഇടതുപക്ഷ  മുന്നണി വരുന്ന നിയമസഭ തിരഞ്ഞെടുപ്പിലും വിജയം ആവർത്തിക്കുമെന്നും പിണറായി സർക്കാരിൻ്റെ ജനക്ഷേമ പ്രവർത്തനങ്ങൾക്കുള്ള അംഗീകാരമാണ് തദ്ദേശ തിരഞ്ഞെടുപ്പിലെ സംസ്ഥാനത്തെ വൻ വിജയമെന്നും ഇ.കെ വിജയൻ എം.എൽ.എ അഭിപ്രായപ്പെട്ടു. എടച്ചേരി പഞ്ചായത്തിൽ നിന്നും വിജയിച്ച എൽ.ഡി.എഫ് ജനപ്രതിനിധികൾക്കും ഇരിങ്ങണ്ണൂർ സ്വദേശിയായ വടകര മുൻസിപ്പൽ ചെയർപേഴ്സൻ കെ.പി ബിന്ദു, ജില്ലാ പഞ്ചായത്തംഗം കൂടത്താങ്കണ്ടി സുരേഷ്, തൂണേരി ബ്ലോക്ക് വൈസ് പ്രസിഡണ്ട് ടി.കെ അരവിന്ദാക്ഷൻ ,മെമ്പർ എ.ഡാനിയ എന്നിവർക്കും എൽ.ഡി.എഫ് ഇരിങ്ങണ്ണൂർ മേഖലാ കമ്മറ്റി നൽകിയ സ്വീകരണ സമ്മേളനം ഇരിങ്ങണ്ണൂരിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എൽ.ഡി.എഫ് ഇരിങ്ങണ്ണൂർ മേഖലാ  പ്രസിഡണ്ട് വത്സരാജ് മണലാട്ട് അധ്യക്ഷത വഹിച്ചു. സി.പി.എം നാദാപുരം ഏരിയാ സെക്രട്ടറി പി.പി ചാത്തു ,എൽ.ജെ.ഡി മണ്ഡലം പ്രസിഡണ്ട് പി.എം നാണു, വടകര മുൻസിപ്പൽ ചെയർപേഴ്സൺ കെ.പി ബിന്ദു, ജില്ലാ പഞ്ചായത്തംഗം കൂടത്താങ്കണ്ടി സുരേഷ്, തൂണേരി ബ്ലോക്ക് പഞ്ചായത്ത് വൈസ് പ്രസിഡണ്ട് ടി.കെ അരവിന്ദാക്ഷൻ, എടച്ചേരി ഗ്രാമപഞ്ചായത്ത് പ്രസിഡണ്ട് എൻ.പത്മിനി ടീച്ചർ, വൈസ് പ്രസിഡണ്ട് എം.രാജൻ, ബ്ലോക്ക് മെമ്പർ എ.ഡാനിയ എന്നിവർ പ്രസംഗിച്ചു.എൽ.ഡി.എഫ് ഇരിങ്ങണ്ണൂർ മേഖലാ സെക്രട്ടറി ടി. അനിൽകുമാർ സ്വാഗതവും പഞ്ചായത്ത് മെമ്പർ ടി.കെ ഷിബിൻ നന്ദിയും പറഞ്ഞു. കായപ്പനച്ചി ചെറുകുളത്ത് നിന്നും ആരംഭിച്ച ജനപ്രതിനിധികളെ ആനയിച്ച് വാദ്യമേളങ്ങളുടെ അകമ്പടിയോടെ ഇരിങ്ങണ്ണൂരിലേക്ക് നടത്തിയ സ്വീകരണ ഘോഷയാത്രയിൽ യുവാക്കളും യുവതികളുമുൾപ്പെടെ നൂറ് കണക്കിന് പ്രവർത്തകർ ആവേശപൂർവ്വം പങ്കെടുത്തു.

നാദാപുരം: നിയോജക മണ്ഡലം മുസ്ലിം യൂത്ത് ലീഗ് ജനറൽ സെക്രട്ടറി 
ഇ ഹാരിസിന്റെ ജാമ്യ ഹർജി പരിഗണിക്കുന്നത് അടുത്ത വെള്ളിയാഴ്ച ത്തേക്ക് മാറ്റി. ഹൈക്കോടതി രണ്ടു തവണ മാറ്റി വെച്ചതിനാൽ ഇന്ന് ജാമ്യം ലഭിക്കുമെന്ന് കരുതിയെങ്കിലും വീണ്ടും മാറ്റിവെക്കുകയായിരുന്നു.
തെരഞ്ഞെടുപ്പ് ദിവസം തെരുവൻ പറമ്പിൽ നടന്ന സംഘർഷവുമായി ബന്ധപ്പെട്ട കേസിൽ മൂന്നാം പ്രതിയായ ഹാരിസിനെ ഡിസംബർ 16ന് പുറമേരി വോട്ടെണ്ണൽ കേന്ദ്രത്തിൽ വെച്ചാണ് അറസ്റ്റ് ചെയ്തത്. ഇതേ കേസിൽ ഒന്നാം പ്രതിയായ കോൺഗ്രസ് മണ്ഡലം പ്രസിഡണ്ട് കെ എം രഘുനാഥും രണ്ടാം പ്രതിയായ കെ ടി കെ അശോകനും മുൻകൂർ ജാമ്യം നേടിയിരുന്നു. 
ഹാരിസിന് പുറമേ ആറ് പേർ കൂടി റിമാന്റിൽ കഴിയുകയാണ്.

നാദാപുരം: ഇന്ന് രാത്രി ദുബായിലേക്ക് പോകേണ്ട യുവാവിന്  ഗൾഫ് യാത്ര മുടങ്ങിയതിന് പുറമെ വിമാന ടിക്കറ്റിന്റെ പണവും നഷ്ടമായി.
ചേലക്കാട് സ്വദേശി മൂരിപ്പറമ്പത്ത്  മുഹമ്മദ് ഹിശാമിനാണ് കോവിഡ് പോസിറ്റീവായതിനാൽ യാത്ര മുടങ്ങിയത്. 
ആദ്യമായി ദുബായിലേക്ക് പോവുന്ന ഇദ്ദേഹം രണ്ട് ദിവസം മുമ്പ് നാദാപുരത്തെ സ്വകാര്യ ക്ലിനിക്കിൽ ആർ ടി പി സി ആർ ടെസ്റ്റിന് വിധേയ നായിരുന്നു . ഇതിന്റെ പരിശോധന ഫലം ഇന്നലെ വൈകീട്ട് ക്ലിനിക്കിൽ എത്തിയെങ്കിലും ഇവർ മറച്ചു വെച്ചു എന്നാണ് യുവാവ് പറയുന്നത്. 
ഇന്ന് രാവിലെ മാത്രമാണ് ഇയാൾ കോവിഡ് പോസിറ്റീവ് ആണെന്ന് മനസ്സിലാവുന്നത് . അത്കൊണ്ട് തന്നെ വിമാന ടിക്കറ്റ് ക്യാൻസൽ ചെയ്യാൻ ഇദ്ദേഹത്തിന് സാധിച്ചില്ല .ഫലം  വന്ന സമയത്ത് തന്നെ ഇദ്ദേഹത്തെ വിവരം അറിയിച്ചിരുന്നെങ്കിൽ സാമ്പത്തിക നഷ്ടം ഒഴിവാക്കാമായിരുന്നു എന്നാണ് മുഹമ്മദ് ഹിഷാം പറയുന്നത് . അതെസമയം ആരോഗ്യ വകുപ്പിനെയും പോലീസ് ഉദ്യോഗസ്ഥരെയും ഹിശാമിന്റെ പരിശോധന ഫലം പോസിറ്റീവ് ആണെന്ന വിവരം ഇന്നലെ വൈകീട്ട് തന്നെ അറിയിച്ചതായി ക്ലിനിക് മാനേജർ പറഞ്ഞു . എന്നാൽ സ്വകാര്യ ക്ലിനിക്കിൽ നിന്ന് നടത്തിയ പരിശോധന യുടെ ഫലം അവർ തന്നെയാണ് പാർട്ടിയെ അറിയിക്കണ്ടതെന്നും ആരോഗ്യ വകുപ്പ് ഇക്കാര്യത്തിൽ കുറ്റക്കാരല്ലെന്നുമാണ് ഹെൽത്ത് ഇൻസ്‌പെക്ടർ നൽകുന്ന വിശദീകരണം .

തൂണേരി:  വെള്ളൂരിൽ   നടന്ന അണ്ടർ 19 ഫുട്ബോൾ ടൂർണമെന്റ് സമാപിച്ചു  വിവ വെള്ളൂർ ജേതാക്കളും. 
ലീ യുനൈറ്റഡ് പെരിങ്ങത്തൂർ റണ്ണേഴ്സ് അപ്പുമായി. ജേതാക്കൾക്ക് 5001രൂപയും ട്രോഫിയും റണ്ണേഴ്സ് അപ്പിന്  2001രൂപയും ട്രോഫി യും തൂണേരി ഗ്രാമ പഞ്ചായത്ത് മുൻ പ്രസിഡന്റ് കെപിസി തങ്ങൾ വിതരണം ചെയ്തു. ചടങ്ങിൽ നാദാപുരം ഗ്രാമ പഞ്ചായത്ത്‌ മെമ്പർ അബ്ബാസ് കണക്കൽ, ഇസ്മായിൽ റുബിയാൻ, ഫസൽ മാട്ടാൻ ,എ പി  സിറാജ്, റിയാസ് എപി തുടങ്ങിയവർ സംബന്ധിച്ചു.

നാദാപുരം: ചെക്യാട് കുടുംബരോഗ്യ കേന്ദ്രത്തിൽ  നാളെ ( ചൊവ്വ ) രാവിലെ   9.30 മുതൽ കോവിഡ് പരിശോധന നടക്കും.
ആന്റിജൻ ടെസ്റ്റും ആർ ടി പി സി ആർ  ടെസ്റ്റും ഉണ്ടായിരിക്കും.
പരിശോധനക്ക് വരുന്നവർ  ആരോഗ്യ പ്രവർത്തകർക്ക്  നേരത്തെ പേര് നല്കേണ്ടതാണെന്ന് പഞ്ചായത്ത് പ്രസിഡണ്ട് നസീമ കൊട്ടാരത്ത്, മെഡിക്കൽ ഓഫീസർ ഡോ. അനിൽ കുമാർ എന്നിവർ അറിയിച്ചു.

പാറക്കടവ്: ഉമ്മത്തൂർ എസ്.ഐ ഹയർ സെക്കണ്ടറി സ്കൂളിൽ നിന്നും സ്റ്റുഡൻ്റ് പൊലിസ് കാഡറ്റ് പദ്ധതിയിൽ പരിശീലനം ലഭിച്ച് പടിയിറങ്ങിയ കാഡറ്റുകളുടെ സംഗമം സംഘടിപ്പിച്ചു. 
സംസ്ഥാന തലത്തിൽ രൂപീകൃതമായ സ്റ്റുഡൻ്റ് വളണ്ടിയർ കോർപ്സ്    അംഗങ്ങളുടെ നേതൃത്വത്തിൽ സംഘടിപ്പിച്ച സംഗമം ചെക്യാട് ഗ്രാമപഞ്ചായത്ത് പ്രസിഡൻ്റ് നസീമ കൊട്ടാരത്ത് ഉദ്ഘാടനം ചെയ്തു. ചെയർമാൻ ടി.കെ മുഹമ്മദ് അധ്യക്ഷനായി. എസ്.പി.സി ജില്ലാ അസി. നോഡൽ ഓഫീസർ സന്തോഷ് കുമാർ മുഖ്യ പ്രഭാഷണം നടത്തി. ഗ്രൈസ് ചാരിറ്റി ലോഗോ പ്രകാശനവും  പ്രഖ്യാപനവും വാർഡ് അംഗം ടി.കെ ഖാലിദ് മാസ്റ്റർ നിർവ്വഹിച്ചു. സബ് ഇൻസ്പെക്ടർ സുധീർ കുമാർ , പി.ടി.എ പ്രസിഡൻ്റ് സി.കെ അൻവർ , കമ്മ്യൂണിറ്റി പൊലിസ് ഓഫീസർമാരായ പി.പി അബ്ദുൽ ഹമീദ് , പി.കെ സജില , എസ് .സി.പി.ഒ ഷാനി , കെ രഞ്ജിനി , യു.സി അബ്ദുൽ വാഹിദ് , എ സുരേന്ദ്രൻ , കെ.പി നിഹാൽ , ബി.കെ അഭിനവ് , ഒ ഫായിസ് , ദാന ബശീർ , സഫ പർവീൻ  സംസാരിച്ചു.

വാണിമേൽ: കുടുംബത്തിലെ മതിർന്ന മരുമകൾ പി സുരയ്യ ടീച്ചർ വാണിമേൽ ഗ്രാമ പഞ്ചായത്ത് പ്രസിഡൻ്റായി സ്ഥാനമേറ്റപ്പോൾ സന്തോഷം പങ്കിടാൻ പണിക്കറവീട്ടിലെ മർഹും അന്ത്രു കണ്ണോത്ത് ഖദീജ ദമ്പതികളുടെ എട്ട് മക്കളും അവരുടെ കുടുംബാങ്ങങ്ങളും കൂടിയപ്പോൾ സ്വീകരണം ഹൃദ്യമായി.വി മൊയ്തു മാസ്റ്റർ അദ്ധ്യക്ഷത നിർവ്വഹിച്ച പരിപാടി തൂണേരി ബ്ലോക്ക് പഞ്ചായത്ത് മൂൻ മെമ്പർ തെങ്ങലക്കണ്ടി അബ്ദുള്ള ഉത്ഘാടനം ചെയ്തു. മുസ്ലിം യൂത്ത്ലീഗ് അഖിലേന്ത്യ ജനറൽ സെക്രട്ടറി സി കെ സുബൈർ ഉപഹാരസമർപ്പണവും നാസർ മൗലവി ഉത്ബോധന ഭാഷണവും നടത്തി.പി വി അമ്മദ് മാസ്റ്റർ, പി വി സൂപ്പി, റഫീഖ് വില്ല്യാപ്പള്ളി, നൗഫൽ മൊട്ടേമ്മൽ, മുജീബ്, സഹീർ വി കെ, ജൗഹർ പി വി, ശഫീന അഫ്സൽ കുറ്റ്യാടി, അനീസ് ടി കെ,എന്നിവർ ആശംസകൾ നേർന്ന പരിപാടിക്ക് ഫാസിൽ പി വി നന്ദി പറഞ്ഞു.

നാദാപുരം: ഡൽഹിയിൽ കേന്ദ്ര കർഷകവിരുദ്ധ നിയമത്തിനെതിരെ സമരം ചെയ്യുന്ന കർഷകർക്ക് ഐക്യദാർഡ്യം പ്രഖ്യാപിച്ച് എൽ.ജെ.ഡി നാദാപുരം മണ്ഡലം കമ്മറ്റിയുടെ ആഭിമുഖ്യത്തിൽ തൂണേരിയിൽ സായാഹ്ന ധർണ്ണ നടത്തി. ജില്ലാ പ്രസിഡണ്ട് മനയത്ത് ചന്ദ്രൻ ഉദ്ഘാടനം ചെയ്തു. മണ്ഡലം പ്രസിഡണ്ട് പി.എം നാണു അധ്യക്ഷത വഹിച്ചു. എം. വേണുഗോപാല കുറുപ്പ്, വത്സരാജ് മണലാട്ട്, കെ. നാരായണൻ, ഇ.കെ കുഞ്ഞിക്കണ്ണൻ എന്നിവർ പ്രസംഗിച്ചു. എം.പി വിജയൻ മാസ്റ്റർ സ്വാഗതവും ടി.രാമകൃഷ്ണൻ നന്ദിയും പറഞ്ഞു.

നാദാപുരം: നാദാപുരം ലേബർ കോൺട്രാക്ട് സൊസൈറ്റി ജനറൽ ബോഡി മീറ്റിങ്ങിൽ കോൺഗ്രസും ലീഗും തമ്മിൽ മത്സരം. 11 അംഗങ്ങളുള്ള ഡയറക്ടർ ബോർഡിൽ 8 അംഗങ്ങളാണ് കോൺഗ്രസിനുള്ളത്. എന്നാൽ കോൺഗ്രസിലെ ഭിന്നത മൂലം മൂന്ന് അംഗങ്ങളുള്ള ലീഗിലെ ഒ.സി ജയൻ പ്രസിഡന്റായി തെരഞ്ഞെടുക്കപ്പെട്ടു. ഇത് തെരഞ്ഞെടുപ്പിന് ശേഷം നാദാപുരത്തെ ഓഫിസിനു സമീപം കോൺഗ്രസ് പ്രവർത്തകർ തമ്മിൽ വാക്കേറ്റതിനിടയായി. കോൺഗ്രസിലെ ഒരു വിഭാഗം കാലുവാരിയെന്നാരോപിച്ചായിരുന്നു ഇരു വിഭാഗവും തമ്മിൽ ഓഫിസ് പരിസരത്ത് വാക്കേറ്റമുണ്ടായത്. നാദാപുരം പൊലിസ് സ്ഥലത്തെത്തി ഇരു വിഭാഗത്തെയും പറഞ്ഞുവിട്ടു. പ്രസിഡന്റായി ഒ.സി ജയൻ വാണിമേലിനെയും വൈസ് പ്രസിഡന്റായി ആയിഷ നാദാപുരത്തിനെയും തെരഞ്ഞെടുത്തു.

നാദാപുരം:  എൻ.ജി.ഒ. അസോസിയേഷൻ മുൻ ജില്ലാ പ്രസിഡണ്ടും, സ്റ്റേറ്റ് എംപ്ലോയീസ് ആൻ്റ് ടീച്ചേഴ്സ് ഓർഗനൈസേഷൻ ജില്ലാ ചെയർമാനും, യുനൈറ്റഡ് ടീച്ചേഴ്സ് ആൻറ് എംപ്ലോയീസ് ഫെഡറേഷൻ ജില്ലാ ചെയർമാനുമായിരുന്ന എൻ.പി ബാലകൃഷ്ണനെ അനുസ്മരിച്ചു.  എൻ.ജി.ഒ. അസോസിയേഷൻ നാദാപുരം ബ്രാഞ്ച് കമ്മിറ്റി നടത്തിയ അനുസ്മരണം കെ.പി.സി.സി സെക്രട്ടറി വി.എം ചന്ദ്രൻ ഉദ്ഘാടനം ചെയ്തു.  ഏറ്റെടുക്കുന്ന പദവികളോട് നീതി പുലർത്തുകയും സംഘടനാ പ്രവർത്തനത്തിൻ്റെ നല്ല ശൈലി പുതുതലമുറക്ക് പകർന്ന് നൽകുകയും ചെയ്ത അപൂർവ്വ വ്യക്തിത്വമായിരുന്നു എൻ.പി.ബാലകൃഷ്ണനെന്ന് അദ്ദേഹം പറഞ്ഞു. ബ്രാഞ്ച് പ്രസിഡണ്ട് വി.പി.സുനിൽകുമാർ അധ്യക്ഷത വഹിച്ചു.  ജില്ലാ പ്രസിഡണ്ട് കെ.പ്രദീപൻ അനുസ്മരണ പ്രഭാഷണം നടത്തി. സംസ്ഥാന സെക്രട്ടറിയേറ്റ് അംഗം ശശികുമാർ കാവാട്ട്, ജില്ലാ സെക്രട്ടറി പ്രേംനാഥ് മംഗലശ്ശേരി, സംസ്ഥാന കമ്മിറ്റി അംഗങ്ങളായ കെ.സന്തോഷ് കുമാർ , കെ.ദിനേശൻ, നേതാക്കളായ ഒ.സൂരജ്, ടി ജൂബേഷ്, എം.പി നന്ദകുമാർ, വി.എൻ.കെ സുനിൽകുമാർ, എം.പി പ്രജീഷ്, എം.വി.സിദ്ദീഖ്   എന്നിവർ സംസാരിച്ചു.

തൂണേരി:  വെള്ളൂരിൽ  വിവ ആർട്സ് & സ്പോർട്സ് ക്ലബ്‌ നടത്തിയ അണ്ടർ 19  ഫുട്ബോൾ ടൂർണമെന്റ്  ഗ്രാമപഞ്ചായത്ത്‌ പ്രസിഡന്റ് പി ഷാഹിന ഉദ്ഘാടനം ചെയ്തു.. വാർഡ് മെമ്പർ രജില കിഴക്കുംകരമൽ അധ്യക്ഷത വഹിച്ചു.
മുൻ ഗ്രാമ പഞ്ചായത്ത്‌ പ്രസിഡന്റ്  പി പി സുരേഷ് കുമാർ, എം കെ സമീർ, വി കെ രജീഷ്, ഫസൽ മാട്ടാൻ, സിറാജ് എ.പി, ആശിർ വി പി, റിയാസ് എപി, റാഷിദ്‌ നാമത്ത്   തുടങ്ങിയവർ സംസാരിച്ചു.

നാദാപുരം: ആദിവാസി കോളനികളിലെ നിർമാണ പ്രവൃത്തികളുമായി ബന്ധപ്പെട്ട യോഗത്തിൽ ജില്ലാ കലക്ടർ രോഷാ കുലനായി. ഇന്ന് കാലത്ത് പന്നിയേരി സാംസ്കാരിക നിലയത്തിൽ എം എൽ എ യുടെയും ജന പ്രതിനിധി കളുടെയും സാന്നിധ്യത്തിൽ ചേർന്ന 
അവലോകന യോഗത്തിലാണ് കലക്ടർ പൊട്ടിത്തെറിച്ചത്.
ഇന്ന് രാവിലെ പതിനൊന്ന് മണിയോടെയാണ് കളക്ടർ സാംബശിവ റാവു , ഇ കെ വിജയൻ എം എൽ എ , തൂണേരി ബ്ലോക്ക് പ്രസിഡന്റ് വനജ , വാണിമേൽ പഞ്ചായത്ത് പ്രസിഡന്റ് സുരയ്യ ടീച്ചർ ,ട്രൈബൽ ഡെവലപ്‌മന്റ്‌ ഓഫീസർ മുഹമ്മദ് നഈം തുടങ്ങിയവർ പന്നിയേരി ആദിവാസി കോളനിയിൽ എത്തിയത് . 
അവിടെ സാംസ്‌കാരിക നിലയത്തിൽ കോളനി വാസികളുമായി ചർച്ച നടത്തി .വിലങ്ങാട് വിവിധ കോളനികളിലെ നിർമ്മാണ പ്രവർത്തനങ്ങൾ , കുടിവെള്ള പദ്ധതികൾ തുടങ്ങിയവയ്‌ക്കായി സർക്കാർ പത്ത് കോടി രൂപയോളം അനുവദിച്ചിരുന്നു .
ഇതിന്റെ പ്രവർത്തി ഏറ്റെടുത്തത് എറണാകുളം കേന്ദ്രമായി പ്രവർത്തിക്കുന്ന എഫ് ഐ ടി എന്ന ഏജൻസിയാണ് . 
എഫ്ഐ ടിയുടെ പ്രതിനിധികളും  യോഗത്തിന് എത്തിയിരുന്നു . നിർമ്മാണ പ്രവർത്തി മന്ദഗതിയിലായതിനെ തുടർന്ന് എഫ്  ഐ ടി ഉദ്യോഗസ്ഥരെ കളക്ടർ രൂക്ഷ ഭാഷയിൽ വിമർശിക്കുകയും ക്രിമിനൽ കേസ് ഉൾപ്പെടെയുള്ള നടപടികൾ സ്വീകരിക്കുമെന്ന് മുന്നറിയിപ്പ് നൽകുകയും ചെയ്തു .

തൂണേരി: ബ്ലോക്ക്, ഗ്രാമ പഞ്ചായത്തിലേക്ക് ജയിച്ച എൽ.ഡി.എഫ് അംഗങ്ങൾക്കും ജില്ലാ പഞ്ചായത്ത് എടച്ചേരി ഡിവിഷനിൽ നിന്നും വിജയിച്ച   കൂടത്താം കണ്ടി സുരേഷിനും സ്വീകരണവും റാലിയും നടത്തി. ബ്ലോക്ക് ഓഫീസ് പരിസരത്ത് നിന്ന് ആരംഭിച്ച റാലി തൂണേരി ടൗണിൽ സമാപിച്ചു. സ്വീകരണ സമ്മേളനം  സി.പി.എം ജില്ലാ സെക്രട്ടറിയേറ്റ് മെമ്പർ വി.പി കുഞ്ഞികൃഷ്ണൻ ഉദ്ഘാടനം ചെയ്തു. പി.എം നാണു അധ്യക്ഷത വഹിച്ചു. പി.പി ചാത്തു, എം.ടി ബാലൻ, എം.പി വിജയൻ, നെല്യേരി ബാലൻ, ബ്ലോക്ക് പഞ്ചായത്ത് പ്രസിഡണ്ട് കെ.പി വനജ, വൈസ് പ്രസിഡണ്ട് ടി.കെ അരവിന്ദാക്ഷൻ, ജില്ലാ പഞ്ചായത്തംഗം കൂടത്താങ്കണ്ടി സുരേഷ്, രജീന്ദ്രൻ കപ്പള്ളി, ടി.ജിമേഷ് , ഇ.കെ രാജൻ എന്നിവർ പ്രസംഗിച്ചു.

വാണിമേൽ: കൊവിഡ് നിയന്ത്രണങ്ങളോടെ വിദ്യാലയങ്ങൾ തുറന്ന ദിവസം തന്നെ വിദ്യാർത്ഥികൾക്ക് മാസ്ക് വിതരണം ചെയ്ത് വാർഡ് മെമ്പർ മാതൃകയായി.
വാണിമേൽ ഗ്രാമ പഞ്ചായത്ത് നാലാം വാർഡ് മെമ്പർ വി കെ മൂസ മാസ്റ്ററാണ് 
ക്രസന്റ് ഹയർ സെക്കണ്ടറി സ്കൂളിലെ മുഴുവൻ വിദ്യാർത്ഥികൾക്കും മാസ്കുമായി എത്തിയത്. 
സ്കൂളിൽ നടന്ന ചടങ്ങിൽ
പ്രിൻസിപ്പൽ എൻ കെ മൂസ മാസ്റ്റർ ഏറ്റുവാങ്ങി. 
ഹെഡ്മാസ്റ്റർ ടി പി അബ്ദുൽ കരീം, മാനേജിംഗ് കമ്മിറ്റി സെക്രട്ടറി എം കെ അഷ്‌റഫ്, അധ്യാപകരായ പി ഷൗക്കത്തലി, ഒ സുധി ലാൽ, ഷസ്നിയ തുടങ്ങിയവർ സംബന്ധിച്ചു.

നാദാപുരം : ഗ്രാമ പഞ്ചായത്തിലെ ജനപ്രതിനിധികളും ജീവനക്കാരും ചേർന്ന് നടത്തിയ പുതു വർഷാഘോഷം വേറിട്ട  അനുഭവമായി. പരസ്പരം പരിചയപ്പെട്ട ശേഷം ഭാവി വികസന പ്രവർനങ്ങളും ചർച്ച ചെയ്തു.കേന്ദ്ര- സംസ്ഥാന ഫണ്ടുകളും തനത് ഫണ്ടുകളും ഉപയോഗിച്ച് വരും നാളുകളിലെ വികസന പ്രവർത്തനങ്ങൾ മുന്നോട്ടു കൊണ്ടു പോവാമെന്ന് പ്രസിഡണ്ട് വി.വി. മുഹമ്മദലിയും സെക്രട്ടറി എം.പി രജുലാലും പറഞ്ഞു . പഞ്ചായത്തിലെ ജനങ്ങൾക്ക് നൽകിയ പുതുവത്സര സന്ദേശത്തിലാണ് ഇവർ നയം വ്യക്തമാക്കിയത്.

നാദാപുരം: വിവിധയിനം കേക്കുകൾ നിർമിച്ച സമൂഹ മാധ്യമങ്ങളിൽ തരംഗമായി മാറിയ യുവതി അന്തേവാസി കൾക്ക് ന്യൂ ഇയർ കേക്കുകളുമായി എടച്ചേരി തണലിൽ എത്തി. ഇരിങ്ങണ്ണൂരിലെ പാലപ്പറമ്പത്ത് സുവൈബത്തുൽ അസ്ലമിയയാണ്  
മക്കളായ അയന, അമൽ എന്നിവർക്കൊപ്പം  തണലിലെത്തി  കേക്കുകൾ കൈമാറിയത്.
എം.എസ് സി ബയോ കെമിസ്ട്രിയിൽ റാങ്ക് 
ജേതാവായ ഈ ഇരുപത്തിയഞ്ചുകാരി 
കൊവിഡ് തീർത്ത ലോക് ഡൗൺ കാലത്ത് നിർമിച്ച വ്യത്യസ്തയിനം കേക്കുകൾ ഏറെ ശ്രദ്ധ പിടിച്ചുപറ്റിയിരുന്നു. ആഘോഷവേളകളിൽ മധുരം നിറക്കുന്ന ഈ യുവതി തണലിലെ അന്തേവാസികൾക്കും മധുരം നൽകാൻ  ആഗ്രഹിച്ചിരുന്നു. 
ഇന്നലെ വൈകീട്ട് മുഴുവൻ അന്തേവാസികൾക്കും നൽകാനുള്ള കേക്കുകളുമായി തണലിൽ എത്തി 
അഡ്മിനിസ്ട്രേറ്റർ രാജന് കൈമാറുകയായിരുന്നു.

ചെക്യാട്:  ഗ്രാമപഞ്ചായത്ത് ജാതിയേരി വാർഡിൽ നിന്നും തെരഞ്ഞെടു ക്കപ്പെട്ട പി.കെ.ഖാലിദ് മാസ്റ്റർ പുതുവർഷ സമ്മാനമായി വാർഡിലെ കുട്ടികൾക്ക് സ്പോർട്സ് കിറ്റുകൾ വിതരണം ചെയ്തു.വാർഡിലെ വിവിധ ഭാഗങ്ങളിൽ ക്ലബുകൾ രൂപീകരിച്ച് പരിശീലനം ഉൾപ്പെടെയുള്ള പരിപാടികൾ സംഘടിപ്പിക്കുവാനും തീരുമാനിച്ചിട്ടുണ്ട്.

വാണിമേൽ:  ഗ്രാമ പഞ്ചായത്തിലെ ഒന്നാം വാർഡിൽ പുതുവർഷ ദിനത്തിൽ മൂന്ന്  റോഡുകളുടെ ഉദ്ഘാടന ത്തോടെ പുതിയ ഭരണസമിതിയുട വികസന പ്രവർത്തനങ്ങൾക്ക് തുടക്കം കുറിച്ചു. മഹാമാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി കോൺക്രീറ്റ് ചെയ്ത കുറ്റിയിൽ - പടിഞ്ഞാറക്കണ്ടി റോഡ്, നാലുകണ്ടത്തിൽ - കാപ്പ് റോഡ്, കുറ്റിയിൽ - കുന്നിയുള്ളതിൽ റോഡ്  എന്നിവയുടെ ഉദ്ഘാടനം ഗ്രാമ പഞ്ചായത്ത് പ്രസിഡണ്ട് പി.സുരയ്യ ടീച്ചർ നിർവ്വഹിച്ചു.
വാർഡ് മെമ്പർ കണ്ടിയിൽ ഫാത്തിമ അദ്ധ്യക്ഷം വഹിച്ചു..
ബ്ലോക്ക് പഞ്ചായത്ത് അംഗം സുഹ്റ തണ്ടന്റവിട , അഷ്റഫ് കൊറ്റാല, കെ.ടി. അമ്മത് മാസ്റ്റർ കെ.ബാലകൃഷ്ണ ൻ . കണ്ടിയിൽ മുഹമ്മദ്, കെ. രാജൻ, ഷീഖത്ത് കെ.കെ . മമ്മു കളത്തിൽ . നിസാർ 
കെ , അബ്ദുല്ലഹാജി കുറ്റിയിൽ മുത്തലിബ് എൻ.കെ തുടങ്ങിയവർ പ്രസംഗിച്ചു.

തൂണേരി: ശിഹാബ്‌ തങ്ങള്‍ റിലീഫ് സെല്‍ തൂണേരി വില്ലേജ് ഓഫീസില്‍ പൊതുജനങ്ങള്‍ക്ക് കുടിവെള്ള സംവിധാനം ഒരുക്കുന്നതിന്‍റെ ഭാഗമായി നല്‍കിയ വാട്ടര്‍ പ്യൂരിഫയര്‍ ഗ്രാമപഞ്ചായത്ത് പ്രസിഡണ്ട് പി.ഷാഹിന വില്ലേജ് ഓഫീസര്‍ കെ.നന്ദകുമാറിന് കൈമാറി. ചടങ്ങല്‍ എം.കെ സമീര്‍, സി.കെ ബഷീര്‍, എ.കെ.ടി കുഞ്ഞമ്മദ്, സി.ഹമീദ് മാസ്റ്റര്‍, സാലിഹ് കെ.യു, എന്‍.കെ ഉസ്മാന്‍, മുഹമ്മദ് പേരോട്, ഫിര്‍ദൌസ് നാളൂര്‍, സലാം തൂണേരി, അഫ്സല്‍ വേറ്റുമ്മല്‍, ഇല്യാസ് കൊയിലോത്ത്, നജീബ് മാസ്റ്റര്‍ ജീവനക്കാരായ രജീഷ്, വീണ തുടങ്ങിയവര്‍ സംബന്ധിച്ചു.

നാദാപുരം: തുണേരി ഗ്രാമ പഞ്ചായത്തിൽ പ്രസിഡണ്ട് അരങ്ങേറ്റം കുറിച്ചത് റോഡ് ഉദ്ഘാടനത്തോടെ . 
വെള്ളുർ നോർത്ത് പതിനൊന്നാം  വാർഡിൽ മഹാത്‌മ ഗാന്ധി ദേശിയ ഗ്രാമീണ തൊഴിലുറപ്പു പദ്ധതിയിൽ ഉൾപ്പെടുത്തി കോൺഗ്രീറ്റ് പ്രവൃത്തി പൂർത്തീകരിച്ച പറക്കുന്നത്ത് മുക്ക് - കാട്ടുമഠത്തിൽ റോഡാണ്  ഗ്രാമ പഞ്ചായത്ത് പ്രസിഡന്റ് പി ഷാഹിന ഉത്ഘാടനം ചെയ്തത് . വാർഡ് മെമ്പർ  കിഴക്കുംകരമൽ രജില അധ്യക്ഷയായി  . പി പി സുരേഷ് കുമാർ, വി കെ രജീഷ്.,  കെ എം അബൂബക്കർ ഹാജി,  ഫസൽ മാട്ടാൻ , പി കെ സി ഹമീദ്, റഹീം പറക്കുന്നത്, നൗഷാദ്  
എം പി .എന്നിവർ സംബന്ധിച്ചു.

വടകര: കർഷകദ്രോഹ നിയമങ്ങൾ പിൻവലിക്ക' ണമെന്നും ഇലക്ട്രിസിറ്റി നിയമങ്ങൾ ഉൾപ്പെടെ യുളള കരിനിയമങ്ങൾ 
റദ്ദ് ചെയ്യണമെന്നും ആവശ്യപ്പെട്ട് കൊടും ശൈത്യത്തേയും കേന്ദ്ര സർക്കാരിൻ്റെ മർദ്ദന സംവിധാനങ്ങളേയും നേരിട്ട് ഒരു മാസത്തിലേറെയായി രാജ്യ തലസ്ഥാനത്ത് സമരം ചെയ്യുന്ന കർഷക സമരത്തിന് അഭിവാദ്യം ചെയ്ത് സി.ഐ ടി യു വടകര ഏരിയ കമ്മിറ്റി നേതൃത്വത്തിൽ വടകര ഹെഡ് പോസ്റ്റ് ഓഫീസിലേക്ക് തൊഴിലാളികൾ മാർച്ച് നടത്തി മാർച്ച് കർഷക സംഘം ജില്ലാ വൈസ് പ്രസിഡണ്ട് സി.ഭാസ്ക്കരൻ മാസ്റ്റർ ഉദ്ഘാടനം ചെയ്തു ടി.പി.ഗോപാലൻ, വേണു കക്കട്ടിൽ സംസാരിച്ചു. എ.കെ.ബാലൻ അധ്യക്ഷനായിരുന്നു. വി.കെ. വിനു സ്വാഗതം പറഞ്ഞു.

എടച്ചേരി :  ഇടതു മുന്നണി മെമ്പർ മാർക്കും പഞ്ചായത്ത് പ്രസിഡണ്ട് എൻ.പത്മിനി ടീച്ചർ, വൈസ് പ്രസിഡണ്ട് എം രാജൻ, തൂണേരി ബ്ലോക്ക് പഞ്ചായത്ത് വൈസ് പ്രസിഡണ്ട് ടി.കെ അരവിന്ദാക്ഷൻ, ബ്ലോക്ക് മെമ്പർ എ ഡാനിയ മറ്റ് ഇടതു മുന്നണി പഞ്ചായത്ത് മെമ്പർമാർ എന്നിവർക്കും എൽ.ഡി.എഫ് എടച്ചേരി പഞ്ചായത്ത് കമ്മറ്റിയുടെ ആഭിമുഖ്യത്തിൽ എടച്ചേരിയിൽ സ്വീകരണം നൽകി. സ്വീകരണ സമ്മേളനം വി.പി കുഞ്ഞികൃഷ്ണൻ ഉദ്ഘാടനം ചെയ്തു.സി.സുരേന്ദ്രൻ മാസ്റ്റർ അധ്യക്ഷത വഹിച്ചു.ടി.കെ രാജൻ മാസ്റ്റർ, വത്സരാജ് മണലാട്ട്, പി.കെ ബാലൻ മാസ്റ്റർ, വി.കുഞ്ഞിക്കണ്ണൻ, ടി.കെ അരവിന്ദാക്ഷൻ, എൻ പത്മിനി ടീച്ചർ ,എം രാജൻ എന്നിവർ സംസാരിച്ചു. എൽ.ഡി.എഫ് പഞ്ചായത്ത് കമ്മറ്റി ജനറൽ കൺവീനർ വി.രാജീവ് സ്വാഗതമാശംസിച്ചു എടച്ചേരി ടൗണിൽ ജനപ്രതിനിധികളെ ആനയിച്ചുകൊണ്ട് എൽ.ഡി.എഫ് പ്രവർത്തകർ ആഹ്ലാദ പ്രകടനവും നടത്തി.

വാണിമേൽ: നാളെ നടക്കുന്ന ഗ്രാമ പഞ്ചായത്ത് പ്രസിഡണ്ട്, വൈസ് പ്രസിഡണ്ട് എന്നിവരുടെ സത്യ പ്രതിജ്ഞാ ചടങ്ങിന് വാണിമേലിൽ നിയന്ത്രണം ഏർപ്പെടുത്തി. പഞ്ചായത്ത് ഓഫീസിലെ ജീവനക്കാർക്ക് കൊവിഡ് സ്ഥിരീകരിച്ചതിനെ തുടർന്നാണ് നിയന്ത്രണം. 
രാവിലെ പത്തരക്ക് പ്രസിഡണ്ടിന്റെയും ഉച്ച തിരിഞ്ഞ് വൈസ് പ്രസിഡണ്ടിന്റെയും സത്യ പ്രതിജ്ഞയാണ് നടക്കുക.
ചടങ്ങിൽ പഞ്ചായത്ത് മെമ്പർമാരും പ്രത്യേകം ക്ഷണിക്കപ്പെട്ടവരും മാത്രമാണ് പങ്കെടുക്കുക.

നാദാപുരം:  ചെക്യാട് പഞ്ചായത്തിൽ മുസ്ലിം ലീഗ് പാർലമെന്ററി ബോർഡ് ഏകകണ്ഠമായി  തീരുമാനിച്ച  നസീമ കൊട്ടാരത്തിന് പ്രസിഡണ്ട് തെരഞ്ഞെടുപ്പിൽ വോട്ട് ചെയ്യണമെന്ന് മുഴുവൻ യു ഡി എഫ് അംഗങ്ങൾക്കും വിപ്പ് നൽകി. ലീഗ് - കോൺഗ്രസ് അംഗങ്ങൾക്ക് അതാത് പാർട്ടി സെക്രട്ടറിമാരാണ് വിപ്പ് നൽകിയത്. വൈസ് പ്രസിഡണ്ടായി കോൺഗ്രസിലെ കെ പി കുമാരനും വോട്ട് ചെയ്യാൻ വിപ്പിൽ നിർദ്ദേശമുണ്ട്.
ഇന്നലെ ചെക്യാട് പഞ്ചായത്ത് കമ്മിറ്റി വിളിച്ചുചേർത്ത പുതിയ മെമ്പർമാരുടെ യോഗം മുന്നംഗങ്ങൾ ബഹിഷ്കരിച്ചെന്ന വാർത്ത അടിസ്ഥാന രഹിതമാണെന്ന് പഞ്ചായത്ത് ലീഗ് ജനറൽ സെക്രട്ടറി സി എച്ച് ഹമീദ് പറഞ്ഞു. വേവം, പുളിയാവ്, ചെക്യാട് വാർഡുകളിലെ അംഗങ്ങൾ  യോഗത്തിൽനിന്നും വിട്ടുനിന്നെന്നായിരുന്നു വാർത്ത. എന്നാൽ ഇവർ ഉൾപ്പെടെ എല്ലാ യു ഡി എഫ് അംഗങ്ങളും വിപ്പ് ഒപ്പിട്ടു വാങ്ങിയതായും അദ്ദേഹം അറിയിച്ചു.
ഉമ്മത്തൂർ പതിനഞ്ചാം വാർഡിൽനിന്നും വിജയിച്ച നസീമ കൊട്ടാരത്തെ പ്രസിഡന്റായി ലീഗ് പഞ്ചായത്ത് നേതൃത്വം ദിവസങ്ങൾക്ക് മുമ്പാണ്  പ്രഖാപിച്ചത്. ആദ്യത്തെ 4 വർഷമാണ് നസീമ പ്രസിഡണ്ടാവുക. വേവം വാർഡിൽനിന്നും വിജയിച്ച സി.എച്ച്. സമീറയ്ക്ക് അവസാനത്തെ ഒരു വർഷം പ്രസിഡണ്ട് സ്ഥാനം നൽകാനും തീരുമാനിച്ചിരുന്നു.
15 അംഗ ഭരണ സമിതിയിൽ ഏഴംഗങ്ങൾ  മുസ്‌ലിം ലീഗിനും 3 പേർ കോൺഗ്രസിനുമുണ്ട്. രണ്ട് അംഗങ്ങൾ വിമതരാണ്. 3 അംഗങ്ങളാണ്  
സി പി എമ്മിനുള്ളത്.

നാദാപുരം: യു ഡി എഫിന് വ്യക്തമായ ഭൂരിപക്ഷമുള്ള നാദാപുരം ഗ്രാമ പഞ്ചായത്തിൽ കോൺഗ്രസിലെ അഖില മര്യാട്ട് വൈസ് പ്രസിഡണ്ടാകും. ഇന്നലെ ചേർന്ന പാർട്ടി നേതൃ യോഗത്തിലാണ് തീരുമാനം. ഔദ്യോഗിക പ്രഖ്യാപനം ഇന്നുണ്ടാകും. 
ബിരുദാനന്തര ബിരുദ ധാരിയായ അഖില പയന്തോങ്ങിലെ  ഹൈടെക് ആർട്സ് ആന്റ് സയൻസ് കോളജിൽ അധ്യാപികയാണ്. തെരുവം പറമ്പ് ഏഴാം വാർഡിൽ നിന്ന് 277 വോട്ടിന്റെ ഭൂരിപക്ഷത്തിനാണ് വിജയിച്ചത്. മികച്ച സംഘാടകയും പ്രഭാഷകയുമായ ഇവർ ആദ്യമായാണ് ജനപ്രതിനിധിയാകുന്നത്.

നാദാപുരം: കായക്കൊടി ഗ്രാമ പഞ്ചായത്ത് ഇത്തവണ ആര് ഭരിക്കുമെന്ന് തീരുമാനിക്കാൻ നറുക്കെടുപ്പ് വേണ്ടി വരും. 
16 അംഗ ഭരണ സമിതിയിൽ 8 പേർ 
എൽ ഡി എഫും 7 പേർ യു ഡി എഫുമാണ്.
ഒരംഗം യു ഡി എഫിനെതിരെ റബലായി മൽസരിച്ചു വിജയിച്ചതാണ്. മുസ്ലിം ലീഗ് പ്രാദേശിക നേതാവ് കുമ്പളങ്കണ്ടി അഹമ്മദാണ് റബലായി മൽസരിച്ചു ജയിച്ചത്. 
30 ന് നടക്കുന്ന പ്രസിഡണ്ട് തെരഞ്ഞെടുപ്പിൽ ഇദ്ദേഹം യു ഡി എഫ് സ്ഥാനാർത്ഥിക്ക് വോട്ട് ചെയ്യും. ഈ സാഹ ചര്യത്തിൽ യു ഡി എഫിനും എൽ ഡി എഫിനും 8 വീതം വോട്ടുകൾ ലഭിക്കും. തുടർന്ന് നറുക്കെടുപ്പിലൂടെ പ്രസിഡണ്ടിനെ തെരഞ്ഞെടുക്കും.

തൂണേരി: ഗ്രാമപഞ്ചായത്തിൽ യു.ഡി.എഫിലെ പ്രസിഡന്റ് പദവിയെ ചൊല്ലി നിലനിന്ന അവ്യക്തതക്ക് വിരാമം. ആദ്യത്തെ മൂന്നു വർഷം മുസ്ലിം ലീഗിലെ പി. ഷാഹിന പ്രസിഡണ്ടാകും. അവസാനത്തെ രണ്ടു വർഷം കോൺഗ്രസ്സിനാണ് പ്രസിഡണ്ട് സ്ഥാനം. ലിഷ കുഞ്ഞിപ്പുരയിൽ പ്രസിഡണ്ടായേക്കുമെന്നാണ് സൂചന.  ആദ്യത്തെ രണ്ട് കൊല്ലം കോൺഗ്രസ്സിലെ മധുമോഹനൻ വൈസ് പ്രസിഡണ്ടാകും. അവസാനത്തെ മൂന്നു വർഷം മുസ്ലിം ലീഗിലെ വളപ്പിൽ കുഞ്ഞമ്മത് മാസ്റ്ററും വൈസ് പ്രസിഡണ്ടാകും. അഞ്ചു വർഷവും രണ്ട് സ്റ്റാന്റിംഗ് കമ്മിറ്റി ചെയർമാൻ സ്ഥാനം മുസ്ലിം ലീഗിനും ഒരു ചെയർമാൻ സ്ഥാനം കോൺഗ്രസിനും നൽകും. കഴിഞ്ഞ രണ്ടു ദിവസങ്ങളായി പഞ്ചായത്ത് തലത്തിൽ ടൈപ്.ഡി.എഫ് നടത്തിയ ചർച്ച തീരുമാനമാവാതെ പിരിഞ്ഞതിനെ തുടർന്ന് ഇന്ന് ഉച്ചതിരിഞ്ഞു നാദാപുരം ലീഗ് ഹൗസിൽ മണ്ഡലം നേതാക്കളുടെ സാന്നിധ്യത്തിൽ  ചേർന്ന യോഗത്തിലാണ് തീരുമാനം.

നാദാപുരം : ചേലക്കാട് ഒമ്പതാം വാർഡിൽ മുസ്ലിം ലീഗ്  സജ്ജമാക്കിയ സ്വീകരണ വേദിക്ക് നേരെയും, പാറോള്ളതിൽ നിസാറിന്റെ വീട്ടു മുറ്റത്തും  അർദ്ധരാത്രി ബോംബേറ്.
ഗ്രാമ പഞ്ചായത്ത്‌ നിയുക്ത പ്രസിഡന്റ് വിവി മുഹമ്മദലിക്കും, വാർഡ് മെമ്പർ എംസി സുബൈറിനും ഇന്ന് വൈകിട്ട്  വാർഡ് കമ്മിറ്റി നൽകുന്ന സ്വീകരണത്തിന് സജ്ജമാക്കിയ വേദിക്ക് നേരെയാണ് ബോംബേറ് നടന്നത്.  എന്നാൽ ആദ്യം റിബൽ സ്ഥാനാർഥിക്ക് വേണ്ടി പ്രവർത്തിച്ച നിസാറിന്റെ വീട്ടുമുറ്റത്താണ് ബോംബേറ് നടന്നത്. സംഭവസ്ഥലത്ത് നിന്ന് ശംസുദ്ധീൻ എന്നയാളെ പൊലീസ് കസ്റ്റഡിയിൽ എടുത്തിട്ടുണ്ട്.  ചേലക്കാട് ഒമ്പതാം വാർഡിൽ മുസ്ലിം ലീഗ് വിമത സ്ഥാനാർത്ഥി പരാജയപ്പെട്ടിരുന്നു.
ചേലക്കാട് ബോധപൂർവ്വം സംഘർഷമുണ്ടാക്കാനുള്ള ശ്രമമാണ് നടക്കുന്നതെന്നും   കുറ്റക്കാർക്കെതിരെ പൊലീസ് കർശന നടപടി സ്വീകരിക്കണമെന്നും ഒമ്പതാം വാർഡ് മുസ്ലിം ലീഗ് കമ്മിറ്റി നേതാക്കൾ ആവശ്യപ്പെട്ടു.

നാദാപുരം: തൂണേരി ബ്ലോക്ക് പഞ്ചായത്ത് പ്രസിഡണ്ടായി കെ പി വനജയെയും വൈസ്  പ്രസിഡണ്ടായി ടി കെ അരവിന്ദാക്ഷനെയും 
ഇടതു മുന്നണി തീരുമാനിച്ചു. ഇരുവരും സി പി എമ്മുകാരാണ്.  വനജ നേരത്തെ പുറമേരി ഗ്രാമ പഞ്ചായത്ത് പ്രസിഡണ്ടായിരുന്നു. 
അരവിന്ദാക്ഷൻ കഴിഞ്ഞ തവണ എടച്ചേരി ഗ്രാമ പഞ്ചായത്ത് പ്രസിഡണ്ടായിരുന്നു. 
സി പി ഐ ജില്ലാ കമ്മിറ്റി അംഗം രജീന്ദ്രൻ കപ്പള്ളിക്ക് വൈസ് പ്രസിഡണ്ട് സ്ഥാനം നൽകണമെന്ന് സി പി ഐ ആവശ്യപ്പെട്ടെങ്കിലും 
ഫലം കണ്ടില്ല.

വാണിമേൽ: ഗ്രാമ പഞ്ചായത്തിന്റെ ഭരണ സാരഥ്യം വനിതകൾ കയ്യടക്കും. പ്രസിഡണ്ട്, വൈസ് പ്രസിഡണ്ട്, സെക്രട്ടറി, രണ്ടു സ്ഥിരം സമിതി ചെയർപേഴ്സൺ സ്ഥാനങ്ങളിൽ വനിതകളാണ്. 
പ്രസിഡണ്ട് വനിതാ സംവരണമായതിനാൽ 
മുസ്ലിം ലീഗിലെ പി സുരയ്യയെ പാർട്ടി തീരുമാനിച്ചിട്ടുണ്ട്. 
വൈസ് പ്രസിഡണ്ട് കോൺഗ്രസിനാണ്. കോൺഗ്രസിൽ നിന്ന്  ജയിച്ച ഏക അംഗം  സൽമാ രാജുവിനെ പാർട്ടി വൈസ് പ്രസിഡണ്ടായി പ്രഖ്യാപിച്ചു. വികസന കാര്യം, ക്ഷേമ കാര്യം എന്നീ രണ്ടു പ്രധാന സ്റ്റാന്റിംഗ് കമ്മിറ്റികളുടെ ചെയർ പേഴ്സൺ സ്ഥാനം വനിതകൾക്ക് സംവരണം ചെയ്യപ്പെട്ടതാണ്. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി മാത്രമാണ് പുരുഷന് ലഭിക്കുക. ഗ്രാമ പഞ്ചായത്ത് സെക്രട്ടറിയും വനിതയാണ്.

നാദാപുരം: യു.ഡി.എഫ് ഇരിങ്ങണ്ണൂർ മേഖല കമ്മിറ്റിയുടെ ആഭിമുഖ്യത്തിൽ   എടച്ചേരി പഞ്ചായത്ത് മെമ്പർമാർക്കു സ്വികരണവും വിജയഘോഷ റാലിയും  നടത്തി. ഇരിങ്ങണ്ണൂരിൽ നടന്ന പരിപാടി
ഡി.സി.സി ജനറൽ സെക്രട്ടറി മോഹനൻ പാറക്കടവ് ഉദ്ഘാടനം ചെയ്തു.ആർ.ടി ഉസ്മാൻമാസ്റ്റർ അധ്യക്ഷത വഹിച്ചു .
ആവോലം രാധാകൃഷ്ണൻ, 
അഡ്വ. ശ്രീജിത്ത്‌ കാഞ്ഞാൽ,യു പി മൂസ മാസ്റ്റർ ,ചുണ്ടയിൽ മുഹമ്മദ്‌, വാർഡ് മെമ്പർ കെപി.സലീന  എം.കെ പ്രേമദാസ്‌എന്നിവർ സംസാരിച്ചു.