വടകര: ലോകത്തെ ഏറ്റവും വലിയ ജ്വല്ലറി ഗ്രൂപ്പുകളിൽ ഒന്നായ മലബാർ ഗോൾഡ് ആൻഡ് ഡയമണ്ട്സ് മൂന്നുവർഷത്തിനകം ഇന്ത്യയിലെ വിവിധ സംസ്ഥാനങ്ങളിലായി 9,860ലെ കോടി രൂപയുടെ നിക്ഷേപം നടത്തും. കേന്ദ്ര വാണിജ്യ വ്യവസായ മന്ത്രി പിയൂഷ് ഗോയൽ, സംസ്ഥാന വ്യവസായ മന്ത്രി പി രാജീവ്, എന്നിവരുടെ നേതൃത്വത്തിൽ കൊച്ചിയിൽ നടന്ന ഇൻവെസ്റ്റേഴ്സ് റൗണ്ട് ടേബിൾ കോൺഫറൻസിൽ മലബാർ ഗ്രൂപ്പ് ചെയർമാൻ എംപി അഹമ്മദ്, മലബാർ ഗോൾഡ് ഇന്ത്യ ഓപ്പറേഷൻസ് മാനേജിങ് ഡയറക്ടർ ഒ അഷർ  എന്നിവർ ആണ് പ്രഖ്യാപനം നടത്തിയത്.
മലബാർ ഗോൾഡ് ബുള്ള്യൻ ആൻഡ് ട്രഷറി ഹെഡ് ദിലീപ് നാരായണനും സംബന്ധിച്ചു. മലബാർ ഗോൾഡിന്റെ മെയ്ക്ക്‌ ഇൻ ഇന്ത്യ മാർക്കറ്റ് ടു ദ വേൾഡ് കാമ്പയിന്റ ഭാഗമായി ആഗോളതലത്തിൽ കമ്പനി നിക്ഷേപ പദ്ധതികൾ ആസൂത്രണം ചെയ്തിട്ടുണ്ട്. 2025 ഓടെ 500 പുതിയ ഷോറൂമുകൾ തുറക്കാൻ ആണ് ലക്ഷ്യം. 11000 പേർക്ക് ഇതുവഴി ജോലി ലഭിക്കും.
നാഷണൽ ഇൻഡസ്ട്രിയൽ കോറിഡോർ ഡെവലപ്മെന്റ് പരിപാടിയുടെ ഭാഗമായാണ് കൊച്ചിയിൽ നിക്ഷേപക സംഗമം നടന്നത്. മലബാർ ഗോൾഡിന്റെ പ്രവർത്തനങ്ങളെ അഭിനന്ദിച്ച പീയുഷ് ഗോയൽ കേന്ദ്ര സർക്കാരിന്റെ പിന്തുണയും വാഗ്ദാനം ചെയ്തു. ഇന്ത്യയിലും വിദേശത്തും ബി 2 ബി മാർക്കറ്റിംഗ് മലബാർഗോൾഡ് ശക്തിപ്പെടുത്തും നടപ്പുവർഷം 45000 കോടി രൂപയുടെ വിറ്റുവരവാണ് കമ്പനിയുടെ ലക്ഷ്യം.

വടകര : ലോകത്തിലെ ഏറ്റവും വലിയ ജ്വല്ലറികളില്‍ ഒന്നായ മലബാര്‍ ഗോള്‍ഡ് & ഡയമണ്ട്‌സ് വണ്‍ ഇന്ത്യ വണ്‍ ഗോള്‍ഡ് റേറ്റ് പ്രകാരം സ്വര്‍ണവിലയിലും ഫെയര്‍പ്രൈസ് പോളിസി പ്രകാരം പണിക്കൂലിയിലും വിലക്കുറവ് ഈടാക്കുന്നതിനാല്‍ ഉപഭോക്താക്കള്‍ക്ക് വന്‍ നേട്ടം.

മലബാര്‍ ഗോള്‍ഡ് &  ഡയമണ്ട്‌സ് വണ്‍ ഇന്ത്യ വണ്‍ ഗോള്‍ഡ് റേറ്റ് പോളിസി പ്രകാരം രാജ്യത്ത്  എവിടെയും സ്വര്‍ണത്തിന് ഒരേ വിലയാണ് ഈടാക്കുന്നത്. ഇന്ത്യയിലെ പല സംസ്ഥാനങ്ങളിലും ഒരു ഗ്രാം സ്വര്‍ണത്തിന്റെ വിലയില്‍ 40 മുതല്‍ 350 രൂപ വരെ വില കുറച്ച് നല്‍കാന്‍ കമ്പനിക്ക് കഴിയുുണ്ട്. വിവാഹപാര്‍ട്ടികള്‍ക്ക് വിലയുടെ 5% മുതല്‍ നല്‍കി അഡ്വാന്‍സ് ബുക്ക് ചെയ്യാമെന്നതും ഏറെ ആശ്വാസകരമാണ്. 22 കാരറ്റ് ഹാള്‍മാര്‍ക്ക് ചെയ്ത വൈവിധ്യമായ ആഭരണങ്ങള്‍ 2.9% മുതല്‍ പണിക്കൂലിയില്‍ ലഭ്യമാണ്.

പുറമേരി: കുനിങ്ങാട് മഹല്ല് കമ്മിറ്റി നടപ്പിലാക്കുന്ന സുന്ദൂഖ്- പലിശരഹിത വായ്പ പദ്ധതിക്ക് തുടക്കമായി. മഹല്ല് ഖാസി കെ എൻ അബുബക്കർ ബാഖവി മഹല്ല് വൈസ് പ്രസിഡൻറ് വലിയാണ്ടി അബ്ദുള്ള ഹാജിക്ക് നൽകി മെമ്പർഷിപ്പ് വിതരണ ഉദ്ഘാടനം നിർവ്വഹിച്ചു. പ്രസിഡൻറ് കെ സൂപ്പി മാസ്റ്റർ അധ്യക്ഷത വഹിച്ചു. വലിയാണ്ടി അബ്ദുള്ള ഹാജി, പി പി മൊയ്തു മാസ്റ്റർ, വി കെ ഫൈസൽ, ടി എം അസീസ് ഹാജി പ്രസംഗിച്ചു. സെക്രട്ടറി ടി ബി മനാഫ് മാസ്റ്റർ സ്വാഗതവും പറമ്പത്ത് സിദ്ദീഖ് മാസ്റ്റർ നന്ദിയും പറഞ്ഞു.