29
Wednesday
June 2022

29
Wednesday
June 2022

വാർത്ത

ഗ്രാമ പഞ്ചായത്ത് വൈസ് പ്രസിഡണ്ടിൻ്റെ വാർഡിൽ കൺവീനർ സ്ഥാനത്തെ ചൊല്ലിയുള്ള തർക്കം തീർന്നു

26th of February 2022

നാദാപുരം: ഗ്രാമ പഞ്ചായത്തിലെ ഏഴാം വാർഡിൽ വികസന സമിതി കൺവീനർ സ്ഥാനം സംബന്ധിച്ച് കോൺഗ്രസും ലീഗും തമ്മിൽ നില നിന്ന തർക്കം തീർന്നു . കൺവീനറായി മുസ്ലിം ലീഗിലെ കെ പി സുബൈറിനെ തെരഞ്ഞെടുത്തു. 
ഗ്രാമ പഞ്ചായത്ത് വൈസ് പ്രസിഡൻ്റ് അഖില മര്യാട്ടാണ് വാർഡ് മെമ്പർ.
ഇവർ കോൺഗ്രസ് ആയതിനാൽ വികസന സമിതി കൺവീനർ പദവിയും കോൺഗ്രസിന് ലഭിക്കണമെന്ന് അവർ ആവശ്യപ്പെട്ടു . എന്നാൽ ഈ വാർഡിൽ മൃഗീയ ഭൂരിപക്ഷമായ മുസ്ലിം ലീഗിന് കൺവീനർ സ്ഥാനം വേണമെന്ന് ലീഗ് നേതൃത്വവും ആവശ്യമുന്നയിച്ചു . 
ഇതേ തുടർന്നാണ് തർക്കം ഉടലെടുത്തത്. യു ഡി എഫ് നേതൃത്വം പല തവണ ചർച്ചകൾ നടത്തിയിട്ടും പ്രശ്നം പരിഹരിക്കാനായില്ല . 
കൺവീനർ ഇല്ലാത്തതിനാൽ വാർഡിലെ ഗ്രാമ സഭ നടത്തിപ്പ് അടക്കമുള്ള കാര്യങ്ങൾ വലിയ റിസ്കായിരുന്നു .
ഈ സാഹചര്യത്തിലാണ് ഇന്ന് ചേർന്ന യോഗത്തിൽ കൺവീനർ പദവി ലീഗിന് നൽകാൻ തിരുമാനിച്ചത്.

Related UPdates