തൂണേരി: തൊഴിലുറപ്പ് മേറ്റിനെ മാറ്റിയതിനെ ചൊല്ലി തൂണേരി പഞ്ചായത്തിൽ വാക്കേറ്റം. കഴിഞ്ഞ ഭരണ സമിതി യോഗത്തിൽ പഞ്ചായത്തിലെ മുഴുവൻ മേറ്റുമാരെയും മാറ്റാൻ തീരുമാനിച്ചിരുന്നു. ഇതിന്റെ ഭാഗമായി ഒന്നാം വാർഡിലെ മേറ്റിനെ മാറ്റിയത് സി.പി.എം നേതാക്കൾ ചോദ്യം ചെയ്യുകയായിരുന്നു. ഗ്രാമപഞ്ചായത്ത് ഓഫീസിലെത്തിയ സംഘം തൊഴിലുറപ്പ് അസി.എഞ്ചിനീയർ അനുശ്രീ, ഓവർസിയർ വിദ്യ എന്നിവർക്കെതിരെ തട്ടിക്കയറിയെന്നും കയ്യേറ്റം ചെയ്തതായുമാണ് പഞ്ചായത്ത് അധികൃതർ പറയുന്നത്. സംഭവത്തിൽ പഞ്ചായത്ത് സെക്രട്ടറി പോലീസിൽ പരാതി നൽകി.
അതേസമയം, രാഷ്ട്രീയ വൈരാഗ്യം മൂലമാണ് മേറ്റിനെ നീക്കം ചെയ്തതെന്നും ഇത് അംഗീകരിക്കാനാവില്ലെന്നും ജീവനക്കാരെ കയ്യേറ്റം ചെയ്തെന്നത് വാസ്തവ വിരുദ്ധമാണെന്നും സി.പി.എം പറയുന്നു.

നാദാപുരം: ഗ്രാമപഞ്ചയാത്ത് വാർഷിക പദ്ധതിയിൽ ഉൾപ്പെടുത്തി നിർമ്മിച്ച പത്തൊമ്പതാം വാർഡിലെ കസ്തൂരിക്കുളം - ചിറയ്ക്കൽ മുക്ക്‌ റോഡ്‌ പ്രസിഡന്റ്‌ വി.വി മുഹമ്മദലി ഉദ്ഘാടനം ചെയ്തു. വൈസ് പ്രസിഡന്റ് അഖില മാര്യാട്ട്, വികസനകാര്യ സ്ഥിരം സമിതി ചെയർമാൻ സി.കെ നാസർ, വാർഡ് മെംബർ കണേക്കൽ അബ്ബാസ് തുടങ്ങിയവർ പങ്കെടുത്തു.

നാദാപുരം: ഗ്രാമ പഞ്ചായത്തിൽ അടുത്ത അഞ്ചു വർഷക്കാലത്തെ തൊഴിലുറപ്പ് പ്രവർത്തികളുടെ രൂപരേഖ  കണ്ടെത്തി ആവശ്യമായ നിർദ്ദേശങ്ങൾ നല്കുന്നതിന്നു വേണ്ടി തെരെഞ്ഞെടുക്കപ്പെട്ട വാർഡ് തല എന്യുമറേറ്റര്മാർക്കുള്ള ശ്ലിപശാല നടത്തി. ഓരോ വാർഡിൽ നിന്നും 5 പേരാണ് ശില്പശാലയിൽ പങ്കെടുത്തത്. 
പ്രസിഡന്റ് വി വി മുഹമ്മദലി ഉദ്ഘാടനം ചെയ്തു. വൈസ് പ്രസിഡന്റ് അഖില മര്യാട്ട് അധ്യക്ഷത വഹിച്ചു . വികസന സ്റ്റാന്റിംഗ് കമ്മിറ്റി ചെയർമാൻ സി കെ നാസർ സ്വാഗതം പറഞ്ഞു. സ്ഥിരം സമിതി ചെയർ പേഴ്സൺമാരായ റീന കിണംബറേമ്മൽ , എം സി സുബൈർ , അസിസ്റ്റന്റ് സെക്രട്ടരി പ്രേമാനന്തൻ , തൊഴിലുറപ്പ് ഉദ്യോഗസ്തന്മരയ മുഹമ്മദ് , പ്രജിത്ത് , ഷംനാദ് എന്നിവർ സംസാരിച്ചു.

കല്ലാച്ചി:  കേന്ദ്ര സർക്കാറിന്റെ തൊഴിലാളി ദ്രോഹ കർഷക വിരുദ്ധ നയങ്ങൾക്കെതിരെ അണിനിരക്കണമെന്ന ആഹ്വാനവുമായി സി.ഐ.ടി.യു ജില്ലാ പ്രസിഡണ്ട് മാമ്പറ്റ ശ്രീധരൻ നയിക്കുന്ന പ്രചരണ ജാഥയ്ക്ക് കല്ലാച്ചിയിൽ സ്വീകരണം നൽകി. എ.മോഹൻദാസ് അദ്ധ്യക്ഷത വഹിച്ചു. പി.പി.പ്രേമ, വി.പി കുഞ്ഞികൃഷ്ണൻ , സന്തോഷ് എന്നിവർ സംസാരിച്ചു കെ.വി ഗോപാലൻസ്വാഗതം പറഞ്ഞു.

തൂണേരി:  ഗ്രാമപഞ്ചായത്ത് രണ്ടു ഘട്ടങ്ങളിലായി   വിജയകരമായി നടത്തിയ തെളിമയാർന്ന തൂണേരി പദ്ധതിയുടെ മൂന്നാംഘട്ട പ്രവർത്തനങ്ങൾക്ക് തുടക്കമായി. ഇതിൻറെ ഭാഗമായി അജൈവ പാഴ് വസ്തുക്കൾ ക്ലീൻ കേരള കമ്പനിക്ക് കൈമാറി.  ഗ്രാമപഞ്ചായത്ത് ഹരിത കർമ്മ സേനയുടെ നേതൃത്വത്തിൽ പതിനഞ്ച് വാർഡുകളിൽ നിന്നും ശേഖരിച്ച അജൈവ പാഴ്വസ്തുക്കൾ ആണ്  കൈമാറിയത്. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സുധ സത്യന്റെ അധ്യക്ഷതയിൽ  ഗ്രാമപഞ്ചായത്ത് പ്രസിഡണ്ട് പി ഷാഹിന ഫ്ലാഗ് ഓഫ് ചെയ്തു.  വൈസ് പ്രസിഡണ്ട് മധുമോഹൻ , ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വളപ്പിൽ കുഞ്ഞമ്മദ് മാസ്റ്റർ, മെമ്പർമാരായ ടി എൻ രഞ്ജിത്ത്, രജില കിഴക്കുംകരമൽ . ഫൗസിയ സലീം എംസി , ലിഷ കുഞ്ഞിപ്പുരയിൽ, അസിസ്റ്റൻറ് സെക്രട്ടറി മീന ,   കുടുംബശ്രീ മിഷൻ മെന്റർ റീന പി കെ  എന്നിവർ സംസാരിച്ചു.

 വടകര: തിരുവള്ളൂരിൽ പ്രവർത്തിക്കുന്ന  ആയുര്‍ദര്‍ശന്‍ ചികിത്സാലയം കേന്ദ്രീകരിച്ച് 'അമ്മയും കുഞ്ഞും' ചികിത്സാ പദ്ധതി.പ്രസവാനന്തരം അമ്മയുടെയും കുഞ്ഞിന്റെയും പരിചരണം എങ്ങിനെ എന്ന ആശങ്കക്ക് പരിഹാരമായുള്ള പദ്ധതി    22 ന് ആരംഭിക്കുമെന്ന് ആശുപത്രി അധികൃതര്‍  അറിയിച്ചു. പരിചയ സമ്പന്നരായ ആയമാരെ കിട്ടുന്നില്ലെന്ന ആശങ്കയുമായി എത്തുന്ന കുടുംബാംഗങ്ങളുടെ അഭ്യര്‍ഥന മാനിച്ചാണ് പുതിയ പദ്ധതിക്ക് തയ്യാറെടുക്കുന്നതെന്ന് ചീഫ് മെഡിക്കല്‍ ഓഫിസര്‍ ഡോ. ആര്‍.വി.ആര്യമിത്ര പറഞ്ഞു.
ആയുര്‍വേദ ഗ്രന്ഥങ്ങളില്‍ പ്രതിപാദിച്ച ചികിത്സാ രീതികള്‍ അവലംബിച്ച് പരിശീലനം സിദ്ധിച്ച മെഡിക്കല്‍ ടീം ചികിത്സാലയത്തില്‍ വരുന്നവര്‍ക്കും 10 കിലോമീറ്റര്‍ ചുറ്റളവില്‍ താമസിക്കുന്നവരുടെ സൗകര്യാര്‍ഥം വീട്ടിലെത്തിയും പരിചരണം നല്‍കും.

കുറ്റ്യാടി: കായക്കൊടി ഗ്രാമ പഞ്ചായത്തിൽ 
സ്റ്റാൻ്റിംങ്ങ് കമ്മറ്റി ചെയർമാൻ തെരഞ്ഞെടുപ്പിൽ ലീഗ് മെമ്പർ വിട്ടു നിന്നത് മണ്ഡലം നേതാവിന്റെ ഇടപെടലിനെ തുടർന്നാണെന്ന് ബോധ്യമായതോടെ   പഞ്ചായത്ത് ലീഗ് ഭാരവാഹികൾ രാജി വെച്ചു. ഇന്നലെ നടന്ന വികസന സ്റ്റാൻ്റിംങ്ങ് കമ്മറ്റി ചെയർമാൻ തെരഞ്ഞെടുപ്പിൽ 
യു ഡി എഫ്  മത്സരിപ്പിക്കാൻ തീരുമാനിച്ചയാൾക്ക് വോട്ട് ചെയ്യണമെന്ന പഞ്ചായത്ത് മുസ്ലിം ലീഗ് പ്രവർത്തക സമിതി തീരുമാനത്തിന് വിരുദ്ധമായി മെമ്പർ എം.ടി. കുഞ്ഞബ്ദുല്ല വിട്ടു നിൽക്കുകയായി രുന്നു. മണ്ഡലം വൈസ്  പ്രസിഡണ്ട് വി.പി. കുഞ്ഞബ്ദുല്ല മാസ്റ്ററുടെ നിർദ്ദേശ പ്രകാരമാണ് തെരഞ്ഞെടുപ്പിൽ നിന്ന് വിട്ടു നിന്നതെന്ന് സോഷ്യൽ മീഡിയയിലൂടെ മെമ്പർ വെളിപ്പെടുത്തിയിരുന്നു.
ഈ സാഹചര്യത്തിലാണ് 
പഞ്ചായത്ത് ലീഗ് കമ്മറ്റി ഒന്നടങ്കം  രാജിവെക്കാൻ തീരുമാനിച്ചതെന്ന് ഭാരവാഹികൾ പറഞ്ഞു. സ്ഥാനാർത്ഥി നിർണയം മുതൽ ലീഗിൽ ഉടലെടുത്ത പ്രശ്നങ്ങളാണ് പഞ്ചായത്ത് ഭരണം 
വരെ നഷ്ടപ്പെടാൻ കാരണമായത്. 
മൂന്നു വട്ടം മത്സരിച്ചവർ വീണ്ടും മത്സരിക്കരുതെന്ന സംസ്ഥാന കമ്മറ്റിയുടെ തീരുമാനത്തിൽ പ്രതിഷേധിച്ച് മുൻനിര നേതാക്കളെ വെട്ടിനിരത്തി അപ്രസക്തരായവരെ സ്ഥാനാർത്ഥികളാക്കി മത്സരിപ്പിക്കുന്നതിൽ 
ഈ മണ്ഡലം നേതാവിൻ്റെ ഇടപെടലുകൾ നേതൃത്വത്തിന് തന്നെ ബോധ്യമായതാണ്. മണ്ഡലം പാർലമെൻ്ററി ബോർഡിൻ്റെ നിർദ്ദേശം പോലും അവഗണിച്ചു കൊണ്ടാണ് ഇയാൾ സ്ഥാനാർത്ഥി നിർണയത്തിൽ പ്രവർത്തിച്ചതത്രെ . ഇദ്ധേഹത്തിനെതിരെ സോഷ്യൽ മീഡിയയിൽ വൻ പ്രചരണമാണ് നടക്കുന്നത്.

നാദാപുരം: 'ഹരിത സമൃദ്ധമാക്കാം നാടും വീടും' എന്ന സന്ദേശത്തോടെ നാദാപുരം ഗ്രാമ പഞ്ചായത് നടത്തിയ ശില്പശാല ശ്രദ്ധേയമായി. പഞ്ചായത്തിലെ സർക്കാർ സ്ഥാപനങ്ങളും സ്കൂളൂകളും ഹരിത ഓഡിറ്റിനു വിധേയമാക്കി ഹരിത സ്ഥാപനങ്ങളാക്കുന്നതിൻ്റെ മുന്നോടിയായാണ് ശില്പശാല സംഘടിപ്പിച്ചത്.  ജനുവരി 26 ആവുമ്പോഴേക്കും പഞ്ചായത്തിലെ മുഴുവൻ സർക്കാർ സ്ഥാപനങ്ങളും പ്രകൃതി സൗഹൃദമാക്കുകയാണ് ലക്ഷ്യം എന്ന് പ്രസിഡണ്ട് വി.വി.മുഹമ്മദലി ഉദ്ഘാടന പ്രസംഗത്തിൽ പറഞ്ഞു. സ്ഥാപന മേധാവികൾക്കും, ഹരിതസേന അംഗങ്ങൾക്കും, അങ്കണവാടി പ്രവർത്തകർക്കും ഹരിത ഗ്രാമത്തിൻ്റെ ആവശ്യകതയെപ്പറ്റി ഹരിതകേരള മിഷൻ ജില്ലാ കോ ഓഡിനേറ്റർ പ്രകാശ് - പി. മുഖ്യ പ്രഭാഷണം നടത്തി. സംസ്ഥാന സർക്കാരിൻ്റെ 10000 ഓഫീസുകൾ ജനു.26നു ഗ്രീൻ ഓഫീസാക്കി മാറ്റും എന്ന പ്രഖ്യപനത്തിനു പിന്നാലെയാണ് നാദാപുരം പഞ്ചായത്തും ഈ പദ്ധതി ഏറ്റെടുത്തത്. പഞ്ചായത്ത് പ്രദേശത്തെ തരം തിരിച്ച മാലിന്യങ്ങൾ ക്ലീൻ കേരള കമ്പനിക്ക് നൽകാനും ധാരണയായി. വൈസ് പ്രസിഡണ്ട് അഖില മര്യാട്ട് അദ്ധ്യക്ഷത വഹിച്ച ചടങ്ങിൽ സ്റ്റാൻ്റിംഗ് കമ്മറ്റി ചെയർമാൻമാരായ സി.കെ.നാസർ, റീനകിണ ബ്രേമ്മൽ, എം.സി സുബൈർ മിഷൻ കോഡിനേറ്റർമാരായ കുഞ്ഞിരാമൻ, ജയൻ പൂക്കാട്, സി.ഡി.എസ് ചെയർപേഴ്സൺ റീജ പി.പി എന്നിവർ സംസാരിച്ചു. ചടങ്ങിനു സെക്രട്ടറി എം.പി.രജുലാൽ സ്വാഗതവും, അസി.സെക്രട്ടറി ടി.പ്രേമാനന്ദൻ നന്ദിയും പറഞ്ഞു

വടകര: ബി.ഡി.കെ കോഴിക്കോട് വടകരയുടെ നാലാം വാർഷികം സമുചിതമായി ആഘോഷിച്ചു. വാർഷികാഘോഷത്തോടനുബന്ധിച്ച് മൂന്ന് ദിവസം നീണ്ടു നിൽക്കുന്ന പരിപാടികൾ നടത്തി.  ഒന്നാം ദിവസം കോഴിക്കോട് കോട്ടപറമ്പ് സ്ത്രീകളുടെയും കുട്ടികളുടെയും ആശുപത്രിയിൽ  രക്തദാന ക്യാമ്പ് നടത്തി. രണ്ടാം ദിനത്തിൽ വയനാട്ടിലേക്ക് ബി.ഡി.കെ ജില്ലാ കോഡിനേറ്ററും മോട്ടിവേറ്ററുമായ ഫാത്തിമ അസ് ല യോടൊപ്പം യാത്ര ചെയ്തു ക്യാമ്പയിൻ നടത്തി , ബി.ഡി.കെ വടകരയുടെ വാർഷികാഘോഷത്തിൻ്റെ സമാപനമായി വടകര ടൗണിൽ രക്ത ദാന സന്ദേശവുമായി ബി.ഡി.കെ ടീമംഗങ്ങൾ സ്നേഹ സന്ദേശ റാലി നടത്തുകയും വടകര പുതിയ ബസ് സ്റ്റാൻ്റ് പരിസരത്ത് വെച്ച് രക്തദാന സന്ദേശമുള്ള കുറിപ്പുകളുള്ള ഹൈഡ്രജൻ ബലൂണുകൾ ആകാശത്തേക്ക് പറത്തുകയും ചെയ്തു. ബി.ഡി.കെ വടകര താലൂക്ക്  പ്രസിഡണ്ട് അൻസാർ ചേരാപുരത്തിൻ്റെ അധ്യക്ഷതയിൽ വത്സരാജ് മണലാട്ട് ഹൈഡ്രജൻ ബലൂൺ പറത്തി നാലാം വാർഷികം സമാപന പരിപാടി ഉദ്ഘാടനം ചെയ്തു.ബി ഡി കെ വടകര താലൂക്ക് കമ്മറ്റി ഭാരവാഹികളും കോഡിനേറ്റർമാരുമായ ബിജീഷ് ഒഞ്ചിയം, കബീർ, ഹസ്സൻ തോടന്നൂർ, അമൽജിത്ത് എൻ.എസ്, ശ്യാംജിത്ത്, ഫായിസ്, മുനീബ്, ശിൽപ, അനസ്, സനൂപ് തുടങ്ങിയവർ നേതൃത്വം നൽകി. രക്തദാന പ്രവർത്തനങ്ങൾക്കൊപ്പം ജീവകാരുണ്യ രംഗത്തും നിരവധി പ്രവർത്തനങ്ങൾ നാല് വർഷങ്ങളായി ബി.ഡി.കെ വടകര നടത്തിയിട്ടുണ്ട് സ്നേഹപുതപ്പ്, സ്നേഹസദ്യ, സ്നേഹ കിറ്റ് വിതരണം, കുട്ടികൾക്ക് പഠനോപകരണങ്ങൾ വിതരണം, ഭിന്നശേഷി ക്കാർക്കൊപ്പം ക്രിസ്ത്മസ് പുതുവത്സര ആഘോഷം എന്നിങ്ങനെ വിവിധ പരിപാടികൾ നടത്തിയിട്ടുണ്ട്.

നാദാപുരം: ഗവൺമെന്റ് താലൂക്ക് ആശുപത്രിയിൽ ആധുനിക രീതിയിലുള്ള ലാബ് നിർമ്മിക്കുന്നതിന് ആരോഗ്യ വകുപ് 50 ലക്ഷം രൂപ അനുവദിച്ചതായി ഇ .കെ.വിജയൻ എം.എൽ.എ. അറിയിച്ചു. ആരോഗ്യ വകുപ്പ് മന്ത്രി കെ.കെ.ശൈലജ ടീച്ചർക്ക് നൽക്കിയ നിവേദനത്തെ തുടർന്നാണ് തുക അനുവദിച്ചത്. ടെന്റർ നടപടി പൂർത്തിയാക്കി പ്രവൃത്തി ഉടൻ ആരംഭിക്കും. ആശുപത്രിയിൽ ഇ. ഹെൽത്ത് പദ്ധതിക്ക് എം.എൽ.എ. ഫണ്ടിൽ നിന്നും അനുവദിച്ച 50 ലക്ഷം രൂപയുടെ പ്രവൃത്തി ടെന്റർ നടപടി പൂർത്തിയാക്കി. ഗവൺമെന്റ ഏജൻസിയായ കെൽട്രോൺ ആണ് പ്രവൃത്തി നടത്തുന്നത്.

നാദാപുരം: ചെക്യാട് പഞ്ചായത്ത് രണ്ടാം വാർഡിലെ ഗ്രാമസേവാ കേന്ദ്രം പഞ്ചായത്ത് പ്രസിഡൻറ് നസീമ കൊട്ടാരത്ത് ഉദ്ഘാടനം ചെയ്തു. വാർഡ് മെമ്പർ കൂടിയായ  പഞ്ചായത്ത് വൈസ്പ്രസിഡന്റ് കെ.പി കുമാരൻ അധ്യക്ഷനായി.
അക്ഷയ കേന്ദ്രത്തിൽ  നിന്ന് ലഭ്യമാകുന്ന എല്ലാ ഓൺലൈൻ സേവനങ്ങളും ഈ കേന്ദ്രത്തിൽ  ലഭ്യമാകുന്നതാണ്. വൈകുന്നേരങ്ങളിൽ വാർഡ് മെമ്പർ  ഓഫീസിൽ ക്യാമ്പ് ചെയ്യും.

വടകര: അഴിയൂര്‍ ഗവ: ഹയര്‍ സെക്കണ്ടറി സ്‌കൂളിന് സമീപം വാടക വീട്ടില്‍ നിന്ന് ആയിരം പാക്കറ്റ് പാന്‍മസാലയുമായി ഹോട്ടലുടമയെ അറസ്റ്റ് ചെയ്തു. പൂഴിത്തല ചില്ലി പറമ്പത്ത് ഷിബു (42) ആണ് ചോമ്പാല പോലീസ് പിടിയിലായത്. ഹാന്‍സ്, കൂള്‍ ലിപ്പ് തുടങ്ങിയ നിരോധിത പുകയില ഉല്പന്നങ്ങളാണ് ഇവിടെ നിന്നും പിടികൂടിയത്.
വാടക വീടും പൂഴിത്തലയിലെ ഹോട്ടലും കേന്ദ്രീകരിച്ച് പാന്‍മസാല വില്‍ക്കുന്നതായി പോലീസിനു രഹസ്യ വിവരം ലഭിച്ചിരുന്നു. വിദ്യാര്‍ഥികള്‍ക്കും പുകയില ഉല്‍പന്നങ്ങള്‍ നല്‍കാറുണ്ട്. പോലീസ് നിരീക്ഷണം ശക്തമാക്കിയിരുന്നു. ഇതിനിടെയാണ് പാന്‍മസാലയുമായി ഇയാള്‍ പിടിയിലായത്.

കല്ലാച്ചി : പെട്രോൾ പമ്പിന് സമീപം കാർ ഇലക്ട്രിക്  പോസ്റ്റിലിടിച്ച് വൻ ദുരന്തം ഒഴിവായി. ഇന്ന് രാത്രി 10.45 നാണ് സംഭവം.
സംസ്ഥാന പാതയിലൂടെ അമിത വേഗതയിൽ എത്തിയ കാർ നിയന്ത്രണം വിട്ട് തൂണിൽ ഇടിച്ചു നിൽക്കുകയായിരുന്നു. കാറിന്റെ മുൻ ഭാഗം തകർന്നു. പോസ്റ്റിനും കേടുപാട് സംഭവിച്ചു. എന്നാൽ ആളപായമില്ല.

വാണിമേൽ; നിയന്ത്രണം വിട്ട് ചീറിപ്പാഞ്ഞു വന്ന  കാർ റോഡരികിലെ മതിലിൽ ഇടിച്ചു നിന്നത് വലിയ ദുരന്തം ഒഴിവാക്കി. ഇന്ന് വൈകീട്ട് വാണിമേൽ നിരത്തുമ്മൽ പീടികയിലാണ് സംഭവം. വൈകുന്നേരങ്ങളിൽ ധാരാളം ആളുകൾ കൂടി നിൽക്കുന്ന ചായക്കടക്ക് സമീപമുള്ള  സ്ഥലത്തേക്കാണ് കാർ  പാഞ്ഞ് കയറിയത്. എന്നാൽ സംഭവ സമയത്ത് അവിടെ ആളുകൾ ഇല്ലാത്തത് ഭാഗ്യമായി. ആളപായമില്ലെങ്കിലും കാറിനും നിർത്തിയിട്ടിരുന്ന ബൈക്കിനും കേടുപാടുകൾ സംഭവിച്ചിട്ടുണ്ട്

നാദാപുരം: പ്രതിപക്ഷ നേതാവ് രമേശ് ചെന്നിത്തല നയിക്കുന്ന കേരള യാത്രയുടെ വിജയത്തിനായി നാദാപുരം നിയോജക മണ്ഡലത്തിൽ വൻ ഒരുക്കം. ഫെബ്രുവരി 5 ന് തൊട്ടിൽപാലത്ത്   ജാഥക്ക് ഉജ്വല സ്വീകരണം നൽകാൻ പരിപാടികൾ ആവിഷ്ക്കരിച്ചു.  
കേന്ദ്ര സംസ്ഥാന സർക്കാറുകളുടെ ജന വിരുദ്ധ നയങ്ങൾ ക്കെതിരെ  23 ന് നാദാപുരത്ത് സായാഹ്ന ധർണ്ണ നടത്തും. നാദാപുരം ലീഗ് ഹൗസിൽ ചേർന്ന യോഗത്തിൽ ചെയർമാൻ അഹമ്മദ് പുന്നക്കൽ അധ്യക്ഷത വഹിച്ചു. കെ.പി.സി.സി ജനറൽ സെക്രട്ടറി അഡ്വ. കെ . പ്രവീൺ കുമാർ ഉദ്ഘാടനം ചെയ്തു. സൂപ്പി നരിക്കാട്ടേരി, സി വി കുഞ്ഞികൃഷ്ണൻ, കെ പി രാജൻ, അബ്ദുല്ല വയലോളി, പി കെ ഹബീബ്, ആവോലം രാധാകൃഷ്ണൻ, പി എം ജോർജ്, അഡ്വ.  എ സജീവൻ, കോരങ്കോട്ട് മൊയ്തു തുടങ്ങിയവർ പ്രസംഗിച്ചു.

കക്കട്ടിൽ:  നരിപ്പറ്റ  ഗാലക്സി ആർട്സ് & സ്പോർട്സ് ക്ലബ്  നമ്പ്യത്താംകുണ്ട്  സംഘടിപ്പിച്ച ആമദ് മാസ്റ്റർ സ്മാരക നാലാമത് ഫ്ളാഡ്ലൈറ്റ് ഷട്ടിൽ ബാഡ്മിന്റൺ ടൂർണ്ണമെൻ്റ് ചീക്കോന്ന് എം.എൽ.പി.സ്ക്കൂൾ ഫ്ലഡ് ലൈറ്റ് സ്റ്റേഡിയത്തിൽ നരിപ്പറ്റ ഗ്രാമ പഞ്ചായത്ത് പ്രസിഡണ്ട് ബാബു കാട്ടാളി ഉദ്ഘാടനം ചെയ്തു.
എം.പി. ജാഫർ മാസ്റ്റർ അധ്യക്ഷത വഹിച്ചു, ടി.വി.കുഞ്ഞമ്മദ് ഹാജി, എൻ.കെ.മൊയ്തു, സജീർ കെ.പി,   കെ. കുഞ്ഞാബ്‌ദുള്ള, കാസിം വി.കെ, അർഷാദ് ചെമ്പറ്റ എന്നിവർ പ്രസംഗിച്ചു..
 പ്രാദേശിക മത്സരത്തിൽ ഗാലക്സി നമ്പ്യത്താംകുണ്ട് ജേതാക്കളായി ടീം ഫോർ  റണ്ണേഴ്‌സ് അപ്പിനും ഗാലക്സി തന്നെ അർഹമായി രണ്ടാം ദിവസം നടന്ന ജില്ലാതല മത്സരത്തിൽ കെ.എം.എസ്.യു നാദാപുരം ടീം ഒന്നാം സ്ഥാനം നേടി. ഗാലക്സി നമ്പിയാത്താംകുണ്ട് രണ്ടാം സ്ഥാനവും നേടി. ട്രോപ്പികൾ വിതരണം കമറുദ്ധീൻ ടി.വി അൻസാർ ഓറിയോൺ ഹൈദർ കെ.പി, സാബിത് എന്നിവർ വിതരണം ചെയ്തു.

പാറക്കടവ് : ചെക്യാട് ഗ്രാമപഞ്ചായത്ത് ഉമ്മത്തൂർ 14-ാം വാർഡ് വികസന സമിതിയുടെ  വിദ്യാഭ്യാസ പദ്ധതിയായ വിജയപഥത്തിൻ്റെ സമർപ്പണവും സ്കോളർഷിപ്പ് വിതരണവും ഗ്രാമപഞ്ചായത്ത് പ്രസിഡണ്ട് നസീമ കൊട്ടാരത്ത് നിർവ്വഹിച്ചു. വാർഡ് മെമ്പറും ക്ഷേമകാര്യ സ്ഥിരം സമിതി ചെയർമാനുമായ  ടി.കെ.ഖാലിദ് മാസ്റ്ററുടെ നേതൃത്വത്തിലുള്ള  വികസന സമിതിയാണ്  ഇങ്ങിനെ യൊരു പദ്ധതിക്ക് രൂപം നല്കിയത്. സാമ്പത്തിക  പ്രയാസം കാരണം വിദ്യാഭ്യാസം തുടരാൻ പ്രയാസമനുഭവിക്കുന്ന   വിദ്യാർത്ഥികളെ സഹായിക്കുന്നതാണ് വിജയപഥം. യോഗത്തിൽ അഹമ്മദ് പുന്നക്കൽ അദ്ധ്യക്ഷത വഹിച്ചു .പ്രൊ:പി.മമ്മു സാഹിബ് യോഗം ഉൽഘാടനം ചെയ്തു. ഗ്രാമപഞ്ചായത്ത് വൈസ്പ്രസിഡണ്ട് കെ.പി.കുമാരൻ ,പഞ്ചായത്ത് സെക്രട്ടറി ടി.പി.മുസ്തഫ ,ബ്ലോക്ക് മെമ്പർ ഉമേഷ്  എ.കെ,സി.എഛ് ഹമീദ് മാസ്റ്റർ , ആർ.പി.ഹസൻ , ടി.എ.സലാം , നവാസ് ടി.കെ, അനിൽകുമാർ, സുനിൽ ടി, ലിനീഷ് പി., റിയാസ് സി.കെ., കുഞ്ഞബ്ദുല്ല പി എന്നിവർ ആശംസകളർപ്പിച്ചു. മെമ്പർ ടി.കെ ഖാലിദ് മാസ്റ്റർ സ്വാഗതവും വികസന സമിതി കൺവീനർ  അബ്ദുല്ല വല്ലൻ കണ്ടത്തിൽ നന്ദിയും പറഞ്ഞു.

കച്ചേരി : കച്ചേരി പൊതുജന വായനശാലയുടെ  മുൻ പ്രസിഡന്റും സാമൂഹ്യ  പ്രവർത്തകനും ആയിരുന്ന   വടക്കയിൽ ഇബ്രാഹിം ഹാജിയുടെ  നാലാമത്  അനുസ്മരണം  തൂണേരി  ബ്ലോക്ക്‌ പഞ്ചായത്ത്‌ വൈസ്. പ്രസിഡന്റ്‌  ടി കെ  അരവിന്ദാക്ഷൻ  ഉദ്ഘാടനം  ചെയ്തു  വാർഡ് മെമ്പർ  സതി മാരാം വീട്ടിൽ  അധ്യക്ഷയായി, കെ.കെ കുഞ്ഞിരാമൻ മാസ്റ്റർ  അനുസ്മരണ പ്രഭാഷണം  നടത്തി,
യു. കുമാരൻ മാസ്റ്റർ, എം. പി. ശ്രീധരൻ മാസ്റ്റർ, കെ പി  രമേശൻ, രാധ തടത്തിൽ,പ്രദീപ്  കേളോത്ത്, ടി കെ  അമൽരാജ്  എന്നിവർ  സംസാരിച്ചു

നാദാപുരം:  ഗ്രാമ പഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി കോഴിഗ്രാമം പദ്ധതി ആരംഭിച്ചു .ദാരിദ്ര്യ ലഘൂകരണ ത്തിന്റെ ഭാഗമായി പഞ്ചായത്തിലെ  500 കുടുംബങ്ങൾക്ക് അഞ്ചു വീതം കോഴികളെ സൗജന്യമായി നൽകുന്ന പദ്ധതിയാണിത് .
ഗ്രാമ പഞ്ചായത്ത് പ്രസിഡന്റ് വി വി മുഹമ്മദലി വിതരണോദ്ഘാടനം  നിർവ്വഹിച്ചു . വികസന സ്റ്റാന്റിംഗ് കമ്മിറ്റി ചെയർമാൻ സി കെ നാസർ അധ്യക്ഷത വഹിച്ചു .
ആരോഗ്യ വിദ്യാഭ്യാസ സ്ഥിരം സമിതി ചെയർമാൻ എം സി സുബൈർ, വെറ്റിനറി ഡോക്ടർ ശില്പരാജ് , ഗ്രാമ പഞ്ചായത്ത് മെമ്പർമാരായ 
കണേക്കൽ അബ്ബാസ് , നിഷ മനോജ് , എ കെ സുബൈർ മാസ്റ്റർ എന്നിവർ സംസാരിച്ചു .

നാദാപുരം: ഏഴ് വർഷമായി വാടക കെട്ടിടത്തിൽ പ്രവർത്തിക്കുന്ന നാദാപുരം ഗവ. കോളജിന്റെ ദുരവസ്ഥ തുറന്നു കാട്ടി യൂത്ത് ലീഗ് നേതാവിന്റെ ഫേസ് ബുക്ക് പോസ്റ്റ് വൈറലാകുന്നു.
നാദാപുരം മണ്ഡലം മുസ്ലിം യൂത്ത് ലീഗ് ജനറൽ സെക്രട്ടറി ഇ ഹാരിസാണ് പോസ്റ്റിട്ടത്.

പോസ്റ്റ് ഇങ്ങിനെ 

2014 ൽ ഉമ്മൻ ചാണ്ടി സർക്കാരിൽ വിദ്യാഭ്യാസ മന്ത്രിയായിരുന്ന പികെ  അബ്ദുറബ്ബ് അനുവദിച്ച ഗവ.കോളേജാണ് നാദാപുരം കോളേജ്. ഗവണ്മെന്റ് കോളേജ് ഇല്ലാത്ത നിയോജക മണ്ഡലങ്ങളിൽ കോളേജ് അനുവദിച്ച്‌ വിപ്ലവകരമായ വിദ്യാഭ്യാസ മുന്നേറ്റമാണ് യു ഡി എഫ് നടത്തിയത്. കേവലം വാഗ്ദാനം മാത്രമായിരുന്നില്ല, പ്രഖ്യാപിച്ചത് ഉടനടി നടപ്പിൽ വരുത്തുകയും ചെയ്തു.

നാദാപുരം കോളേജിന്  ആവശ്യമായ 5 ഏക്കർ ഭൂമി  കല്ലാച്ചിക്കടുത്ത് തെരുവമ്പറമ്പിൽ കണ്ടെത്തി. 2.5 ഏക്കർ സ്ഥലം ഉടമ സൗജന്യമായും ബാക്കി 2.5 ഏക്കർ വാങ്ങാൻ ആവശ്യമായ പണം നാദാപുരക്കാർ പിരിവ് നടത്തി കണ്ടെത്തുകയും ചെയ്തു.

വർഷം 7 കഴിഞ്ഞു. കോളേജ് ഇന്നും വാടക കെട്ടിടത്തിൽ തന്നെ. ആദ്യം നിരത്തുമ്മൽ പീടികയിൽ,പിന്നെ വയൽ പീടിക ദാറുൽ ഹുദാ മദ്റസ കെട്ടിടത്തിൽ.5 കോഴ്‌സുകൾ അനുവദിച്ചിട്ടും വാടക കെട്ടിടത്തിൽ ഞെരുങ്ങിയും ക്ലാസ്സ് ലീവ് കൊടുത്തും പ്രാക്ടിക്കൽ ക്ലാസ്സിന് മടപ്പള്ളി കോളേജിൽ പോയും പരീക്ഷ മറ്റ് സ്ഥലങ്ങളിൽ നിന്ന് എഴുതിയും കോളേജ് മുന്നോട്ട് പോയി.നൂറു കണക്കിന് കുട്ടികൾക്ക് ക്യാമ്പസ് ജീവിതം 1 നഷ്ടമായി.അടിസ്ഥാന സൗകര്യം ലഭിച്ചില്ല.വിദ്യാർത്ഥിനികൾ പോലും പ്രാഥമിക ആവശ്യങ്ങൾക്ക്  അടുത്തുള്ള വീടുകൾ ആശ്രയിക്കേണ്ടി വന്നു. അങ്ങനെ ദുരന്തങ്ങൾ മാത്രം നിറഞ്ഞ 7 വർഷം.ഒരു എസ്എഫ്ഐ വിദ്യാർഥിക്ക് പോലും സന്തോഷത്തോടെ ഓർമ്മിക്കാൻ ഇഷ്ടമില്ലാത്ത 7 വർഷങ്ങൾ.

സമരങ്ങൾ ഒരുപാട് നടന്നു. തെരുവ് ക്ലാസ്സ്, പാല് കാച്ചൽ, ക്ലാസ്സ് ബഹിഷ്കരണം, പ്രകടനം അങ്ങിനെ എത്രയെത്ര  പോരാട്ടങ്ങൾ.എം എസ്‌ എഫ് , കെ എസ്‌ യു, കോളേജ് യൂണിയൻ നേതൃത്വം നൽകിയവർ ഒരുപാട്.ഓരോ സമരവും അവസാനിപ്പിക്കാൻ സ്ഥലം എം എൽ എ യുടെ മോഹന വാഗ്ദാനങ്ങൾ.ഊരാളുങ്കൽ ആണ് പണി, ലേറ്റ്‌ ആയി വന്താലും ലേറ്റസ്റ്റാ വരുവെ. അങ്ങനെ.. അങ്ങനെ..ഓരോ വർഷവും കോളേജ് മാറുമെന്ന് വാടക കെട്ടിട ഉടമകളോട് പറഞ്ഞ് പറ്റിച്ച കഥ വേറെയും. ഇതാ നിയമസഭ ഇലക്ഷൻ വരുന്നു. കണ്ണിൽ പൊടിയിടാൻ ഒരു കെട്ടിടം ചിലപ്പോൾ ഉദ്ഘാടനം ചെയ്തേക്കാം.

നിലവിൽ ഇവിടെയുള്ള 5 കോഴ്സുകൾക്ക് വേണ്ടത് 15 ക്ലാസ്സ് റൂം.
ഫിസിക്സ് ലാബ്, കെമിസ്ട്രി ലാബ്,
സൈക്കോളജി ലാബ്,കമ്പ്യൂട്ടർ ലാബ്, ലൈബ്രറി,ഓരോ ഡിപ്പാർട്ട്മെന്റിനും ഒരോ സ്റ്റാഫ് റൂം.
എങ്കിൽ വരാൻ പോകുന്ന കെട്ടിടത്തിൽ ആകെ 9 ക്ലാസ്സ് റൂം.
അപ്പോൾ പിന്നെയും കഥ തുടരും.വാടക കെട്ടിടത്തിലെ കഥ.ഉച്ചക്ക് ലീവ് കൊടുത്തും ഞെരുങ്ങിയും തീരുന്ന കുട്ടികളുടെ കഥ.

ഇത് അവിടെ പഠിക്കുന്ന കുട്ടികളുടെ മാത്രം ആവശ്യമല്ല.സ്ഥലം വാങ്ങാൻ നാണയത്തുട്ടുകൾ  നൽകിയ നിങ്ങളുടെ കൂടെയാണ്. ഇത് വരെ പഠിച്ച് ഇറങ്ങിയ കുട്ടികളുടെ കൂടെ ആവശ്യമാണ്. മണ്ഡലത്തിലെ ഓരോ വ്യക്തിയുടെയും പ്രതിഷേധം ഉയരണം.രാഷ്ട്രീയ പാർട്ടികൾ മൗനം വെടിയണം.ബത്തക്ക വാങ്ങാൻ പോയ എസ്എഫ്ഐ, ഇത് വരെ സമരം നടത്തിയ എം എസ്‌ എഫ്‌,കെ എസ്‌ യു അങ്ങനെയുളളവർ ഇനിയും പോരാടണം.

നാദാപുരം മണ്ഡലം 40 വർഷമായി എൽ ഡി എഫാണ്  പ്രതിനിധീകരിക്കുന്നത്.
വികസനം നമ്മുടെ സ്വപ്നമല്ല. അവകാശമാണ്.

നാദാപുരം: മുൻ മന്ത്രിയും സോഷ്യലിസ്റ്റ് നേതാവും കാട്ടാമ്പള്ളി, മുതുകാട് സമര നായകനുമായ പി.ആർ.കുറുപ്പിൻ്റെ ഇരുപതാമത് ചരമ വാർഷിക ദിനം എൽ.ജെ.ഡി എടച്ചേരി പഞ്ചായത്ത് കമ്മറ്റിയുടെ നേതൃത്വത്തിൽ ഇരിങ്ങണ്ണൂരിൽ നടത്തി. കാലത്ത് ഛായാചിത്രത്തിൽ നടന്ന പുഷ്പാർച്ചനയിലും അനുസ്മരണ പരിപാടിയിലും എൽ.ജെ.ഡി മണ്ഡലം പ്രസിഡണ്ട് പി.എം നാണു, പഞ്ചായത്ത് പ്രസിഡണ്ട് വത്സരാജ് മണലാട്ട്, മറ്റു നേതാക്കളായ പി.കെ അശോകൻ, വള്ളിൽ പവിത്രൻ, രവീന്ദ്രൻ പാച്ചാക്കര, കെ.നാരായണൻ, ടി. പ്രകാശൻ, ശ്രീജിത്ത് പുറക്കാലുമ്മൽ ,രതീഷ് കാട്ടിൽ എന്നിവർ നേതൃത്വം നൽകി.

എടച്ചേരി: സോഷ്യലിസ്റ്റ് നേതാവും മുൻ മന്ത്രിയും മായ പി ആർ കുറുപ്പിനെ എൽ ജെ ഡി എടച്ചേരി മേഖലാ കമ്മറ്റി അനുസ്മരിച്ചും ടി കെ ബാലൻ അദ്യക്ഷത വഹിച്ചും എൽ വൈ ജെ ഡി സംസ്ഥാന ജന: സിക്രട്ടറി ഇ കെ സജിത്ത് കുമാർ അനുസ്മരണ പ്രഭാഷണം നടത്തി കെ രജീഷ്, കെ ഭാസ്കരൻ ,അമൽ കോമത്ത്, പൊയിൽ നാണു, അഖിൽ കുമാർ കെ എന്നിവർ സംസാരിച്ചും

വാണിമേൽ: പഞ്ചായത്ത് തെരഞ്ഞെടുപ്പിൽ വിമത പ്രവർത്തനം നടത്തിയ എട്ടു ലീഗ് പ്രവർത്തകരെ പാർട്ടിയിൽ നിന്ന് സസ്പെൻറ് ചെയ്തു. 
പതിനാലാം വാർഡിൽ യു ഡി എഫ് സ്ഥാനാർത്ഥി കെ ബാലകൃഷ്ണനെ തോൽപിച്ച വിമത സ്ഥാനാർത്ഥി ചേലക്കാടൻ കുഞ്ഞമ്മദിന്റെ വിജയത്തിന് വേണ്ടി പ്രവർത്തിച്ച വാർഡ് ഭാരവാഹികൾ ഉൾപ്പെടെയുള്ളവർ ക്കെതിരെയാണ് നടപടി.
പൊന്നാണ്ടി മൂസ, കുന്നിയുള്ള പറമ്പത്ത് അമ്മദ് ഹാജി, മരുതേരിക്കണ്ടി കുഞ്ഞബ്ദുല്ല. നായിക്കരിമ്പിൽ കുഞ്ഞബ്ദുല്ല, പുത്തൻ പുരയിൽ ഷംസു , നായിക്കരിമ്പിൽ മായൻകുട്ടി ഹാജി, കളത്തിൽ അബ്ദുറഹീം, പി പി കുഞ്ഞബ്ദുല്ല പുഴമൂല എന്നിവരെയാണ് പഞ്ചായത്ത് കമ്മിറ്റിയുടെ ശുപാർശ പ്രകാരം സംസ്ഥാന കമ്മിറ്റി അന്വേഷണ വിധേയമായി സസ്പെൻറ് ചെയ്തത്.

നാദാപുരം : സംസ്ഥാന ജീവനക്കാരുടെ ശമ്പള പരിഷ്ക്കരണം ഉടൻ നടപ്പിലാക്കുക, കുടിശ്ശികയായ  ക്ഷാമബത്ത അനുവദിക്കുക, മരവിപ്പിച്ച ആനുകൂല്യങ്ങൾ 
തിരികെ നൽകുക, പിൻവാതിൽ നിയമന ങ്ങൾ അവസാനിപ്പിക്കുക എന്നീ ആവശ്യങ്ങൾ ഉന്നയിച്ചു കൊണ്ട് എൻ.ജി.ഒ അസോസിയേഷൻ നാദാപുരം ബ്രാഞ്ച് കമ്മിറ്റിയുടെ നേതൃത്വത്തിൽ കല്ലാച്ചി മിനി സിവിൽ സ്റ്റേഷനു മുമ്പിൽ പ്രതിഷേധ കൂട്ടായ്മ സംഘടിപ്പിച്ചു. സംസ്ഥാന സെക്രട്ടേറിയറ്റ് മെമ്പർ സിജു. കെ.നായർ ഉദ്ഘാടനം  ചെയ്തു. ശമ്പളപരിഷ്കരണം അനിശ്ചിതമായി നീണ്ടുപോകുന്ന അവസരത്തിൽ  ജീവനക്കാർക്ക്   ഇടക്കാലാശ്വാസം അനുവദിക്കണമെന്നു അദ്ദേഹം ആവശ്യപ്പെട്ടു. ബ്രാഞ്ച് പ്രസിഡന്റ് സുനിൽകുമാർ വി.പി അദ്ധ്യക്ഷത വഹിച്ചു. ബ്രാഞ്ച് സെക്രട്ടറി സുരേഷ് ബാബു വി.എം. ജില്ലാ കമ്മിറ്റി അംഗങ്ങളായ ജൂബേഷ് . ടി.,രാധാകൃഷ്ണൻ.എം,
സിദ്ധിഖ്.എം.വി , സുനിൽകുമാർ  വി.എം., പ്രജീഷ്  എൻ പി എന്നിവർ സംസാരിച്ചു. മോഹൻദാസ് , ശ്രീജിത്ത് , പ്രദീപൻ എന്നിവർ നേതൃത്വം നൽകി.

നാദാപുരം: നാദാപുരം പാലിയേറ്റീവിൻ്റെ പാലിയേറ്റീവ് ദിനാചരണം നവ്യാനുഭവമായി. പാലിയേറ്റീവ് ഓഫീസ് പരിസരത്ത് വെച്ച് നടന്ന ചടങ്ങ് നാദാപുരം പ്രാമപഞ്ചായത്ത് പ്രസിഡണ്ട് വിവി മുഹമ്മദലി ഉദ്ഘാടനം ചെയ്തു. വാണിമേലിലെ കിഴക്കയിൽ കുടുംബത്തിൻ്റെ നേതൃത്വത്തിൽ ഓക്സിജൻ കോൺസൺട്രേറ്റർ, പൾസ് ഓക്സീമീറ്റർ തുടങ്ങിയ ഉപകരണങ്ങൾ യോഗത്തിൽ കുടുംബാംഗം ഡോ: കെ.പി സൂപ്പി കൈമാറി. മൈക്ക് സെറ്റ് ആവോലത്തെ കെ.ദി ജിൻ രാജ്, ഡോ: ശ്വേത, പി.ഉഷ എന്നിവരും കൈമാറി.
തൂണേരി ഗ്രാമപഞ്ചായത്ത് പ്രസിഡണ്ട് പി.ഷാഹിന, വാണിമേൽ ഗ്രാമപഞ്ചായത്ത് പ്രസിഡണ്ട് പി.സുരയ്യ ടീച്ചർ, ഗ്രാമപഞ്ചായത്ത് വൈ. പ്രസിഡണ്ടുമാരായ അഖില മര്യാട്ട്, കെ പി കുമാരൻ, മധുമോഹനൻ, പാലിയേറ്റീവ് പ്രവർത്തകരായ ഡോ: കെ.പി സൂപ്പി,സി.കെ ഖാസിം, എ.ആമിന ടീച്ചർ, ജഅ ഫർ വാണിമേൽ ആശംസകളർപ്പിച്ചു.പാലിയേറ്റീവ് ചെയർമാൻ കെ. ഹേമചന്ദ്രൻ അധ്യക്ഷത വഹിച്ചു.കൺവീനർ എ.റഹിം സ്വാഗതവും സി.കെ ജമീല നന്ദിയും പറഞ്ഞു.
നാദാപുരം ടൗണിൽ പാലിയേറ്റീവ് റാലിയും നടന്നു. അഷ്റഫ് ,വി പി പോക്കർ ,പി.അബ്ദുല്ല, പോക്കു ഹാജി, സുധാ റാണി, ഫാത്തിമ കെ.ജെ, സി.ടി.കെ നാസർ, വി.എ റഹിം നേതൃത്വം നൽകി.

നാദാപുരം: ഏതാനും റോഡുകളും പരമ്പരാഗത മരാമത്ത് റോഡുകളുടെ  പരിഷ്കരണ പ്രവൃത്തികളും മാറ്റി നിർത്തി യാൽ നാദാപുരം നിയോജക മണ്ഡലത്തേ പൂർണ്ണമായും അവഗണിച്ചു കൊണ്ടുള്ള ബജറ്റ് ആണ് ധനമന്ത്രി ഡോ: തോമസ് ഐസക് ഇന്ന് അവതരിപ്പിച്ചത്
മണ്ഡലത്തിലെ കാർഷിക മേഖലയെ പരിപോഷിപ്പിക്കാനും . തൊഴിൽ അവസരങ്ങൾ സൃഷ്ടിക്കാനുമുള്ള കാർഷികാധിഷ്ടിത വ്യവസായങ്ങൾ ആരംഭിക്കണമെന്ന നിരന്തര ആവശ്യം ഒരിക്കൽ കൂടി നിരാകരിച്ച് കൊണ്ടാണ് ഈ ബജറ്റ് പുറത്ത് വന്നത്. പ്രവാസി മേഖല എന്ന നിലയ്ക്ക് പ്രവാസി സമൂഹത്തിന്റെ സുരക്ഷിതത്വം ഉറപ്പ് വരുത്തുന്ന പദ്ധതികളോ പ്രകൃതി ദുരന്തങ്ങൾ ആവർത്തിക്കുന്ന ഈ മേഖലയേ പ്രകൃതി ദുരന്തങ്ങളിൽ നിന്നും ശാശ്വതമായി സംരക്ഷിക്കാനുള്ള സമഗ്രമായ പദ്ധതികളൊന്നും ഈ ബജറ്റിൽ ഇല്ല എന്നത് നിരാശാജനകമാണ്. നാദാപുരത്തിന്റെ ന്യായമാതാൽപര്യങ്ങൾ നേടിയെക്കുന്നതിൽ സ്ഥലം എം.എൽ എ ഒരിക്കൽ കൂടി പരാജയപ്പെട്ടിരിക്കുന്നുവെന്ന് പുന്നക്കൽ പറഞ്ഞു.

നാദാപുരം:   സൗജന്യമായി വിതരണം ചെയ്യുന്ന കോവിഡ് വാക്സിൻ നാളെ മുതൽ നാദാപുരം ഗവ. ആശുപത്രിയിൽ വച്ച് നൽകും. മുൻകൂട്ടി രജിസ്റ്റർ ചെയ്ത സർക്കാർ ജീവനാക്കാർ ക്കാണ് ആദ്യ ഘട്ടം വാക്സിൻ നൽകുന്നത്. നൂറ് പേർക്ക് നാളെ  നൽകും. രാവിലെ പത്ത് മണി മുതൽ നാല് മണി വരെ ആയിരിക്കും വാക്സിൻ വിതരണം ചെയ്യുക .ഇതിനായി  ഡോക്ടർ , നേഴ്സുമാർ, അടക്കം 8 ജീവനക്കാർ ഉണ്ടാകും. വാക്സിൻ നൽകാനുള്ള എല്ലാ ഒരുക്കങ്ങളും പൂർത്തിയായതായി ആരോഗ്യ വകുപ്പ് അധികൃതർ അറിയിച്ചു

നാദാപുരം : മണ്ഡലത്തിൽ 10.5 കോടിയുടെ  പ്രവൃത്തികൾക്ക് അനുമതി ലഭിച്ചതായി ഇ.കെ. വിജയൻ എം.എൽ.എ. അറിയിച്ചു.
പാറക്കടവ് - പുളിയാവ് - ജാതിയേരി റോഡ് - 6 കോടിയും, പാറക്കടവ് ടൗൺ - കടവത്തൂർ റോഡ് - 3.5 കോടിയും, കല്ലാച്ചി മിനി ബൈപാസ് - 1 കോടിയുമാണ് അനുവദിച്ചത്. 
ഇതിന് പുറമെ ഒലിപ്പിൽ - ആ വടിമുക്ക് റോഡ്, കുനിങ്ങാട് - പുറമേരി -വേറ്റുമ്മൽ റോഡ്, ചേലക്കാട് - നരിക്കാട്ടേരി റോഡ്, മൊകേരി - കായക്കൊടി - പാലോളി തൊട്ടിൽപ്പാലം റോഡ്, മൂട്ടുങ്ങൽ - പ്രക്രന്തളം റോഡ് മുണ്ടക്കുറ്റി പാലം, പൂതം പാറ - ചൂരണി റോഡ്, മാഹി പുഴയ്ക്ക് കുറുക്കെ ഇയ്യങ്കോട് പുതിയ ആർ.സി.ബി നിർമ്മാണം, വിലങ്ങാട് ടൗൺ പാലം, വില്ലാപ്പള്ളി - എടച്ചേരി - ഇരിങ്ങണ്ണൂർ റോഡ്, പയന്തോങ്ങ് - ചിയ്യൂർ റോഡ്, മൂന്നാം കൈ - കരിങ്ങാട് - കൈവേലി റോഡ്
ചവറ മുഴിപാലം, അരുണ്ട - ഒറ്റത്താണി പാലം, മുള്ളൻ കുന്ന് - ചെമ്പനോട റോഡ്‌ നാദാപുരം ഗവ: താലൂക്ക് ആശുപത്രി വിപുലീകരണം എന്നിവ 
ടോക്കൺ സംഖ്യ അനുവദിച്ച് ബഡ്ജറ്റിൽ ഇടം നേടിയ പ്രധാന പ്രവൃത്തികളാണ്.

നാദാപുരം: കഴിഞ്ഞ രണ്ടു ദിവസങ്ങളായി ഭർതൃ ഗൃഹത്തിന്റെ വരാന്തയിൽ കുത്തിയിരിപ്പ് സമരം നടത്തുന്ന യുവതിയും മക്കളും വീട്ടിനകത്ത് പ്രവേശിച്ചു. വാണിമേൽ വെള്ളിയോട്ടെ വലിയ പറമ്പത്ത് ഷഫീനയും രണ്ടു മക്കളുമാണ് പേരോട്ടെ ഭർതൃ ഗൃഹത്തിൽ സമരം നടത്തുന്നത്. ഭർതൃ വീട്ടുകാർ താക്കോൽ നൽകാത്തതിനാൽ 
ഇവർ ബുധനാഴ്ച  വരാന്തയിലാണ് കഴിച്ചു കൂട്ടിയത്. ഇന്നലെ രാവിലെ സ്ഥലത്ത് സംഘർഷാവസ്ഥ രൂപപ്പെട്ട സാഹചര്യത്തിൽ യുവതിയുടെ ബന്ധുക്കൾ ജില്ല കലക്ടറെ ഫോണിൽ ബന്ധപ്പെടുകയും കലക്ടറുടെ നിർദ്ദേശ പ്രകാരം  നാദാപുരം 
സി ഐ : എൻ സുനിൽ കുമാർ സ്ഥലത്ത് എത്തി 
ഇരു കൂട്ടരെയും ചർച്ചക്ക് വിളിക്കുകയുമുണ്ടായി. ഇന്നലെ വൈകീട്ട് പൊലീസ് സ്റ്റേഷനിൽ നടന്ന ചർച്ചയിൽ തീരുമാനമാകാത്തതിനാൽ യുവതിയും മക്കളും വീണ്ടും ഭർതൃ ഗൃഹത്തിലെ വരാന്തയിൽ തന്നെ ഇരിക്കുകയായിരുന്നു. ഇന്നലെ രാത്രി യുവതിയുടെ ബാഗിൽ നിന്ന് ലഭിച്ച താക്കോൽ ഉപയോഗിച്ച് വാതിൽ തുറന്ന് ഇവർ അകത്ത് പ്രവേശിക്കുകയാണുണ്ടായത്.

നാദാപുരം : പുറമേരി പഞ്ചായത്തിലെ അരൂരില്‍ യുവതി കുഞ്ഞുമായി ആത്മഹത്യ ചെയ്ത സംഭവത്തില്‍ നടപടി ഇല്ലാത്തതില്‍ പ്രതിഷേധിച്ച് ആക്ഷന്‍ കമ്മറ്റി പ്രക്ഷോഭത്തിലേക്ക്. നടക്ക് മീത്തല്‍ കല്ലുള്ളകണ്ടിയില്‍ പവിത്രന്റെ മകള്‍ അശ്വനിയാണ് , ഒന്നര വയസുള്ള പെണ്‍കുട്ടിയുമായി  മരിച്ചത്. കഴിഞ്ഞ മാസം 18ന് ഏതോ ഇന്ധനം ശരീരത്തിലൊഴിച്ച് തീ വെക്കുകയായിരുന്നു. 
അശ്വിനി അന്ന് തന്നെ മരിക്കുകയും കുഞ്ഞ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെ മരണപ്പെടുകയുമായിരുന്നു. . ചീത്തപ്പാട് ചെറുവേരി ബിനീഷും യുവതിയും 2017 മമെയ് നാലിനാണ് വിവാഹിതരായത്. വിവാഹത്തിന് ശേഷം ഭര്‍ത്താവ് ശാരീരികമായും ഭര്‍തൃ ബന്ധുക്കള്‍ മാനസികമായും പീഡിപ്പിച്ചതിനെ തുടര്‍ന്നാണ് ആത്മഹത്യ ചെയ്തതെന്ന് ആക്ഷന്‍ കമ്മറ്റി ആരോപിച്ചു. ഭര്‍തൃവീട്ടുകാരുടെ മോശമായ പെരുമാറ്റം കാരണം പലപ്പോഴും യുവതി സ്വന്തം വീട്ടിലായിരുന്നെന്നും കമ്മറ്റി ആരോപിച്ചു. പരാതിയില്‍ പോലീസ് അന്വേഷണം നടത്തിയെങ്കിലും തുടര്‍ നടപടി ഉണ്ടായില്ലെന്നാണ് ആരോപണം. പഞ്ചായത്ത് പ്രസിഡന്റ് വി കെ ജ്യോതി ലക്ഷ്മി അധ്യക്ഷത വഹിച്ചു. വാര്‍ഡ് അംഗം പി ശ്രീലത, വിവിധ പാര്‍ട്ടി പ്രതിനിധികളായ കെ പി ബാലന്‍, മനോജ് അരൂര്‍, എം വിജയന്‍,  കൈതയില്‍ ഹമീദ്, ടി രവീന്ദ്രന്‍, ഇ പി രാജീവന്‍, ഷാജി വട്ടോളി എന്നിവര്‍ പ്രസംഗിച്ചു.  പഞ്ചായത്ത് പ്രസിഡന്റ് വി കെ ജ്യോതി ലക്ഷ്മി ചെയര്‍പെഴ്‌സണും , കെ പി ബാലന്‍ കണ്‍വീനറുമായി സമിതി രൂപീകരിച്ചു.

എടച്ചേരി: എൽ ഡി എഫ് ഭരിക്കുന്ന എടച്ചേരി ഗ്രാമ  പഞ്ചായത്തിൽ  സ്റ്റാൻ്റിങ്ങ് കമ്മറ്റി ചെയർ പേഴ്സൺ സ്ഥാനത്തേക്ക് ഇടതു മുന്നണിയിലെ ഘടക കക്ഷികൾ തമ്മിൽ മൽസരം. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റിയിലാണ് രൽസരം നടന്നത്. സി പി എമ്മിലെ ഒരംഗവും, മുസ്ലിം ലീഗ്, സി പി ഐ, എൽ ജെ ഡി എന്നീ പാർട്ടികളിലെ ഓരോ അംഗങ്ങളുമടക്കം 4 പേരാണ് ഈ സ്റ്റാന്റിംഗ് കമ്മിറ്റിയിലുള്ളത്. 
ഇന്ന്  ചെയർമാൻ സ്ഥാനത്തേക്ക് നടന്ന തെരഞ്ഞെടുപ്പിൽ 
സി പി ഐ പ്രതിനിധിയായ ഷീമ വള്ളിലും എൽ ജെ ഡി പ്രതിനിധി ശ്രീജ പാലപ്പറമ്പത്തും തമ്മിലാണ് മത്സരം നടന്നത്. ഷീമക്ക് അവരുടെ ഒരു വോട്ട് മാത്രമാണ് ലഭിച്ചത്. 
ശ്രീജക്ക് ഒരു സി പി എം പ്രതിനിധിയുടെയും ലീഗ് പ്രതിനിധിയുടെയും വോട്ട് ലഭിച്ചതോടെ ഇവർ ചെയർ പേഴ്സണായി തെരഞ്ഞെടുക്കപ്പെട്ടു.
സി പി എമ്മിലെ  നിഷ എൻ വികസന കാര്യ ചെയർപേഴ്സണും  കൊയിലോത്ത് രാജൻ ക്ഷേമകാര്യ ചെയർമാനുമാണ്. 
ഈ സ്റ്റാന്റിംഗ് കമ്മിറ്റികളിൽ മൽസരം ഉണ്ടായിരുന്നില്ല .

നാദാപുരം: നാദാപുരം: ഭർതൃ വീട്ടിൽ പ്രവേശിപ്പിക്കുന്നില്ലെന്ന പരാതിയിൽ പേരോട്ട് യുവതിയും മക്കളും വീട്ടു വരാന്തയിൽ നടത്തുന്ന കുത്തിയിരിപ്പ് സമരവുമായി ബന്ധപ്പെട്ട് നടന്ന അനുരഞ്ജന ചർച്ച പരാജയപ്പെട്ടു. യുവതിയും കുട്ടികളും സമരം തുടരും. ഇന്ന് രാവിലെ ഭർത്താവിന്റെ ബന്ധുക്കൾ സമര സ്ഥലത്ത് എത്തി യുവതിയോടും വീട്ടു വരാന്തയിൽ നിന്ന്  മക്കളോടും ഒഴിയണമെന്നാവശ്യപ്പെട്ടത് സംഘർഷ സാധ്യത ഉണ്ടാക്കിയതോടെയാണ് പൊലിസ് സ്ഥലത്തെത്തി പ്രശ്നത്തിൽ ഇടപെട്ടത്. തുടർന്ന് വൈകീട്ട് നടന്ന ചർച്ചയിൽ പൊലിസ് നിർദേശം ഇരുകൂട്ടരും അംഗീകരിക്കാതായതോടെ ചർച്ച പരാജയപ്പെടുകയായിരുന്നു.

നാദാപുരം: തൂണേരി ബ്ലോക്ക് പഞ്ചായത്ത് സ്ഥിരം സമിതി അധ്യക്ഷൻമാരെ തെരഞ്ഞെടുത്തു.
വികസനം, ആരോഗ്യം എന്നിവ സി പി എമ്മിനും ക്ഷേമം സി പി ഐക്കുമാണ്. വികസന കാര്യ ചെയർ പേഴ്സണായി  ഇന്ദിര കെ കെ, ക്ഷേമ കാര്യ ചെയർമാനായി രജീന്ദ്രൻ കപ്പള്ളി, ആരോഗ്യ വിദ്യാഭ്യാസ ചെയർ പേഴ്സണായി ബിന്ദു പുതിയോട്ടിൽ എന്നിവരാണ് തെരഞ്ഞെടുക്കപ്പെട്ടത്.

നാദാപുരം: ഭർതൃ വീട്ടിൽ പ്രവേശിപ്പിക്കുന്നില്ലെന്ന പരാതിയിൽ പേരോട്ട് യുവതിയും മക്കളും വീട്ടു വരാന്തയിൽ നടത്തുന്ന കുത്തിയിരിപ്പ് സമരവുമായി ബന്ധപ്പെട്ട് അനുരഞ്ജനത്തിന് കളമൊരുങ്ങുന്നു. നാദാപുരം സി.ഐ എൻ. സുനിൽകുമാറിന്റെ നേതൃത്വത്തിൽ ഇന്ന് വൈകീട്ട് ഇരു കൂട്ടരുമായി ചർച്ച നടത്തും. ഇന്ന് രാവിലെ ഭർത്താവിന്റെ ബന്ധുക്കൾ സമര സ്ഥലത്ത് എത്തി യുവതിയോടും വീട്ടു വരാന്തയിൽ നിന്ന്  മക്കളോടും ഒഴിയണമെന്നാവശ്യപ്പെട്ടത് ഇരുവരും തമ്മിൽ വാക്കേറ്റം  ഉണ്ടാക്കി. ഇതേ തുടർന്നാണ്  പൊലിസ് സ്ഥലത്തെത്തി പ്രശ്നത്തിൽ ഇടപെട്ടത്.

തൂണേരി: ഗ്രാമ  പഞ്ചായത്ത് സ്റ്റാന്റിംഗ് കമ്മിറ്റി അധ്യക്ഷ പദവികൾ എല്ലാം യു ഡി എഫിന്. 
മുസ്ലിം ലീഗിലെ റജുല നിടുമ്പ്രത്ത് വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സണായും വളപ്പിൽ കുഞ്ഞമ്മദ് മാസ്റ്റർ ക്ഷേമകാര്യ സ്റ്റാന്റിംഗ് കമ്മിറ്റി ചെയർമാനായും തെരഞ്ഞെടുക്കപ്പെട്ടു. 
ആരോഗ്യ- വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ കോൺഗ്രസിലെ 
സുധ സത്യനാണ്.

വാണിമേൽ: പഠനത്തിൻ്റെയും ചിന്തയുടേയും വിദ്യാർത്ഥി കാലഘട്ടം വികല ചിന്തകളുടെ വിളനിലമാകാതിരിക്കാൻ ശ്രദ്ധിക്കണമെന്ന് മുജാഹിദ് സ്റ്റുഡൻറ്സ് മൂവ് മെൻ്റ് (എം.എസ്.എം) വാണിമേലിൽ സംഘടിപ്പിച്ച നിശാ പഠന ക്യാംപ് ആവശ്യപ്പെട്ടു. ലഹരിയുടേയും അശ്ലീല ലൈംഗികതയുടേയും മാധ്യമമായി  മാറാതെ, സാമൂഹിക പരിവർത്തനത്തിൻ്റെ ചാലകശക്തിയായി വിദ്യാർത്ഥികൾ  മാറണമെന്ന് കേമ്പ് ആവശ്യപ്പെട്ടു.
കെ.എൻ.എം. നാദാപുരം മണ്ഡലം ജനറൽ സിക്രട്ടറി അസ്ലം കളത്തിൽ ഉദ്ഘാടനം ചെയ്തു. ഹാഫിസ് പി കെ അധ്യക്ഷനായിരുന്നു. ''സൂരക്ഷിത കൗമാരം, കരുത്തുറ്റ കാവൽ' എന്ന ക്യാംപയിനിൻ്റെ ശാഖാതല ഉദ്ഘാടനം എം എസ്.എം ജില്ലാ സിക്രട്ടറി മുഹമ്മദ് പി.വി നിർവ്വഹിച്ചു. ടി.എം.എ നാസർ മുഖ്യ പ്രഭാഷണം നടത്തി. സുഹൈൽ കടമേരി, മുബാറക്ക് എൻ, ജുനൈദ് ടി എന്നിവർ പ്രസംഗിച്ചു. ഉമൈദ് എം.വി സ്വാഗതവും ഷുറൂഫ് നസൽ നന്ദിയും പറഞ്ഞു.

നാദാപുരം: വാണിമേൽ സ്വദേശിയായ യുവതിയും മക്കളും പേരോട്ടെ ഭർതൃ വീട്ടിൽ ഇന്ന് രാവിലെ തുടങ്ങിയ കുത്തിയിരിപ്പ് സമരം തുടരുന്നു. തൂണേരി ഗ്രാമപഞ്ചായത്ത് പ്രസിഡന്റ് പി. ഷാഹിനയുടെ നേതൃത്വത്തിൽ മധ്യസ്ഥ ശ്രമം നടന്നെങ്കിലും യുവതിയുടെ ബന്ധുക്കൾ വിട്ടുവീഴ്ചക്ക് തയ്യാറല്ലെന്ന് അറിയിച്ചതോടെ ദൗത്യം പരാജയപ്പെടുകയായിരുന്നു. കുറച്ചു കാലമായി അകന്നു നിൽക്കുന്ന ഭർത്താവ് കിഴക്കേ പറമ്പത്ത് ഷാഫിയുടെ വീട്ടിലാണ് വാണിമേലിലെ വലിയ പറമ്പത്ത് ഷഫീനയും മക്കളായ സിയ ഫാത്തിമ, മുഹമ്മദ് ഷിനാസ് എന്നിവരും കുത്തിയിരിപ്പ് സമരം നടത്തുന്നത്. വിവരമറിഞ്ഞ് നാദാപുരം പൊലിസും മാധ്യമപ്രവർത്തകരും സ്ഥലത്തെത്തിയിരുന്നു. വീടിന്റെ താക്കോൽ ഷാഫിയുടെ പിതാവ് കുഞ്ഞബ്ദുല്ല ഹാജി നൽകാൻ വിസമ്മതിച്ചതോടെയാണ് യുവതിയും മക്കളും വീട്ടു വരാന്തയിൽ കുത്തിയിരിപ്പ് തുടങ്ങിയത്. ഒരു മണിക്കൂറിനകം സ്ഥലത്തെത്തിയ പഞ്ചായത്ത് പ്രസിഡന്റ് പി. ഷാഹിന യുവതിയുമായും ബന്ധുക്കളുമായും സംസാരിക്കുകയും പ്രശ്നത്തിന് പരിഹാരം ഉണ്ടാക്കാൻ ശ്രമം നടത്തുകയും ചെയ്തു. തുടർന്ന് ഷാഫിയുടെ വീട്ടുകാരുമായി സംസാരിച്ച ഷാഹിന നാളെ അനുരജ്ഞന ചർച്ച നടത്താമെന്നു അറിയിച്ചെങ്കിലും യുവതിയും ബന്ധുക്കളും ഇന്ന് തന്നെ പരിഹാരം കാണണമെന്ന അഭിപ്രായത്തിലായിരുന്നു. ഈ സാഹചര്യത്തിലാണ് അനുരജ്ഞന നീക്കം പാളിയത്.

എടച്ചേരി: എടച്ചേരി,തൂണേരി ,പുറമേരി പഞ്ചായത്തുകളിലുടെ കടന്ന് പോകുന്ന അയ്യപ്പൻകാവ് പുഴ സംരംക്ഷിക്കാൻ അടിയന്തിര നടപടി സ്വീകരിക്കണമെന്ന് എൽ ജെ ഡി എടച്ചേരി മേഖലാ കമ്മറ്റി യോഗം സർക്കാരിനോട് ആവശ്യപ്പെട്ടു. മൂന്ന് പഞ്ചായത്തുകളിലെ അതിർത്തി പ്രദേശങ്ങളിലൂടെ കടന്ന് പോകുന്ന പുഴ പൂർണ്ണമായും ഒഴുക്ക് നിലച്ചിരിക്കുകയാണ് പുഴയുടെ ഇരുവശങ്ങളും തകർന്നത് കാരണം ഒഴുക്ക് തടസ്സപ്പെട്ടിരിക്കുകയാണ് കൂടാതെ കൈതോല കൊണ്ട് ഇരുവശങ്ങളും മൂടപ്പെട്ടിരിക്കുന്നു ഇതു കൊണ്ട് തന്നെ മൂന്ന് പഞ്ചായത്തുകളിൽ ഉള്ള 5 ഓളം പാടശേഖരങ്ങളിൽ വെള്ളകെട്ട് കാരണം നെൽകൃഷി ചെയ്യാനും സാധിക്കുന്നില്ല പുഴ മണ്ണ് നീക്കി കൈ തോല വെട്ടിമാറ്റിയാൽ നെൽകൃഷിക്കും അതുപോലെ പച്ചക്കറി കൃഷിക്കും ഏറെ ഗുണകരമാകുമെന്നും ഇക്കാര്യത്തിൽ അധികൃതരുടെ സജീവ ഇടപെടൽ ഉണ്ടാവണമെന്നും എൽ.ജെ.ഡി എടച്ചേരി മേഖലാ കമ്മറ്റി യോഗം ആവശ്യപ്പെട്ടു .മേഖലാ കമ്മറ്റി പ്രസിഡൻ്റ് ടി കെ ബാലൻ അധ്യക്ഷത വഹിച്ചു.എൽ വൈ ജെ ഡി സംസ്ഥാന ജന: സിക്രട്ടറി ഇ കെ സജിത്ത് കുമാർ, ജില്ലാ സിക്രട്ടറി കെ രജീഷ്, കെ ഭാസ്‌കരൻ, അമൽകോമത്ത്, പ്രജീഷ് വി , വി പി അശോകൻ ,രഖിൽ കെ എന്നിവർ സംസാരിച്ചു. പ്രസ്തുത ആവശ്യം ഉന്നയിച്ച് കൊണ്ട് എൽ വൈ ജെ ഡി സംസ്ഥാന സിക്രട്ടറിഇ കെ സജിത്ത് കുമർ കഴിഞ്ഞ വർഷം ജലവിഭവ വകുപ്പ് മന്ത്രി കെ കൃഷണൻകുട്ടിക്ക് നിവേദനം നൽകിയിരുന്നു.

തൂണേരി: ഇടതുപക്ഷ  സർക്കാറിന്റെ വിദ്യാർഥി വിരുദ്ധ നടപടിക്കെതിരെ എം.എസ്.എഫ് സംസ്ഥാന കമ്മിറ്റി നടത്തുന്ന "വീഴ്ചകളുടെ വിദ്യാഭ്യാസ വകുപ്പ്, പ്രതിരോധം തീർക്കുന്ന വിദ്യാർഥിത്വം" എന്ന പ്രമേയത്തിൽ 'സ്റ്റുഡന്റ്സ് വാർ' എന്ന പരിപാടിയുടെ ഒരുക്കങ്ങൾ തൂണേരി പഞ്ചായത്തിലെ ആവോലത്ത് തുടങ്ങി.
എം.എസ്‌.എഫ് ജില്ലാ വൈസ് പ്രസിഡന്റ്  മുഹമ്മദ്‌ പേരോട്  ഉദ്ഘാടനം ചെയ്തു.   നിയോജക മണ്ഡലം പ്രസിഡന്റ്  മുഹ്സിൻ വളപ്പിൽ, അഫ്സൽ വേറ്റുമ്മൽ, അജ്മൽ ടി, അനസ് പീറ്റയിൽ, റാഫത് തുടങ്ങിയവർ സംബന്ധിച്ചു.

നാദാപുരം: ജനപ്രതിനിധിയായി തിരഞ്ഞെടുക്കപ്പെട്ട നാദാപുരം അർബൺ ബാങ്ക് ഡയരക്ടർ മാർക്കും ജീവനക്കാരനും ഭരണ സമിതി സ്വീകരണം നൽകി. നാദാപുരം സ്ഥിരം സ്ഥിതി ചെയർമാനായി തിരഞ്ഞെടുക്കപ്പെട്ട എം.സി.സുബൈർ, നാദാപുരം  പഞ്ചായത്ത് മെമ്പർ പി.വാസു, വാണിമേൽ പഞ്ചായത്ത് മെമ്പർ വി.കെ. മൂസ്സ എന്നിവർക്കാണ് സ്വീകരണം നൽകിയത്.
ചടങ്ങിൽ ബാങ്ക് ചെയർമാൻ ബംഗ്ലത്ത് മുഹമ്മദ് അധ്യക്ഷനായി. സൂപ്പി നരിക്കാട്ടേരി, വയലോളി അബ്ദുല്ല, എം.പി. സൂപ്പി, 
കോടികണ്ടി മൊയ്തു, കെ.എൻ.അബ്ദുൽ റഷീദ്, ഇസ്മായിൽ വാണിമേൽ, ശ്രീജിത്ത് അരൂർ ,ശ്രീവിദ്യ തുടങ്ങിയവർ സംസാരിച്ചു 

തൂണേരി: ദേശിയ യുവജന ദിനത്തിന്റെ ഭാഗമായി തൂണേരി ഗ്രാമപഞ്ചായത്തിലെ വിവിധ യൂത്ത് ക്ലബുകളുടെ സഹകരണത്തോടെ തൂണേരി പ്രാഥമിക ആരോഗ്യകേന്ദ്രവും   പരിസരവും ശുചീകരിച്ചു . ഗ്രാമപഞ്ചായത്ത്‌ പ്രസിഡന്റ് പി ഷാഹിന ഉദ്‌ഘാടനം ചെയ്തു. മെമ്പർ മാരായ സുധ സത്യൻ, കിഴക്കുംകരമൽ രജില, കെ കൃഷ്ണൻ, ടി.എൻ രഞ്ജിത്ത്, ലിഷ കെ, അജിത വിപി,നിയാസ് പികെ  , ഫസൽ മാട്ടാൻ, ഹരിശങ്കർ എം,  റിയാസ് എ.പി  തുടങ്ങിയവർ നേതൃത്വം നൽകി..

കുറ്റ്യാടി:  അപ്രതീക്ഷിതമായി പെയ്ത മഴയിൽ കുറ്റ്യാടി നിയോജക  മണ്ഡല ത്തിലെ വിവിധ ഭാഗങ്ങളിൽ വ്യാപക നെൽ കൃഷി നാശം സംഭവിച്ച വിഷയത്തിൽ അടിയന്തിരമായി ഇടപെടണമെന്നാവശ്യപ്പെട്ട്   പാറക്കൽ അബ്ദുള്ള എം.എൽ.എ കൃഷി വകുപ്പ് മന്ത്രി വി.എസ് സുനിൽ കുമാറിന് നിവേദനം നൽകി. വേളം ഗ്രാമ പഞ്ചായത്തിലെ  പെരുവയൽ, ആയഞ്ചേരി ഗ്രാമ പഞ്ചായത്തിലെ ആയഞ്ചേരി, കടമേരി, മണിയൂർ ഗ്രാമ പഞ്ചായത്തിലെ ചെരണ്ടത്തൂർ ചിറ, തിരുവള്ളൂർ ഗ്രാമ പഞ്ചായത്തിലെ വടക്കയിൽ താഴ, തോടന്നൂർ നോർത്ത്, കമ്പളോട്ട് താഴ എന്നീ പാടശേഖര സമിതിയുടെ  കീഴിലുള്ള ഹെക്ടർ കണക്കിന് നെൽ കൃഷിക്കാണ്  നാശനഷ്ടങ്ങൾ  സംഭവിച്ചത്. കോവിഡ് മഹാമാരി ഏൽപ്പിച്ച കനത്ത ആഘാതത്തിൽ നിന്നും കരകയറുന്ന തിനായി കടം വാങ്ങിയും ബാങ്ക് ലോൺ എടുത്തും വിത്തിറക്കിയ പാവപ്പെട്ട കർഷകർക്ക്  ആവശ്യമായ നഷ്ട പരിഹാരം ഏറ്റവും വേഗത്തിൽ ലഭ്യമാക്കാൻ സർക്കാരിനോട് അഭ്യർത്ഥിച്ചു. കുറ്റ്യാടി മേഖലയിൽ പൊടുന്നനെ ഉണ്ടായ വലിയ കൃഷി നാശത്തിന്റെ വ്യാപ്തി കണക്കിലെടുത്ത് പ്രത്യേക സാമ്പത്തിക പാക്കേജ് അനുവദിക്കാനും എം എൽ എ ആവശ്യപ്പെട്ടു.

വാണിമേൽ: ഗ്രാമ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയർപേഴ്സൺ ആയി ഫാത്തിമ കണ്ടിയിലിനെയും , ക്ഷേമ സ്റ്റാന്റിംഗ് കമ്മിറ്റി ചെയർപേഴ്സൺ ആയി മുഫീദ റാഷിദ് കെ ടി കെ യെയും തിരഞ്ഞെടുത്തു .
ഇരുവരും മുസ്ലിം ലീഗ് അംഗങ്ങളാണ്. ആരോഗ്യ വിദ്യാഭ്യാസ ചെയർമാൻ പദവി  സി പി എം പ്രതിനിധി ചന്ദ്രബാബുവിന് ലഭിച്ചു.

നാദാപുരം: ഗ്രാമ പഞ്ചായത്ത് സ്റ്റാന്റിംഗ് കമ്മിറ്റി ചെയർമാൻമാരെ തെരഞ്ഞെടുത്തു. മുസ്ലിം ലീഗിലെ സി കെ നാസർ    വികസന കാര്യ ചെയർമാനും എം സി സുബൈർ ആരോഗ്യ വിദ്യാഭ്യാസ സമിതി ചെയർമാനുമാണ്. കോൺഗ്രസിലെ റീന കിണമ്പറേമ്മലിനാണ്  ക്ഷേമ കാര്യം. 

കുറ്റ്യാടി: കായക്കൊടി ഗ്രാമ പഞ്ചായത്തിൽ വികസന കാര്യ സ്റ്റാന്റിംഗ് കമ്മിറ്റി ചെയർമാൻ സ്ഥാനത്തേക്ക് നറുക്കെടുപ്പ് വേണ്ടി വരും. 
സ്റ്റാന്റിംഗ്‌ കമ്മിറ്റി അംഗങ്ങളുടെ തെരഞ്ഞെടുപ്പിൽ സി പി എം പ്രതിനിധിയുടെ വോട്ട് അസാധുവായതിനെ തുടർന്നാണിത്. ക്ഷേമകാര്യം, ആരോഗ്യ വിദ്യാഭ്യാസം എന്നീ   സ്റ്റാന്റിംഗ് കമ്മിറ്റികളിൽ ഇടതു പക്ഷം പ്രാതിനിധ്യം ഉറപ്പിച്ചതിനാൽ ഇതിന്റെ ചെയർമാൻമാർ എൽ ഡി എഫ് ആയിരിക്കുമെന്ന കാര്യം ഉറപ്പാണ്. എന്നാൽ വികസന കാര്യത്തിൽ രണ്ടു എൽ ഡി എഫ് അംഗങ്ങളും ഒരു യു ഡി എഫ് അംഗവും ഒരു സ്വതന്ത്ര അംഗവുമാണ് തെരഞ്ഞെടുക്കപ്പെട്ടത്. 
സ്വതന്ത്ര അംഗം യു ഡി എഫ് അനുകൂല നിലപാട് സ്വീകരിക്കുന്നതോടെ ചെയർമാൻ സ്ഥാനത്ത് ഇരു വിഭാഗത്തിനും തുല്യ വോട്ട് ലഭിക്കും. ഈ സാഹചര്യത്തിൽ  നറുക്കെടുപ്പിലൂടെ ചെയർമാനെ തീരുമാനിക്കും. നാളെയാണ് ചെയർമാൻ സ്ഥാനത്തേക്കുള്ള തെരഞ്ഞെടുപ്പ്. പ്രസിഡണ്ട്, വൈസ് പ്രസിഡണ്ട് സ്ഥാനങ്ങളിലും ഇവിടെ നറുക്കെടുപ്പായിരുന്നു. 
പ്രസിഡണ്ട് സ്ഥാനം സി പി എമ്മിന് ലഭിച്ചെങ്കിലും വൈസ് പ്രസിഡണ്ട് കോൺഗ്രസിനാണ്.

നാദാപുരം: യുവജന ദിനാഘോഷത്തിന്റെ ഭാഗമായി സംഘടിപ്പിച്ച യൂത്ത് റൈഡിന് ആവേശോജ്വലമായ തുടക്കം. ഗ്രാമപഞ്ചായത്ത് പ്രസിഡന്റ് വി.വി മുഹമ്മദലിയുടെ നേതൃത്വത്തിൽ ചേലക്കാട് നിന്ന് ആരംഭിച്ച കൂട്ടയോട്ടം നാദാപുരത്ത് സമാപിക്കും. ഭരണസമിതി അംഗങ്ങളും തെരഞ്ഞെടുക്കപ്പെട്ട വളന്റിയര്മാരുമാണ് പങ്കെടുക്കുന്നത്. ശശികുമാർ പുറമേരി സമാപന സന്ദേശം നൽകും.

കുറ്റ്യാടി: ആലക്കാട് എം.എൽ.പി സ്കൂൾ , കുന്നുമ്മൽ ബ്ലോക്ക് പഞ്ചായത്തും സംയുക്തമായി 2019-2020 അധ്യയന വർഷത്തിൽ സംഘടിപ്പിച്ച നടീൽ ഉത്സവത്തിന്റെ വിളവെടുപ്പ് കുന്നുമ്മൽ ബ്ലോക്ക് പഞ്ചായത്ത് പ്രസിഡണ്ട് ചന്ദ്രി കെ.പി ഉദ്ഘാടനം ചെയ്തു. കുട്ടികൾക്ക് ചേന വീടുകളിലേക്ക് നൽകിയാണ് ഉദ്ഘാടനം നിർവ്വഹിച്ചത്. കുട്ടിക്കൂട്ടം ചേനകൃഷി കുട്ടികളിൽ കാർഷികാഭിമുഖ്യം വളർത്തുന്നതിൽ പ്രധാന പങ്ക് വഹിച്ചുവെന്ന് ബ്ലോക്ക് പഞ്ചായത്ത് പ്രസിഡന്റ് അഭിപ്രായപ്പെട്ടു. വിദ്യാഭ്യാസ മേഖലയിൽ ബ്ലോക്ക് പഞ്ചായത്ത് ഇനിയും പദ്ധതികൾ ഏറ്റെടുക്കുമെന്ന് പ്രസിഡന്റ് അറിയിച്ചു. പി.ടി.എ പ്രസിഡണ്ട് റഷീദ്. പി.കെ അധ്യക്ഷത വഹിച്ചു. സ്കൂൾ ഹെഡ്മാസ്റ്റർ എ.വി.നാസറുദ്ദീൻ സ്വാഗതം പറഞ്ഞു. എം.പി.ടി.എ ചെയർപേർസണ്‍ സായ്ലക്ഷ്മി, സാജിദ് പെരുമ്പറേമ്മൽ, റഷീദ ടീച്ചർ, പ്രസീത.ജി.എസ്, ദിവ്യ.കെ.ദിവാകരൻ, അൻസബ്.എം, ഫാത്തിമ.എം, ജസീല.ഇ, ഫാത്തിമത്തുൽ നാജിഹ, ഫത്വാൻ അനസ്, അനസ് കെ.പി, സഹറ ഫാത്തിമ, മാജിദ്, ആമിന സയാൻ എന്നിവർ പങ്കെടുത്തു.

നാദാപുരം: മേഖലയിലെ വിവിധ പഞ്ചായത്തുകളിൽ ഇന്ന് കൂടുതൽ പേർക്ക്  കൊവിഡ് സ്ഥിരീകരിച്ചു. 
വാണിമേൽ പഞ്ചായത്തിൽ പതിനാറ് പേർക്കാണ് പോസിറ്റീവായത്. നരിപ്പറ്റയിൽ പത്ത് പേർക്കും എടച്ചേരിയിൽ എട്ടു പേർക്കും ഇന്ന് പോസിറ്റീവായി. പുറമേരിയിലും ചെക്യാട്ടും ഓരോരുത്തർക്ക് വീതം ഇന്ന് രോഗം സ്ഥിരീകരിച്ചിട്ടുണ്ട്.

വാണിമേൽ: വാദീനൂർ ഇസ്ലാമിക് സെൻററിന് കീഴിൽ പ്രവർത്തിക്കുന്ന വാദിനൂർ വഫിയ്യ കോളേജിന് വേണ്ടി നിർമ്മിക്കുന്ന ഹോസ്റ്റൽ കെട്ടിടത്തിന് പാണക്കാട് സയ്യിദ് അബ്ബാസലി ശിഹാബ് തങ്ങൾ ശിലാസ്ഥാപനം നിർവഹിച്ചു. ചടങ്ങിൽ സി ഐ സി കോഡിനേറ്റർ ഹക്കീം ഫൈസി ആദൃശ്ശേരി മുഖ്യപ്രഭാഷണം നടത്തി. സമസ്ത ട്രഷറർ ചേലക്കാട് മുഹമ്മദ് മുസ്ലിയാർ പ്രാർഥന നിർവഹിച്ചു. കോളജ് പ്രിൻസിപ്പാൾ സയ്യിദ് നജ്മുദ്ധീൻ പൂക്കോയ തങ്ങൾ അധ്യക്ഷത വഹിച്ച ചടങ്ങിൽ തെറ്റത്ത് അമ്മദ് മുസ്ലിയാർ സ്വാഗതവും കെ.കെ. മുനീർ നന്ദിയും പറഞ്ഞു. എസ് പി എം തങ്ങൾ, അഹമദ് ബാഖവി, അസിസ് ഫൈസി, അഹമ്മദ് പുന്നക്കൽ, സിവിഎം വാണിമേൽ,  ടി.എം.വി ഹമീദ്, കൊറ്റാല അഷ്റഫ്, ചേലക്കാടൻ കുഞ്ഞമ്മദ്, പി പി അഷ്റഫ് മൗലവി, ജലീൽ വാഫി അസ്ഹരി, സി കെ പി അലി മൗലവി, സി പി കുഞ്ഞമ്മദ് മാസ്റ്റർ, സിദ്ദീഖ് വെളളിയോട് , കെ.സി. മുഹമ്മദലി, ഒ.മുനീർ മാസ്റ്റർ, സി.വി അഷ്റഫ് മാസ്റ്റർ, ജാഫർ ദാരിമി, ടി.സി അന്ത്രു ഹാജി, നടുക്കണ്ടി മൊയ്തു, റഷീദ് കോടിയുറ പങ്കെടുത്തു

എടച്ചേരി: ഡൽഹിയിലെ കർഷകസമരത്തിൽ പങ്കെടുക്കുന്ന കർഷക സംഘം നാദാപുരം ഏരിയ കമ്മറ്റി പ്രതിനിധികൾക്ക് എൽ.ഡി.എഫ്  നേതാക്കൾ എടച്ചേരിയിൽ യാത്രയയപ്പ് നൽകി അനുമോദിച്ചു. എടച്ചേരിയിൽ നടന്ന പരിപാടിയിലാണ് ടി.കെ ബാലൻ ചാലിൽ, അതുൽ രാജ് എന്നിവരെ അനുമോദിച്ചത്. പി.കെ ബാലൻ മാസ്റ്റർ അധ്യക്ഷത വഹിച്ചു. പഞ്ചായത്ത് പ്രസിഡണ്ട് എൻ.പത്മിനി ടീച്ചർ, വി. കുഞ്ഞിക്കണ്ണൻ, വത്സരാജ് മണലാട്ട്, വി.രാജീവ്, ടി.കെ ബാലൻ, എം.എം അശോകൻ, കെ.നാണു എന്നിവർ സംസാരിച്ചു. വി.കുഞ്ഞിക്കണ്ണൻ സമരസഖാക്കളെ ഷാളണിയിച്ചു അഭിവാദ്യം ചെയ്തു.

ഇരിങ്ങണ്ണൂർ:ഇരിങ്ങണ്ണൂർ മേഖലയിലെ ക്ഷേത്രങ്ങളിലെ ഉത്സവങ്ങൾ, തിറ, എന്നിവ പൂർണമായും ഒഴിവാക്കി ക്ഷേത്ര ചടങ്ങുകൾ പൂജാകർമങ്ങൾ മാത്രമായി നടത്താനും വാദ്യമേളങ്ങളില്ലാതെയും, ജനങ്ങൾ കൂടി ചേരുന്നത് ഒഴിവാക്കാനും നാദാപുരം പോലീസും എടച്ചേരി ഗ്രാമ പഞ്ചായത്തും സംയുക്തമായി വിളിച്ച യോഗത്തിൽ തീരുമാനിച്ചു. കോവിഡ് നാട്ടുമ്പുറങ്ങളിൽ പടർന്നുകൊണ്ടിരിക്കുന്ന സാഹചര്യത്തിലാണ് ഇത്തരം തീരുമാനങ്ങളെടുത്തത്. എടച്ചേരി ഗ്രാമപഞ്ചായത്ത് പ്രസിഡണ്ട് എൻ.പത്മിനി ടീച്ചർ അധ്യക്ഷത വഹിച്ചു.സി.ഐ എൻ സുനിൽ കുമാർ യോഗം ഉദ്ഘാടനം ചെയ്തു. ഇരിങ്ങണ്ണൂർ പ്രദേശത്തെ ക്ഷേത്രഭാരവാഹികളുടെ യോഗമാണ് ഇരിങ്ങണ്ണൂർ എൽ.പി  സ്കൂളിൽ ചേർന്ന് ഉത്സവങ്ങളും ആഘോഷങ്ങളും ഒഴിവാക്കാൻ തീരുമാനിച്ചത്. ഇരിങ്ങണ്ണൂർ ശ്രീ മഹാശിവക്ഷേത്രം , പുതിയോട്ടിൽ ശ്രീഭഗവതി ക്ഷേത്രം , വേങ്ങേരി ശ്രീ ഭഗവതി ക്ഷേത്രം , മരക്കുളത്തിൽ ശ്രീ ഭഗവതി ക്ഷേത്രം , മൊയിലോള്ളതിൽ ക്ഷേത്രം , കൈതേരി മഠം, എടവലത്ത് ക്ഷേത്രം എന്നീ ക്ഷേത്രങ്ങളെ പ്രതിനിധീകരിച്ച് ക്ഷേത്ര കമ്മറ്റി ഭാരവാഹികൾ യോഗത്തിൽ പങ്കെടുത്തു.  എടച്ചേരി ഗ്രാമ പഞ്ചായത്ത് വൈസ് പ്രസിഡണ്ട് എം. രാജൻ, വാർഡ് മെമ്പർമാരായ കെ.ടി.കെ രാധ, ശ്രീജിത്ത് സി.പി. എന്നിവർ സംസാരിച്ചു. പി.ബാലൻ, വി.കെ മോഹനൻ മാസ്റ്റർ, രവീന്ദ്രൻ വണ്ണത്താ ങ്കണ്ടിയിൽ, പ്രമോദ് കെ . കുഞ്ഞിക്കൃഷ്ണൻ നായർ മൊയിലോള്ളതിൽ  എന്നിവർ സംബന്ധിച്ചു.രാജീവൻ കെ സ്വാഗതം പറഞ്ഞു.

നാദാപുരം: ചെക്യാട് ഗ്രാമ പഞ്ചായത്തിൽ വികസനം, ക്ഷേമം, ആരോഗ്യ വിദ്യാഭ്യാസം എന്നീ സ്റ്റാന്റിംഗ് കമ്മിറ്റികളുടെ  ചെയർമാൻ സ്ഥാനം മുസ്ലിം ലീഗിന്. വികസന കാര്യ സ്ഥിരം സമിതി ചെയർപേഴ്സണായി സി എച്ച് സമീറയും , ക്ഷേമ കാര്യ ചെയർമാനായി ടി കെ ഖാലിദ് മാസ്റ്ററും, ആരോഗ്യ വിദ്യാഭ്യാസ ചെയർ  പേഴ്സണായി  
കെ പി റംലയുമാണ് തെരഞ്ഞെടുക്കപ്പെട്ടത്.

നാദാപുരം: കഴിഞ്ഞ ദിവസം പുളിയാവ് നാഷണൽ കോളേജിൽ  ജനപ്രതിനിധികൾക്ക് നൽകിയ സ്വീകരണ പരിപാടിയെ കുറിച്ച് വിവാദം. മുസ്ലിം ലീഗ് നേതാക്കളുടെ  നേതൃത്വത്തിലുള്ള കോളേജിൽ പാർട്ടി നടപടിക്ക് വിധേയനായ  മുൻ കെ എം സി സി നേതാവ്  ലീഗ് ജനപ്രതിനിധിക്ക് ഉപഹാരം സമർപിച്ചതാണ് വിവാദമായത്. ലീഗ് അണികൾക്കിടയിൽ ഇത് അമർഷമുണ്ടാക്കിയിട്ടുണ്ടലീഗിൻ്റെ സോഷ്യൽ മീഡിയ ഗ്രൂപ്പുകളിൽ വലിയ ചർച്ചയായി ഈ വിഷയം ഉയർന്ന് വന്നിട്ടുണ്ട്.

ഇരിങ്ങണ്ണൂർ: എടച്ചേരി പഞ്ചായത്ത് ലൈബ്രറി കൗൺസിൽ നേതൃസമിതിയുടെ ആഭിമുഖ്യത്തിൽ യു.പി, വിഭാഗം, പെൺകുട്ടികൾക്കായി  വായന മത്സരം നടത്തി. കച്ചേരി  പൊതുജന വായനശാല & ഗ്രന്ഥാലയത്തിൽ നടന്ന  പരിപാടിക്ക് കെ കെ  കുഞ്ഞിരാമൻ മാസ്റ്റർ, അമൽരാജ് ടി കെ . ഷീബ ഇ കെ,  പ്രദീപൻ കെ, ആഷിക് കെ കെ , അജിത ടീച്ചർ, ഷൈനി ടീച്ചർ  ഷിബി എം, പ്രവീൺ   നേതൃത്വം നൽകി.

നാദാപുരം: ജയിച്ചു വന്ന  വാർഡിൽ ജനകീയ പങ്കാളിത്തത്തോടെ ശുചീകരണ പ്രവർത്തനം നടത്തി വാർഡ് മെമ്പർ. നാദാപുരം ടൗണിന്റെ ഭാഗം ഉൾപ്പെടുന്ന പത്തൊൻപതാം വാർഡ് മെമ്പർ  അബ്ബാസ് കണേക്കലാണ്  ഇന്ന് രാവിലെ മുതൽ 
ശുചീകരണ പ്രവർത്തനത്തിന്  ഇറങ്ങിയത്. നൻമപുരം റസിഡൻസ് അസോസിയേഷൻ പ്രവർത്തകരുടെ സഹകരണത്തോടെ നടന്ന  ഒന്നാം ഘട്ട  പ്രവർത്തനം  പുളിക്കൂൽ റോഡിലായിരുന്നു.
തേങ്ങോത്ത് സൂപ്പി,  ചേനത്ത് സിറാജ്, നൗഷാദ് ഇകെ, നൗഫൽ തങ്ങൾ, ഫൈസൽ ചങ്ങനോത്ത്,  ഷഹബാസ് പിപി, സിറാജ് ചങ്ങനോത്ത്, ജാബിർ തങ്ങൾ എരഞ്ഞിക്കൽ , സലീം ജികെ എന്നിവർ പങ്കാളികളായി.

എടച്ചേരി:കേന്ദ്ര സർക്കാരിൻ്റെ കർഷകദ്രോഹ നയങ്ങൾക്കെതിരെ ഡൽഹിയിൽ ഒരു മാസത്തിലേറെയായി സമരം ചെയ്യുന്ന കർഷകർക്ക് ഐക്യദാർഡ്യവുമായി എൽ.ജെ.ഡി എടച്ചേരി പഞ്ചായത്ത് കമ്മറ്റിയുടെ ആഭിമുഖ്യത്തിൽ എടച്ചേരി ടൗണിൽ പ്രതിഷേധ സമരജ്വാലയും പ്രകടനവും നടത്തി. യുവജനതാദൾ സംസ്ഥാന ജനറൽ സെക്രട്ടറി ഇ.കെ സജിത്കുമാർ  ഉദ്ഘാടനം ചെയ്തു. എൽ.ജെ.ഡി എടച്ചേരി പഞ്ചായത്ത് കമ്മറ്റി പ്രസിഡണ്ട് വത്സരാജ് മണലാട്ട് അധ്യക്ഷത വഹിച്ചു.ടി.കെ ബാലൻ, കെ രജീഷ്, കെ.എം നാണു, പി.കെ അശോകൻ, പാച്ചാക്കര രവീന്ദ്രൻ, ടി.പ്രകാശൻ, ശ്രീജ പാലപ്പറമ്പത്ത്, കെ.വി ചാത്തു എന്നിവർ നേതൃത്വം നൽകി.

നാദാപുരം: ത്രിതല പഞ്ചായത്ത് അംഗങ്ങൾക്ക് പുളിയാവ് നാഷണൽ കോളജിൽ സ്വീകരണം നൽകി.  
കോളജ് മാനേജിംഗ് കമ്മിറ്റിയാണ് പ്രൗഡമായ ചടങ്ങ് ഒരുക്കിയത്. 
സി കെ നാണു എം എൽ എ ഉദ്ഘാടനം ചെയ്തു.
ട്രസ്റ്റ് ചെയർമാൻ അബ്ദുല്ല വയലോളി അധ്യക്ഷനായി. 
പാനൂർ നഗരസഭാ ചെയർമാൻ 
വി നാസർ മാസ്റ്റർ, തൂണേരി  ബ്ലോക്ക് പഞ്ചായത്ത് പ്രസിഡണ്ട് 
കെ പി വനജ, വൈസ് പ്രസിഡണ്ട് ടി കെ അരവിന്ദാക്ഷൻ, 
ജില്ലാ പഞ്ചായത്ത് അംഗങ്ങളായ സി വി എം നജ്മ , സുരേഷ് കൂടത്താംകണ്ടി,
ഗ്രാമ പഞ്ചായത്ത് പ്രസിഡണ്ടുമാരായ കെ പി പ്രതീഷ്, നസീമ ചാമാളി, പി.ഷാഹിന, പി സുരയ്യ,  വൈസ് പ്രസിഡണ്ടുമാരായ അഖില മര്യാട്ട്, കെ മധു മോഹനൻ, തുടങ്ങിയവർ ഉപഹാരം ഏറ്റുവാങ്ങി. 
അഹമ്മദ് പുന്നക്കൽ, സൂപ്പി നരിക്കാട്ടേരി, പ്രൊഫ. പി മമ്മു, കുഞ്ഞബ്ദുല്ല മരുന്നോളി തുടങ്ങിയവർ പ്രസംഗിച്ചു.

നാദാപുരം; തെരഞ്ഞെടുപ്പ് ദിവസം തെരുവംപറമ്പിലുണ്ടായ സംഘർ ഷവുമായി ബന്ധപ്പെട്ട്  ജയിലിലായ എട്ടു യൂത്ത് ലീഗുകാർ മോചിതരായി. നാദാപുരം മണ്ഡലം യൂത്ത് ലീഗ് ജനറൽ സെക്രട്ടറി 
ഇ ഹാരിസ് , പ്രവർത്തകരായ റിയാസ് ഈന്തുള്ളതിൽ, വാണിയം വീട്ടിൽ മുഹമ്മദ് ഷഫീഖ് , താഴെ കവുങ്ങു ള്ളതിൽ  മുഹമ്മദ് , താഴെ പുതിയോട്ടിൽ അബ്ദുൽ ലത്തീഫ്, കിഴക്കേ പറമ്പത്ത് റഈസ് ,  
കുഞ്ഞി പറമ്പത്ത് ആഷിഫ്, പൂലാറോത്ത്റാഷിദ് എന്നിവർക്കാണ് ഇന്നലെ  ഹൈക്കോടതി ജാമ്യം അനുവദിച്ചത്. 
കോഴിക്കോട് ജില്ലാ ജയിലിൽ കഴിയുന്ന ഇവർ ഇന്ന് നാലരയോടെയാണ് ജയിൽ മോചിതരായത്.
ഹാരിസ് ഉൾപ്പെടെയുള്ള നേതാക്കളെയും പ്രവർത്തകരെയും പ്രതി ചേർത്ത്  പോലീസ് വധശ്രമത്തിനാണ്  കേസ്  രജിസ്റ്റർ ചെയ്തത്. 
ആറ് പേരെ പിറ്റേ ദിവസം തന്നെ അറസ്റ്റ് ചെയ്തിരുന്നു. 
ബ്ലോക്ക് ഡിവിഷൻ സ്ഥാനാർത്ഥിയുടെ ചീഫ് ഏജന്റ് എന്ന നിലക്ക് വോട്ടെണ്ണൽ കേന്ദ്രത്തിൽ എത്തിയ ഹാരിസിനെ
അവിടെ  വെച്ചാണ്  അറസ്റ്റ് ചെയ്തത്.

വാണിമേൽ:പഞ്ചായത്തിലെ വനിതാ ജന പ്രതിനിധികൾക്ക് വനിതാ ലീഗ്  പഞ്ചായത്ത് കമ്മിറ്റി സ്വീകരണം നൽകി. ഗ്രാമപഞ്ചായത്ത് പ്രസിഡൻ്റ് പി.സുരയ്യ, ജില്ലാ പഞ്ചായത്ത് മെമ്പർ സി.വി.എം. നജ്മ,ബ്ലോക്ക് പഞ്ചായത്ത് അംഗം  സുഹ്റ തണ്ടാൻ്റവിട , ഗ്രാമപഞ്ചായത്ത് മെമ്പർമാരായ ഫാത്തിമ കണ്ടിയിൽ, മുഫീദ റാഷിദ് എന്നിവർക്കാണ്   നൽകിയത്.  പഞ്ചായത്ത് മുസ്ലിം ലീഗ് പ്രസിഡൻ്റ് വി.കെ.കുഞ്ഞാലി മാസ്റ്റർ ഉദ്ഘാടനം ചെയ്തു.  അഷ്റഫ് കൊറ്റാല, വി.കെ.മൂസ മാസ്റ്റർ, എം.പി. സൂപ്പി, കല്ലിൽ സൂപ്പി എന്നിവർ ആശംസകൾ അർപ്പിച്ചു.  വനിതാ ലീഗ് മണ്ഡലം പ്രസിഡൻ്റ് കുണ്ടിൽ സൈനബ അധ്യക്ഷത വഹിച്ചു.വി.കെ.സാബിറ ടീച്ചർ സ്വാഗതവും ജമീല കാപ്പാട്ട് നന്ദിയും പറഞ്ഞു.

കല്ലാച്ചി : കേന്ദ്ര ഗവ. ശാസ്ത്ര സാങ്കേതിക വകുപ്പ് നൽകുന്ന ഇൻസ്പയർ അവാർഡ്  കല്ലാച്ചി ഗവ.യു.പി സ്കൂളിന്.  7ാം തരം വിദ്യാർഥിനി അനുലക്ഷ്മി യാണ്  അവാർഡിന് അർഹയായത്.  അനുലക്ഷ്മിക്കുള്ള പി.ടി.എ യുടെ ഉപഹാര സമർപ്പണം  പ്രസിഡണ്ട്  നിഷാ മനോജ് നിർവ്വഹിച്ചു. അനുമോദന  യോഗത്തിൽ ബ്ലോക്ക് മെമ്പർ അഡ്വ. എ സജീവൻ , ഗ്രാമ പഞ്ചായത്ത് മെമ്പർമാരായ എം സി  സുബൈർ,  ദിലിപ് കുമാർ , വി.പി. സജി വൻ ., ഹെഡ് മാസ്റ്റർ എൻ സജീവൻ , ബാബു കൂമുള്ളി, ശ്രീജ ശ്രീധരൻ , രാജേഷ് സി.കെ, രാധിക ശ്രീജിത്, മണ്ടോടി മുഹമ്മദലി എന്നിവർ സംസാരിച്ചു.

നാദാപുരം; തെരഞ്ഞെടുപ്പ് ദിവസം തെരുവം പറമ്പിലുണ്ടായ സംഘർഷവുമായി ബന്ധധപ്പെട്ട്  ജയിലിൽ കഴിയുന്ന   എട്ടു യൂത്ത് ലീഗുകാർക്ക്  ജാമ്യം ലഭിച്ചെങ്കിലും ജയിൽ മോചിതരായില്ല.  നാദാപുരം മണ്ഡലം യൂത്ത് ലീഗ് ജനറൽ സെക്രട്ടറി ഇ ഹാരിസ് , പ്രവർത്തകരായ റിയാസ് ഈന്തുള്ളതിൽ, വാണിയം വീട്ടിൽ മുഹമ്മദ് ഷഫീഖ് , താഴെ കവുങ്ങു ള്ളതിൽ  മുഹമ്മദ് , താഴെ പുതിയോട്ടിൽ അബ്ദുൽ ലത്തീഫ്, കിഴക്കേ പറമ്പത്ത് റഈസ് ,  
കുഞ്ഞി പറമ്പത്ത് ആഷിഫ്, പൂലാറോത്ത്റാഷിദ് എന്നിവർക്കാണ് ഹൈക്കോടതി ഇന്ന് ജാമ്യം അനുവദിച്ചത്. എന്നാൽ ജാമ്യമനുവദിച്ചു കൊണ്ടുള്ള ഉത്തരവ് കല്ലാച്ചി മജിസ്ട്രേറ്റ് കോടതിയിൽ എത്താൻ വൈകിയതിനാൽ ഇന്ന് ഇവർക്ക് പുറത്തിറങ്ങാൻ കഴിഞ്ഞില്ല.കോഴിക്കോട് ജില്ലാ ജയിലിൽ കഴിയുന്ന എട്ടു പേരും നാളെ  പുറത്തിറങ്ങും.

നാദാപുരം : നാടിന്റെ ഡിജിറ്റൽ ഭൂപടമാകുന്ന ''ആൾ" അപ്ലിക്കേഷന്റെ വിവര ശേഖരണം നാദാപുരത്ത് തുടങ്ങി. ഗ്രാമ പഞ്ചായത്ത്‌ തല  ഉദ്ഘാടനം കല്ലാച്ചിയിൽ  നാദാപുരം ഗ്രാമപഞ്ചായത്ത് പ്രസിഡന്റ് വി വി മുഹമ്മദലി നിർവ്വഹിച്ചു.  ജീവിതത്തിന്റെ നാനാ തലങ്ങളിൽ പൊതുജനങ്ങളുമായി ബന്ധപ്പെടുന്നവരേയാണ് ആപ്ലിക്കേഷനിൽ ആദ്യഘട്ടം രജിസ്റ്റർ ചെയ്യിക്കുന്നത്. "എല്ലാമുണ്ട് എല്ലാവരുമുണ്ട് '' എന്നതാണ് ആൾ ആപ്പ് ഉറപ്പ് വരുത്തുന്നത്. എല്ലാ സേവനങ്ങളും പൊതു പ്രവർത്തകരെ ബന്ധപ്പെടാനുള്ള സൗകര്യങ്ങളും ആപ്ലിക്കേഷനിൽ ഉണ്ട്. 

നാദാപുരം പഞ്ചായത്തിലെ ജീവനക്കാരുടെയും ജനപ്രതിനിധികളുടെയും രജിസ്ട്രേഷൻ  ഗ്രാമ പഞ്ചായത്ത് ഓഫീസിൽ നടന്ന ചടങ്ങിൽ പ്രസിഡൻറ് വി വി മുഹമ്മദലി  നിർവ്വഹിച്ചു.
സെക്രട്ടറി റെജുലാൽ, ഗ്രാമപഞ്ചായത്ത് മെമ്പർമാരായ പി പി ബാലകൃഷ്ണൻ, നിഷ മനോജ്,വി പി കുഞ്ഞിരാമൻ,സുബൈർ ചേലക്കാട്, ദിലീപ് കുമാർ, റീന തുടങ്ങിയവർ ആശംസകൾ നേർന്നു.

ആൾ ആപ്പ് പ്രതിനിധികളായ കെ കെ ശ്രീജിത്ത്‌, സി ടി അനൂപ്, നിതിൻ രാജ്, അഖിൽ തൂണേരി, അരുൺ എം ടി, അനുശ്രീ കെ കെ, അർഷ കെ പി, അജന്യ കെ കെ, ആതിര കെ, സൂര്യ ടി കെ, അരുൺ, അഭിജിത്ത് എന്നിവർ സംസാരിച്ചു.

നാദാപുരം: കഴിഞ്ഞ 22 ദിവസമായി ജയിലിൽ കഴിയുന്ന നിയോജക മണ്ഡലം മുസ്ലിം യൂത്ത് ലീഗ് ജനറൽ സെക്രട്ടറി 
ഇ ഹാരിസടക്കം 7 പേർക്ക് ജാമ്യം.  കേരള  ഹൈക്കോടതിയാണ് അൽപ സമയം മുൻപ്    ജാമ്യം നൽകിയത്.  
തെരഞ്ഞെടുപ്പ് ദിവസം തെരുവൻ പറമ്പിൽ നടന്ന സംഘർഷവുമായി ബന്ധപ്പെട്ട കേസിൽ മൂന്നാം പ്രതിയായ ഹാരിസിനെ ഡിസംബർ 16ന് പുറമേരി വോട്ടെണ്ണൽ കേന്ദ്രത്തിൽ വെച്ചാണ് അറസ്റ്റ് ചെയ്തത്. ഇതേ കേസിൽ ഒന്നാം പ്രതിയായ കോൺഗ്രസ് മണ്ഡലം പ്രസിഡണ്ട് കെ എം രഘുനാഥും രണ്ടാം പ്രതിയായ കെ ടി കെ അശോകനും മുൻകൂർ ജാമ്യം നേടിയിരുന്നു.

കക്കട്ടിൽ: നാദാപുരം - കുറ്റ്യാടി സംസ്ഥാന പാത യിൽ കഴിഞ്ഞ ദിവസമുണ്ടായ വാഹനാപകടത്തിൽ നരിപ്പറ്റ പഞ്ചായത്ത് ഓഫീസ് ജീവനക്കാരന് സാരമായ പരിക്കേറ്റു. കുളങ്ങരത്ത് ഡിവൈഡറിന് സമീപത്തുവെച്ച് ഇദ്ദേഹം സഞ്ചരിച്ച ബൈക്കിൽ സ്വകാര്യ ബസ്സ് ഇടിക്കുകയായിരുന്നു.ഇതേ പാതയിൽ മുൻപും നിരവധി അപകടങ്ങളിൽ 17 ഓളം പേർ മരിച്ചിട്ടുണ്ട്.
പാത അപകടരഹിതമാക്കാൻ അധികൃതർ ശ്രമിച്ചുവെങ്കിലും വിജയം കണ്ടെത്തിയില്ല എന്നതാണ് ഇടയ്ക്കിക്കിടെയുള്ള അപകടങ്ങൾ സൂചിപ്പിക്കുന്നത്, പാതയോരത്ത് വാഹനങ്ങൾ നിർത്തിയിടുന്നതഅപകട കാരണമാവുന്നുണ്ട്.
 കക്കട്ടിൽ, കുളങ്ങരത്ത്, നരിപ്പറ്റ റോഡ്, അമ്പലകുളങ്ങര, വട്ടോളി എന്നിവിടങ്ങളിലാണ് അപകടങ്ങൾ ഏറേയും.വട്ടോളി നാഷനൽ ഹയർ സെക്കൻ്ററി സ്കൂളിലെ രണ്ട് പിഞ്ചുകുട്ടികൾ കാറിടിച്ച് മരിച്ചതും ഈ പാതയിലാണ്.     അപകടരഹിത പാതയെന്ന നാട്ടുകാരുടെ ആവശ്യത്തിനു പരിഹാരമുണ്ടായിട്ടില്ല. റോഡിന് ഇരുവശവും കാൽനട യാത്രക്കാർക്ക്  സൗകര്യമില്ലന്നു ചൂണ്ടിക്കാണിക്കപ്പെട്ടിട്ടും നടപടികൾ കൈക്കൊള്ളാതെയാണ് റോഡ് നിർമ്മാണം പൂർത്തീകരിച്ചത്. വട്ടോളിയിൽ റോഡിന് ഇരുവശവും ഫുട്്പാത്ത് നിർമ്മിച്ച് കൈൈവരി കെട്ടിയിറ്റുുണ്ട്. നരിപ്പറ്റ റോഡ്, തീക്കുനി ഭാഗങ്ങളിൽ നിന്നും വരുന്ന വാഹനങ്ങൾ തിരക്കേറിയ സംസ്ഥാന പാതയിലേക്ക് പ്രവേശിക്കുന്നിടത്തും വാഹന അപകടങ്ങൾ പതിവാണ്. 
അമിത വേഗതയിൽ വരുന്ന വാഹനങ്ങൾക്ക് വേഗനിയന്ത്രണ സംവിധാനങ്ങളില്ലാത്തതും, വീതി കുറഞ്ഞ റോഡായതുമാണ് അപകടങ്ങൾ കൂടാൻ കാരണം. സംസ്ഥാന പാതയിലേക്ക് പ്രവേശിക്കുന്നിടത്ത് തന്നെ തീക്കുനി, നരിപ്പറ്റ റോഡുകൾക്ക് സമീപത്തു ബസ് സ്റ്റോപ്പുകൾ ഉള്ളതും അപകടം വർധിക്കാൻ കാരണമാണ്. വേഗ നിയന്ത്രണ സംവിധാനങ്ങൾ അപകടങ്ങൾ വരുമ്പോൾ മാത്രം സ്ഥാപിക്കുകയും പിന്നീട് എടുത്തുകളയുകയും ചെയ്യുന്നതായി ആക്ഷേപമുണ്ട്. എയർപോർട്ട് റോഡായി ഉയർത്തിയതോടെയാണ് ഇവിടെ അപകടം കൂടിയത്. ആവശ്യത്തിന് വീതി കൂട്ടാതെ പണി തീർത്തതാണ് അപകട കാരണമെന്ന് നാട്ടുകാർ പറയുന്നു.
സംസ്ഥാന പാതയോരത്ത് നിരവധി വിദ്യാഭ്യാസ സ്ഥാപനങ്ങളിൽ നൂറുകണക്കിന് വിദ്യാർത്ഥികൾ പഠിക്കുന്നുണ്ട്. ഇവരുടെ സുരക്ഷ മുൻനിർത്തി യെങ്കിലും വേഗനിയന്ത്രണ സംവിധാനമൊരുക്കണമെന്ന് നാട്ടുകാർ പറയുന്നു.

നാദാപുരം: പാമ്പാടി നെഹ്റു കോളേജിൽ ദുരൂഹ സാഹചര്യത്തിൽ മരണപ്പെട്ട വളയത്തെ ജിഷ്ണു പ്രണോയിയുടെ നാലാമത് ചരമവാർഷിക ദിനം സിപി  എം കല്ലുനിര ലോക്കൽ കമ്മിറ്റിയുടെ നേതൃത്വത്തിൽ ആചരിച്ചു.
അനുസ്മരണ സമ്മേളനം ജില്ലാ സെക്രട്ടറി പി മോഹനൻ ഉദ്ഘാടനം ചെയ്തു. എ കെ രവീന്ദ്രൻ അധ്യക്ഷനായി. ഏരിയാ സെക്രട്ടറി പി പി ചാത്തു, ജില്ലാ കമ്മിറ്റി അംഗം കൂടത്താംകണ്ടി സുരേഷ്, കെ പി പ്രദീഷ്, എൻ പി കണ്ണൻ, അഡ്വ. രാഹുൽ രാജ്, പി പി കുമാരൻ, വി പി ശശിധരൻ എന്നിവർ സംസാരിച്ചു. വളയം  പഞ്ചായത്തിലെ എൽ.ഡി.എഫ്‌ സാരഥികൾക്ക്‌ പരിപാടിയിൽ സ്വീകരണം നൽകി.
പൂവ്വം വയലിലെ വീട്ടുമുറ്റത്ത് ചേർന്ന അനുസ്മരണത്തിൽ പഞ്ചായത്ത് പ്രസിഡന്റ്‌ കെ പി പ്രദീഷ് അധ്യക്ഷനായി. പഞ്ചായത്ത് അംഗങ്ങളായ എം സുമതി, വി കെ രവി, എം ദേവി, രാഷ്ട്രീയ പാർടി പ്രതിനിധികളായ എ കെ രവീന്ദ്രൻ, കെ ചന്ദ്രൻ, കെ ടി കുഞ്ഞിക്കണ്ണൻ, പി പി കുമാരൻ, അശോകൻ എന്നിവർ സംസാരിച്ചു. പി കെ വിനോദൻ സ്വാഗതം പറഞ്ഞു.

കക്കട്ടിൽ: നാഷണൽ യൂത്ത് പാർലിമെൻ്റ് ഫെസ്റ്റീവലിൽ കേരളത്തിൻ്റെ പ്രതിനിധികളിൽ ഒരാളായി പങ്കെടുക്കുന്നതിനുള്ള അവസരം ലഭിച്ച സന്തോഷത്തിലാണ്  കക്കട്ടിൽ കുളങ്ങരത്ത് സ്വദേശിനി ചേണികണ്ടി അബ്ദുൾ അസീസിൻ്റെ മകൾ ഫൈസ അബ്ദുൾ അസീസ്.  കേന്ദ്ര യുവജന കാര്യ- കായിക മന്ത്രാലയം, നെഹ്റു യുവകേന്ദ്ര, നാഷനൽ സർവ്വീസ് സ്കീം എന്നിവയുടെയും ആഭിമുഖ്യത്തിൽ സംഘടിപ്പിച്ച സംസ്ഥാന തല യൂത്ത് പാർലിമെൻ്റിൽ പ്രസംഗ മത്സരത്തിൽ രണ്ടാം സ്ഥാനം നേടിയതിനെ തുടർന്നാണ് ഫൈസ അബ്ദുൾ അസീസിന് ഈ അവസരം കൈവന്നിരിക്കുന്നത്. 12,13 തീയ്യതികളിൽ പാർലിമെൻ്റ് സെൻട്രൽ ഹാളിൽ നടക്കുന്ന നാഷണൽ യൂത്ത് പാർലിമെൻ്റ് ഫെസ്റ്റിവലിൽ കേരളത്തിൽ നിന്നും പങ്കെടുക്കുന്ന മൂന്നു പേരിൽ ഒരാളാണ് ഫൈസ. ദേശീയ യുവജന ദിനമായ ജനുവരി 12 ന് പ്രധാനമന്ത്രി നരേന്ദ്ര മോഡിയാണ് യൂത്ത് പാർലിമെൻ്റ് ഉദ്ഘാടനം ചെയ്യുന്നത്. പത്തനംതിട്ട ജില്ലയിലെ എസ്.മുംതാസ്, കോട്ടയം ജില്ലയിലെ അർച്ചന പ്രകാശ് എന്നിവർക്കാണ് രണ്ടും മൂന്നും സ്ഥാനങ്ങൾ ലഭിച്ചത്. ഫൈസ അബ്ദുൾ അസീസ് ബി.എസ്.സി.സൈക്കോളജി ബിരുദധാരിയാണ്. ഹസീനയാണ് മാതാവ്.

പാറാട്: അസുഖത്തെ തുടർന്ന് ചികിത്സയിലുള്ള  പി ആർ എം കൊളവല്ലൂർ ഹയർസെക്കൻഡറി സ്കൂൾ വിദ്യാർത്ഥിയുടെ  രക്ഷിതാക്കൾക്ക് പി ആർ എം കൊളവല്ലൂർ ഹയർസെക്കൻഡറി വിഭാഗം അധ്യാപകർ, ജീവനക്കാർ, വിദ്യാർത്ഥികൾ, മാനേജ്മെന്റ്, പി.ടി.എ തുടങ്ങിയവരുടെ  സഹകരണത്തോടെ ധനസഹായം ശേഖരിച്ചു നൽകി. സാമ്പത്തിക മായി പ്രയാസമനുഭവിക്കുന്ന രോഗികളായ രക്ഷിതാക്കളെ സഹായിക്കാനാണ് ഫണ്ട് സ്വരൂപിക്കാൻ സ്കൂൾ അധികൃതർ രംഗത്തിറങ്ങിയത്. പ്രിൻസിപ്പൽ എം ശ്രീജ, സ്റ്റാഫ് സെക്രട്ടറി മനോജ് കുമാർ പി.കെ, പി.ടി.എ പ്രസിഡന്റ് ജ്യോതിബാബു , അധ്യാപകരായ ജോഷി ജോർജ് കെ.ടി, സുമേഷ് പി.എസ്, എസ്.കെ ചിത്രാംഗദൻ ,ഡോ.രൂപ ടി.എം, സഫറിക് സഹദ്, റസാഖ് പി.വി എന്നിവർ വിദ്യാർത്ഥിയുടെ വീട്ടിലെത്തിയാണ് ചികിത്സ സഹായമായി രണ്ടു ലക്ഷത്തി ഏഴായിരം രൂപ കൈമാറിയത്.

നാദാപുരം: മണ്ഡലത്തിലെ പൊതുമരാമത്ത് റോഡുകളുടെ  അറ്റകുറ്റ പ്രവൃത്തികൾക്ക് 3 കോടി 80 ലക്ഷം രൂപ അനുവദിച്ചതായി ഇ.കെ. വിജയൻ എം.എൽ.എ. അറിയിച്ചു. ടെന്റർ നടപടി പൂർത്തിയാക്കി പ്രവൃത്തി ആരംഭിക്കാൻ നടപടി സ്വീകരിക്കും.
1 - വില്ലാപ്പള്ളി - എടച്ചേരി - ഇരിങ്ങണ്ണൂർ റോഡ് - 28ലക്ഷം
2- ചേലക്കാട് - വില്യാപ്പള്ളി - വടകര റോഡ് - 35 ലക്ഷം
3 - മൊകേരി - കായക്കൊടി - പാലോളി - തൊട്ടിൽപ്പാലം റോഡ് - 17 ലക്ഷം
4 - മൂന്നാം കൈ - കരിങ്ങാട് - കൈവേലി റോഡ് - 60 ലക്ഷം
5 - ആ വടിമുക്ക് - മുടവന്തേരി റോഡ് - 8 ലക്ഷം
6- കുമ്പളച്ചോല -കമ്മായി - വാളൂക്ക് റോഡ് - 22 ലക്ഷം
7 - കക്കട്ടിൽ - കൈവേലി റോഡ് - 3 ലക്ഷം
8 - വിലങ്ങാട് - പാനോം -പുല്ല് വായ് റോഡ് - 5 ലക്ഷം
9 - മുള്ളൻ കുന്ന് - കുണ്ടുതോട് - പി.ടി. ചാക്കോ റോഡ് - 50 ലക്ഷം
10 - കല്ലാച്ചി-വാണിയൂർ റോഡ് - 10 ലക്ഷം
11- ചാത്തൻ ക്കോട്ട് നട - മുറ്റത്ത പ്ലാവ് - പശു ക്കടവ് റോഡ് - 23 ലക്ഷം
12- ട്രാൻ ഫോമർ മുക്ക് - നമ്പ്യാത്തൻ കുണ്ട് റോഡ് - 17 ലക്ഷം
13 പുറമേരി -വേറ്റുമ്മൽ റോഡ് - 50 ലക്ഷം
14 പുറമേരി - തുരുത്തി മുക്ക് റോഡ് - 6 ലക്ഷം
15 - കച്ചേരി - വെള്ളൂർ - കോട്ടേമ്പ്രം റോഡ് - 5 ലക്ഷം
16- കായപ്പനച്ചി കുന്നു ചിറ- പുതിയങ്ങാടി റോഡ് - 8 ലക്ഷം
17- നാദാപുരം - പുളിക്കൂൽ - കുമ്മങ്കോട് റോഡ് -7 ലക്ഷം
18- പയന്തോങ്ങ് -ചിയ്യൂർ - നരിപ്പറ്റ റോഡ് - 3 ലക്ഷം
19- പാറക്കടവ് - പുളിയാവ് - ജാതിയേരി റോഡ് - 22 ലക്ഷം
20- തൊട്ടിൽപ്പാലം കുണ്ടുതോട് റോഡ് - 7 ലക്ഷം

വടകര:  ലോകനാർ കാവിലെ സപ്ലൈകോ ഗോഡൗണിൽ ഇന്ന് പുലർച്ചെ അഞ്ചുമണിയോടെ വൻ തീപിടുത്തം ഭക്ഷ്യധാന്യ കിറ്റ് കൾ ഓയിലുകൾ വെളിച്ചെണ്ണ തുടങ്ങിയ ഉൾപ്പെടെ ടെ കത്തിനശിച്ചു ഷോർട്ട് സർക്യൂട്ടാണ് ആണ് തീപിടിക്കാൻ കാരണമെന്നാണ് പ്രാഥമിക നിഗമനം ഇതുവഴി സുപ്രഭാത സവാരിക്കിറങ്ങിയ നാട്ടുകാരാണ് നിന്നും പുക ഉയരുന്നത് കണ്ടത് അത് ഉടൻ വിവരമറിയിച്ചതിനെ തുടർന്ന് ഉദ്യോഗസ്ഥർ അടക്കം നാല് യൂണിറ്റുകൾ സ്ഥലത്തെത്തി എത്തി വടകര നാദാപുരം പേരാമ്പ്ര കൊയിലാണ്ടി പ്രദേശങ്ങളിൽ യൂണിറ്റുകൾ ആണ് ഇവിടെ എത്തിയത് ഏറെ മണിക്കൂറുകൾ നീണ്ട പരിശ്രമത്തിനൊടുവിൽ നാട്ടുകാരുടെയും പ്രദേശവാസികളെയും സഹകരണത്തോടെ   ഫയർഫോഴ്സ് തീ നിയന്ത്രണ വിധേയമാക്കാ കഴിഞ്ഞു. ഏകദേശം ഒരു കോടി രൂപയുടെ നഷ്ടം കണക്കാക്കുന്നുതായി സപ്ലൈകോ ഉദ്യോഗസ്ഥർ അറിയിച്ചു. കൂടുതൽ തീ പടരാതിരിക്കാൻ നാട്ടുകാരും ഫയർഫോഴ്സും മുകളിലെ ഭക്ഷ്യധാന്യ കിറ്റുകൾ മാറ്റിക്കൊണ്ടിരിക്കുകയാണ്. തീയണച്ചതോട് പുക കാരണം ഗോഡൗണിന് ഉള്ളിലേക്ക് കടക്കാൻ കഴിയാത്ത അവസ്ഥ ആയതിനാൽ ഗോഡൗണിലെ സിംഗ് മേൽക്കൂര നാട്ടുകാരും ഫയർഫോഴ്സും മാറ്റി.

നാദാപുരം: ഗ്രാമ പഞ്ചായത്ത് പ്രസിഡണ്ട് വി വി മുഹമ്മദലിക്ക് കല്ലാച്ചി ചീറോത്ത് മുക്കിൽ ഏർപ്പെടുത്തിയ സ്വീകരണ സമ്മേളനം 
ഇ ടി മുഹമ്മദ് ബഷീർ എം പി ഉദ്ഘാടനം ചെയ്തു. ആനാണ്ടി അബ്ദുല്ല അധ്യക്ഷത വഹിച്ചു. പാറക്കൽ അബ്ദുല്ല അനുമോദന പ്രസംഗം നടത്തി. തറക്കണ്ടി പോക്കർ ഹാജി ഉപഹാര സമർപ്പണം നടത്തി. റഷീദ് വെങ്ങളം, 
കെ പി എം സലീം മാസ്റ്റർ, സൂപ്പി നരിക്കാട്ടേരി, ബംഗ്ലത്ത് മുഹമ്മദ്, എം പി സൂപ്പി, കെ കെ നവാസ്, സാലി പുതുശേരി പ്രസംഗിച്ചു. ഗ്രാമ പഞ്ചായത്ത് അംഗങ്ങളായ എം സി സുബൈർ, അബ്ബാസ് കണേക്കൽ, ജനീദ ഫിർദൗസ്, മസ്ബൂബ അസീദ് സംബന്ധിച്ചു. 
നവാസ് പാലേരി ഗാനം ആലപിച്ചു. സി കെ നാസർ സ്വാഗതവും, ടി വി കെ ഇബ്രാഹിം നന്ദിയും പറഞ്ഞു.

കക്കട്ടിൽ: കുന്നുമ്മൽ ബ്ലോക്ക് പഞ്ചായത്ത് സാക്ഷരതാ സമിതിയുടെ നേതൃത്വത്തിൽ  ജനപ്രതിനിധികൾക്കുള്ള സ്വീകരണവും, ഹയർ സെക്കൻററി തുല്യതാ പഠിതാക്കൾക്കുള്ള സർട്ടിഫിക്കറ്റ് വിതരണവും നടത്തി. മുൻ എം എൽ എ ശ്രീമതി കെ. കെ ലതിക ഉദ്ഘാടനം ചെയ്തു. ബ്ലോക്ക് പഞ്ചായത്ത് സിക്രട്ടറി  പ്രജുകമാർ അദ്ധ്യക്ഷത വഹിച്ചു. കെ.സി.രാജീവൻ സ്വാഗതം പറഞ്ഞു.
ബ്ലോക്ക് പഞ്ചായത്ത് പ്രസിഡണ്ട് കെ.പി.ചന്ദ്രി, വൈസ് പ്രസിഡണ്ട് മുഹമ്മദ് കക്കട്ടിൽ, ജില്ലാ പഞ്ചായത്ത് മെമ്പർമാരായ സി.എം യശോദ, സി.വി നജ്മ ,ഗ്രാമ പഞ്ചായത്ത് പ്രസിഡണ്ട്മാരായ നയീമ (വേളo), ഒ.പി ഷിജിൽ ( കായക്കൊടി ), നഫീസ ടീച്ചർ (കറ്റ്യാടി), ബ്ലോക്ക് പഞ്ചായത്ത് മെമ്പർമാരായ ഗീതാ രാജൻ, വിശ്വൻ മാസ്റ്റർ, കുഞ്ഞിക്കണ്ണൻ, മുജീബ് റഹ്മാൻ, പഠിതാക്കളിൽ നിന്ന് ജനപ്രതിനിധികളായ കെ.വി തങ്കമണി ക്രാവിലുംപാറ) മിനി ( നരിപ്പറ്റ) നോഡൽ പ്രേരക് നിഷ എന്നിവർ സംസാരിച്ചു. നോഡൽ പ്രേരക് കെ. കെ. ദീപ നന്ദി പറഞ്ഞു.

നാദാപുരം: ചെക്യാട് ചോയി തോട്ടിൽ മുങ്ങിത്താഴുകയായിരുന്ന നാലു വയസ്സുകാരൻ്റെ ജീവൻ രക്ഷിച്ച അശ്വിൻ കൃഷ്ണയെ കെ എസ് യു ആദരിച്ചു. സമീപവാസിയായ കുറ്റിവയലിൽ അബൂബക്കറുടെ മകളുടെ കല്യാണ ദിവസം കുട്ടികളോടൊത്ത് കുളിയ്ക്കാൻ തോട്ടിലേക്ക്  പോയ ചാത്തോത്ത് നംഷീദിൻന്റെ മകൻ അജ്മലിനെയാണ് അശ്വിൻ കൃഷ്ണ രക്ഷിച്ചത്.  കൂടെയുണ്ടായിരുന്ന പെൺകുട്ടി ശബ്ദമുണ്ടാക്കുന്നത് കേട്ട് ഓടി വന്ന അശ്വിൻ ഒന്നും നോക്കാതെ വെള്ളത്തിലേക്ക് ചാടി കയത്തിൽ മുങ്ങുകയായിരുന്ന അജ്മലിനെ രക്ഷിക്കുകയായിരുന്നു. 
കെ എസ് യു മണ്ഡലം  സെക്രട്ടറി കൂടിയായ അശ്വിൻ കൃഷ്ണയെ  നിയോജക മണ്ഡലം പ്രസിഡണ്ട്  എൻ കെ അഭിഷേക്  ഷാളണിയിച്ചു. ഭാരവാഹികളായ ശുഹൈല് മേച്ചിക്കാട്ട്, അബ്ദുള്ള മുണ്ടോളി, എം ഹരിശങ്കർ, മുഹമ്മദ് പി പി ,നബീൽ പി പിഎന്നിവര് സംബന്ധിച്ചു.

ഇരിങ്ങണ്ണൂർ: ഇടതുപക്ഷ  മുന്നണി വരുന്ന നിയമസഭ തിരഞ്ഞെടുപ്പിലും വിജയം ആവർത്തിക്കുമെന്നും പിണറായി സർക്കാരിൻ്റെ ജനക്ഷേമ പ്രവർത്തനങ്ങൾക്കുള്ള അംഗീകാരമാണ് തദ്ദേശ തിരഞ്ഞെടുപ്പിലെ സംസ്ഥാനത്തെ വൻ വിജയമെന്നും ഇ.കെ വിജയൻ എം.എൽ.എ അഭിപ്രായപ്പെട്ടു. എടച്ചേരി പഞ്ചായത്തിൽ നിന്നും വിജയിച്ച എൽ.ഡി.എഫ് ജനപ്രതിനിധികൾക്കും ഇരിങ്ങണ്ണൂർ സ്വദേശിയായ വടകര മുൻസിപ്പൽ ചെയർപേഴ്സൻ കെ.പി ബിന്ദു, ജില്ലാ പഞ്ചായത്തംഗം കൂടത്താങ്കണ്ടി സുരേഷ്, തൂണേരി ബ്ലോക്ക് വൈസ് പ്രസിഡണ്ട് ടി.കെ അരവിന്ദാക്ഷൻ ,മെമ്പർ എ.ഡാനിയ എന്നിവർക്കും എൽ.ഡി.എഫ് ഇരിങ്ങണ്ണൂർ മേഖലാ കമ്മറ്റി നൽകിയ സ്വീകരണ സമ്മേളനം ഇരിങ്ങണ്ണൂരിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എൽ.ഡി.എഫ് ഇരിങ്ങണ്ണൂർ മേഖലാ  പ്രസിഡണ്ട് വത്സരാജ് മണലാട്ട് അധ്യക്ഷത വഹിച്ചു. സി.പി.എം നാദാപുരം ഏരിയാ സെക്രട്ടറി പി.പി ചാത്തു ,എൽ.ജെ.ഡി മണ്ഡലം പ്രസിഡണ്ട് പി.എം നാണു, വടകര മുൻസിപ്പൽ ചെയർപേഴ്സൺ കെ.പി ബിന്ദു, ജില്ലാ പഞ്ചായത്തംഗം കൂടത്താങ്കണ്ടി സുരേഷ്, തൂണേരി ബ്ലോക്ക് പഞ്ചായത്ത് വൈസ് പ്രസിഡണ്ട് ടി.കെ അരവിന്ദാക്ഷൻ, എടച്ചേരി ഗ്രാമപഞ്ചായത്ത് പ്രസിഡണ്ട് എൻ.പത്മിനി ടീച്ചർ, വൈസ് പ്രസിഡണ്ട് എം.രാജൻ, ബ്ലോക്ക് മെമ്പർ എ.ഡാനിയ എന്നിവർ പ്രസംഗിച്ചു.എൽ.ഡി.എഫ് ഇരിങ്ങണ്ണൂർ മേഖലാ സെക്രട്ടറി ടി. അനിൽകുമാർ സ്വാഗതവും പഞ്ചായത്ത് മെമ്പർ ടി.കെ ഷിബിൻ നന്ദിയും പറഞ്ഞു. കായപ്പനച്ചി ചെറുകുളത്ത് നിന്നും ആരംഭിച്ച ജനപ്രതിനിധികളെ ആനയിച്ച് വാദ്യമേളങ്ങളുടെ അകമ്പടിയോടെ ഇരിങ്ങണ്ണൂരിലേക്ക് നടത്തിയ സ്വീകരണ ഘോഷയാത്രയിൽ യുവാക്കളും യുവതികളുമുൾപ്പെടെ നൂറ് കണക്കിന് പ്രവർത്തകർ ആവേശപൂർവ്വം പങ്കെടുത്തു.

നാദാപുരം: നിയോജക മണ്ഡലം മുസ്ലിം യൂത്ത് ലീഗ് ജനറൽ സെക്രട്ടറി 
ഇ ഹാരിസിന്റെ ജാമ്യ ഹർജി പരിഗണിക്കുന്നത് അടുത്ത വെള്ളിയാഴ്ച ത്തേക്ക് മാറ്റി. ഹൈക്കോടതി രണ്ടു തവണ മാറ്റി വെച്ചതിനാൽ ഇന്ന് ജാമ്യം ലഭിക്കുമെന്ന് കരുതിയെങ്കിലും വീണ്ടും മാറ്റിവെക്കുകയായിരുന്നു.
തെരഞ്ഞെടുപ്പ് ദിവസം തെരുവൻ പറമ്പിൽ നടന്ന സംഘർഷവുമായി ബന്ധപ്പെട്ട കേസിൽ മൂന്നാം പ്രതിയായ ഹാരിസിനെ ഡിസംബർ 16ന് പുറമേരി വോട്ടെണ്ണൽ കേന്ദ്രത്തിൽ വെച്ചാണ് അറസ്റ്റ് ചെയ്തത്. ഇതേ കേസിൽ ഒന്നാം പ്രതിയായ കോൺഗ്രസ് മണ്ഡലം പ്രസിഡണ്ട് കെ എം രഘുനാഥും രണ്ടാം പ്രതിയായ കെ ടി കെ അശോകനും മുൻകൂർ ജാമ്യം നേടിയിരുന്നു. 
ഹാരിസിന് പുറമേ ആറ് പേർ കൂടി റിമാന്റിൽ കഴിയുകയാണ്.

നാദാപുരം: ഇന്ന് രാത്രി ദുബായിലേക്ക് പോകേണ്ട യുവാവിന്  ഗൾഫ് യാത്ര മുടങ്ങിയതിന് പുറമെ വിമാന ടിക്കറ്റിന്റെ പണവും നഷ്ടമായി.
ചേലക്കാട് സ്വദേശി മൂരിപ്പറമ്പത്ത്  മുഹമ്മദ് ഹിശാമിനാണ് കോവിഡ് പോസിറ്റീവായതിനാൽ യാത്ര മുടങ്ങിയത്. 
ആദ്യമായി ദുബായിലേക്ക് പോവുന്ന ഇദ്ദേഹം രണ്ട് ദിവസം മുമ്പ് നാദാപുരത്തെ സ്വകാര്യ ക്ലിനിക്കിൽ ആർ ടി പി സി ആർ ടെസ്റ്റിന് വിധേയ നായിരുന്നു . ഇതിന്റെ പരിശോധന ഫലം ഇന്നലെ വൈകീട്ട് ക്ലിനിക്കിൽ എത്തിയെങ്കിലും ഇവർ മറച്ചു വെച്ചു എന്നാണ് യുവാവ് പറയുന്നത്. 
ഇന്ന് രാവിലെ മാത്രമാണ് ഇയാൾ കോവിഡ് പോസിറ്റീവ് ആണെന്ന് മനസ്സിലാവുന്നത് . അത്കൊണ്ട് തന്നെ വിമാന ടിക്കറ്റ് ക്യാൻസൽ ചെയ്യാൻ ഇദ്ദേഹത്തിന് സാധിച്ചില്ല .ഫലം  വന്ന സമയത്ത് തന്നെ ഇദ്ദേഹത്തെ വിവരം അറിയിച്ചിരുന്നെങ്കിൽ സാമ്പത്തിക നഷ്ടം ഒഴിവാക്കാമായിരുന്നു എന്നാണ് മുഹമ്മദ് ഹിഷാം പറയുന്നത് . അതെസമയം ആരോഗ്യ വകുപ്പിനെയും പോലീസ് ഉദ്യോഗസ്ഥരെയും ഹിശാമിന്റെ പരിശോധന ഫലം പോസിറ്റീവ് ആണെന്ന വിവരം ഇന്നലെ വൈകീട്ട് തന്നെ അറിയിച്ചതായി ക്ലിനിക് മാനേജർ പറഞ്ഞു . എന്നാൽ സ്വകാര്യ ക്ലിനിക്കിൽ നിന്ന് നടത്തിയ പരിശോധന യുടെ ഫലം അവർ തന്നെയാണ് പാർട്ടിയെ അറിയിക്കണ്ടതെന്നും ആരോഗ്യ വകുപ്പ് ഇക്കാര്യത്തിൽ കുറ്റക്കാരല്ലെന്നുമാണ് ഹെൽത്ത് ഇൻസ്‌പെക്ടർ നൽകുന്ന വിശദീകരണം .

തൂണേരി:  വെള്ളൂരിൽ   നടന്ന അണ്ടർ 19 ഫുട്ബോൾ ടൂർണമെന്റ് സമാപിച്ചു  വിവ വെള്ളൂർ ജേതാക്കളും. 
ലീ യുനൈറ്റഡ് പെരിങ്ങത്തൂർ റണ്ണേഴ്സ് അപ്പുമായി. ജേതാക്കൾക്ക് 5001രൂപയും ട്രോഫിയും റണ്ണേഴ്സ് അപ്പിന്  2001രൂപയും ട്രോഫി യും തൂണേരി ഗ്രാമ പഞ്ചായത്ത് മുൻ പ്രസിഡന്റ് കെപിസി തങ്ങൾ വിതരണം ചെയ്തു. ചടങ്ങിൽ നാദാപുരം ഗ്രാമ പഞ്ചായത്ത്‌ മെമ്പർ അബ്ബാസ് കണക്കൽ, ഇസ്മായിൽ റുബിയാൻ, ഫസൽ മാട്ടാൻ ,എ പി  സിറാജ്, റിയാസ് എപി തുടങ്ങിയവർ സംബന്ധിച്ചു.

നാദാപുരം: ചെക്യാട് കുടുംബരോഗ്യ കേന്ദ്രത്തിൽ  നാളെ ( ചൊവ്വ ) രാവിലെ   9.30 മുതൽ കോവിഡ് പരിശോധന നടക്കും.
ആന്റിജൻ ടെസ്റ്റും ആർ ടി പി സി ആർ  ടെസ്റ്റും ഉണ്ടായിരിക്കും.
പരിശോധനക്ക് വരുന്നവർ  ആരോഗ്യ പ്രവർത്തകർക്ക്  നേരത്തെ പേര് നല്കേണ്ടതാണെന്ന് പഞ്ചായത്ത് പ്രസിഡണ്ട് നസീമ കൊട്ടാരത്ത്, മെഡിക്കൽ ഓഫീസർ ഡോ. അനിൽ കുമാർ എന്നിവർ അറിയിച്ചു.

പാറക്കടവ്: ഉമ്മത്തൂർ എസ്.ഐ ഹയർ സെക്കണ്ടറി സ്കൂളിൽ നിന്നും സ്റ്റുഡൻ്റ് പൊലിസ് കാഡറ്റ് പദ്ധതിയിൽ പരിശീലനം ലഭിച്ച് പടിയിറങ്ങിയ കാഡറ്റുകളുടെ സംഗമം സംഘടിപ്പിച്ചു. 
സംസ്ഥാന തലത്തിൽ രൂപീകൃതമായ സ്റ്റുഡൻ്റ് വളണ്ടിയർ കോർപ്സ്    അംഗങ്ങളുടെ നേതൃത്വത്തിൽ സംഘടിപ്പിച്ച സംഗമം ചെക്യാട് ഗ്രാമപഞ്ചായത്ത് പ്രസിഡൻ്റ് നസീമ കൊട്ടാരത്ത് ഉദ്ഘാടനം ചെയ്തു. ചെയർമാൻ ടി.കെ മുഹമ്മദ് അധ്യക്ഷനായി. എസ്.പി.സി ജില്ലാ അസി. നോഡൽ ഓഫീസർ സന്തോഷ് കുമാർ മുഖ്യ പ്രഭാഷണം നടത്തി. ഗ്രൈസ് ചാരിറ്റി ലോഗോ പ്രകാശനവും  പ്രഖ്യാപനവും വാർഡ് അംഗം ടി.കെ ഖാലിദ് മാസ്റ്റർ നിർവ്വഹിച്ചു. സബ് ഇൻസ്പെക്ടർ സുധീർ കുമാർ , പി.ടി.എ പ്രസിഡൻ്റ് സി.കെ അൻവർ , കമ്മ്യൂണിറ്റി പൊലിസ് ഓഫീസർമാരായ പി.പി അബ്ദുൽ ഹമീദ് , പി.കെ സജില , എസ് .സി.പി.ഒ ഷാനി , കെ രഞ്ജിനി , യു.സി അബ്ദുൽ വാഹിദ് , എ സുരേന്ദ്രൻ , കെ.പി നിഹാൽ , ബി.കെ അഭിനവ് , ഒ ഫായിസ് , ദാന ബശീർ , സഫ പർവീൻ  സംസാരിച്ചു.

വാണിമേൽ: കുടുംബത്തിലെ മതിർന്ന മരുമകൾ പി സുരയ്യ ടീച്ചർ വാണിമേൽ ഗ്രാമ പഞ്ചായത്ത് പ്രസിഡൻ്റായി സ്ഥാനമേറ്റപ്പോൾ സന്തോഷം പങ്കിടാൻ പണിക്കറവീട്ടിലെ മർഹും അന്ത്രു കണ്ണോത്ത് ഖദീജ ദമ്പതികളുടെ എട്ട് മക്കളും അവരുടെ കുടുംബാങ്ങങ്ങളും കൂടിയപ്പോൾ സ്വീകരണം ഹൃദ്യമായി.വി മൊയ്തു മാസ്റ്റർ അദ്ധ്യക്ഷത നിർവ്വഹിച്ച പരിപാടി തൂണേരി ബ്ലോക്ക് പഞ്ചായത്ത് മൂൻ മെമ്പർ തെങ്ങലക്കണ്ടി അബ്ദുള്ള ഉത്ഘാടനം ചെയ്തു. മുസ്ലിം യൂത്ത്ലീഗ് അഖിലേന്ത്യ ജനറൽ സെക്രട്ടറി സി കെ സുബൈർ ഉപഹാരസമർപ്പണവും നാസർ മൗലവി ഉത്ബോധന ഭാഷണവും നടത്തി.പി വി അമ്മദ് മാസ്റ്റർ, പി വി സൂപ്പി, റഫീഖ് വില്ല്യാപ്പള്ളി, നൗഫൽ മൊട്ടേമ്മൽ, മുജീബ്, സഹീർ വി കെ, ജൗഹർ പി വി, ശഫീന അഫ്സൽ കുറ്റ്യാടി, അനീസ് ടി കെ,എന്നിവർ ആശംസകൾ നേർന്ന പരിപാടിക്ക് ഫാസിൽ പി വി നന്ദി പറഞ്ഞു.

നാദാപുരം: ഡൽഹിയിൽ കേന്ദ്ര കർഷകവിരുദ്ധ നിയമത്തിനെതിരെ സമരം ചെയ്യുന്ന കർഷകർക്ക് ഐക്യദാർഡ്യം പ്രഖ്യാപിച്ച് എൽ.ജെ.ഡി നാദാപുരം മണ്ഡലം കമ്മറ്റിയുടെ ആഭിമുഖ്യത്തിൽ തൂണേരിയിൽ സായാഹ്ന ധർണ്ണ നടത്തി. ജില്ലാ പ്രസിഡണ്ട് മനയത്ത് ചന്ദ്രൻ ഉദ്ഘാടനം ചെയ്തു. മണ്ഡലം പ്രസിഡണ്ട് പി.എം നാണു അധ്യക്ഷത വഹിച്ചു. എം. വേണുഗോപാല കുറുപ്പ്, വത്സരാജ് മണലാട്ട്, കെ. നാരായണൻ, ഇ.കെ കുഞ്ഞിക്കണ്ണൻ എന്നിവർ പ്രസംഗിച്ചു. എം.പി വിജയൻ മാസ്റ്റർ സ്വാഗതവും ടി.രാമകൃഷ്ണൻ നന്ദിയും പറഞ്ഞു.

നാദാപുരം: നാദാപുരം ലേബർ കോൺട്രാക്ട് സൊസൈറ്റി ജനറൽ ബോഡി മീറ്റിങ്ങിൽ കോൺഗ്രസും ലീഗും തമ്മിൽ മത്സരം. 11 അംഗങ്ങളുള്ള ഡയറക്ടർ ബോർഡിൽ 8 അംഗങ്ങളാണ് കോൺഗ്രസിനുള്ളത്. എന്നാൽ കോൺഗ്രസിലെ ഭിന്നത മൂലം മൂന്ന് അംഗങ്ങളുള്ള ലീഗിലെ ഒ.സി ജയൻ പ്രസിഡന്റായി തെരഞ്ഞെടുക്കപ്പെട്ടു. ഇത് തെരഞ്ഞെടുപ്പിന് ശേഷം നാദാപുരത്തെ ഓഫിസിനു സമീപം കോൺഗ്രസ് പ്രവർത്തകർ തമ്മിൽ വാക്കേറ്റതിനിടയായി. കോൺഗ്രസിലെ ഒരു വിഭാഗം കാലുവാരിയെന്നാരോപിച്ചായിരുന്നു ഇരു വിഭാഗവും തമ്മിൽ ഓഫിസ് പരിസരത്ത് വാക്കേറ്റമുണ്ടായത്. നാദാപുരം പൊലിസ് സ്ഥലത്തെത്തി ഇരു വിഭാഗത്തെയും പറഞ്ഞുവിട്ടു. പ്രസിഡന്റായി ഒ.സി ജയൻ വാണിമേലിനെയും വൈസ് പ്രസിഡന്റായി ആയിഷ നാദാപുരത്തിനെയും തെരഞ്ഞെടുത്തു.

നാദാപുരം:  എൻ.ജി.ഒ. അസോസിയേഷൻ മുൻ ജില്ലാ പ്രസിഡണ്ടും, സ്റ്റേറ്റ് എംപ്ലോയീസ് ആൻ്റ് ടീച്ചേഴ്സ് ഓർഗനൈസേഷൻ ജില്ലാ ചെയർമാനും, യുനൈറ്റഡ് ടീച്ചേഴ്സ് ആൻറ് എംപ്ലോയീസ് ഫെഡറേഷൻ ജില്ലാ ചെയർമാനുമായിരുന്ന എൻ.പി ബാലകൃഷ്ണനെ അനുസ്മരിച്ചു.  എൻ.ജി.ഒ. അസോസിയേഷൻ നാദാപുരം ബ്രാഞ്ച് കമ്മിറ്റി നടത്തിയ അനുസ്മരണം കെ.പി.സി.സി സെക്രട്ടറി വി.എം ചന്ദ്രൻ ഉദ്ഘാടനം ചെയ്തു.  ഏറ്റെടുക്കുന്ന പദവികളോട് നീതി പുലർത്തുകയും സംഘടനാ പ്രവർത്തനത്തിൻ്റെ നല്ല ശൈലി പുതുതലമുറക്ക് പകർന്ന് നൽകുകയും ചെയ്ത അപൂർവ്വ വ്യക്തിത്വമായിരുന്നു എൻ.പി.ബാലകൃഷ്ണനെന്ന് അദ്ദേഹം പറഞ്ഞു. ബ്രാഞ്ച് പ്രസിഡണ്ട് വി.പി.സുനിൽകുമാർ അധ്യക്ഷത വഹിച്ചു.  ജില്ലാ പ്രസിഡണ്ട് കെ.പ്രദീപൻ അനുസ്മരണ പ്രഭാഷണം നടത്തി. സംസ്ഥാന സെക്രട്ടറിയേറ്റ് അംഗം ശശികുമാർ കാവാട്ട്, ജില്ലാ സെക്രട്ടറി പ്രേംനാഥ് മംഗലശ്ശേരി, സംസ്ഥാന കമ്മിറ്റി അംഗങ്ങളായ കെ.സന്തോഷ് കുമാർ , കെ.ദിനേശൻ, നേതാക്കളായ ഒ.സൂരജ്, ടി ജൂബേഷ്, എം.പി നന്ദകുമാർ, വി.എൻ.കെ സുനിൽകുമാർ, എം.പി പ്രജീഷ്, എം.വി.സിദ്ദീഖ്   എന്നിവർ സംസാരിച്ചു.

തൂണേരി:  വെള്ളൂരിൽ  വിവ ആർട്സ് & സ്പോർട്സ് ക്ലബ്‌ നടത്തിയ അണ്ടർ 19  ഫുട്ബോൾ ടൂർണമെന്റ്  ഗ്രാമപഞ്ചായത്ത്‌ പ്രസിഡന്റ് പി ഷാഹിന ഉദ്ഘാടനം ചെയ്തു.. വാർഡ് മെമ്പർ രജില കിഴക്കുംകരമൽ അധ്യക്ഷത വഹിച്ചു.
മുൻ ഗ്രാമ പഞ്ചായത്ത്‌ പ്രസിഡന്റ്  പി പി സുരേഷ് കുമാർ, എം കെ സമീർ, വി കെ രജീഷ്, ഫസൽ മാട്ടാൻ, സിറാജ് എ.പി, ആശിർ വി പി, റിയാസ് എപി, റാഷിദ്‌ നാമത്ത്   തുടങ്ങിയവർ സംസാരിച്ചു.

നാദാപുരം: ആദിവാസി കോളനികളിലെ നിർമാണ പ്രവൃത്തികളുമായി ബന്ധപ്പെട്ട യോഗത്തിൽ ജില്ലാ കലക്ടർ രോഷാ കുലനായി. ഇന്ന് കാലത്ത് പന്നിയേരി സാംസ്കാരിക നിലയത്തിൽ എം എൽ എ യുടെയും ജന പ്രതിനിധി കളുടെയും സാന്നിധ്യത്തിൽ ചേർന്ന 
അവലോകന യോഗത്തിലാണ് കലക്ടർ പൊട്ടിത്തെറിച്ചത്.
ഇന്ന് രാവിലെ പതിനൊന്ന് മണിയോടെയാണ് കളക്ടർ സാംബശിവ റാവു , ഇ കെ വിജയൻ എം എൽ എ , തൂണേരി ബ്ലോക്ക് പ്രസിഡന്റ് വനജ , വാണിമേൽ പഞ്ചായത്ത് പ്രസിഡന്റ് സുരയ്യ ടീച്ചർ ,ട്രൈബൽ ഡെവലപ്‌മന്റ്‌ ഓഫീസർ മുഹമ്മദ് നഈം തുടങ്ങിയവർ പന്നിയേരി ആദിവാസി കോളനിയിൽ എത്തിയത് . 
അവിടെ സാംസ്‌കാരിക നിലയത്തിൽ കോളനി വാസികളുമായി ചർച്ച നടത്തി .വിലങ്ങാട് വിവിധ കോളനികളിലെ നിർമ്മാണ പ്രവർത്തനങ്ങൾ , കുടിവെള്ള പദ്ധതികൾ തുടങ്ങിയവയ്‌ക്കായി സർക്കാർ പത്ത് കോടി രൂപയോളം അനുവദിച്ചിരുന്നു .
ഇതിന്റെ പ്രവർത്തി ഏറ്റെടുത്തത് എറണാകുളം കേന്ദ്രമായി പ്രവർത്തിക്കുന്ന എഫ് ഐ ടി എന്ന ഏജൻസിയാണ് . 
എഫ്ഐ ടിയുടെ പ്രതിനിധികളും  യോഗത്തിന് എത്തിയിരുന്നു . നിർമ്മാണ പ്രവർത്തി മന്ദഗതിയിലായതിനെ തുടർന്ന് എഫ്  ഐ ടി ഉദ്യോഗസ്ഥരെ കളക്ടർ രൂക്ഷ ഭാഷയിൽ വിമർശിക്കുകയും ക്രിമിനൽ കേസ് ഉൾപ്പെടെയുള്ള നടപടികൾ സ്വീകരിക്കുമെന്ന് മുന്നറിയിപ്പ് നൽകുകയും ചെയ്തു .

തൂണേരി: ബ്ലോക്ക്, ഗ്രാമ പഞ്ചായത്തിലേക്ക് ജയിച്ച എൽ.ഡി.എഫ് അംഗങ്ങൾക്കും ജില്ലാ പഞ്ചായത്ത് എടച്ചേരി ഡിവിഷനിൽ നിന്നും വിജയിച്ച   കൂടത്താം കണ്ടി സുരേഷിനും സ്വീകരണവും റാലിയും നടത്തി. ബ്ലോക്ക് ഓഫീസ് പരിസരത്ത് നിന്ന് ആരംഭിച്ച റാലി തൂണേരി ടൗണിൽ സമാപിച്ചു. സ്വീകരണ സമ്മേളനം  സി.പി.എം ജില്ലാ സെക്രട്ടറിയേറ്റ് മെമ്പർ വി.പി കുഞ്ഞികൃഷ്ണൻ ഉദ്ഘാടനം ചെയ്തു. പി.എം നാണു അധ്യക്ഷത വഹിച്ചു. പി.പി ചാത്തു, എം.ടി ബാലൻ, എം.പി വിജയൻ, നെല്യേരി ബാലൻ, ബ്ലോക്ക് പഞ്ചായത്ത് പ്രസിഡണ്ട് കെ.പി വനജ, വൈസ് പ്രസിഡണ്ട് ടി.കെ അരവിന്ദാക്ഷൻ, ജില്ലാ പഞ്ചായത്തംഗം കൂടത്താങ്കണ്ടി സുരേഷ്, രജീന്ദ്രൻ കപ്പള്ളി, ടി.ജിമേഷ് , ഇ.കെ രാജൻ എന്നിവർ പ്രസംഗിച്ചു.

വാണിമേൽ: കൊവിഡ് നിയന്ത്രണങ്ങളോടെ വിദ്യാലയങ്ങൾ തുറന്ന ദിവസം തന്നെ വിദ്യാർത്ഥികൾക്ക് മാസ്ക് വിതരണം ചെയ്ത് വാർഡ് മെമ്പർ മാതൃകയായി.
വാണിമേൽ ഗ്രാമ പഞ്ചായത്ത് നാലാം വാർഡ് മെമ്പർ വി കെ മൂസ മാസ്റ്ററാണ് 
ക്രസന്റ് ഹയർ സെക്കണ്ടറി സ്കൂളിലെ മുഴുവൻ വിദ്യാർത്ഥികൾക്കും മാസ്കുമായി എത്തിയത്. 
സ്കൂളിൽ നടന്ന ചടങ്ങിൽ
പ്രിൻസിപ്പൽ എൻ കെ മൂസ മാസ്റ്റർ ഏറ്റുവാങ്ങി. 
ഹെഡ്മാസ്റ്റർ ടി പി അബ്ദുൽ കരീം, മാനേജിംഗ് കമ്മിറ്റി സെക്രട്ടറി എം കെ അഷ്‌റഫ്, അധ്യാപകരായ പി ഷൗക്കത്തലി, ഒ സുധി ലാൽ, ഷസ്നിയ തുടങ്ങിയവർ സംബന്ധിച്ചു.

നാദാപുരം : ഗ്രാമ പഞ്ചായത്തിലെ ജനപ്രതിനിധികളും ജീവനക്കാരും ചേർന്ന് നടത്തിയ പുതു വർഷാഘോഷം വേറിട്ട  അനുഭവമായി. പരസ്പരം പരിചയപ്പെട്ട ശേഷം ഭാവി വികസന പ്രവർനങ്ങളും ചർച്ച ചെയ്തു.കേന്ദ്ര- സംസ്ഥാന ഫണ്ടുകളും തനത് ഫണ്ടുകളും ഉപയോഗിച്ച് വരും നാളുകളിലെ വികസന പ്രവർത്തനങ്ങൾ മുന്നോട്ടു കൊണ്ടു പോവാമെന്ന് പ്രസിഡണ്ട് വി.വി. മുഹമ്മദലിയും സെക്രട്ടറി എം.പി രജുലാലും പറഞ്ഞു . പഞ്ചായത്തിലെ ജനങ്ങൾക്ക് നൽകിയ പുതുവത്സര സന്ദേശത്തിലാണ് ഇവർ നയം വ്യക്തമാക്കിയത്.

നാദാപുരം: വിവിധയിനം കേക്കുകൾ നിർമിച്ച സമൂഹ മാധ്യമങ്ങളിൽ തരംഗമായി മാറിയ യുവതി അന്തേവാസി കൾക്ക് ന്യൂ ഇയർ കേക്കുകളുമായി എടച്ചേരി തണലിൽ എത്തി. ഇരിങ്ങണ്ണൂരിലെ പാലപ്പറമ്പത്ത് സുവൈബത്തുൽ അസ്ലമിയയാണ്  
മക്കളായ അയന, അമൽ എന്നിവർക്കൊപ്പം  തണലിലെത്തി  കേക്കുകൾ കൈമാറിയത്.
എം.എസ് സി ബയോ കെമിസ്ട്രിയിൽ റാങ്ക് 
ജേതാവായ ഈ ഇരുപത്തിയഞ്ചുകാരി 
കൊവിഡ് തീർത്ത ലോക് ഡൗൺ കാലത്ത് നിർമിച്ച വ്യത്യസ്തയിനം കേക്കുകൾ ഏറെ ശ്രദ്ധ പിടിച്ചുപറ്റിയിരുന്നു. ആഘോഷവേളകളിൽ മധുരം നിറക്കുന്ന ഈ യുവതി തണലിലെ അന്തേവാസികൾക്കും മധുരം നൽകാൻ  ആഗ്രഹിച്ചിരുന്നു. 
ഇന്നലെ വൈകീട്ട് മുഴുവൻ അന്തേവാസികൾക്കും നൽകാനുള്ള കേക്കുകളുമായി തണലിൽ എത്തി 
അഡ്മിനിസ്ട്രേറ്റർ രാജന് കൈമാറുകയായിരുന്നു.

ചെക്യാട്:  ഗ്രാമപഞ്ചായത്ത് ജാതിയേരി വാർഡിൽ നിന്നും തെരഞ്ഞെടു ക്കപ്പെട്ട പി.കെ.ഖാലിദ് മാസ്റ്റർ പുതുവർഷ സമ്മാനമായി വാർഡിലെ കുട്ടികൾക്ക് സ്പോർട്സ് കിറ്റുകൾ വിതരണം ചെയ്തു.വാർഡിലെ വിവിധ ഭാഗങ്ങളിൽ ക്ലബുകൾ രൂപീകരിച്ച് പരിശീലനം ഉൾപ്പെടെയുള്ള പരിപാടികൾ സംഘടിപ്പിക്കുവാനും തീരുമാനിച്ചിട്ടുണ്ട്.

വാണിമേൽ:  ഗ്രാമ പഞ്ചായത്തിലെ ഒന്നാം വാർഡിൽ പുതുവർഷ ദിനത്തിൽ മൂന്ന്  റോഡുകളുടെ ഉദ്ഘാടന ത്തോടെ പുതിയ ഭരണസമിതിയുട വികസന പ്രവർത്തനങ്ങൾക്ക് തുടക്കം കുറിച്ചു. മഹാമാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി കോൺക്രീറ്റ് ചെയ്ത കുറ്റിയിൽ - പടിഞ്ഞാറക്കണ്ടി റോഡ്, നാലുകണ്ടത്തിൽ - കാപ്പ് റോഡ്, കുറ്റിയിൽ - കുന്നിയുള്ളതിൽ റോഡ്  എന്നിവയുടെ ഉദ്ഘാടനം ഗ്രാമ പഞ്ചായത്ത് പ്രസിഡണ്ട് പി.സുരയ്യ ടീച്ചർ നിർവ്വഹിച്ചു.
വാർഡ് മെമ്പർ കണ്ടിയിൽ ഫാത്തിമ അദ്ധ്യക്ഷം വഹിച്ചു..
ബ്ലോക്ക് പഞ്ചായത്ത് അംഗം സുഹ്റ തണ്ടന്റവിട , അഷ്റഫ് കൊറ്റാല, കെ.ടി. അമ്മത് മാസ്റ്റർ കെ.ബാലകൃഷ്ണ ൻ . കണ്ടിയിൽ മുഹമ്മദ്, കെ. രാജൻ, ഷീഖത്ത് കെ.കെ . മമ്മു കളത്തിൽ . നിസാർ 
കെ , അബ്ദുല്ലഹാജി കുറ്റിയിൽ മുത്തലിബ് എൻ.കെ തുടങ്ങിയവർ പ്രസംഗിച്ചു.

തൂണേരി: ശിഹാബ്‌ തങ്ങള്‍ റിലീഫ് സെല്‍ തൂണേരി വില്ലേജ് ഓഫീസില്‍ പൊതുജനങ്ങള്‍ക്ക് കുടിവെള്ള സംവിധാനം ഒരുക്കുന്നതിന്‍റെ ഭാഗമായി നല്‍കിയ വാട്ടര്‍ പ്യൂരിഫയര്‍ ഗ്രാമപഞ്ചായത്ത് പ്രസിഡണ്ട് പി.ഷാഹിന വില്ലേജ് ഓഫീസര്‍ കെ.നന്ദകുമാറിന് കൈമാറി. ചടങ്ങല്‍ എം.കെ സമീര്‍, സി.കെ ബഷീര്‍, എ.കെ.ടി കുഞ്ഞമ്മദ്, സി.ഹമീദ് മാസ്റ്റര്‍, സാലിഹ് കെ.യു, എന്‍.കെ ഉസ്മാന്‍, മുഹമ്മദ് പേരോട്, ഫിര്‍ദൌസ് നാളൂര്‍, സലാം തൂണേരി, അഫ്സല്‍ വേറ്റുമ്മല്‍, ഇല്യാസ് കൊയിലോത്ത്, നജീബ് മാസ്റ്റര്‍ ജീവനക്കാരായ രജീഷ്, വീണ തുടങ്ങിയവര്‍ സംബന്ധിച്ചു.

നാദാപുരം: തുണേരി ഗ്രാമ പഞ്ചായത്തിൽ പ്രസിഡണ്ട് അരങ്ങേറ്റം കുറിച്ചത് റോഡ് ഉദ്ഘാടനത്തോടെ . 
വെള്ളുർ നോർത്ത് പതിനൊന്നാം  വാർഡിൽ മഹാത്‌മ ഗാന്ധി ദേശിയ ഗ്രാമീണ തൊഴിലുറപ്പു പദ്ധതിയിൽ ഉൾപ്പെടുത്തി കോൺഗ്രീറ്റ് പ്രവൃത്തി പൂർത്തീകരിച്ച പറക്കുന്നത്ത് മുക്ക് - കാട്ടുമഠത്തിൽ റോഡാണ്  ഗ്രാമ പഞ്ചായത്ത് പ്രസിഡന്റ് പി ഷാഹിന ഉത്ഘാടനം ചെയ്തത് . വാർഡ് മെമ്പർ  കിഴക്കുംകരമൽ രജില അധ്യക്ഷയായി  . പി പി സുരേഷ് കുമാർ, വി കെ രജീഷ്.,  കെ എം അബൂബക്കർ ഹാജി,  ഫസൽ മാട്ടാൻ , പി കെ സി ഹമീദ്, റഹീം പറക്കുന്നത്, നൗഷാദ്  
എം പി .എന്നിവർ സംബന്ധിച്ചു.

വടകര: കർഷകദ്രോഹ നിയമങ്ങൾ പിൻവലിക്ക' ണമെന്നും ഇലക്ട്രിസിറ്റി നിയമങ്ങൾ ഉൾപ്പെടെ യുളള കരിനിയമങ്ങൾ 
റദ്ദ് ചെയ്യണമെന്നും ആവശ്യപ്പെട്ട് കൊടും ശൈത്യത്തേയും കേന്ദ്ര സർക്കാരിൻ്റെ മർദ്ദന സംവിധാനങ്ങളേയും നേരിട്ട് ഒരു മാസത്തിലേറെയായി രാജ്യ തലസ്ഥാനത്ത് സമരം ചെയ്യുന്ന കർഷക സമരത്തിന് അഭിവാദ്യം ചെയ്ത് സി.ഐ ടി യു വടകര ഏരിയ കമ്മിറ്റി നേതൃത്വത്തിൽ വടകര ഹെഡ് പോസ്റ്റ് ഓഫീസിലേക്ക് തൊഴിലാളികൾ മാർച്ച് നടത്തി മാർച്ച് കർഷക സംഘം ജില്ലാ വൈസ് പ്രസിഡണ്ട് സി.ഭാസ്ക്കരൻ മാസ്റ്റർ ഉദ്ഘാടനം ചെയ്തു ടി.പി.ഗോപാലൻ, വേണു കക്കട്ടിൽ സംസാരിച്ചു. എ.കെ.ബാലൻ അധ്യക്ഷനായിരുന്നു. വി.കെ. വിനു സ്വാഗതം പറഞ്ഞു.

എടച്ചേരി :  ഇടതു മുന്നണി മെമ്പർ മാർക്കും പഞ്ചായത്ത് പ്രസിഡണ്ട് എൻ.പത്മിനി ടീച്ചർ, വൈസ് പ്രസിഡണ്ട് എം രാജൻ, തൂണേരി ബ്ലോക്ക് പഞ്ചായത്ത് വൈസ് പ്രസിഡണ്ട് ടി.കെ അരവിന്ദാക്ഷൻ, ബ്ലോക്ക് മെമ്പർ എ ഡാനിയ മറ്റ് ഇടതു മുന്നണി പഞ്ചായത്ത് മെമ്പർമാർ എന്നിവർക്കും എൽ.ഡി.എഫ് എടച്ചേരി പഞ്ചായത്ത് കമ്മറ്റിയുടെ ആഭിമുഖ്യത്തിൽ എടച്ചേരിയിൽ സ്വീകരണം നൽകി. സ്വീകരണ സമ്മേളനം വി.പി കുഞ്ഞികൃഷ്ണൻ ഉദ്ഘാടനം ചെയ്തു.സി.സുരേന്ദ്രൻ മാസ്റ്റർ അധ്യക്ഷത വഹിച്ചു.ടി.കെ രാജൻ മാസ്റ്റർ, വത്സരാജ് മണലാട്ട്, പി.കെ ബാലൻ മാസ്റ്റർ, വി.കുഞ്ഞിക്കണ്ണൻ, ടി.കെ അരവിന്ദാക്ഷൻ, എൻ പത്മിനി ടീച്ചർ ,എം രാജൻ എന്നിവർ സംസാരിച്ചു. എൽ.ഡി.എഫ് പഞ്ചായത്ത് കമ്മറ്റി ജനറൽ കൺവീനർ വി.രാജീവ് സ്വാഗതമാശംസിച്ചു എടച്ചേരി ടൗണിൽ ജനപ്രതിനിധികളെ ആനയിച്ചുകൊണ്ട് എൽ.ഡി.എഫ് പ്രവർത്തകർ ആഹ്ലാദ പ്രകടനവും നടത്തി.

വാണിമേൽ: നാളെ നടക്കുന്ന ഗ്രാമ പഞ്ചായത്ത് പ്രസിഡണ്ട്, വൈസ് പ്രസിഡണ്ട് എന്നിവരുടെ സത്യ പ്രതിജ്ഞാ ചടങ്ങിന് വാണിമേലിൽ നിയന്ത്രണം ഏർപ്പെടുത്തി. പഞ്ചായത്ത് ഓഫീസിലെ ജീവനക്കാർക്ക് കൊവിഡ് സ്ഥിരീകരിച്ചതിനെ തുടർന്നാണ് നിയന്ത്രണം. 
രാവിലെ പത്തരക്ക് പ്രസിഡണ്ടിന്റെയും ഉച്ച തിരിഞ്ഞ് വൈസ് പ്രസിഡണ്ടിന്റെയും സത്യ പ്രതിജ്ഞയാണ് നടക്കുക.
ചടങ്ങിൽ പഞ്ചായത്ത് മെമ്പർമാരും പ്രത്യേകം ക്ഷണിക്കപ്പെട്ടവരും മാത്രമാണ് പങ്കെടുക്കുക.

നാദാപുരം:  ചെക്യാട് പഞ്ചായത്തിൽ മുസ്ലിം ലീഗ് പാർലമെന്ററി ബോർഡ് ഏകകണ്ഠമായി  തീരുമാനിച്ച  നസീമ കൊട്ടാരത്തിന് പ്രസിഡണ്ട് തെരഞ്ഞെടുപ്പിൽ വോട്ട് ചെയ്യണമെന്ന് മുഴുവൻ യു ഡി എഫ് അംഗങ്ങൾക്കും വിപ്പ് നൽകി. ലീഗ് - കോൺഗ്രസ് അംഗങ്ങൾക്ക് അതാത് പാർട്ടി സെക്രട്ടറിമാരാണ് വിപ്പ് നൽകിയത്. വൈസ് പ്രസിഡണ്ടായി കോൺഗ്രസിലെ കെ പി കുമാരനും വോട്ട് ചെയ്യാൻ വിപ്പിൽ നിർദ്ദേശമുണ്ട്.
ഇന്നലെ ചെക്യാട് പഞ്ചായത്ത് കമ്മിറ്റി വിളിച്ചുചേർത്ത പുതിയ മെമ്പർമാരുടെ യോഗം മുന്നംഗങ്ങൾ ബഹിഷ്കരിച്ചെന്ന വാർത്ത അടിസ്ഥാന രഹിതമാണെന്ന് പഞ്ചായത്ത് ലീഗ് ജനറൽ സെക്രട്ടറി സി എച്ച് ഹമീദ് പറഞ്ഞു. വേവം, പുളിയാവ്, ചെക്യാട് വാർഡുകളിലെ അംഗങ്ങൾ  യോഗത്തിൽനിന്നും വിട്ടുനിന്നെന്നായിരുന്നു വാർത്ത. എന്നാൽ ഇവർ ഉൾപ്പെടെ എല്ലാ യു ഡി എഫ് അംഗങ്ങളും വിപ്പ് ഒപ്പിട്ടു വാങ്ങിയതായും അദ്ദേഹം അറിയിച്ചു.
ഉമ്മത്തൂർ പതിനഞ്ചാം വാർഡിൽനിന്നും വിജയിച്ച നസീമ കൊട്ടാരത്തെ പ്രസിഡന്റായി ലീഗ് പഞ്ചായത്ത് നേതൃത്വം ദിവസങ്ങൾക്ക് മുമ്പാണ്  പ്രഖാപിച്ചത്. ആദ്യത്തെ 4 വർഷമാണ് നസീമ പ്രസിഡണ്ടാവുക. വേവം വാർഡിൽനിന്നും വിജയിച്ച സി.എച്ച്. സമീറയ്ക്ക് അവസാനത്തെ ഒരു വർഷം പ്രസിഡണ്ട് സ്ഥാനം നൽകാനും തീരുമാനിച്ചിരുന്നു.
15 അംഗ ഭരണ സമിതിയിൽ ഏഴംഗങ്ങൾ  മുസ്‌ലിം ലീഗിനും 3 പേർ കോൺഗ്രസിനുമുണ്ട്. രണ്ട് അംഗങ്ങൾ വിമതരാണ്. 3 അംഗങ്ങളാണ്  
സി പി എമ്മിനുള്ളത്.

നാദാപുരം: യു ഡി എഫിന് വ്യക്തമായ ഭൂരിപക്ഷമുള്ള നാദാപുരം ഗ്രാമ പഞ്ചായത്തിൽ കോൺഗ്രസിലെ അഖില മര്യാട്ട് വൈസ് പ്രസിഡണ്ടാകും. ഇന്നലെ ചേർന്ന പാർട്ടി നേതൃ യോഗത്തിലാണ് തീരുമാനം. ഔദ്യോഗിക പ്രഖ്യാപനം ഇന്നുണ്ടാകും. 
ബിരുദാനന്തര ബിരുദ ധാരിയായ അഖില പയന്തോങ്ങിലെ  ഹൈടെക് ആർട്സ് ആന്റ് സയൻസ് കോളജിൽ അധ്യാപികയാണ്. തെരുവം പറമ്പ് ഏഴാം വാർഡിൽ നിന്ന് 277 വോട്ടിന്റെ ഭൂരിപക്ഷത്തിനാണ് വിജയിച്ചത്. മികച്ച സംഘാടകയും പ്രഭാഷകയുമായ ഇവർ ആദ്യമായാണ് ജനപ്രതിനിധിയാകുന്നത്.

നാദാപുരം: കായക്കൊടി ഗ്രാമ പഞ്ചായത്ത് ഇത്തവണ ആര് ഭരിക്കുമെന്ന് തീരുമാനിക്കാൻ നറുക്കെടുപ്പ് വേണ്ടി വരും. 
16 അംഗ ഭരണ സമിതിയിൽ 8 പേർ 
എൽ ഡി എഫും 7 പേർ യു ഡി എഫുമാണ്.
ഒരംഗം യു ഡി എഫിനെതിരെ റബലായി മൽസരിച്ചു വിജയിച്ചതാണ്. മുസ്ലിം ലീഗ് പ്രാദേശിക നേതാവ് കുമ്പളങ്കണ്ടി അഹമ്മദാണ് റബലായി മൽസരിച്ചു ജയിച്ചത്. 
30 ന് നടക്കുന്ന പ്രസിഡണ്ട് തെരഞ്ഞെടുപ്പിൽ ഇദ്ദേഹം യു ഡി എഫ് സ്ഥാനാർത്ഥിക്ക് വോട്ട് ചെയ്യും. ഈ സാഹ ചര്യത്തിൽ യു ഡി എഫിനും എൽ ഡി എഫിനും 8 വീതം വോട്ടുകൾ ലഭിക്കും. തുടർന്ന് നറുക്കെടുപ്പിലൂടെ പ്രസിഡണ്ടിനെ തെരഞ്ഞെടുക്കും.

തൂണേരി: ഗ്രാമപഞ്ചായത്തിൽ യു.ഡി.എഫിലെ പ്രസിഡന്റ് പദവിയെ ചൊല്ലി നിലനിന്ന അവ്യക്തതക്ക് വിരാമം. ആദ്യത്തെ മൂന്നു വർഷം മുസ്ലിം ലീഗിലെ പി. ഷാഹിന പ്രസിഡണ്ടാകും. അവസാനത്തെ രണ്ടു വർഷം കോൺഗ്രസ്സിനാണ് പ്രസിഡണ്ട് സ്ഥാനം. ലിഷ കുഞ്ഞിപ്പുരയിൽ പ്രസിഡണ്ടായേക്കുമെന്നാണ് സൂചന.  ആദ്യത്തെ രണ്ട് കൊല്ലം കോൺഗ്രസ്സിലെ മധുമോഹനൻ വൈസ് പ്രസിഡണ്ടാകും. അവസാനത്തെ മൂന്നു വർഷം മുസ്ലിം ലീഗിലെ വളപ്പിൽ കുഞ്ഞമ്മത് മാസ്റ്ററും വൈസ് പ്രസിഡണ്ടാകും. അഞ്ചു വർഷവും രണ്ട് സ്റ്റാന്റിംഗ് കമ്മിറ്റി ചെയർമാൻ സ്ഥാനം മുസ്ലിം ലീഗിനും ഒരു ചെയർമാൻ സ്ഥാനം കോൺഗ്രസിനും നൽകും. കഴിഞ്ഞ രണ്ടു ദിവസങ്ങളായി പഞ്ചായത്ത് തലത്തിൽ ടൈപ്.ഡി.എഫ് നടത്തിയ ചർച്ച തീരുമാനമാവാതെ പിരിഞ്ഞതിനെ തുടർന്ന് ഇന്ന് ഉച്ചതിരിഞ്ഞു നാദാപുരം ലീഗ് ഹൗസിൽ മണ്ഡലം നേതാക്കളുടെ സാന്നിധ്യത്തിൽ  ചേർന്ന യോഗത്തിലാണ് തീരുമാനം.

നാദാപുരം : ചേലക്കാട് ഒമ്പതാം വാർഡിൽ മുസ്ലിം ലീഗ്  സജ്ജമാക്കിയ സ്വീകരണ വേദിക്ക് നേരെയും, പാറോള്ളതിൽ നിസാറിന്റെ വീട്ടു മുറ്റത്തും  അർദ്ധരാത്രി ബോംബേറ്.
ഗ്രാമ പഞ്ചായത്ത്‌ നിയുക്ത പ്രസിഡന്റ് വിവി മുഹമ്മദലിക്കും, വാർഡ് മെമ്പർ എംസി സുബൈറിനും ഇന്ന് വൈകിട്ട്  വാർഡ് കമ്മിറ്റി നൽകുന്ന സ്വീകരണത്തിന് സജ്ജമാക്കിയ വേദിക്ക് നേരെയാണ് ബോംബേറ് നടന്നത്.  എന്നാൽ ആദ്യം റിബൽ സ്ഥാനാർഥിക്ക് വേണ്ടി പ്രവർത്തിച്ച നിസാറിന്റെ വീട്ടുമുറ്റത്താണ് ബോംബേറ് നടന്നത്. സംഭവസ്ഥലത്ത് നിന്ന് ശംസുദ്ധീൻ എന്നയാളെ പൊലീസ് കസ്റ്റഡിയിൽ എടുത്തിട്ടുണ്ട്.  ചേലക്കാട് ഒമ്പതാം വാർഡിൽ മുസ്ലിം ലീഗ് വിമത സ്ഥാനാർത്ഥി പരാജയപ്പെട്ടിരുന്നു.
ചേലക്കാട് ബോധപൂർവ്വം സംഘർഷമുണ്ടാക്കാനുള്ള ശ്രമമാണ് നടക്കുന്നതെന്നും   കുറ്റക്കാർക്കെതിരെ പൊലീസ് കർശന നടപടി സ്വീകരിക്കണമെന്നും ഒമ്പതാം വാർഡ് മുസ്ലിം ലീഗ് കമ്മിറ്റി നേതാക്കൾ ആവശ്യപ്പെട്ടു.

നാദാപുരം: തൂണേരി ബ്ലോക്ക് പഞ്ചായത്ത് പ്രസിഡണ്ടായി കെ പി വനജയെയും വൈസ്  പ്രസിഡണ്ടായി ടി കെ അരവിന്ദാക്ഷനെയും 
ഇടതു മുന്നണി തീരുമാനിച്ചു. ഇരുവരും സി പി എമ്മുകാരാണ്.  വനജ നേരത്തെ പുറമേരി ഗ്രാമ പഞ്ചായത്ത് പ്രസിഡണ്ടായിരുന്നു. 
അരവിന്ദാക്ഷൻ കഴിഞ്ഞ തവണ എടച്ചേരി ഗ്രാമ പഞ്ചായത്ത് പ്രസിഡണ്ടായിരുന്നു. 
സി പി ഐ ജില്ലാ കമ്മിറ്റി അംഗം രജീന്ദ്രൻ കപ്പള്ളിക്ക് വൈസ് പ്രസിഡണ്ട് സ്ഥാനം നൽകണമെന്ന് സി പി ഐ ആവശ്യപ്പെട്ടെങ്കിലും 
ഫലം കണ്ടില്ല.

വാണിമേൽ: ഗ്രാമ പഞ്ചായത്തിന്റെ ഭരണ സാരഥ്യം വനിതകൾ കയ്യടക്കും. പ്രസിഡണ്ട്, വൈസ് പ്രസിഡണ്ട്, സെക്രട്ടറി, രണ്ടു സ്ഥിരം സമിതി ചെയർപേഴ്സൺ സ്ഥാനങ്ങളിൽ വനിതകളാണ്. 
പ്രസിഡണ്ട് വനിതാ സംവരണമായതിനാൽ 
മുസ്ലിം ലീഗിലെ പി സുരയ്യയെ പാർട്ടി തീരുമാനിച്ചിട്ടുണ്ട്. 
വൈസ് പ്രസിഡണ്ട് കോൺഗ്രസിനാണ്. കോൺഗ്രസിൽ നിന്ന്  ജയിച്ച ഏക അംഗം  സൽമാ രാജുവിനെ പാർട്ടി വൈസ് പ്രസിഡണ്ടായി പ്രഖ്യാപിച്ചു. വികസന കാര്യം, ക്ഷേമ കാര്യം എന്നീ രണ്ടു പ്രധാന സ്റ്റാന്റിംഗ് കമ്മിറ്റികളുടെ ചെയർ പേഴ്സൺ സ്ഥാനം വനിതകൾക്ക് സംവരണം ചെയ്യപ്പെട്ടതാണ്. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി മാത്രമാണ് പുരുഷന് ലഭിക്കുക. ഗ്രാമ പഞ്ചായത്ത് സെക്രട്ടറിയും വനിതയാണ്.

നാദാപുരം: യു.ഡി.എഫ് ഇരിങ്ങണ്ണൂർ മേഖല കമ്മിറ്റിയുടെ ആഭിമുഖ്യത്തിൽ   എടച്ചേരി പഞ്ചായത്ത് മെമ്പർമാർക്കു സ്വികരണവും വിജയഘോഷ റാലിയും  നടത്തി. ഇരിങ്ങണ്ണൂരിൽ നടന്ന പരിപാടി
ഡി.സി.സി ജനറൽ സെക്രട്ടറി മോഹനൻ പാറക്കടവ് ഉദ്ഘാടനം ചെയ്തു.ആർ.ടി ഉസ്മാൻമാസ്റ്റർ അധ്യക്ഷത വഹിച്ചു .
ആവോലം രാധാകൃഷ്ണൻ, 
അഡ്വ. ശ്രീജിത്ത്‌ കാഞ്ഞാൽ,യു പി മൂസ മാസ്റ്റർ ,ചുണ്ടയിൽ മുഹമ്മദ്‌, വാർഡ് മെമ്പർ കെപി.സലീന  എം.കെ പ്രേമദാസ്‌എന്നിവർ സംസാരിച്ചു.

വളയം: ഹോട്ടലിലേക്ക് വെള്ളമെടുക്കുന്ന കിണർ മണ്ണെണ്ണ ഒഴിച്ച് മലിനമാക്കിയതായി പരാതി. വളയം കല്ലുനിര പയ്യേരിക്കാവിലെ കടയോട് ചേർന്ന കിണറാണ് സാമൂഹിക വിരുദ്ധർ മലിനമാക്കിയത്.
ഇന്നലെ  രാവിലെ ഹോട്ടലിലേക്ക്  വെള്ളമെടുത്തപ്പോൾ നിറവത്യാസവും മണവും ഉണ്ടായതിനെത്തുടർന്ന് നടത്തിയ പരിശോധന യിലാണ് കിണറ്റിൽ മണ്ണെണ്ണ കലർത്തിയത് ശ്രദ്ധയിൽപ്പെട്ടത്.
കട നടത്തിപ്പുകാർ സംഭവം കെട്ടിട ഉടമയെ അറിയിക്കുകയായിരുന്നു.
ഉടമ കുറുവന്തേരി സ്വദേശി കുഞ്ഞിക്കണ്ണൻ വളയം പോലീസിൽ പരാതി നൽകി. 
പോലീസ് സ്ഥലത്തെത്തി പരിശോധന നടത്തി.

നാദാപുരം: ഡൽഹിയിൽ കേന്ദ്ര സർക്കാരിൻ്റെ കർഷക വിരുദ്ധ ബില്ലിനെതിരെ മാസങ്ങളായി പ്രതിഷേധിക്കുന്ന കർഷക പ്രക്ഷോഭത്തിന് പിന്തുണയർപ്പിച്ച് ലോക്താന്ത്രിക് യുവജനതാദൾ നാദാപുരത്ത് പന്തം കൊളുത്തി പ്രകടനം നടത്തി പ്രതിഷേധിച്ചു. യുവജനതാദൾ സംസ്ഥാന ജനറൽ സെക്രട്ടറി ഇ.കെ സജിത്കുമാർ സമരപരിപാടി ഉദ്ഘാടനം ചെയ്തു. നാദാപുരം മണ്ഡലം പ്രസിഡണ്ട് വത്സരാജ് മണലാട്ട് അധ്യക്ഷത വഹിച്ചു. ജില്ലാ സെക്രട്ടറി കെ.രജീഷ്, കെ.വി നാസർ, ടി.പ്രകാശൻ, വി.കെ പവിത്രൻ, വള്ളിൽ പവിത്രൻ, അമൽ കോമത്ത് എന്നിവർ പ്രസംഗിച്ചു.കുത്തക മുതലാളികളായ അംബാനിക്കും അദാനിക്കും വേണ്ടി കാർഷികമേഖല തീരെഴുതി കൊടുക്കുകയും കർഷകരെ പട്ടിണിയിലേക്ക് നയിക്കുകയുമാണ് കേന്ദ്ര സർക്കാർ ചെയ്യുന്നതെന്നും ഇതിനെതിരെ പൊതു സമൂഹം ഉണരണമെന്നും കേന്ദ്രനയങ്ങൾക്കെതിരെ പ്രതിഷേധിക്കണമെന്നും യുവജനതാദൾ സംസ്ഥാന ജ.സെക്രട്ടറി ഇ.കെ സജിത്കുമാർ  ആവശ്യപ്പെട്ടു. നാദാപുരം ടൗണിൽ നടത്തിയ പന്തം കൊളുത്തി പ്രകടനത്തിന് രജിത്ത് എം.പി, അഖിൽ.കെ, വി.പി അശോകൻ, അഭിജിത്ത് മഞ്ഞോത്ത് ,കെ .സി കൃഷ്ണൻ എന്നിവർ നേതൃത്വം നൽകി.

തുണേരി : കേരള മുഖ്യമന്ത്രി പിണറായി വിജയന് ഇരട്ടചങ്കല്ല ഉള്ളത് ഇരട്ടമുഖമാണ് ഉള്ളതെന്ന് കെ മുരളീധരൻ എംപി. പഞ്ചായത്ത് ഇലക്ഷനിൽ തൂണേരിയിൽ നടന്ന ജനവിധി പോലെയായിരിക്കും വരുന്ന നിയമസഭ തെരഞ്ഞെടുപ്പിൽ കേരളത്തിലാകമാനം ഉണ്ടാകാൻ പോകുന്നതെന്ന് അദ്ദേഹം അഭിപ്രായപ്പെട്ടു തൂണേരി ഗ്രാമപഞ്ചായത്ത് മൂന്നാംതവണയും ഭരണം നേടിയ യുഡിഎഫ് മെമ്പർമാർക്ക് ഉള്ള അനുമോദന വിജയാരവം പരിപാടിയിൽ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം, - പാറക്കൽ അബ്ദുല്ല എംഎൽഎ മുഖ്യ അതിഥി ആയിരുന്നു 

സി കെ ബഷീർ മാസ്റ്റർ അധ്യക്ഷത വഹിച്ചു അഡ്വക്കേറ്റ് കെ പ്രവീൺകുമാർ 
സൂപ്പി നരിക്കാട്ടേരി ,ബംഗ്ലത്ത് മുഹമ്മദ് 
ആവോലം രാധാകൃഷ്ണൻ,
 കെ പി സി തങ്ങൾ, സി വി കുഞ്ഞികൃഷ്ണൻ 
പി രാമചന്ദ്രൻ മാസ്റ്റർ, യു കെ വിനോദ് കുമാർ  വരപ്പുറത്ത് കുഞ്ഞമ്മദ് ഹാജി എ കെ ടി കുഞ്ഞമ്മദ് , സി ഹമീദ് മാസ്റ്റർ, അശോകൻ തൂണേരി എംകെ സമീർ , വി കെ രജീഷ് എന്നിവർ സംസാരിച്ചു 
പേരോട് നിന്ന് ആരംഭിച്ച വിജയാരവം റാലി ബാന്റ് വാദ്യങ്ങളുടെയും DJ താളങ്ങളുടെയും അകമ്പടിയോട് തൂണേരി സമാപിച്ചു -
മെമ്പർമാരായ വളപ്പിൽ കുഞ്ഞമ്മദ് മാസ്റ്റർ, ലിഷാ കുഞ്ഞിപ്പുരയിൽ റഷീദ് കാഞ്ഞിരക്കണ്ടിയിൽ ,പി ശാഹിന ,കെ മധു മോഹനൻ ,സുധ സത്യൻ, രജില കിഴക്കും തറമ്മൽ ,റജുല നിടുമ്പ്രത്ത് ,ഫൗസിയ എൻ സി, ഉമേഷ് എന്നിവർ മറുപടി പ്രസംഗം നടത്തി.

നാദാപുരം: ഇരിങ്ങണ്ണൂർ കച്ചേരി  പൊതുജന വായനശാല &ഗ്രന്ഥാലയം ക്രിസ്മസ്  ആഘോഷം  സംഘടിപ്പിച്ചു. 6 ഹൗസ് കമ്മിറ്റികളിലായി  നടന്നപരിപാടി   നാട്ടുകാരുടെ പങ്കാളിത്തം കൊണ്ട്  ശ്രദ്ധേയമായി. കൊവിഡ് മാനദണ്ഡം പാലിച്ച്   ജനപ്രതിനിധികളടക്കം പരിപാടിയിൽ പങ്കെടുത്തു. ക്രിസ്മസ് അപ്പൂപ്പന്മാർ  പരിപാടിക്ക്  മികവേകി. വിവിധ കലാ പരിപാടികളും അരങ്ങേറി.

കോഴിക്കോട്: ബ്ലഡ് ഡോണർസ് കേരള കോഴിക്കോട് ജില്ലാ കമ്മിറ്റി 2020-2021 വർഷത്തെ പുതിയ ഭാരവാഹികളെ തിരഞ്ഞെടുത്തു. കോവിഡ് മാനദണ്ഡങ്ങൾ പാലിച്ചു കൊണ്ട് ഓണ്ലൈന് മീറ്റിംഗിലൂടെ ആണ് സംഘടന പുന സംഘടിപ്പിച്ചത്. 37 അംഗ എക്സിക്യൂട്ടീവ് കമ്മിറ്റിയിൽ നിന്നും  പ്രസിഡന്റായി അർഷദ് സാലിം, ജനറൽ സെക്രട്ടറിയായി സിറാജ് തവന്നൂർ ട്രഷററായി ഷമീർ കോവൂരിനേയും തിരഞ്ഞെടുത്തു  .2019 -20 കാലവർഷത്തിൽ ബ്ലഡ് ഡോണർസ് കേരള സന്നദ്ധ രക്തദാനം പ്രോത്സാഹിപ്പിക്കുന്നതിന്റെ ഭാഗമായി 182 രക്ത ദാന ക്യാമ്പ്കൾ സംഘടിപ്പിച്ചിരുന്നു. കോഴിക്കോട് ജില്ലയിൽ തന്നെ നിരവധി  ഹോസ്പിറ്റലുകളിൽ അംഗീകൃതമല്ലാത്ത രീതിയിൽ രക്തം ശേഖരിക്കുന്നത്  ശ്രദ്ധയിൽപെട്ടിട്ടുണ്ട്.അതിനെതിരെ ശക്തമായ ബോധവത്കരണ നടപടിയുമായി മുന്നോട്ട് പോവാനും പ്രൈവറ്റ് ഹോസ്പിറ്റലിലെ ബ്ലഡ് ബാങ്കുകൾ രക്തത്തിന്റെ പ്രോസസിംങ്ങ് ചാർജുകൾ പല ഹോസ്പിറ്റലുകളും പല രീതിയിൽ ആണ് ഈടാക്കുന്നത്.അതു ഏകീകരിച്ചു ഒറ്റ നിരക്കിലേക്ക്കൊണ്ട് വരാനുള്ള ശ്രമങ്ങൾ നടത്തണമെന്നും യോഗം പ്രമേയത്തിലൂടെ ആവശ്യപ്പെട്ടു .കോവിഡ് എന്ന മഹമാരിയുടെ പശ്ചാത്തലത്തിൽ രക്തത്തിന്റെ ദൗർലഭ്യം കൂടിവരുന്ന സാഹചര്യത്തിൽ സന്നദ്ധ സംഘടനകൾ, രാഷ്ട്രീയ പാർട്ടികൾ ,റെസിഡൻസ് അസോസിയേഷൻകൾ, ക്ലബ്ബുകൾ തുടങ്ങിയവർ  രക്തദാനത്തിന്  പ്രാധാന്യം നൽകികൊണ്ട് മെഡിക്കൽ കോളേജ് കേന്ദ്രികരിച്ചു കൂടുതൽ രക്തദാനക്യാമ്പുകൾ  സംഘടിപ്പിക്കാൻ മുന്നോട്ട് വരണമെന്നും സംഘടന ആവശ്യപ്പെട്ടു.ബി.ഡി.കെ സംസ്ഥാന പ്രസിഡണ്ട് വിനോദ് ഭാസ്കർ ജനറൽ ബോഡി യോഗം ഔപചാരികമായിമായി ഉദ്ഘാടനം ചെയ്തു. അർഷാദ് സലിം അധ്യക്ഷത വഹിച്ചു.

രക്തദാന ക്യാമ്പുകൾ ചെയ്യാൻ താല്പര്യമുള്ള സന്നദ്ധ സംഘടനകൾ, ക്ലബ്കൾ ബന്ധപ്പെടുക
 
+91 99461 38525
+91 99959 58182

നാദാപുരം:  പുളിക്കൂൽ മഠത്തിൽ കോമ്പി പോക്കർ ഹാജി (90) നിര്യാതനായി.
നാദാപുരം ജുമാമസ്ജിദ് മുതവല്ലി അംഗമാണ്.
ഭാര്യ: മറിയം ഹജ്ജുമ്മ
മക്കൾ : മമ്മൂട്ടി, കുഞ്ഞാലി, ഷൌക്കത്ത്, നിസാർ, ബിയ്യാത്തു, മാമി, ആയിഷ, പാത്തൂട്ടി, സീനത്ത്, നസീമ, റസീന, സലീന,
മരുമക്കൾ: കുഞ്ഞാലി കക്കംവെള്ളി, കുഞ്ഞമ്മദ് കുട്ടി നാദാപുരം, മമ്മു നാദാപുരം, അബൂബക്കർ കക്കംവെള്ളി, ഇസ്മായിൽ നാദാപുരം, അഷ്‌റഫ്‌ ചേലക്കാട്, നാസർ നാദാപുരം, അസീസ് ഇയ്യങ്കോട്,  റംല, ഫർസാന, നസീറ, ഷാനിബ.
ഖബറടക്കം നാദാപുരം ജുമാമസ്ജിദിൽ

നാദാപുരം : വാഹനാപകടത്തിൽ  പരിക്കേറ്റ് ചികിത്സയിലിരിക്കെ ഇന്ന് പുലർച്ചെ മരണപ്പെട്ട  നാദാപുരത്തെ ജ്വല്ലറി ജീവനക്കാരൻ പ്രിയേഷിന് നാട് കണ്ണീരോടെ വിട നൽകി.  നാദാപുരം ഫാഷൻ ജ്വല്ലറി ഉടമ തൂണേരിയിലെ പരേതനായ ടി ടി കെ  മുകുന്ദന്റെ മകനാണ് പ്രിയേഷ്. പത്തു ദിവസം മുൻപാണ് കടയടച്ച് ബൈക്കിൽ വീട്ടിലേക്ക്  പോകുന്നതിനിടെ മൊതാക്കര പള്ളി പരിസരത്ത് വെച്ച് പ്രിയേഷ് അപകടത്തിൽ പെട്ടത്.  സഹോദരൻ പ്രവിലേഷും കൂടെയുണ്ടായിരുന്നു.
പൂച്ച കുറുകെ ഓടിയതാണ് അപകട കാരണമെന്ന് പറയുന്നു.
റോഡിലേക്ക് തെറിച്ചു വീണ ഇരുവരെയും 
ആശുപത്രിയിൽ എത്തിക്കുകയായിരുന്നു.
കോഴിക്കോട് സ്വകാര്യ ആശുപത്രിയിലെ  
ചികിൽസക്ക് ശേഷം കഴിഞ്ഞ ദിവസം കൊയിലാണ്ടിയിലെ ഭാര്യ വീട്ടിൽ എത്തിയ പ്രിയേഷിന് ഇന്ന് പുലർച്ചെ അപസ്മാരം ഉണ്ടാവുക യായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. 
വ്യാപാരി യൂത്ത് വിംഗ് ഭാരവാഹി കൂടിയായ പ്രിയേഷ് നാദാപുരത്തെ വ്യാപാരികൾക്കും നാട്ടുകാർക്കും ഏറെ പ്രിയങ്കരനായിരുന്നു.
അതു കൊണ്ടു തന്നെ പ്രിയേഷിന്റെ ആകസ്മിക വേർപാട് നാടിനെ തീരാ ദു:ഖത്തിലാഴ്ത്തി. നാദാപുരത്ത് കടകൾ അടച്ചു ഹർത്താൽ ആചരിച്ചു. 'പ്രിയേഷിന്റെ ഭാര്യ ശഖിന കോമഡി ആർട്ടിസ്റ്റാണ്. രണ്ട് സഹോദരിമാരാണുള്ളത്.

നാദാപുരം; വളയം പഞ്ചായത്തിലെ ചുഴലിയിൽ അമ്മയും മകളും താമസിക്കുന്ന വീടിനോട്  ചേർന്ന പറമ്പ് കയ്യേറി വഴി വെട്ടിയതായി  പരാതി.  വള്ള്യാട് താമസിക്കുന്ന ചിറയിൽ ശങ്കരന്റെ മകൾ വസന്തയാണ് വളയം പൊലീസിൽ പരാതി നൽകിയത്. വസന്തയും  ബിരുദ വിദ്യാർത്ഥിനി യായ മകൾ രജിഷയും മാത്രം താമസിക്കുന്ന വീടിനോട് ചേർന്ന പറമ്പാണ് ബുധനാഴ്ച അർധരാത്രി പരിസര വാസികളായ ചിലർ കുത്തിക്കീറി വഴി വെട്ടിയതത്രെ. വീടിനു നേരെ കല്ലെറിഞ്ഞതായും പറയുന്നു. ഉറങ്ങി കിടക്കുകയായിരുന്ന വീട്ടുകാർ ശബ്ദം കേട്ട് ഞെട്ടി ഉണർന്നപ്പോൾ ചിലർ ഓടി മറയുന്നതാണ് കണ്ടത്. കല്ലുള്ള പറമ്പത്ത് ഗോപാലകൃഷ്ണൻ, അർജുൻ കൃഷ്ണ, ടി പി അനീഷ്, പി പി ചന്ദ്രൻ, ദാമു,രവി എന്നിവർ ക്കെതിരെ  വസന്ത വളയം പൊലീസിൽപരാതി നൽകി. ഏത് നിമിഷവും ഇവർ തങ്ങളെ ആക്രമിക്കുമെന്ന് ഭയമുള്ളതിനാൽ പോലീസ് സംരക്ഷണം നൽകണമെന്നും പരാതിയിൽ പറയുന്നു. നേരത്തെ ഈ സ്ഥലം കയ്യേറി വഴി വെട്ടാനുള്ള നീക്കം നടന്നിരുന്നു. ഇത് സംബന്ധിച്ച് നാദാപുരം മുൻസിഫ് കോടതിയിൽ കേസ് നിലവിലുണ്ട്.

നാദാപുരം: ചെക്യാട് ഗ്രാമ പഞ്ചായത്തിൽ അടുത്ത നാലു വർഷം കൊട്ടാരത്ത് നസീമ പ്രസിഡണ്ടാകും. 
അവസാനത്തെ ഒരു വർഷം സി എച്ച് സമീറക്ക് പ്രസിഡണ്ട് സ്ഥാനം നൽകും. കഴിഞ്ഞ ദിവസം ചേർന്ന പഞ്ചായത്ത് 
മുസ്ലിം ലീഗ് പാർലമെന്ററി ബോർഡ്  യോഗത്തിലാണ്  തീരുമാനം. താനക്കോട്ടൂർ വാർഡിൽ സൗഹൃദ മൽസരത്തിൽ ലീഗ് സ്ഥാനാർത്ഥിയെ പരാജയപ്പെടുത്തിയ 
കോൺഗ്രസിലെ പി കുമാരനായിരിക്കും വൈസ് പ്രസിഡണ്ട്. ഇത് സംബന്ധിച്ച ഔദ്യോഗിക പ്രഖ്യാപനം ഇന്നുണ്ടാകും.

നാദാപുരം: വളയം ഗ്രാമ പഞ്ചായത്ത് മുൻ വൈസ്  പ്രസിഡന്റ് കെ.വി കണ്ണൻ മാസ്റ്റർ  (60) നിര്യാതനായി. കോവിഡ് രോഗ ബാധിതനായി കോഴിക്കോട് മെഡിക്കൽ കോളേജിൽ ചികിത്സയിലിരിക്കേ ഹൃദയാഘാതത്തെ തുടർന്ന്  ഇന്ന് പുലർച്ചേ ഒരു മണിയോടെയാണ്  മരിച്ചത്. മൃതദേഹം കോവിഡ് പ്രോട്ടോക്കോൾ അനുസരിച്ച് ബന്ധുക്കൾക്ക് വിട്ട് കൊടുക്കും.
കുറുവന്തേരി യു പി സ്കൂളിലെ റിട്ട.  അധ്യാപകനായ ഇദ്ദേഹം  വളയം സർവ്വീസ് സഹകരണ ബാങ്ക് മുൻ പ്രസിഡൻ്റായിരുന്നു.
കർഷക തൊഴിലാളി യൂണിയൻ നാദാപുരം ഏരിയാ വൈസ് പ്രസിഡന്റ്,  സി പി എം വളയം ലോക്കൽ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്.
ഭാര്യ: രാധ (റിട്ട. പ്രധാനാധ്യാപിക താനക്കോട്ടൂർ യു.പി സ്ക്കൂൾ) 
മക്കൾ: ഡോ. അഖില, അരുൺ ( കോടിയേരി – മലബാർ കേൻസർ സെൻ്റർ ജീവനക്കാരൻ) ഡോ. അമ്പിളി. 
മരുമക്കൾ: പ്രജിലേഷ് കെ.സി (വാണിമേൽ ),
നവിത ( എല്ലാങ്കോട് – പാനൂർ) നിധിൻ ( പാലത്തായി)
സഹോദരങ്ങൾ: കുമാരൻ, ജാനു, ബാലൻ ,നാണു.

നാദാപുരം: മത കാര്യങ്ങളിൽ അഭിപ്രായം പറയാൻ പിണറായിക്കും മാർക്സിസ്റ്റ് പാർട്ടിക്കും യാതൊരു അവകാശവും ഇല്ലെന്ന് കെ എം ഷാജി എം എൽ എ . കുമ്മങ്കോട് സി പി എം - എസ് ഡി പി ഐ സ്ഥാനാർത്ഥിക്കെതിരെ മികച്ച വിജയം നേടിയ മുസ്ലിം ലീഗിലെ സുമയ്യ പാട്ടത്തിലിന് യു ഡി എഫ് ഏർപ്പെടുത്തിയ സ്വീകരണ സമ്മേളനത്തിൽ പ്രഭാഷണം നടത്തുകയായിരുന്നു  അദ്ദേഹം.  സ്വന്തം ചിഹ്നം തീവ്രവാദികൾക്ക് പണയപ്പെടുത്തിയ മാർക്സിസ്റ്റ്‌ പാർട്ടിയെ ജനം കയ്യൊഴിഞ്ഞതിന്റെ തെളിവാണ് കുമ്മങ്കോട് 
അടക്കമുള്ള സ്ഥലങ്ങളിൽ  യു ഡി എഫിന് ലഭിച്ച മികച്ച വിജയമെന്നും ഷാജി വ്യക്തമാക്കി. 
മണ്ഡലം ലീഗ് പ്രസിഡണ്ട് സൂപ്പി നരിക്കാട്ടേരി ഉദ്ഘാടനം ചെയ്തു. ഇ സി ഇബ്റാഹിം ഹാജി അധ്യക്ഷനായി. അബ്ദുല്ല വയലോളി, മുഹമ്മദ് ബംഗ്ലത്ത്,  വി വി മുഹമ്മദലി, അഡ്വ. എ സജീവൻ, സി കെ നാസർ, എ കെ സുബൈർ, ഉവൈസ് ഫലാഹി, ചിറക്കൽ റഹ്മത്തുള്ള,  സി.കെ ഉനൈസ്, പി കെ റാഷിദ് പ്രസംഗിച്ചു. വോട്ടർമാർക്ക് അഭിവാദ്യം അർപ്പിച്ചു കൊണ്ട് ഘോഷയാത്രയും നടന്നു.

നാദാപുരം: ചെക്യാട് ഗ്രാമ പഞ്ചായത്ത് പ്രസിഡണ്ടായി മുസ്ലിം ലീഗിലെ കൊട്ടാരത്ത് നസീമയെ പാർലമെന്ററി ബോർഡ് തീരുമാനിച്ചു . 
ഇത് മൂന്നാം തവണയാണ് നസീമ ഗ്രാമ പഞ്ചായത്തിലേക്ക് തെരഞ്ഞെടുക്കപ്പെടുന്നത്. കഴിഞ്ഞ തവണ സ്ഥിരം സമിതി ചെയർ പേഴ്സണായിരുന്നു.
ഇത്തവണ ഉമ്മത്തൂർ പതിനഞ്ചാം വാർഡിൽ നിന്ന് മികച്ച ഭൂരിപക്ഷത്തിനാണ് വിജയിച്ചത്. മുസ്ലിം ലീഗ് നേതാവായിരുന്ന പരേതനായ കൊട്ടാരം മമ്മുവിന്റെ മകളും പഞ്ചായത്ത് ലീഗ് വൈസ് പ്രസിഡണ്ട് തൈക്കണ്ടി റഷീദിന്റെ ഭാര്യയുമായ നസീമ വനിതാ ലീഗ് മണ്ഡലം കമ്മിറ്റി അംഗമാണ്.

വാണിമേൽ: ഗ്രാമ പഞ്ചായത്തിനെ നയിക്കാൻ വനിതകൾ. മുസ്ലിം ലീഗിലെ പി സുരയ്യ ടീച്ചറെ പ്രസിഡണ്ടായി പ്രഖ്യാപിച്ചതിന് പിന്നാലെ വൈസ് പ്രസിഡണ്ടായി കോൺഗ്രസിലെ ഏക അംഗം സൽമ രാജു വിനെയും പാർട്ടി പ്രഖ്യാപിച്ചു. വിലങ്ങാട് പത്താം വാർഡിൽ നിന്ന് 8  വോട്ടിന്റെ ഭൂരിപക്ഷത്തിനാണ് ഇവർ വിജയിച്ചത്. കഴിഞ്ഞ തവണ സി പി എം വിജയിച്ച ഈ വാർഡ് ഇത്തവണ കോൺഗ്രസ്  തിരിച്ചു പിടിക്കുകയായിരുന്നു. 16 വാർഡുകളിൽ മുസ്ലിം ലീഗിന് എട്ട് അംഗങ്ങളുണ്ട്. കോൺഗ്രസിന് ഒന്നും എൽ ഡി എഫിന്  ആറും അംഗങ്ങളാണുള്ളത്. ഒരു സ്വതന്ത്രനുമുണ്ട്.

വാണിമേൽ; ഗ്രാമ പഞ്ചായത്ത് പ്രസിഡണ്ടായി പി. സുരയ്യ ടീച്ചറെ  പഞ്ചായത്ത് മുസ്ലിം ലീഗ് നേതൃ യോഗം തീരുമാനിച്ചു. മുൻ ഗ്രാമ പഞ്ചായത്ത് പ്രസിഡണ്ടും മുസ്ലിം ലീഗ് നേതാവുമായ പരേതനായ പി തറുവൈ ഹാജിയുടെ മകൾ കൂടിയായ സുരയ്യ ടീച്ചർ പതിനാറാം വാർഡിൽ നിന്നാണ് മികച്ച ഭൂരിപക്ഷത്തിന് തെരഞ്ഞെടുക്കപ്പെട്ടത്.  ക്രസന്റ് ഹൈ സ്‌കൂളിൽ നിന്ന് വിരമിച്ച സുരയ്യ ടീച്ചർ വനിതാ ലീഗ് നാദാപുരം മണ്ഡലം ജനറൽ സെക്രട്ടറിയാണ്. നേരത്തെ എം ജി എം ജില്ലാ ഭാരവാഹിയായിരുന്നു.സംഘാടകയും പ്രഭാഷകയുമാണ്. 2000 - 2015 കാലഘട്ടത്തിൽ   ഗ്രാമ പഞ്ചായത്ത് അംഗമായും  2010 ൽ തൂണേരി ബ്ലോക്ക് പഞ്ചായത്ത് അംഗമായും പ്രവർത്തിച്ചിട്ടുണ്ട്. 
പിതാവ് തറുവൈ ഹാജി ഗ്രാമ പഞ്ചായത്ത് പ്രസിഡണ്ടായ സമയത്ത് നാട്ടിൽ ഒട്ടേറെ വികസന പ്രവർത്തനം നടത്തിയിരുന്നു. ഈ വഴിയിൽ തന്നെ മുന്നേറുമെന്നും നാടിൻറെ വികസന കാര്യത്തിൽ കൂടുതൽ ജാഗ്രതയോടെ മുന്നേറുമെന്നും സുരയ്യ ടീച്ചർ പറഞ്ഞു.

വാണിമേൽ: കഴിഞ്ഞ പ്രളയത്തിൽ തകർന്നു പോയ വിലങ്ങാട്  ഉരുട്ടിപ്പാലം 3.20 കോടി ചെലവിൽ പുതുക്കി പണിയാൻ ടെന്റർ നടപടി പൂൂർത്തിയായതായി ഇ.കെ. വിജയൻ എം.എൽ.എ. അറിയിച്ചു. 45 മീറ്റർ നീളത്തിലും 12 മീറ്റർ വീതിയിലുമാണ് പുതിയ പാലം നിർമ്മിക്കുന്നത്. തകർന്ന പാലത്തിന് പകരം കഴിഞ്ഞ വർഷം 12 ലക്ഷം രൂപ ചെലവിൽ താൽക്കാലിക പാലം നിർമിച്ചിരുന്നു. മലയോര ഹൈവേ കടന്നുപോകുന്ന  വഴിയിലെ  പാലം തകർന്നതിനെ തുടർന്ന് എം.എൽ.എ. മന്ത്രിക്ക്  നിവേദനം നൽകുകയും  പാലം പ്രത്യേകം ടെന്റർ ചെയ്യാൻ അനുമതി ലഭിക്കുകയുമായിരുന്നു. വിലങ്ങാട് പുല്ലുവായിൽ നിന്ന് തുടങ്ങി നരിപ്പറ്റ കായക്കൊടി വഴി തൊട്ടിൽപ്പാലം വരെയുള്ള മലയോര ഹൈവേയുടെ ഒന്നാ ഘട്ടം 12 മീറ്റർ വീതിയിൽ ആധുനിക രീതിയിൽ 28 കിലോമീറ്റർ റോഡ് 89 കോടി ചെലവിലാണ് നിർമ്മിക്കുന്നത്. ഇതിന് സാങ്കേതിക അനുമതി ലഭിച്ചതായും എം എൽ എ പറഞ്ഞു.

വാണിമേൽ; ഗ്രാമ പഞ്ചായത്ത് ഓഫീസിലെ രണ്ടു ജീവനക്കാർക്ക് കോവിഡ് സ്ഥിരീകരിച്ചു. ഇതേ തുടർന്ന് പഞ്ചായത്ത് ഓഫിസിൽ പൊതു ജനങ്ങൾക്ക് കർശന നിയന്ത്രണം ഏർപ്പെടുത്തി. 
ഇന്ന് രാവിലെ നടന്ന ആന്റിജൻ പരിശോധന യിലാണ് പഞ്ചായത്ത് ജീവനക്കാർ അടക്കം 11 പേർക്ക് രോഗം സ്ഥിരീകരിച്ചത്. കഴിഞ്ഞ ദിവസം നടന്ന സത്യ പ്രതിജ്ഞാ ചടങ്ങിൽ സജീവമായി ഉണ്ടായിരുന്ന ജീവമനക്കാർക്ക് കോവിഡ് പോസിറ്റിവ് ആയതോടെ ഇവരുമായി സമ്പർക്കം പുലർത്തിയവരും ആശങ്കയിലാണ്.

നാദാപുരം: ജാതിയേരി ഖദീജ മസ്ജിദ് പ്രസിഡണ്ടും പൗരപ്രമുഖനും മുൻ പ്രവാസിയുമായ പുത്തൻപുരയിൽ പോക്കർ  ഹാജി (85)നിര്യാതനായി .
മക്കൾ: ഇഖ്ബാൽ, അബ്ദുല്ല, ഹാരിസ്, മുനീർ സക്കീന, സഹീറ.
മരുമക്കൾ: വി വി അബൂബക്കർ ഹാജി, അബ്ദുല്ല കുറ്റിയിൽ കുമ്മങ്കോട്, സക്കീന ബിയ്യാട്ടിൽ നാദാപുരം, സൗദ പാലാമ്പറ്റ, ടി വി കെ ഷഹർബാൻ, കല്ലാച്ചി.
സഹോദരൻമാർ: പാത്തു പെരുവണ്ണൂർ, അയിശു കുനിയിൽ കായക്കോടി, പരേതനായ വേരോടൻവീട്ടിൽ മമ്മു, കുഞ്ഞാമി, കദീശ.
ജാതിയേരി ടൗൺ വാർഡ് മുസ്ലിം ലീഗ് ജനറൽ സെക്രട്ടറി വി വി കെ ജാതിയേരി സഹോദര പുത്രനാണ്.

നാദാപുരം: തൂണേരി ബ്ലോക്ക് പഞ്ചായത്ത് 
പ്രസിഡണ്ടും, വൈസ് പ്രസിഡണ്ടും സി പി എം പ്രതിനിധികൾ തന്നെ
യെന്ന് ഏതാണ്ട് ഉറപ്പായി.
പുറമേരി ഡിവിഷനിൽ നിന്ന് വിജയിച്ച കെ പി വനജയെ പ്രസിഡണ്ടും 
എടച്ചേരിയിൽ നിന്ന് വിജയിച്ച ടി കെ അരവിന്ദാക്ഷനെ വൈസ് പ്രസിഡണ്ടുമാക്കുമെന്ന് അറിയുന്നു. സി പി ഐ യുടെ മുൻ മണ്ഡലം സെക്രട്ടറി കല്ലാച്ചി ഡിവിഷനിൽ നിന്ന് വിജയിച്ച രജീന്ദ്രൻ കപ്പള്ളിക്ക് വൈസ് പ്രസിഡണ്ട് സ്ഥാനം നൽകണമെന്ന് അവർ ആവശ്യം ഉന്നയിച്ചെങ്കിലും സ്റ്റാന്റിംഗ് കമ്മിറ്റി ചെയർമാൻ സ്ഥാനം കൊണ്ട് തൃപ്തിപ്പെടേണ്ടി വരുമെന്നാണ് സൂചന.

നാദാപുരം: തദ്ദേശ തെരഞ്ഞെടുപ്പിലെ 
സ്ഥാനാര്‍ഥി നിര്‍ണയത്തെ ചൊല്ലി വളയത്ത് കോൺഗ്രസിൽ പോര് മുറുകി. വിമത സ്ഥാനാര്‍ഥിയെ നിര്‍ത്തിയ കോണ്‍ഗ്രസ്സുകാർ ജനകീയ മുന്നണി രൂപികരിച്ചു പ്രവര്‍ത്തിക്കാൻ തീരുമാനിച്ചു. 
ഒന്നാം വാര്‍ഡിലാണ് ഔദ്യോഗിക സ്ഥാനാര്‍ഥിക്ക് എതിരെ  സ്ഥാനാര്‍ഥിയെ നിര്‍ത്തി മത്സരിപ്പിച്ചത്. ഔദ്യോഗിക സ്ഥാനാര്‍ഥി പി.പി സിനിലയ്ക്ക് എതിരെ മൽസരിച്ച  വിമത സ്ഥാനാര്‍ഥി അശ്വനി പിതാവ് രവീന്ദ്രന്‍ പ്രാദേശിക കോണ്‍ഗ്രസ്‌ നേതാവ് കെ.വി സുകുമാരന്‍ എന്നിവരെ പാർട്ടിയിൽ നിന്ന്  പുറത്താക്കിയിരുന്നു.
60 വോട്ടിന്റെ ഭൂരിപക്ഷത്തില്‍ ഔദ്യോഗിക സ്ഥാനാര്‍ഥി വിജയിക്കുകയും ചെയ്തു.
എന്നാല്‍ 300 ൽ പരം വോട്ടുകള്‍ നേടി രണ്ടാം സ്ഥാനത്ത് എത്താന്‍ അശ്വനിക്ക് കഴിഞ്ഞു .
പ്രദേശത്ത് ശക്തമായ പ്രതിപക്ഷമായി പ്രവര്‍ത്തിക്കാനും ജനകീയ പ്രശ്നങ്ങള്‍ ഏറ്റെടുത്ത് നടത്താനുമാണ് വിമതരുടെ തീരുമാനം.
ജനകീയ കൂട്ടായ്മയുടെ യോഗം ബീമുള്ളകണ്ടി അമ്മദിൻ്റെ വീട്ടിൽ ചേർന്നു. വിമത സ്ഥാനാർത്ഥി അശ്വനി പി.പി യുടെ വീടിന് നേരെയുണ്ടായ ബോംബാക്രമണത്തിൽ സമഗ്രാന്വേഷണം നടത്താൻ പോലീസിനോടാവശ്യപ്പെട്ടു. 
ഉസ്മാൻ ഹാജി, രവി പി പി, സുബൈർ ഇ കെ,  അരവിന്ദൻ മാണിക്കോത്ത്, റഷാദ് കെ കെ, ദിപേഷ് പി,  സലീം പുതിയെടുത്ത് എന്നിവര്‍ യോഗത്തില്‍ പങ്കെടുത്തു.

നാദാപുരം: ചെക്യാട് പഞ്ചായത്തില്‍ രണ്ടാം വാർഡിൽ നിന്ന് വിജയിച്ച കോണ്‍ഗ്രസ്‌ സ്ഥാനാർഥി കെ.പി കുമാരന് ഗ്രാമപഞ്ചായത്ത് അംഗമായി സത്യപ്രതിജ്ഞ ചെയ്യാന്‍ കഴിഞ്ഞില്ല. വാർഡിലെ ആഹ്ളാദ പരിപാടികൾ കഴിഞ്ഞെത്തുമ്പോഴേക്ക് സത്യപ്രതിജ്ഞ ചടങ്ങുകൾ അവസാനിച്ചതാണ് കാരണം. ഈ അവസ്ഥയിൽ എന്തുചെയ്യണമെന്നറിയാതെ  അംഗങ്ങളും  ഉദ്യോഗസ്ഥരും  കുഴങ്ങിയെങ്കിലും ബോർഡ് മീറ്റിങ്ങിൽ സത്യപ്രതിജ്ഞ ചെയ്ത് സ്ഥാനമേൽക്കാമെന്ന് അധികൃതർ അറിയിക്കുകയും സത്യപ്രതിജ്ഞ ചെയ്യുകയും ചെയ്തു.. മുസ്ലിം ലീഗും കോൺഗ്രസും നേർക്കുനേർ മത്സരം നടന്ന വാർഡിലാണ് കുമാരൻ ജയിച്ചത്.

നാദാപുരം: ഗ്രാമ പഞ്ചായത്ത് നിയുക്ത പ്രസിഡണ്ട് വി വി മുഹമ്മദലി ഇന്നത്തെ സത്യ പ്രതിജ്ഞാ ചടങ്ങിന് മുൻപായി മുൻ എം എൽ എ പണാറത്ത് കുഞ്ഞി മുഹമ്മദിന്റെ അനുഗ്രഹം തേടി. പ്രായാധിക്യത്തെ തുടർന്ന് എടച്ചേരിയിലെ വീട്ടിൽ വിശ്രമ ജീവിതം നയിക്കുന്ന പണാറത്ത് യൂത്ത് ലീഗ് സംസ്ഥാന സെക്രട്ടറി കൂടിയായ മുഹമ്മദലിക്ക് ഒട്ടേറെ ഉപദേശ നിർദ്ദേശങ്ങൾ നൽകി. ലീഗ് നേതാക്കളായ എം പി സൂപ്പി, വലിയാണ്ടി ഹമീദ്, എൻ കെ ജമാൽ ഹാജി എന്നിവരും ഒപ്പമുണ്ടായിരുന്നു.

നാദാപുരം: മേഖലയിലെ അഞ്ചു പഞ്ചായത്തുകൾ ഇനി വനിതകൾ നയിക്കും. യു ഡി എഫിന് മുൻതൂക്കമുള്ള തൂണേരി, ചെക്യാട്, വാണിമേൽ പഞ്ചായത്തുകളിൽ മുസ്ലിം ലീഗിലെ വനിതകൾ പ്രസിഡണ്ടാകും. തൂണേരി യിൽ കഴിഞ്ഞ ഭരണ സമിതിയിൽ സ്ഥിരം സമിതി അധ്യക്ഷയായ 
പി ഷാഹിനയാണ് പ്രസിഡണ്ടാവുക. 
ചെക്യാട് കഴിഞ്ഞ ഭരണ സമിതിയിൽ സ്ഥിരം സമിതി ചെയർ പേഴ്സണായ കൊട്ടാരത്ത് നസീമയെയാണ് പരിഗണിക്കുന്നത്. 
എന്നാൽ, കഴിഞ്ഞ തവണ മെമ്പറായ സി എച്ച് സമീറ യുടെ പേരും ഉയർന്ന് വന്നിട്ടുണ്ട്. വാണിമേലിൽ 
മുൻ മെമ്പർ കൂടിയായ 
പി സുരയ്യ ടീച്ചറാണ് പ്രസിഡണ്ടാവുക. പുറമേരി പഞ്ചായത്തിൽ സി പി എമ്മിലെ അഡ്വ . ജ്യോതി ലക്ഷ്മി പ്രസിഡണ്ടാകും. കണ്ണൂരിൽ നിന്ന് പുറമേരി നടേമ്മലിൽ മരു മകളായി എത്തിയ ഇവർ വടകര ബാറിലെ അഭിഭാഷക കൂടിയാണ്. എടച്ചേരിയിൽ സി പി എമ്മിലെ പത്മിനിയാണ് പ്രസിഡറാവുക.
നാദാപുരം ഗ്രാമ പഞ്ചായത്തിൽ മുസ്ലിം ലീഗിലെ വി വി മുഹമ്മദലി യും വളയത്ത് സി പി എമ്മിലെ കെ പി പ്രതീഷും പ്രസിഡണ്ട് പദം അലങ്കരിക്കും

നാദാപുരം: തദ്ദേശ തെരഞ്ഞെടുപ്പിൽ ചെക്യാട് പഞ്ചായത്തിൽ
റിബൽ സ്ഥാനാർത്ഥി കൾക്ക് വേണ്ടി പ്രവർത്തിച്ച കെ എം സി സി നേതാക്കൾ അടക്കം 4 പേർക്ക് സസ്പെൻഷൻ. ഖത്തർ കെ എം സി സി നേതാവ് സി സി  ജാതിയേരി, അബൂദാബി കെ എം സി സി മണ്ഡലം ജനറൽ സെക്രട്ടറി എ.ആർ.കെ അബൂബക്കർ, പ്രാദേശിക ലീഗ് നേതാക്കളായ ഒ.വി നാസർ, ബി.പി ഫിർദൗസ് എന്നിവരെയാണ് മുസ്‌ലിംലീഗിൽനിന്ന് സസ്‌പെന്റ് ചെയ്തത്. 
മുസ്ലിം ലീഗ് പ്രഖ്യാപിച്ച ഔദ്യോഗിക സ്ഥാനാർത്ഥികൾ ക്കെതിരെ വിവിധ വാർഡുകളിൽ റിബലുകളെ രംഗത്തിറക്കിയെന്ന കുറ്റത്തിനാണ് പാർട്ടി നടപടി. ചെക്യാട്ടെ രണ്ടു വാർഡുകളിൽ ലീഗ് റബലുകളാണ് ജയിച്ചത്. 
സ്ഥാനാർത്ഥികളെ നേരത്തെ തന്നെ സസ്പെന്റ് ചെയ്തിരുന്നു.
റിബലുകൾ ജയിച്ചാലും പാർട്ടിയിൽ വേണ്ടെന്ന് സംസ്ഥാന നേതാക്കൾ വ്യക്തമാക്കിയിരുന്നു.
ഇത് അന്വർത്ഥമാക്കും വിധമാണ് ഇപ്പോൾ നടപടി സ്വീകരിച്ചത് .

നാദാപുരം; വികസന വിപ്ലവത്തിലൂടെ ജനശ്രദ്ധ പിടിച്ചു പറ്റിയ നാദാപുരം ഗ്രാമ പഞ്ചായത്തിനെ  അടുത്ത അഞ്ചു വർഷക്കാലം വി വി മുഹമ്മദലി നയിക്കും. ഇരുപത്തി ഒന്നാം വാർഡിൽ നിന്ന് വലിയ ഭൂരിപക്ഷത്തിന് വിജയിച്ച മുഹമ്മദലി പഞ്ചായത്ത് ലീഗ് ജനറൽ സെക്രട്ടറിയും യൂത്ത് ലീഗ് സംസ്ഥാന സെക്രട്ടറിയുമാണ്. ഇന്ന് രാവിലെ നാദാപുരത്ത് ചേർന്ന പഞ്ചായത്ത് മുസ്ലിം ലീഗ് 
നേതൃ യോഗത്തിലാണ് തീരുമാനമെടുത്തത്. 
കഴിഞ തവണ മൂന്നാം വാർഡിൽ മെമ്പറായ മുഹമ്മദലി ഒട്ടനേകം വികസന പ്രവർത്തനം നടത്തി മാതൃക സൃഷ്ടിച്ചിരുന്നു.

നാദാപുരം: മുസ്ലിം യൂത്ത് ലീഗ് മണ്ഡലം ജനറൽ സെക്രട്ടറി ഇ ഹാരിസിനെ വോട്ടെണ്ണൽ കേന്ദ്രത്തിൽ വെച്ച്  അറസ്റ്റ് ചെയ്ത നടപടിയിൽ പ്രതിഷേധിച്ച് നാദാപുരത്ത്  പ്രതിഷേധ സായാഹ്നം നടത്തി. മണ്ഡലത്തിന്റെ വിവിധ ഭാഗങ്ങളിൽ നിന്നായി നുറുക്കണക്കിനാളുകൾ പരിപാടിയിൽ പങ്കെടുത്തു. 
സംസ്ഥാന സീനിയർ വൈസ് പ്രസിഡണ്ട് നജീബ് കാന്തപുരം ഉദ്ഘാടനം ചെയ്തു. മണ്ഡലം പ്രസിഡണ്ട് എം.കെ സമീർ അധ്യക്ഷനായി. മുസ്ലിം ലീഗ് ജില്ലാ വൈസ് പ്രസിഡണ്ട് അഹമ്മദ് പുന്നക്കൽ, മണ്ഡലം പ്രസിഡണ്ട് സൂപ്പി നരിക്കാട്ടേരി, യൂത്ത് ലീഗ് സംസ്ഥാന സെക്രട്ടറി വി വി മുഹമ്മദലി, ജില്ലാ ജനറൽ സെക്രട്ടറി കെ കെ നവാസ്, മുസ്ലിം ലീഗ് നേതാക്കളായ എൻ .കെ മൂസ മാസ്റ്റർ, അബ്ദുല്ല വയലോളി, മുഹമ്മദ് ബംഗ്ലത്ത്, എം പി ജാഫർ മാസ്റ്റർ, അഹമ്മദ് കുറുവയിൽ, എം കെ മജീദ്, എൻ കെ ഇബ്രാഹിം, അഷ്റഫ് പൊയ്ക്കര, കെ എം ഹംസ തുടങ്ങിയവർ പ്രസംഗിച്ചു.

നാദാപുരം: പുറമേരി പഞ്ചായത്തിലെ ഏഴാം വാർഡിൽ നടക്ക് മിത്തൽ കോൺഗ്രസ് പ്രവർത്തകരെ വീട്ടിൽ കയറി ആക്രമിച്ചതായി പരാതി. കുറുക്കണ്ടി രവീന്ദ്രൻ (58) തറ മൽതാഴ കനി വാസുദേവൻ (48) എന്നിവർക്കാണ് മർദ്ദനമേറ്റത്. ഇവരെ നാദാപുരം ഗവ.ആശുപത്രിയിൽ പ്രവേശിപ്പിച്ചു. ഇന്ന് രാവിലെ ഒരു സംഘം സി പി എമ്മുകാർ വീട്ടിൽ കയറി ആക്രമിച്ചെന്നാണ് ഇവരുടെ പരാതി. രവീന്ദ്രൻ്റെ വീടിൻ്റെ ജനൽ ഗ്ലാസ് തകർത്തതായും സ്കൂട്ടർ കേടുവരുത്തിയതായും പരാതിപ്പെട്ടു. സംഭവത്തിൽ പ്രതിഷേധിച്ച് യുഡിഎഫ് പ്രവർത്തകർ പ്രതിഷേധ പ്രകടനവും യോഗവും നടത്തി. നാദാപുരത്ത് നിന്ന് പോലീസ് സ്ഥലത്തെത്തി. ഈ വാർഡിൽ യു ഡി എഫ് സ്ഥാനാർത്ഥി വിജയിച്ചതിലെ വിരോധമാണ് അക്രമത്തിന് കാരണമെന്ന് യു.ഡി എഫ് നേതാക്കൾ പറഞ്ഞു.

ചെക്യാട്:  ഗ്രാമപഞ്ചായത്ത് ജാതിയേരി വാർഡ് 9ൽ മത്സരിച്ചു വിജയിച്ച  സ്ഥാനാർത്ഥിക്കെതിരെ ലീഗ് പരാതി നൽകി.  ആഹ്ലാദം പ്രകടിപ്പിച്ചു കൊണ്ടുള്ള പ്രകടനത്തിൽ മുസ്ലിം ലീഗ് പതാകയും മുസ്ലിം ലീഗ് നാമം ഉന്നയിച്ച് കൊണ്ടുള്ള മുദ്രാവാക്യവും മുഴക്കി പാർട്ടിയെ അപമാന പ്പെടുത്തിയെന്നാണ് പരാതി. ജനങ്ങളെ തെറ്റിദ്ധരിപ്പിച്ചത് വഴി തെരഞ്ഞെടുപ്പ് ചട്ടലംഘനം നടത്തിയ സ്വതന്ത്ര സ്ഥാനാർത്ഥി പി.കെ ഖാലിദ് മാസ്റ്ററെ അയോഗ്യനാക്കണമെന്ന് ആവശ്യപ്പെട്ട് വാർഡ് മുസ്ലിം ലീഗ് കമ്മിറ്റിയാണ് പരാതി നൽകിയത്.

കക്കട്ടിൽ: സംസ്ഥാന പാതയിൽ ബോംബെറിഞ്ഞു പരിഭ്രാന്തി പരത്തി. ബുധനാഴ്ച രാത്രി 8 മണിയോടെയാണ് കുളങ്ങരത്ത് റോഡരികിൽ അഞ്ജാത സംഘം ബോംബെറിഞ്ഞത്. സമാധാനന്തരീക്ഷം നിലനിൽക്കുന്ന പ്രദേശത്താണ് ബോംബേറ് നടത്തിയത്.സമീപത്തെ ഇടവഴിയിൽ നിന്നുമാണ് ഏറുണ്ടായതെന്ന് സമീപവാസികൾ പറഞ്ഞു.

വളയം: ചെറുമോത്ത് പള്ളി മുക്കിൽ ഉഗ്ര ശേഷിയുള്ള സ്ഫോടനം.
രാത്രി 10 മണിക്കും 10 15 നുമായി രണ്ടു തവണ സ്ഫോടനമുണ്ടായി. നിരോധാജ്ഞയുടെ അറിയിപ്പുമായി പൊലീസ് വാഹനം കടന്നു പോയ ഉടനെയായിരുന്നു സ്ഫോടനം. സ്ഫോടക വസ്തു റോഡിൽ എറിഞ്ഞതാണെന്ന് കരുതുന്നു. നാട്ടുകാർ പരിഭ്രാന്തരായിട്ടുണ്ട്.

നാദാപുരം:  നാളെയും മറ്റന്നാളും  നാദാപുരം, വളയം പൊലീസ് സ്റ്റേഷൻ പരിധിയിൽ വിജയാഹ്ലാദ പ്രകടനങ്ങൾ പൂർണമായി നിരോധിച്ചു. നിരോധാജ്ഞ പ്രഖ്യാപിച്ച സ്ഥലങ്ങളിൽ വിജയിച്ച സ്ഥാനാർത്ഥിക്കൊപ്പം 20 പേർ മാത്രം പങ്കെടുക്കുന്ന പ്രകടനം നടത്താമെന്ന് ജില്ലാ കലക്ടറുടെ ഉത്തരവിൽ പറഞ്ഞിരുന്നു. എന്നാൽ നാദാപുരം മേഖലയുടെ പ്രത്യേക സാഹചര്യം കണക്കിലെടുത്ത് ഇതും  അനുവദിക്കേണ്ടതില്ലെന്നു തീരുമാനിച്ചതായി സി ഐ : എൻ സുനിൽ കുമാർ അറിയിച്ചു. വോട്ടെണ്ണൽ കേന്ദ്രത്തിന് 500 മീറ്റർ ചുറ്റളവിൽ ആളുകൾ പ്രവേശി ക്കുന്നതിനും നിരോധനം ഏർപ്പെടുത്തിയിട്ടുണ്ട്.

നാദാപുരം: പേരാമ്പ്ര, വടകര, വളയം, നാദാപുരം, കുറ്റിയാടി പോലീസ് സ്റ്റേഷൻ ഉൾപ്പെടെയുള്ള കോഴിക്കോട് റൂറൽ ജില്ലാ പരിധിയിൽ ഇന്ന് വൈകീട്ട് 6 മണി മുതൽ 17-12-20 വൈകീട്ട് 6 വരെ 2 ദിവസത്തെ നിരോധനാജ്ഞ പ്രഖ്യാപിച്ചു. വോട്ടെണ്ണൽ കേന്ദ്രത്തിന് 500 മീറ്റർ പരിധിയിൽ കൂട്ടം കൂടാൻ പാടില്ല. വിജയിക്കുന്ന സ്ഥാനാർഥികൾക്ക് 20 പേരെ പങ്കെടുപ്പിച്ച് വാർഡുകളിൽ ആഹ്ലാദ പ്രകടനം അനുവദിക്കും.

നാദാപുരം; തദ്ദേശ തെരഞ്ഞെടുപ്പിൽ നാദാപുരം മേഖലയിൽ യു ഡി എഫ് മുന്നേറ്റം നടത്തുമെന്ന് മീഡിയാ വിഷൻ നടത്തിയ അഭിപ്രായ സർവേ വ്യക്തമാക്കുന്നു. വിമത സ്ഥാനാർത്ഥികൾ ഒരിടത്തും ജയിക്കാൻ ഇടയില്ലെന്നും പോളിങ്ങിന് ശേഷം നടത്തിയ സർവേ വിലയിരുത്തി. 
നാദാപുരം ഗ്രാമ പഞ്ചായത്തിൽ ആകെയുള്ള 22 വാർഡുകളിൽ 17  സീറ്റുകൾ യു ഡി എഫ് നേടുമെന്നാണ് സൂചന. കഴിഞ്ഞ തവണ 16 വാർഡുകളിലാണ് യു ഡി എഫ് ജയിച്ചത്. ഈ വാർഡുകൾ നില നിർത്തുന്നതോടൊപ്പം കഴിഞ്ഞ തവണ ഒരു വോട്ടിനു തോറ്റ ഇയ്യങ്കോട് രണ്ടാം വാർഡും യു ഡി എഫിന് ലഭിക്കും. എസ് ഡി പി ഐ , സി പി എം പിന്തുണയിൽ സ്ഥാനാർത്ഥി മത്സരിച്ച കുമ്മങ്കോട് പതിനേഴാം വാർഡിലും യു ഡി എഫ് സ്ഥാനാർഥി നേരിയ വോട്ടിനു വിജയിക്കുമെന്നാണ് സൂചന. വാശിയേറിയ മത്സരം നടന്ന ചേലക്കാട് ഒൻപതാം വാർഡിൽ വിമത സ്ഥാനാർഥി നേരിയ വോട്ടിനു പരാജയപ്പെടുമെന്നും കണക്കുകൾ സൂചിപ്പിക്കുന്നു. 
വളയം പഞ്ചായത്തിൽ ആകെയുള്ള പതിനാറു വാർഡുകളിൽ ഏഴിൽ യു ഡി എഫ് ജയിക്കുമെന്നാണ് കണക്ക്. കഴിഞ്ഞ തവണ ആറു വാർഡുകളിലാണ് യു ഡി എഫ് ജയിച്ചത്. ഇത്തവണ മണിയാല വാർഡ് കൂടി ലഭിച്ചേക്കും. 
ചെക്യാട് ഗ്രാമ പഞ്ചായത്തിൽ ആകെയുള്ള പതിനഞ്ചു വാർഡുകളിൽ ഒരെണ്ണം മാത്രമേ എൽ ഡി എഫിന് ലഭിക്കൂ എന്ന് രാഷ്ട്രീയ നിരീക്ഷകർ വിലയിരുത്തുന്നു. വാശിയേറിയ മത്സരം നടന്ന ജാതിയേരി ഒൻപതാം വാർഡിൽ യു ഡി എഫ് സ്ഥാനാർഥി വിജയിക്കുമെന്നും അഭിപ്രായ സർവേ വ്യക്തമാക്കുന്നു.  
തൂണേരി ഗ്രാമ പഞ്ചായത്തിൽ ആകെയുള്ള  15 വാർഡുകളിൽ  9ൽ യു ഡി എഫ് വിജയിക്കുമെന്ന് വോട്ടർമാർ അഭിപ്രായപ്പെടുന്നു. വാണിമേലിൽ ആകെയുള്ള പതിനാറു വാർഡുകളിൽ 10 വാർഡുകൾ യു ഡി എഫ് നേടും. ഇവിടെ വാശിയേറിയ മത്സരം നടന്ന പതിനാലാം വാർഡിൽ വിമത സ്ഥാനാർഥി തോൽക്കുമെന്നും സർവേ പറയുന്നു.  പുറമേരിയിൽ ആകെയുള്ള  17 വാർഡുകളിൽ യു ഡി എഫിന് ഏഴു സീറ്റുകൾ ലഭിക്കുമെന്നാണ് വിലയിരുത്തൽ.

നാദാപുരം: ചേലക്കാട് ഒമ്പതാം വാർഡിൽ ഇരട്ട വോട്ടിനെ ചൊല്ലി വാക്കേറ്റം. രണ്ടാം നമ്പർ ബൂത്തിൽ ഒരാൾക്ക് ഇരട്ട വോട്ട് ശ്രദ്ധയിൽ പെട്ടതോടെയാണ് ഇരു വിഭാഗവും തമ്മിൽ വാക്കേറ്റം ഉണ്ടായത്. ആളുകൾ കൂട്ടം കൂടിയതോടെ നാദാപുരം പോലീസ് സ്ഥലത്തെത്തി വിരട്ടിയോടിച്ചു.

നാദാപുരം: തെരുവം പറമ്പിൽ മുമ്പുണ്ടായ സംഘർഷത്തിൽ യു.ഡി. എഫ് സ്ഥാനർഥിക്കും സി.ഐക്കും പരിക്ക്. നാദാപുരം ബ്ലോക്ക് ഡിവിഷൻ സ്ഥാനാർഥി നജ്മ ബീവി, സർക്കിൾ ഇൻസ്‌പെക്ടർ എൻ. സുനിൽ കുമാർ എന്നിവർക്കും കടയിലെ ഒരു ജീവനക്കാരനുമാണ് പരിക്കേറ്റത്. കൂടാതെ എസ്.ഐ ശ്രീജേഷിനും മൂന്ന് പോലീസുകാർക്കും പരിക്കേറ്റു.
കല്ലേറിൽ രണ്ട് പോലീസ് ജീപ്പുകളുടെ ചില്ല് തകർന്നു. വിവരമറിഞ്ഞ്‌ ഇ.കെ വിജയൻ എം.എൽ.എ, ഡി. വൈ.എസ്.പി കെ.കെ സജീവ്, വിവിധ രാഷ്ട്രീയ പാർട്ടി നേതാക്കളായ സൂപ്പി നരിക്കട്ടെരി, എൻ.കെ മൂസ മാസ്റ്റർ, സി.എച്ച് മോഹനൻ, പി.പി ചാത്തു, കെ.കെ നവാസ്, രജീന്ദ്രൻ കപ്പള്ളി, കെ.എം രഘുനാഥ് തുടങ്ങിയവർ സ്ഥലത്തെത്തി രംഗം ശാന്തമാക്കി. 

നാദാപുരം: തെരുവംപറമ്പ് ബൂത്തിന് സമീപം ആളുകൾ കൂട്ടം കൂടിയത് സംഘർഷത്തിനിടയാക്കി. പോലിസ് ടൗണിലെ കടകൾ അടപ്പിക്കാൻ ശ്രമിച്ചത് നാട്ടുകാർ ചോദ്യം ചെയ്തു. ഇതോടെ ആളുകളെ പിരിച്ചു വിടാൻ പോലിസ് ടിയർ ഗ്യാസ് പ്രയോഗിക്കുകയായിരുന്നു.

നാദാപുരം: ഗ്രാമപഞ്ചായത്ത് 9ാം വാർഡിലെ ചേലക്കാട് എൽപി സ്കൂളിൽ കനത്ത പോളിംഗ് രേഖപെടുത്തുന്നു. സ്ത്രീകളടക്കം വോട്ടു ചെയ്യാൻ സ്കൂളിൽ നീണ്ട നിര തന്നെ എത്തിയിട്ടുണ്ട്. 

സുഡിഎഫ് സ്ഥാനാർത്ഥിയായി ഇവിടെ എം സി സുബൈറും റിബൽ സ്ഥാനാർത്ഥിയായി പി കെ ഹമീദുമാണ് മത്സരിക്കുന്നത്. കൂടാതെ ഇടതുപക്ഷ സ്ഥാനാർത്ഥിയും രംഗത്തുണ്ട്.

വാണിമേൽ: ഗ്രാമപഞ്ചായത്തിൽ ഒന്നാം വാർഡായ നിറത്തുമ്മൽ പീടിക ബൂത്തിൽ വോട്ടിങ് യന്ത്രം തകരാറിലായി. വോട്ടെടുപ്പ് തുടങ്ങാൻ രണ്ട് മണിക്കൂർ വൈകി. 

നാദാപുരം: ഗ്രാമപഞ്ചായത്തിൽ ഏഴാം വാർഡിൽ ചിയ്യൂർ എൽ.പി സ്കൂളിൽ വോട്ടിങ് യന്ത്രം തകരാറിലായി. വോട്ടെടുപ്പ് തുടങ്ങാൻ 45 മിനുട്ട് വൈകി. 

ചെക്യാട്: പുളിയാവ് ഗവ. 
എൽ പി സ്കൂളിലെ ബൂത്തിൽ പോളിംഗിനിടെ വൈദ്യുതി മുടങ്ങിയത് കാരണം അൽപ നേരം വോട്ടെടുപ്പ് മുടങ്ങി. ബ്രേക്കർ ഡൗൺ ആയതായിരുന്നു പ്രശ്നം. 
എന്നാൽ ബ്രേക്കർ ഘടിപ്പിച്ച ഓഫീസ് മുറി പൂട്ടിയിട്ടത് വിനയായി. 
പോളിംഗ് ഉദ്യോഗസ്ഥർ പൂട്ട് പൊളിച്ച് അകത്ത് കടന്ന് ബ്രേക്കർ ശരിയാക്കിയ ശേഷം പോളിംഗ് പുനരാരംഭിച്ചു

നരിപ്പറ്റ: വോട്ടെടുപ്പ് തുടങ്ങി രണ്ട് മണിക്കൂർ പിന്നിട്ടിട്ടും നരിപ്പറ്റ പഞ്ചായത്തിൽ പോളിങ് മന്ദഗതിയിൽ. പ്രധാന പോളിങ് സ്റ്റേഷനുകളിൽ ഒട്ടുമിക്ക ഇടത്തും ആളൊഴിഞ്ഞ നിലയിലാണ്. കൈവേലി, മുള്ളമ്പത്ത്, ട്രാൻസ്‌ഫോർമർ മുക്ക്, തിനൂർ, ചീക്കോന്ന് എന്നീ പ്രധാന പോളിങ് സ്റ്റേഷനുകളിൽ തിരക്ക് വളരെ കുറവാണ്.

നാദാപുരം : വളയത്ത് പരീക്ഷണ വോട്ടിങ്ങിനു ഇടയില്‍ വോട്ടിംഗ് യന്ത്രം  തകരാറിലായി. 
6 മണിയോടെ ആരഭിച്ച മോക്ക് പോളിംഗിനിടയില്‍ വളയം പഞ്ചായത്തിലെ ഒന്നാം വാര്‍ഡിൽ പെട്ട വളയം എം എല്‍ പി സ്കൂളിലെ ഒരു ബൂത്തിലാണ് വോട്ടിംഗ് യന്ത്രം തകരാറിലായത് .
രണ്ട് ബൂത്തുകള്‍ ആണ് ഇവിടെ  പ്രവത്തിക്കുന്നത്.
സ്ഥാനാർത്ഥികളുടെ പ്രതിനിധികളുടെ സാന്നിധ്യത്തിൽ  പരസ്യമായി നടത്തിയ വോട്ടിങ്ങിനിടയില്‍ ആണ്  യന്ത്രം തകരാറില്‍ ആയത്. ബി ജെ പി  പ്രധിനിധി വിരലമര്‍ ത്തിയപ്പോല്‍ താമര ചിഹ്ന്നത്തിലെ  ബട്ടണ്‍ തകരാറിലാകുകയായിരുന്നു .പോളിംഗ് ഉധ്യോഗസ്ഥർ  തന്നെ പിന്നീട 20 മിന്ട്ടിനകം  തകരാറു പരിഹരിച്ച ശേഷം പോളിംഗ് ആരംഭിക്കുകയായിരുന്നു

നാദാപുരം: തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ അവസാനഘട്ട പോളിംഗ് തുടങ്ങി. രാവിലെ 7 മുതൽ വൈകീട്ട് 6 വരെയാണ് വോട്ടെടുപ്പ്.വിവിധ സ്ഥലങ്ങളിൽ രാവിലെ തന്നെ സ്ത്രീകളടക്കമുള്ള വോട്ടർമാരുടെ നീണ്ട നിരയായിരുന്നു.

നാദാപുരം: ചെക്യാട് ഗ്രാമ പഞ്ചായത്തിലെ ജാതിയേരി ഒൻപതാം വാർഡിൽ വിജയ പ്രതീക്ഷയിലാണ് യു ഡി എഫ്. മുസ്ലിം ലീഗ് മണ്ഡലം സെക്രട്ടറി അഹമ്മദ്  കുറുവയിൽ മൽസരിക്കുന്ന ഈ വാർഡിൽ  വിജയം ഉറപ്പിച്ച് UDF പ്രവർത്തകർ. ഇവിടെ UDF -LDF തമ്മിലാണ് മത്സരം നടക്കുന്നത്. വിമത സ്ഥാനാർത്ഥി മൂന്നാം സ്ഥാനത്ത് തള്ളപ്പെടുമെന്ന് യുഡിഎഫ് കൺവീനർ നസീർ കുനിയിൽ അറിയിച്ചു.
ജാതിയേരി മുസ്ലിം ലീഗിൻ്റെ ഉറച്ച മണ്ണാണ്. അതിൽ വിള്ളൽ വീഴ്ത്താൻ ഇവിടുത്തെ ജനങ്ങൾ അനുവദിക്കില്ല. പ്രചരണത്തിൻ്റെ അവസാനഘട്ടങ്ങളിൽ പാണക്കാട് മുനവ്വറലി ശിഹാബ് തങ്ങൾ, ഹമീദലി ശിഹാബ് തങ്ങൾ, പി കെ ഫിറോസ്, പാറക്കൽ അബ്ദുല്ല MLA എന്നിവരുടെ സന്ദർശനം പ്രവർത്തകരിൽ ഏറെ ആവേശഭരിതമാക്കി.കുറുവയിൽ വൻ ഭൂരിപക്ഷത്തോടെ വിജയിക്കുമെന്നതാണ് വാർഡിലെ പൊതു സംസാരം

നാദാപുരം : പുറമേരി ഗ്രാമ പഞ്ചായത്ത് പദ്ധതി വിഹിതം ഉപയോഗിച്ച് സാക്ഷ്യം എന്ന പേരിൽ പുസ്തകം പ്രസിദ്ധീകരിച്ച് ഇടതു മുന്നണി ഇലക്ഷൻ പ്രചരണം നടത്തിയെന്ന് പരാതി. ഇത് ചട്ടങ്ങളുടെ ലംഘനമാന്നെന്ന് ആരോപിച്ച് പഞ്ചായത്ത് യു.ഡി.എഫ് കമ്മിറ്റി  തെരഞ്ഞെടുപ്പ് കമ്മീഷന് പരാതി നൽകി. ചോർന്നൊലിക്കുന്ന കോളനികളും, കാൽനടയാത്ര പോലും സാധ്യമാകാത്ത റോഡുകളും ചർച്ചയാകുമ്പോൾ  കണ്ടില്ല എന്നാണ് ഭരണസമിതിയും, പ്രസിഡണ്ടും ജനങ്ങളോട് മറുപടി പറഞ്ഞിരുന്നതത്രെ. എന്നാൽ പരിമിതമായ ഫണ്ട് മാത്രമുള്ള പഞ്ചായത്ത്  ഒന്നരലക്ഷത്തോളം രൂപ ചെലവഴിച്ചാണ്  സാക്ഷ്യം പ്രസിദ്ധീകരിച്ചത് ഭരണസമിതിയുടെ അവസാന യോഗത്തിൽ  പഞ്ചായത്തിലെ വികസന പരിപാടികൾ പുസ്തകമായി അച്ചടിക്കാൻ നിർദ്ദേശം വന്നപ്പോൾ യു.ഡി.എഫ് അംഗങ്ങൾ ചോദ്യം ചെയ്തതിനെ തുടർന്ന് ഉപേക്ഷിച്ചതായിരുന്നു എന്നാൽ ഇതൊന്നും ഗൗനിക്കാതെ പഞ്ചായത്ത് ഫണ്ട് ഉപയോഗിച്ച് പ്രസിദ്ധീകരിച്ച 
32 പേജുള്ള പുസ്തകത്തിൽ പഞ്ചായത്തിന്റെ ഔദ്യോഗിക എംബ്ലമോ പ്രസാധകരുടെ പേരോ ഇല്ല എന്നതും പരാതിയിൽ ചൂണ്ടിക്കാട്ടി. സമീപ പഞ്ചായത്തുകൾ ഇത്തരം വികസന രേഖകൾ സന്നദ്ധസംഘടനകളുടെ സഹായത്തോടെ പൊതുഫണ്ട് ഉപയോഗിക്കാതെയാണ് പ്രസിദ്ധീകരിച്ചത്. സിപിഎമ്മിന്റെ പാർട്ടി പ്രചാരണ പ്രസിദ്ധീകരണ മായാണ് സാക്ഷ്യം പുറമേരിയിൽ ഉപയോഗിക്കുന്നത്. ഇത് അഴിമതിയും തെരഞ്ഞെടുപ്പ് ചട്ട ലംഘന വുമാണെന്ന് യു.ഡി.എഫ് നേതൃത്വം  ആരോപിച്ചു.  ഈ പ്രസിദ്ധീക രണത്തിൽ വിശദീകരിക്കുന്ന പദ്ധതികളും പ്രവർത്തനങ്ങളും വസ്തുതാ വിരുദ്ധമാണെന്നും യുഡിഎഫ് നേതാക്കൾ അറിയിച്ചു. പാവങ്ങളുടെ നികുതിപ്പണം കൊണ്ട് പാർട്ടി പ്രചരണം നടത്തുന്നത് ഹീനവും ജനാധിപത്യ മൂല്യങ്ങൾക്ക് നിരക്കാത്ത നടപടിയുമാണ് . 2018 സാമ്പത്തിക വർഷം പദ്ധതി വിജയത്തിന്റെ 54 ശതമാനം ചെലവഴിക്കാതെ നഷ്ടപ്പെടുത്തിയ പഞ്ചായത്ത് ഭരണസമിതിയുടെ  സമീപനം പരിഹാസ്യമാണെന്നും ചെയർമാൻ 
മരക്കാട്ടേരി ദാമോദരൻ,  
കൻവീനർ കെ.മുഹമ്മദ് സാലി
എന്നിവർ വ്യക്തമാക്കി.

നാദാപുരം  : ത്രിതല പഞ്ചായത്ത് തെരഞ്ഞെടുപ്പിൽ വാർഡു തലത്തിൽ മൽസരിക്കുന്ന സ്ഥാനാർത്ഥികളുടെ  വികസന ചർച്ച ശ്രദ്ധേയമായി. 
കക്ഷി രാഷ്ട്രീയത്തിനതീതമായി നടന്ന ചർച്ച ഫ്രൻസ് ഫോറം തണ്ണീർ പന്തലിന്റെ ആഭിമുഖ്യത്തിലാണ്  നടന്നത്. നാടിന്റെ വികസന കാര്യത്തിൽ സ്ഥാനാർത്ഥികൾ ഒരേ കാഴ്ചപ്പാടാണ് പ്രകടിപ്പിച്ചത്.ആയഞ്ചേരി പഞ്ചായത്ത്  രണ്ടാം വാർഡ് യു.ഡി.എഫ് സ്ഥാനാർഥി അശ്റഫ് വെള്ളിലാട്ട്, എൽ.ഡി.എഫ് സ്ഥാനാർഥി ടി.പി. കുഞ്ഞബ്ദുല്ല, നാലാം വാർഡ് എൽ.ഡി.എഫ് സ്ഥാനാർഥി ശ്രീജിലാൽ മാസ്റ്റർ, കാക്കോറേമ്മൽ, എം കെ നാണു, പറമ്പത്ത് രവീന്ദ്രൻ,
ഹാരിസ് മാസ്റ്റർ മുച്ചിലോട്ടുമ്മൽ, രമേശൻ മാസ്റ്റർ എന്നിവർ സംസാരിച്ചു.  സുബൈർ മാസ്റ്റർ മോഡറേറ്ററായി. ലത്തീഫ് പറമ്പത്ത്, സഈദ് ടി.കെ തുടങ്ങിയവർ നേതൃത്വം നൽകി.

നാദാപുരം:  തൂണേരി പഞ്ചായത്തിൽ പ്രശ്ന ബാധിത ബൂത്തുകൾ നിർണയിച്ചത് വിവാദത്തിൽ.  നേരത്തെ പ്രശ്നമുണ്ടായ വെള്ളൂർ പ്രദേശത്തെ ബൂത്തുകൾ പ്രശ്ന ബാധിത ബൂത്തിൽ ഉൾ പെടുത്താത്തതിൽ 
യു ഡി എഫ് നേതൃത്വം  പ്രതിഷേധം രേഖപ്പെടുത്തി.  മുൻപ് യാതൊരു പ്രശ്നവും ഉണ്ടാവാത്ത പ്രദേശങ്ങൾ  പ്രശ്ന ബാധിത ബൂത്തുകളാക്കിയപ്പോൾ നിർഭയം വോട്ട് ചെയ്യാനുള്ള പ്രയാസം നേരിടുന്ന പ്രദേശം എന്ന നിലക്ക്  9,10  വാർഡുകൾ ഉൾപ്പെടുന്ന വെള്ളൂരിലെ ബൂത്തുകൾ പരിഗണിക്കാത്തത് വോട്ടർമാരിൽ ആശങ്കയും ഭയവും ഉണ്ടാക്കിയതായി 
യു ഡി എഫ് നേതാക്കൾ പറഞ്ഞു .

നാദാപുരം: ഗ്രാമ പഞ്ചായത്തിൽ ഐക്യ ജനാധിപത്യ മുന്നണി പ്രകടന പത്രിക പുറത്തിറക്കി. കുടിവെള്ളം, വയോജന ക്ഷേമം, പാർപ്പിടം, കാർഷിക അഭിവൃദ്ധി തുടങ്ങി ഒട്ടേറെ കാര്യങ്ങൾ പത്രിക വിഭാവനം ചെയ്യുന്നുണ്ട്. 
കെ.പി.സി.സി  ജനറൽ സെക്രട്ടറി  അഡ്വ. കെ പ്രവീൺ കുമാർ പ്രകാശന കർമ്മം നിർവഹിച്ചു. പഞ്ചായത്ത്  യു ഡി എഫ് ചെയർമാൻ എം പി സൂപ്പി അധ്യക്ഷത വഹിച്ചു. സി പി സലാം സ്വാഗതം പറഞ്ഞു. സൂപ്പി  നിക്കാട്ടേരി, സി.വി കുഞ്ഞി കൃഷ്ണൻ, മുഹമ്മദ് ബംഗ്ലത്ത്, അഡ്വ .എ സജീവൻ, വി വി മുഹമ്മദലി, പി കെ ദാമു മാസ്റ്റർ, വലിയാണ്ടി ഹമീദ്, കെ എം രഘുനാഥ്, എൻ കെ ജമാൽ ഹാജി, കെ പി സുധീഷ് കുമാർ, എൻ കെ ഇബ്രാഹിം, അഷ്റഫ് പൊയ്ക്കര തുടങ്ങിയവർ സംബന്ധിച്ചു.

നാദാപുരം: നാദാപുരം പൊലിസ് സ്റ്റേഷൻ പരിധിയിൽ നാളെ കൊട്ടിക്കലാശം ഇല്ല. പകരം ഇന്ന് രാത്രി ഒമ്പത് മണി വരെ പ്രചാരണം അനുവദിക്കും. നാദാപുരം സി.ഐ എൻ. സുനിൽ കുമാർ വിളിച്ചു ചേർത്ത സർവ്വകക്ഷി യോഗത്തിലാണ് തീരുമാനം. നാളെ വാഹനങ്ങൾ ഉപയോഗിച്ചുള്ള പ്രചാരണം അനുവദിക്കുകയില്ല. തെരഞ്ഞെടുപ്പ് ഭംഗിയായി നടത്താൻ രാഷ്ട്രീയ പാർട്ടികൾ ഒറ്റകെട്ടായി പരിശ്രമിക്കും.

നാദാപുരം: തെരഞ്ഞെടുപ്പ് പ്രചാരണത്തിനിടെ ചേലക്കാട് ടൗണിൽ സംഘർഷം. യു.ഡി.എഫ് സ്ഥാനാർഥിയുടെ പൊതുയോഗം നടക്കുന്നതിനിടെ ലീഗ് റിബൽ സ്ഥാനാർഥിയുടെ തെരഞ്ഞെടുപ്പ് പ്രചാരണ വാഹനം അലോസരം സൃഷ്ടിച്ചത് യു.ഡി. എഫ് പ്രവർത്തകർ ചോദ്യം ചെയ്തതോടെയാണ് സംഘർഷം ഉടലെടുത്തത്. തുടർന്ന് പോലീസ് സ്ഥലത്തെത്തി ലാത്തി ചാർജ് നടത്തി.

നാദാപുരം: പൊതുജനാരോഗ്യം അപകടത്തിലാക്കുന്ന സങ്കര വൈദ്യം പ്രോത്സാഹിപ്പിക്കുന്ന സർക്കാർ  നയത്തിനെതിരെ, ഇന്ത്യൻ മെഡിക്കൽ അസോസിയേഷൻ്റെ നേതൃത്വത്തിൽ കേരളത്തിലെ മോഡേൺ മെഡിസിൻ ഡോക്ടർമാർ ഡിസംബർ 11 വെള്ളിയാഴ്ച രാവിലെ ആറു മണി മുതൽ വൈകിട്ട് ആറ് മണി വരെ ഓ പി ബഹിഷ്കരിക്കുമെന്ന് ഐ.എം.എ നാദാപുരം മേഖല ഭാരവാഹികൾ അറിയിച്ചു. *മുൻകൂട്ടി നിശ്ചയിച്ച എമർജൻസി അല്ലാത്ത ശസ്ത്രക്രിയകളും അന്നേ ദിവസം ഉണ്ടായിരിക്കുന്നതല്ല.

പൊതുജനങ്ങളുടെ ആരോഗ്യത്തിന് നേർക്കുള്ള കേന്ദ്ര സർക്കാരിൻ്റെ കടന്നു കയറ്റം മനസ്സിലാക്കി, അതിനെതിരെയുള്ള ഞങ്ങളുടെ സമരത്തോട് സഹകരിക്കണമെന്നും അത്യാഹിത ആവശ്യങ്ങൾക്ക് മാത്രമായി ആശുപത്രി സന്ദർശനം ചുരുക്കണമെന്നും ഇവർ അഭ്യർത്ഥിച്ചു.
അത്യാഹിതം വിഭാഗവും കോവിഡ് ചികിത്സയും തടസ്സം കൂടാതെ നടക്കും.
KGMCTA, KGIMOA, KGMOA, KPMCTA തുടങ്ങി സർകാർ/സ്വകാര്യ മേഖലയിൽ ഉള്ള എല്ലാ ഡോക്ടർമാരും ഈ സമരത്തിൽ പങ്കെടുക്കുന്നുണ്ട്.

എടച്ചേരി: കേരള സർക്കാരിൻ്റെയും എടച്ചേരി പഞ്ചായത്തിൻ്റെയും വികസന പ്രവർത്തനങ്ങളെ വിശദീകരിച്ച് പഞ്ചായത്തിൽ വികസന ജാഥ നടത്തി വി.പി കുഞ്ഞികൃഷ്ണൻ ഉൽഘാടനം ചെയ്തു ജാഥ ലീഡർ വി.രാജീവ് , ടി കെ അരവിന്ദാക്ഷൻ, വി കുഞ്ഞിക്കണ്ണൻ ,സി സൂരേന്ദ്രൻ, ഇ കെ സജിത്ത് കുമാർ, കെ ഹരീന്ദ്രൻ , വത്സരാജ് മണലാട്ട് സന്തോഷ് കക്കാട്ട് എന്നിവർ വിവിധ സ്വീകരണ കേന്ദ്രങ്ങളിൽ സംസാരിച്ചു. ഇടതു മുന്നണിയുടെ വാർഡ് ബ്ലോക്ക് സ്ഥാനാർത്ഥികളും സ്വീകരണ യോഗങ്ങളിൽ സംബന്ധിച്ചു. സമാപനസമ്മേളനത്തിൽ ഇ.കെ വിജയൻ എം.എൽ.എ, സി.പി രാജൻ, കെ.പി ഗോപാലൻ, ഗംഗാധരൻ പാച്ചാക്കര , സി.പി രാജൻ എന്നിവർ സംസാരിച്ചു. ജാഥ രാവിലെ ചെട്ട്യാം വീട് കോളനിൽ നിന്ന് ആരംഭിച്ച് വൈകീട്ട് ഇരിങ്ങണ്ണൂരിൽ സമാപിച്ചു.

നരിപ്പറ്റ: പഞ്ചായത്തിന്റെ വിവിധ ഭാഗങ്ങളിൽ യു.ഡി.എഫ് സ്ഥാനാർഥികളുടെ പോസ്റ്ററുകൾ നശിപ്പിക്കുന്നതായി പരാതി. സംഭവത്തിൽ പ്രതിഷേധിച്ച് നരിപ്പറ്റ ഗ്രാമപഞ്ചായത്തിൽ മത്സരിക്കുന്ന മുഴുവൻ സ്ഥാനാർഥികളും ചേർന്ന് റാലി നടത്തി. കൈവേലിയിൽ പഞ്ചായത്ത് ഓഫിസ് പരിസരത്തു നിന്നാരംഭിച്ച റാലി കണ്ടോത്തുകുനിയിൽ സമാപിച്ചു. കെ.പി.സി.സി സെക്രട്ടറി വി.എം ചന്ദ്രൻ ഉദ്‌ഘാടനം ചെയ്തു. ഒരു മുന്നണിയുടെ മാത്രം ബോർഡുകൾ തെരഞ്ഞുപിടിച്ചു നശിപ്പിക്കുന്ന സ്വഭാവം ജനാധിപത്യ മര്യാദക്ക് നിരക്കാത്തതാണെന്നും പരാജയഭീതി പൂണ്ടയാളുകളാണ് ഇതിന് പിന്നിലെന്നും അദ്ദേഹം പറഞ്ഞു. പഞ്ചായത്ത് യു.ഡി.എഫ് ചെയർമാൻ ടി. മുഹമ്മദലി അധ്യക്ഷനായി. കൺവീനർ സി.കെ നാണു, മുസ്ലിം ലീഗ് സെക്രട്ടറി കെ.എം ഹമീദ്, എം. കുഞ്ഞിക്കണ്ണൻ അരവിന്ദാക്ഷൻ മാസ്റ്റർ സംസാരിച്ചു. ബ്ലോക്ക് ഡിവിഷൻ സ്ഥാനർഥികളായ വിശ്വൻ മാസ്റ്റർ, പി.പി മൊയ്തു, പഞ്ചായത്തിലെ വിവിധ വാർഡുകളിലെ സ്ഥാനാർഥികൾ പങ്കെടുത്തു.

നാദാപുരം: തദ്ദേശ തെരഞ്ഞെടുപ്പിൽ നാട്ടിലാകെ യു ഡി എഫിന് അനുകൂല തരംഗം അലയടിക്കുമെന്ന കാര്യം തീർച്ചയാണെന്ന് മുസ്ലിം യൂത്ത് ലീഗ് സംസ്ഥാന പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങൾ. കേരളത്തിൽ വികസനമാകെ മുരടിക്കുകയും കള്ളക്കടത്തും അഴിമതിയും സർക്കാറിന്റെ മുഖ മുദ്രയായി മാറുകയും ചെയ്ത കാലത്താണ് ത്രിതല പഞ്ചായത്ത് തെരഞ്ഞെടുപ്പ് നടക്കുന്നത്. ഇടതു ഭരണത്തിൽ ജനങ്ങൾക്ക്  വിശ്വാസം നഷ്ടപ്പെട്ടിരിക്കുകയാണ്. അത് കൊണ്ട് തന്നെ ശക്തമായ ജന വികാരം ഈ തെരഞ്ഞെടുപ്പിൽ പ്രതിഫലിക്കുമെന്നും തങ്ങൾ പറഞ്ഞു. നാദാപുരം മണ്ഡലത്തിലെ വിവിധ കേന്ദ്രങ്ങളിൽ 
തെരഞ്ഞെടുപ്പ് പര്യടന പരിപാടിയിൽ  സംസാരിക്കുക യായിരുന്നു അദ്ദേഹം.
ഇരിങ്ങണ്ണൂർ, മുടവന്തേരി, ചാലപ്രം, നാദാപുരം, പുളിക്കൂൽ, ഇയ്യങ്കോട്, കല്ലാച്ചി, ജാതിയേരി, വാണിമേൽ, തെരുവം പറമ്പ്, ചേലക്കാട്, തളീക്കര എന്നീ കേന്ദ്രങ്ങളിൽ നടന്ന കുടുംബ സംഗമങ്ങളിൽ തങ്ങൾ പ്രസംഗിച്ചു. യൂത്ത് ലീഗ് ദേശീയ ജനറൽ സെക്രട്ടറി സി കെ സുബൈർ, മുസ്ലിം ലീഗ് ജില്ലാ വൈസ് പ്രസിഡന്റ് അഹമ്മദ് പുന്നക്കൽ, സംസ്ഥാന സമിതി അംഗം സി വി എം വാണിമേൽ, മണ്ഡലം പ്രസിഡണ്ട് സൂപ്പി നരിക്കാട്ടേരി, ജനറൽ സെക്രട്ടറി എൻ കെ മൂസ മാസ്റ്റർ, ട്രഷറർ വയലോളി അബ്ദുല്ല, യൂത്ത് ലീഗ് സംസ്ഥാന സെക്രട്ടറി വി വി മുഹമ്മദലി, ജില്ലാ ജനറൽ സെക്രട്ടറി  കെ കെ നവാസ്, മണ്ഡലം ജനറൽ സെക്രട്ടറി ഇ ഹാരിസ്, മണ്ഡലം ലീഗ് കമ്മിറ്റി അംഗം എം കെ അഷ്‌റഫ് എന്നിവർ തങ്ങളെ അനുഗമിച്ചു. വിവിധ കേന്ദ്രങ്ങളിൽ യു ഡി എഫ് നേതാക്കളായ സി വി കുഞ്ഞികൃഷ്ണൻ, ആർ ടി ഉസ്മാൻ മാസ്റ്റർ, മോഹനൻ പാറക്കടവ്, സി കെ ബഷീർ മാസ്റ്റർ, എം പി സൂപ്പി, വലിയാണ്ടി ഹമീദ്, ടി വി കെ ഇബ്രാഹിം, മഠത്തിൽ അബ്ദുല്ല ഹാജി, എം കെ സഫീറ, ആഷിഖ് ചെലവൂർ, അബൂട്ടി മാസ്റ്റർ ശിവപുരം, ടി എം വി ഹമീദ്, എസ്. പി. എം തങ്ങൾ, സി എച്ച് ഹമീദ്, മരുന്നൊളി കുഞ്ഞബ്ദുള്ള,  യു കെ റാഷിദ്, അഷ്‌റഫ് കൊറ്റാല, ഇ കുഞ്ഞാലി, എൻ കെ ജമാൽ ഹാജി, വി ടി കെ മുഹമ്മദ്, കെ കെ ബഷീർ തുടങ്ങിയവർ പ്രസംഗിച്ചു. ജില്ലാ ഡിവിഷൻ സ്ഥാനാർത്ഥികളായ സി വി എം നജ്മ, എം പി ജാഫർ മാസ്റ്റർ, മറ്റു സ്ഥാനാർത്ഥികളായ എം കെ സമീർ, അഡ്വ. കെ എം രഘുനാഥ്, സി എച്ച് നജ്മാ ബീവി, സുഹ്‌റ തണ്ടാന്റവിട, നജ്മാ യാസർ, വളപ്പിൽ കുഞ്ഞമ്മദ്, ഷാഫി തറേമ്മൽ, റജുല നിടുമ്പ്രത്ത്, അബ്ബാസ് കണെക്കൽ, മസ്ബൂബ അസിദ്, സി കെ നാസർ, അഹമ്മദ് കുറുവയിൽ, കെ ബാലകൃഷ്ണൻ, റംഷിദ് ചേരനാണ്ടി, അഖില മര്യാട്ട്, എം സി സുബൈർ തുടങ്ങിയവർ സംബന്ധിച്ചു.

നാദാപുരം: നാടെങ്ങും  തെരെഞ്ഞെടുപ്പ് ആവേശത്തിൽ അലിയുമ്പോൾ കുമ്മങ്കോട്ടെ ചാത്തോത്ത്  ബഷീറിന്റെ വീടും  തെരഞ്ഞെടുപ്പ്  ചൂടിലാണ്.  സ്വന്തം വീട് ഇലക്ഷൻ കഴിയുന്നത് വരെ പാർട്ടി ആപ്പീസാക്കി വിട്ടുനൽകിയിരിക്കുകയാണ്
കുമ്മങ്കോട്ടെ മുസ്ലിം ലീഗ് പ്രവർത്തകനായ  ബഷീർ. 
പഴയ കാലത്തെ അറിയപ്പെട്ട  മുസ്ലിം ലീഗ് പ്രവർത്തകനായിരുന്നു പിതാവ് പരേതനായ ചാത്തോത്ത് കുഞ്ഞബ്ദുള്ള.                           എം.എസ്.എഫിലൂടെയാണ് ബഷീർ മസ്ലിം ലീഗ് പ്രവർത്തനത്തിൽ സജീവമായത്.
വിവിധ ഇലക്ഷനുകളിൽ യു.ഡി. എഫ് സാരഥികളെ വിജയിപ്പിക്കുന്നതിൽ മുഖ്യ പങ്ക് വഹിച്ച ബഷീർ ഈ ഇലക്ഷനിലും മുഴു സമയ സ്കോട് പ്രവർത്തനത്തിലാണ്
നാദാപുരം പഞ്ചായത്തിലെ കുമ്മങ്കോട് പതിനാറാം വാർഡാണ് ബഷീറിന്റെ തട്ടകം.

നാദാപുരം; സംഘടനാ വിരുദ്ധ പ്രവർത്തനം നടത്തിയ അഞ്ചു പ്രാദേശിക നേതാക്കളെ കോൺഗ്രസിൽ നിന്ന് സസ്പെൻഡ് ചെയ്തു. 
ചെക്യാട് മണ്ഡലം പ്രസിഡണ്ടായിരുന്ന എൻ കെ കുഞ്ഞിക്കേളു , ഇയാളുടെ ഭാര്യയും റിബൽ സ്ഥാനാർത്ഥിയുമായ കെ ചന്ദ്രിക ടീച്ചർ, വളയം പഞ്ചായത്തിലെ റിബൽ സ്ഥാനാർഥി പി പി അശ്വിനി, ഇവരുടെ സഹായികളും പ്രാദേശിക ഭാരവാഹികളുമായ കെ വി സുകുമാരൻ, 
പി പി രവീന്ദ്രൻ എന്നിവരെയാണ് സസ്പെൻഡ് ചെയ്തതെന്ന് ബ്ലോക്ക് പ്രസിഡണ്ട് അഡ്വ. 
എ സജീവൻ അറിയിച്ചു.

നാദാപുരം: തെരഞ്ഞെെടുപ്പിന് മുന്നോടിയായി  വ്യാജമദ്യ വിതരണം തടയുന്നതിന്റെ ഭാഗമായി നാദാപുരം എക്സൈസ് റെയ്ഞ്ച് പാർട്ടി  വളയം, ചുഴലി  ഭാഗങ്ങളിൽ റെയ്ഡ് നടത്തി.    വെള്ളിയോട് ദേശത്ത് പാലോള്ളകുന്നിനു താഴെ മുതുകുറ്റി പുഴക്കരയിൽ വെച്ച് ചാരായം വാറ്റാൻ പാകപ്പെടുത്തിയ  590 ലിറ്റർ വാഷ് കണ്ടെത്തി. പ്രതിയെ കുറിച്ചുള്ള അന്വേഷണം ഊർജ്ജിതമാക്കിയിട്ടുണ്ട് . 
55(ജി) പ്രകാരം അബ്കാരി കേസ് റജിസ്റ്റർ ചെയ്തു. നാദാപുരം  എക്സൈസ്  പ്രിവന്റീവ് ഓഫിസർ സി.പി ചന്ദ്രന്റെ നേതൃത്വത്തിൽ  പ്രിവന്റീവ് ഓഫിസർ കെ.  ഷാജി, സിവിൽ എക്സൈസ് ഓഫിസർമാരായ കെ.പി സായിദാസ്‌, കെ.കെ രാജേഷ് കുമാർ, രാഹുൽ ആക്കിലേരി, അനൂപ് മയങ്ങിയിൽ, എം. അരുൺ, ഡ്രൈവർ പുഷ്പരാജൻ എന്നിവർ പങ്കെടുത്തു.

വടകര: ലോക രക്തദാന ദിനത്തിൽ കോഴിക്കോട് മെഡിക്കൽ കോളജിലേക്ക് രക്ത ദാതാക്കളെ എത്തിച്ച് ബി.ഡി.കെ വടകര.സന്നദ്ധ രക്തദാനത്തിന് സ്നേഹ വാഹിനിയുമായി  ബ്ലഡ് ഡോണേർസ്‌ കേരള കോഴിക്കോട് വടകരയുടെ നേതൃത്വത്തിലാണ് ഒരു ബസ്സിൽ ദാതാക്കളെ എത്തിച്ചത്.സി.കെ നാണു എം.എൽ.എ രക്തദാതാക്കളുമായി പുറപ്പെട്ട ബസ്സ് ഫ്ലാഗ് ഓഫ് ചെയ്തു. രക്തദാന രംഗത്തും, ജീവ കാരുണ്യ പ്രവർത്തനങ്ങളിലും ബ്ലഡ് ഡോണേർസ്‌ കേരള വടകരയുടെ പ്രവർത്തനം മാതൃകാപരമാണന്നും പ്രശംസനീയമാണന്നും സി.കെ നാണു എം.എൽ.എ അഭിപ്രായപ്പെട്ടു.മെഡിക്കൽ കോളജിലേക്കുള്ള സ്നേഹ വാഹിനി ബസ്സ് ഫ്ലാഗ് ഓഫ് ചെയ്തു സംസാരിക്കുകയായിരുന്നു അദ്ദേഹം.മെഡിക്കൽ കോളജ് കൂടാതെ കോടിയേരി മലബാർ കാൻസർ സെൻ്ററിലും, വടകര ഗവ.ആശുപത്രിയിലേക്കും എയ്ഡ്സ് ദിനത്തോടനുബന്ധിച്ച് ബി.ഡി.കെ വടകരയുടെ നേതൃത്വത്തിൽ രക്തദാന ക്യാമ്പുകൾ സംഘടിപ്പിച്ചു. ബി.ഡി.കെ വടകര താലൂക്ക് കമ്മറ്റി ഭാരവാഹികളും കോഡിനേറ്റർമാരുമായ .അൻസാർ ചേരാപുരം, വത്സരാജ് മണലാട്ട്, ബിജീഷ് ഒഞ്ചിയം, ഹസ്സൻ തോടന്നൂർ, മുദസ്സിർ, മുനീബ്, അമൽ എടച്ചേരി, ഫാഹിസ്, സനൂപ്  എന്നിവർ നേതൃത്വം നൽകി.

നാദാപുരം :  ഇടതു പക്ഷം  പ്രഖ്യാപിച്ച  സ്വതന്ത്ര സ്ഥാനാർത്ഥിക്ക് എസ്‌ഡിപിഐയും  പിന്തുണ പ്രഖ്യാപിച്ചതോടെ വിവാദമായ  കുമ്മങ്കോട് പതിനേഴാം വാർഡിൽ 
 രാഷ്ട്രീയപ്പോര് മുറുകി.

സ്വതന്ത്ര സ്ഥാനാർത്ഥി  ആവശ്യപ്പെട്ടതിന്റെ അടിസ്ഥാനത്തിലാണ്  പിന്തുണ നൽകിയതെന്നും,
മത നിരപേക്ഷ നിലപാട് വ്യക്തമായതിന്റെ അടിസ്ഥാനത്തിലാണ് പതിനേഴാം വാർഡിലെ  സ്വതന്ത്ര സ്ഥാനാർഥിയെ
എൽ.ഡി.എഫ് നേതാക്കൾ  പ്രഖ്യാപിച്ചതെന്നുമാണ്   സിപിഎം നേതാവ് സി എച് മോഹനന്റെ പക്ഷം.  എസ്‌.ഡി.പിഐയുമായി യാതൊരു ബന്ധവുമില്ലെന്നും
ലീഗിലെ ഒരു വിഭാഗമാളുകളുടെ ഗൂഢാലോചനയുടെ ഭാഗമായാണ് എൽഡീഎഫ് പ്രഖ്യാപിച്ച  സ്വതന്ത്ര സ്ഥാനാർഥിക്ക്  എസ്‌ഡിപിഐ പിന്തുണ നൽകുന്നു  എന്ന തരത്തിലുള്ള വീഡിയോ അർദ്ധരാത്രി  എസ്‌.ഡി.പി.ഐ
പുറത്ത് വിട്ടതെന്നും അദ്ദേഹം പറഞ്ഞു.
എന്നാൽ തങ്ങളോട് രേഖാമൂലം ആവശ്യപ്പെട്ടതിന്റെ അടിസ്ഥാനത്തിലാണ്  സ്വതന്ത്ര സ്ഥാനാർഥിക്ക്. എസ്‌ഡിപിഐ  പിന്തുണ നൽകിയത് എന്ന് എസ്‌ഡിപിഐ മണ്ഡലം സെക്രട്ടറി തീർച്ചിലോത്ത് അയ്യൂബ്  വ്യക്തമാക്കി. ഇതോടെ കുമ്മങ്കോട് രാഷ്ട്രീയ വിവാദം ചൂടുപിടിക്കുകയാണ്.
എസ്‌.ഡി.പി.ഐയുടെയും എൽഡിഎഫിന്റെയും അവിഹിത കൂട്ട് കെട്ടിന്റെ നാറുന്ന കഥകളാണ് കുമ്മങ്കോട് നിന്ന് പുറത്ത് വരുന്നതെന്നും, മുസ്ലിം ലീഗാണ് ഇതിന് പിന്നിലെന്ന് പറഞ്ഞ്   ഇടത് പക്ഷവും, എസ്‌ഡിപി ഐയും നാടകം  കളിക്കുകയാണെന്നും യുഡീഎഫ് നേതാക്കൾ പറഞ്ഞു.
ഇടത് പക്ഷവും, എസ്‌ഡിപിഐയും ഓരേ സ്ഥാനാർഥിക്ക് പിന്തുണ നൽകുന്നതിൽ ഇരു വിഭാഗത്തിലെ അണികളിലും കടുത്ത അമർഷമുണ്ട്.
എൽഡിഎഫ് ബോർഡുകളും ബാനറുകളും ഇറങ്ങിയെങ്കിലും എസ്‌ഡിപിഐ യുടെ പ്രചരണ ബാനറുകൾ ഇതുവരെ പ്രത്യക്ഷപെട്ടിട്ടില്ല.
ടി.വി മുഹ്‌സിനയാണ്  ഇവിടെ എൽ.ഡി.എഫ്, എസ്‌.ഡി.പി.ഐ  പിന്തുണയിൽ മാത്‍സരിക്കുന്നത്.
മുസ്ലിം ലീഗിലെ സുമയ്യ പാട്ടത്തിലാണ് യു.ഡീ.എഫ് സ്ഥാനാർത്ഥി

വാണിമേൽ: തദ്ദേശ തെരെഞ്ഞെടുപ്പിൽ വിവിധ തലങ്ങളിൽ സ്ത്രീ പ്രാതിനിധ്യം ഉറപ്പ് വരുത്തുക വഴി വികസന പ്രവർത്തനങ്ങളിൽ സ്ത്രീകൾക്കും സജീവ പങ്കാളിത്തം വഹിക്കാനുള്ള സാഹചര്യമാണുള്ളതെന്ന് മഹിളാ കോൺഗ്രസ് സംസ്ഥാന സിക്രട്ടറി സന്ധ്യ കരണ്ടോട് പറഞ്ഞു. വാണിമേൽ ചേലമുക്കിൽ യു ഡി എഫ് തെരെഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അവർ. കളത്തിൽ ബഷീർ മൂസ അധ്യക്ഷത വഹിച്ചു. എം.കെ അഷ്റഫ്, അഷ്റഫ് കൊറ്റാല, ഒ.ടി കുഞ്ഞമ്മദ് മാസ്റ്റർ, അസ്ലം കളത്തിൽ, കെ രാജൻ, സ്ഥാനാർത്ഥികളായ ഫാത്വിമ, സുഹ്റ തുടങ്ങിയവർ പ്രസംഗിച്ചു. കണ്ടിയിൽ മുഹമ്മദ് സ്വാഗതവും എൻ.കെ രജീഷ് ലാൽ നന്ദിയും പറഞ്ഞു

നാദാപുരം: കുടിവെള്ള വിതരണ പൈപ്പ് പൊട്ടി സംസ്ഥാന പാത തകർന്നു. നാദാപുരം തലശേരി റോഡിൽ കഴിഞ്ഞ ദിവസം രാത്രിയാണ് റോഡിനടിയിലൂടെ കടന്നുപോകുന്ന രണ്ടു പൈപ്പുകൾ പൊട്ടിയത്. റോഡ് തുളച്ചു കയറി വെള്ളം പരന്നൊഴുകാൻ തുടങ്ങിയതോടെ നാട്ടുകാർ ജല അതോറിട്ടി അധികൃതരെ വിവരം അറിയിച്ചു. ഇതേ തുടർന്ന് അധികൃതർ സ്ഥലത്ത് എത്തി ലൈൻ ഓഫ് ചെയ്യുകയും പൈപ്പ് നന്നാക്കുകയും  ചെയ്തു. അപ്പോഴേക്കും റോഡ് തകർന്ന് മധ്യത്തിൽ വലിയ കുഴി രൂപപ്പെടുകയായിരുന്നു.  ഇതോടെ ഈ റൂട്ടിൽ വാഹന ഗതാഗതവും ഭാഗികമായി മുടങ്ങി. നേരത്തെ നാദാപുരം താലൂക്ക് ആശുപത്രി പരിസരത്തും സംസ്ഥാന പാതയിൽ പൈപ്പ് പൊട്ടി റോഡ് തകർന്നിരുന്നു. ഗുണനിലവാരമില്ലാത്ത പൈപ്പിട്ടതാണ് ഇതിനു കാരണമെന്ന് നാട്ടുകാർ ആരോപിച്ചു.

വാണിമേൽ: മികച്ച സേവനത്തിനുള്ള മുഖ്യമന്ത്രിയുടെ പൊലീസ് മെഡൽ നേടിയ ഡിവൈഎസ്.പി വി എം അബ്ദുൽ വഹാബിന് ജന്മനാട്ടിൽ സ്വീകരണം നൽകി. വാണിമേൽ കുളപ്പറമ്പ് ബാലവാടി റസിഡൻസ് ടീമിൻ്റെ ആഭിമുഖ്യത്തിൽ നടന്ന യോഗം ടി.കെ മജീദ് ഉദ്ഘാടനം ചെയ്തു. കെ ടി കുഞ്ഞമ്മദ് ഹാജി പൊന്നാടയണിയിച്ചു. ചടങ്ങിൽ കേരളാ പൊലീസിൽ ജോലി കിട്ടിയ ഒ.പി മുജീബിനെ അനുമോദിച്ചു. എം.പി മുഹമ്മദലി അധ്യക്ഷത വഹിച്ചു . ടി.കെ അലി , ഇ പി മുഹമ്മദലി ,ഒ.പി മൊയ്തു ഫൈസി, ഫാത്തിമ ടി.കെ ,റംഷാദ് ടി.കെ , അസ്ലിയ  കെ.ടി ,മുഹമ്മദ് ഒ.പി , യാസീൻ കെ.കെ , ലത്തീഫ് ഒ.പി, മുസ് ഫിറ മുനസ്സ,  മുജീബ് ഒ.പി , ജലീൽ ഒ.പി ഖാലിദ് വി എം തുടങ്ങിയവർ സംസാരിച്ചു.

വടകര:  ബ്ലോക്ക് പഞ്ചായത്തിലെ കല്ലാമല ഡിവിഷനിൽ യു ഡി എഫ്  സ്ഥാനാര്‍ത്ഥി നിര്‍ണ്ണയത്തെ ചൊല്ലി നിലനില്‍ക്കുന്ന പ്രശ്‌നങ്ങള്‍ക്ക് പരിഹാരമായി. 
കെ മുരളീധരന്‍ നാളെ വടകരയില്‍ പ്രചാരണത്തിന് എത്തുന്നതോടെ യു.ഡി.എഫ് ക്യാമ്പ് സജീവമാകുമെന്നാണ് നേതൃത്വം കരുതുന്നത്. വടകരയിലെ പ്രശ്‌നങ്ങള്‍ പരിഹരിച്ചതിന് ശേഷം മാത്രമേ മണ്ഡലത്തില്‍ പ്രചാരണത്തിനുള്ളൂവെന്ന് മുരളീധരന്‍ നേരത്തെ പറഞ്ഞിരുന്നു. ഉമ്മൻ ചാണ്ടിയും പി കെ കുഞ്ഞാലിക്കുട്ടിയും ഇടപെട്ടതിനെ തുടർന്നാന്ന് മുരളീധരൻ എത്തുന്നത്.
ആര്‍എംപിയുമായുള്ള അടവ് നയ രാഷ്ട്രീയത്തിന്റെ ഭാഗമായി ജനകീയ മുന്നണി സംവിധാനത്തിലാണ് വടകര മേഖലയിലെ ത്രിതല പഞ്ചായത്തുകളില്‍ യു.ഡി.എഫ് സ്ഥാനാര്‍ത്ഥികള്‍ മത്സരിക്കുന്നത്. 
കല്ലാമല ഡിവിഷനില്‍ ജനകീയ മുന്നണി സ്ഥാനാര്‍ത്ഥിയായി 
സി സുഗതനാണ് പത്രിക നല്‍കിയത്. കോണ്‍ഗ്രസ് വിമത സ്ഥാനാര്‍ത്ഥിയായി കെ പി ജയകുമാറും പത്രിക നല്‍കിയതോടെ യാണ് വിവാദങ്ങളുടെ തുടക്കം.  ജയകുമാറിന് കോണ്‍ഗ്രസ് നേതൃത്വം കൈപത്തി ചിഹ്നം അനുവദിച്ചതോടെ പ്രശ്‌നം കൂടുതല്‍ രൂക്ഷമായി. വടകര മേഖലയില്‍ ജനകീയ മുന്നണി സംവിധാനം തകരുന്ന അവസ്ഥയിലേക്ക് കാര്യങ്ങള്‍ എത്തി. കെപിസിസി പ്രസിസണ്ടിന്റെ വാര്‍ഡിലുണ്ടായ മുന്നണി തകര്‍ച്ചക്കെതിരെ കോണ്‍ഗ്രസ്സില്‍ എതിര്‍പ്പ് ഉയര്‍ന്ന് വന്നു. കെപിസിസി പ്രസിഡന്റിനെതിരെ 
കെ മുരളീധരന്‍ ഉള്‍പ്പെടെയുള്ളവര്‍ 
പരസ്യ പ്രതിഷേധവുമായി രംഗത്ത് എത്തി. 
വടകരയില്‍ പ്രചാരണത്തില്ലെന്ന് വ്യക്തമാക്കിയ കെ മുരളീധരന്‍ വട്ടിയൂര്‍കാവില്‍ പ്രവര്‍ത്തനങ്ങള്‍ തുടരുകയായിരുന്നു.

നാദാപുരം: നിയോജക മണ്ഡലത്തിലെ വിവിധ പഞ്ചായത്തുകളിൽ യു ഡി എഫ് ഔദ്യോഗിക സ്ഥാനാർത്ഥികൾക്കെതിരെ മൽസരിക്കുന്ന മുസ്ലിം ലീഗ് പ്രാദേശിക നേതാക്കളെ പാർട്ടിയിൽ നിന്ന് സസ്പെന്റ് ചെയ്തു. 
നാദാപുരം പഞ്ചായത്തിലെ ഒൻപതാം വാർഡിൽ പത്രിക നൽകിയ പി കെ ഹമീദ്, ചെക്യാട് പഞ്ചായത്തിലെ വിവിധ വാർഡുകളിൽ റിബൽ സ്ഥാനാർത്ഥികളായ പി കെ ഖാലിദ് മാസ്റ്റർ, അബൂബക്കർ മാസ്റ്റർ, വാണിമേലിൽ പതിനാലാം വാർഡിൽ മൽസരിക്കുന്ന ചേലക്കാടൻ കുഞ്ഞമ്മദ്, കായക്കൊടി പഞ്ചായത്തിൽ മൽസരിക്കുന്ന കുമ്പളങ്കണ്ടി അഹമ്മദ്, മരുതോങ്കരയിലെ ഒന്നാം വാർഡിൽ പത്രിക നൽകിയ കെ പി റംല എന്നിവർക്കെതിരെയാണ്  നടപടി. ഇത് സംബന്ധിച്ച സംസ്ഥാന കമ്മിറ്റിയുടെ അറിയിപ്പ് ഇന്ന് പാർട്ടി മുഖപത്രം പ്രസിദ്ധീകരിച്ചു. കഴിഞ്ഞ ദിവസം  മണ്ഡലം കമ്മിറ്റിയുടെ ശുപാർശ കത്ത്  ജില്ലാ കമ്മിറ്റിക്ക് അയച്ചിരുന്നു . ഇതേ തുടർന്നാണ് നടപടി. റിബലുകളെ  സഹായിക്കുന്ന പാർട്ടിയുടെ ഉത്തരവാദപ്പെട്ട ഭാരവാഹികൾക്കെതിരെയും നടപടി ഉണ്ടാകും.

നാദാപുരം: നിയോജക മണ്ഡലത്തിലെ വിവിധ പഞ്ചായത്തുകളിൽ യു ഡി എഫ് ഔദ്യോഗിക സ്ഥാനാർത്ഥികൾക്കെതിരെ മൽസരിക്കുന്ന മുസ്ലിം ലീഗ് പ്രാദേശിക നേതാക്കൾക്കെതിരെ അച്ചടക്ക നടപടി. 
നാദാപുരം പഞ്ചായത്തിലെ ഒൻപതാം വാർഡിൽ പത്രിക നൽകിയ പി കെ ഹമീദ്, ചെക്യാട് പഞ്ചായത്തിലെ വിവിധ വാർഡുകളിൽ റിബൽ സ്ഥാനാർത്ഥികളായ പി കെ ഖാലിദ് മാസ്റ്റർ, അബൂബക്കർ മാസ്റ്റർ, വാണിമേലിൽ പതിനാലാം വാർഡിൽ മൽസരിക്കുന്ന ചേലക്കാടൻ കുഞ്ഞമ്മദ്,
കായക്കൊടി പഞ്ചായത്തിൽ മൽസരിക്കുന്ന കുമ്പളങ്കണ്ടി അഹമ്മദ്, മരുതോങ്കരയിലെ ഒന്നാം വാർഡിൽ പത്രിക നൽകിയ കെ പി റംല എന്നിവർക്കെതിരെയാണ്  നടപടി. ഇത് സംബന്ധിച്ച ശുപാർശ കത്ത് മണ്ഡലം ജില്ലാ കമ്മിറ്റിക്ക് അയച്ചു. റിബലുകളുടെ സഹായിക്കുന്ന പാർട്ടിയുടെ ഉത്തരവാദപ്പെട്ട ഭാരവാഹികൾക്കെതിരെയും നടപടി ഉണ്ടാകും.

നാദാപുരം : നാളെ നടക്കുന്ന ദേശീയ പണിമുടക്കിന് ഐക്യദാർഢ്യം പ്രകടിപ്പിച്ചു കൊണ്ട് വിവിധ സംഘടനകൾ രംഗത്ത്.
കെ.എസ്.എസ്.പി.യു. തൂണേരി പഞ്ചായത്ത് കമ്മിറ്റിയുടെ നേതൃത്വത്തിൽ തൂണേരിയിൽ നടന്ന ധർണ പ്രസിഡണ്ട് പി.കെ. സുജാതയുടെ അധ്യക്ഷതയിൽ  എം.ശങ്കരൻ ഉദ്ഘാടനം ചെയ്തു.സെക്രട്ടറി കെ.ഹേമചന്ദ്രൻ , ബാലരാജ് എന്നിവർ പ്രസംഗിച്ചു. 
വാണിമേലിൽ ഐക്യ ട്രേഡ് യൂനിയൻ പന്തം കൊളുത്തി പ്രകടനം നടത്തി. നാദാപുരം, വളയം എന്നിവിടങ്ങളിലും പ്രകടനം നടന്നു.

നാദാപുരം :  നാടിന്റെ ഐക്യവും ജനാധിപത്യ മതേതരത്വ മൂല്യങ്ങളും സംരക്ഷിക്കാൻ അവസരവാദപരമായ തെരെഞ്ഞെടുപ്പ് ബാന്ധവങ്ങളെ പരാജയപ്പെടുത്തണമെന്ന്  കോഴിക്കോട് ജില്ലാ മുസ്‌ലിം ലീഗ് വൈസ് പ്രസിഡന്റ് പി.ശാദുലി. നാദാപുരം പഞ്ചായത്ത് പതിനേഴാം വാർഡിലുൾപ്പെടെ  സി.പി.എം എസ്‌.ഡി.പി.ഐയുമായി  ഉണ്ടാക്കിയ കൂട്ടുകെട്ടുകളെ ഉദ്ദേശിച്ച് കൊണ്ടാണ് ശാദുലി ഇപ്രകാരം പറഞ്ഞത്.  വിഭാഗീയ ശക്തികളുമായി  കൈകോർക്കുന്ന സി.പി.എം നിലപാട്  ലജ്ജകരമാണെന്നും, ഈ ഗൂഡാലോചനയും അവിശുദ്ധ കൂട്ട് കെട്ടും  തകർക്കുവാൻ യു.ഡി.എഫ് സ്ഥാനാർത്ഥികളെ വോട്ട് നൽകി വിജയിപ്പിക്കണമെന്നും ശാദുലി പറഞ്ഞു.

നാദാപുരം: ഗ്രാമ പഞ്ചായത്തിലെ വിവിധ വാർഡുകളിലും ബ്ലോക്ക് ഡിവിഷനുകളിലും മൽസരിക്കുന്ന മുഴുവൻ  സ്ഥാനാർത്ഥികളുടെയും സംഗമം കല്ലാച്ചി കമ്യൂണിറ്റി ഹാളിൽ പൊലീസ് സബ് ഇൻസ്പെക്ടർ പി എം സുനിൽകുമാർ ഉദ്ഘാടനം ചെയ്തു. വരണാധികാരിയും 
ഉപ ജില്ലാ വിദ്യാഭ്യാസ ഓഫീസറുമായ വിനയ രാജ് അധ്യക്ഷനായി. പഞ്ചായത്ത് സെക്രട്ടറി എം പി രജുലാൽ പ്രതിജ്ഞ ചൊല്ലിക്കൊടുത്തു.
ഹെൽത്ത് ഇൻസ്പെക്ടർ കെ സതീഷ് ബാബു ക്ലാസെടുത്തു. അസി. സെക്രട്ടറി പ്രേമാനന്ദൻ സ്വാഗതവും, ജൂനിയർ സൂപ്രണ്ട് അനൂപ് പി നന്ദിയും പറഞ്ഞു.

നാദാപുരം: കോഴിക്കോട് ജില്ലാ പഞ്ചായത്ത് നാദാപുരം ഡിവിഷൻ യു ഡി എഫ് സ്ഥാനാർത്ഥി സി വി എം നജ്മയുടെ തെരഞ്ഞെടുപ്പ് പ്രചരണ കൺവൻഷൻ ആവേശകരമായി. നാദാപുരം ലീഗ് ഹൗസിൽ നടന്ന കൺവൻഷനിൽ ഡിവിഷൻ പരിധിയിലെ യു ഡി എഫ് നേതാക്കളും പ്രവർത്തകരും പങ്കാളികളായി. കേരള ലോക്കൽ ബോഡി മെമ്പേഴ്സ് ലീഗ് സംസ്ഥാന പ്രസിഡണ്ട് സൂപ്പി നരിക്കാട്ടേരി ഉദ്ഘാടനം ചെയ്തു. യു ഡി എഫ് നിയോജക മണ്ഡലം ചെയർമാൻ അഹമ്മദ് പുന്നക്കൽ അധ്യക്ഷത വഹിച്ചു. കൺവീനർ അഡ്വ. എ സജീവൻ സ്വാഗതം പറഞ്ഞു. സി വി കുഞ്ഞികൃഷ്ണൻ, സി വി എം വാണിമേൽ, പി കെ ദാമു മാസ്റ്റർ, എൻ കെ മൂസ മാസ്റ്റർ, അഡ്വ. കെ എം രഘുനാഥ്, കെ കെ നവാസ്, കോടോത്ത് അന്ത്രു, കളത്തിൽ ഹമീദ്, കെ പി സി തങ്ങൾ, ടി എം വി ഹമീദ്, ഇ ഹാരിസ്, അഖില മാര്യാട്ട്, പി കെ ശങ്കരൻ തുടങ്ങിയവർ സംസാരിച്ചു. സി വി കുഞ്ഞി കൃഷ്ണൻ ചെയർമാനും എൻ കെ മൂസ മാസ്റ്റർ കൺവീനറും അബ്ദുല്ല വയലോളി ട്രഷററുമായി തെരഞ്ഞെടുപ്പ് കമ്മിറ്റി രൂപീകരിച്ചു.

വാണിമേൽ: പുഴയിൽ കുളിക്കുന്നതിനിടെ ഒഴുക്കിൽ പെട്ട  അഞ്ച് പേരെ രക്ഷപ്പെടുത്തിയ വിദ്യാർത്ഥികൾക്ക് ജന്മ നാടിന്റെ സ്നേഹാദരം. വാണിമേൽ വണ്ണത്താങ്കാപ്പിലെ വയലിൽ ശാമിൽ, പടിക്കലക്കണ്ടി മുഹൈമിൽ എന്നിവരെയാണ് പൗരാവലി ആദരിച്ചത്.കഴിഞ്ഞ ദിവസം വെള്ളിയോട് പുഴയിൽ കുളിക്കാൻ ഇറങ്ങിയ ഒരു കുടുംബത്തിലെ സ്ത്രീകളും കുട്ടികളുമാണ് ഒഴുക്കിൽ പെട്ടത്. യാദൃശ്ചികമായി അവിടെ എത്തിയ വിദ്യാർത്ഥികൾ പുഴയിൽ എടുത്തു ചാടി ഇവരെ രക്ഷപ്പെടുത്തുകയായിരുന്നു.
വണ്ണത്താങ്കാപ്പിൽ നടന്ന ചടങ്ങിൽ 
വി കെ ജഅഫർ ആദ്ധ്യക്ഷത വഹിച്ചു.
മാധ്യമ പ്രവർത്തകൻ സി.വി എം വാണിമേൽ ഉപഹാരം നൽകി. അശ്റഫ് കൊററാല ഉൽഘാടനം ചെയ്തു,, എം.എ വാണിമേൽ, കുന്നത്ത് മൊയ്തു മാസ്റ്റർ, സി.വി.മൊയ്തീൻ ഹാജി, 
കെ. ഹുസയിൻ മാസ്റ്റർ, ടി കെ.അലി,  കൊററാല മൂസ്സ, സി.വി.എം നജ്മ, ,കാപ്പാട്ട് ജമീല എന്നിവർ സംസാരിച്ചു. ഒന്തത്ത് റഷീദ് സ്വാഗതവും
സഅദ് വി.പി.നന്ദിയും പറഞ്ഞു.

 നാദാപുരം: തദ്ദേശ തെരഞ്ഞെടുപ്പിൽ കുമ്മങ്കോട്  പതിനേഴാം വാർഡിൽ എൽ.ഡി.എഫിനും  എസ്.ഡി. പിഐക്കും   ഓരേ സ്ഥാനാർത്ഥി. 
എൽഡിഎഫ്  സ്വതന്ത്രയായി  മത്സരിക്കുന്ന
ടി വി മുഹ്സിനക്കാണ് എസ്‌.ഡി.പി.ഐയും  പിന്തുണ പ്രഖ്യാപിച്ചത്.
മുസ്ലിംലീഗിലെ സുമയ്യ യൂസഫാണ് യു.ഡി.എഫ് സ്ഥാനാർത്ഥി.

നാദാപുരം: തദ്ദേശ തെരഞ്ഞെടുപ്പിൽ 
വിവിധ രാഷ്ട്രീയ പാർട്ടികളുടെയും സ്ഥാനാർത്ഥികളുടെയും  കാഴ്ചപ്പാടുകൾ അവതരിപ്പിച്ച നാദാപുരം മേഖലയിലെ ആദ്യ ചർച്ചാ വേദി ശ്രദ്ധേയമായി. 
നാദാപുരം പ്രസ്ഫോറമാണ് ഇലക്ഷൻ ഡിബേറ്റ്  സംഘടിപ്പിച്ചത്. 
രണ്ടു സെഷനുകളായാണ് പരിപാടി നടന്നത്. ആദ്യ സെഷനിൽ ജില്ലാ പഞ്ചായത്ത് നാദാപുരം ഡിവിഷൻ സ്ഥാനാർത്ഥികളായ 
സി വി എം നജ്മ ( യു ഡി എഫ് ), ആര്യ കൃഷ്ണ ( എൽ ഡി എഫ് ), സുനിത എരഞ്ഞിക്കൽ ( ബി ജെ പി ) എന്നിവർ സംബന്ധിച്ചു. മാതൃഭൂമി ലേഖകൻ  ഇസ്മയിൽ വാണിമേൽ മോഡറേറ്ററായി. 
പത്ര പ്രവർത്തക അസോസിയേഷൻ താലൂക്ക് പ്രസിഡണ്ട് 
എം.കെ അഷ്റഫ് 
ആമുഖ ഭാഷണം നടത്തി. 
രണ്ടാം സെഷനിൽ മുതിർന്ന മാധ്യമ പ്രവർത്തകൻ ഇ. സിദ്ദീഖ് മോഡറേറ്ററായി. 
അസോസിയേഷൻ താലൂക്ക് സെക്രട്ടറി 
കെ കെ ശ്രീജിത്ത് 
ആമുഖ ഭാഷണം നടത്തി. 
അഹമ്മദ് പുന്നക്കൽ ( യു ഡി എഫ് ), എ മോഹൻ ദാസ് ( എൽ ഡി എഫ് ), പി മധു പ്രസാദ് ( ബി ജെ പി ), സാദിഖ് ചെന്നാട്ട് ( വെൽഫയർ പാർട്ടി ), നാസർ മാസ്റ്റർ പേരോട് ( എസ് ഡി പി ഐ ) എന്നിവർ ചർച്ചയിൽ പങ്കെടുത്തു.

നാദാപുരം: യു ഡി എഫ് സ്ഥാനാർത്ഥിക്കെതിരെ 'ജനകീയ മുന്നണിയുടെ ബാനറിൽ മൽസരിക്കാൻ തീരുമാനിച്ച മുസ്ലിം ലീഗ് മുൻ  മണ്ഡലം സെക്രട്ടറി മണ്ടോടി ബഷീർ പിൻമാറി. 
ഏതാനും സമയം മുൻപാണ് അദ്ദേഹം 
പത്രിക പിൻവലിച്ചത്. 
ഡമ്മി സ്ഥാനാർത്ഥി മധുമ്മൽ അഷ്റഫും  പത്രിക പിൻവലിച്ചിട്ടുണ്ട്.
നാദാപുരം ഗ്രാമ പഞ്ചായത്തിലെ നരിക്കാട്ടേരി വാർഡിലാണ് ബഷീർ പത്രിക നൽകിയത്. മുസ്ലിം ലീഗ് വാർഡ് സെക്രട്ടറി എ കെ സുബൈറാണ് ഇവിടെ 
യു ഡി എഫ് സ്ഥാനാർത്ഥി. 
നേരത്തെ ചേലക്കാട് വാർഡിൽ 
യു ഡി എഫ് സ്ഥാനാർത്ഥിയായി ബഷീറിന്റെ പേര് ലീഗ് നേതൃത്വം പ്രഖ്യാപിച്ചിരുന്നു. എന്നാൽ, ഈ വാർഡിലെ ഒരു വിഭാഗം പ്രവർത്തകർ ബഷീറിന്റെ സ്ഥാനാർത്ഥിത്വം അംഗീകരിക്കില്ലെന്ന് അറിയിച്ചതോടെ ഇവിടെ പഞ്ചായത്ത് ലീഗ് സെക്രട്ടറി എം സി സുബൈറിനെ സ്ഥാനാർത്ഥിയായി പ്രഖ്യാപിക്കുകയായിരുന്നു.
ഇതിൽ പ്രതിഷേധിച്ചാണ് മണ്ടോടി ബഷീർ തന്റെ സ്വന്തം വാർഡായ നരിക്കാട്ടേരിയിൽ മൽസരിക്കാൻ തീരുമാനിച്ചത്. ഇടതു പക്ഷ മുന്നണിയുടെ പിന്തുണയോടെ ജനകീയ മുന്നണി സ്ഥാനാർത്ഥിയായി ബഷീർ രംഗത്ത് വന്ന സാഹചര്യത്തിൽ മുസ്ലിം ലീഗ് മണ്ഡലം നേതൃ യോഗം ചേർന്ന് ബഷീറിനെ സ്ഥാനത്ത് നിന്ന് നീക്കം ചെയ്യുകയായിരുന്നു. 
പെട്ടെന്നുണ്ടായ ഒരു മാനസിക പ്രയാസത്താലാണ് താൻ ഇങ്ങിനെയൊരു തീരുമാനമെടുത്തതെന്നും 
തന്റെ നിലപാടിൽ നിർവ്യാജം ഖേദിക്കുന്നുവെന്നും ബഷീർ മീഡിയ വിഷനോട് പറഞ്ഞു. ഈ വിഷയത്തിൽ പാർട്ടി നേതാക്കളോടും പ്രവർത്തകരോടും ക്ഷമ ചോദിക്കുന്നതായും അദ്ദേഹം വ്യക്തമാക്കി.

വാണിമേൽ ;  പുഴയിൽ കുളിക്കാനി റങ്ങിയ അഞ്ച് പേർ മുങ്ങിത്താഴുന്നത് കണ്ട് പുഴയിൽ എടുത്ത് ചാടി അഞ്ച് പേരെയും രക്ഷപ്പെടുത്തി വിദ്യാർത്ഥികൾ മാതൃകയായി.
വാണിമേൽ സി.സി.മുക്കിലെ പടിക്കലകണ്ടി അമ്മതിൻ്റെ മകൻ മുഹൈമിൻ 15 ,വയലിൽ മൊയ്തു വിൻ്റെ മകൻ ഷാമിൽ 14 എന്നിവരാണ്  നാടിന് അഭിമാനമായി മാറിയത്. വെള്ളിയോട് ഗവ. ഹയർ സെക്കണ്ടറി സ്കൂൾ ഗ്രൗണ്ടിൽ 
ഫുട് ബാൾ സെലക്ഷൻ കഴിഞ്ഞു
സമീപത്തെ പുഴയിൽ കൈകാലുകൾ കഴുകാൻ പോയ സമയത്താണ്  
പരപ്പുപാറയിലെ കൂട്ടാക്കിച്ചാലിൽ സുരേന്ദ്രൻ്റെ മകൾ ബിൻഷി 22, സഹോദരിയുടെ മക്കളായ സജിത 36, ആഷിലി 23, അഥുൻ 15, സിഥുൻ 13 എന്നിവർ പുഴയിൽ മുങ്ങിത്താഴുന്നത് കണ്ടത്. ഉടൻ ഇരുവരും പുഴയിൽ എടുത്തു ചാടി ഇവരെ രക്ഷപ്പെടു ത്തുകയായിരുന്നു

നാദാപുരം: കേരളത്തിലെ ഇടതു ഭരണത്തിന്റെ കൊള്ളരുതായ്മ 
മറച്ചു വെക്കാനാണ് യു.ഡി.എഫ് നേതാക്കളെ കള്ള കേസിൽ 
കുടുക്കി പീഡിപ്പിക്കുന്നതെന്നും പിണറായി സർക്കാറിനെതിരായ വിധിയെഴുത്തായി തദ്ദേശ തെരഞ്ഞെടുപ്പ് മാറുമെന്ന് കെ.എം ഷാജി എം.എൽ.എ.
തൂണേരി ബ്ലോക്ക് ഡിവിഷൻ യു.ഡി.എഫ് സ്ഥാനാർത്ഥി എം.കെ സമീറിന്റെ തെരഞ്ഞെടുപ്പ് പ്രചാരണ കൺവൻഷൻ ചാലപ്പുറം ലീഗ് ഹൗസിൽ ഉദ്ഘാടനം ചെയ്യുകയായിരുന്നു ഷാജി.
സി.കെ ബഷീർ അധ്യക്ഷനായി.
മുഹമ്മദ് ബംഗ്ലത്ത്, കെ.പി.സി തങ്ങൾ, യു.കെ വിനോദ് കുമാർ, ഇ. ഹാരിസ്, 
വി.കെ രജീഷ്, എ.കെ.ടി കുഞ്ഞമ്മദ്, ജില്ലാ പഞ്ചായത്ത് സ്ഥാനാർത്ഥി എം.പി ജാഫർ മാസ്റ്റർ, ചാലപ്പുറം വാർഡ് സ്ഥാനാർത്ഥി റജുല നിടുമ്പത്ത് തുടങ്ങിയവർ പ്രസംഗിച്ചു.

നാദാപുരം: ഗ്രാമപഞ്ചായത്ത് ഒൻപതാം വാർഡ് യു.ഡി.എഫ് തെരഞ്ഞെടുപ്പ് പ്രചാരണത്തിന് തുടക്കം കുറിച്ച് ചേലക്കാട് നടന്ന ബഹുജന കൺവൻഷൻ കെ.എം ഷാജി എം.എൽ.എ ഉദ്‌ഘാടനം ചെയ്തു. വാർഡ് ലീഗ് പ്രസിഡന്റ് കെ.വി അബ്ദുല്ല അധ്യക്ഷനായി. സി.വി.എം വാണിമേൽ, അബ്ദുല്ല വയലോളി, മുഹമ്മദ് ബംഗ്ലത്ത്, സി.വി കുഞ്ഞി കൃഷ്ണൻ, എം.പി സൂപ്പി, കെ.കെ നവാസ്, വി.വി മുഹമ്മദലി, എം.കെ അഷ്റഫ്, ഇ. ഹാരിസ്, വലിയാണ്ടി ഹമീദ്, ഹസൻ ചാലിൽ, എൻ.കെ ജമാൽ ഹാജി, നരിക്കോൾ അബ്ദുല്ല, അഷ്റഫ് പറമ്പത്ത്, നിസാർ എടത്തിൽ, കെ.കെ ബഷീർ, മുസ്തഫ കുന്നുമ്മൽ, വി. മൊയ്തു, ജില്ലാ ഡിവിഷൻ സ്ഥാനാർത്ഥി സി.വി.എം നജ്മ, ബ്ലോക്ക് ഡിവിഷൻ സ്ഥാനാർത്ഥി അഡ്വ. എ. സജീവൻ, ഒൻപതാം വാർഡ് സ്ഥാനാർത്ഥി എം.സി സുബൈർ, മറ്റു വാർഡ് സ്ഥാനാർത്ഥികളായ  എ.കെ സുബൈർ മാസ്റ്റർ, കെ.ടി രവീന്ദ്രൻ  
പി.കെ നിഷ എന്നിവർ സംസാരിച്ചു.

നാദാപുരം: എൽ.ജെ.ഡിയുടെ പങ്കാളിത്തം എൽ.ഡി.എഫിനെ ശക്തിപ്പെടുത്തുമെന്നും വികസനവും ജനക്ഷേമവുമാണ് തിരഞ്ഞെടുപ്പിൽ എൽ.ഡി.എഫിൻ്റെ മുദ്രാവാക്യമെന്നും എൽ.ജെ.ഡി ജില്ലാ പ്രസിഡണ്ട് മനയത്ത് ചന്ദ്രൻ അഭിപ്രായപ്പെട്ടു. എൽ.ജെ.ഡി എടച്ചേരി പഞ്ചായത്ത് കമ്മറ്റിയുടെ ആഭിമുഖ്യത്തിൽ  മഹിളാ ജനതാദൾ നേതാവും മുൻ ജില്ലാ പഞ്ചായത്ത് സ്റ്റാൻ്റിങ്ങ് കമ്മറ്റി ചെയർപേഴ്സണുമായ കെ.പത്മാവതി ടീച്ചറുടെ പതിനഞ്ചാമത് അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കാലത്ത് ശവകുടീരത്തിൽ നടന്ന പുഷ്പാർച്ചനക്ക് മനയത്ത് ചന്ദ്രൻ ഉൾപ്പെടെ നിരവധി നേതാക്കൾ പങ്കെടുത്തു.എൽ.ജെ.ഡി പഞ്ചായത്ത് കമ്മറ്റി പ്രസിഡണ്ട് വത്സരാജ് മണലാട്ട് അധ്യക്ഷത വഹിച്ചു. മണ്ഡലം പ്രസിഡണ്ട് പി.എം നാണു, സെക്രട്ടറി എം.പി വിജയൻ, രവീന്ദ്രൻ പാച്ചാക്കര, കെ.നാരായണൻ, ടി. പ്രകാശൻ, വള്ളിൽ പവിത്രൻ, പി.കെ അശോകൻ എന്നിവർ സംസാരിച്ചു.

നാദാപുരം: റിബലുകളായി മത്സരിക്കുന്ന സ്ഥാനാർഥികൾക്കെതിരെ കടുത്ത നടപടിയെടുക്കാൻ ഇന്ന് ചേർന്ന മുസ്ലിം ലീഗ് മണ്ഡലം പാർലിമെന്ററി ബോർഡ് യോഗത്തിൽ തീരുമാനിച്ചു. യു ഡി എഫ് സ്ഥാനാർത്ഥിക്കെതിരെ 'ജനകീയ മുന്നണിയുടെ ബാനറിൽ മൽസരിക്കാൻ തീരുമാനിച്ച മുസ്ലിം ലീഗ് മണ്ഡലം സെക്രട്ടറി മണ്ടോടി ബഷീറിനെ മണ്ഡലം ഭാരവാഹി സ്ഥാനത്ത് നിന്ന് നീക്കം ചെയ്തു. ജാതിയേരിയിൽ മണ്ഡലം നേതാക്കൾക്കെതിരെ പ്രകടനം വിളിച്ചതിനെ കുറിച്ച് അന്വേഷിക്കാൻ കെ.കെ നവാസിനെ ചുമതലപ്പെടുത്തി. 
വിവിധ പഞ്ചായത്തുകളിൽ റിബലുകളായി മത്സരിക്കുന്ന മുസ്ലിം ലീഗ് ഭാരവാഹികൾ നാമനിർദേശ പത്രിക പിൻവലിക്കാൻ തയ്യാറാകാത്ത പക്ഷം അവസാന തിയ്യതിക്ക് ശേഷം അവരവർ വഹിക്കുന്ന എല്ലാ സ്ഥാനങ്ങളിൽ നിന്നും നീക്കം ചെയ്യും.
നാദാപുരം മണ്ഡലത്തിലെ വിവിധ സ്ഥലങ്ങളിലെ റിബലുകൾ രംഗപ്രവേശനം ചെയ്തതോടെയാണ് പാർലിമെന്ററി ബോർഡ് യോഗം ചേർന്നത്. യോഗത്തിൽ അഹമ്മദ് പുന്നക്കൽ, സൂപ്പി നരിക്കാട്ടേരി, എൻ.കെ മൂസ, കെ.കെ നവാസ്  തുടങ്ങിയവർ പങ്കെടുത്തു.

വടകര:  കഴിഞ്ഞ മാസം വടകര സ്വദേശിയായ യുവാവിനെ മൈസൂരിൽ വച്ച് തട്ടിക്കൊണ്ടുപോയി തടങ്കലിൽ പാർപ്പിച്ച് പണം അപഹരിച്ച സംഘം പോലീസ് പിടിയിൽ. വടകരയിലേക്ക് വരാനായി മൈസൂർ ബസ് സ്റ്റാന്റിൽ രാത്രി ബസ് കാത്തു നിൽക്കുകയായിരുന്ന യുവാവിനെ തട്ടിക്കൊണ്ടുപോയി മൈസൂരിലെ ലോഡ്ജിൽ തടങ്കലിൽ പാർപ്പിച്ച്  പണം തട്ടുകയായിരുന്നു. മൈസൂരിൽ താമസക്കാരായ പാലക്കാടു സ്വദേശി സമീർ, കണ്ണൂർ സ്വദേശി അഷ്റഫ്, വിരാജ്പേട്ട താമസിക്കുന്ന കണ്ണൂർ സ്വദേശി ഉനൈസ് എന്നിവരാണ് വടകര പോലീസിന്റെ പിടിയിലായത്.
യുവാവിനെ ലോഡ്ജിൽ 3 ദിവസം തടവിൽ പാർപ്പിച്ച ശേഷം പണം തന്നില്ലെങ്കിൽ പോക്സോ കേസിൽ പ്രതിയാക്കുമെന്ന് പറഞ്ഞ് ഭീഷണിപ്പെടുത്തിയും മർദ്ദിച്ചും പ്രകൃതി വിരുദ്ധ ലൈംഗിക പീഡനത്തിനിരയാക്കിയും പണം കൊള്ളയടിക്കാൻ ശ്രമിക്കുകയായിരുന്നു. യുവാവിന്റെ കൈയ്യിൽ പണമില്ലെന്ന് മനസിലാക്കിയ പ്രതികൾ യുവാവിന്റെ സഹോദരനെ ഫോണിൽ വിളിച്ച് ഭീഷണിപ്പെടുത്തുകയും ചെയ്തു.
യുവാവിനെ വിട്ടയക്കാൻ 50000 രൂപ നല്കണമെന്ന് ആവശ്യപ്പെടുകയായിരുന്നു. പണം കൈക്കലാക്കിയ ശേഷം പ്രതികൾ യുവാവിനെ വിട്ടയച്ചു. ഇൻസ്പെക്ടർ വിനോദ് പി യുടെ നിർദ്ദേശ പ്രകാരം സബ് ഇൻസ്പെക്ടർ മനീഷ്, എസ് ഐ അമ്മദ്, എ എസ് ഐ ഗിരീഷ് കെ പി, സി പി ഓ ഷിരാജ് എന്നിവരടങ്ങുന്ന സംഘമാണ് അന്വേഷണം നടത്തി പ്രതികളെ അറസ്റ്റ് ചെയ്തത്.
മൈസൂരിലെ ലോഡ്ജിലെ സി സി ടി വി ദൃശ്യങ്ങൾ പരിശോധിച്ചും പ്രതികളുടെ ബാങ്ക് എക്കൗണ്ട് കേന്ദ്രീകരിച്ചും  മൊബൈൽ ഫോൺ കേന്ദ്രീകരിച്ചും നടത്തിയ അന്വേഷണത്തിലാണ് ഇരുപത് ദിവസത്തിനുള്ളിൽ പ്രതികളെ പിടികൂടാൻ കഴിഞ്ഞത്

നാദാപുരം: യു ഡി എഫ് സ്ഥാനാർത്ഥിക്കെതിരെ 'ജനകീയ മുന്നണിയുടെ ബാനറിൽ മൽസരിക്കാൻ തീരുമാനിച്ച മുസ്ലിം ലീഗ് മണ്ഡലം സെക്രട്ടറി മണ്ടോടി ബഷീർ പിൻമാറുമെന്ന് സൂചന. അദ്ദേഹത്തെ അനു നയിപ്പിക്കാൻ മണ്ഡലം ലീഗ് കമ്മിറ്റി ശ്രമം തുടങ്ങി. 
മണ്ഡലം - പഞ്ചായത്ത് പാർലമെന്ററി ബോർഡ് അംഗങ്ങൾ ഇന്ന് വൈകീട്ട് ബഷീറുമായി ചർച്ച നടത്തും.  നാദാപുരം ഗ്രാമ പഞ്ചായത്തിലെ നരിക്കാട്ടേരി വാർഡിലാണ് ബഷീർ പത്രിക നൽകിയത്. മുസ്ലിം ലീഗ് വാർഡ് സെക്രട്ടറി എ കെ സുബൈറാണ് ഇവിടെ 
യു ഡി എഫ് സ്ഥാനാർത്ഥി. നേരത്തെ ചേലക്കാട് വാർഡിൽ 
യു ഡി എഫ് സ്ഥാനാർത്ഥിയായി ബഷീറിന്റെ പേര് ലീഗ് നേതൃത്വം പ്രഖ്യാപിച്ചിരുന്നു. എന്നാൽ, ഈ വാർഡിലെ ഒരു വിഭാഗം പ്രവർത്തകർ ബഷീറിന്റെ സ്ഥാനാർത്ഥിത്വം അംഗീകരിക്കില്ലെന്ന് അറിയിച്ചതോടെ ഇവിടെ പഞ്ചായത്ത് ലീഗ് സെക്രട്ടറി എം സി സുബൈറിനെ സ്ഥാനാർത്ഥിയായി പ്രഖ്യാപിക്കുകയായിരുന്നു.
ഇതിൽ പ്രതിഷേധിച്ചാണ് മണ്ടോടി ബഷീർ തന്റെ സ്വന്തം വാർഡായ നരിക്കാട്ടേരിയിൽ പത്രിക നൽകിയത്.

നാദാപുരം :ഗ്രാമ പഞ്ചായത്ത് തെരഞ്ഞെടുപ്പിൽ 
മുസ്ലിം ലീഗ് നേതാവ് ഇടതു പിന്തുണയോടെ മൽസരിക്കും. 
മണ്ഡലം ലീഗ് സെക്രട്ടറി മണ്ടോടി ബഷീറാണ് പാർട്ടി സ്ഥാനം രാജിവെച്ച് ഇടതു പിന്തുണയിൽ പത്രിക നൽകിയത്. സ്വന്തം വാർഡായ  നരിക്കാട്ടേരിയിലാണ് അദ്ദേഹം മൽസരിക്കുന്നത്. ഇവിടെ യു ഡി എഫ് സ്ഥാനാർത്ഥി മുസ്ലിം ലീഗിലെ എ കെ സുബൈർ മാസ്റ്ററാണ്. 
കഴിഞ്ഞ ദിവസം ലീഗ് തീരുമാനിച്ച  സ്ഥാനാർത്ഥീ കളിൽ ചേലക്കാട് വാർഡിൽ ബഷീറിനെയാണ് പ്രഖ്യാപിച്ചിരുന്നത്. ഇത് പ്രകാരം ഈ വാർഡിലെ വീടുകളിൽ കയറി ബഷീർ അനുഗ്രഹം തേടുകയും ചെയ്തു. എന്നാൽ, ചേലക്കാട് വാർഡിൽ ബഷീറിനെ നിർത്തിയാൽ പ്രശ്നമാണെന്ന് ഒരു വിഭാഗം പ്രവർത്തകർ നേതൃത്വത്തെ അറിയിച്ചു. ഇതോടെ , ബഷീറിനോട് തൽക്കാലം മാറി നിൽക്കാൻ ആവശ്യപ്പെടുകയും ഇവിടെ  എം സി സുബൈറിനെ സ്ഥാനാർത്ഥിയായി പ്രഖ്യാപിക്കുകയുമായിരുന്നു.

നാദാപുരം: തദ്ദേശ സ്വയംഭരണ തെരഞ്ഞെടുപ്പിൽ മത്സരിക്കുന്ന പിറമേരി പഞ്ചായത്തിലെ യു.ഡി.എഫ് സ്ഥാനാർഥികളെ പ്രഖ്യാപിച്ചു.
വാർഡും സ്ഥാനാർത്ഥികളും:
വാർഡ് 1. ജലജ മുതുവാട്ട് (INC)
2. സമീറ കൂട്ടായി (IUML)
3. ബീന കല്ലിൽ (INC)
4. സുനീറ നെരോത്ത്  (IUML)
5. വിശ്വമ്പരൻ (INC)
6. അലിമത്ത് എൻ കെ (IUML)
7. പി ശ്രീലത  (INC)
8. എ പി മുനീർ മാസ്റ്റർ(IUML)
9. പ്രബിത എം എം (INC )
10. നിഷിജ പ്രകാശ് (INC)
11. റീത്ത കണ്ടോത് (INC)
12. പി.ടി.കെ പ്രവീൺ (INC)
13. രജീഷ് ഇ ടി കെ (INC)
14. തൊടുവയിൽ കുഞ്ഞിക്കണ്ണൻ (INC)
15. കെ. എം സമീർ മാസ്റ്റർ (IUML) 
16. ഷംസു മഠത്തിൽ (IUML)
17. ഷീബ നിടുമ്പ്രക്കണ്ടി (INC)

വാണിമേൽ: മണിക്കൂറുകൾ നീണ്ട ചർച്ചക്കൊടുവിൽ വാണിമേലിലെ ഭൂമിവാതുക്കൽ പതിനാലാം വാർഡിൽ കോൺഗ്രസിലെ കെ ബാല കൃഷ്ണൻ യു ഡി എഫ് സ്ഥാനാർത്ഥിയായി. ഇത്തവണ മുസ്ലിം ലീഗ് കോൺഗ്രസിന് വിട്ടു നൽകിയ ഈ വാർഡിൽ എം കെ കുഞ്ഞബ്ദുല്ല, കെ പി മൊയ്തു ഹാജി, അനസ് നങ്ങാണ്ടി എന്നിവരുടെ പേരുകളും പരിഗണയിലുണ്ടായിരുന്നുഇതിൽ മൊയ്തു ഹാജിയെ മൽസരിപ്പിക്കാൻ ഇന്നലെ ഏകദേശ ധാരണയായിൽ എത്തിയിരുന്നെങ്കിലും  ഇന്ന് വീണ്ടും തർക്കമായതോടെ വിഷയം ജില്ലാ കോൺഗ്രസ് കമ്മിറ്റിക്ക് വിടുകയായിരുന്നു.  ഇന്ന് ഉച്ച മുതൽ രാത്രി വരെ  ഡി സി സി ഓഫീസിൽ കെ പി സി സി , ഡി സി സി ഭാരവാഹികളുടെ സാന്നിധ്യത്തിൽ നടന്ന ചർച്ചയിലാണ് കെ ബാല കൃഷ്ണനെ സ്ഥാനാർത്ഥിയായി പ്രഖ്യാപിച്ചത് .

നാദാപുരം: ഗ്രാമപഞ്ചായത്ത് തെരഞ്ഞെടുപ്പിൽ മത്സരിക്കുന്ന സ്ഥാനാർഥികളെ പ്രഖ്യാപിച്ചു.

വാർഡ് 2 -  CK. നാസർ
3 -മസ്ബൂബ ഇബ്രാഹിം
9 - മണ്ടോടി ബഷീർ മാസ്റ്റർ
12 - സുബൈർ മാസ്റ്റർ
15 - വി. അബ്ദുൽ  ജലീൽ
16 -  ആയിഷ ഗഫൂർ
17 -  സുമയ്യ യൂസുഫ്
19 - അബ്ബാസ് കണേക്കൽ
20 - സമീറ സി.ടി.കെ 
21 - വി.വി മുഹമ്മദ്‌ അലി
22 - ജനീദ ഫിർദോസ്

വാണിമേൽ: ആശങ്കകൾക്കും അഭ്യൂഹങ്ങൾക്കും വിരാമമിട്ട് വാണിമേൽ പഞ്ചായത്തിലെ വിവിധ വാർഡുകളിൽ മുസ്ലിം ലീഗ്  സ്ഥാനാർത്ഥികളെ പ്രഖ്യാപിച്ചു.  കണ്ടിയിൽ ഫാത്തിമ ( വാർഡ് 1 ), 
റസാഖ് പറമ്പത്ത് ( വാർഡ് 2 ) , കല്ലിൽ സൂപ്പി ( വാർഡ് 3 ), വി കെ മൂസ മാസ്റ്റർ ( വാർഡ് 4 ), മുഫീദ റാഷിദ് കെ ടി കെ,  ( വാർഡ് 5 ), സിദ്ദീഖ് വെള്ളിയോട് ( വാർഡ് 6 ), റംഷിദ് ടി പി ചേരനാണ്ടി ( വാർഡ് 13 ), എം കെ മജീദ് ( വാർഡ് 15 ), പി സുരയ്യ  ടീച്ചർ ( വാർഡ് 16 ) എന്നിവരാണ് സ്ഥാനാർത്ഥികൾ.

നാദാപുരം:  ചെക്യാട് പഞ്ചായത്തിലെ വിവിധ വാർഡുകളിൽ മുസ്ലിം ലീഗ് സ്ഥാനാർഥികളെ പ്രഖ്യാപിച്ചു. 
ടി.കെ.ഖാലിദ് മാസ്റ്റർ - ഉമ്മത്തൂർ 14,
നസീമ കൊട്ടാരം - ഉമ്മത്തൂർ  15, ഹാജറ ചെറൂണി - പാറക്കടവ്, ഹംസ കോമത്ത് - താനക്കോട്ടൂർ, സി.എച്ച്. സമീറ - വേവം, താഹിറ ഖാലിദ് - കല്ലുമ്മൽ, മുഫീദ സലീം - ചെക്യാട്, അഹമ്മദ് കുറുവയിൽ - ജാതിയേരി, സുബൈർ - പുളിയാവ് എന്നിവരാണ് സ്ഥാനാർഥികൾ.

നാദാപുരം: ഗ്രാമ പഞ്ചായത്തിലെ വിവിധ വാർഡുകളിൽ കോൺഗ്രസ് സ്ഥാനാർത്ഥികളെ പ്രഖ്യാപിച്ചു. വാർഡ് 1. വാസു പുതിയ പറമ്പത്ത്, 4. എൻ.പി ബാലൻ (സ്വത:), 5. വി.വി റിനീഷ്, 6. റീന കിണപ്രേമൽ, 7. അഖില മര്യാട്ട്, 8. രവീന്ദ്രൻ ടി.കെ, 10. പ്രേമി തയ്യുള്ളതിൽ, 11. നിഷ പോലേരി താഴേക്കുനി, 13. സജില നിരവത്ത് (സ്വത:), 14. ഷാഹിന കുന്നത്ത്, 18. ഭാസ്കരൻ കുനിച്ചോത്ത്( സ്വത: ) എന്നിവരാണ് സ്ഥാനാർഥികൾ.

നാദാപുരം:  തൂണേരി ബ്ലോക്ക് പഞ്ചായത്തിൽ മുസ്ലിം ലീഗ് മൽസരിക്കുന്ന അഞ്ച് ഡിവിഷനുകളിൽ സ്ഥാനാർത്ഥികളായി.
നാദാപുരത്ത് സി എച്ച് നജ്മാ ബീവി ,
തൂണേരിയിൽ  എം കെ സമീർ, പാറക്കടവിൽ എ കെ  ഉമേഷ്, വാണിമേലിൽ സീനത്ത് സുബൈർ സി.കെ, അരൂരിൽ ജഹീറാ അസ്ലം എന്നിവരാണ് മൽസരിക്കുന്നത്.

തൂണേരി: ഗ്രാമ പഞ്ചായത്തിൽ യു ഡി എഫ്  സ്ഥാനാർത്ഥികളെ പ്രഖ്യാപിച്ചു. 
വാർഡ് 1 വളപ്പിൽ കുഞ്ഞമ്മദ്,
2 ലിഷ അശോകൻ
3 റഷീദ് കാഞ്ഞിര,
4 പി ഷാഹിന
5 മധു മോഹനൻ
6 സുധ സത്യൻ കെ കെ
7 ചാലിൽ പത്മ കുമാർ
8 സി കെ ലത
9 രജീഷ് വി കെ 
10 ഷൈന കെ കെ 
11 രജിത കെ കെ 
12 രജുല നിടുമ്പ്രത്ത്
13 അബ്ദുല്ല കണ്ണങ്കൈ
14 സുനിൽ പി
15 എൻ സി ഫൗസിയ എന്നിവരാണ് സ്ഥാനാർത്ഥികൾ.

വളയം: പഞ്ചായത്ത് തെരഞ്ഞെടുപ്പിൽ എൽ.ഡി.എഫ് സ്ഥാനാർഥികളെ പ്രഖ്യാപിച്ചു. വാർഡും സ്ഥാനാർത്ഥികളും: 
1 വണ്ണാർകണ്ടി ഷിജിന പി
2 വരയാൽ കെ വിനോദൻ
3 കല്ലുനിര സി എച്ച് റീജ
4 പുഞ്ച വി കെ രവി
5 ചുഴലി കെ കെ വിജേഷ്
6 നീലാണ്ട് കെ പി പ്രദീഷ്
7 ചാലിയാട്ട് പൊയിൽ എം സുമതി
8 നിരവ് എംദേവി
9 കുറ്റിക്കാട് എം കെ അശോകൻ മാസ്റ്റർ
10 തീക്കുനി യു കെ വത്സൻ
II ഓണപ്പറമ്പ് ഒ പി സുമിത്ര
12 ചെറുമോത്ത് കെ കെ റീജ
14 ചെക്കോറ്റ നിഷ പി ടി (എല്ലാം സി പി ഐ എം)
13 മണിയാല വിപി ശശിധരൻ മാസ്റ്റർ (സി പി ഐ).

നരിപ്പറ്റ: പഞ്ചായത്തിലെ തദ്ദേശ സ്വയം ഭരണ തിരഞ്ഞെടുപ്പിൽ മത്സരിക്കുന്ന മുസ്ലിം ലീഗ് സ്ഥാനാർഥികളെ പ്രഖ്യാപിച്ചു. നാലാം വാർഡിൽ എൻ.പി.മുഹമ്മദ്, അഞ്ചാം വാർഡിൽ അർഷിന നജീബ്, 11-ാം വാർഡിൽ സകീന ഹൈദർ, 14-ാം വാർഡിൽ സി.വി അസീസ് മാസ്റ്റർ, 16-ാം വാർഡിൽ സി.പി കുഞ്ഞബ്ദുല്ല എന്നിവരും കുന്നുമ്മൽ ബ്ലോക് മുളളമ്പത്ത് ഡിവിഷനിൽ പി.പി മൊയ്തുവും മത്സരിക്കും.

വളയം:  ഗ്രാമ പഞ്ചായ ത്തിൽ മുസ്‌ലിം ലീഗ് മത്സരിക്കുന്ന നാല് വാർഡുകളിലെ സ്ഥാനാർത്ഥികളെ മുസ്‌ലിം ലീഗ് പഞ്ചായത്ത് പാർലമെന്ററി ബോർഡ് പ്രഖ്യാപിച്ചു.
വാർഡ് 10 തീക്കുനി സി.പി സുശാന്ത്, വളയം
(സ്വതന്ത്രൻ) വാർഡ് 11 ഓണപ്പറമ്പ എൻ റൈഹാനത്ത്
വാർഡ് 12 ചെറുമോത്ത് നസീമ നാരോന്റവിട..
വാർഡ് 13  മണിയാല
നസീർ വളയം എന്നിവരാണ് സ്ഥാനാർത്ഥികൾ.

നാദാപുരം: 2021 ലെ ഹജ്ജ് യാത്രക്ക് കരിപ്പൂരിൽ നിന്നും വിമാന യാത്രാ സൗകര്യം ഏർപ്പെടുത്തണമെന്ന് വിസ്ഡം ഇസ് ലാമിക് ഓർഗനൈസേഷൻ സംഘടിപ്പിച്ച ശാഖാ മെമ്പേഴ്സ് മീറ്റ് ആവശ്യപ്പെട്ടു.

രാജ്യത്തെ 16 ഹജ്ജ് ഹൗസുകളിൽ രണ്ടാം സ്ഥാനത്തുള്ള കരിപ്പൂർ ഹജ്ജ് ഹൗസിനെ നോക്കുകുത്തിയാക്കി സ്വകാര്യ മേഖലയിലെ വിമാനത്താവളങ്ങളെ സഹായിക്കുന്ന സർക്കാർ നയം തിരുത്തണം.

ഭൂരിപക്ഷം യാത്രക്കാരുടെയും സൗകര്യങ്ങൾ കൂടി പരിഗണിച്ച് സർക്കാർ തീരുമാനം പുന:പരിശോധിക്കണമെന്നും മീറ്റ് ആവശ്യപ്പെട്ടു.

നിർഭയ ജീവിതം, സുരക്ഷിത സമൂഹം എന്ന പ്രമേയത്തിൽ 2021 ഏപ്രിലിൽ നടക്കുന്ന ഓൺലൈൻ സമ്മേളനത്തിന്റെ മുന്നോടിയായാണ് മെമ്പേഴ്സ് മീറ്റ് നടത്തിയത്. ഡിസംബർ 6 നാണ് പ്രഖ്യാപന സമ്മേളനം.

നാദാപുരം മണ്ഡലത്തിലെ  തൂണേരി, നാദാപുരം, വാണിമേൽ, കുറ്റ്യാടി. എന്നീ ശാഖകളിലാണ് കോവിഡ് നിയന്ത്രണങ്ങൾ പാലിച്ചുകൊണ്ട് മീറ്റ് നടത്തിയത്. പ്രമുഖ ക്വുർആൻ പണ്ഡിതൻ കുഞ്ഞിമുഹമ്മദ് മദനി പറപ്പൂർ മീറ്റ് ഉദ്ഘാടനം ചെയ്തു. വിസ്ഡം ഇസ്ലാമിക് ഓർഗനൈസേഷൻ സംസ്ഥാന പ്രസിഡണ്ട് പി എൻ അബ്ദുൽ ലത്തീഫ് മദനി അദ്ധ്യക്ഷ്യം വഹിച്ചു. ഹുസൈൻ സലഫി, ടി. കെ അശ്റഫ്, ഹാരിസ് ഇബ്നു സലീം, സി പി സലീം, കെ. താജുദ്ദീൻ സ്വലാഹി, അർഷദ് അൽ ഹികമി എന്നിവർ പ്രസംഗിച്ചു. മണ്ഡലം സെക്രട്ടറി ഡോ: അബ്ദുൽ റസാഖ് ആലക്കൽ സ്വാഗതവും മണ്ഡലം പ്രസിഡന്റ്‌ മൊയ്‌ദു കൊടിയുറ നന്ദിയും പറഞ്ഞു.

നാദാപുരം:  പഞ്ചായത്തിലെ ഒന്നാം വാർഡിൽപ്പെട്ട ഇയ്യങ്കോട്  വിവേകാനന്ദ സ്കൂൾ കോമ്പൗണ്ടിൽ നിന്ന് 4 
നാല് സ്റ്റീൽ ബോംബുകൾ കണ്ടെത്തി. തെരഞ്ഞെടുപ്പ് ക്രമീകരണങ്ങളുടെ ഭാഗമായി ഇന്നലെ നാദാപുരം പൊലീസ് നടത്തിയ പരിശോധന യിലാണ് ബോംബുകൾ ലഭിച്ചത്. മൂന്ന് എണ്ണം ദ്രവിച്ച നിലയിലാണ്. കസ്റ്റഡിയിലെടുത്ത ബോംബുകൾ പിന്നീട് നിർവീര്യമാക്കി.
സംഭവത്തെ കുറിച്ച്  സമഗ്ര അന്വേഷണം നടത്തണമെന്ന് ഒന്നാം വാർഡ് യു.ഡി.എഫ്  കമ്മിറ്റി ആവശ്യപ്പെട്ടു.

നാദാപുരം :  കേരള പത്രപ്രവർത്തക അസോസിയേഷന് കീഴിൽ  നാദാപുരത്ത് 
പ്രസ് ഫോറം ഓഫീസ് തുറന്നു. ഇ.കെ വിജയൻ എം.എൽ.എ ഉദ്ഘാടനം ചെയ്തു. പ്രാദേശിക പത്രപ്രവർത്തകരാണ് മാധ്യമ മേഖലയുടെ ജീവ നാഡിയെന്ന് അദ്ദേഹം  പറഞ്ഞു.  താലൂക്ക് പ്രസിഡൻ്റ് എം.കെ അശറഫ്  അധ്യക്ഷനായി. സി.വി.എം വാണിമേൽ, വി.പി കുഞ്ഞികൃഷ്ണൻ, സി.എച്ച് മോഹൻ, വൽസരാജ് മണലാട്ട്,  ബാലകൃഷ്ണൻ വെള്ളികുളങ്ങര,   
സി.ടി അനൂപ്, ശരണ്യ അനൂപ്, മുഹമ്മദലി തിനൂർ, ലത്തിഫ് കടമേരി, ശിവൻ ഏറാമല എന്നിവർ സംസാരിച്ചു. കെ.കെ ശ്രീജിത് സ്വാഗതവും റാഷിദ് കുമ്മങ്കോട്  നന്ദിയും പറഞ്ഞു.

വാണിമേൽ: വെള്ളിയോട് ഖത്തർ കൂട്ടായ്മ സംഘടിപ്പിച്ച ഓൺലൈൻ മീലാദ് ഫെസ്റ്റിൽ വിജയികളായ വിദ്യാർത്ഥികൾക്കുള്ള അനുമോദന സംഗമം മാപ്പിള കലാ അക്കാദമി ജില്ലാ പ്രസിഡണ്ട് എം കെ അഷ്റഫ് ഉദ്ഘാടനം ചെയ്തു. മഹല്ല് കമ്മിറ്റി സെക്രട്ടറി പി പി അമ്മദ് അധ്യക്ഷത വഹിച്ചു. മുൻ ഗ്രാമ പഞ്ചായത്ത് പ്രസിഡണ്ട് ഒ സി ജയൻ ഉപഹാര സമർപ്പണം നടത്തി. പഞ്ചായത്ത് മുസ്ലിം ലീഗ് വൈസ് പ്രസിഡണ്ട് സിദ്ദീഖ് വെള്ളിയോട് മുഖ്യ പ്രഭാഷണം നടത്തി. പി ടി മഹ്മൂദ്, കെ പി മഅറുഫ്,  പി  മുജീബ്,  വി പി മുസ്തഫ, പി റഫീഖ്‌ എന്നിവർ സംസാരിച്ചു. 

നാദാപുരം: കാലാവധി പൂർത്തിയാക്കി പടിയിറങ്ങുന്ന നാദാപുരം ഗ്രാമ പഞ്ചായത്ത് ഭരണ സമിതി അംഗങ്ങൾക്ക് ജീവനക്കാർ യാത്രയയപ്പ് നൽകി. പഞ്ചായത്ത് കമ്മ്യൂണിറ്റി ഹാളിൽ നടന്ന ചടങ്ങിൽ പ്രസിഡണ്ട് എം കെ സഫീറക്ക് സെക്രട്ടറി എം പി രജുലാൽ ഉപഹാരം നൽകി. വൈസ് പ്രസിഡണ്ട് സി വി കുഞ്ഞി കൃഷ്ണൻ, സ്ഥിരം സമിതി ചെയർമാൻമാരായ മുഹമ്മദ് ബംഗ്ലത്ത് , ടി കെ സുബൈദ, ബീന അണിയാരീമ്മൽ, അസി. സെക്രട്ടറി കെ പ്രേമൻ, ഹെൽത്ത് ഇൻസ്പെക്ടർ കെ സതീഷ് ബാബു എന്നിവർ പ്രസംഗിച്ചു.

നാദാപുരം: മദ്രസാ കെട്ടിടത്തിന്റെ നവീകരണത്തിന് പഞ്ചായത്ത് അംഗം ഒരു മാസത്തെ ഓണറേറിയം സംഭാവന നല്‍കി. ഡി സി സി മെമ്പറും പുറമേരി ഗ്രാമ പഞ്ചായത്ത് അംഗവുമായ കെ സജീവനാണ് കല്ലുമ്പുറം ദാറുസലാം മദ്രസക്ക് ഒരു മാസത്തെ ഓണറേറിയം നല്‍കിയത്. മദ്രസാ കമ്മറ്റി വൈസ് പ്രസിഡന്‍ര് പാറോള്ളതില്‍ അബ്ദുല്ല ഏറ്റുവാങ്ങി. മദ്രസാ കമ്മറ്റി സെക്രട്ടരി ടി പി സൂപ്പി,വി പി ചന്ദ്രന്‍,
വി പി ഭാസ്‌കരന്‍,ടി പി നാസര്‍,വി പി ശരത്,ടി പി മുര്‍ഷിദ് എന്നിവര്‍ സംബന്ധിച്ചു. നേരത്തെ ഇയാൾ വലിയകുളങ്ങര ക്ഷേത്രത്തിലേക്കും ഒരു മാസത്തെ ഓണറേറിയം നല്‍കിയിരുന്നു.

നാദാപുരം: മുസ്ലിം ലീഗ് ജില്ലാ വൈസ് പ്രസിഡണ്ട് പി ശാദുലി രചിച്ച ഓർമക്കുറിപ്പുകൾ എന്ന പുസ്തകം പാണക്കാട്  സയ്യിദ് ഹൈദരലി ശിഹാബ് തങ്ങൾ ,പി കെ കുഞ്ഞാലിക്കുട്ടിക്ക്  നൽകി പ്രകാശനം ചെയ്തു. കൊടപ്പനക്കൽ വസതിയിൽ നടന്ന ചടങ്ങിൽ അഹമ്മദ് പുന്നക്കൽ അധ്യക്ഷത വഹിച്ചു. സൂപ്പി നരിക്കാട്ടേരി സ്വാഗതം പറഞ്ഞു. കുറുക്കോളി മൊയ്തീൻ, യു എ നസീർ, എൻ കെ മൂസ മാസ്റ്റർ, മുഹമ്മദ് ബംഗ്ലത്ത്, അബ്ദുല്ല വയലോളി, വി വി മുഹമ്മദലി, എം കെ അഷ്റഫ്, നസീർ വളയം, എം കെ സമീർ,  ബഷീർ എടച്ചേരി, എൻ ടി കെ ഹമീദ്, പി ആസിഫ് സംബന്ധിച്ചു.

നാദാപുരം: ഗ്രാമ  പഞ്ചായത്ത്‌  ആറാം വാർഡിൽ തൊഴിലുറപ്പ് പദ്ധതിയിലുൾപ്പെടുത്തി പണി പൂർത്തിയാക്കിയ രണ്ടു റോഡുകൾ തുറന്ന
മീത്തൽ മുക്ക് ചീരാമ്പത്ത് റോഡിന്റെയും, വണ്ണത്താങ്കണ്ടി--ചാത്തോത്ത് മുക്ക് പെരുവങ്കര പള്ളി റോഡിന്റെയും ഉത്ഘാടനം പ്രസിഡന്റ് എം കെ  സഫീറ  നിർവ്വഹിച്ചു. ഗ്രാമ പഞ്ചായത്ത് അംഗങ്ങളായ വാസു എരഞ്ഞിക്കൽ, കെ.എം രഘു നാഥ് തുടങ്ങിയവർ സംബന്ധിച്ചു.

നാദാപുരം: കേന്ദ്ര സംസ്ഥാന സർക്കാറുകളുടെ തൊഴിലാളി ,കർഷക വിരുദ്ധ നയങ്ങൾക്കെതിരെ എസ് ടി യു  ദേശീയ കമ്മറ്റി പ്രഖ്യാപിച്ച അതിജീവന സമരം വിവിധ കേന്ദ്രങ്ങളിൽ നടന്നു.  നാദാപുരം പഞ്ചായത്ത് കമ്മിറ്റി സംഘടിപ്പിച്ച സമരം   മണ്ഡലം വൈസ് പ്രസിഡണ്ട്  ഇ കെ കുഞ്ഞമ്മദ് കുട്ടി  ഉദ്ഘാടനം ചെയ്തു.   പഞ്ചായത്ത് പ്രസിഡണ്ട് അഡ്വ: മുസ്തഫ കുന്നുമ്മൽ അദ്ധ്യക്ഷത വഹിച്ചു. നൗഷാദ് ചീളി, ജമാൽ പുളിക്കൂൽ, ,ജപ്തി അബൂബക്കർ ,ജാഫർ തുണ്ടിയിൽ ,ബഷീർ ചരളിൽ, മുനീർ കെ ടി കെ,  ,ഗഫൂർ ചരളിൽ  സംബന്ധിച്ചു.
കല്ലാച്ചി ടൗൺ  കമ്മിറ്റി സംഘടിപ്പിച്ച  സമരം   മണ്ഡലം സെക്രട്ടറി  യൂസുഫ് തുണ്ടിയിൽ ഉൽഘാടനം ചെയ്തു. യൂണിറ്റ് ജനറൽ സെക്രട്ടറി പി.കെ  അഷ്റഫ് അധ്യക്ഷത വഹിച്ചു. ബഷീർ ഏക്കോത്ത്,  ലത്തീഫ് വി.പി, നസീർ കെ.കെ, ബഷീർ കുറുക്കമ്പത്ത്, ബഷീർ കെ.പി  സംബന്ധിച്ചു.  വാണിമേൽ പഞ്ചായത്ത്  കമ്മിറ്റിയുടെ ആഭിമുഖ്യത്തിൽ  നടന്ന സമരം  നിർമ്മാണ തൊഴിലാളി യൂനിയൻ  സംസ്ഥാന സിക്രട്ടരി മൊയ്തു നടുക്കണ്ടി ഉൽഘാടനം ചെയ്തു. പ്രസിഡണ്ട്  മൂസ പൊടുപ്പിൽ അദ്ധ്യക്ഷത വഹിച്ചു. മീത്തൽ മൊയ്തു, സലാം കെ പി , റഷീദ് കെ.എൻ,  വി.പി അബ്ദുല്ല, അശ്റഫ് കുയ്യലത്ത് പ്രസംഗിച്ചു. 
വളയം പഞ്ചായത്ത് എസ്.ടി.യു സംഘടിപ്പിച്ച പ്രതിഷേധ സമരം മണ്ഡലം മുസ്‌ലിം ലീഗ് സെക്രട്ടറി ടി.എം.വി അബ്ദുൽ ഹമീദ് ഉദ്‌ഘാടനം  ചെയ്തു. കുന്നുമ്മൽ ഹസൻ അധ്യക്ഷത വഹിച്ചു. കുഞ്ഞമ്മദ് നാമത്ത്,,ഇ. വി അറഫാത്ത്, ഇ.കെ സഅദ്, ഷംനാദ് പി ടി കെ. പ്രസംഗിച്ചു.

നാദാപുരം: കേന്ദ്ര സംസ്ഥാന സർക്കാറുകളുടെ തൊഴിലാളി ,കർഷക വിരുദ്ധ നയങ്ങൾക്കെതിരെ എസ് ടി യു  ദേശീയ കമ്മറ്റി പ്രഖ്യാപിച്ച അതിജീവന സമരം വിവിധ കേന്ദ്രങ്ങളിൽ നടന്നു.  നാദാപുരം പഞ്ചായത്ത് കമ്മിറ്റി സംഘടിപ്പിച്ച സമരം   മണ്ഡലം വൈസ് പ്രസിഡണ്ട്  ഇ കെ കുഞ്ഞമ്മദ് കുട്ടി  ഉദ്ഘാടനം ചെയ്തു.   പഞ്ചായത്ത് പ്രസിഡണ്ട് അഡ്വ: മുസ്തഫ കുന്നുമ്മൽ അദ്ധ്യക്ഷത വഹിച്ചു. നൗഷാദ് ചീളി, ജമാൽ പുളിക്കൂൽ, ,ജപ്തി അബൂബക്കർ ,ജാഫർ തുണ്ടിയിൽ ,ബഷീർ ചരളിൽ, മുനീർ കെ ടി കെ,  ,ഗഫൂർ ചരളിൽ  സംബന്ധിച്ചു.
കല്ലാച്ചി ടൗൺ  കമ്മിറ്റി സംഘടിപ്പിച്ച  സമരം   മണ്ഡലം സെക്രട്ടറി  യൂസുഫ് തുണ്ടിയിൽ ഉൽഘാടനം ചെയ്തു. യൂണിറ്റ് ജനറൽ സെക്രട്ടറി പി.കെ  അഷ്റഫ് അധ്യക്ഷത വഹിച്ചു. ബഷീർ ഏക്കോത്ത്,  ലത്തീഫ് വി.പി, നസീർ കെ.കെ, ബഷീർ കുറുക്കമ്പത്ത്, ബഷീർ കെ.പി  സംബന്ധിച്ചു.  വാണിമേൽ പഞ്ചായത്ത്  കമ്മിറ്റിയുടെ ആഭിമുഖ്യത്തിൽ  നടന്ന സമരം  നിർമ്മാണ തൊഴിലാളി യൂനിയൻ  സംസ്ഥാന സിക്രട്ടരി മൊയ്തു നടുക്കണ്ടി ഉൽഘാടനം ചെയ്തു. പ്രസിഡണ്ട്  മൂസ പൊടുപ്പിൽ അദ്ധ്യക്ഷത വഹിച്ചു. മീത്തൽ മൊയ്തു, സലാം കെ പി , റഷീദ് കെ.എൻ,  വി.പി അബ്ദുല്ല, അശ്റഫ് കുയ്യലത്ത് പ്രസംഗിച്ചു. 
വളയം പഞ്ചായത്ത് എസ്.ടി.യു സംഘടിപ്പിച്ച പ്രതിഷേധ സമരം മണ്ഡലം മുസ്‌ലിം ലീഗ് സെക്രട്ടറി ടി.എം.വി അബ്ദുൽ ഹമീദ് ഉദ്‌ഘാടനം  ചെയ്തു. കുന്നുമ്മൽ ഹസൻ അധ്യക്ഷത വഹിച്ചു. കുഞ്ഞമ്മദ് നാമത്ത്,,ഇ. വി അറഫാത്ത്, ഇ.കെ സഅദ്, ഷംനാദ് പി ടി കെ. പ്രസംഗിച്ചു.

തൂണേരി;   ഗ്രാമപഞ്ചായത്ത് പെയിൻ ആൻഡ് പാലിയേറ്റീവ് കെയർ യൂണിറ്റിന്  തുമ്പോളി  അലീമയുടെ ഓർമ്മക്കായി  കുടുംബം  വാഹനം സംഭാവന ചെയ്തു.
ഗ്രാമപഞ്ചായത്ത് പ്രസിഡൻറ് കെ.പി.സി തങ്ങൾ   പി എസ് സി മെഡിക്കൽ ഓഫീസർ ഡോക്ടർ അബ്ദുൽ സലാമിന് വാഹനത്തിൻറെ ചാവി കൈമാറി. ഗ്രാമപഞ്ചായത്ത് വൈസ് പ്രസിഡണ്ട് സിന്ധു രയരോത്ത് അധ്യക്ഷയായി.   സ്ഥിരം സമിതി ചെയർ പേഴ്‌സൺമാരായ   ഷാഹിന പി ,കെ, ചന്ദ്രിക, സുജിത പ്രമോദ്. മെമ്പർമാരായ പി പി സുരേഷ് കുമാർ .സനീഷ് കിഴക്കയിൽ , അനിത എൻ പി . ബീന പാലേരി, നിർമ്മല പി , ഗ്രാമപഞ്ചായത്ത് സെക്രട്ടറി മോഹൻരാജ് , രജീഷ് വി കെ എന്നിവർ സംബന്ധിച്ചു.

പാറക്കടവ്:   ആർദ്രം പദ്ധതിയിൽ ഉൾപ്പെടുത്തി ചെക്യാട് പി.എച്ച്.സി. കുംടുംബാരോഗ്യ കേന്ദമായി ഉയർത്തിയതിന്റെ പ്രഖ്യാപനം ആരോഗ്യ വകുപ്പ് മന്ത്രി കെ.കെ.ശൈലജ ഓൺലൈനിൽ നിർവ്വഹിച്ചു. ഇ.കെ. വിജയൻ എം.എൽ.എ. അദ്ധ്യക്ഷത വഹിച്ചു. കുടുംബാരോഗ്യ കേന്ദ്രമായി മാറുന്നതോടെ മൂന്ന് ഡോക്ടർമാർ , നേഴ്സ് എന്നിവരുടെ സേവനവും ലാബ്  സൗകര്യവും ലഭ്യമാകും. 
ഒ. പി രാവിലെ 9 മണി മുതൽ വൈകുന്നേര 6 മണി വരെ പ്രവർത്തിക്കും. ഗ്രാമ പഞ്ചായത്ത് പ്രസിഡന്റ് തൊടുവയിൽ മഹമൂദ്, ആരോഗ്യ വകുപ്പ് സെക്രട്ടറി ഡോ. രാജൻ ഖോബ്ര ഐ.എ.എസ്, ഡോ. ആർ.എൽ. സരിത, വൈസ് പ്രസിഡന്റ് സി.എച്ച്. സഫിയ, മഹമൂദ് എടവലത്ത്, അഹമ്മദ് കുറുവയിൽ നസീമ കൊട്ടാരം, എ. ആമിന ടീച്ചർ, വി.പി. റീന, സി.കെ. ജമീല സംസാരിച്ചു. എം.എൽ.എ ഫണ്ടിൽ നിന്ന് 40 ലക്ഷം രൂപ ചെലവിൽ പി.എച്ച്.സിക്ക് പുതിയ ബ്ലോക്ക് നിർമ്മിച്ചിട്ടുണ്ട്.

വാണിമേൽ: ഗ്രാമ  പഞ്ചായത്ത്
പതിനാലാം വാർഡിൽ വിവിധ പദ്ധതികളിൽ പൂർത്തിയാക്കിയ 9 റോഡുകൾ ഗ്രാമ പഞ്ചായത്ത് പ്രസിഡണ്ട് ഒ.സി. ജയൻ ഉദ്ഘാടനം ചെയ്തു. സ്റ്റാന്റിംഗ് കമ്മിറ്റി ചെയർമാന്മാരായ എം.കെ.മജീദ്, അശ്റഫ്  കൊറ്റാല, വാർഡ് കൺവീനർ മൂസ്സ പൊന്നാണ്ടി, കെ.വി.കുഞ്ഞമ്മദ് മാസ്റ്റർ, വി.കെ.കുഞ്ഞബ്ദുല്ല മുൻഷി, അമ്മദ് കർങ്ങാർ , കാസിം പി, പി.പി. അമ്മത് മാസ്റ്റർ, ഹമീദ് വി.പി, കുഞ്ഞമ്മദ് ചേലക്കാടൻ, സുബൈർ എം.കെ, കുഞ്ഞമ്മദ് മാസ്റ്റർ സി.പി., സൂപ്പി ഹാജി ഇ , അമ്മത് ഇരുന്നലാട്, സിദ്ദീഖ് നടുത്തറ തുടങ്ങിയവർ സംബന്ധിച്ചു.

നാദാപുരം ,കല്ലാച്ചി ടൗണുകളിൽ എയർ കണ്ടീഷണറുകൾ പ്രവർത്തിപ്പിച്ച ബാങ്കുകൾ ,ജ്വല്ലറികൾ ,ടെക്സ്റ്റൈലുകൾ ,ബാർബർ ഷോപ്പുകൾ എന്നിവയ്ക്കെതിരെ നടപടികൾ ആരംഭിച്ചു .30 സ്ഥാപനങ്ങളിൽ പരിശോധന നടത്തി .11 സ്ഥാപനങ്ങൾക്കെതിരെ നടപടി എടുത്തു .ഇത്തരം സ്ഥാപനങ്ങളിൽ എയർകണ്ടീഷണറുകൾ പ്രവർത്തിപ്പിക്കരുത് എന്ന് പഞ്ചായത്ത് കഴിഞ്ഞ ദിവസം അറിയിച്ചിരുന്നു. കോവിഡ് 19 ജാഗ്രതാ പോർട്ടലിൽ മേൽ സ്ഥാപന മേധാവികളുടെ പേര് വിവരം അപ് ലോഡ് ചെയ്ത് പിഴ ഈടാക്കും .ലംഘനം വീണ്ടും തുടരുന്ന പക്ഷം സ്ഥാപനത്തിൻ്റെ ലൈസൻസ് റദ്ദ് ചെയ്യുന്നതുൾപ്പെടെയുള്ള നടപടികൾ സ്വീകരിക്കും .കോവിഡ് പോസിറ്റീവ് ആയ ഒരു രോഗിയുമായി പ്രവർത്തിച്ച ചേലക്കാടുള്ള മരമില്ല് അടച്ച് പൂട്ടാൻ നിർദ്ദേശം നൽകി .വിലക്ക് ലംഘിച്ച് കഴിഞ്ഞ ദിവസം കല്ലാച്ചിയിൽ പ്രവർത്തിച്ച മൽസ്യ ബൂത്തിൻ്റെ ലൈസൻസ് സസ്പെൻ്റ്  ചെയ്യുന്നതിന് ഉത്തരവായി . പരിശോധനയിൽ കോവിഡ് സെക്ടറൽ മജിസ്ട്രേറ്റ് അനുപമ സുഗതൻ ,സെക്രട്ടറി എം.പി രജുലാൽ ,ഹെൽത്ത് ഇൻസ്പെക്ടർ കെ സതീഷ് ബാബു ,കോവിഡ് ചുമതലയുള്ള അദ്ധ്യാപകർ എന്നിവർ പങ്കെടുത്തു .വരും ദിവസങ്ങളിലും കർശന പരിശോധന തുടരുന്നതാണെന്ന് സെക്രട്ടറി അറിയിച്ചു .

നാദാപുരം: മലബാർ ദേവസ്വം നിയമ പരിഷ്ക്കരണ ബിൽ ഉടൻ നിയമമാക്കുക, ശമ്പള കുടിശ്ശിക ഉടൻ വിതരണം ചെയ്യുക, സേവന വേതന വ്യവസ്ഥകൾ ഏകീകരിക്കുക എന്നീ ആവശ്യങ്ങളുന്നയിച്ച് മലബാർ ദേവസ്വം എംപ്ലോയീസ് യൂനിയൻ സി.ഐ.ടി.യു നടത്തുന്ന ധർണ്ണാ സമരത്തിൻ്റെ ഭാഗമായി നാദാപുരം ഏരിയാ കമ്മിറ്റി ഇരിങ്ങണ്ണൂർ ശ്രീ മഹാശിവക്ഷേത്ര പരിസരത്ത് ധർണ്ണ നടത്തി. ടി.സുധീഷിൻ്റെ അധ്യക്ഷതയിൽ വാർഡ് മെമ്പർ ടി.ജിമേഷ് ഉദ്ഘാടനം ചെയ്തു. കെ.ശ്രീകുമാർ സ്വാഗതവും ബാലകൃഷ്ണൻ തൂണേരി നന്ദിയും പറഞ്ഞു.

നാദാപുരം: റോഡ് ഗതാഗത യോഗ്യമല്ലാത്തതിനാൽ ഡയാലിസിസിന് പോകാനാവാതെ പ്രയാസപ്പെടുകയാണ് വൃക്ക രോഗിയായ കിഴക്കിയേടത്ത് ചാലിൽ അച്ചുതൻ. നാദാപുരം ഗ്രാമപഞ്ചായത്ത് എട്ടാം വാർഡിലെ താഴെ വള്ള്യാട്ട് ക്ഷേത്രം റോഡിൽ താമസക്കാരനായ അച്ചുതൻ വാർധക്യ സഹജമായ അസുഖത്തോടൊപ്പം വൃക്കരോഗവും ബാധിച്ച് വീട്ടിൽ ചികിത്സയിൽ കഴിയുകയാണ്. ഡയാലിസിസിനു ഡോക്ടർമാർ നിർദ്ദേശിച്ചുവെങ്കിലും വീട്ടിൽ നിന്നും വാഹനത്തിൽ പുറത്ത് പോകാനാവാത്ത സാഹചര്യമാണ് ഈ റോഡിൻ്റെത്. ഏകദേശം 250 മീറ്റർ ഭാഗം കോൺക്രീറ്റ് ചെയ്യുകയോ താർ ചെയ്യുകയോ ആണെങ്കിൽ മാത്രമേ ഒന്നിടവിട്ട ദിവസങ്ങളിലെ ഡയാലിസിസ് ചെയ്യാനാവൂ. നിലവിൽ മരുന്ന് കഴിച്ച് മുന്നോട്ടു പോവുന്ന ഇദ്ദേഹത്തിന് എത്ര നാൾ ഇത് തുടരാനാകുമെന്ന ആശങ്കയിലാണ് കുടുംബം. പഞ്ചായത്ത് പ്രസിഡന്റ്, വാർഡ് മെംബർ ഉൾപ്പെടെയുള്ളവർക്ക് നാട്ടുകാർ നിവേദനം നൽകിയിട്ടുണ്ട്. 

ചെക്യാട് : ജാതിയേരി വാർഡിൽ എട്ട് റോഡു കളുടെ പ്രവൃത്തി ഉദ്ഘാടനം ഗ്രാമ പഞ്ചായത്ത് പ്രസിഡൻ്റ് തൊടുവയിൽ മഹമൂദ് നിർവ്വഹിച്ചു. വാർഡ് മെമ്പർ താഹിറ ഖാലിദ് അദ്ധ്യക്ഷത വഹിച്ചു. ജാതിയേരി പെരുവം വീട്ടിൽ മുക്ക് റോഡ്, നടുക്കണ്ടിമുക്ക് റോഡ്, പടിഞ്ഞാറവീട്ടിൽ മുക്ക് റോഡ്, മാന്താറ്റിൽ താഴറോഡ് ,കല്ലു വീട്ടിൽ മുക്ക് റോഡ്, ഇല്ലത്ത് മുക്ക് റോഡ്, വേരോടൻ വീട്ടിൽ കണിയാക്കണ്ടി മുക്ക് റോഡ്, അംഗനവാടി റോഡ് എന്നിവയുടെ  പ്രവൃത്തികളാണ് ആരംഭിച്ചത്.
ചടങ്ങിൽ ഇ.കുഞ്ഞബ്ദുല്ല മാസ്റ്റർ ,പി.കെ.ഖാലിദ് മാസ്റ്റർ, കെ.വി.അർഷാദ്, പി.വി.മൊയ്തൂട്ടി, ഹാരിസ് ജാതിയേരി, കെ.വി. കുഞ്ഞാലി, എ.പി.അഷ്റഫ് എന്നിവർ സംബന്ധിച്ചു.

വാണിമേൽ: ഗ്രാമ പഞ്ചായത്ത്  വാർഷിക പദ്ധതിയിലുൾപ്പെടുത്തി നിരത്തുമ്മൽ പീടികയിൽ നിർമ്മിക്കുന്ന ആരോഗ്യ ഉപകേന്ദ്രത്തിന്റെ ശിലാസ്ഥാപനം പ്രസിഡണ്ട് ഒ.സി. ജയൻ നിർവ്വഹിച്ചു. ക്ഷേമ കാര്യ സ്റ്റാന്റിംഗ് കമ്മിറ്റി ചെയർമാൻ അഷ്റഫ് കൊറ്റാല അദ്ധ്യക്ഷത വഹിച്ചു.
വാതുക്കൽക്കണ്ടി അമ്മത് ഹാജി സാജന്യമായി നൽകിയ സ്ഥലത്താണ് കെട്ടിടം പണിയുന്നത്.
വികസന കാര്യ ചെയർമാൻ എം.കെ.മജീദ്, വാർഡ് കൺവീനർ കെ.ടി. അമ്മത് മാസ്റ്റർ, ഒ.പി.കുഞ്ഞമ്മദ് മാസ്റ്റർ, കെ. ബാലകൃഷ്ണൻ, കണ്ടിയിൽ മുഹമ്മദ്, കളത്തിൽ അസ്ലം , എൻ. ബാലർ, തയ്യുള്ളതിൽ സുബൈർ, എൻ.കൃഷ്ണൻ , കുറ്റിയിൽ അമ്മത്, പി.പി. ആലിഹസ്സൻ, കെ മൂസ്സ തുടങ്ങിയവർ സംബന്ധിച്ചു.

വാണിമേൽ  : മെഡിക്കൽ പ്രവേശന പരീക്ഷയിൽ റാങ്ക് നേടിയ  വാണിമേലിലെ ടി കെ മുഹമ്മദ് ജസീമിനെ എസ് വൈ എസ്  അനുമോദിച്ചു.   
സി വി എം വാണിമേൽ സ്റ്റതസ് കോപ് സമ്മാനിച്ചു.  സി വി അഷ്റഫ് മാസ്റ്റർ അദ്ധ്യക്ഷനായി .  ഒന്തത്ത് അന്ത്രു ഹാജി, മുല്ലേന്റവിട മൂസ, റഹീം കൊറ്റാല,  മശ്ഹൂദ് നമ്പൂടിക്കണ്ടി, മുഹമ്മദ് വി കെ എന്നിവർ ആശംസകൾ നേർന്നു

നാദാപുരം:  അന്യം നിന്നു പോകുന്ന വടകര പശു സംരക്ഷണ പദ്ധതിയുടെ ഭാഗമായുള്ള ഗോശാല  വളയം ഗ്രാമ പഞ്ചായത്തിലെ ചുഴലി മഞ്ഞചേരിയിൽ ഇ.കെ. വിജയൻ എം.എൽ. എ. ഉദ്ഘാടനം ചെയ്തു. മൃഗ സംരക്ഷണ വകുപ്പ് അഞ്ച് ലക്ഷം രൂപ ചെലവിൽ നടപ്പിലാക്കുന്ന പദ്ധതിയിൽ പത്ത് പശു, രണ്ട് കാള എന്നിവയാണ് ആദ്യ ഘട്ടത്തിൽ ഗോശാലയിലുള്ളത് . ഔഷധ മൂല്യമുള്ള നാടൻ പശുവിന്റെ പാൽ, മൂത്രം, ചാണകം എന്നിവയുടെ വിപണനം , ബീജം സംരക്ഷിച്ച് പ്രത്യൂൽപാദനം വർദ്ധിപ്പിക്കൽ എന്നിവയാണ് പദ്ധതിയുടെ ലക്ഷ്യം. വടകര താലൂക്കാണ് പദ്ധതി പ്രദേശം. ചടങ്ങിൽ വളയം ഗ്രാമ പഞ്ചായത്ത് പ്രസിഡന്റ് എം. സുമതി അദ്ധ്യക്ഷത വഹിച്ചു. പഞ്ചായത്ത് അംഗം റീജ വി.പി., ഡോക്ടർമാരായ ഗിരീഷ് കുമാർ പി , ജയപ്രകാശ് പി. എം.ടി. ബാലൻ, കെ.കെ. കുമാരൻ , പ്രകാശൻ . പി .പി , വി.പി.ശശിധരൻ സംസാരിച്ചു.

നാദാപുരം : ചെക്യാട് ഗ്രാമപഞ്ചായത്ത് ജാതിയേരി ടൗൺ വാർഡിൽ നിർമ്മിച്ച ഹൈടെക് അംഗൻവാടി കെട്ടിടം  പ്രസിഡൻറ് തൊടുവയിൽ മഹമൂദ് ഉദ്ഘാടനം ചെയ്തു.വാർഡ് മെമ്പർ താഹിറ ഖാലിദ് അദ്ധ്യക്ഷത വഹിച്ചു.ടി.ടി.കെ.അമ്മദ് ഹാജി, ഇ.കുഞ്ഞബ്ദുല്ല മാസ്റ്റർ, സി.സി. ജാതിയേരി,പി.കെ.ഖാലിദ് മാസ്റ്റർ, വട്ടക്കണ്ടി സൂപ്പി ഹാജി, വി.വി.കെ. ജാതിയേരി, ടി.അബ്ദുൽ ലത്തീഫ് മാസ്റ്റർ, സി.എച്ച് ഇബ്രാഹിം, ചന്ദ്രി ടി.ടി.എന്നിവർ സംബന്ധിച്ചു. പഞ്ചായത്ത് ലീഗ് പ്രസിഡണ്ട് ടി .ടി.കെ.അമ്മദ് ഹാജി സൗജന്യമായി  നൽകിയ സ്ഥലത്ത് അത്യാധുനിക സൗകര്യങ്ങളോട് കൂടിയാണ് ഹൈടെക് അംഗൻവാടി നിർമ്മിച്ചത്.

നാദാപുരം :  ഇന്ദിരാഗാന്ധിയുടെ മുപ്പത്തിയാറാം രക്തസാക്ഷിദിനം നാദാപുരം മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ  വിവിധ പരിപാടികളോടെ ആചരിച്ചു. വാർഡുകളിൽ പുഷ്പാർച്ചനകൾ, പ്രഭാതഭേരി എന്നിവ സംഘടിപ്പിച്ചു .
കല്ലാച്ചിയിൽ നടന്ന ചടങ്ങിൽ പ്രവർത്തകർ ദേശരക്ഷാ പ്രതിജ്ഞ  എടുത്തു . മണ്ഡലം കോൺഗ്രസ് പ്രസിഡണ്ട് അഡ്വ. കെ. എം രഘുനാഥ്  പ്രതിജ്ഞാവാചകം ചൊല്ലി ക്കൊടുത്തു. കെ ടി കെ അശോകൻ, വി.വി. റിനീഷ്, കെ എം അഷ്റഫ്, പ്രജിത്ത് മീത്തൽ, ഒ .പി .ഭാസ്കരൻ മാസ്റ്റർ , ഉമേഷ് .പി, സി. കെ കുഞ്ഞാലി  എന്നിവർ നേതൃത്വം നൽകി.

നാദാപുരം: "എന്റെ റബ്ബേ" എന്ന ആൽബത്തിലൂടെ ജന ഹൃദയങ്ങൾ കീഴടക്കി മാപ്പിളപ്പാട്ട് ലോകത്ത് ഉദിച്ചുയർന്ന  പി.കെ.കുട്ടി ചെക്യാടിനെ പിലാക്കൂൽ വാട്‌സ് ആപ്പ് ഗ്രൂപ്പ്  ആദരിച്ചു.  നെല്ലിക്കപോക്കർ അധ്യക്ഷത വഹിച്ചു. 
സലീം ചെക്യാട്, ടി.കെ. അബ്ദുറഹിമാൻ, ഇബ്രാഹീംകുട്ടി.കെ.കെ, മൊയ്‌തു .കെ.പി, അബ്ദുള്ള.ടി, അമ്മദ് മഞ്ചേരി, യൂനുസ്.കെ, അമ്മദ്.കെ.കെ, ഷുഹൈബ് കെ.പി, നൗഫൽ കെ.പി, നാസർ ഹാജി മഞ്ചേരിഎന്നിവർ സംസാരിച്ചു.

നാദാപുരം: ചെക്യാട് ഗ്രാമ പഞ്ചായത്തിലെ പുങ്കുളത്ത്  ബാംബു കോർപ്പറേഷൻ യുണിറ്റിന് കീഴിൽ  ചന്ദനത്തിരി   നിർമ്മാണ കേന്ദ്രം നാളെ   വ്യവസായ വകുപ്പ് മന്ത്രി ഇ.പി.ജയരാജൻ  ഉൽഘാടനം  നിർവ്വഹിക്കും. ഓൺലൈനിൽ 
നടക്കുന്ന ചടങ്ങിൽ 
ഇ.കെ. വിജയൻ എം.എൽ.എ. അദ്ധ്യക്ഷത വഹിക്കും.
ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, സി.എച്ച്. ബാലകൃഷ്ണൻ , തൊടുവയിൽ മുഹമ്മദ്   , കോർപ്പറേഷൻ ചെയർമാൻ:  കെ.ജെ.ജേക്കബ്,
എം.ഡി: എ.എം. അബ്ദുൾ റഷീദ് പങ്കെടുക്കും. 
ചൈനയിൽ നിന്നും ഇറക്കുമതി ചെയ്തു കൊണ്ടിരുന്ന ചന്ദനത്തിരി ക്ക് എക്സൈസ് ഡ്യൂട്ടി വർദ്ധിപ്പിച്ചതിനെ തുടർന്ന് ഇറക്കുമതി നിർത്തിയിരുന്നു. ഇതേ തുടർന്നാണ് ചെറുകിട വനിതാ സംരംഭമായി യൂണിറ്റ് ആരംഭിക്കുന്നത്. ദിവസം ഒരു ടൺ ഉല്പാദനമാണ് പ്രതീക്ഷിക്കുന്നത്. 
25 ലക്ഷം രൂപയാണ് മുടക്ക് മുതൽ .

നാദാപുരം: ഭർത്താവുമൊന്നിച്ച് മകളുടെ വീട്ടിലേക്ക് പോകുന്നതിനിടെ  ബൈക്കിന്റെ  ടയർ പൊട്ടിയതിനെ തുടന്നുണ്ടായ അപകടത്തിൽ മരിച്ച അടുക്കത്ത് വടക്കയിൽ  മഹ്മൂദിന്റെ ഭാര്യ കായക്കൊടിയിലെ കുറ്റിക്കാട്ടിൽ സുലൈഖ (  50 )യുടെ ഖബറടക്കം  ഇന്ന് ഉച്ചക്ക് ശേഷം കായക്കൊടി ജുമുഅത്ത് പള്ളി ഖബർസ്ഥാനിൽ നടക്കും. വടകര ജില്ലാ ആശുപത്രിയിൽ കോവിഡ് പരിശോധനക്ക് ശേഷം പോസ്റ്റ് മോർട്ടം നടപടികൾ ആരംഭിക്കും. തുടർന്ന്  ബന്ധുക്കൾക്ക് വിട്ടു കൊടുക്കും. ഏവർക്കും പ്രിയങ്കരിയായ വീട്ടമ്മയുടെ ദാരുണാന്ത്യം നാട്ടുകാർക്കും വീട്ടുകാർക്കും തീരാ ദുഖമായി. ഇന്നലെ അഞ്ചരയോടെ നാദാപുരം തലശേരി റോഡിൽ  ചേറ്റു കെട്ടിയിലാണ് അപകടം. ഓടികൊണ്ടിരിക്കെ  ടയർ പൊട്ടിയതിനെ തുടർന്ന്   നിയന്ത്രണം വിട്ട   ബൈക്കിൽ നിന്ന് സുലൈഖ  റോഡിലേക്ക് തെറിച്ചു വീഴുകയും  പിന്നാലെ എത്തിയ ടിപ്പർ ലോറി ഇവരുടെ ദേഹത്ത് കയറിയിറങ്ങുകയുമായിരുന്നുവെന്ന് ദൃക്സാക്ഷികൾ പറഞ്ഞു. ഭർത്താവ് മഹ്മൂദും റോഡിലേക്ക് വീണെങ്കിലും  പരിക്കേൽക്കാതെ രക്ഷപ്പെട്ടു. ഓടിക്കൂടിയ നാട്ടുകാർ സുലൈഖയെ വടകര  ആശുപത്രി യിലേക്ക് കൊണ്ടു പോകുന്ന വഴിയാണ്  മരണപ്പെട്ടത്.
മക്കൾ: സുമയ്യ, സുനൈന, സുഫൈറ,
സുഹൈൽ ( മംഗലൂരു ). 
മരുമക്കൾ: ജലീൽ അടുക്കത്ത് ( ഖത്തർ ) , നിസാർ എടച്ചേരി, റാഷിദ് പാലേരി പാറക്കടവ്. 
സഹോദരങ്ങൾ: അബ്ദുൽ കരീം, സാജിദ്, നഫീസ.

നാദാപുരം:  ദമ്പതികൾ സഞ്ചരിച്ച ബൈക്കിന്റെ  ടയർ പൊട്ടിയതിനെ തുടന്നുണ്ടായ അപകടത്തിൽ ഭാര്യ  മരിച്ചു. ഭർത്താവ് രക്ഷപ്പെട്ടു. അടുക്കത്ത് സ്വദേശി മഹ്മൂദിന്റെ ഭാര്യ സുലൈഖയാണ് മരിച്ചത്. ഇന്ന് വൈകീട്ട് അഞ്ചരയോടെ നാദാപുരം തലശേരി റോഡിൽ ചേറ്റു കെട്ടിയിലാണ് അപകടം. ടയർ പൊട്ടിയതോടെ 
നിയത്രണം വിട്ട ബൈക്കിൽ നിന്ന് സ്ത്രീ റോഡിലേക്ക് തെറിച്ചു വീഴുകയായിരുന്നു.  പിന്നാലെ എത്തിയ ടിപ്പർ ലോറി ഇവരുടെ ദേഹത്ത് കയറിയിറങ്ങിയതായി പറയുന്നു. ഓടിക്കൂടിയ നാട്ടുകാർ ആശുപത്രിയിലേക്ക് കൊണ്ടു പോയെങ്കിലും വഴി മധ്യേ മരണപ്പെടുകയായിരുന്നു.

നാദാപുരം: ഗ്രാമ പഞ്ചായത്തിൽ 44 കോവിഡ്  പോസിറ്റീവ് കേസുകൾ റിപ്പോർട്ട് ചെയ്തതിനെ തുടർന്ന്  നാദാപുരം ഗ്രാമപ്പഞ്ചായത്തിൽ നിയന്ത്രണങ്ങൾ കർശനമാക്കി .
ഇന്ന്  ചേർന്ന അടിയന്തിര 
ആർ ആർ ടി  യോഗത്തിലാണ് തീരുമാനം. .വ്യാപാര സ്ഥാപനങ്ങൾ വൈകിട്ട് 5 മണി വരെ മാത്രമേ പ്രവർത്തിക്കാവൂ. ഹോട്ടലുകളിൽ 7 മണി വരെ പാർസൽ മാത്രം നൽകാം. നിലവിൽ അടഞ്ഞുകിടക്കുന്ന മത്സ്യവിൽപ്പന കേന്ദ്രങ്ങളിൽ  തൽസ്ഥിതി തുടരും .നിർദ്ദേശം ലംലിച്ച് തുറന്ന് പ്രവർത്തിച്ച കല്ലാച്ചിയിലെ മൽസ്യ ബൂത്തിൻ്റെ ലൈസൻസ് റദ്ദ് ചെയ്യാനുള്ള നടപടികൾ സ്വീകരിക്കും. നാളെ  മുതൽ കടകളിൽ പരിശോധന കർശനമാക്കും .പഞ്ചായത്ത് പ്രദേശത്ത് വാഹനങ്ങളിലും വഴിയോരങ്ങളിലും മൽസ്യവിൽപ്പന നിരോധിച്ചു .സ്ഥാപനങ്ങളിൽ എയർ കണ്ടീഷൻ പ്രവർത്തിക്കുന്നത് ശ്രദ്ധയിൽപ്പെട്ടാൽ  ലൈസൻസ് റദ്ദ് ചെയ്യും .പ്രസിഡണ്ട് എം കെ സഫീറ  അദ്ധ്യക്ഷത വഹിച്ചു.  വൈസ് പ്രസിഡണ്ട് സി വി  കുഞ്ഞികൃഷ്ണൻ മാസ്റ്റർ ,ബംഗ്ളത്ത് മുഹമ്മദ് ,ബീന അണിയാരീമ്മൽ ,കോവിഡ് സെക്ടറൽ മജിസ്ട്രേറ്റ് അനുപമ, സെക്രട്ടറി രജുലാൽ ,ഹെൽത്ത് ഇൻസ്പെക്ടർ സതീഷ് ബാബു എന്നിവർ പങ്കെടുത്തു .

വാണിമേൽ:  പരപ്പുപാറ പി എച്ച് സി  യുടെ നേതൃത്വത്തിൽ നാളെ  പരപ്പുപാറ കമ്മ്യുണിറ്റി  ഹാളിൽ  കോവിഡ് പരിശോധന  (RTPCR) നടത്തുന്നു. കഴിഞ്ഞ ദിവസം  പോസിറ്റീവായ വരുമായി നേരിട്ട് സമ്പർക്കം പുലർത്തിയവരും, തൊണ്ടവേദന, ചുമ, ശ്വാസതടസം, പനി, 
മണവും രുചിയും  അറിയാതിരിക്കൽ എന്നീ ലക്ഷണങ്ങൾ ഉള്ളവരും  നിർബന്ധമായും പരിശോധന നടത്തേണ്ടതാണ്.  പരപ്പുപാറ  കുടുംബംരോഗ്യകേന്ദ്രവുമായോ,  വാർഡ് മെമ്പർ/ ആർ ആർ ടി വളണ്ടിയർ വശമോ  പേര് നൽകി രജിസ്ട്രേഷൻ നടത്തേണ്ടതാണ്.
നിലവിൽ 75 പേർക്ക് മാത്രമാണ് ടെസ്റ്റ് നടത്തുന്നതിന് അനുമതി ലഭിച്ചിരിക്കുന്നത്.
പരിശോധനക്ക് വരുന്നവർ രാവിലെ 10 മണിക്ക് മുൻപായി  എത്തേണ്ടതാണെന്നും 11.30 വരെ മാത്രമെ രജിസ്ട്രേഷൻ ഉണ്ടായിരിക്കുകയുള്ളു എന്നും  മെഡിക്കൽ ഓഫീസർ  അറിയിച്ചു.

വാണിമേൽ:  പഞ്ചായത്തിലെ വ്യാപാര സ്ഥാപനങ്ങളുടെ പ്രവർത്തന സമയം 
ഇന്ന് മുതൽ രാത്രി 7 വരെയാക്കി. നിലവിൽ 
രാവിലെ 7 മുതൽ വൈകീട്ട് 5 വരെയായിരുന്നു കടകൾ തുറക്കാൻ അനുമതിയുണ്ടായിരുന്നത് 
ഈ സാഹചര്യത്തിൽ വ്യാപാരി വ്യവസായി ഏകോപന സമിതി യൂനിറ്റ് കമ്മിറ്റി കഴിഞ്ഞ ദിവസം ചേർന്ന്  സമര പരിപാടികൾ നടത്താൻ തീരുമാനിച്ചിരുന്നു. ഇതിന് പിന്നാലെയാണ് പ്രവർത്തന സമയം രാത്രി 7 മണി വരെയാക്കി അധികൃതർ ഉത്തരവ് ഇറക്കിയത്. 
ഹോട്ടലുകളിൽ ഇരുന്ന് ഭക്ഷണം കഴിക്കൽ രാത്രി  07  വരേയും പാർസൽ സൗകര്യം  09  വരേയും ആയിരിക്കും.

നാദാപുരം പഞ്ചായത്ത് ഇരുപത്തിരണ്ടാം വാർഡിൽ ഈ വർഷത്തെ പദ്ധതിയിൽ ഉൾപ്പെടുത്തി
പതിനാറ് റോഡുകൾ
നാടിനു സമർപ്പിച്ചു.
പഞ്ചായത്ത് പദ്ധതി വിഹിതം,തൊഴിലുറപ്പ് പദ്ധതി,വെള്ളപ്പൊക്ക ദുരിതാശ്വാസ പദ്ധതി  എന്നീ ഫണ്ടുകൾ ഉപയോഗപ്പെടുത്തിയാണ് ഇത്രയും റോഡുകൾ യാഥാർഥ്യമാക്കിയത്.
തൊഴിലുറപ്പ്മേഖലയിലാണ് കൂടുതൽ പ്രവൃത്തി നടത്താൻ കഴിഞ്ഞത്.
മൊട്ടംതറേമ്മൽ പുതുശ്ശേരി മീത്തൽ റോഡ്,എടോത്ത് താഴെ റോഡ് ,തയ്യിൽ നാമത്ത് താഴെ റോഡ്,തയ്യുള്ളതിൽ പുത്തൻപുരയിൽ റോഡ്, 
തായ്ലാണ്ടിതോലോന്റവിട റോഡ്, 
പെട്രോൾ പമ്പ്പുതുശ്ശേരി മുക്ക് റോഡ്,വലിയാണ്ടി റോഡ്, 
കണ്ണച്ചാണ്ടിറോഡ്,നാമത്ത് താഴെ റോഡ്, പുതുശ്ശേരി താഴെ റോഡ്, കോമത്ത് താഴെ റോഡ്, 
കണ്ടോത്ത് താഴെ ഫുട്പാത്ത്,വണ്ണാങ്കണ്ടി റോഡ്,
തയ്യുള്ളതിൽ മൊട്ടേമ്മൽ റോഡ്, 
പുളിഞ്ഞോളി താഴെ റോഡ്,പോതുകണ്ടി താഴെറോഡ്,എന്നിവയുടെ  ഉത്ഘാടനമാണ് നിർവ്വഹിക്കപ്പെട്ടത്.ഗ്രാമ പഞ്ചായത്ത് പ്രസിഡന്റ് സഫീറ മൂന്നാംകുനി ഉത്ഘാടനം ചെയ്തു .
വാർഡ് മെമ്പർ സി കെ നാസർ അധ്യക്ഷത വഹിച്ചു . വലിയാണ്ടി ഹമീദ്‌,പി.ഫൈസൽ , കണ്ണോത്ത് കുഞ്ഞാലി ഹാജി , ഇസ്മായിൽ പുന്നോത്തങ്കണ്ടി , കോമത്ത് ഫൈസൽ , അഷ്‌റഫ് പൊയിക്കര , നടുക്കണ്ടിഅബ്ദുല്ല,വലിയാണ്ടിസുബൈർ,പി.കെ.സമീർ,
കോമത്ത് പോക്കർ ഹാജി,വസീംമലെന്റവിട,കോമത്ത്താഴെകുനിഅസീസ് എന്നിവർ സംസാരിച്ചു.

നാദാപുരം: 35 വർഷത്തെ സ്തുത്യർഹ  സേവനം  അവസാനിപ്പിച്ച്  കച്ചേരി പോസ്റ്റ് ഓഫീസിലെ പോസ്റ്റ്മാൻ  പുനത്തിൽ നാണു പടിയിറങ്ങി.   കച്ചേരി പൊതുജന വായനശാലയിൽ പൗരാവലി നൽകിയ യാത്രയയപ്പ്  ചടങ്ങിൽ വാർഡ് മെമ്പർ തടത്തിൽ രാധ അധ്യക്ഷത വഹിച്ചു. എടച്ചേരി ഗ്രാമ പഞ്ചായത്ത് പ്രസിഡണ്ട് 
ടി കെ. അരവിന്ദാക്ഷൻ   ഉദ്ഘാടനം ചെയ്തു.  കെ.കെ. കുഞ്ഞിരാമൻ മാസ്റ്റർ, യൂ.കുമാരൻ മാസ്റ്റർ,എം പി.ശ്രീധരൻ മാസ്റ്റർ, എ എം സുരേഷ്, രഞ്ജിത്ത് കുമാർ,രാജീവൻ മാസ്റ്റർ,  കെ.പി.രമേശൻ   തുടങ്ങിയവർ സംസാരിച്ചു.

നാദാപുരം ഗ്രാമപഞ്ചായത്ത് വികസന ഫണ്ടിൽനിന്നും തൊഴിലുറപ്പ് പദ്ധതിയിലുൾപ്പെടുത്തി നടപ്പുവർഷം പൂർത്തീകരിച്ച  45 ലക്ഷം രൂപ ചെലവഴിച്ച് നിർമിച്ച 13 റോഡുകൾ  ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് ശ്രീമതി സഫീറ മൂന്നാം കുനി റോഡുകളുടെ ഉദ്ഘാടനം നിർവഹിച്ചു. ചടങ്ങിൽ   വാർഡ് മെമ്പർ അഡ്വ.കെ. എം. രഘുനാഥ് അധ്യക്ഷത വഹിച്ചു .
 സി ആർ ഗഫൂർ, വെള്ളാരി ഗോപാലൻ, പൈക്കാട്ട് അമ്മദ് മാസ്റ്റർ ,ഷാജു പുതിയോട്ടിൽ ,ഹസ്സൻചാലിൽ ,ചന്ദ്രൻ കുറ്റിയിൽ‌, സി.കെ.ബഷീർ, കെ.കെ.സി.ജാഫർ, വിജേഷ് മലോക്കണ്ടി,എന്നിവർ വിവിധ ചടങ്ങുകളിൽ സംസാരിച്ചു,

നാദാപുരം: കുമ്മങ്കോട് പതിനേഴാം വാർഡിൽ വെള്ളപ്പൊക്ക ദുരിതാശ്വാസ ഫണ്ടിൽ നിന്ന് പത്ത് ലക്ഷം രൂപ അനുവദിച്ച ഇല്ലത്ത് മുക്ക് - നരന്തയിൽ റോഡിന്റെ പ്രവൃത്തി ഉദ്ഘാടനം കെ മുരളീധരൻ എം.പി നിർവഹിച്ചു. ഗ്രാമ പഞ്ചായത്ത്‌ പ്രസിഡന്റ് എംകെ സഫീറ അധ്യക്ഷത വഹിച്ചു.  വാർഡ്‌ മെമ്പർ മുഹമ്മദ്‌ ബംഗ്ലത്ത് സ്വാഗതം പറഞ്ഞു.
സിവി കുഞ്ഞി കൃഷ്‍ണൻ, എംപി സൂപ്പി, അഡ്വ. കേഎം രഘുനാഥ്, ഇസി ഇബ്രാഹിം, കോരങ്കണ്ടി കുഞ്ഞബ്ദുള്ള, ചിറക്കൽ റഹ്മത്തുള്ള, ചിറക്കൽ അബു, സി. ആർ ഗഫൂർ, പി.കെ അബ്ദുള്ള ഹാജി, പാദാരത്ത് അബ്ദുള്ള സംബന്ധിച്ചു.

നാദാപുരം:   മണ്ഡലത്തിൽ  ഗ്രാമീണ റോഡുകളുടെ നവീകരണത്തിന് റവന്യൂ വകുപ്പ് വെള്ളപ്പൊക്ക ദുരിതാശ്വാസ ഫണ്ടിൽ നിന്നും 2 കോടി 30 ലക്ഷം രൂപ അനുവദിച്ചു .
ഇ.കെ. വിജയൻ എം.എൽ.എ. വകുപ്പ് മന്ത്രി ഇ.ചന്ദശേഖരന് നൽകിയ നിവേദനത്തെ തുടർന്നാണ് തുക അനുവദിച്ചത്.
കായക്കൊടി - പരപ്പുമ്മൽ - വലിയ പൊയിൽ - കുരു വൻ തൊടി തറ - കണയക്കോട് റോഡ് - 10 ലക്ഷം, കുറുങ്ങോട്ട് മുക്ക് - ഒതേനാണ്ടി താഴ റോഡ്-5 ലക്ഷം, കുമ്പളച്ചോല - കമ്മായി തരിപ്പ റോഡ് - 10 ലക്ഷം, താഴേക്കണ്ടി - പാറേമ്മൽ റോഡ് - 10 ലക്ഷം, കളരിച്ചാൽ - കാപ്പ് റോഡ് - 10 ലക്ഷം,സെന്റർ മുക്ക് - എക്കൽ റോഡ് - 10 ലക്ഷം, മുള്ളൻ കുന്ന് - ചവറ മുഴി റോഡ് - 10 ലക്ഷം, ചീരാ മ്പത്ത് മുക്ക് - പാണ്ട പീടിക റോഡ് - 10 ലക്ഷം, താനി മുക്ക് - കല്ലു നിര - കായലോട്ട് താഴ റോഡ് - 10 ലക്ഷം, താഴേ പുനത്തിൽ മുക്ക് - പറപ്പട്ടോളി പാലം റോഡ് - 10 ലക്ഷം, പുതിയേടത്ത് മുക്ക് - പാലോക്കരമുക്ക് റോഡ് - 10 ലക്ഷം, പുതുക്കുട്ടി മുക്ക് - പരത്തി കണ്ടി റോഡ് - 10 ലക്ഷം'
കനവത്ത് മുക്ക് - പരത്തി കണ്ടി റോഡ് - 5 ലക്ഷം, വളയം - തീക്കുനി റോഡ് - 10 ലക്ഷം, കിഴക്കേ പറമ്പ് മുക്ക് - പരദേവത ക്ഷേത്രം റോഡ് - 10 ലക്ഷം,
മുതുകുറ്റി കാവ് - നിടും പറമ്പ് റോഡ് - 10 ലക്ഷം, പുഴങ്ങലേരി - എലിക്കുന്ന് റോഡ് - 10 ലക്ഷം, ചാത്തോത്ത് - തട്ടാന്റെ വിട കോടി കണ്ടി റോഡ് - 10 ലക്ഷം, മുണ്ടക്കുറ്റി - ചേലക്കാട് ടൗൺ റോഡ് - 10 ലക്ഷം, പൂശാരി മുക്ക് - ചിയ്യൂർ റോഡ് - 10 ലക്ഷം,
വട്ടിപ്പന തേൻ പാറ - കുരിശു പാററോഡ് - 10 ലക്ഷം, ആശ്വസി  - വട്ട കൈത റോഡ്-5 ലക്ഷം, ആശ്വസി - മൂന്നാം കൈറോ ഡ്-5 ലക്ഷം, കൂടൽ അംഗൻവാടി റോഡ് - 10 ലക്ഷം എന്നിങ്ങനെയാണ് ഫണ്ട് അനുവദിച്ചത്.
ടെന്റർ നടപടി പൂർത്തിയാക്കി പ്രവൃത്തി ഉടൻ  ആരംഭിക്കുമെന്ന് എം.എൽ.എ. അറിയിച്ചു.

നാദാപുരം: ദിവസങ്ങൾക്ക് മുൻപ് കോൺഗ്രസിൽ നിന്ന് രാജിവെച്ച പ്രവാസി കോൺഗ്രസ് നേതാവ് 
ചിയൂരിലെ ബി എം സുപ്പി ഹാജിയെ പാർട്ടിയിൽ തിരിച്ചു കൊണ്ടുവരാൻ നീക്കം തുടങ്ങി. പ്രാദേശിക നേതൃത്വത്തിന്റെ നിലപാടിൽ പ്രതിഷേധിച്ചായിരുന്നു രാജി. കെ.പി.സി.സി ജനറൽ  സെക്രട്ടറി 
അഡ്വ: കെ പ്രവീൺ കുമാർ ഇന്ന് രാവിലെ   സൂപ്പി ഹാജിയുമായി കൂടിക്കാഴ്ച നടത്തി.
തന്റെ  അനുഭവം വിവരിച്ച 
സൂപ്പി ഹാജിയോട് രാജി പിൻവലിച്ച് പാർട്ടിയിൽ തിരികെ വരാനും സംഘടനാ രംഗത്ത് സജീവമാകാനും പ്രവീൺ കുമാർ അഭ്യർത്ഥിച്ചു.
കോൺഗ്രസ്സ്‌ ജില്ലാ സെക്രട്ടറി മോഹനൻ പാറക്കടവ്‌, ബ്ലോക്ക്  പ്രസിഡന്റ്‌ അഡ്വ: എ സജീവൻ, നാദാപുരം മണ്ഡലം പ്രസിഡന്റ്‌ അഡ്വ: കെഎം രഘുനാഥ്‌, ബ്ലോക്‌ സെക്രട്ടറിമാരായ മൊയ്തു കോടികണ്ടി, കെ.ടി.കെ അശോകൻ, മണ്ഡലം സെക്രട്ടറി കെഎം അഷ്‌റഫ്‌, വാർഡ്‌ പ്രസിഡന്റ്‌ മുഹമ്മദ്‌, എം കൃഷ്ണൻ എന്നിവരും  സംബന്ധിച്ചു.

വാണിമേൽ: കേരള  ഗ്രാമീണ ബേങ്ക് വാണിമേൽ ബ്രാഞ്ചിലെ   ജീവനക്കാരന് കോവിഡ് സ്ഥിരീകരിച്ചു. ഇതേ തുടർന്ന്  ഇനി ഒരു അറിയിപ്പ്  ഉണ്ടാകുന്നത് വരെ ഇടപാടുകൾ നിർത്തിവെച്ച് ബാങ്ക് അടച്ചിടാൻ തീരുമാനിച്ചതായി 
മാനേജർ അറിയിച്ചു .

വാണിമേൽ: മുഖ്യ മന്ത്രിയുടെ പൊലീസ് മെഡലിന് വാണിമേൽ സ്വദേശിയായ ക്രൈം ബ്രാഞ്ച് ഡി വൈ എസ് പി  : വി എം അബ്ദുൽ വഹാബ് അർഹനായി. പൊലീസ് ഡിപ്പാർട്ട് മെൻറിൽ സത്യസന്ധനായ ഓഫീസർ എന്ന ഖ്യാതി നേടിയ ഇദ്ദേഹം കണ്ണൂർ ജില്ലയിലെ എടക്കാട് എസ് ഐ ആയാണ് സർവീസിൽ പ്രവേശിച്ചത്.
പിന്നീട് പയ്യന്നൂരിലും , പാനൂരിലും സി ഐ : ആയി സേവനമനുഷ്ഠിച്ചു.
വിജിലൻസിൽ സി ഐ ആയും ഡി വൈ എസ് പിയായും ജോലി ചെയ്തിട്ടുണ്ട്. ഇപ്പോൾ കോഴിക്കോട് ക്രൈം ബ്രാഞ്ച് ഡി വൈ എസ് പി യാണ്. മികച്ച വോളിബോൾ താരമായ ഇദ്ദേഹം വാണിമേലിലെ സാമൂഹ്യ  സാംസ്കാരിക രംഗങ്ങളിലും സജീവമാണ്.

തൂണേരി:  ഗ്രാമപഞ്ചായത്തിലെ  വെള്ളൂർ നോർത്ത് പതിനൊന്നാം വാർഡിൽ  മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി കോൺക്രീറ്റിംഗ് പ്രവൃത്തി  പൂർത്തീകരിച്ച വെള്ളച്ചാലിൽ - മനിന്റെവിട റോഡ്  പ്രസിഡണ്ട് കെ പി സി തങ്ങൾ ഉദ്ഘാടനം ചെയ്തു . വാർഡ് മെമ്പർ പി പി സുരേഷ് കുമാർ ,  വികസന സമിതി കൺവീനർ രജീഷ് വി കെ ,  ഹമീദ് പി കെ സി , ഫസൽ മാട്ടാൻ , രാജൻ പയേരി, സമീർ പാനോളി , വി കെ ഗോപാലൻ, സുകുമാരൻ കൊച്ചേന്റെവിട, കുഞ്ഞമ്മദ് കുട്ടി ഹാജി വിസി തുടങ്ങിയവർ സംബന്ധിച്ചു.

നാദാപുരം:  ഗ്രാമ പഞ്ചായത്തിലെ പത്തൊൻപതാം വാർഡിൽ 2019- 2020 വാർഷിക പദ്ധതിയിൽ ഉൾപ്പെടുത്തി  പരിഷ്കരണ പ്രവൃത്തി നടത്തുന്ന ചിറക്കൽ മുക്ക് കസ്തൂരികുളം റോഡിൻ്റെ പ്രവൃത്തി ഉൽഘാടനം ഗ്രാമ പഞ്ചായത്ത് പ്രസിഡണ്ട് എം കെ  സഫീറ  നിർവ്വഹിച്ചു. വാർഡ് മെമ്പർ സുഹറ പുതിയാറക്കൽ അദ്ധ്യക്ഷത വഹിച്ചു.  ഇ കെ കുഞ്ഞമ്മത് കുട്ടി, കണേക്കൽ അബ്ബാസ്, കുന്നത്ത് ജലീൽ, വാഴയിൽ മുഹമ്മദ്, കുനിച്ചോത്ത് പുരുഷോത്തമൻ ,ചിറക്കൽ സിദ്ധീഖ് തുടങ്ങിയവർ സംബന്ധിച്ചു.

നാദാപുരം : വരിക്കോളി തണൽ മരത്തിനു സമീപം പാലം തകർന്ന് വാഹന ഗതാഗതം തടസപ്പെട്ടു.  ചെങ്കല്ല് കയറ്റിപ്പോവുകയായിരുന്ന ലോറി പാലം കടക്കവേ ആയിരുന്നു അപകടം. ചെങ്കല്ല് ഇറക്കി വാഹനം നീക്കാനുള്ള ശ്രമം നടക്കുകയാണ്.

നാദാപുരം:   പൊതുമരാമത്ത് വകുപ്പ് 3.5 കോടി രൂപ ചെലവിൽ പരിഷ്കരിക്കുന്ന കല്ലാച്ചി - വളയം റോഡിന്റെ പ്രവൃത്തി ഉൽഘാടനം നാളെ  രാവിലെ11 മണിക്ക് പൊതുമരാമത്ത് വകുപ്പ് 
മന്ത്രി ജി.സുധാകരൻ ഓൺലൈനിൽ നിർവ്വഹിക്കും. വളയം ഗവൺമെന്റ് ഹയർ സെക്കന്ററിസ്ക്കുൾ ഹാളിൽ നടക്കുന്ന ചടങ്ങിൽ ഇ.കെ. വിജയൻ എം.എൽ.എ. അദ്ധ്യക്ഷത വഹിക്കും. 1200  മീറ്റർ മുതൽ 4800 മീറ്റർ  വരെയാണ് ആധുനിക രീതിയിൽ നവീകരിക്കുന്നത് .  
1. 200 കിലോമിറ്റർ വരെ 2 കോടി ചെലവിൽ പ്രവൃത്തി നടന്നു വരികയാണ്.
ബ്ലോക്ക് പഞ്ചായത്ത് പ്രസിഡന്റ് സി.എച്ച് ബാലകൃഷ്ണൻ. പഞ്ചായത്ത് പ്രസിഡന്റ് മാരാരായ എം. സുമതി, മഹമൂദ് തൊടുവയിൽ , എം.കെ. സഫീറ, പൊതുമരാമത്ത് ഉദ്യോഗസ്ഥർ പങ്കെടുക്കും.

കുറ്റ്യാടി : മലയോര പഞ്ചായത്തുകളിൽ നിന്നും ശേഖരിക്കുന്ന വിത്ത് തേങ്ങ വില നിർണ്ണയവുമായി ബന്ധപ്പെട്ട പ്രത്യേക  യോഗം നാളെ ( വ്യാഴം ) ഉച്ച തിരിഞ്ഞ്  2.30 ന് കാവിലുംപാറ ഗ്രാമ പഞ്ചായത്ത് ഓഫീസിൽ ചേരും. ഇ.കെ.വിജയൻ എം.എൽ.എ.യുടെ അദ്ധ്യക്ഷതയിൽ ചേരുന്ന യോഗത്തിൽ  ഗ്രാമ പഞ്ചായത്ത് പ്രസിഡന്റ് അന്നമ്മ ജോർജ് , കൃഷി ജോയിന്റ് ഡയരക്ടർ , കർഷക പ്രതിനിധികൾ എന്നിവർ  പങ്കെടുക്കും. കഴിഞ്ഞ വർഷം  ആറ് ലക്ഷത്തി എൺപതി നായിരത്തി അറുനൂറ് തേങ്ങ സംഭരിച്ച വകയിൽ 5 കോടി 32 ലക്ഷം രൂപ കുടിശ്ശിക ഇല്ലാതെ കർഷകർക്ക് ലഭ്യമാക്കി.  70 രൂപയാണ് ഒരു തേങ്ങയ്ക്ക് നൽകിയത്.

നാദാപുരം: എം.എൽ.എയുടെ  ആസ്തി വികസന ഫണ്ടിൽ നിന്നും 20 ലക്ഷം രൂപ ചെലവിൽ നാദാപുരം ഫയ സ്റ്റേഷന് വേണ്ടി നദാപുരം ഗവൺമെന്റ് ആശുപത്രി ക്ക് സമീപം നിർമ്മിക്കുന്ന പുതിയ കെട്ടിടത്തിലേക്കുള്ള റോഡിന്റെ പ്രവ്യത്തി ഉൽഘാടനം ഇ.കെ. വിജയൻ എം.എൽ.എ. നിർവ്വഹിച്ചു. 
പഞ്ചായത്ത് പ്രസിഡന്റ് എം.കെ. സഫീറ അദ്ധ്യക്ഷത വഹിച്ചു. വൈസ് പ്രസിഡന്റ് സി.വി.കുഞ്ഞികൃഷ്ണൻ ,  സ്റ്റാന്റിങ്ങ് കമ്മറ്റി ചെയർമാൻ ബംഗ്ലത്ത് മുഹമ്മദ്, മണ്ടോടി ബഷീർ, എം.പി. സൂപ്പി, സുഹറ പുതിയാറക്കൽ, 
വി.എ. അമ്മദ് ഹാജി, സി.ഐ: എൻ.സുനിൽകുമാർ , സി.എച്ച്. മോഹനൻ ,. അഡ്വ: എ.സജീവൻ , ടി.കണാരൻ, ടി.സുരേഷ്, പ്രസoഗിച്ചു. ഫയർ സ്റ്റേഷൻ ബിൽഡിങ്ങിന് എസ്റ്റിമേറ്റ് തയ്യാറാക്കുന്നതിന്റെ ഭാഗമായി മണ്ണ് പരിശോധന പൂർത്തിയായി. ഫണ്ട് ലഭ്യമാക്കുന്നതിന് ആവശ്യമായ നടപടി സ്വീകരിക്കുമെന്ന് ഇ.കെ. വിജയൻ എം.എൽ.എ. അറിയിച്ചു.
25 സെന്റ് സ്ഥലം സൗജന്യമായിട്ടാണ് ലഭ്യമാക്കിയത്. പഞ്ചായത്ത് നേരത്തെ റോഡിന് 1 ലക്ഷം രൂപയുടെ പ്രവൃത്തി പൂർത്തീകരിച്ചിട്ടുണ്ട്.

നാദാപുരം: ഗവ. താലൂക്ക് ആശുപത്രി പരിസരത്ത് ടിപ്പർ ലോറി കുഴിയിലേക്ക് വീണ് ഗതാഗതം മുടങ്ങി. 
ഫയർ സ്റ്റേഷന് വേണ്ടി പുതുതായി നിർമിക്കുന്ന കെട്ടിടത്തിലേക്ക് റോഡ് നിർമിക്കാൻ ആവശ്യമായ സാധനങ്ങളുമായി എത്തിയ ടിപ്പറാണ് അപകടത്തിൽ പെട്ടത്. ആർക്കും പരിക്കില്ല. 
വടകര റോഡിൽ അൽപ നേരം ഗതാഗതം മുടങ്ങി.

വാണിമേൽ: കൊടിയൂറയിലെ പെരുന്തലിക്കുനി മുനീറിന്റെ മകൻ  മുഹമ്മദ് (5) നിര്യാതനായി. മാതാവ്: സമീറ.
സഹോദരിമാർ: റിദ ഫാത്തിമ, റിമ ഫാത്തിമ, റിയാദ ഫാത്തിമ

വാണിമേൽ: കൊടിയൂറയിലെ പെരുന്തലിക്കുനി മുനീറിന്റെ മകൻ  മുഹമ്മദ് (5) നിര്യാതനായി. മാതാവ്: സമീറ.
സഹോദരിമാർ: റിദ ഫാത്തിമ, റിമ ഫാത്തിമ, റിയാദ ഫാത്തിമ

വാണിമേൽ: ഗ്രാമ പഞ്ചായത്തിലെ വിലങ്ങാട്  ആരോഗ്യ വകുപ്പ് ഉപകേന്ദ്രത്തിന്  പുതിയ കെട്ടിടം പണിയാൽ എം.എൽ.എയുടെ  ആസ്തി വികന ഫണ്ടിൽ നിന്നും 25 ലക്ഷം രൂപ അനുവദിച്ചു.  നാല് പതിറ്റാണ്ട് മുമ്പ് പണിത കെട്ടിടത്തിന്റെ
ജീർണാവസ്ഥ കാരണം കഴിഞ്ഞ മൂന്ന് വർഷമായി കേന്ദ്രം തൊട്ടടുത്ത സാംസ്ക്കാരിക നിലയത്തിലാണ് പ്രവൃത്തിച്ചു വരുന്നത്. അഞ്ചോളം ആദിവാസി കോളനിയിലെ ജനങ്ങൾ ഉൾപ്പെടെ ആശ്രയിക്കുന്നത് ഈ ഉപ കേന്ദ്രത്തെയാണ്.
ടെന്റർ നടപടി പൂർത്തിയാക്കി ഉടൻ പ്രവൃത്തി ആരംഭിക്കാൻ നടപടി സ്വീകരിക്കുമെന്ന് ഇ കെ വിജയൻ  എം.എൽ.എ. അറിയിച്ചു.

നാദാപുരം : മധ്യസ്ഥ ചർച്ചക്കിടെ  കുത്തേറ്റ്
മരിച്ച കാവിലുംപാറ പഞ്ചായത്തിലെ യൂത്ത് ലീഗ് പ്രവർത്തകൻ അൻസാറിൻ്റെ കുടുംബത്തെ സഹായിക്കാൻ മുസ്ലിം ലീഗ് ഫണ്ട് സമാഹരിക്കുന്നു.
2 വയസ്സ് മാത്രം പ്രായമായ മകളും
ഭാര്യയും മാതാപിതാ ക്കളുമെല്ലാം
ആശ്രയം നഷ്ടപ്പെട്ടതോടെ പ്രയാസങ്ങൾ തള്ളി നീക്കുകയാണ്. കുടുംബത്തിന്
ഒരു വീട്, ജീവിത മാർഗ്ഗം കണ്ടെത്തൽ ,കേസ് നടത്തിപ്പ് ഇതിനെല്ലാമായാണ് ഫണ്ട് സമാഹരിക്കുന്നത്.
കാവിലുംപാറ പഞ്ചായത്ത്
മുസ്ലിം ലീഗ് കമ്മിറ്റിയുടെ നേതൃത്വത്തിൽ ഇതിന്നായി കമ്മിറ്റി രൂപീകരിച്ച് പ്രവർത്തിച്ചു വരികയാണ്. നിയോജക മണ്ഡലത്തിലെ മുഴുവൻ പഞ്ചായത്ത് ശാഖാ - വാർഡ് കമ്മിറ്റികളും പോഷക ഘടകങ്ങളും സജീവമായി സഹകരിച്ച് ഈ പാവപ്പെട്ട 
കുടുംബത്തെ സംരക്ഷിക്കാനുള്ള ശ്രമം വിജയിപ്പിക്കണമെന്ന്നാദാപുരം മണ്ഡലം
മുസ്ലിം ലീഗ് പ്രസിഡണ്ട്സൂപ്പി നരിക്കാട്ടേരി, ജനറൽ സെക്രട്ടരി
എൻ.കെ.മൂസ മാസ്റ്റർ
എന്നിവർ അഭ്യർത്ഥിച്ചു.

നാദാപുരം ഉപ ജില്ലയിലെ  സ്കൂൾ അധ്യാപകർക്ക് നാളെ  മുതൽ  മൂന്ന് ദിവസത്തെ ഓൺലൈൻ പരിശീലനം ഗൂഗിൾ മീറ്റ് വഴി നൽകുന്നു . 
ഒന്നാം ഘട്ടമായി യുപി, ഹൈസ്കൂൾ  വിഭാഗം അധ്യാപകർക്കാണ് പരിശീലനം നൽകുന്നത് . ഒരു വിദ്യാലയത്തിൽ നിന്ന് വിവിധ വിഷയങ്ങളുടെ നാല് അധ്യാപകർ  ഇതിൽ പങ്കെടുക്കണം. ഈ അധ്യാപകർ സ്കൂളിലെ മറ്റു അധ്യാപകർക്ക് പരിശീലനം നൽകണം. ഓൺലൈൻ ക്ലാസുകൾക്ക് സഹായകരമായി വർത്തിക്കുന്ന മൊബൈൽ ആപ്പുകളും കമ്പ്യൂട്ടർ  സോഫ്റ്റ്‌ വെയറുകളുംഈ പരിശീലനത്തിൽ  ഉൾപ്പെടുത്തിയിട്ടുണ്ട് .
എൽ പി വിഭാഗം അധ്യാപകർക്ക് രണ്ടാം ഘട്ടത്തിലാണ് പരിശീലനം നൽകുന്നത്. ഉപജില്ലാ വിദ്യാഭ്യാസ ഓഫീസർ , 
ബി പി സി , ഉപജില്ലയിലെ  ശാസ്ത്ര , ഗണിതശാസ്ത്ര,  സാമൂഹ്യ ശാസ്ത്ര ക്ലബ്ബ് കൺവീനർമാർ , കൈറ്റ് മാസ്റ്റർ  ട്രെയിനർമാർ തുടങ്ങിയവർ പരിശീലനത്തിന് നേതൃത്വം നൽകും .

നാദാപുരം:  കുമ്മങ്കോട് ഹെൽത് സെന്ററിന് സമീപം വിരുന്നെത്തിയ  നാഗ ശലഭം   കൗതുകക്കാഴ്ചയായി.
അറ്റ്ലസ് കോബ്ര എന്നും ഇതിന് പേരുണ്ട്. 
ശലഭ വംശത്തിലെ രാജകുമാരനാണ് ഈ സുന്ദരൻ.
20 സെന്റീമീറ്റർ വീതിയുണ്ട്.
പാരമാവധി 30 സെന്റ്റീമീറ്റർ വരെ ഇതിന് വളർച്ചയെത്തും.
ഇന്ന് ഉച്ച മുതൽ ഇവിടെ നിലയുറപ്പിച്ച മനോഹരമായ   ഈ ശലഭത്തെ കാണാൻ നിരവധിപേരെത്തുന്നുണ്ട്.

മൂർഖൻ പാമ്പിന്റെ തലയുടെ രൂപമാണ് രണ്ട് ചിറകിന്റെ അറ്റങ്ങൾക്കും.
ലോകത്തിലെ ഏറ്റവും വലിപ്പമേറിയ ഇനത്തിൽ പെട്ട ഈ ശലഭം ഉഷ്ണമേഖലാ കാടുകളിലാണ് കൂടുതലായി കണ്ടുവരുന്നത്.
ജീവിതകാലം പട്ടിണിയാണ്  ഈ ശലഭം കഴിയുന്നത്. വായ ഇല്ല എന്നതാണ് ഇതിന്റെ ഒരു പ്രത്യേകത.  രണ്ടാഴ്ചയാണ് നാഗശലഭത്തിന്റെ  ആയുസ്സ്.

വാണിമേൽ: ഭൂമിവാതുക്കൽ അക്ഷയ കേന്ദ്രത്തിലെ ജീവനക്കാരിക്ക് കോവിഡ്  സ്ഥിരികരിച്ചു. ഇതേ തുടർന്ന്  അക്ഷയ കേന്ദ്രത്തിൽ പന്ത്രണ്ടാം തീയതി മുതൽ  മുതൽ പതിനഞ്ചാം തീയതി  വരെ സന്ദർശനം നടത്തിയവർ   14 ദിവസം നിരീക്ഷണത്തിൽ കഴിയണമെന്ന് ആരോഗ്യ വകുപ്പ് അറിയിച്ചു.  
പനി, ചുമ, തൊണ്ടവേദന, മണവും രുചിയും അറിയാതിരിക്കൽ തുടങ്ങിയ ലക്ഷണങ്ങൾ കാണുകയാണെങ്കിൽ പ്രാഥമികാരോഗ്യ കേന്ദ്രവുമായി ബന്ധപെടണം. രോഗവ്യാപനം നിയന്ത്രിക്കുന്നതിന് പൊതുജനങ്ങൾ സഹകരിക്കണമെന്ന് ഹെൽത്ത് ഇൻസ്‌പെക്ടർ പറഞ്ഞു .

വാണിമേൽ : വാദീനൂർ ഇസ്ലാമിക് സെന്റർ കമ്മിറ്റി നടത്തുന്ന 'നമ്മുടെ വാദിനൂർ ' വിഭവ ശേഖരണ ക്യാമ്പയിൻ ആരംഭിച്ചു. സെൻററിന് കീഴിൽ പ്രവർത്തിക്കുന്ന വഫിയ്യ കോളജിന് വേണ്ടിയുള്ള ഹോസ്റ്റൽ നിർമ്മാണാവശ്യാർത്ഥമാണ് വിഭവ ശേഖരണ ക്യാമ്പയിൻ നടക്കുന്നത്.
ക്യാമ്പയിൻ ഉദ്ഘാടനം പാണക്കാട് സയ്യിദ് സാദിഖലി ശിഹാബ് തങ്ങൾ  ആദ്യ സംഭാവന നൽകി നിർവഹിച്ചു. സയ്യിദ് ടി.കെ മുസ്തഫ തങ്ങൾ ഏറ്റുവാങ്ങി.
പ്രചരണോദ്ഘാടനം സയ്യിദ് ടി.പി.സി. തങ്ങൾ നിർവഹിച്ചു. തെറ്റത്ത് അഹ്മദ് മൗലവി, ഒ.മുനീർ , അലി വാണിമേൽ, സിദ്ദീഖ് കുളപ്പറമ്പ് സംബന്ധിച്ചു.
വാണിമേലിലെയും പരിസരപ്രദേശങ്ങളിലെയും മുഴുവൻ മഹല്ലുകളും  കേന്ദ്രീകരിച്ച് കൂട്ടായ്മകൾ രൂപീകരിച്ചാണ്  വിഭവസമാഹരണം നടത്തുന്നത്.

നാദാപുരം: കൊവിഡ് ബാധിതരുടെ എണ്ണത്തിൽ ക്രമാതീതമായ വർധനവ് രേഖപ്പെടുത്തിയ നാദാപുരത്ത്  സമ്പർക്കപ്പട്ടിയിൽ ഉൾപ്പെട്ട 180 പേർക്ക്  കൊവിഡ് പരിശോധന നടത്തി. ഇവരുടെ ഫലം തിങ്കളാഴ്ച ലഭ്യമാകും.
101 പേർക്ക് ആർ.ടി.പി.സി ആറും 
79 പേർക്ക് ആൻ്റിജൻ ടെസ്റ്റുമാണ് നടത്തിയത്. കഴിഞ്ഞ ദിവസം പരിശോധന നടത്തിയ  നാദാപുരത്തെ 6 പേർക്ക് കൊവിഡ് സ്ഥിരീകരിച്ചിട്ടുണ്ട്.
വാണിമേലിൽ 10 പേർക്കും  പുറമേരിയിൽ  8 പേർക്കും ഇന്ന് രോഗം  സ്ഥിരീകരിച്ചിട്ടുണ്ട്.

നാദാപുരം: കേന്ദ്ര സർക്കാറിന് കീഴിലുള്ള നീതി ആയോഗിന്റെ മികച്ച അധ്യാപികക്കുള്ള  എ.പി.ജെ അബ്ദുൾ കലാം എമിനൻ്റ് ടീച്ചർ അവാർഡ് ഇരിങ്ങണ്ണൂർ ഹയർ സെക്കൻ്ററി സ്കൂളിലെ ഇംഗ്ലീഷ് അധ്യാപിക വി.ടി സഗീനക്ക് സമ്മാനിച്ചു. കേന്ദ്ര സർക്കാറിൻ്റെ റിസോഴ്സ് എൻ.ജി.ഒ. ആയി  കൊച്ചി ആസ്ഥാനമായി പ്രവർത്തിക്കുന്ന സോഷ്യൽ റിസർച്ച് സൊസൈറ്റിയാണ് മുൻ രാഷ്ട്രപതി എ.പി.ജെ അബ്ദുൽ കലാമിന്റെ നാമധേയത്തിൽ അവാർഡ്   നൽകിയത്. എ.പി.ജെ. അബ്ദുൽ കലാമിന്റെ ജൻമദിനത്തിൽ   തൃശൂർ - പുതുക്കാടുള്ള ഐ.സി.സി.എസ്. എഞ്ചിനീയറിംഗ് കോളേജിൽ നടന്ന ചടങ്ങിലാണ് ഫലകവും പ്രശസ്തി പത്രവും അടങ്ങുന്ന  അവാർഡ് വിതരണം ചെയ്തത്. തൃശൂർ എം.പി;. ടി.എൻ. പ്രതാപൻ , മുൻ ഹൈക്കോടതി ജഡ്ജ് ഡോ. ബി.കമാൽ പാഷ, നാഷണൽ ഇന്നവേഷൻ ഫൗണ്ടേഷൻ വൈസ് ചെയർമാൻ എൻ.പി. രാജീവ് ,ഐ.സി.സി.എസ്. കോളേജ് ചെയർമാൻ ഡോ. സോജൻ വി. അവറാച്ചൻ , അവാർഡ് ജൂറി ചെയർമാൻ ഡോ. അബ്ദുൽ ജബ്ബാർ അഹമ്മദ് , കോളേജ് ഡയറക്ടർ ഡോ. നിസാം റഹ്മാൻ എന്നിവർ സന്നിഹിതരായിരുന്നു. സംസ്ഥാന സർക്കാർ ഹയർ സെക്കൻ്ററി സ്കൂൾ നാഷനൽ സർവ്വീസ് സ്കീമിൻ്റെ ഉത്തരമേഖലയിലെ മികച്ച പ്രോഗ്രാം ഓഫീസറായി  വി.ടി.സഗീനയെ നേരത്തെ തെരഞ്ഞെടുത്തിരുന്നു.

പേരാമ്പ്ര:  കോവിഡ് രോഗികളുടെ എണ്ണം ക്രമാതീതമായി ഉയരുന്ന സാഹചര്യത്തില്‍ പേരാമ്പ്രയിൽ  കര്‍ശന നിയന്ത്രണം ഏര്‍പ്പെടുത്താൻ  പഞ്ചായത്ത് തല ആര്‍ആര്‍ടി യോഗം തീരുമാനിച്ചു. 
ഇതിന്റെ ഭാഗമായി ഞായറാഴ്ച മുതല്‍ പേരാമ്പ്ര പട്ടണത്തിലെ മെഡിക്കല്‍ ഷോപ്പുകള്‍ ഒഴികെയുള്ള മുഴുവന്‍ കടകളും അടച്ചിടാനാണ് തീരുമാനം. പേരാമ്പ്ര പട്ടണത്തില്‍ ഉറവിടമറിയാത്ത കേസുകളുടെ എണ്ണം വര്‍ധിച്ചുവരുന്നതായാണ് വിലയിരുത്തല്‍. പഞ്ചായത്തില്‍ 26 പേര്‍ക്ക് ഇന്നലെ കോവിഡ്  സ്ഥിരീകരിച്ചു. ഇതില്‍ ഉറവിടമറിയാത്ത 10 പേര്‍ പേരാമ്പ്ര പട്ടണവുമായി ബന്ധപ്പെടുന്നവരാണ്. ഇതിന്റെ അടിസ്ഥാനത്തിലാണ് അടിയന്തര ആര്‍ആര്‍ടി യോഗം ചേര്‍ന്നത്.

നാദാപുരം: നാദാപുരം പോലീസ് സ്റ്റേഷനില്‍ സിവില്‍ പോലീസ് ഓഫീസര്‍ക്ക് കോവിഡ് സ്ഥിരീകരിച്ചു. വ്യാഴാഴ്ച രോഗലക്ഷണത്തെ തുടര്‍ന്ന് വളയം ഹെല്‍ത്ത് സെന്ററില്‍ പരിശോധനയ്ക്ക് വിധേയനായിരുന്നു. തുടര്‍ന്നാണ് രോഗം സ്ഥിരീകരിച്ചത്. ഇദ്ദേഹവുമായി പ്രാഥമിക സമ്പര്‍ക്കമുള്ള ഒമ്പതു പോലീസുകാര്‍ ക്വാറന്റൈനില്‍ പ്രവേശിച്ചു. 
പോലീസ് സ്റ്റേഷന്‍ അണുവിമുക്തമാക്കി. പുതിയ സാഹചര്യത്തില്‍ പരാതി ഓണ്‍ലൈനായി മാത്രമേ സ്വീകരിക്കൂവെന്ന് സിഐ:  എന്‍ സുനില്‍ കുമാര്‍ പറഞ്ഞു.

ചെക്യാട്: ജൈവ സുഭിക്ഷം നെൽകൃഷി പദ്ധതിയുടെ ഭാഗമായി സമൃദ്ധി  കാർഷികകൂട്ടയ്മ  കാലിക്കുളമ്പ്  പായേരിക്കണ്ടത്തിൽ ചെയ്ത ജൈവനെൽകൃഷിയുടെ കൊയ്ത്തുൽസവം ചെക്യാട് ഗ്രാമപഞ്ചയത്ത് പ്രസിഡണ്ട് തൊടുവയിൽ മഹമൂദ് നിർവ്വഹിച്ചു. ഗ്രാമപഞ്ചയത്ത് മെമ്പർ ലീല, ഷിബുരാജ് ഇരിങ്ങണ്ണൂർ, സുരേഷ് ബാബു  അനാഹിത എന്നിവർ സന്നിഹിതരായിരുന്നു. പൂർണ്ണ മായും ജൈവ രീതിയിൽ 3 ഏക്കർ സ്ഥലം  കൃഷി യോഗ്യമാക്കി ഉമ ഇനം ആണ് കൃഷി ചെയ്തത്. പ്രാദേശിക ഭക്ഷ്യ സുരക്ഷയിൽ പങ്കാളികൾ ആവുകയാണ് സമൃദ്ധി ലക്ഷ്യം വയ്ക്കുന്നത്.

നാദാപുരം : ജാതിയേരിയിലെ  മുസ്ലിം ലീഗ് നേതാവും ചെക്യാട് ഗ്രാമ പഞ്ചായത്ത്  മുൻ പ്രസിഡൻറുമായ പരേതനായ ഹാജി കെ.വി.ഹസ്സൻ മാസ്റ്ററുടെ ഭാര്യ കെ.വി.ബിയ്യാത്തു ഹജജുമ്മ (75 ) നിര്യാതയായി.
മക്കൾ: ബഷീർ കെ.വി ( പ്രസിഡൻ്റ്, ജാതിയേരി ടൗൺ മഹല്ല് കമ്മിറ്റി ) ശബീർ (ദുബൈ), പാത്തൂട്ടി, മറിയോട്ടി, പരേതനായ മുഹമ്മദ് ഇഖ്ബാൽ.
മരുമക്കൾ: പിലാക്കൂൽ ഹസ്സൻ ഹാജി ചെക്യാട്, ഹംസ തീകുന്നുമ്മൽ പാറക്കടവ്, സലീന പൈങേന്റവിട  ജാതിയേരി, റസിയ കല്ലുള്ള പറമ്പത്ത് ചീകോന്ന്, റൈഹാനത്ത് ഓതിയിൽ കല്ലാച്ചി.
സഹോദരങ്ങൾ: ഹംസ കുറുക്കണ്ടി, മാമി മഠത്തിൽ കുനിങ്ങാട്, പരേതരായ ടി പി അമ്മദ് കുറുക്കണ്ടി, അന്ത്രു കുറുക്കണ്ടി, കുഞ്ഞബ്ദുല്ല കിഴക്കെവീട്ടിൽ.

ഇരിങ്ങണ്ണൂർ: സംയുക്ത കർഷക സംഘം ഇരിങ്ങണ്ണൂരിൽ  പ്രതിഷേധ ധർണ്ണ നടത്തി. താങ്ങുവില അവകാശ സംരക്ഷണ ദിനത്തോടനുബന്ധിച്ച്കേന്ദ്ര സർക്കാറിൻ്റെ കർഷകദ്രോഹ നയങ്ങൾക്കെതിരെയാണ് ഇടതു പക്ഷ കർഷക സംഘടനകളുടെ ആഭിമുഖ്യത്തിൽ  ഇരിങ്ങണ്ണൂർ മേഖല കമ്മറ്റി പോസ്റ്റ് ഓഫീസിനു മുന്നിൽ കോവിഡ് മാനദണ്ഡങ്ങളനുസരിച്ച് ധർണ്ണ നടത്തിയത്.എൽ.ഡി.എഫ് ഇരിങ്ങണ്ണൂർ മേഖല ചെയർമാൻ  വത്സരാജ് മണലാട്ട് ധർണ്ണ ഉദ്ഘാടനം ചെയ്തു  ടി.ഗോപി അധ്യക്ഷത  വഹിച്ചു. കൊയിലോത്ത് രാജൻ, കെ.നാരായണൻ,കെ.ചന്ദ്രൻ,  കുഞ്ഞിരാമൻ തപസ്യ എന്നിവർ സംസാരിച്ചു.

നാദാപുരം : വളയം വില്ലേജ് ഓഫീസ് കെട്ടിടം പുതുക്കി പണിയാൻ കേരള പുനർ  നിർമ്മാണ ഫണ്ടിൽ നിന്നും 44 ലക്ഷം രൂപ അനുവദിച്ചു. കാലപഴക്കം കൊണ്ട് കെട്ടിടം ഏറെ പ്രയാസം അനുഭവിക്കുന്ന സാഹചര്യത്തിൽ ഇ.കെ. വിജയൻ എം.എൽ.എ. റവന്യൂ വകുപ്പ് മന്ത്രി 
ഇ. ചന്ദ്രശേഖരന് നൽകിയ
നിവേദനത്തിന്റെ അടിസ്ഥാനത്തിലാണ് തുക അനുവദിച്ചത്.
കഴിഞ്ഞ ആഴ്ച്ച എടച്ചേരി, നരിപ്പറ്റ വില്ലേജ് ഓഫീസുകൾ പുതുക്കി പണിയുവാൻ 88 ലക്ഷം രൂപ അനുവദിച്ചിരുന്നു.
ടെന്റർ നടപടി പൂർത്തിയാക്കി പ്രവൃത്തി ആരംഭിക്കാൻ നടപടി സ്വീകരിക്കുമെന്ന് എം.എൽ.എ. അറിയിച്ചു.

നാദാപുരം: സാംസ്ക്കാരിക വകുപ്പിന് കീഴിലുള്ള  കേരള ഫിലിം ഡവലപ്മെൻറ്  കോർപ്പറേഷന്റെ  സിനിമാ തിയേറ്റർ നാദാപുരത്ത് സ്ഥാപിക്കുന്നതിന് നടപടി തുടങ്ങി.  കോർപ്പറേഷന്റെ  ഉദ്യോഗസ്ഥർ ഇന്നലെ  സ്ഥലം സന്ദർശിച്ചു. സാംസ്ക്കാരിക വകുപ്പ്  മന്ത്രി ഏ.കെ.ബാലന്റെ  നിർദേശ പ്രകാരമാണ് ഉദ്യോഗസ്ഥർ എത്തിയത്. നാദാപുരം, കല്ലാച്ചി എന്നിവിടങ്ങളിലെ  സ്വകാര്യ കെട്ടിടങ്ങളാണ് സംഘം സന്ദർശിച്ചത്. 
കോർപ്പറേഷൻ എഞ്ചിനിയർ  അനിൽ എസ്, സീനിയർ അസിസ്റ്റന്റ് രാജേഷ് കുമാർ  ആർ, മോഹൻ കുമാർ പി.എ എന്നിവരാണ് സന്ദർശനത്തിന് എത്തിയത്.  ഇ.കെ. വിജയൻ എം.എൽ.എ, വാർഡ് മെംമ്പർ വി.എ.മുഹമ്മദ് ഹാജി, സി.എച്ച് മോഹനൻ തുടങ്ങിയവരുമായി 
സംഘം ആശയ വിനിമയം നടത്തി.

നാദാപുരം : മണ്ഡലം എംഎസ്എഫ് കമ്മിറ്റിക്ക് പുതിയ നേതൃത്വം. പ്രസിഡന്റായി മുഹ്സിൻ വളപ്പിൽ, ജനറൽ സെക്രട്ടറിയായി തയ്യിബ്ബ് കുമ്മങ്കോട്, ട്രഷററായി സാലിഹ് തറമ്മൽ എന്നിവരെ തെരഞ്ഞെടുത്തു.
മറ്റ് ഭാരവാഹികൾ : സയ്യിദ് മുഹമ്മദ്‌ മഷ്ഹൂർ, റാസിഖ് ചങ്ങരംകുളം, അറഫാത്ത് മുറിച്ചാണ്ടി ( വൈസ് പ്രസിഡന്റ്)  ശരീഫ് വളയം, റാബിത് പയന്തോങ്, മുനിം ചെക്യാട് ( ജോ:സെക്രട്ടറി)

നാദാപുരം :  ലോക്ഡൗൺ  കാലത്ത് യുവാക്കളുടെ സഹകരണത്തോടെ   രൂപം കൊണ്ട  ഹാർവസ്റ്റ് കാർഷിക കൂട്ടായ്മയുടെ   കര നെൽകൃഷി കൊയ്ത്തുത്സവം വാർഡ് മെമ്പർ കെ.ടി ബാബുവിന്റെ അദ്ധ്യക്ഷതയിൽ വാണിമേൽ കൃഷി ഓഫീസർ  നീതു നിർവ്വഹിച്ചു. 
എൻ പി ചന്ദ്രൻ മാസ്റ്റർ സ്വാഗതവും പ്രതീഷ് ടി രമേശ് അയ്യങ്കി, സുമേഷ്  എന്നിവർ പ്രസംഗിച്ചു. ഒരു കാലത്ത് പുനം കൃഷിയിലൂടെ മലയോരങ്ങളിൽ വ്യാപകമായിരുന്ന കര നെൽകൃഷിയെ ഒരിടവേളയ്ക്ക് ശേഷം ഈ മലയോരമേഘലയിലേക്ക് തിരിച്ചു  കൊണ്ടുവരികയായിരുന്നു ഹാർവെസ്റ്റ് കാർഷിക കൂട്ടായ്മ.

നാദാപുരം :സ്വർണ്ണ ക്കടത്ത് കേസിലും  ലൈഫ് മിഷൻ ഇടപാടിലും ആരോപണ വിധേയനായ മുഖ്യമന്ത്രി പിണറായി വിജയൻ രാജിവെക്കണമെന്ന് ആവശ്യപ്പെട്ട് നാദാപുരത്ത് യു ഡി എഫ് സത്യഗ്രഹം നടത്തി. കൊവിഡ് പ്രൊട്ടോ കോൾ പാലിച്ചു കൊണ്ട് നടന്ന പരിപാടി 
കെ പി സി സി ജനറൽ സെക്രട്ടറി അഡ്വ .കെ പ്രവീൺ കുമാർ ഉദ്ഘാടനം ചെയ്തു . മണ്ഡലം ചെയർമാൻ അഹമ്മദ് പുന്നക്കർ അധ്യക്ഷനായി. സി വി കുഞ്ഞി കൃഷ്ണൻ , സൂപി നരിക്കാട്ടേരി, അഡ്വ. എ സജീവൻ , മണ്ടോടി ബഷീർ പ്രസംഗിച്ചു.

വാണിമേൽ: കോവിഡ് കാലത്തെ  
ചില ചിന്തകളെ  ഇതിവൃത്തമാക്കി ഉമ്മത്തൂർ എസ് ഐ : ഹൈ സ്കൂൾ അധ്യാപകൻ അസ്ലം കളത്തിൽ രചിച്ച 'മരണമില്ലാത്ത 
മാനവ നോ' എന്ന ഗാനോപഹാരം പ്രകാശിതമായി. 
പ്രശസ്ത ഗായകൻ കണ്ണൂർ മമ്മാലി ആലപിച്ച ഗാനത്തിന് ശരീഫ് നരിപ്പറ്റയാണ് സംഗീതം സൽകിയത്. കേരള മാപ്പിള കലാ അക്കാദമി സംസ്ഥാന വാട്സ് ആപ് ഗ്രൂപിൽ ജില്ലാ പ്രസിഡണ്ട് എം കെ അഷ്റഫാണ് പ്രകാശന കർമ്മം നിർവഹിച്ചത്.

വാണിമേൽ:  കോഴിക്കൂട്ടിൽ നിന്ന് പെരുമ്പാമ്പിനെ പിടികൂടി. വാണിമേൽ വയൽ പീടിക ക്കടുത്ത് കിഴക്കയിൽ അബ്ദുല്ലക്കുട്ടിയുടെ വീട്ടു മുറ്റത്തെ കോഴിക്കൂട്ടി ലാണ് ഇന്ന് കാലത്ത്  കൂറ്റൻ പെരുമ്പാമ്പിനെ കണ്ടത്. 
നാട്ടുകാരായ കാട്ടിൽ പറമ്പത്ത് കുഞ്ഞബ്ദുല്ല, കിഴക്കയിൽ നബീൽ, ചെറുകാര്യാട്ട് റഹീം , അൻസിഫ്, തെങ്ങലക്കണ്ടി ജാസിം എന്നിവരാണ് അതി സാഹസികമായി പാമ്പിനെ പിടികൂടിയത് . 
തുടർന്ന് വനം വകുപ്പ് ഉദ്യോഗസ്ഥരെ വിവരമറിയിക്കുകയും ഇവർ എത്തി പാമ്പിനെ കൊണ്ടു പോവുകയും ചെയ്തു.

തൂണേരി:  കോവിഡ്  പ്രതിരോധ പ്രവർത്തനവുമായി  ബന്ധപ്പെട്ട് 09.10.2020ന്  തുണേരി  പഞ്ചായത്ത്‌  ഓഫീസിൽ വെച്ചു നടന്ന നാദാപുരം പോലിസ് ഇൻസ്പെക്ടർ,  പഞ്ചായത്ത് അതികൃതർ, വ്യാപാരി പ്രതിനിധികൾ, തുടങ്ങിയവരുടെ സംയുക്ത യോഗത്തിൽ എടുത്ത  തീരുമാനങ്ങൾ 

1). തൂണേരിയിലും പരിസരങ്ങളിലും കോവിഡ് വ്യാപനം തടയുന്നതിന് കർശന നിയന്ത്രണം കൊണ്ടുവരാനും അതിനോട് പൊതുജനങ്ങൾ സഹകരിക്കണമെന്ന് അഭ്യർത്ഥിക്കുവാനും തീരുമാനിച്ചു.

(2)തുണേരി  പഞ്ചായത്തിലെ തുണേരി  ടൗൺ. വേറ്റുമ്മൽ. പട്ടാണി  എന്നീ  സ്ഥലങ്ങളിലെ  വ്യാപാരസ്ഥാപങ്ങൾ  ഉച്ചക്ക്  ഒരു  മണിവരെ മാത്രമേ തുറന്നു  പ്രവർത്തിക്കാവു.

 (3)പഞ്ചായത്തിലെ  കണ്ടെയ്ൻമെന്റ്  സോൺ  ഏരിയകളിൽ  കോവിഡ്  പ്രോട്ടോകോൾ  നിർബന്ധമായും  പാലിച്ചിരിക്കേണ്ടതാണ് .

(4)തുണേരി  ടൗൺ  പട്ടാണി, വേറ്റുമ്മൽ   എന്നിവിടങ്ങളിൽ  മത്സ്യ മാംസ വില്പന  നടത്തുന്ന  കടകൾ ,ബാർബർഷാപ്പ് എന്നിവ  എനി ഒരു അറിയ്യിപ്പ് ഉണ്ടാകുന്നത് വരെ തുറന്ന്  പ്രവർത്തിപ്പിക്കാൻ  പാടില്ല. 
മറ്റു  സ്ഥലങ്ങളിൽ  കോവിഡ്  പ്രോട്ടോകോൾ  പാലിക്കേണ്ടതാണ്. 

(5)ടെസ്റ്റ്‌  നടത്തിയ  ഓട്ടോ  ഡ്രൈവർമാർ  എല്ലാവരും  14 ദിവസം ക്വാറന്റൈനിൽ  കഴിയണം .

(6)ഹോട്ടലിൽ  പാർസൽ  നൽകുന്നതിനായി  5മണിവരെ  തുറന്നു  പ്രവർത്തിക്കാവുന്നതാണ്.

(7)ബാങ്കിംഗ്  സ്ഥാപനങ്ങളിൽ  കോവിഡ്  പ്രോട്ടോകോൾ  ലംഘനം   പരിശോധിക്കുന്നതിന്  6അംഗങ്ങളുള്ള  ടീമിനെ  ചുമതലപ്പെടുത്തി.
 സാനിറ്റൈസർ ,ഹാൻവാഷ് സൗകര്യം ഏർപ്പെടുത്താത്ത സ്ഥാപനങ്ങൾ ക്കെതിരെ കർശന നടപടികൾ സ്വീകരിക്കുവാൻ ഹെൽത്ത് ഇൻസ്പെക്ടർക്ക്  നിർദ്ദേശം നൽകി.

നാദാപുരം: എsച്ചേരി, നരിപ്പറ്റ വില്ലേജ് ഓഫീസുകൾ സ്മാർട്ട് ആകുന്നു. ഇതിനായി  റവന്യൂ വകുപ്പ്  44 ലക്ഷം രൂപ വീതം അനുവദിച്ചു. കാലപ്പഴക്കം കാരണം 
ഈ വില്ലേജ് ഓഫീസുകൾ അസൗകര്യം നേരിടുകയാണെന്ന് ഇ.കെ. വിജയൻ എം.എൽ.എ.റവന്യൂ വകുപ്പ് മന്ത്രി ഇ. ചന്ദ്രശേഖരന് നൽകിയ നിവേദനത്തിൽ വ്യക്തമാക്കിയിരുന്നു. ഇതേ തുടർന്നാണ് തുക അനുവദിച്ചത്. 
ടെന്റർ നടപടി ഉടൻ പൂർത്തീകരിച്ച് പ്രവൃത്തി ആരംഭിക്കുന്നതിന് നടപടി
സ്വീകരിക്കുമെന്ന് എം.എൽ.എ. അറിയിച്ചു.

ഇരിങ്ങണ്ണൂർ: ചെറുകുളത്തെ കയനോളി പള്ളി -പാലപ്പറമ്പത്ത് മുക്ക് റോഡിന്റെ  പ്രവർത്തി ഉദ്ഘാടനം   ഇ.കെ.വിജയൻ എം.എൽ.എ നിർവഹിച്ചു. കോവിഡ് നിയമാവലി പാലിച്ച് നടത്തിയ ഉദ്ഘാടന ചടങിൽ എടച്ചേരി ഗ്രാമ പഞ്ചായത്ത് പ്രസിഡണ്ട് ടി.കെ.അരവിന്ദാക്ഷൻ അദ്ധ്യക്ഷത വഹിച്ചു.
വാർഡ് മെമ്പർമാരായ  എൻ.പി.ഗ്രീഷ്മ, ടി.പി.പുരുഷു, ഷീമ വള്ളിൽ,സുനിത.കെ.,ഷൈജ.പി.കെ,ഗംഗാധരൻ പാച്ചാക്കര, ഇ.ഗംഗാധരൻ മാസ്റ്റർ  രാഷ്ട്രീയ പാർട്ടി പ്രതിനിധികളായ ആർ.ടി.ഉസ്മാൻ മാസ്റ്റർ, വത്സരാജ് മണലാട്ട് ,ടി.പി.ശ്രീജിത്ത് ,സന്തോഷ് കക്കാട്ട്, വാർഡ് മെമ്പർ ടി.പി.പുരുഷു എന്നിവർ സംസാരിച്ചു. 

നാദാപുരം: ഗ്രാമീണ മേഖലയിലെ വീടുകളിൽ കുടിവെള്ളം എത്തിക്കുന്നതിനുള്ള ജൽ ജീവൻ മിഷൻ പ്ദ്ധതിയുടെ നാദാപുരം മണ്ഡലം തല ഉൽഘാടനം നാദാപുരം പഞ്ചായത്ത് ഓഫീസ് ഹാളിൽ ഇ.കെ.വിജയൻ എം.എൽ.എ. നിർവ്വഹിച്ചു. ബ്ലോക്ക് പ്രസിഡന്റ് സി.എച്ച് . ബാലകൃഷ്ണൻ അദ്ധ്യക്ഷത വഹിച്ചു. മണ്ഡലത്തിൽ 100 കോടി 18 ലക്ഷം രൂപ ചെലവിൽ 26084  പുതിയ കണക്ഷ് നാണ് ഒന്നാം ഘട്ടത്തിൽ നൽക്കുക . കേന്ദ്ര സർക്കാർ 45% സംസ്ഥാന സർക്കാർ 30 % തദ്ദേശ സ്വയം ഭരണ വകുപ്പ് 15% ഗുണഭോക്താക്കൾ 10% അടിസ്ഥാനത്തിലാണ് ഫണ്ട് വിനിയോഗിക്കുക. നാദാപുരം ഗ്രാമ പഞ്ചായത്ത് പ്രസിഡന്റ് എം.കെ. സഫീറ സ്വാഗതം പറഞ്ഞ ചടങ്ങിൽ പഞ്ചായത്ത് മാരായ പ്രസിഡന്റ് ടി.കെ. അരവിന്ദാക്ഷൻ , തൊടു വയൽ മുഹമ്മൂദ്, എം. സുമതി, ഒ.സി. ജയൻ , സി.വി.കുഞ്ഞികൃഷ്ണൻ , സി.കെ. റീന, എൻ.വി റജുലാൽ പങ്കെടുത്തു. പദ്ധതിയുടെ സംസ്ഥാന തല ഉൽ ഘാടനം ഓൺലൈനിൽ മുഖ്യമന്ത്രി പിണറായി വിജയൻ നിർവ്വഹിച്ചു.  ജലവിഭവ വകുപ്പ് മന്ത്രി കെ. കൃഷ്ണൻ കുട്ടി അദ്ധ്യക്ഷത വഹിച്ചു.

നാദാപുരം : പൊതുരംഗത്ത് നിസ്വാർത്ഥ ജീവിതം  അടയാളപ്പെടുത്തിയ നാദാപുരം ഗ്രാമ പഞ്ചായത്ത് മുൻ വൈസ് പ്രസിഡന്റ് വാണിയൂർ അന്ത്രുഹാജിയുടെ  സ്മരണക്കായി നാദാപുരം പഞ്ചയത്തിലെ  കുമ്മങ്കോട് പതിനേഴാം വാർഡിൽ കക്കാട്ട് പാറ റോഡിന് അദ്ദേഹത്തിന്റെ  നാമകരണം നടത്തി.  അറിയപ്പെട്ട കോൺഗ്രസ് നേതാവും മത രാഷ്ട്രീയ സാമൂഹിക രംഗത്തെ നിറസാനിധ്യമായിരുന്ന വാണിയൂർ അന്ത്രുഹാജിയുടെ നിര്യാണത്തിന്  ഒരു വർഷം പിന്നിടുകയാണ്. നാദാപുരം മേഖലയിലെ  ഒരു സമാധാന ദൂതനായിയിട്ടായിരുന്നു അന്ത്രുഹാജിഅറിയപ്പെട്ടത്.കുമ്മങ്കോട്  പതിനേഴാം വാർഡിലെ ഭജനമഠത്തിന്  സമീപത്ത് നിന്നും പുളിക്കൂൽ തോടിന് സാമാന്തരമായി കടന്ന് പോകുന്ന ഈ റോഡിന് വിവിധ പദ്ധതികളിൽ നിന്നായി 35 ലക്ഷം രൂപയാണ് അനുവദിച്ചത്.  ഇരുവശവും കെട്ടിയുയർത്തിയാണ് നിരവധി കുടുബങ്ങൾക്ക് ആശ്വാസമാകുന്ന ഈ റോഡിന്റെ  നിർമാണം പുരോഗമിക്കുന്നത്. കുമ്മങ്കോടിന്റെ മുഖഛായ മാറ്റുന്ന ഈ റോഡ് ഇനി അന്ത്രുഹാജിയുടെ പേരിൽ അറിയപ്പെടും.
നാദാപുരംപുരം ഗ്രാമ പഞ്ചായത്ത് പ്രസിഡന്റ് എം.കെ സഫീറ നാമകരണം നടത്തി. വൈസ് പ്രസിഡണ്ട് സി.വി.കുഞ്ഞി കൃഷ്ണൻ അധ്യക്ഷത വഹിച്ചു. വാർഡ് മെമ്പർ മുഹമ്മദ് ബംഗ്ലത്ത്, അഡ്വ. കെഎം രഘുനാഥ്, കെ.കെ. കുഞ്ഞബ്ദുള്ള ഹാജി, ഇ.സി ഇബ്രാഹിം, സി.ആർ ഗഫൂർ, എ.കെ. അജിത്ത്, വാണിയൂർ മമ്മൂട്ടി എന്നിവർ സംബന്ധിച്ചു.

കുറ്റ്യാടി: റോട്ടറി ഇൻ്റർനേഷണൽ കുറ്റ്യാടി പി.എ നൗഷാദിനെ നേഷൻ ബിൽഡർ അവാർഡ് നൽകി ആദരിച്ചു. ലോക അധ്യാപക ദിനമായ ഒക്ടോബർ 5 ന് കുറ്റ്യാടി അമാന ഹോസ്പിറ്റലിൽ വെച്ച് നടന്ന ചടങ്ങിൽ ക്ലബ്ബ് പ്രസിഡണ്ട് ഡോ. സചിത്ത് ഡി അവാർഡ് വിതരണം ചെയ്തു. പേരോട് എം ഐ എം ഹയർ സെക്കൻ്ററി സ്കൂളിൽ സോഷ്യൽ സയൻസ് അധ്യാപകനാണ് നൗഷാദ്. 2019-20 മികച്ച അധ്യാപകനുള്ള കേരള സംസ്ഥാന ഗവൺമെൻ്റിൻ്റെ അവാർഡ് നൗഷാദിന് ലഭിച്ചിരുന്നു. 2016 ൽ ഓസ്ട്രേലിയയിൽ വെച്ച് നടന്ന വേൾഡ് മാസ്റ്റേർസ് അത്ലറ്റിക് ചാമ്പ്യഷിപ്പിൽ ഇന്ത്യയെ പ്രതിനിധീകരിച്ചു. ഓരോ മൂന്ന് മാസത്തിലൊരിക്കൽ രോഗികൾക്കായി നൗഷാദ് രക്തദാനം നൽകിവരുന്നു. ചടങ്ങിൽ റോട്ടറി ക്ലബ്ബ്  സെക്രട്ടറി റിയാസ് ടി കെ, ട്രഷറർ ദിനേശൻ തുടങ്ങിയവർ സംബന്ധിച്ചു.

നരിപ്പറ്റ: കോവിഡ് ബാധിച്ചു ചികിത്സയിലായിരുന്ന നരിപ്പറ്റ സ്വദേശി മരിച്ചു. പാതിരിപ്പറ്റയിലെ തോട്ടുകര ബാലൻ (64) ആണ് ഇന്ന് രാവിലെ മരണപ്പെട്ടത്. ഹൃദയ സംബന്ധമായ അസുഖത്തിന് മണിപ്പാൽ ഹോസ്പിറ്റലിലെ ചികിത്സക്ക് ശേഷം വെട്ടിലെത്തിയതിനെ തുടർന്ന് നടത്തിയ ടെസ്റ്റിലാണ് പോസിറ്റീവ് സ്ഥിരീകരിച്ചത്. തുടർന്ന് കോഴിക്കോട് മെഡിക്കൽ കോളേജിൽ കോവിഡ് ചികിത്സയിലായിരുന്നു. മൃതദേഹം കോഴിക്കോട് പൊതുശ്മശാനത്തിൽ സംസ്‌കരിക്കും.
ഭാര്യ: പത്മിനി.
മക്കൾ: ലിനിഷ, വിപിൻ.

നാദാപുരം : ന്യൂക്ലിയസ്  ഹെൽത് കെയറിന്റെ പിൻവശം  ന്യൂക്ലിയസ് ക്യാന്റീൻ പ്രവർത്തനം തുടങ്ങി. നാദാപുരം ഖാളി മേനക്കോത്ത് അഹമ്മദ്‌ മുസ്ല്യാർ ഉദ്ഘാടനം ചെയ്‌തു. അറബിക്, ഇന്ത്യൻ, ചൈനീസ്  വിഭവങ്ങളുടെ വിപുലമായ കലവറയാണ് നാദാപുരത്ത് സജ്ജമായിരിക്കുന്നത്.
എല്ലാവിധ പാർട്ടി ഓർഡറുകളും  ഉത്തരവാദിത്വത്തോടെ തയാർ ചെയ്ത് നൽകുന്നതോടൊപ്പം ഹോം ഡെലിവറി സൗകര്യവും ലഭ്യമാണ്.   ന്യൂക്ളിയസ് എംഡി ഡോ. സലാവുദ്ധീൻ, വാർഡ് മെമ്പർ സികെ നാസർ, കിഴക്കേ മഠത്തിൽ അബ്ദുള്ള, യു.വി സലീം ഹാജി, മഹബൂബ്, റഷീദ് പാലേരി, അബ്ബാസ് കണേക്കൽ, മഹമൂദ് തുടങ്ങിയവർ സംബന്ധിച്ചു. കൂടുതൽ വിവരങ്ങൾക്ക് ബന്ധപ്പെടാവുന്ന നമ്പർ 8086268404

വാണിമേൽ:  സർക്കാരിന്റെ ആർദ്രം പദ്ധതിയിലുൾപെടുത്തി വാണിമേൽ പരപ്പുപാറ പ്രൈമറി ഹെൽത്ത് സെൻറർ കുടുംബാരോഗ്യ കേന്ദ്രമായി ഉയർത്തി. ഇതിന്റെ  ഉദ്‌ഘാടനം  06-ന്  ചൊവ്വാഴ്ച്ച കാലത്ത് 11മണിക്ക് മുഖ്യമന്ത്രി  പിണറായി വിജയൻ ഓൺലൈനിൽ നിർവ്വഹിക്കും.
കുടുംബാരോഗ്യ കേന്ദ്രമായി ഉയർത്തിയതിന്റെ പശ്ചാത്തലത്തിൽ വിപുലമായ സൗകര്യങ്ങളാണ് ആശുപത്രിയിൽ ഒരുക്കിയത്. 
ഒ.പി സമയം വൈകുന്നേരം 
6 മണി വരെയായി ദീർഘിപ്പിക്കും. പുതുതായി ആരംഭിക്കുന്ന ലാബ് സൗകര്യം വൈകുന്നേരം 4മണി വരെ ലഭ്യമാകും. ഡോക്ടർമാരെ കൂടാതെ ആശുപത്രിയിലെ മറ്റു സ്റ്റാഫുകളുടെ എണ്ണത്തിലും വർദ്ധനവുണ്ടാകും. ശ്വാസകോശ രോഗങ്ങൾ, വിഷാദരോഗം തുടങ്ങിയവക്ക് ആഴ്ച്ചതോറും സ്പെഷ്യൽ ക്ലിനിക്കുകൾ നടത്തും. 
എൻആർ എച്ച് എം ഫണ്ടിൽ നിന്നും 15 ലക്ഷം രൂപയും ഗ്രാമപഞ്ചായത്ത് പദ്ധതിവിഹിതത്തിൽ നിന്നും 17 ലക്ഷം രൂപയും ബ്ലോക്ക്‌ പഞ്ചായത്ത്‌ പദ്ധതിയിൽ നിന്നും 5 ലക്ഷം രൂപയും ഉപയോഗപ്പെടുത്തിയാണ് ആവശ്യമായ സൗകര്യങ്ങൾ ഒരുക്കിയത്. 
കൂടാതെ ഇകെ വിജയൻ എംഎൽഎ യുടെ ആസ്തിവികസന ഫണ്ടിൽ നിന്നും 50 ലക്ഷം രൂപ ഉപയോഗിച്ച് നിർമിക്കുന്ന പുതിയ കെട്ടിടത്തിന്റെ ശിലാസ്ഥാപന കർമ്മവും അന്നേ ദിവസം നടക്കും. അഷ്‌റഫ്‌ കൊറ്റാല ചെയർമാനും 
ടി. പ്രദീപ്‌കുമാർ കൺവീനറുമായ  ആശുപത്രി സൗഹൃദകൂട്ടായ്മയുടെ നേതൃത്വത്തിൽ വിവിധ സംഘടനകളിൽ നിന്നും വ്യക്തികളിൽ നിന്നും ആശുപ്രതി പ്രവേശനകവാടം, ഡിജിറ്റൽ ബോർഡ്, എന്നിവ ഉൾപ്പെടെ വിവിധ സാധനസാമഗ്രികകൾ സ്പോൺസർഷിപ്പിലൂടെ ലഭ്യമാക്കിയിട്ടുണ്ട്. 
മുഖ്യമന്ത്രിയും ആരോഗ്യമന്ത്രിയും ആരോഗ്യമേഖലയിലെ ഉയർന്ന ഉദ്യോഗസ്ഥരും വീഡിയോ കോൺഫറൻസിലൂടെ പങ്കെടുക്കുന്ന ചടങ്ങിൽ കോവിഡ് പ്രോട്ടോകോൾ പാലിച്ചുകൊണ്ട് ജനപ്രതിനിധികൾ, രാഷ്ട്രീയപാർട്ടി പ്രതിനിധികൾ, 
ആശുപത്രി ജീവനക്കാർ തുടങ്ങിയവരും പങ്കെടുക്കും.

നാദാപുരം : ആയിരങ്ങൾക്ക് അറിവ് പകർന്നു നൽകിയ പണ്ഡിതനായിരുന്നു ഇന്ന് എടച്ചേരിയിൽ നിര്യാതനായ എം പി അബ്ദുൽ റഹ്മാൻ മൗലവി. 
നാദാപുരം മേഖലയിലെ വിവിധ ഭാഗങ്ങളിൽ നിരവധി  ശിഷ്യഗണങ്ങളുള്ള അദ്ദേഹം   എടച്ചേരി ടൗൺ ജുമാ മസ്ജിദ് കമ്മിറ്റി  പ്രസിഡന്റുമാണ്. എം പി ഉസ്താദ് എന്ന ഓമനപ്പേരിൽ വിളിക്കുന്ന 
അബ്ദുറഹ്മാൻ മൗലവി  എല്ലാവരും ആദരിക്കുകയും അംഗീകരിക്കുകയും ചെയ്യുന്ന പണ്ഡിതനാണ്.
ഭാര്യ:  പരേതയായ 
ഐഷു ഹജ്ജുമമ.
മക്കൾ:  ഹമദ് അബ്ദുൽ റഹ്മാൻ (സിജി ഖത്തർ ചാപ്റ്റർ), അബ്ദുൽ ജബ്ബാർ (കോഴിക്കോട് ജില്ലാ ജംഇയ്യത്തുൽ മുഅല്ലിമീൻ വൈസ് പ്രസിഡന്റ്)
ഷഹീർ എം പി (ബഹ്‌റൈൻ നാദാപുരം മണ്ഡലം കെ.എം.സി.സി ജനറൽ സിക്രട്ടറി), ജമീല, ആസ്യ, സുബൈദ,സുമയ്യ.
മരുമക്കൾ :  ഞാറ്റുവത്തിൽ മൊയ്‌തു, കുനിയിൽ മൊയ്‌തു ചേലക്കാട്, റഷീദ് കൈനാട്ടി,മൂസ്സ മൗലവി പന്തീരിക്കര, ഐഷ, റഷീദ,സീനത്ത് ടി.പി. 
സഹോദരങ്ങൾ: 
എം പി കുഞ്ഞബ്ദുള്ള മുസലിയാർ, പരേതനായ എം പി കുഞ്ഞാലി മുസലിയാർ കളരികണ്ടി നാദാപുരം.

നാദാപുരം : കൊവിഡ് ബാധിച്ച് കോഴിക്കോട് മെഡിക്കൽ കോളേജിൽ വെച്ച്  മരണപ്പെട്ട നാദാപുരം കുമ്മങ്കോട്ടെ പിലാക്കാട്ട് രാഘവന്റെ മൃദദേഹം  കുമ്മങ്കോട് പതിനേഴാം വാർഡ് ആർ. ആർ. ടി അംഗങ്ങൾ സംസ്‌രിച്ചു.  കോഴിക്കോട്  കോർപറേഷൻ സ്മശാനത്തിലാണ് സംസ്കാരം നടത്തിയത്. ഹെൽത് വിഭാഗത്തിന്റെ അറിയിപ്പിനെ തുടർന്നാണ് 
വാർഡ് ആർ. ആർ.ടി അംഗങ്ങൾ കോഴിക്കോടെത്തിയത്. 
ഉനൈസ് കുമ്മങ്കോട്, ആർ. കെ പ്രവീൺ, ചിറക്കൽ  റഹ്മത്തുള്ള,  എ.കെ  അജിത്,  എച്. ഐ മാരായ   കുഞ്ഞിമുഹമ്മദ്, വൽസലൻ,  പ്രസാദ് തുടങ്ങിയവർ നേതൃത്വം നൽകി.

നാദാപുരം : കേരള മൃഗസംരക്ഷണ വകുപ്പ്  നടപ്പിലാക്കുന്ന വ്യാവസായികാടിസ്ഥാനത്തിലുള്ള ആടുവളർത്തൽ പദ്ധതിയിലേക്ക് തൂണേരി ഗ്രാമപഞ്ചായത്തിൽ അപേക്ഷ ക്ഷണിച്ചു .  
അപേക്ഷ ഫോറം അക്ഷയ കേന്ദ്രത്തിൽ നിന്നും ലഭിക്കുന്നതാണ്.
പൂരിപ്പിച്ച അപേക്ഷകൾ  അവശ്യമായ രേഖകൾ സഹിതം ഈ മാസം  07-ന് മുമ്പായി തൂണേരി മൃഗാശുപത്രിയിൽ ലഭിച്ചിരിക്കണം.

ഗുണഭോക്താവിന്    
50  സെൻ്റിൽ കുറയാതെ സ്ഥലം ഉണ്ടായിരിക്കണം.
മൃഗസംരക്ഷണ വകുപ്പ് നടത്തുന്ന പരിശീലന പരിപാടിയിൽ പങ്കെടുത്ത സർട്ടിഫിക്കറ്റ് .
പദ്ധതി പ്രകാരം 19 പെണ്ണാടും 01 മുട്ടനാടും അവയ്ക്ക് കൂടും ഉണ്ടായിരിക്കണം.  ഉരുക്കളെ ഇൻഷ്വുർ ചെയ്യുകയും വേണം.
പദ്ധതി അടങ്കൽ തുക 2,80,000/- രൂപ ഗുണഭോക്തൃവിഹിതം 1,80,000/- രൂപ
സബ്സിഡി തുക 1,00,000/- രൂപ.

നാദാപുരം : ജില്ലാ പഞ്ചായത്ത് 9 ലക്ഷം രൂപ ചെലവിൽ ടാർചെയ്ത ചെക്യാട് ഗ്രാമപഞ്ചായത്തിലെ ജാതിയേരി വയലോളി താഴ റോഡിൻ്റെ ഉദ്ഘാടനം ജില്ലാ പഞ്ചായത്ത് മെമ്പർ അഹമ്മദ് പുന്നക്കൽ നിർവഹിച്ചു.
ഗ്രാമ  പഞ്ചായത്ത് പ്രസിഡണ്ട് തൊടുവയിൽ മഹമൂദ് അദ്ധ്യക്ഷത വഹിച്ചു. വികസന സ്റ്റാൻ്റിംഗ് കമ്മറ്റി ചെയർമാൻ അഹമ്മദ് കുറുവയിൽ, ബ്ലോക്ക് പഞ്ചായത്ത് മെമ്പർ മണ്ടോടി ബഷീർ മാസ്റ്റർ, പഞ്ചായത്ത് മെമ്പർ താഹിറ ഖാലിദ്, വി വി കെ ജാതിയേരി, വയലോളി പോക്കർ, സി സി ജാതിയേരി, യു കെ റാഷിദ്, പി കെ ഖാലിദ് മാസ്റ്റർ, എൻ പി കെ ഹസ്സൻ, പി വി അബ്ദുല്ല ഹാജി, യു കെ നിസാർ, അർഷാദ് കെ വി, റഫീഖ് കുനിയയിൽ, ആർ കെ ആദിൽ, ജെ പി സബീൽ, കുഞ്ഞാലി തയ്യുള്ളതിൽ തുടങ്ങിയവർ സംബന്ധിച്ചു.

വാണിമേൽ: ഈ വർഷം നടത്താൻ തീരുമാനിച്ച ചങ്ങാതിക്കൂട്ടം കുടുംബ സംഗമം കോവിഡ് പശ്ചാത്തലത്തിൽ ഓൺലൈനിൽ നടക്കും.ഇതിൻ്റെ ഭാഗമായി സംഘാടകരായ അഡ്മിൻമാരെ ആദരിച്ചു. വാണിമേൽ ക്രസൻ്റ് ഹൈസ്കൂൾ 1987 ബാച്ച് അംഗങ്ങളാണ് ഓൺലൈൻ കുടുംബ സംഗമം ഒരുക്കിയത്. സംഗമം ഞായറാഴ്ച രാവിലെ കവി രമേശ് കാവിൽ ഉദ്ഘാടനം ചെയ്യും .

 ഇന്ന്  നടന്ന ആദരിക്കൽ ചടങ്ങിൽ അഡ്മിൻമാരായ ബഷീർ വി പി കുഞ്ഞബ്ദുല്ല സി.പി എന്നിവരെ പൊലീസ് ഇൻസ്പെക്ടർ സുരേഷ് ബാബു പൊന്നാടയണിയിച്ചു. കെ.കെ മുഹമ്മദലി ഉപഹാരം നൽകി. സത്യൻ നീലിമ ,കെ .പി രാജീവൻ, ടി.പി ചന്ദ്രൻ , ലിയാഖത്തലി , ഖാലിദ് വി എം തുടങ്ങിയവർ പങ്കെടുത്തു.

നാദാപുരം : മണ്ഡലം കോൺഗ്രസ് കമ്മിറ്റി അംഗവും പ്രവാസി കോൺഗ്രസ് നിയോജക മണ്ഡലം വൈസ് പ്രസിഡണ്ടുമായ ചിയ്യൂരിലെ ബി എം സൂപ്പി ഹാജി പാർട്ടിയുടെ പ്രാഥമിക അംഗത്വം ഉൾപ്പെടെ രാജി വെച്ചു.
മണ്ഡലം കമ്മിറ്റിയിലെ ചില നേതാക്കളുടെ വർഗീയ നിലപാടിൽ പ്രതിഷേധിച്ചാണ് പാർട്ടി വിടുന്നതെന്ന് അദ്ദേഹം മണ്ഡലം പ്രസിഡണ്ട് 
കെ എം രഘുനാഥിന് നൽകിയ രാജിക്കത്തിൽ പറയുന്നു.

നാദാപുരം: വോട്ടർ പട്ടികയിൽ പേര് ചേർക്കുന്ന കാര്യത്തിൽ ഗ്രാമ പഞ്ചായത്ത് സെക്രട്ടറി ക്രമക്കേട് നടത്തിയെന്ന് ആരോപിച്ച്  യു ഡി എഫ് സമരം. 
പഞ്ചായത്ത് യു ഡി എഫ് കമ്മിറ്റിയുടെ ആഭിമുഖ്യത്തിലാണ് പഞ്ചായത്ത് ഓഫീസ് വളപ്പിൽ പ്രതിഷേധ ധർണ്ണ നടന്നത്. ഗ്രാമ പഞ്ചായത്ത് അംഗങ്ങൾ ഉൾപ്പെടെയുള്ള യു ഡി എഫ് നേതാക്കൾ സമരത്തിൽ പങ്കെടുത്തു. പഞ്ചായത്ത് യു ഡി എഫ് ചെയർമാൻ എം പി സൂപ്പി, കൺവീനർ കെ എം രഘുനാഥ്, പി കെ ദാമു,
വി വി മുഹമ്മദലി, സുബൈർ ചേലക്കാട് , വാസു എരഞ്ഞിക്കൽ, സി കെ നാസർ തുടങ്ങിയവർ സംസാരിച്ചു.

നാദാപുരം : കല്ലാച്ചി ടൗണിൽ കെട്ടിടം തകർന്നു വീണു. പഴയ മാർക്കറ്റ് റോഡിൽ ഫ്രൂട്ട്സ്  ഗോഡൗണായി ഉപയോഗിക്കുന്ന 
കെട്ടിടമാണ് ഇന്ന് കാലത്ത് 9 മണിയോടെ നിലം പൊത്തിയത്. പരിസരത്ത് ആളുകൾ ഇല്ലാത്തതിനാൽ അപകടം ഒഴിവായി. ഫയർ ഫോഴ്സ് സ്ഥലത്തെത്തി.

നാദാപുരം:  എക്സൈസ് സംഘം   നടത്തിയ വാഹന പരിശോധനക്കിടെ കഞ്ചാവും മയക്കു മരുന്നും പിടി കൂടി . 
നാദാപുരം എക്സൈസ് റെയ്ഞ്ച് പാർട്ടിയാണ് പരിശോധന നടത്തിയത്.
നാദാപുരത്ത് വെച്ച് കൈ കാണിച്ചെങ്കിലും   
നിർത്താതെ പോയ 
KL 65 E:  9054 ഇന്നോവ  കാർ  പിന്തുടർന്ന് കല്ലാച്ചിയിൽ തടഞ്ഞു നിർത്തി പരിശോധിച്ചപ്പോഴാണ്  100 ഗ്രാം 2ഞ്ചാവും, 0.4 ഗ്രാം  മയക്കുമരുന്നും കണ്ടെടുത്തത്.  കൊയിലാണ്ടി  കൂനിയോട് സ്വദേശി എടവലക്കണ്ടി വീട്ടിൽ മുഹമ്മദ്‌ ജസാർ, 23,  അത്തോളി  കോളിയോട്ട്താഴം സ്വദേശി  കോളിയോട്ടു മീത്തൽ സി ഹാനിഫ്, 23  പുറമേരി  നടേമ്മൽ സ്വദേശി  പിടുപിടുപ്പാൻ ചാലിൽ  ഹർഷാദ്  23  എന്നിവരെ
അറസ്റ്റ് ചെയ്തു.
നാദാപുരം എക്സൈസ് ഇൻസ്‌പെക്ടർ വിനോജ് വി എ യുടെ നേതൃത്വത്തിൽ പ്രിവന്റീവ് ഓഫീസർ സി. പി. ചന്ദ്രൻ, ഗ്രേഡ് പ്രിവന്റീവ് ഓഫീസർ ജയരാജ്‌. പി. പി, സിവിൽ എക്സൈസ് ഓഫീസർമാരായ അനിരുദ്ധ്. പി. കെ, അനൂപ് മയങ്ങിയിൽ, വിജേഷ്. പി, സിനീഷ്. കെ, അരുൺ എം, ഡ്രൈവർ പുഷ്പരാജ് എന്നിവരാണ് പരിശോധന നടത്തിയത് .

നാദാപുരം : ചെക്യാട് ഗ്രാമ പഞ്ചായത്തിൽ മൂന്ന് വാർഡുകൾ ഒഴികെ മറ്റു എല്ലാ വാർഡുകളും കണ്ടയ്ൻമെൻറ് സോണിൽ നിന്ന് ഒഴിവാക്കി. 3 , 8 , 11 വാർഡുകൾ മാത്രം കണ്ടയ്ൻമെന്റ് സോണിൽ തുടരും. അരിക്കര കുന്നിലെ ഇരുന്നൂറിലേറെ  ബി എസ് എഫ് ജവാൻമാർക്ക് കൊവിഡ് സ്ഥിരീകരിച്ചതിനെ തുടർന്നാണ് ചെക്യാട് പഞ്ചായത്ത് മുഴുവൻ കണ്ടയ്ൻമെന്റ് സോണായി പ്രഖ്യാപിച്ചത്. ജില്ലാ ഭരണ കൂടത്തിന്റെ ഈ തീരുമാനത്തിൽ ഗ്രാമ പഞ്ചായത്ത് ഭരണ സമിതി അതൃപ്തി പ്രകടിപ്പിച്ചിരുന്നു.

നാദാപുരം : പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വിദ്യാഭ്യാസ വകുപ്പ് കിഫ് ബി മുഖേന 3 കോടി ചെലവിൽ  കല്ലാച്ചി ഗവൺമെന്റ് ഹൈസ്ക്കുളിന്  പുതിയ കെട്ടിടം നിർമിക്കുന്നു.
മൂന്ന് നില കെട്ടിടത്തിൽ ക്ലാസ് റൂം, പാചകപ്പുര, ഡൈനിങ് ഹാൾ, കോൺഫറൻസ് ഹാൾ, ഗ്യാലറി ഉൾപ്പെടെയുള്ള വയാണ് സജ്ജീകരിക്കുക. യു.എൽ.സി.സി.എസ് ആണ് പ്രവൃത്തി ഏറ്റെടുത്തത്.
നിർമാണ  പ്രവൃത്തി ഉൽഘാടനം ഒക്ടോബർ 
3 -ന് രാവിലെ 10 മണിക്ക് മുഖ്യമന്ത്രി പിണറായി വിജയൻ ഓൺലൈനിൽ നിർവ്വഹിക്കും. വിദ്യാഭ്യാസ മന്ത്രി സി.രവീന്ദ്രനാഥ് അദ്ധ്യക്ഷത വഹിക്കും. ധനകാര്യ മന്ത്രി ടി.എം.തോമസ് ഐസക്ക്, ഇ.കെ. വിജയൻ എം.എൽ.എ. ബ്ലോക്ക് പ്രസിഡന്റ് സി.എച്ച് ബാലകൃഷ്ണൻ , പഞ്ചായത്ത് പ്രസിഡന്റ് എം.കെ സഫീറ, ജില്ലാ പഞ്ചായത്ത് അംഗം  അഹമ്മദ് പുന്നക്കൽ , പൊതു വിദ്യാഭ്യാസ 
സെക്രട്ടറി എ.ഷാജഹാൻ തുടങ്ങിയവർ സംബന്ധിക്കും.
എം.എൽ.എയുടെ ആസ്തിവികസന ഫണ്ടിൽ നിന്നും 99 ലക്ഷം രൂപ ചെലവിൽ നിരമ്മിക്കുന്ന മറ്റൊരു  ബ്ലോക്കിന്റെ നിർമ്മാണ പ്രവൃത്തി ഉൽഘാടനവും ഇതോടനുബന്ധിച്ചു നടക്കും.

നരിപ്പറ്റ: കഴിഞ്ഞ ദിവസം വടകര ജില്ലാ ആശുപത്രിയിൽ മരണപെട്ട നരിപ്പറ്റ സ്വദേശിക്ക് കോവിഡ് സ്ഥിരീകരിച്ച സാഹചര്യത്തിൽ 
മരണാനന്തര ചടങ്ങുകൾക്ക് നേതൃത്വം നൽകി യുത്ത് ലീഗ് പ്രവർത്തകർ മാതൃകയായി.
നമ്പ്യത്താംകുണ്ടിലെ ഖബർസ്ഥാനിൽ  പി.പി.ഇ കിറ്റ് ധരിച്ച യൂത്ത് ലീഗ് വൈറ്റ് ഗാർഡ് വളണ്ടിയർമാർ ഖബറടക്കം നടത്തി . സഹദ്‌ പാലോൽ, റസീം പി.എം, സാബിത്ത്‌ കിഴക്കയിൽ, ഷറഫുദ്ധീൻ ജാതിയോറ, റംഷാദ്‌ മുള്ളമ്പത്ത്‌, അബ്ദുൽ സിനാൻ മുറിച്ചാണ്ടി, അർഷാദ്‌ ടി.ടി, നിയാസ്‌ നരിപ്പറ്റ, റഷാദ്‌ ചെറിയ കൈവേലി, മുഹമ്മദ്‌ ഇഖ്ബാൽ തുടങ്ങിയവർ നേതൃത്വം നൽകി.
ഹെൽത്ത് ഇൻസ്‌പെക്ടർ സുനിൽ.വി, ജെ.എച്ച്.ഐ എൻ.കെ ഷാജി എന്നിവർ ജില്ലാ ഹോസ്പിറ്റലിൽ നിന്ന് മൃതദേഹം ഏറ്റുവാങ്ങി. സി. സുബാഷ്, ആർ. അബ്ദുൽ ഹമീദ്, വൈ.ബി ഷാനവാസ് എന്നിവരുടെ മേൽനോട്ടത്തിലാണ് മരണാനന്തര ചടങ്ങുകൾ നടന്നത്.
പതിനാറാം വാർഡിലെ  മരോടിമ്മൽ മമ്മുവിനാണ്  മരണശേഷം നടത്തിയ പരിശോധനയിൽ രോഗം സ്ഥിരീകരിച്ചത്. ഷുഗർ കുറഞ്ഞതിനെ തുടർന്ന്  ആശുപത്രിയിൽ പ്രവേശിപ്പിച്ച മമ്മു ചൊവ്വാഴ്ച കാലത്താണ് മരണപെട്ടത്. ഇതോടെ നരിപ്പറ്റ പഞ്ചായത്തിലെ കോവിഡ് രോഗികളുടെ എണ്ണം 101 ആയി. ഇതിൽ 21 പേർ ചികിത്സയിലൂടെ രോഗമുക്തരായി.

നരിപ്പറ്റ : നരിപ്പറ്റയിൽ മരിച്ച എൺപത്തി രണ്ടുകാരന്  കൊവിഡ് സ്ഥിരീകരിച്ചു. 
മരോടീമ്മൽ മമ്മുവിനാണ്  രോഗം സ്ഥിരീകരിച്ചത്. 
ഇന്നലെ ഷുഗർ കുറഞ്ഞ അസുഖത്തെ തുടർന്ന് ആശുപത്രിയിൽ പ്രവേശിപ്പിച്ച ഇദ്ദേഹം ഇന്ന് കാലത്ത് മരണ പ്പെടുകയായിരുന്നു. 
മരണ ശേഷം കൊവിഡ് പരിശോധനക്ക് വിധേയമാക്കിയപ്പോഴാണ് ഫലം പോസിറ്റീവായത്. 
ഭാര്യ: മാമി
മക്കൾ: ജസ് രി, ഷംസീർ, ജംഷീന, ജസ്ന, 
മരുമക്കൾ: അസീസ് (ചിയ്യൂർ), ഷാഹിന (വെള്ളിയോട്), നിസാർ (കല്ലാച്ചി), മുഹമ്മദലി (കുറ്റ്യാടി).

വാണിമേൽ: 206 കിലോമീറ്റർ സൈക്കിൾ യാത്ര ചെയ്ത് വാണിമേൽ സ്വദേശികൾ  ഹസീബും  യാസീനും തിരിച്ചെത്തി. വയൽപീടികയിൽ നിന്ന് തുടങ്ങി താമരശ്ശേരിയിൽ എത്തി അവിടെ നിന്ന്  വയനാട് ചുരം വഴി വാണിമേലിൽ തിരിച്ചെത്തുകയായിരുന്നു.

നാദാപുരം: കോവിഡ് വ്യാപനം കാരണം അടഞ്ഞു കിടക്കുന്ന ടൗണിലെ കടകൾ തുറക്കുന്നതിന് വേണ്ടി വ്യാപാരികൾക്ക് ഏർപ്പെടുത്തിയ പരിശോധനയിൽ പങ്കെടുത്തത് 61 പേർ മാത്രം. ഇതിൽ ഒരാൾക്ക് പോസിറ്റീവ് സിഹിരീകരിച്ചു.
250 പേർക്കാണ് നാദാപുരം താലൂക്ക് ഹോസ്പിറ്റലിൽ ടെസ്റ്റിനുള്ള സൗകര്യം ഒരുക്കിയത്.
അതേസമയം കഴിഞ്ഞ ദിവസം നടന്ന പി.സി.ആർ ടെസ്റ്റിൽ പങ്കെടുത്ത 75 പേരിൽ 28 പേർക്ക് ഇന്ന് കോവിഡ് സ്ഥിരീകരിച്ചു.

നാദാപുരം : വളയം കമ്മ്യൂണിറ്റി ഹെൽത്ത് സെൻററിന്റെ  ഭൗതിക സാഹചര്യം മെച്ചപ്പെടുത്താൻ  ആരോഗ്യ വകുപ്പ് 
37.5 ലക്ഷം രൂപ അനുവദിച്ചു. ഇ.കെ. വിജയൻ എം.എൽ.എ.
ആരോഗ്യ വകുപ്പ് മന്ത്രി കെ. കെ ശൈലജ ടീച്ചർക്ക് നൽകിയ നിവേദനത്തെ തുടർന്നാണ് തുക അനുവദിച്ചത്. 
എം.എൽ.എ. ഫണ്ടിൽ നിന്നുള്ള  2.60 കോടി രൂപ ചെലവിൽ നേരത്തെ പുതിയ കെട്ടിടം നിർമ്മിച്ചിരുന്നു. 
ഒ.പി. സൗകര്യം ഉൾപ്പെടെ ആധുനിക രീതിയിൽ കെട്ടിടം നവീകരിക്കുന്ന തിന് ടെന്റർ നടപടി പൂർത്തീകരിച്ച് പ്രവൃത്തി ഉടൻ ആരംഭിക്കും.

നാദാപുരം: ജലവിതരണ കുഴൽ പൊട്ടി സംസ്ഥാന പാത കർന്നു.  നാദാപുരം ഗവ: താലൂക്ക് ആശുപത്രിക്കടുത്താണ് പൈപ്പ് പൊട്ടിയത്. വെള്ളം റോഡിലൂടെ പരന്നൊഴുകാൻ തുടങ്ങിയതോടെ റോഡിൻ്റെ മദ്ധ്യ ഭാഗത്ത് നീളത്തിൽ റോഡ് തർന്നു. പോലീസ് എത്തി ആവശ്യമായ നിയന്ത്രണങ്ങൾ സ്വീകരിക്കുകയായിരുന്നു. വിവരമറിഞ്ഞ് ജല അതോറിറ്റി അധികൃതർ പമ്പിംഗ് നിർത്തിയാണ് വെള്ളം ചീറ്റുന്നത് ഒഴിവാക്കിയത്. പൈപ്പ് നേരെയാക്കിയാലെ  പുറമേരി ശുദ്ധികരണ ശാലയിലേക്കുള്ള പമ്പിംഗ് പുരാരംഭിക്കാനാകൂ. പമ്പിംഗ് നിലച്ചതോടെ വടകര ബീച്ചിലും അഞ്ചോളം പഞ്ചായത്തു കളിലും ജലവിതരണം നിലക്കും. പൈപ്പ് നേരെയാക്കിയാലും റോഡ് തകർച്ച ഏറേക്കാലം വാഹനഗതാഗതത്തെ സാരമായി ബാധിക്കും. ഏറെ തിരക്ക് ഉണ്ടാകുന്ന  ഭാഗത്താണ് റോഡ് തർന്നത്.

നാദാപുരം: പഞ്ചായത്തിൽ കൊവിഡ് രോഗികൾ വർധിച്ചതോടെ കടകൾ അടഞ്ഞു കിടക്കുന്ന സാഹചര്യം ഒഴിവാക്കാൻ  നാദാപുരം കല്ലാച്ചി ടൗണുകളിലെ വ്യാപാരികൾക്ക് കോവിഡ് പരിശോധന നടത്താൻ തീരുമാനം.  250 പേരുടെ പരിശോധന നാളെ നാദാപുരം  താലൂക്ക്  ആശുപത്രിയിൽ നടക്കും. 
ബാക്കിയുള്ളവർക്ക്  തുടർ ദിവസങ്ങളിലും പരിശോധനക്ക്  സൗകര്യം ചെയ്യും.  പൊലീസ് സ്റ്റേഷനിൽ വിളിച്ചു ചേർത്ത  സർവകക്ഷി  യോഗത്തിൽ ഡെപ്യൂട്ടി കളക്ടർ സി. ബിജുവിന്റെ  നിർദേശം യോഗം അംഗികരിച്ചു. കടകൾ തുറന്ന് പ്രവർത്തിക്കാൻ അനുവദികണമെന്ന വ്യാപാരി നേതാക്കളുടെ  ആവശ്യം പരിഗണിച്ചാണ് എത്രയും പെട്ടെന്ന് ഈ പരിശോധനക്കുള്ള സൗകര്യം ചെയ്യുന്നതെന്ന് അധികൃതർ പറഞ്ഞു.  ഇ.കെ വിജയൻ എം.എൽ.എ,  ഗ്രാമ  പഞ്ചായത്ത്‌ പ്രസിഡന്റ് എം.കെ സഫീറ, സി.ഐ:   എൻ സുനിൽ കുമാർ, മുഹമ്മദ്‌ ബംഗ്ലത്ത്, എംപി സൂപ്പി, സി.എച്ച്  മോഹനൻ, മോഹനൻ പാറക്കടവ്,  കെ.ടി.കെ ചന്ദ്രൻ, ഏരത്ത് ഇഖ്ബാൽ, തേറത്ത് കുഞ്ഞി കൃഷ്ണൻ നമ്പ്യാർ, വി.കെ സലീം, കെ.വി നാസർതുടങ്ങിയവർ  സംബന്ധിച്ചു

കക്കട്ടിൽ: അരൂർ യു.പി.സ്കൂളിൽ രക്ഷിതാക്കൾക്ക് വേണ്ടി ഓൺലൈൻ ക്ലാസ്സ് സംഘടിപ്പിച്ചു. മലബാർ കൃസ്ത്യൻ കോളേജിലെ കൗൺസലിംഗ് സൈക്കോളജിസ്റ്റ് സിനി ജോൺ ഉദ്‌ഘാടനം ചെയ്തു. കുട്ടികൾ അറിവ് നേടിയാൽ മാത്രം പോര, നല്ല മനുഷ്യരായി വളരണമെന്ന് അവർ രക്ഷിതാക്കളെ ഓർമ്മപ്പെടുത്തി. കോവിസ് 19 കാരണം സ്കൂളുകൾ തുറക്കാത്തതിനാൽ ഓൺലൈൻ ക്ലാസ്സുകളിലൂടെ അറിവ് ലഭിക്കുന്നുണ്ടെങ്കിലും ക്ലാസ്സുമുറികളിലെ പഠനാനുഭവങ്ങളും അധ്യാപകരുടെ സാന്ദർഭികമായ ഉപദേശങ്ങളും ഇടപെടലുകളും കുട്ടികൾ തമ്മിലുള്ള സഹവർത്തിത്വവുമൊക്കെ നഷ്ടമായിരിക്കുകയാണ്. സ്കൂളിൽ നിന്ന് അറിവ് മാത്രമല്ല മാനസികവും ശാരീരികവുമായ വളർച്ചയ്ക്കും ഉന്മേഷത്തിനും പറ്റിയ അനുഭവങ്ങൾ ഓരോ കുട്ടിക്കും ലഭിക്കുന്നുണ്ട്. എന്നാൽ ഇപ്പോഴത്തെ സാഹചര്യത്തിൽ അതൊക്കെ കുട്ടികൾക്ക് നഷ്ടമായിരിക്കുകയാണ്. അതിനാൽ അധ്യപകരും രക്ഷിതാക്കളും പ്രത്യേകമായി കുട്ടികളുടെ കാര്യത്തിൽ ശ്രദ്ധ ചെലുത്തണമെന്ന് സിനി ജോൺ ആവശ്യപ്പെട്ടു. പി.ടി.എ പ്രസിഡണ്ട് വി.പി.സുനി അധ്യക്ഷത വഹിച്ചു. പ്രധാനാധ്യാപകൻ പി.കെ ജ്യോതികുമാർ, എം.പി. ടി.എ ചെയർ പേഴ്സൻ സുജിന പി.സി., എസ്.ആർ ജി കൺവീനർ കെ. ജ്യോതിലക്ഷ്മി, സ്റ്റാഫ് സെക്രട്ടറി എം.ജി.കൃഷ്ണദാസ് എന്നിവർ പ്രസംഗിച്ചു. രക്ഷിതാക്കൾക്ക് കൗൺസലറുമായി സംവദിക്കുവാനുള്ള അവസരവുമുണ്ടായിരുന്നു.

നാദാപുരം :  ചെക്യാട് അരീക്കര കുന്നിൽ 200 ഓളം സൈനികർക്ക് കൊവിഡ് സ്ഥിരീകരിച്ചു.
ഇന്ന് നടന്ന ആൻറിജൻ പരിശോധനയിലാണ് ഇവർക്ക് പോസിറ്റീവായത്.
അഞ്ഞൂറ് സൈനികരെയാണ് ഇന്ന് പരിശോധിച്ചത്. ബാക്കിയുള്ള 500 സെനികരെ അടുത്ത ദിവസം പരിശോധനക്ക് വിധേയമാക്കും.

നാദാപുരം:  വളയം ഗവൺമെന്റ് ഹയർ സെക്കന്ററി സ്കൂളിന് വേണ്ടി ജില്ലാ പഞ്ചായത്ത് ഫണ്ട് ഉപയോഗിച്ചു  നിർമിക്കുന്ന ചുറ്റുമതിലിന്റെയും കവാടത്തിന്റെയും  പ്രവൃത്തി ഉദ്ഘാടനം ജില്ലാ പഞ്ചായത്ത് മെമ്പർ അഹമ്മദ് പുന്നക്കൽ നിർവ്വഹിച്ചു. ചടങ്ങിൽ വളയം ഗ്രാമ പഞ്ചായത്ത് പ്രസിഡന്റ് എം. സുമതി അധ്യക്ഷത വഹിച്ചു. പി.ടി.എ പ്രസിഡൻറ് എം.ദിവാകരൻ, പ്രിൻസിപ്പാൾ ഇ.കെ.ജ്യോതി ,ടി.അജിത, ടി.എം.വി. അബ്ദുൾ ഹമീദ്, പി.ചന്ദ്രൻ , പി.രഞ്ജിത്ത് കുമാർ, എം.എം മുഹമ്മദലി, എം. സുരേന്ദ്രൻ തുടങ്ങിയവർ സംസാരിച്ചു. ഊരാളുങ്കൽ ലേബർ കോൺട്രാക്റ്റ് സൊസൈറ്റിയാണ് പ്രവൃത്തി ഏറ്റെടുത്ത് നടത്തുന്നത്.

നാദാപുരം:  വളയം ഗവൺമെന്റ് ഹയർ സെക്കന്ററി സ്കൂളിന് വേണ്ടി ജില്ലാ പഞ്ചായത്ത് ഫണ്ട് ഉപയോഗിച്ചു  നിർമിക്കുന്ന ചുറ്റുമതിലിന്റെയും കവാടത്തിന്റെയും  പ്രവൃത്തി ഉദ്ഘാടനം ജില്ലാ പഞ്ചായത്ത് മെമ്പർ അഹമ്മദ് പുന്നക്കൽ നിർവ്വഹിച്ചു. ചടങ്ങിൽ വളയം ഗ്രാമ പഞ്ചായത്ത് പ്രസിഡന്റ് എം. സുമതി അധ്യക്ഷത വഹിച്ചു. പി.ടി.എ പ്രസിഡൻറ് എം.ദിവാകരൻ, പ്രിൻസിപ്പാൾ ഇ.കെ.ജ്യോതി ,ടി.അജിത, ടി.എം.വി. അബ്ദുൾ ഹമീദ്, പി.ചന്ദ്രൻ , പി.രഞ്ജിത്ത് കുമാർ, എം.എം മുഹമ്മദലി, എം. സുരേന്ദ്രൻ തുടങ്ങിയവർ സംസാരിച്ചു. ഊരാളുങ്കൽ ലേബർ കോൺട്രാക്റ്റ് സൊസൈറ്റിയാണ് പ്രവൃത്തി ഏറ്റെടുത്ത് നടത്തുന്നത്.

വടകര : കെ പി സി സി സെക്രട്ടറിയായി നിയമിതനായ  അഡ്വ. ഐ. മൂസ്സക്ക്  സുഹൃദ് സംഘം വടകരയിൽ സ്വീകരണം നൽകി. ചടങ്ങ്  വടകര മണ്ഡലം മുസ്ലിം ലിഗ് ജനറൽ സിക്രട്ടറി ഒ.കെ കുഞ്ഞബ്ദുല്ല മാസ്റ്റർ ഉൽഘാടനം ചെയതു അശ്റഫ് കോറോത്ത് അദ്ധ്യക്ഷത വഹിച്ചു. പി സഫയർ സ്വാഗതം പറഞ്ഞു. ഡി.സി സി സിക്രട്ടറി കളത്തിൽ പിതാംബരൻ, വടകര മർച്ചൻ്റ് അസോസിയേഷൻ പ്രസിഡണ്ട്  എം അബ്ദുൽ സലാം, രംജിത് കല്ലാട്ട്, ശൂഹൈബ് കുന്നത്ത്, അൻസാർ മുകച്ചേരി, സഹീർ മാസ്റ്റർ, നൗഷാദ് വി കെ , ഷംസീർ സി എച്ച്, അഡ്വ. എം ടി അഫനാസ്, എന്നിവർ ആശംസകൾ അർപ്പിച്ചു. കഴിഞ്ഞ കാലങ്ങളിലേത്  പൊലെ  വടകരയിലെ പൊതു രംഗത്ത് ഉണ്ടാകുമെന്ന് ഐ മുസ്സ മറുപടി പ്രസംഗത്തിൽ പറഞ്ഞു.

വില്യാപ്പള്ളി  :  മികച്ച എൻ എസ് എസ്  യൂണിറ്റിനും പ്രോഗ്രാം ഓഫീസർക്കുമുള്ള സംസ്ഥാന അവാർഡിന്  വില്യാപള്ളി മുസ്ലിം ജമാഅത്ത് ഹയർ സെക്കണ്ടറി സ്കൂൾ  അർഹമായി. അധ്യാപകൻ വാണിമേലിലെ കുറ്റിയിൽ ഉബൈദാണ് മികച്ച പ്രോഗ്രാം ഓഫീസർ. ഉന്നത വിദ്യാഭ്യാസ വകുപ്പ് മന്ത്രി കെ.ടി.ജലീലാണ് അവാർഡ്  പ്രഖ്യാപിച്ചത്. വിവിധ യൂണിവേഴ്സിറ്റി, ഹയർ സെക്കണ്ടറി / വൊക്കേഷണൽ ഹയർ സെക്കണ്ടറി മുതലായ സംസ്ഥാനത്തെ മുഴുവൻ വിഭാഗങ്ങളിലെയും  യൂണിറ്റുകളേയും പ്രോഗ്രാം ഓഫീസർമാരെയും പിന്തള്ളിയാണ് ഉബൈദ് മാഷും സ്കൂളും ഈ നേട്ടം കൈവരിച്ചത്.
ഏതാണ്ട് 40 ലക്ഷത്തോളം രൂപയുടെ സേവന പ്രവർത്തനങ്ങളാണ് എൻ എസ് എസ് യൂനിറ്റ്  നടത്തിയത്.
രണ്ട് വീടുകൾ, നിരവധി നിർമ്മാണ പ്രവർത്തനങ്ങൾ, സംസ്ഥാനത്ത് തന്നെ മാതൃകയായ അംഗനവാടികളുടെ ശിശു സൗഹൃദ പെയിന്റിംഗുകൾ, ദത്ത് ഗ്രാമം, സ്വയംതൊഴിൽ സഹായങ്ങൾ തുടങ്ങിയവ ശ്രദ്ധേയമായ ചില പരിപാടികളാണ്.

ഓർക്കാട്ടേരി:ബിരുദ വിദ്യാർത്ഥിനിയെ പുഴയിൽ മരിച്ച നിലയിൽ കണ്ടെത്തി.ഏറാമല വരേപ്പറമ്പത്ത് രവീന്ദ്രന്റെ മകൾ അഞ്ജലി (18) ആണ്  മരിച്ചത്. വ്യാഴാഴ്ച ഉച്ചയോടെ കൂട്ടുകാരിയുടെ വീട്ടിലേക്ക് എന്ന് പറഞ്ഞ്  വീട്ടിൽ നിന്നും പോയതാണ്. വൈകുന്നേരത്തോടെ മയ്യഴിപ്പുഴയിൽ കരിയാട് കാഞ്ഞിരക്കടവ് പാലത്തിനടുത്ത് പുഴയിൽ മൃതദേഹം കണ്ടെത്തുകയായിരുന്നു. മൊകേരി കോളേജിൽ രണ്ടാം വർഷ ബിരുദ വിദ്യാർത്ഥിനിയാണ്. അമ്മ ഉമ അങ്കണവാടി ജീവനക്കാരിയാണ്. സഹോദരി: അഞ്ജന.

നാദാപുരം : കഴിഞ്ഞ അധ്യയന  വർഷത്തെ ഹയർ സെക്കൻ്ററി സ്കൂൾ എൻ.എസ്.എസ് ഉത്തര മേഖല അവാർഡ്  പ്രഖ്യാപിച്ചു. മികച്ച യൂണിറ്റ് ആയി ഇരിങ്ങണ്ണൂർ ഹയർ സെക്കൻ്ററി സ്കൂൾ എൻ എസ് എസ് യൂനിറ്റ്  തിരഞ്ഞെടുക്കപ്പെട്ടു. ഇതേ  സ്‌കൂളിലെ ഇംഗ്ലീഷ് അധ്യാപിക എൻ.എസ്‌.എസ്‌ പ്രോഗ്രാം ഓഫീസർ സഗീന.വി.ടിയാണ് മികച്ച പ്രോഗ്രാം ഓഫീസർ. ജില്ലാതലത്തിൽ മികച്ച വളണ്ടിയർ  ബഹുമതിക്ക് 
ഇരിങ്ങണ്ണൂർ ഹയർ സെക്കൻ്ററി സ്കൂളിലെ അശ്വിൻ.പി.കെ, സ്വാതി.ഒ എന്നിവർ അർഹരായി.

വടകര : രാജ്യത്തെ കർഷകരുടെ ജീവനോപാധി ഇല്ലാതാക്കുന്ന കാർഷിക മേഖല കുത്തക കമ്പനികൾക്ക് തീരെ എഴുതുന്ന എ പി എം സി നിയമ ഭേദഗതി ബിൽ പിൻവലിക്കണമെന്നും ഭക്ഷ്യ സുരക്ഷ ഉറപ്പു വരുത്തണമെന്നും ആവശ്യപ്പെട്ടതിന്റെ  പേരിൽ രാജ്യസഭയിൽ നിന്നും  എളമരം കരീം കെ കെ രാഗേഷ് ഉൾപ്പെടെയുള്ള എം പി മാരെ  സസ്പെൻഡ് ചെയ്ത നടപടിയിൽ
 പ്രതിഷേധിച്ച് സിഐടിയു വടകര ഏരിയ കമ്മിറ്റിയുടെ നേതൃത്വത്തിൽ കോവിഡ മാനദണ്ഡങ്ങൾ പാലിച്ച് വടകര ടൗണിൽ പ്രകടനം നടത്തി. തുടർന്ന് നടന്ന പൊതുയോഗത്തിൽ ഏരിയാസെക്രട്ടറി 
വി കെ വിനു പി സി സുരേഷ് വേണു കക്കട്ടിൽ എന്നിവർ സംസാരിച്ചു 
എ കുഞ്ഞിരാമൻ ടി പി രാജൻ പി കെ അശോകൻ എന്നിവർ നേതൃത്വം നൽകി

നാദാപുരം :  ഗ്രാമ പഞ്ചായത്ത് മെമ്പർ അടക്കം 3 പേർക്ക് നാദാപുരത്ത് ഇന്ന് 
കൊവിഡ് സ്ഥിരീകരിച്ചു.
കഴിഞ്ഞ ശനിയാഴ്ച നടന്ന പി സി ആർ ടെസ്റ്റിന്റെ ഫലം പുറത്ത് വന്നപ്പോഴാണ് ഇവർക്ക് പോസിറ്റീവായത്. 
കഴിഞ്ഞ ദിവസം 48 പേർക്ക് കൊവിഡ് സ്ഥിരീകരിച്ചിരുന്നു. 
ഇതേ തുടർന്ന് ടൗൺ ഉൾപ്പെടെ  11 വാർഡുകൾ ഇന്നലെ കണ്ടയ്ൻമെൻറ് സോണായി പ്രഖ്യാപിച്ചു. ഇതിനിടയിലാണ് ഇന്ന് വീണ്ടും 3 പേർ രോഗ ബാധിതരായത്

നാദാപുരം:  ഗ്രാമ  പഞ്ചായത്തിന്റെ  നവീകരിച്ച  മീറ്റിങ്  ഹാൾ പ്രസിഡന്റ്  സഫീറ  മൂന്നാംകുനി  ഉദ്ഘാടനം ചെയ്തു . വാര്ഷിക  പദ്ധതിയിൽ  ഉൾപ്പെടുത്തി  അഞ്ചു  ലക്ഷം  രൂപ  ചെലവിലാണ്  നവീകരണം  നടത്തിയത് .
വൈസ്  പ്രസിഡണ്ട്  സി വി കുഞ്ഞികൃഷ്ണൻ  അധ്യക്ഷത  വഹിചു  .
മുഹമ്മദ്   ബംഗ്ലത്ത് , ടി കെ സുബൈദ , ബീന  ണിയാരീമ്മല്‍ , എം പി സൂപ്പി , പി കെ ദാമു മാസ്റ്റർ, കെ എം രഘുനാഥ്‌ , സി കെ  നാസർ , വാസു  എരഞ്ഞിക്കൽ സെക്രട്ടറി  എം പി റജുലാല്‍  എന്നിവർ  സംസാരിച്ചു  .

നാദാപുരം:  ഗ്രാമ  പഞ്ചായത്തിന്റെ  നവീകരിച്ച  മീറ്റിങ്  ഹാൾ പ്രസിഡന്റ്  സഫീറ  മൂന്നാംകുനി  ഉദ്ഘാടനം ചെയ്തു . വാര്ഷിക  പദ്ധതിയിൽ  ഉൾപ്പെടുത്തി  അഞ്ചു  ലക്ഷം  രൂപ  ചെലവിലാണ്  നവീകരണം  നടത്തിയത് .
വൈസ്  പ്രസിഡണ്ട്  സി വി കുഞ്ഞികൃഷ്ണൻ  അധ്യക്ഷത  വഹിചു  .
മുഹമ്മദ്   ബംഗ്ലത്ത് , ടി കെ സുബൈദ , ബീന  ണിയാരീമ്മല്‍ , എം പി സൂപ്പി , പി കെ ദാമു മാസ്റ്റർ, കെ എം രഘുനാഥ്‌ , സി കെ  നാസർ , വാസു  എരഞ്ഞിക്കൽ സെക്രട്ടറി  എം പി റജുലാല്‍  എന്നിവർ  സംസാരിച്ചു  .

നാദാപുരം: നാദാപുരത്ത് രോഗ വ്യാപനം കണക്കിലെടുത്ത് ടൗൺ ഉൾപ്പെടെ വിവിധ വാർഡുകൾ കണ്ടൈൻമെന്റ് സോണിൽ ഉൾപ്പെടുത്തി കളക്ടർ ഉത്തരവിറക്കി. 3, 4, 5, 7, 8, 10, 18, 19, 20, 21, 22 എന്നീ വാർഡുകളാണ് ടൗൺ ഉൾപ്പടെ നിയന്ത്രണം ഏർപ്പെടുത്തിയത്. വാണിമേൽ പഞ്ചായത്തിലെ 7, 10, 11 വാർഡുകളും കണ്ടൈൻമെന്റ് സോണിൽ ഉൾപ്പെടുത്തി.

വാണിമേൽ : വിലങ്ങാട് വാട്ടർ ടാങ്കിന് സമീപം പുഴയിൽ വീണ് യുവാവ് മരിച്ചു. മേമറ്റത്തിൽ റോയിയുടെ മകൻ 
സ്റ്റെച്ചിൻ 23  ആണ് മരണപ്പെട്ടത്. ഇന്ന് വൈകീട്ട് പുഴയിലെ ഒഴുക്കിൽ പെട്ട ഇയാളെ കല്ലാച്ചി സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല .

ഇരിങ്ങണ്ണൂർ:ശക്തമായ കാറ്റിൽ വീടിനു മുകളിൽ തെങ്ങ് വീണു വൻ നാശനഷ്ടം.  കഴിഞ്ഞ ദിവസത്തെ ശക്തമായ കാറ്റിലാണ് ഇരിങ്ങണ്ണൂരിലെ പാവൂര് കല്യാണിയുടെ വീടിന് മുകളിൽ ഇന്നലെ രാത്രി ശക്തമായ കാറ്റിലാണ് തെങ്ങ് വീണ് വീടിൻ്റെ ഒരു ഭാഗം തകർന്നത്. അടുക്കളയുടെ മുകൾഭാഗവും ചിമ്മിനിയുമാണ് തകർന്നത്.

നാദാപുരം: ടൗണിലെ പല ചരക്ക് കടയിൽ മോഷണം .   തലശ്ശേരി റോഡിലെ   മലോൽ മൊയ്‌തുഹാജിയുടെ പലചരക്കുകടയിലാണ് 
ഇന്നലെ രാത്രി  മോഷണം നടന്നത്.  കടയുടെ ഒരു ഭാഗത്തെ  ചെറിയ ദ്വാരത്തിലൂടെ  അകത്ത് കടന്ന മോഷ്ടാവ്  കടയിൽ സൂക്ഷിച്ച 29500
രൂപ കവർന്നു . പണം സൂക്ഷിച്ച ബാഗ് കടയിൽ ഉപേക്ഷിച്ച നിലയിലാണ്  . മെലിഞ്ഞ ശരീരമുള്ള   ഒരാൾക്ക് മാത്രമേ ഈ ദ്വാരത്തിലൂടെ  കടയിലേക്ക് ഇറങ്ങാൻ കഴിയുകയുള്ളൂ എന്നാണ്  പോലീസ് നിഗമനം. നാദാപുരം പൊലീസ്  അന്വേഷണം തുടങ്ങിയിട്ടുണ്ട് .

കടമേരി :ഒഴുക്കിൽ പെട്ട രണ്ട് വയസ്സുകാരനെ അതിസാഹസികമായി രക്ഷപ്പെടുത്തി ഏഴു വയസ്സുകാരൻ  മാതൃകയായി. വീട്ടിൽ കളിക്കുന്നതിനിടെ സമീപത്തുള്ള തോട്ടിൽ വീണ കുരുമ്പേരി റഊഫിന്റെ രണ്ട് വയസ്സുള്ള  മകനാണ് കുരുമ്പേരി ലത്തീഫ് -റൈഹാനത്ത്  ദമ്പതികളുടെ മകൻ മുഹമ്മദ്‌ രക്ഷകനായത്. നീന്തൽ വശമുണ്ടായിരുന്ന ഈ കുട്ടി നാടിന്റെ അഭിമാനമായിരിക്കുകയാണ്. മുഹമ്മദിൻ്റെ സാഹസികത നാട്ടുകാരെ അക്ഷരാർത്ഥത്തിൽ അത്ഭുതപ്പെടുത്തി.  നാദാപുരം സിറാജുൽ ഹുദായിൽ രണ്ടാം തരം വിദ്യാർത്ഥിയാണ്.

നാദാപുരം. എസ്‌ വൈ എസ് നാദാപുരം സോൺ കമ്മിറ്റിയുടെ കീഴിൽ നടപ്പിൽ വരുത്തുന്ന ജീവനം ഗ്രീൻ വില്ലേജ് പദ്ധതിയുടെ ഭാഗമായി യൂണിറ്റുകളിൽ നൽകുന്ന ആയിരം വാഴക്കന്നുകളുടെ വിതരണോദ്ഘാടനം കർമ്മം   തൂണേരി ബ്ലോക്ക് കൃഷി അസിസ്റ്റന്റ് ഡയറക്ടർ ഇൻ ചാർജ് ഇബ്രാഹിം കെ എൻ   നിർവഹിച്ചു. എസ് വൈ എസിന്റെ ഈ പദ്ധതി,ഏറെ ശ്രദ്ധേയവും യുവജന സംഘടനകൾക്ക് മാതൃകയുമാണെന്ന് അദ്ദേഹം പറഞ്ഞു.
കേരള  സർക്കാരുമായി സഹകരിച്ച് കാർഷിക പദ്ധതി വിപുലീകരിക്കുന്നതിന്റെ ഭാഗമായി സംഘടിപ്പിക്കുന്ന അതിജീവന പ്രായോഗിക പരിശീലന പദ്ധതിയാണ് ജീവനം ഗ്രീൻ വില്ലേജ്. കാർഷിക സംസ്കാരം വളർത്തുന്നതോടൊപ്പം,വിഷ രഹിത ഭക്ഷ്യോൽപന്നങ്ങളുടെ   ഉൽപാദനം, സ്വയം തൊഴിൽ തുടങ്ങിയവ പദ്ധതിയുടെ ലക്ഷ്യങ്ങളാണ്. ആദ്യഘട്ടത്തിലുള്ള ആയിരം വാഴക്കന്ന് നടുന്ന പദ്ധതിയുടെ വിതരണോദ്ഘാടനമാണ് പേരോട് വെച്ച്  നടന്നത്. പരിപാടിയിൽ എസ് വൈ എസ് നാദാപുരം സോൺ സിക്രട്ടറി ഉബൈദുല്ല സഖാഫി, മുഹമ്മദ് മാസ്റ്റർ പേരോട്, മൂസഹാജി ആവോലം,സി കെ മുഹമ്മദ്,നിസാർ ഫാളിലി,ലതീഫ് സഖാഫി, ഫാറൂഖ് മാസ്റ്റർ,ജാഫർ ടി കെ,സലാം കെ തുടങ്ങിയവർ പങ്കെടുത്തു.

നാദാപുരം : കൊവിഡ് സ്ഥിരീകരിച്ചതിനെ തുടർന്ന് ചികിത്സയിൽ കഴിയുന്നവർക്ക് വിതരണം ചെയ്ത ഉച്ച ഭക്ഷണത്തിൽ നിന്ന് കൂറയെ കിട്ടിയെന്ന് പറഞ്ഞ് ചികിത്സാ കേന്ദ്രത്തിൽ ബഹളം. ജില്ലാ ഭരണ കൂടത്തിന്റെ നിയന്ത്രണത്തിൽ നാദാപുരം എം ഇ ടി കാമ്പസിൽ സജ്ജീകരിച്ച ഫസ്റ്റ് ലൈൻ ട്രീറ്റ്മെന്റ് സെന്ററിലാണ് നാടകീയ രംഗങ്ങൾ അരങ്ങേറിയത്. കഴിഞ്ഞ ദിവസം രാത്രി  ഇവിടെ വൈദ്യുതി അപ്രത്യക്ഷമായത് ബഹളത്തിന് ഇടയാക്കിയിരുന്നു. ഇന്ന് ഉച്ചയോടെ രോഗികൾക്ക് വിതരണം ചെയ്ത ഊണിൽ നിന്ന് ഒരാൾക്ക്  കൂറയെ കിട്ടിയെന്നാണ് പറയുന്നത് . ഇതേ തുടർന്ന് രോഗികൾ ബഹളം വെക്കുകയായിരുന്നു. സെന്ററിലെ ഡോക്ടറും ആരോഗ്യ പ്രവർത്തകരും പരിശോധന നടത്തിയപ്പോൾ കൂറയെ കണ്ടെത്താനായില്ല. ഊണിന്റെ കൂടെ നൽകിയ മൽസ്യത്തിന്റെ തലയുടെ ഭാഗം കൂറയാണെന്ന് തെറ്റിദ്ധരിച്ചതാണെന്ന് ആരോഗ്യ പ്രവർത്തകർ പറയുന്നു .

ഇരിങ്ങണ്ണൂർ: ഇരിങ്ങണ്ണൂർ ടൗൺ, പഞ്ചായത്ത് റോഡ് പരിസരത്തെ എല്ലാ കടകളും രാവിലെ 8 മുതൽ ഉച്ചക്ക് 2 മണി വരെയും, ഹോട്ടലുകൾ വൈകുന്നേരം 5 മണി വരെയും ( പാർസൽ മാത്രം നൽകാനും ) ഒരാഴ്ചത്തേക്ക് മത്സ്യ മാംസങ്ങൾ വിൽക്കുന്ന കടകൾ പൂർണ്ണമായി അടച്ചിടാനും ഓട്ടോ, ടാക്സികൾ ഒരാഴ്ച നിർത്തിവെക്കാനും  തീരുമാനിച്ചു. ഇരിങ്ങണ്ണൂരിൽ ചേർന്ന  സർവ്വകക്ഷി, വ്യാപാരി പ്രതിനിധികളുടെയും പോലീസധികാരികളുടെയും യോഗത്തിൽ എടച്ചേരി ഗ്രാമപഞ്ചായത്ത് പ്രസിഡണ്ട് ടി.കെ അരവിന്ദാക്ഷൻ അധ്യക്ഷത വഹിച്ചു. സി.ഐ എൻ സുനിൽ കുമാർ, വാർഡ് മെമ്പർ ഗംഗാധരൻ പാച്ചാക്കര, എം.കെ പ്രേമദാസ്, ആർ.ടി ഉസ്മാൻ മാസ്റ്റർ, വത്സരാജ് മണലാട്ട്, സി.കെ ബാലൻ, സി.കെ ദാമു, എം.കെ ബാലൻ എന്നിവർ പ്രസംഗിച്ചു. അനാവശ്യമായി  ജനങ്ങൾ വീടുകളിൽ നിന്നും പുറത്തിറങ്ങരുതെന്നും അത്യാവശ്യമായി മാത്രമേ ഇറങ്ങാവൂ എന്നും അതീവ ശ്രദ്ധ പുലർത്തണമെന്നും തീരുമാനിച്ചു. ടൗൺ പരിസരത്തെ  ഒരു കുടുംബത്തിലെ ഏഴ് പേർ രോഗബാധിതരായി ഇപ്പോൾ ചികിത്സയിലാണ്.

നാദാപുരം : ആരോപണ വിധേയനായ മന്ത്രി കെ ടി ജലീൽ രാജിവെക്കണ മെന്നാവശ്യപ്പെട്ട് മുസ്ലിം യൂത്ത് ലീഗ് പ്രവർത്തകർ നാദാപുരത്ത് റോഡ് ഉപരോധിച്ചു. നിയോജക മണ്ഡലം യൂത്ത് ലീഗ് ഭാരവാഹികളും പ്രധാന പ്രവർത്തകരും അടങ്ങുന്ന മുപ്പതോളം പേരാണ് സമരത്തിൽ പങ്കെടുത്തത്. 
സംസ്ഥാന സെക്രട്ടറി വി വി മുഹമ്മദലി സമരം ഉദ്ഘാടനം ചെയ്തു. മണ്ഡലം പ്രസിഡണ്ട് എം കെ സമീർ അധ്യക്ഷനായി. ജനറൽ സെക്രട്ടറി ഇ ഹാരിസ് സ്വാഗതം പറഞ്ഞു. വി അബ്ദുൽ ജലീൽ, സി പി അജ്മൽ തുടങ്ങിയവർ സംസാരിച്ചു .

നാദാപുരം : കേരള സർക്കാറിൻ്റെ റവന്യൂ വകുപ്പിലെ സ്മാർട്ട് റവന്യൂ ഓഫീസ് പദ്ധതിയിൽ ഉൾപ്പെടുത്തി നവീകരിച്ച തൂണേരി വില്ലേജ് ഓഫീസ്   കെട്ടിടം  ഇ. കെ. വിജയൻ എം എൽ എ  ഉദ്ഘാടനം ചെയ്തു . കോവിഡ് പ്രോട്ടോക്കോൾ പാലിച്ചുകൊണ്ട് നടന്ന പരിപാടിയിൽ ഗ്രാമ പഞ്ചായത്ത് പ്രസിഡണ്ട് കെ.പി.സി. തങ്ങൾ അധ്യക്ഷനായി.
ജില്ലാ കലക്ടർ എസ്. സാംബശിവറാവു ഓൺലൈൻ വഴി സ്വാഗതം പറഞ്ഞു., ആർ .ഡി . ഒ:   വി.പി.അബ്ദുറഹിമാൻ, വടകര തഹസിൽദാർ ടി കെ  മോഹനൻ,   ബ്ലോക്ക് പഞ്ചായത്ത് പ്രസിഡണ്ട് സി.എച്ച് ബാലകൃഷ്ണൻ തുടങ്ങി  ജന പ്രതിനിധികൾ, രാഷ്ട്രീയ പാർട്ടി നേതാക്കൾ  തുടങ്ങിയവർ സംബന്ധിച്ചു.  പതിനഞ്ച് ലക്ഷം രൂപ ചെലവിൽ നിർമിച്ച കെട്ടിടത്തിന്റെ പണി  നിർമ്മിതി കേന്ദ്രമാണ് പൂർത്തീകരിച്ചത്. പഞ്ചായത്ത് പ്രസിഡണ്ടിൻ്റെ നേതൃത്വത്തിലുള്ള ജനകീയ സമിതി പശ്ചാത്തല സൗകര്യത്തിനുള്ള സാമഗ്രികൾ സ്പോൺസർഷിപ്പിലൂടെ സമാഹരിക്കുകയും ചെയ്തിട്ടുണ്ട്. എല്ലാ അർത്ഥത്തിലും ജനസൗഹൃദ വില്ലേജ് ഓഫീസായി  മാതൃക യാവുകയാണ് തൂണേരി വില്ലേജ് ഓഫീസ് .

ഇരിങ്ങണ്ണൂർ:എടച്ചേരി പഞ്ചായത്ത് വാർഷിക പദ്ധതിയിൽ ഉൾപ്പെടുത്തി കച്ചേരികുടുംബാരോഗ്യ കേന്ദ്രത്തിൽ വ്യായാമ ഉപകരണങ്ങൾ നൽകുന്ന പരിപാടിപ്രസിഡന്റ്ടി.കെ.അരവിന്ദാക്ഷൻ ഉദ്ഘാടനം ചെയ്തു.ഷീമവള്ളിൽ അധ്യക്ഷതവഹിച്ചു.മെഡിക്കൽഓഫിസർഡോ:ആദർശ് ഉദയൻ റിപ്പോർട്ട് അവതരിപ്പിച്ചു. ബ്ലോക്ക് പ്രസിഡന്റ് സി.എച്ച്.ബാലകൃഷ്ണൻ, രാധതടത്തിൽ, കെ.ടി.കെഷൈനി, ഇ.ഗംഗാധരൻ, വത്സരാജ്മണലാട്ട്, ആർ.ടി ഉസ്മാൻമാസ്റ്റർ, സി.കെബാലൻ, എം.എംകുമാരൻ, കെ.പി.ഗോപാലൻ സംസരിച്ചു. എച്ച്.ഐ.സജീവൻനന്ദി പറഞ്ഞു.

നാദാപുരം: ഇരിങ്ങണ്ണൂരിലെ ആരോഗ്യ ഉപകേന്ദ്രം പുതിയ കെട്ടിട നിർമാണ പ്രവൃത്തി ഇ .കെ വിജയൻ എം.എൽ.എ ഉദ്ഘാടനം ചെയ്തു. എം.എൽ.എയുടെ ആസ്തി വികസന ഫണ്ടിൽ നിന്നും 25 ലക്ഷം രൂപ സബ് സെൻറർ പുനർനിർമിക്കാൻ അനുവദിച്ചിരുന്നു. നിലവിലെ കെട്ടിടം വർഷങ്ങൾ പഴക്കമുള്ളതാണ്. എടച്ചേരി ഗ്രാമപഞ്ചായത്ത് പ്രസിഡണ്ട് ടി.കെ അരവിന്ദാക്ഷൻ അധ്യക്ഷത വഹിച്ചു. തൂണേരി ബ്ലോക്ക് പഞ്ചായത്ത് പ്രസിഡണ്ട് സി.എച്ച് ബാലകൃഷ്ണൻ മുഖ്യാതിഥിയായി. വൈസ് പ്രസിഡണ്ട് കെ.ടി.കെ ഷൈനി, രാഷ്ട്രീയ പാർട്ടി നേതാക്കളായ എം.കെ പ്രേമദാസ്, ആർ.ടി ഉസ്മാൻ മാസ്റ്റർ, വത്സരാജ് മണലാട്ട്, സി.കെ ബാലൻ, വി.പി പവിത്രൻ ,കെ .പി ഗോപാലൻ മെഡിക്കൽ ഓഫീസർ ഡോ. ആദർശ് ജനപ്രതിനിധികളായ ഇ.ഗംഗാധരൻ, രാധതടത്തിൽ, ടി.പി പുരുഷു, ഗ്രീഷ്മ എന്നിവർ പ്രസംഗിച്ചു.നാലാം വാർഡ് മെമ്പർ ഗംഗാധരൻ പാച്ചാക്കര സ്വാഗതം പറഞ്ഞു.

നാദാപുരം : കടത്തനാടൻ ഉൽസവ വേദികളിൽ നിറ സാന്നിധ്യമായിരുന്ന  ഹാസ്യ കലാകാരൻ വെള്ളൂർ പി.രാഘവന്റെ ഓർമ്മയ്ക്ക് ജൻമ നാട്ടിൽ സ്മാരകം ഉയർന്നു . സാംസ്ക്കാരിക വകുപ്പ് 35 ലക്ഷം രൂപ ചെലവിൽ തൂണേരി കോടഞ്ചേരിയിൽ  നിർമിച്ച  സാംസ്കാരിക നിലയത്തിന്റെ ഉൽഘാടനം  മന്ത്രി എ.കെ.ബാലൻ  നിർവഹിച്ചു. ചടങ്ങിൽ  ഇ.കെ. വിജയൻ എം.എൽ.എ  അദ്ധ്യക്ഷത വഹിച്ചു. ബ്ലോക്ക് പ്രസിഡണ്ട് സി എച്ച് ബാലകൃഷ്ണൻ, വാർഡ് മെമ്പർ എം എം രവി, സുജീവൻ തുടങ്ങിയവർ പ്രസംഗിച്ചു.
ശ്രോതാക്കളെ ചിരിപ്പിക്കുകയും ചിന്തിപ്പിക്കുകയും ചെയ്യുന്ന ഏകാഭിനയ ത്തിലൂടെ ജന മനസിൽ ഇടം നേടിയ വെള്ളൂർ പി രാഘവൻ ഒന്നും സമ്പാദിക്കാതെയാണ് വിട പറഞ്ഞത്. കുടുംബത്തിന് കിടപ്പാടം ഒരുക്കിയത് നാട്ടുകാരുടെ സഹായ ത്താലാണ്. മികച്ച ഒരു കലാ കാരൻ എന്ന നിലക്ക് അദ്ദേഹത്തിന് ഒരു സ്മാരകം വേണമെന്ന് നാട്ടുകാർ ഒന്നടങ്കം ആവശ്യപ്പെട്ടിരുന്നു. പ്രദേശത്തെ കൈരളി സാംസ്കാരിക വേദി ഇതിന് ആവശ്യമായ സ്ഥലം കണ്ടെത്തി സർക്കാറിന് കൈമാറി.ഈ സ്ഥലത്താണ് കെട്ടിടം നിർമിച്ചത്.

നാദാപുരം :  സംസ്ഥാന സർക്കാറിന്റെ സാംസ്കാരിക വകുപ്പിന് കീഴിൽ  നാദാപുരത്ത് വാടക കെട്ടിടത്തിൽ പ്രവർത്തിച്ചു വരുന്ന മഹാകവി  മോയിൻകുട്ടി വൈദ്യർ  മാപ്പിള കലാ അക്കാദമി ഉപകേന്ദ്രം  അഞ്ചു മാസത്തിനകം സ്വന്തം കെട്ടിടത്തിലേക്ക് മാറുമെന്ന് സാംസ്കാരിക വകുപ്പ് മന്ത്രി എ കെ ബാലൻ.  നാദാപുരത്ത് നിർമിക്കുന്ന കെട്ടിടത്തിന്റെ പ്രവൃത്തി ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. 
നാദാപുരം ഗവൺമെന്റ് ആശുപത്രിക്ക് സമീപം ജനകീയ കമ്മിറ്റി വിലക്ക് വാങ്ങിയ പതിനെട്ട്  സെന്റ് സ്ഥലത്താണ് ബഹുനില  കെട്ടിടം നിർമ്മിക്കുന്നത്. കെട്ടിട നിർമാണത്തിന് ഒരു കോടി രൂപ സർക്കാർ അനുവദിച്ചിട്ടുണ്ട്. കൊവിഡ് പ്രോട്ടോകോൾ പാലിച്ചു കൊണ്ട് നടന്ന  ചടങ്ങിൽ ഇ കെ വിജയൻ എം എൽ എ അധ്യക്ഷത വഹിച്ചു. വൈദ്യർ അക്കാദമി ചെയർമാൻ ഡോ . ഹുസൈൻ രണ്ടത്താണി സ്വാഗതം പറഞ്ഞു. സെക്രട്ടറി 
റസാഖ് പയമ്പറോട്ട് റിപ്പോൾട്ട് അവതരിപ്പിച്ചു.
ബ്ലോക്ക് പ്രസിഡണ്ട് സി എച്ച് ബാല കൃഷ്ണൻ, പഞ്ചായത്ത് പ്രസിഡണ്ട് എം കെ സഫീറ , ജില്ലാ പഞ്ചായത്ത് അംഗം അഹമ്മദ് പുന്നക്കൽ, രാഷ്ട്രീയ പാർട്ടി നേതാക്കളായ പി മോഹനൻ , സൂപ്പി നരിക്കാട്ടേരി, സി വി കുഞ്ഞികൃഷ്ണൻ ,
വി പി കുഞ്ഞി കൃഷ്ണൻ, പി പി ചാത്തു ,അഡ്വ .പി ഗവാസ്, അഡ്വ . എ സജീവൻ, മുഹമ്മദ് ബംഗ്ലത്ത്, കെ ടി കെ ചന്ദ്രൻ, കെ വി നാസർ, കരിമ്പിൽ ദിവാകരൻ, കെ ജി ലത്തീഫ്, ഏരത്ത് ഇഖ്ബാൽ, വി സി ഇഖ്ബാൽ, സി എച്ച് മോഹനൻ എന്നിവർ സംസാരിച്ചു.

നരിപ്പറ്റ: നരിപ്പറ്റ ഗ്രാമപഞ്ചായത്തിൽ ഇന്ന് 15 പേർക്ക് കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ അറിയിച്ചു. ഇതിൽ 14 പേർ സമ്പർക്കത്തിലൂടെ രോഗ ബാധിതർ ആയവറം ഒരാൾ ഇതര സംസ്ഥാനത്ത് നിന്ന് വന്നയാളുമാണ്. ഇതോടെ നരിപ്പറ്റ പഞ്ചായത്തിൽ ആകെ രോഗികളുടെ എണ്ണം 36 ആയി. ഇതിൽ 30 പേരും പതിനാലാം വാർഡിൽ നിന്നുള്ളവരാണ്.

നാദാപുരം: നാദാപുരം ഗ്രാമപഞ്ചായത്തില്‍ ഇന്ന് 14 പേര്‍ക്ക് കൊവിഡ് സ്ഥിരീകരിച്ചു. ഇതില്‍ ഒരാള്‍ വിദേശത്ത് നിന്ന് വന്നയാളും നാലു പേര്‍ ഇതര സംസ്ഥാനങ്ങളില്‍ നിന്ന് വന്നവരുമാണ്. എട്ടു പേര്‍ക്ക് സമ്പര്‍ക്കത്തിലൂടെയാണ് രോഗബാധയുണ്ടായത്. ഒരാളുടെ രോഗബാധയുടെ ഉറവിടം വ്യക്തമല്ല.

നരിപ്പറ്റ : നരിപ്പറ്റ ഗ്രാമപഞ്ചായത്തിൽ ഇന്ന് 16 പേർക്ക് കൊവിഡ് സ്ഥിരീകരിച്ചു. പതിനാലാം വാർഡിലെ മൂന്ന് കുടുംബങ്ങളിൽ പെട്ടവർക്കാണ് സമ്പർക്കത്തിലൂടെ രോഗബാധ സ്ഥിരീകരിച്ചത്.

നാദാപുരം : ഗ്രാമ പഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി പെരുവങ്കര പുഴയോരത്ത് നിർമിച്ച വയോജന പാർക്ക് കെ . മുരളീധരൻ എം. പി ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് എം കെ സഫീറ അധ്യക്ഷത വഹിച്ചു.
വൈസ് പ്രസിഡണ്ട്  സി വി കുഞ്ഞി കൃഷ്ണൻ, സ്ഥിരം സമിതി ചെയർമാൻ മുഹമ്മദ് ബംഗ്ലത്ത് , മെമ്പർമാരായ എം പി സൂപ്പി , വി വി മുഹമ്മദലി , വാസു എരഞ്ഞിക്കൽ തുടങ്ങിയവർ പ്രസംഗിച്ചു.

നാദാപുരം : പ്രണയം നടിച്ച് പതിനാറുകാരിയെ പീഡിപ്പിച്ച സംഭവത്തിൽ യുവാവ് റിമാന്റിൽ . പയന്തോങ്ങ് കുറ്റ്യേരിമീത്തൽ അഭിൻരാജ് (20) നെയാണ് നാദാപുരം സി.ഐ. എൻ. സുനിൽകുമാർ അറസ്റ്റ് ചെയ്തത് നാദാപുരം കോടതിയിൽ ഹാജരാക്കിയ പ്രതിയെ 
14 ദിവസം  റിമാന്റിലാക്കി.
ഡ്രൈവറായ പ്രതി രണ്ടുവർഷമായി കുട്ടിയുമായി  അടുപ്പത്തിലായിരുന്നു.  കുട്ടിയുടെ വീട്ടിൽപോയി ശാരീരികമായി ഉപദ്രവിച്ചുവെന്നാണ്  വീട്ടുകാർ പോലീസിൽ നൽകിയ പരാതിയിൽ പറയുന്നത്.

കക്കട്ടിൽ: കനത്ത മഴയെ തുടർന്ന് കക്കട്ട് കൈവേലി  റോഡിൽ കെട്ടിടം തകർന്നു. ഇന്ന് പുലർച്ചയോടെയാണ് സംഭവം. ആൾ ഒഴിഞ്ഞ സമയമായതിനാൽ വൻ ദുരന്തം ഒഴിവായി. കക്കട്ടിൽ സി.പി.ഐ.എം ഓഫിസിന് സമീപമുള്ള കടയാണ് തകർന്നു വീണത്. പോലീസ്, ഫയർഫോർസ്, നാട്ടുകാർ ചേർന്ന് കെട്ടിടത്തിൻ്റെ ഉള്ളിൽ അകപ്പെട്ട പലചരക്ക് സാധനങ്ങൾ നീക്കം ചെയ്തു.

കക്കട്ടിൽ: കനത്ത മഴയെ തുടർന്ന് കക്കട്ട് കൈവേലി  റോഡിൽ കെട്ടിടം തകർന്നു. ഇന്ന് പുലർച്ചയോടെയാണ് സംഭവം. ആൾ ഒഴിഞ്ഞ സമയമായതിനാൽ വൻ ദുരന്തം ഒഴിവായി. കക്കട്ടിൽ സി.പി.ഐ.എം ഓഫിസിന് സമീപമുള്ള കടയാണ് തകർന്നു വീണത്. പോലീസ്, ഫയർഫോർസ്, നാട്ടുകാർ ചേർന്ന് കെട്ടിടത്തിൻ്റെ ഉള്ളിൽ അകപ്പെട്ട പലചരക്ക് സാധനങ്ങൾ നീക്കം ചെയ്തു.

നാദാപുരം: ചെന്നൈ പൂനവല്ലി സി.ആർ.പി.എഫ്. ആസ്ഥാനത്ത് സ്വയം വെടിവെച്ച് മരിച്ച സൈനികന്റെ മൃതദേഹം  സ്വദേശമായ വളയത്തെ വീട്ടു വളപ്പിൽ .
സംസ്ക്കരിച്ചു. ഇന്ന് രാവിലെ പതിനൊന്നര യോടെ നാട്ടിലെത്തിച്ച മൃതദേഹം ഔദ്യോഗിക ബഹുമതികളോടെയാണ് സംസ്കരിച്ചത്.  
വളയം പരദേവതാ ക്ഷേത്രത്തിനടുത്ത് കാക്കച്ചി പുതിയോട്ടിൽ ശ്രീജയൻനായരാണ്  കഴിഞ്ഞ ദിവസം ജീവനൊടുക്കിയത്. ചെന്നൈയിൽ നിന്ന് റോഡ് മാർഗമാണ് മൃതദേഹം നാട്ടിലെത്തിച്ചത്.
ശ്രീജയൻ്റെ ഭാര്യയും കുട്ടികളും ഇന്നലെ രാത്രിയോടെ വിമാനമാർഗം നാട്ടിലെത്തിയിരുന്നു. മൊകേരി, മടപ്പള്ളി ഗവ.കോളേജുകളിലെ മിടുക്കനായ വിദ്യാർത്ഥിയായിരുന്ന ശ്രീജയൻ നല്ല പാട്ടുകാരൻ കൂടിയായിരുന്നു.  ജീവിതത്തിൻ്റെ അവസാന നിമിഷം വരെ സൗഹൃദങ്ങൾ ജീവ വായു പോലെ കാത്തു സൂക്ഷിച്ചതായി സഹപാഠികൾ 
പറഞ്ഞു.
”അരികിൽ നീ ഉണ്ടായിരുന്നെങ്കിൽ…. എന്നു ഞാൻ ഒരു മാത്ര വെറുതെ നിനച്ചു പോയി……. ” എന്ന  
പാട്ടു പാടുന്ന ചിത്രവും 
തോക്കും ആത്മഹത്യ കുറിപ്പും ഫേസ് ബുക്കിൽ പോസ്റ്റ് ചെയ്താണ് 
ശ്രീജയൻ മരിച്ചത്.
മൃതദേഹം നാട്ടിലേക്ക് കൊണ്ട് പോകേണ്ടെന്നും ചെന്നയിൽ സംസ്ക്കരിക്കണമെന്നും ആത്മഹത്യ കുറിപ്പിൽ ഉണ്ടായിരുന്നു. എന്നാൽ ബന്ധുക്കളുടെ തീരുമാന പ്രകാരമാണ് ജന്മ ദേശത്ത് തന്നെ സംസ്കരിച്ചത്.
ചെന്നൈ പൂനമള്ളിക്കടുത്തുള്ള കരയൻചാവടിയിൽ ചൊവ്വാഴ്ച രാവിലെയാണ് സംഭവം . സിആർപിഎഫ് ഡെപ്യൂട്ടി കമാൻഡൻ്റായ  ശ്രീജയൻ സെമി ഓട്ടോമാറ്റിക് തോക്ക് ഉപയോഗിച്ച് ആത്മഹത്യ ചെയ്യുകയായിരുന്നു.

നാദാപുരം :  സംസ്ഥാന സർക്കാറിന്റെ സാംസ്കാരിക വകുപ്പിന് കീഴിൽ  നാദാപുരത്ത് വാടക കെട്ടിടത്തിൽ പ്രവർത്തിച്ചു വരുന്ന മഹാകവി  മോയിൻകുട്ടി വൈദ്യർ  മാപ്പിള കലാ അക്കാദമി ഉപകേന്ദ്ര ത്തിന് നിർമിക്കുന്ന  കെട്ടിടത്തിന്റെ ശിലാസ്ഥാപന കർമ്മം 15  ന് രാവിലെ 11 മണിക്ക്  മന്ത്രി എ കെ ബാലൻ നിർവഹിക്കും .  നാദാപുരം ഗവൺമെന്റ് ആശുപത്രിക്ക് സമീപം ജനകീയ കമ്മിറ്റി വിലക്ക് വാങ്ങിയ പതിനെട്ട്  സെന്റ് സ്ഥലത്താണ് ബഹുനില  കെട്ടിടം നിർമ്മിക്കുന്നത്. കെട്ടിട നിർമാണത്തിന് ഒരു കോടി രൂപ സർക്കാർ അനുവദിച്ചിട്ടുണ്ട്. കൊവിഡ് പ്രോട്ടോകോൾ പാലിച്ചു കൊണ്ട് നടക്കുന്ന ശിലാ സ്ഥാപന ചടങ്ങിൽ ഇ കെ വിജയൻ എം എൽ എ അധ്യക്ഷത വഹിക്കും.

നാദാപുരം : തൂണേരി ബ്ലോക്ക് പഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി ഗവ .താലൂക്ക് ആശുപത്രിയിൽ നവീകരിച്ച ഫാർമസി നാളെ രാവിലെ 10 ന് ബ്ലോക്ക് പ്രസിഡണ്ട് സി എച്ച് ബാലകൃഷ്ണൻ ഉദ്ഘാടനം ചെയ്യും . വൈസ് പ്രസിഡണ്ട് ടി എം ചന്ദ്രി അധ്യക്ഷത വഹിക്കും .ജില്ലാ പ്രോഗ്രാം മാനേജർ ഡോ . എ നവീൻ താക്കോൽ കൈമാറും .
ജന പ്രതിനിധികളും ആരോഗ്യ വകുപ്പ് ജീവനക്കാരും ചടങ്ങിൽ സംബന്ധിക്കും .

നാദാപുരം : ചെക്യാട് പ്രൈമറി ഹെൽത്ത് സെന്ററിലെ നഴ്‌സിന് കൊവിഡ് സ്ഥിരീകരിച്ച സാഹചര്യത്തിൽ പി എച്ച് സി അടച്ചിടാൻ തീരുമാനിച്ചിട്ടില്ലെന്ന് മെഡിക്കൽ ഓഫിസർ അറിയിച്ചു. ഇന്ന് അണു നശീകരണത്തിന് വേണ്ടിയാണ് ആശുപത്രി അടച്ചത്. നാളെ മുതൽ പതിവു പോലെ ആശുപത്രി തുറന്ന് പ്രവർത്തിക്കുമെന്ന് അദ്ദേഹം പറഞ്ഞു.

പാറക്കടവ്: ചെക്യാട് പ്രഥമിക ആരോഗ്യ കേന്ദ്രത്തിലെ നഴ്സിന് കോവിഡ് സ്ഥിരീകരിച്ചു. കഴിഞ്ഞ ദിവസം വളയത്ത് നടന്ന പി.സി.ആർ പരിശോധന ഫലമാണ് ഇന്ന് പുറത്തു വന്നത്. ഇതോടെ ചെക്യാട് പ്രാഥമിക ആരോഗ്യ കേന്ദ്രം അടച്ചു. മറ്റു ജീവനക്കാരോട് ക്വാറന്റയിനിൽ പോകാൻ നിർദേശം നൽകി.

നാദാപുരം : പൊതു വിദ്യാലയങ്ങള അന്തർദേശീയ നിലവാരത്തിലേക്ക് ഉയർത്തുന്നതിന്റെ ഭാഗമായി  വിദ്യാസവകുപ്പ് കിഫ്ബി മുഖേന 5 കോടി ചെലവിൽ നിർമ്മിച്ച വളയം ഹയർ സെക്കന്ററി സ്ക്കുളിന്റെ പുതിയ ബ്ലോക്കിന്റെ ഉൽഘാടനം  മുഖ്യമന്ത്രി പിണറായി വിജയൻ ഓൺ ലൈനിൽ  നിർവ്വഹിച്ചു.  വിദ്യാഭ്യാസ വകുപ്പ് മന്ത്രി സി.രവീന്ദ്രനാഥ് അദ്ധ്യക്ഷനായി.
ഇന്ന് രാവിലെ 11 ന് വളയം സ്കൂൾ ഓഡിറ്റോറിയത്തിൽ സജ്ജീകരിച്ച പ്രത്യേകം ക്ഷണിക്കപ്പെട്ട സദസിന് മുൻപാകെയാണ്    ഉദ്ഘാടന പ്രസംഗം നടന്നത്. ഇ കെ വിജയൻ എം എൽ എ , ജില്ലാ പഞ്ചായത്ത് അംഗം അഹമ്മദ് പുന്നക്കൽ, ബ്ലോക്ക് പഞ്ചായത്ത് പ്രസിഡണ്ട് സി എച്ച് ബാലകൃഷ്ണൻ, 
ചെക്യാട് ഗ്രാമ പഞ്ചായത്ത് പ്രസിഡണ്ട് 
തൊടുവയിൽ മഹ്മൂദ് , വളയം ഗ്രാമ പഞ്ചായത്ത് പ്രസിഡണ്ട് എം സുമതി, ബ്ലോക്ക് മെമ്പർ കെ പി കൃഷ്ണൻ എന്നിവരും വിവിധ രാഷ്ട്രീയ പാർട്ടി നേതാക്കളും വിദ്യാഭ്യാസ പ്രവർത്തകരും ചടങ്ങിൽ സംബന്ധിച്ചു. 
മൊത്തം 12 കോടി രൂപയുടെ മാസ്റ്റർ 
പ്ലാനാണ് തയ്യാറാക്കിയത്.   കൈറ്റ് മുഖേന നടപ്പിലാക്കിയ പദ്ധതി യുഎൽ.സി.സി.എസ് ആണ് ഏറ്റെടുത്ത് പൂർത്തീകരിച്ചത്. 
മൂന്ന് നിലകളിലായി നിർമ്മിച്ച കെട്ടിടത്തിൽ പതിനെട്ട് ഹൈടെക്ക് ക്ലാസ് റൂമുകൾ, ഓഫീസ് സമുച്ചയം, ആൺ കുട്ടികൾക്കും പെൺ കുട്ടികൾക്കുമുള്ള ടോയിലറ്റ് എന്നിവ  ഒരുക്കിയിട്ടുണ്ട്.

നാദാപുരം : നാടിന്റെ സ്വാസ്ഥ്യം കെടുത്തുന്ന ക്രിമിനൽ സംഘത്തിന് സംരക്ഷണം നൽകുകയാണ് പിണറായി സർക്കാർ ചെയ്യുന്നതെന്ന് കെ പി സി സി വൈസ് പ്രസിഡണ്ട് അഡ്വ . ടി സിദ്ദീഖ്. കല്ലാച്ചിയിലെ കോൺഗ്രസ് മണ്ഡലം കമ്മിറ്റി ഓഫീസിന് നേരെ ബോംബാക്രമണം നടത്തിയ കേസിലെ  പ്രതികളെ അറസ്റ്റ് ചെയ്യാത്തതിൽ പ്രതിഷേധിച്ച് നാദാപുരം പോലീസ് സ്റ്റേഷനു മുന്നിൽ മണ്ഡലം കോൺഗ്രസ് പ്രസിഡണ്ട് കെ എം രഘുനാഥിന്റെ നേതൃത്വത്തിൽ നടന്ന  സത്യാഗ്രഹ സമരം ഉദ്ഘാടനം ചെയ്യുകയായിരുന്നു അദ്ദേഹം. നാദാപുരത്തെ പോലീസ് സി പി എം നേതാക്കൾക്ക് പാദ സേവ ചെയ്യുകയാണ്. ഇരിങ്ങണ്ണൂർ സംഭവത്തിലെ  പ്രതികളെ പിടി കൂടിയപ്പോൾ സി പി എം നേതാക്കളുടെ സമ്മർദ്ദ പ്രകാരം വിട്ടയച്ചത് ഇതിന് തെളിവാണെന്ന് സിദ്ദീഖ് വ്യക്തമാക്കി .യു സി എഫ് മണ്ഡലം ചെയർമാൻ അഹമ്മദ് പുന്നക്കൽ, 
ഡി സി സി ഭാരവാഹികളായ പ്രമോദ് കക്കട്ടിൽ , സി വി കുഞ്ഞി കൃഷ്ണൻ, മോഹനൻ പാറക്കടവ്, ലീഗ് നേതാക്കളായ എം പി സൂപ്പി , വി വി മുഹമ്മദലി തുടങ്ങിയവർ പ്രസംഗിച്ചു.
ഒ.പി.ഭാസകരൻ , സി.കെ.ബഷീർ,  കെ.പ്രേമൻ, ടി.രവീന്ദ്രൻ, ഉമേഷ് പെരുവങ്കര, ഇ.മുരളീധരൻ, ഇ.പ്രവീൺ കുമാർ, പ്രജിത്ത് .എം നേതൃത്വം നൽകി.

നാദാപുരം : ഗ്രാമ പഞ്ചായത്തിൽ ജനകീയാസൂത്രണ പദ്ധതിയിൽ ഉൾപ്പെടുത്തി 17 ലക്ഷം രൂപാ ചെലവിൽ കല്ലാച്ചി കോടതി പരിസരത്ത്  നിർമിച്ച പൊതു ശൗചാലയം നാളെ നാടിന് സമർപിക്കും. വൈകീട്ട് നാല് മണിക്ക് 
പ്രസിഡണ്ട്  എം .കെ സഫീറയാണ് സമർപ്പണം നടത്തുന്നത് . 5 ലക്ഷം രൂപ ചെലവിൽ നിർമിച്ച മീറ്റിംഗ് ഹാളിന്റെ ഉദ്ഘാടനവും നാളെ നടക്കും .പഞ്ചായത്ത് ഓഫീസ് വളപ്പിൽ പതിനാലര ലക്ഷം രൂപ ചെലവിൽ നിർമിച്ച ഡിജിറ്റൽ ലൈബ്രറിയും പെരുവങ്കരയിലെ പുഴയോരത്ത്  33 ലക്ഷം ചെലവിൽ നിർമിച്ച വയോജന പാർക്കും 12 ന് കെ. മുരളീധരൻ എം.പി ഉദ്ഘാടനം ചെയ്യും. 
പാർക്കിന് 18 ലക്ഷം ഗ്രാമ പഞ്ചായത്ത് ഫണ്ടും  15 ലക്ഷം ജില്ലാ പഞ്ചായത്ത് ഫണ്ടുമാണ്. വാർത്താ സമ്മേളനത്തിൽ ഗ്രാമ പഞ്ചായത്ത് പ്രസിഡണ്ട് എം.കെ  സഫീറ, വൈസ് പ്രസിഡണ്ട് സി.വി കുഞ്ഞി കൃഷ്ണൻ, സ്ഥിരം സമിതി ചെയർമാൻമാരായ മുഹമ്മദ് ബംഗ്ലത്ത് , ബീന അണിയാരിമ്മൽ, ടി.കെ സുബൈദ എന്നിവർ പങ്കെടുത്തു.

നാദാപുരം : കല്ലാച്ചിയിലെ കോൺഗ്രസ് മണ്ഡലം കമ്മിറ്റി ഓഫീസിന് നേരെ  ബോംബാക്രമണം നടത്തിയ കേസിലെ  പ്രതികളെ അറസ്റ്റ് ചെയ്യാത്തതിൽ പ്രതിഷേധിച്ച് നാളെ ( ബുധൻ ) നാദാപുരം പോലീസ് സ്റ്റേഷനു മുന്നിൽ മണ്ഡലം കോൺഗ്രസ് നേതാക്കൾ സത്യാഗ്രഹ സമരം നടത്തും. കാലത്ത് 10 മുതൽ 1 മണി വരെ നടക്കുന്ന സമരം കെ പി സി സി  വൈസ് പ്രസിഡൻ്റ്‌ അഡ്വ.ടി.സിദ്ദിഖ് ഉൽഘാടനം ചെയ്യും.
നാദാപുരത്തെ പോലീസ്  ആത്മാർത്ഥത കാട്ടാത്തതു കൊണ്ട് മാത്രമാണ് പ്രതികളെ പിടിക്കാത്തതെന്ന് മണ്ഡലം കോൺഗ്രസ് യോഗം കുറ്റപ്പെടുത്തി.  പ്രസിഡൻ്റ് അഡ്വ.കെ.എം. രഘുനാഥ് അദ്ധ്യക്ഷത വഹിച്ചു. ഒ.പി.ഭാസകരൻ, സി.കെ.ബഷീർ,  കെ.പ്രേമൻ, ടി.രവീന്ദ്രൻ, ഉമേഷ് പെരുവങ്കര, ഇ.മുരളീധരൻ, ബി.എം. സൂപ്പി ഹാജി, ഇ.പ്രവീൺ കുമാർ, പ്രജിത്ത് .എം എന്നിവർ സംസാരിച്ചു.

കുറ്റ്യാടി:വളയം, കുറ്റ്യാടി ഹയര്‍സെക്കന്‍ഡറി സ്‌കൂളുകളിലെ നവീകരിച്ച കെട്ടിടങ്ങളുടെ ഉദ്ഘാടനം നാളെ (  ബുധൻ ) രാവിലെ 11 ന്   മുഖ്യമന്ത്രി പിണറായി വിജയന്‍ വീഡിയോ കോൺഫറൻസിലൂടെ നിര്‍വഹിക്കും. വിദ്യാഭ്യാസമന്ത്രി സി. രവീന്ദ്രനാഥ് അധ്യക്ഷനാവും. പത്ത് കോടിരൂപ ചെലവില്‍ വികസിപ്പിക്കുന്ന വളയം സ്‌കൂളില്‍ സ്മാര്‍ട്ട് ക്ലാസ്‌റൂം, സയന്‍സ് ലാബ് ഉള്‍പ്പടെയുള്ള കെട്ടിടമാണ് ആദ്യഘട്ടത്തില്‍ പൂര്‍ത്തിയായത്. സംസ്ഥാനസര്‍ക്കാര്‍ അഞ്ച് കോടിയും എം.എല്‍.എ.യുടെ പ്രാദേശികവികസനഫണ്ടില്‍ നിന്ന് ഒരുകോടിയും ജില്ലാപഞ്ചായത്ത് ഒന്നരക്കോടിയും ജനകീയ പങ്കാളിത്തത്തോടെ രണ്ടരക്കോടിയും കെട്ടിട നിര്‍മാണത്തിനായി സമാഹരിച്ചു. ആധുനിക സൗകര്യങ്ങളോടെയുള്ള പാചകപ്പുര, സിന്തറ്റിക് ട്രാക്ക്, ചുറ്റുമതില്‍ തുടങ്ങിയവയുടെ നിര്‍മാണമാണ് ഇനി ബാക്കിയുള്ളത്.
കുറ്റ്യാടിഎച്ച്.എസ്.എസില്‍ ഹൈസ്‌കൂള്‍ വിഭാഗത്തില്‍ 16 ക്ലാസ്മുറികളും ഹയര്‍ സെക്കന്‍ഡറിക്ക് എഴ് വലിയ ഹാളുകളും ഉള്‍പ്പെടുന്ന ആധുനിക കെട്ടിടസമുച്ചയമാണ് നിര്‍മിച്ചിത്. ആറേമുക്കാല്‍ കോടി ചെലവുവരുന്ന വികസന പദ്ധതിയാണ് നടപ്പാക്കുന്നത്. അരനൂറ്റാണ്ട് മുമ്പ് ഓലഷെഡ്ഡില്‍ തുടങ്ങിയ മലയോര മേഖലയിലെ ആദ്യ സര്‍ക്കാര്‍ വിദ്യാലയമാണിത്. 

വടകര:  ജില്ലാ ആശുപത്രിയിൽ  ധന്വന്തരി ഡയാലിസിസ് സെന്ററിന്റെ  പുതിയ കെട്ടിട ഉദ്ഘാടനത്തിനിടെ   യുവമോർച്ച പ്രവർത്തകർ പ്രതിഷേധവുമായി രംഗത്ത് . ആരോഗ്യമന്ത്രി കെ കെ ശൈലജ ടീച്ചർ  ഓൺലൈനിലൂടെ ഉദ്ഘാടനം ചെയ്ത് സംസാരിക്കവെയാണ് പ്രതിഷേധക്കാർ എത്തിയത്.  നാലോളം യുവമോർച്ച പ്രവർത്തകർ  പത്ത് മിനുട്ടോളം  മുദ്രാവാക്യം വിളിച്ചു. പോലീസ് സ്ഥലത്ത്  എത്തുന്നതിനുമുമ്പ് സമരക്കാർ  രക്ഷപ്പെടുകയായിരുന്നു..   വടകര എസ് ഐ ഷറഫുദ്ദീന്റെ നേതൃത്വത്തിൽ പൊലീസ്  സംഘം സ്ഥലത്ത്  എത്തി.
ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി ,വടകര എംഎൽഎ സി കെ നാണു, നഗര സഭ ചെയർമാൻ കെ ശ്രീധരൻ ജില്ലാ ആശുപത്രി സൂപ്രണ്ട് കെ.വി അലി ജില്ലാ പഞ്ചായത്ത് മെമ്പർ ബൽറാം തുടങ്ങി  രാഷ്ട്രീയ സാമൂഹിക പ്രവർത്തകരുടെ സാന്നിധ്യത്തിലാണ്   ഡയാലിസിസ് കെട്ടിട  ഉദ്ഘാടനം നടന്നത് .

നാദാപുരം : ജനകീയ ദുരന്ത നിവാരണ സേന ഓഫീസ് ചേലക്കാട്ട് പ്രവർത്തനമാരംഭിച്ചു. നാദാപുരം പൊലീസ് സബ് ഇൻസ്പെക്ടർ പി എം സുനിൽ കുമാർ ഉദ്ഘാടനം ചെയ്തു . സൂപ്പി നരിക്കാട്ടേരി, കെ എം രഘുനാഥ് , കെ ടി കെ ചന്ദ്രൻ , എം പി സൂപ്പി തുടങ്ങിയവർ പ്രസംഗിച്ചു.
രക്ഷാ  പ്രവർത്തത്തിൽ പങ്ക് ചേർന്ന ആംബുലൻസ് ഡ്രൈവർമാരെ  ചടങ്ങിൽ ആദരിച്ചു . സി കെ ബഷീർ , സി എം കുഞ്ഞമ്മദ് , ബഷീർ കോടഞ്ചേരി , ഷമീം അലങ്കാർ , ആർ ഹമീദ് തുടങ്ങിയവർ സംബന്ധിച്ചു.

നാദാപുരം: ഗവ. താലൂക്ക് ആശുപത്രിയിൽ  അരക്കോടിയിലേറെ രൂപാ ചിലവിൽ സംസ്ഥാന ആരോഗ്യ വകുപ്പ്   ഒരുക്കിയ ആധുനിക രീതിയിലുള്ള  ക്വഷ്വാലിറ്റി യുടെ ഉൽഘാടനം  ആരോഗ്യ വകുപ്പ് മന്ത്രി കെ.കെ. ശൈലജ നിർവഹിച്ചു. വീഡിയോ കോൺഫറൻസിലൂടെ യാണ് ഉദ്ഘാടനം നടനത്. ഇന്ന് രാവിലെ 11 മണിക്ക് നടന്ന ചടങ്ങിൽ  ഇ.കെ. വിജയൻ എം.എൽ.എ. അദ്ധ്യക്ഷത വഹിച്ചു . കലക്ടർ സാംബശിവ റാവു ,ബ്ലോക്ക് പ്രസിഡന്റ് സി.എച്ച്. ബാലകൃഷ്ണൻ, ഗ്രാമ പഞ്ചായത്ത് പ്രസിഡണ്ട് എം കെ സഫീറ,   ജില്ലാ മെഡിക്കൽ ഓഫീസർ ഡോ. വി. ജയശ്രീ,ഡോ. എ. നവീൻ തുടങ്ങിയവർ   സംസാരിച്ചു. കൊവിഡ് പ്രൊട്ടോക്കോൾ പ്രകാരം  ജനപ്രതിനിധികളും നാദാപുരം ആശുപത്രി ജീവനക്കാരും മാത്രമാണ് ചടങ്ങ് വീക്ഷിക്കാൻ എത്തിയത്. ഊരാളുങ്കൽ ലേബർ കോൺട്രാക്ട് സൊസൈറ്റിയാണ് നിർമ്മാണ പ്രവൃത്തികൾ   സമയബന്ധിതമായി പൂർത്തീകരിച്ചത്. താലൂക്ക് ആശുപത്രിയിൽ ഇ-ഹെൽത്ത് സൗകര്യം ഒരുക്കുന്നതിന് എം.എൽ.എയുടെ  ആസ്തിവികസന ഫണ്ടിൽ നിന്നും 50 ലക്ഷം രൂപ അനുവദിച്ചിട്ടുണ്ട്.  ടെലി മെഡിസിൻ സൗകര്യത്തിലൂടെ രോഗികളെ വീട്ടിലിരുന്ന് പരിശോധിക്കുന്നതാണ്   ഇ-ഹെൽത്ത് പദ്ധതി. ഇതിനാവശ്യമായ ഇന്റർ നെറ്റ് സൗകര്യം , കമ്പ്യൂട്ടർ ഉൾപ്പെടെ യുള്ള ഭൗതിക സാഹചര്യം ഒരുക്കുന്ന തിനാണ് തുക അനുവദിച്ചത്. ജില്ലാ മെഡിക്കൽ ഓഫീസർക്കാണ് പദ്ധതിയുടെ നിർവ്വഹണ ചുമതല.

വാണിമേൽ: ബൈക്ക് യാത്രികർ അപകടത്തിൽപ്പെടാൻ തുടങ്ങിയതോടെ പള്ളി കമ്മിറ്റി ഭാരവാഹികൾ റോഡിലെ ചരൽ കല്ലും മണ്ണും നീക്കം ചെയ്തു മാതൃകയായി. വാണിമേൽ കുളപറമ്പിലാണ് മഴവെള്ളത്തോടൊപ്പം  റോഡിലേക്ക് ചെറിയ കല്ലും മണ്ണും ഒഴുകി എത്തിയത്. റോഡിൽ മൺകൂന ഉയർന്നതോടെ ബൈക്ക് യാത്രികൾ തെന്നി വീഴാൻ തുടങ്ങി. കല്ലാച്ചി വാണിമേൽ റോഡിൽ കുളപറമ്പ് ഭാഗത്ത് പല സ്ഥലങ്ങളിലും മഴക്കാലമായാൽ റോഡിൽ കല്ലും മണ്ണും ഒഴുകിയെത്തി യാത്രയ്ക്ക് തടസ്സമാകുന്നുണ്ട്
ബൈക്ക് യാത്രികർ അപകടത്തിൽപ്പെടാൻ തുടങ്ങിയതോടെ സമീപത്തെ ജലാലിയ മസ്ജിദ് കമ്മിറ്റി ഭാരവാഹികൾ റോഡ് വൃത്തിയാക്കുകയായിരുന്നു. തെങ്ങലക്കണ്ടി മജീദ്, കിണറുള്ള പറമ്പത്ത് കാസിം, കൊളത്തായ് അലി, കെ.പി ഇസ്മായിൽ , കെ.പി ഇബ്രാഹിം, വി.പി മമ്മു, കുളപറമ്പത്ത് കുഞ്ഞബ്ദുല്ല, മരുതേരിക്കണ്ടി മായൻ എന്നിവരാണ് നാട്ടുകാർക്ക് ഏറെ ഉപകാരപ്രദമായ സേവനം ചെയ്തത്.

നാദാപുരം : കൊവിഡ് പോസിറ്റീവ് കേസുകൾ റിപ്പോർട്ട് ചെയ്തതിനെ തുടർന്ന് കണ്ടയിൻമെന്റ് സോണായി പ്രഖ്യാപിച്ച നാദാപുരം പഞ്ചായത്തിലെ ഇരുപത്തി ഒന്നാം വാർഡിൽ പെട്ട നാദാപുരം ടൗണിനെ കണ്ടയിൻ മെന്റ് സോണിൽ നിന്ന് ഒഴിവാക്കിയതായി ജില്ലാ കലക്ടർ അറിയിച്ചു .
എന്നാൽ , ഈ വാർഡുകളിലെ മറ്റിടങ്ങൾ കണ്ടയ്ൻമെന്റ് സോണിൽ തുടരും . വില്യാപ്പള്ളി പഞ്ചായത്തിലെ ഒന്നാം വാർഡും , ചങ്ങരോത്ത് പഞ്ചായത്തിലെ പതിനാലാം വാർഡും കണ്ടയ്ൻമെന്റ് സോണിൽ നിന്ന് ഒഴിവാക്കിയിട്ടുണ്ട് .
പേരാമ്പ്ര ടൗൺ , വടകര നഗര സഭയിലെ ചില ഭാഗങ്ങൾ , അഴിയൂർ പഞ്ചായത്തിലെ ചില പ്രദേശങ്ങൾ എന്നിവയും കണ്ടയ്ൻമെന്റ് സോണിൽ നിന്ന് ഒഴിവാക്കി .

പെരിങ്ങത്തൂർ : പാനൂർ നഗരസഭയിൽ പടന്നക്കരയിൽ സ്ഫോടനം. ആൾപാർപ്പില്ലാത്ത പറമ്പിൽ നിന്ന് കിട്ടിയ സ്റ്റീൽ പാത്രങ്ങൾ പുഴയിലെറിഞ്ഞപ്പോഴാണ്  സ്ഫോടനമുണ്ടായത്.   ഇന്ന്  വൈകീട്ട് 6 മണിയോടെയാണ് സംഭവം. പടന്നക്കര  കൊളങ്ങരക്കണ്ടി പത്മനാഭൻ്റെ പറമ്പ് വൃത്തിയാക്കുന്നതിനിടയിൽ കിട്ടിയ സ്റ്റീൽ പാത്രങ്ങൾ ആഭിചാര ക്രിയയാണെന്ന് ധരിച്ച് ഉപേക്ഷിക്കാൻ വീട്ടുകാർ തീരുമാനിച്ചു.  ബാംഗ്ലൂരിൽ സ്ഥിരതാമസമാക്കിയ ഇവരുടെ വീട് അടച്ചിട്ടിരിക്കുകയായിരുന്നു.  സ്റ്റീൽ ബോംബാണി തെന്നറിയാതെ  കാറിൽ കൊണ്ടുപോയി  കാഞ്ഞിരക്കടവ് പാലത്തിൽ നിന്ന്   പുഴയിലെറിഞ്ഞു.  തുടർന്ന് ഉഗ്ര ശബ്ദത്തോടെ സ്ഫോടനമുണ്ടായി  ശബ്ദം കേട്ട നാട്ടുകാർ കൂട്ടത്തോടെ  പുഴയോരത്തേക്കെത്തി.  
ചൊക്ലി പോലീസ് സംഭവസ്ഥലത്തെത്തി.

നാദാപുരം: നാദാപുരം പൊലിസ് സ്റ്റേഷൻ മാർച്ച് നടത്തിയ യൂത്ത് ലീഗ് പ്രവർത്തകർക്കെതിരെ കേസെടുത്തു. സംസ്ഥാന സെക്രട്ടറി വി.വി മുഹമ്മദലി അടക്കം ഇരുപത് പേർക്കെതിരെയാണ് കേസെടുത്തത്. ഇന്ന് രാവിലെ 11 മണിക്കാണ് മാർച്ച് നടന്നത്. കഴിഞ്ഞ ദിവസം ഇരിങ്ങണ്ണൂരിലെ പാർട്ടി ഓഫിസുകൾ തകർത്ത പ്രതികളെ സ്റ്റേഷൻ ജാമ്യത്തിൽ വിട്ടയച്ചതിൽ പ്രതിഷേധിച്ചാണ് മാർച്ച് നടത്തിയത്‌. നാദാപുരം ഗവ. യു.പി സ്കൂൾ പരിസരത്ത് നിന്നാരംഭിച്ച മാർച്ച് സ്റ്റേഷൻ പരിസരത്ത് പൊലിസ് തടഞ്ഞതിനെ തുടർന്ന് പ്രവർത്തകരും പൊലിസും തമ്മിൽ ഉന്തും തള്ളും നടന്നു. 

നാദാപുരം :  നാട്ടിൽ കലാപം സൃഷ്ടിക്കാൻ ശ്രമിച്ചതിന്റെ പേരിൽ അറസ്റ്റിലായ  സി പി എം പ്രവർത്തകരെ നിസാര വകുപ്പ് ചേർത്ത് ജാമ്യത്തിൽ വിട്ട പെലീസ് നടപടിയിൽ പ്രതിഷേധിച്ച് മുസ്ലിം യൂത്ത് ലീഗ് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ നാദാപുരം  പൊലീസ് സ്റ്റേഷനിലേക്ക് മാർച്ച് നടത്തി . ഇന്ന് രാവിലെ 
11 മണിയോടെ നാ'ദാപുരം ഗവ . യു പി സ്കൂൾ പരിസരത്ത് നിന്നാരംഭിച്ച മാർച്ചിൽ മണ്ഡലം ഭാരവാഹികളും തെരഞ്ഞെടുക്കപ്പെട്ട പ്രവർത്തകരും മാത്രമാണ് പങ്കെടുത്തത്. പൊലീസ് സ്റ്റേഷനിലേക്കുള്ള പ്രവേശന കവാടത്തിൽ സി ഐ : എൻ സുനിൽ കുമാറിന്റെ നേതൃത്വത്തിൽ പൊലീസ് സംഘം മാർച്ച് തടഞ്ഞു.
തുടർന്ന് സമരക്കാരും പൊലീസും തമ്മിൽ ഉന്തും തള്ളുമുണ്ടായി . മുസ്ലിം യൂത്ത് ലീഗ് സംസ്ഥാന സെക്രട്ടറി വി വി മുഹമ്മദലി ഉദ്ഘാടനം ചെയ്തു . മണ്ഡലം പ്രസിഡണ്ട് എം കെ സമീർ അധ്യക്ഷത വഹിച്ചു. ജനറൽ സെക്രട്ടറി ഇ ഹാരിസ് , വലിയാണ്ടി ഹമീദ് , കെ യു ലത്തീഫ് പ്രസംഗിച്ചു .

നാദാപുരം : പാർട്ടി ഓഫീസുകൾക്കും ബസ് വെയിറ്റിംഗ് ഷെഡിനും  നേരെ ആക്രമണം നടത്തി നാട്ടിൽ കലാപം സൃഷ്ടിക്കാൾ ശ്രമിച്ച മൂന്ന് സി പി എം പ്രവർത്തകർ അറസ്റ്റിൽ .
തൂണേരി വെള്ളൂരിലെ ചീക്കിലോട്ട് താഴെ കുനി വിശ്വജിത്ത് , പൈക്കിലാട്ട് ഷാജി , മുടവന്തേരിയിലെ മൂലന്തേരി സുഭാഷ് എന്നിവരാണ് അറസ്റ്റിലായത്. ഇതിൽ ഷാജി അസ്ലം വധക്കേസിൽ പ്രതിയാണ്. മറ്റു രണ്ടു പേരും വിവിധ രാഷ്ടീയ കേസുകളിലെ പ്രതികളാണ് .
ഇരിങ്ങണ്ണൂരിൽ മുസ്ലിം ലീഗിന്റെയും ജനതാ ദളിന്റെയും ഓഫീസുകൾക്കും , തൂണേരി കോൺഗ്രസ് ഓഫിസിനും , എടച്ചേരി ചെക്ക് മുക്കിലെ ഡി വൈ എഫ് ഐ യുടെ ബസ് വെയിറ്റിംഗ് ഷെഡിനും    ആക്രമണം നടത്തിയത് ഇവരാണെന്ന് പൊലീസ് അന്വേഷണത്തിൽ eബാധ്യമായി .  
നാദാപുരം സി ഐ : എൻ . സുനിൽ കുമാറാണ് ഇവരെ കസ്റ്റഡിയിൽ എടുത്ത് ചോദ്യം ചെയ്തത്.  ബുധനാഴ്ച പുലർച്ചെ രണ്ട് മണിയോടെ ആക്രമണം ഉണ്ടായ ഇരിങ്ങണ്ണൂർ ടൗണിലെ  കെട്ടിടത്തിലുള്ള 
സി സി ടി വി യിൽ ആക്രമികൾ സഞ്ചരിച്ച വണ്ടിയുടെ ദൃശ്യം പതിഞ്ഞിരുന്നു . 
ഇതിന്റെ അടിസ്ഥാനത്തിലായിരുന്നു  അന്വേഷണം .

നാദാപുരം : ഇരിങ്ങണ്ണൂരിൽ കഴിഞ്ഞ ദിവസം മുസ്ലിം ലീഗിന്റെയും ജനതാ ദളിന്റെയും ഓഫീസുകൾക്ക് നേരെ ആക്രമണം നടത്തിയ കേസിൽ മൂന്ന് സി പി എം പ്രവർത്തകർ പൊലീസ് കസ്റ്റഡിയിൽ . നാദാപുരം സി ഐ : എൻ . സുനിൽ കുമാറാണ് ഇവരെ കസ്റ്റഡിയിൽ എടുത്തത്. ബുധനാഴ്ച പുലർച്ചെ രണ്ട് മണിയോടെയാണ് ആക്രമണം ഉണ്ടായത്. സമീപത്തെ കെട്ടിടത്തിലുള്ള സി സി ടി വി യിൽ ആക്രമികൾ സഞ്ചരിച്ച വണ്ടിയുടെ ദൃശ്യം പതിഞ്ഞിരുന്നു . ഇതിന്റെ അടിസ്ഥാനത്തിൽ നടന്ന അന്വേഷണത്തിലാണ് പ്രതികൾ പിടിയിലായത് .

നാദാപുരം : എം എസ്‌ എഫ്‌ സംസ്ഥാന കമ്മിറ്റിയുടെ ദേശീയ വിദ്യാഭ്യാസ നയ പഠന റിപ്പോർട്ടും പാർലമെന്റ് കാണാത്ത റിപ്പോർട്ടിലെ ഭാവി ചർച്ചകളിലേക്കുള്ള സൂചകങ്ങളും ഇ കെ വിജയൻ എം എൽ എക്ക്,എം എസ്‌ എഫ്‌ ജില്ലാ വൈസ് പ്രസിഡന്റ് മുഹമ്മദ് പേരോട് കൈമാറി.കൺകറന്റെ ലിസ്റ്റിൽ വരുന്ന വിദ്യാഭ്യാസം കാവികേന്ദ്രീകരണം നടത്തി ഫെഡറൽ സിസ്റ്റത്തെ തകർക്കാനുള്ള  നടപടികൾക്കെതിരെ കേരള നിയമസഭയിൽ പ്രമേയം പാസാക്കാൻ എം എസ്‌ എഫ്‌ എം എൽ എ യോട് ആവശ്യപ്പെട്ടു.
മുഹ്‌സിൻ വളപ്പിൽ, ത്വയ്യിബ് കുമ്മങ്കോട്, സയ്ദ് മഷൂർ തങ്ങൾ, ഇർഷാദ് നരിപ്പറ്റ, ഫവാസ് തുണ്ടിയിൽ എന്നിവർ സംബന്ധിച്ചു.

നാദാപുരം : വളയം കുറ്റിക്കാട് സ്വദേശിനിയായ ഭർതൃമതിയെയും രണ്ടു മക്കളെയും കാണാനില്ലെന്ന് ഭർത്താവ് പൊലീസിൽ പരാതി നൽകി. വരയാലിൽ വാടകക്ക് താമസിക്കുന്ന ഇവരെ ഇക്കഴിഞ്ഞ 26 നാണ് കാണാതായത്. പൊലീസ് അന്വേഷണം തുടങ്ങി.

നാദാപുരം : പുളിക്കൂൽ എൽ പി സ്കൂൾ വിദ്യാർത്ഥികൾക്കും രക്ഷിതാക്കൾക്കുമായി  ഓൺ ലൈനിൽ സംഘടിപ്പിച്ച ഓണാഘോഷ പരിപാടി ശ്രദ്ധേയമായി. ഓണപ്പാട്ട്, 
ഓണപ്പതിപ്പ് , ചിത്ര രചന, നാടൻ പാട്ട് , പൂക്കള നിർമാണം , ഫാമിലി സെൽഫി തുടങ്ങിയ പരിപാടികളാണ് നടന്നത്.
ഇ. കെ വിജയൻ എം എൽ എ ഉദ്ഘാടനം ചെയ്തു. 
ബ്ലോക്ക് പ്രസിഡണ്ട് 
സി എച്ച് ബാല കൃഷ്ണൻ, പഞ്ചായത്ത് പ്രസിഡണ്ട് 
എം. കെ സഫീറ , വാർഡ് മെമ്പർ വി എ മുഹമ്മദ് ഹാജി , പി ടി എ പ്രസിഡണ്ട് സമദ് , പൂർവ വിദ്യാർത്ഥി സംഘടനാ പ്രസിഡണ്ട് പ്രൊഫ:
എം ഹമീദ് , ഹെഡ് മാസ്റ്റർ സുരേഷ് , അധ്യാപകരായ റഫീഖ് , റീന , രബിന എന്നിവർ സംസാരിച്ചു.
ഇരിങ്ങണ്ണൂർ: 
കച്ചേരി പൊതുജന വായനശാല & ഗ്രന്ഥാലയത്തിന്റെ  ആഭിമുഖ്യത്തിൽ മൂന്ന് ദിവസമായി നടന്നുവന്ന ഓണാഘോഷത്തിന് പരിസമാപ്തിയായി. ഓണപ്പാട്ട് രചന,  ആലാപനം, പൂക്കള മത്സരം, കുക്കറി ഷോ, പ്രച്ഛന്നവേഷം, മൈലാഞ്ചിയിടൽ, നാടൻ പാട്ട് എന്നീ മത്സരയിനങ്ങ ളിൽ അംഗനവാടി കുട്ടികൾ മുതൽ മുതിർന്ന പൗരന്മാർ വരെ  പങ്കെടുത്തു. ഉത്രാട ദിവസം രാത്രിയിൽ അരങ്ങേറിയ'ഓണ രാവ്' എന്ന സംഗീത നിശയിൽ പ്രശസ്തരായ നിരവധി ഗായകർ  പങ്കെടുത്തു. തിരുവോണ ദിവസം രാത്രി നടന്ന സാംസ്കാരിക സദസ്സിൽ സാമൂഹ്യ,  സാംസ്കാരിക രംഗത്തെ പ്രമുഖരും  പങ്കെടുത്തു.

വടകര : നഗരസഭയിൽ 12 വാർഡുകൾ മാത്രമാണ്   കണ്ടയ്‌ന്മെന്റ് സോണിൽ ഉള്ളതെന്ന് അധികൃതർ . നേരത്തെ മുഴുവൻ വാർഡുകളും കണ്ടയ്‌ന്മെന്റ് സോൺ എന്ന സർക്കുലർ തെറ്റായി വന്നതാണ്.
വാർഡ്‌ : 03 കുളങ്ങരത്ത് 
06 പരവന്തല, 07 വടകര തെരു, 09 കോട്ടപ്പറമ്പ്,
22 മാമ്പള്ളി ,32 നല്ലടത്ത്, 
37 കക്കട്ടിൽ,38 തുരുത്തി യിൽ, 39 കയ്യിൽ ,40 അഴിത്തല, 43 നാടോൽ 
45 പാണ്ടികശാല എന്നിവയാണ് പുതുതായി കണ്ടയിൻമെന്റ് സോണായി പ്രഖ്യാപിച്ചത്.
ഇന്നലെ  നഗരസഭയിൽ  വിവിധ വാര്‍ഡുകളിലായി നാല്‍പതിലേറെ പേര്‍ക്കു രോഗം സ്ഥിരീകരിച്ചിരുന്നു. പല വാര്‍ഡുകളും ക്രിട്ടിക്കല്‍ കണ്ടെയിന്‍മെന്റ് സോണുകളുമാണ്.

നാദാപുരം:  ഗ്രാമ പഞ്ചായത്ത് പത്താം വാർഡിൽ പ്രവർത്തിക്കുന്ന ലാഭം സ്റ്റോറിലെ 3 ജീവനക്കാർക്ക്  കോവിഡ് പോസിറ്റീവ് സ്ഥിരീകരിച്ചു . ഏറാമല,  അരൂർ ,  ചിയ്യൂര് സ്വദേശികളാണിവർ. ഓഗസ്റ്റ്  22 -  മുതൽ  
28- വരെ പ്രസ്തുത സ്ഥാപനത്തിൽ വന്നവർ സ്വയം നിരീക്ഷണത്തിൽ പോകേണ്ടതും ആരോഗ്യ വകുപ്പുമായി ബന്ധപ്പെടേണ്ടതുമാണെന്ന് നാദാപുരം താലൂക്ക് ആശുപത്രി സൂപ്രണ്ട് അറിയിച്ചു. എന്തെങ്കിലും ശാരീരിക ബുദ്ധിമുട്ടുകൾ ഉണ്ടങ്കിൽ ആരോഗ്യ പ്രവർത്തകരെ വിവരം  അറിയിക്കേണ്ടതാണ്.

നാദാപുരം : ഇരിങ്ങണ്ണൂർ ടൗണിൽ രണ്ട് പാർട്ടി ഓഫിസുകൾക്ക് നേരെ ആക്രമണം . ലോക് താന്ത്രിക് ജനതാ ദൾ എടച്ചേരി പഞ്ചായത്ത് കമ്മിറ്റി ഓഫിസിനും മുസ്ലിം ലീഗ് ടൗൺ കമ്മിറ്റി ഓഫിസിനും നേരെയാണ് ആക്രമണം നടന്നത് . 
ഇന്ന് പുലർച്ചെയുണ്ടായ കല്ലേറിൽ 
ദൾ ഓഫിസിന്റെ നെയിം ബോർഡും ജനൽ ചില്ലുകളും തകർന്നിട്ടുണ്ട്.
ലീഗ് ഓഫിസിനും ചെറിയ കേടുപാടുകൾ സംഭവിച്ചു. 
നാദാപുരം പോലീസ് സ്ഥലത്ത് എത്തി പരിശോധന നടത്തി .

നാദാപുരം : ഇന്നലെ രാത്രി കല്ലാച്ചിയിൽ കോൺഗ്രസ് ഓഫിസിന് നേരെയുണ്ടായ  ബോംബ് ആക്രമണത്തിൽ പ്രതിഷേധം വ്യാപകം . സി പി എം ക്രിമിനൽ സംഘമാണ് ആക്രമണത്തിന് പിന്നിലെന്നും കുറ്റക്കാർക്കെതിരെ കർശന നടപടി വേണമെന്നും കോൺഗ്രസ് നേതൃത്വം ആവശ്യപ്പെട്ടു. സംഭവത്തിൽ പ്രതിഷേധിച്ച് ഇന്ന് രാവിലെ കോൺഗ്രസ് ധർണ്ണ നടത്തി . കെ പി സി സി ജനറൽ സെക്രട്ടറി അഡ്വ . കെ .പ്രവീൺ കുമാർ , സി വി കുഞ്ഞി കൃഷ്ണൻ , മോഹനൻ പാറക്കടവ്, അഡ്വ . എ സജീവൻ , കെ എം രഘുനാഥ്  ലീഗ് നേതാക്കളായ എം പി സൂപ്പി , വി വി മുഹമ്മദലി പങ്കെടുത്തു. ആക്രമണത്തിനിരയായ  കോൺഗ്രസ് ഓഫീസ് മുസ്ലിം ലീഗ് നേതാക്കളായ അഹമ്മദ് പുന്നക്കൽ, സൂപ്പി നരിക്കാട്ടേരി, മണ്ടോടി ബഷീർ മാസ്റ്റർ, തുണ്ടിയിൽ യൂസഫ്,  എന്നിവർ സന്ദർശിച്ചു .

നാദാപുരം : പ്രായ പൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ അറസ്റ്റിലായ ബി ജെ പി പ്രവർത്തകന്റെ വീട്ടുമുറ്റത്ത് നിർത്തിയിട്ട രണ്ടു ബൈക്കുകൾ അഗ്നിക്കിരയാക്കി . കല്ലാച്ചി ഇയ്യങ്കോട് സ്വദേശി പീറ്റ പൊയിൽ സുരേഷിന്റെ വീട്ടിലെ ബൈക്കുകളാണ് കത്തിച്ചത് . ഒരു ബൈക്ക് സുരേഷിന്റെ ഉടമസ്ഥതയിലും മറ്റൊന്ന് സഹോദരന്റേതുമാണ് . നാദാപുരം സി ഐ : എൻ സുനിൽ കുമാർ സ്ഥലത്ത് എത്തി പരിശോധന നടത്തി .

നാദാപുരം : വിലങ്ങാട്  വീണ്ടും  കോവിഡ് പോസിറ്റീവ് കേസ് റിപ്പോർട്ട്‌ ചെയ്തതായി അധികൃതർ. സമ്പർക്ക പട്ടിക നീണ്ടതിനാൽ എല്ലാവരും ജാഗ്രത പാലിക്കാനും നിർദ്ദേശം. വിലങ്ങാട് പാനോം സ്വദേശിക്കാണ്  ഇന്ന്   കോവിഡ് സ്ഥിരീകരിച്ചത്. ഇയാൾ ഈ മാസം  25 ന് രാവിലെ 10 മണിക്കും 11 മണിക്കും ഇടയിൽ വിലങ്ങാട് ഗ്രാമീണ ബാങ്കിലും 12. 30 നും 1.30 നും ഇടയിൽ ഭൂമി വാതുക്കൽ ഗ്രാമീണ ബാങ്കിലും എത്തിയതായി  ആരോഗ്യ വകുപ്പിന് വിവരം ലഭിച്ചിട്ടുണ്ട്. ഈ സമയത്ത് ബാങ്കുകളിൽ ഉണ്ടായി രുന്നവർ വിവരം ആരോഗ്യ വകുപ്പ് ഉദ്യോഗസ്ഥരെയോ ആശ പ്രവർത്തകരെയോ ആർ ആർ ടി അംഗങ്ങളെയോ അറിയിക്കേണ്ടതാണ്.
ഇങ്ങനെയുള്ളവർ നിർബന്ധമായും ക്വാറൻ്റയിനിൽ കഴിയണമെന്നും  അധികൃതർ അറിയിച്ചു.

വടകര: ഓണത്തിന് സർക്കാർ പ്രഖ്യാപിച്ച  സൗജന്യകിറ്റ് ഏതെങ്കിലും കാരണത്താല്‍ ഈ മാസം വാങ്ങാന്‍ സാധിക്കാത്ത കാര്‍ഡുടമകള്‍ക്ക് അടുത്ത മാസം കിറ്റ് വാങ്ങുന്നതിനുള്ള സൗകര്യമുണ്ടായിരിക്കുന്നതാണെന്നു വടകര താലൂക്ക് സപ്ലൈ ഓഫീസര്‍ അറിയിച്ചു.ഈ മാസത്തെ സാധാരണ റേഷന്‍ സാധനങ്ങള്‍ സപ്തംബര്‍ അഞ്ചു വരെ ലഭിക്കുന്നതാണ്. ഓണവുമായി ബന്ധപ്പെട്ട് റേഷന്‍ വിതരണം പൂര്‍ത്തിയാക്കുന്നതിനായി 30ാം തിയതി ഞായറാഴ്ച റേഷന്‍ കടകള്‍ പ്രവര്‍ത്തിക്കുന്നതാണ്. പകരമായി ഒന്നാം തിയതി ചൊവ്വാഴ്ച അവധി ആയിരിക്കുമെന്നും ടി.എസ്.ഒ അറിയിച്ചു.

നാദാപുരം: വീടിന് മുകളിൽ നിന്ന് വീണ് തലക്ക് പരിക്കേറ്റ് ചികിത്സയിലായിരുന്ന  മത്സൃ തൊഴിലാളി മരിച്ചു, വളയം മൗവ്വഞ്ചേരി ബാലൻ (55) ആണ് മരിച്ചത്.കഴിഞ്ഞ ശനിയാഴ്ച്ച ഉച്ചയോടെ സ്വന്തം വീടിന്റെ നിർമ്മാണ പ്രവൃത്തിക്കിടെ ടെറസ്സിൽ നിന്ന് വീണ ഇയാളെ  ഗുരുതര പരിക്കുകളോടെ മെഡിക്കൽ കോളജിൽ പ്രവേശിപ്പിക്കുകയായിരുന്നു. വ്യാഴാഴ്ച്ച പുലർച്ചെയോടെയാണ് അന്ത്യം. പോസ്റ്റ്മോർട്ടത്തിന് ശേഷം മൃതദേഹം വീട്ടുവളപ്പിൽ സംസ്കരിച്ചു.
ഭാര്യ - ശാന്ത
മക്കൾ - ശാലി , ഷാജു.
മരുമകൻ പ്രഭീഷ് (മണിയൂർ)
സഹോദരിമാർ: ദേവി, ലീല.

പേരാമ്പ്ര:  മത്സ്യമാര്‍ക്കറ്റിലുണ്ടായ സംഘര്‍ഷവുമായി ബന്ധപ്പെട്ട  കേസിൽ അഞ്ചുപേര്‍കൂടി അറസ്റ്റിലായി. സിപിഎം പ്രവര്‍ത്തകരായ പേരാമ്പ്ര കല്ലോട് പാവട്ടുവയല്‍ സിദ്ധാര്‍ഥ് (25), കൊളോറചാല്‍ ദീപു (26), കേളോത്ത് മീത്തല്‍ വിഷ്ണു (26), പറശ്ശേരി മീത്തല്‍ മുഹമ്മദ് ആദില്‍ (22) മുസ്ലിം ലീഗ് പ്രവര്‍ത്തകന്‍ കച്ചേരിക്കണ്ടി എം.കെ.മനീഫ് (28) എന്നിവരെയാണ് പേരാമ്പ്ര എസ്‌ഐ എം.നിജീഷ് അറസ്റ്റുചെയ്തത്. ഇതോടെ അറസ്റ്റിലായവരുടെ എണ്ണം 21 ആയി.

നാദാപുരം : കേരളത്തിൽ പൊതുവിദ്യാലയങ്ങളിൽ പന്ത്രണ്ടര ലക്ഷം വിദ്യാർത്ഥികൾ പഠിക്കുന്ന അറബി ഭാഷ വിക്ടേഴ്സ് ചാനൽ വഴി നടത്തുന്ന ഓൺലൈൻ ക്ലാസുകളിൽ ഉൾപെടുത്താനുള്ള നടപടികൾ ഉടൻ ആരംഭിക്കണമെന്ന് കെ എ ടി എഫ് നാദാപുരം സബ് ജില്ലാ കമ്മിറ്റി എ ഇ ഒ വിന് നൽകിയ നിവേദനത്തിൽ ആവശ്യപ്പെട്ടു. സംസ്ഥാന ഓർഗനൈസിംഗ് സെക്രട്ടറി എം.എ.ലത്തീഫ് , വിദ്യാഭ്യാസ ജില്ലാ ട്രഷറർ കെ.കെ.സി. ഹൻ ലലത്ത്, സബ് ജില്ലാ പ്രസിഡണ്ട് കെ.കെ.റഫീഖ്, ട്രഷറർ നസീർ ചീക്കോന്ന് തുടങ്ങിയവർ പങ്കെടുത്തു. ഓൺലൈൻ പഠനം തുടങ്ങി 60 ദിവസം പിന്നിട്ടിട്ടും  ഇത് വരെ ഒരു ക്ലാസ് പോലും വന്നിട്ടില്ല ഈ അനീതിക്കെതിരെ ശക്തമായ പ്രക്ഷോഭം  കെ.എ.ടി.എഫ് നടത്തി വരികയാണ്‌.

നാദാപുരം : സുഭിക്ഷ കേരളം പദ്ധതിയുടെ ഭാഗമായി നാദാപുരം ഗ്രാമ പഞ്ചായത്ത് നടപ്പിലാക്കുന്ന മൽസ്യ  അഞ്ചാം വാർഡിലെ കുന്നമംഗലം കുളത്തിൽ മത്സ്യക്കുഞ്ഞുങ്ങളെ നിക്ഷേപിച്ചു കൊണ്ട് പ്രസിഡൻറ് എം കെ സഫീറ  ഉദ്ഘാടനം ചെയ്തു. വാർഡ് മെമ്പർ നിഷമനോജ് അധ്യക്ഷയായി. വൈസ് പ്രസിഡന്റ് സി വി കുഞ്ഞികൃഷ്ണൻ, സ്റ്റാൻഡിംഗ് കമ്മിറ്റി ചെയർമാൻ ബംഗളത്ത് മുഹമ്മദ്, ടി കണാരൻ മാസ്റ്റർ, കോഡിനേറ്റർ രജ്ഞിത്ത് പ്രസംഗിച്ചു.

വടകര: വടകരയില്‍ ജോലി ചെയ്യുന്ന രണ്ട് എ.ആര്‍ പോലീസുകാര്‍ക്ക് കോവിഡ് സ്ഥിരീകരിച്ചു. രോഗം സ്ഥിരീകരിച്ച  പോലീസുകാര്‍ കോവിഡ് സെല്ലിലുള്ളവരാണെന്നാണ് വിവരം. നേരത്തെ കണ്‍ട്രോള്‍ റൂം എസ്‌.ഐ ഇന്‍ചാര്‍ജ് നും  ട്രാഫിക് യൂനിറ്റിലെ മറ്റൊരു പോലീസുകാരനും കോവിഡ് സ്ഥിരീകരിച്ചിരുന്നു. 
എസ്‌.ഐ ഇന്‍ചാര്‍ജ് കോഴിക്കോട് കുന്ദമംഗലം സ്വദേശിയും ട്രാഫിക്കിലെ പോലീസുകാരന്‍ വടകര സ്വദേശിയുമാണ്. എസ്‌.ഐയുമായി ഓഫീസില്‍ സമ്പര്‍ക്കമുള്ളവര്‍ ക്വാറന്റൈനിലായി. പോലീസുകാരനു നാട്ടിലെ ആര്‍.ആര്‍.ടി വളണ്ടിയറില്‍ നിന്നാണ് രോഗം ബാധിച്ചതെന്നു കരുതുന്നു. വളണ്ടിയര്‍ക്കു രോഗം പിടിപെട്ട അവസരത്തില്‍ തന്നെ ഇദ്ദേഹം ക്വാറന്റൈനിലായിരുന്നു. 

വടകര :  കോവിഡ് നിയന്ത്രണ വിധേയമാകുന്നത് വരെ ചോറോട് കുരിയാടിയില്‍ ശക്തമായ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ: വി.ജയശ്രീ അഭ്യര്‍ഥിച്ചു. 
60 വയസിന് മുകളിലുള്ളവര്‍, നിത്യരോഗികള്‍, 10 വയസിന് താഴെയുള്ളവര്‍, ഗര്‍ഭിണികള്‍ എന്നിവരുടെ സുരക്ഷയ്ക്ക് കൂടുതല്‍ മുന്‍ഗണന നല്‍കാനും ആവശ്യമായ പരിശോധനകള്‍ നടത്താനും  നിര്‍ദേശിച്ചു. വീഡിയോ കോണ്‍ഫറന്‍സില്‍ ചോറോട് കുടുംബാരോഗ്യ കേന്ദ്രം മെഡിക്കല്‍ ഓഫീസര്‍ ഡോ: ഡെയ്‌സി ഗോരേ, ഡോ: ആര്യാദേവി, ഹെല്‍ത്ത് ഇന്‍സ്‌പെക്ടര്‍ സജി രേഖ, പിഎച്ച്എന്‍ ചന്ദ്രമതി എന്നിവരും ആരോഗ്യ പ്രവര്‍ത്തകരും പങ്കെടുത്തു. ജനങ്ങള്‍ രോഗപ്രതിരോധത്തിനായി പൂര്‍ണമായും സഹകരിക്കണമെന്ന് ഡിഎംഒ. അഭ്യര്‍ത്ഥിച്ചു.ജില്ലാ പ്രോഗ്രാം ഓഫീസര്‍മാരായ കെ.ടി.മോഹനന്‍, കെ.കുമാരന്‍ എന്നിവര്‍ കുരിയാടിയില്‍ സന്ദര്‍ശനം നടത്തി. ജില്ലാ എജ്യുക്കേഷന്‍ ആന്റ് മീഡിയ ഓഫീസര്‍ എം.പി. മണി തീരദേശത്ത് സന്ദര്‍ശനം നടത്തി. ആര്‍.ആര്‍.ടി മെമ്പര്‍മാരും അരയ സമാജം അംഗങ്ങളുമായി ഇവര്‍ കാര്യങ്ങള്‍ വിശദീകരിച്ചു.
 

കുറ്റ്യാടി:  ജനകീയ ദുരന്ത നിവാരണ സേന രക്ഷാ പ്രവർത്തനങ്ങൾക്കായി  വാങ്ങിയ ഫൈബർ  ബോട്ടിന്റെ ഉദ്ഘാടനം 
കെ. മുരളീധരൻ എം.പി നിർവഹിച്ചു. ചങ്ങരോത്ത് പഞ്ചായത്ത് പ്രസിഡന്റ്  കെ.കെ ലീല അധ്യക്ഷത വഹിച്ചു.  ജനകീയ ദുരന്ത നിവാരണ സേന സാരഥികളായ ഷമീം അലങ്കാർ, മുഹമ്മദ് ബഷീർ, നെരയങ്കോട് ബഷീർ, കെ.എം.ബഷീർ,  എന്നിവർ പങ്കെടുത്തു. എൻജിൻ  ഘടിപ്പിച്ച ബോട്ട്  നീറ്റിൽ ഇറക്കി സന്നദ്ധ പ്രവർത്തകർക്ക് പരിശീലനവും നൽകി.

നാദാപുരം:  മണിക്കൂറുകളോളം പി.പി.ഇ. കിറ്റ് ധരിച്ച് നട്ടുച്ചനേരത്ത് വാഹനമോടിച്ചതിന്റെ ക്ഷീണത്തിൽ വളയം സ്വദേശിയായ  ആംബുലൻസ് ഡ്രൈവർ റോഡിൽ തളർന്നുവീണു.
കോവിഡ് രോഗികളെയും കൊണ്ട് എൻ.ഐ.ടി.
യിലെ ഫസ്റ്റ് ലൈൻ ട്രീറ്റ്‌മെന്റ് സെന്ററിലേക്ക് പോവുകയായിരുന്ന 
108 ആമ്പുലൻസിന്റെ ഡ്രൈവർ അരുൺ (26) ആണ് അവശ നിലയിലായത്.
സംഭവം നേരിൽക്കണ്ട താമരശ്ശേരി സ്റ്റേഷനിലെ പോലീസ് ഡ്രൈവർ കരിയാത്തൻപാറ പുല്ലുപറമ്പിൽ ജിലു സെബാസ്റ്റ്യൻ (35) സമയോചിതമായി ഇടപെട്ട് ആംബുലൻസ് ഡ്രൈവർക്ക് രക്ഷകനായി.
സമീപത്തെ വീട്ടിൽനിന്നു കുടിവെള്ളം വാങ്ങി അരുണിനു നൽകിയശേഷം 108 ആംബുലൻസിന്റെ കൺട്രോൾ റൂമിൽ വിളിച്ച് വിവരമറിയിച്ചത് ഇദ്ദേഹമാണ്.
താമരശ്ശേരി ജുഡീഷ്യൽ ഫസ്റ്റ്ക്ലാസ് മജിസ്‌ട്രേറ്റ് കോടതിയിലേക്ക് ജീപ്പുമായി ഡ്യൂട്ടിക്കുവന്നതായിരുന്നു പോലീസ് ഡ്രൈവർ.
ചൊവ്വാഴ്ച ഉച്ചയ്ക്ക് ഒന്നേമുക്കാലോടെയാണ് സംഭവം. തെച്ച്യാടുനിന്നും നടുവണ്ണൂരിൽനിന്നുമായി അഞ്ച് കോവിഡ് രോഗികളുമായി എൻ.ഐ.ടി.യിലേക്ക് പോന്നതായിരുന്നു അരുൺ.
രോഗികൾ വാഹനത്തിൽ കയറാൻ വൈകിയതോടെ അല്പനേരം കഴിഞ്ഞാണ് ആംബുലൻസ് പുറപ്പെട്ടത്. അത്രയും നേരം പി.പി.ഇ. കിറ്റ് ധരിച്ചിരുന്നതിനാൽ കടുത്ത ചൂടും ഉച്ചസമയത്തെ യാത്രയും കാരണം അരുണിന് യാത്രാമധ്യേ അസ്വസ്ഥത അനുഭവപ്പെടുകയായിരുന്നു. ചുങ്കം ചാവറ ആശുപത്രിക്ക്‌ മുൻവശത്തുവെച്ച് റോഡിൽ ഒരു പോലീസ് ജീപ്പ് കിടക്കുന്നതുകണ്ട് ആംബുലൻസ് നിർത്തി ഇറങ്ങിയ അരുൺ അല്പനേരം നടന്നശേഷം റോഡരികിലേക്ക് തളർന്നുവീഴുകയായിരുന്നു.

വളയം : ഗവ. ഹയർ സെക്കണ്ടറി  സ്കൂളിലെ നിർധന വിദ്യാർത്ഥിക്ക് പൂർവ വിദ്യാർത്ഥികളുടെ വക ടെലിവിഷൻ  സെറ്റ് സംഭാവന നൽകി. 47 വർഷം മുമ്പ് സ്കൂളിൽ നിന്ന് പഠനം പൂർത്തിയാക്കി പടിയിറങ്ങിയ 1973 ബാച്ചിന്റെ വകയാണ് ടെലിവിഷൻ സെറ്റും ആന്റിനയും സംഭാവയായി നൽകിയത്. സ്കൂളിൽ നടന്ന ചടങ്ങിൽ പ്രിൻസിപ്പാൾ ജ്യോതികുമാർ ടി. വി. സെറ്റ് ഏറ്റുവാങ്ങി. ബാച്ചിനെ പ്രതിനിധീകരിച്ചു എൻ. കുഞ്ഞിക്കണ്ണൻ, കെ. കെ. ഉസ്മാൻ, എം. എ. വാണിമേൽ, സി. എച്ഛ്. ശങ്കരൻ, കെ. പി. രവീന്ദ്രൻ എന്നിവർ ചടങ്ങിൽ പങ്കെടുത്തു. ഹെഡ്മാസ്റ്റർ രാമകൃഷ്ണൻ അധ്യക്ഷത വഹിച്ചു. സ്വർണകുമാരി ടീച്ചർ നന്ദി പറഞ്ഞു.

നാദാപുരം: മുഖ്യമന്ത്രിപിണറായി വിജയന്റെ രാജി ആവശ്യപ്പെട്ട്  തിരുവനന്തപുരത്ത് കെ പി സി സി പ്രസിഡണ്ട് മുല്ലപ്പള്ളിരാമചന്ദ്രൻ നടത്തുന്ന ഉപവാസത്തിന് അനുഭാവം പ്രകടിപ്പിച്ച്  പാറക്കടവിൽ കോൺഗ്രസ് നേതാക്കൾ  സത്യഗ്രഹം നടത്തി. ബ്ലോക്ക്  പ്രസിഡണ്ട് അഡ്വ.എ സജീവൻ അധ്യക്ഷത വഹിച്ചു. ഡി സി സി ഭാരവാഹികളായ മോഹനൻ പാറക്കടവ് ,മാക്കൂൽ കേളപ്പൻ,ഓവർസീസ് കോൺഗ്രസ് ഗ്ലോബൽ വൈസ് പ്രസിഡണ്ട് കെ കെ ഉസ്മാൻ, ടി ദാമോദരൻ , എൻ. കെ കുഞ്ഞിക്കേളു, പി കെ ദാമോദരൻ , പൊന്നംകോട്ട് അബൂബക്കർ ഹാജി, രാജീവ് പുതുശ്ശേരി,ആർ പി ഹസ്സൻ , സി പി മുകുന്ദൻ  നേതൃത്വം നല്കി.

വട്ടോളി.- ഉപാസന സംഗീത വിദ്യാലയം  പുതുതായി ആരംഭിക്കുന്ന യൂടൂബ് ചാനൽ പത്മശ്രീ. ഗുരു ചേമഞ്ചേരി കുഞ്ഞിരാമൻ നായർ ഉദ്ഘാടനം  ചെയ്തു. ഓൺ ലൈനിൽ നടന്ന പടങ്ങിൽ പഞ്ചായത്ത് പ്രസിഡണ്ട് കെ.ടി.രാജൻ, രാജഗോപാലൻ കാരപ്പറ്റ, സംഗീതജ്ഞൻ ടി.രാമചന്ദ്രൻ, സജീവൻ ചെമ്മർത്തൂർ, എഴുത്തുകാരി ബിനിഷ വടകര, പി.കെ.പത്മനാഭൻ ചേതന, യുവ സംഗീത സംവിധായകൻ ആർ ശരത് , ഉപാസന ഡയരക്ടർ പ്രകാശൻ എലിയാറ , ഷാനി വട്ടോളി, കെ.കെ.മോഹനൻ എന്നിവർ ആശംസകൾ നേർന്നു.

കോവിഡ് 19 നിയന്ത്രണ വിധേയമല്ലാത്ത സാഹ ചര്യത്തില്‍ മാര്‍ക്കറ്റു കളിലെ തിരക്കും ജനങ്ങള്‍ ഒത്തു ചേരുന്നതും  ഒഴിവാക്കാന്‍  ജില്ലയില്‍ നിയന്ത്രണങ്ങള്‍ ഏര്‍പ്പെടുത്തി ജില്ലാ കലക്ടര്‍ എസ്. സാംബശിവറാവു ഉത്തരവിട്ടു.  
കോവിഡ് രോഗത്തിന്റെ പശ്ചാത്തലത്തില്‍ ഓണാഘോഷങ്ങള്‍ വീടുകളില്‍ മാത്രമാക്കി പരിമിതപ്പെടുത്തണം.  സമൂഹസദ്യ, പൂക്കളമത്സരം, മറ്റ് പൊതുപരിപാടികള്‍ എന്നിവ നിരോധിച്ചു.  എല്ലാ തരത്തിലുള്ള വാണിജ്യസ്ഥാപനങ്ങളിലും ശാരീരിക അകലം പാലിക്കുകയും ഓരോ കടകളിലും ഒരേ സമയം എത്തുന്നവരുടെ എണ്ണം നിയന്ത്രിക്കുകയും ചെയ്യണം.  ഓരോ വ്യാപാരിയും അവരുടെ കടയുടെ വിസ്തീര്‍ണ്ണവും കടയില്‍ അനുവദ നീയമായ ആളുകളുടെ എണ്ണവും സംബന്ധിച്ച വിവരം കടയുടെ പുറത്ത് പ്രദര്‍ശിപ്പിക്കണം.  വാണിജ്യസ്ഥാപനങ്ങളിലും മാളുകളിലും ഉപഭോക്താക്കള്‍ തമ്മില്‍ ആറടി അകലം ഉറപ്പുവരുത്തണം.  
ഇത് ജീവനക്കാര്‍ക്കും ബാധകമാണ്.  എല്ലാ വാണിജ്യ, വ്യാപാര സ്ഥാപനങ്ങളിലുമെത്തുന്ന ഉപഭോക്താക്കളുടെ പേരുവിവരങ്ങള്‍ കോവിഡ് 19 ജാഗ്രത പോര്‍ട്ടലിലെ വിസിറ്റേഴ്‌സ് രജിസ്റ്ററില്‍ രേഖപ്പെടുത്തണം.  വ്യാപാരകേന്ദ്രങ്ങളില്‍ എ.സി. പ്രവര്‍ത്തി പ്പിക്കരുത്.  പരമാവധി വായുസഞ്ചാരം ഉറപ്പാക്കണം.    ഉപഭോക്താക്കള്‍ക്കായി സോപ്പും സാനിറ്റൈസറും പ്രവേശനകവാടത്തില്‍ സജ്ജീകരിക്കണം.  കടകളിലെ സിസിടിവികള്‍ പൂര്‍ണ്ണമായും പ്രവര്‍ത്തനസജ്ജമാക്കി കടകളിലെ തിരക്ക് വിശകലനം ചെയ്യുന്നതിന് പരിശോധനക്ക് വിധേയമാക്കണം.  ഷോപ്പിങ് സെന്ററുകളിലും മാളുകളിലും മാസ്‌കും സാനിറ്റൈസറും ഉപയോഗിക്കുന്നുവെന്നും സാമൂഹിക അകലം പാലിക്കുന്നുവെന്നും പോലീസ് സ്‌ക്വാഡുകൾ ഉറപ്പു വരുത്തണം.

വാണിമേൽ : ഗ്രാമ പഞ്ചായത്തിൽ സമ്പർക്ക പട്ടികയിലുള്ളവരുടെയും ക്വാറന്റയിൻ കാലാവധി പൂർത്തിയാക്കിയവർക്കും നാളെ  പരപ്പുപാറ കമ്മൂണിറ്റി ഹാളിൽ ആർ ടി പി സി ആർ ടെസ്റ്റ് നടത്തും. രാവിലെ 10 മണിക്ക് പന്ത്രണ്ടാം  വാർഡിൽ പോസിറ്റീവ് ആയ ആളുടെ പ്രൈമറി, സെക്കണ്ടറി കോൺടാക്ടിൽ പെട്ടവർക്കും  10.30 ന് വിദേശത്തു നിന്നും, ഇതര സംസ്ഥാനത്തു നിന്നും വന്ന് കോറൻറയിനിൽ 14 ദിവസം പൂർത്തിയാക്കിയവർക്കും പരിശോധന നടത്തും. 11 മണി മുതൽ  പഞ്ചായത്തിൽ തൊഴിലെടുക്കുന്ന ഇതര സംസ്ഥാന തൊഴിലാളികളെ പരിശോധിക്കും.  തൊഴിലുടമ ഇത്തരക്കാരെ എത്തിക്കുന്നതിന് ആവശ്യമായ സംവിധാനം ഏർപ്പെടുത്തണം.  ഇതര സംസ്ഥാന തൊഴിലാളികൾ പരിശോധനയിൽ പങ്കെടുത്തിട്ടുണ്ടോ എന്ന് ആർ ആർ ടി  ഉറപ്പ് വരുത്തണം. 50 പേർക്കുള്ള പരിശോധനയാണ് നാളെ  നടത്തുന്നത്.

വാണിമേൽ : മികച്ച ശബ്ദാനുകരണത്തിലൂടെ വാണിമേൽ സ്വദേശി ഗിന്നസ് റെക്കോർഡിന് അർഹനായി. പരപ്പുപാറക്കടുത്ത പുതുക്കുടി കിണറുള്ള പറമ്പത്ത് കണാരന്റെയും ദേവിയുടെയും മകൻ വിനീതാണ് നാടിന്റെ  അഭിമാന താരമായത്. ആറ് മാസം മുൻപ് അങ്കമാലിയിൽ നടന്ന ഫ്ലവർസ് ടി വി  യുടെ കോമഡി ഉത്സവം പരിപാടിയിൽ 12മണിക്കൂർ കോമഡി പ്രോഗ്രാം അവതരിപ്പിച്ചതിനാണ് ഈ അംഗീകാരം ലഭിച്ചത്. നേരത്തെ എറണാകുളം കളമശേരിയിൽ നടന്ന ഡി. സി. പി സംസ്ഥാന തല  കലോൽസവത്തിൽ വിനീത് ഒന്നാം സ്ഥാനം നേടിയിരുന്നു . മാർബിൾ ജോലിക്കാരനായ ഈ യുവാവ് ആദ്യമായാണ് ടി വി ചാനലിൽ പരിപാടി അവതരിപ്പിക്കുന്നത്.

കല്ലാച്ചി: കോവിഡ് പ്രതിരോധ പ്രവർത്തനങ്ങളിൽ സ്തുത്യർഹമായ സേവനം നടത്തിക്കൊണ്ടിരിക്കുന്ന ജനപ്രതിനിധികളെയും, ആരോഗ്യ പ്രവർത്തകരെയും  ചേലക്കാട്ടെ സീവോക് പാലിയേറ്റീവ് ആദരിച്ചു. ഗ്രാമ പഞ്ചായത്ത്‌ പ്രസിഡന്റ്‌ സഫീറ മൂന്നാംകുനി, ഹെൽത്ത്‌ ഇൻസ്‌പെക്ടർ  സതീഷ് ബാബു, ജെ എച്ച് ഐ  പ്രസാദ്, വാർഡ് മെമ്പർ സി എച്ച് നജ്മ ബീവി എന്നിവർക്കാണ് ചേലക്കാട് സ്കൂൾ ഗ്രൗണ്ടിൽ നടന്ന ലളിതമായ ചടങ്ങിൽ സീവോക്ക് പ്രവർത്തകർ സ്നേഹാദരം നൽകിയത് . ജില്ലാ പഞ്ചായത്ത്‌ മെമ്പർ അഹ്‌മദ്‌ പുന്നക്കൽ പൊന്നാട അണിയിച്ചു. റഷീദ് കോട്ടയിൽ അധ്യക്ഷനായി. ബ്ലോക്ക്‌ പഞ്ചായത്ത്‌ മെമ്പർ മണ്ടോടി ബഷീർ മാസ്റ്റർ, ടി കെ മുസ്തഫ തങ്ങൾ എന്നിവർ ഉപഹാരം നൽകി.നിസാർ എടത്തിൽ, വി കെ മുഹമ്മദലി, ശിഹാബ് കണ്ടോത്ത്, റാഷിദ്‌ പാലോളി നേതൃത്വം നൽകി. സുബൈർ ചേലക്കാട് സ്വാഗതവും, വി ടി കെ മുഹമ്മദ്‌ നന്ദിയും പറഞ്ഞു.

വടകര:പരിസ്ഥിതിനിയമം ഭേദഗതി ചെയ്യാനുള്ള കേന്ദ്ര സർക്കാർ നടപടിയിൽ പ്രതിഷേധിച്ച് ലോക്താന്ത്രിക്ക് യുവജനതാദൾ ദേശീയ പ്രക്ഷോഭത്തിൻ്റെ ഭാഗമായി വടകരയിൽ പ്രതിഷേധ സംഗമം സഘടിപ്പിച്ചു. വൻ വ്യവസായ സ്ഥാപനങ്ങളും, ക്വാറി മാഫിയകളും നമ്മുടെ പരിസ്ഥിതിയെ ഈ നിയമം വരുന്നതോട് കൂടി തകർക്കുമെന്ന് എൽ വൈ ജെ ഡി നേതാക്കൾ പറഞ്ഞു .പ്രതിഷേധ സംഗമം എൽ ജെ ഡി സംസ്ഥാന ജനറൽ സെക്രട്ടറി എം കെ ഭാസ്കരൻ ഉദ്ഘാടനം ചെയ്തു. വി കെ സന്തോഷ് കുമാർ അധ്യക്ഷത വഹിച്ചു യുവജനത സംസ്ഥാന ഭാരവാഹികളായ.ഇ കെ സജിത്ത് കുമാർ, സി സുജിത്ത്, വി പി ലിനീഷ്,  സംസ്ഥാന സമിതിയംഗം വൽസരാജ് മണലാട്ട് , ജില്ലാ ഭാരവാഹികളായ പ്രഭീഷ് ആദിയൂർ,കെ രജീഷ്, ദിപു കളരിക്കണ്ടി എന്നിവർ സംസാരിച്ചു.

നാദാപുരം : ചെക്യാട് പഞ്ചായത്തിൽ  അതിഥി തൊഴിലാളിക്കും പ്രവാസി യുവാവിനും കോവിഡ് സ്ഥിരീകരിച്ചു. കഴിഞ്ഞ ദിവസം നടത്തിയ പി സി ആർ ടെസ്റ്റിലാണ് ഫലം പോസറ്റിവായത്. എന്നാൽ 60 പേരിൽ നടത്തിയ പരിശോധനയിൽ 28 പേരുടെ ഫലം നെഗറ്റീവാണ്. അഴിയൂര്‍ സ്വദേശിയായ  39കാരനും പേരാമ്പ്ര സ്വദേശികളായ മൂന്ന് പേർക്കും  പുറമേരി സ്വദേശിയായ  30 കാരനും കാവിലുംപാറ സ്വദേശിക്കും വടകര സ്വദേശിയായ  68 കാരനും ആയഞ്ചേരി സ്വദേശിയായ 41 കാരനും ചോറോട് സ്വദേശിയായ  70 കാരനും കായണ്ണ സ്വദേശികളായ രണ്ടു പുരുഷൻമാർക്കും രണ്ടു സ്ത്രീകൾക്കും കട്ടിപ്പാറ സ്വദേശിക്കും ആയഞ്ചേരി സ്വദേശിയായ 41 കാരനും തിരുവളളൂര്‍ സ്വദേശികളായ രണ്ടു പുരുഷൻമാർക്കും ഒരു യുവതിക്കും അഴിയൂര്‍ സ്വദേശിനിയായ   ആരോഗ്യപ്രവര്‍ത്തകക്കും നൊച്ചാട് സ്വദേശിനിയായ  19 കാരിക്കും ഇന്ന് രോഗം സ്ഥിരീകരിച്ചിട്ടുണ്ട്.

നാദാപുരം: വാണിമേലിൽ യുവാവിനെ അകാരണമായി പൊലീസ് മർദ്ദിച്ച സംഭവത്തിൽ പരാതി നൽകിയിട്ടും കേസെടുക്കാത്തതിൽ പ്രതിഷേധിച്ച് 
പരിക്കേറ്റ യുവാവും അമ്മയും 
വളയം പൊലീസ് സ്റ്റേഷന് മുന്നിൽ നടത്തിയ ഉപരോധ സമരം ഫലം കണ്ടു. നെല്ലിയുള്ളതിൽ സുധീഷിനാണ് പൊലീസ് മർദ്ദനമേറ്റത്. തലയ്ക്കും കൈക്കും പരിക്കേറ്റ സുധീഷിനെ നാദാപുരം ഗവ. താലൂക്ക് ആശുപത്രിയിൽ പ്രവേശിപ്പിച്ചിരുന്നു.
ഇന്നലെ രാവിലെ 11 ന് സുധീഷും 
അമ്മ മാതയും സഹോദരി രാധയും വളയം  പൊലീസ് സ്റ്റേഷനിൽ എത്തി പരാതി നൽകിയിട്ടും കേസെടുത്തില്ല. ഇതേ തുടർന്ന് ഇവർ സ്റ്റേഷന് മുന്നിൽ കുത്തിയിരുന്നു .ഉച്ചയോടെ സ്ഥലത്ത് എത്തിയ നാദാപുരം എ എസ് പി : അംഗിത് അശോക് ഇവരുമായി ചർച്ച നടത്തി മർദ്ദനത്തെ കുറിച്ച് വകുപ്പു തല അന്വേഷണം നടത്തി നടപടി സ്വീകരിക്കുമെന്ന് ഉറപ്പു നൽകി .
ഇതേ തുടർന്ന് സുധീഷും കുടുംബവും വീട്ടിലേക്ക് മടങ്ങുകയായിരുന്നു .
ഈ സമരം കഴിഞ്ഞ് മണിക്കൂറു കൾക്ക് ശേഷമാണ് രണ്ടു പൊലീസുകാരെ സ്ഥലം മാറ്റിയതായി വിവരം ലഭിച്ചത് .നാദാപുരം കണ്‍ട്രോള്‍ റൂമിലെ പൊലീസു കാരനായ എ.കെ മധു, ഡ്രൈവര്‍ കെ സി ദിലീപ് കൃഷ്ണ എന്നിവരെ യാണ് സ്ഥലം മാറ്റിയത്. അതിനിടെ, വാണിമേലിലെ കാര്യാട്ട് ക്ഷേത്ര പരിസരത്ത്  ചിലർ സംഘം ചേർന്ന് മദ്യപിക്കുന്നതായി നാട്ടുകാർ പരാതി  നൽകിയിരുന്നും ഇത് അന്വേഷിക്കാൻ സ്ഥലത്തെത്തിയ പോലീസിനെ കണ്ട് ചിലർ ഓടിയെന്നും  ഇതിനിടയിൽ വീണ് പരിക്ക് പറ്റിയതാകാമെന്നുമാണ്  പോലീസ് പറയുന്നത്.

നാദാപുരം:  പാക്വായി പാലം പുനർ നിർമ്മിക്കുന്നതിന് 2 കോടി 70 ലക്ഷം രൂപ അനുവദിച്ചു. കഴിഞ്ഞ വർഷം വിലങ്ങാട് ഉണ്ടായ ഉരുൾപൊട്ടലിനെ തുടർന്ന് ഒലിച്ചുപോയ വാണിമേൽ -നരിപ്പറ്റ പഞ്ചായത്തുകളെ ബന്ധിപ്പിക്കുന്ന പാക്വായി പാലം പൂർണ്ണമായും ഒലിച്ച് പോയിരുന്നു. തദ്ദേശ സ്വയംഭരണ വകുപ്പ് മുഖേന കേരള പുനർനിർമ്മാണ ഫണ്ടിൽ നിന്നാണ് തുക അനുവദിച്ചത്. ഇ.കെ.വിജയൻ എം .എൽ.എ. മുഖ്യമന്ത്രി പിണറായി വിജയന് നൽക്കിയ നിവേദനത്തെ തുടർന്ന് തയ്യാറാക്കിയ എസ്റ്റിമേറ്റിനാണ് ഭരണാനുമതി ലഭിച്ചത്. പാലം ഒലിച്ചുപോയതിനെ തുടർന്ന് വിദ്യാർത്ഥിക്കൾ ഉൾപ്പെടെയുള്ള ജനങ്ങൾ  കിലോമീറ്ററുകൾ മാറിയാണ് നിലവിൽ ഇരു പഞ്ചായത്തുകളെയും ബന്ധപ്പെടുന്നത്. എം.എൽ.എ.യുടെ നേതൃത്വത്തിൽ പാലത്തിൻ്റെ സമീപം ജനകീയ കൺവൻഷൻ ചേർന്ന്  കമ്മറ്റി രൂപികരിച്ച് പ്രവർത്തനം നടത്തിയിരുന്നു.  ഫണ്ട് അനുവദിക്കുന്നതിൽ കാലതാമസം വന്നതിനെ തുടർന്ന്  എം.എൽ.എ. പാലത്തിൻ്റെ പ്രാധാന്യത്തെ ക്കുറിച്ച് നിയമസഭയിൽ സബ്മിഷൻ ഉന്നയിച്ചതിനെ തുടർന്ന്‌ തദ്ദേശവകുപ്പ് മന്ത്രി ഏ.സി മൊയ്തീൻ  പാലം പുന:ർ നിർമ്മിക്കുമെന്ന് സഭയിൽ രേഖാമൂലംഉറപ്പ് നൽകിയിരുന്നു. കോവിഡ് 19 നെ തുടർന്ന്‌ ഫണ്ടിൻ്റെ അപര്യാപ്തത  കാരണം പാലം പുന:നിർമ്മാണം അനിശ്ചിതമായി നീണ്ടുപോയിരുന്നു. തുടർന്ന് എം.എൽ.എ.  കഴിഞ്ഞ മാസം മുഖ്യമന്ത്രിക്ക് വീണ്ടും കത്ത് നൽകിയതിനെ തുടർന്നാണ് തുക അനുവദിച്ചത്. 7 മീറ്റർ വീതിയിൽ 57 മീറ്റർ നീളത്തിലാണ് പാലത്തിൻ്റെ എസ്റ്റിമേറ്റ് .വാണിമേൽ ഭാഗത്തെ അപ്രോച്ച് റോഡ് പൊതുമരാമത്ത് വകുപ്പിന് കീഴിലും നരിപ്പറ്റ ഭാഗം പഞ്ചായത്തിൻ്റെ കീഴിലുമായത്  ഫണ്ട് അനുവദിക്കുന്നതിന്ന് സങ്കേതിക ബുദ്ധിമുട്ട്  ഉണ്ടായിരുന്നു. അപ്രോച്ച് റോഡിനും തുക വകയിരുത്തിയിട്ടുണ്ട്. നേരത്തെ അബ്ദുൾ വഹാബ് എം.പിയുടെ എം.പി ഫണ്ടിലായിരുന്നു പാലം നിർമ്മിച്ചത്. ടെൻ്റർ നടപടി പൂർത്തിയാക്കി അടിയന്തിര പ്രാധാന്യത്തോടെ  പ്രവൃത്തി ആരംഭിക്കുമെന്ന് എം.എൽ.എ. അറിയിച്ചു.

പാറക്കടവ്: ചെക്യാട് പഞ്ചായത്തിൽ ഇന്ന് ഒമ്പത് പേർക്ക് കോവിഡ് സ്ഥിരീകരിച്ചു. അഞ്ചു കുട്ടികൾ ഉൾപ്പെടെയാണ് ഒമ്പത് പേർക്ക് രോഗം സ്ഥിരീകരിച്ചത്. ഇതിൽ ഒരാൾ അന്യസംസ്ഥാനത്ത് നിന്ന് വന്ന 29 കാരനും മറ്റുള്ളവർ സമ്പർക്കത്തിലൂടെ രോഗം ബാധിച്ചവരുമാണ്. 34 വയസ്സുള്ള പുരുഷൻ, നാല് ആൺകുട്ടികൾ (3,4,7,10 വയസ്സ്), രണ്ട് സ്ത്രീകൾ (55,31 വയസ്സ്), രണ്ട് വയസ്സുള്ള പെൺകുട്ടി എന്നിവർക്കാണ് സമ്പർക്കത്തിലൂടെ രോഗബാധ ഉണ്ടായത്. ഇതോടെ ഈ മേഖലയിൽ വീണ്ടും ആശങ്ക വർധിച്ചു. അതേസമയം രണ്ട് നാദാപുരം സ്വദേശികൾക്കും ഇന്ന് കോവിഡ് സ്ഥിരീകരിച്ചു. ഒരാൾ വിദേശത്തു നിന്ന് വന്ന 26 വയസ്സുകാരനും മറ്റൊരാൾ സമ്പർക്കത്തിലൂടെ രോഗബാധയുണ്ടായ  61 വയസുകാരനുമാണ്.

നാദാപുരം : വളയം കണ്ടിവാതുക്കൽ  അനധികൃതമായി സൂക്ഷിച്ച 500 മില്ലി ലിറ്റർ  ചാരായവും 200 ലിറ്റർ വാഷും വാറ്റുപകരണങ്ങളും കണ്ടെത്തി. ഇന്ന് ഉച്ചക്ക് ഒരു  മണിക്ക് നാദാപുരം എക്സൈസ് റെയ്ഞ്ച് പാർട്ടി  ഓണം സ്പെഷ